Beta version
Manuscript:
Saint Mark Monastery Jerusalem - SMMJ 429
Paper
Written in 1548 (1859 AG).
(32r) (b) (24) ܬܘܒ ܛܟܣܐ ܕܥܠ ܓܠܝܢܗ ܕܝܘܣܦ܆
(25) ܕܪܡܫܐ
ܕܪܚܡܥܠܝ
ܒܩ ܐܡܐ ܕܟܝܬܐ (26) ܗ̇ܘ ܕܐܬܝܠܕ ܣܛܪ ܡܢ ܫܘܚܠܦܐ. (27) ܒܥܘܒܗ̇ ܕܡܪܝܡ ܗ̇ܝ ܒܪܬ ܕܘܝܕ (28) ܫ̣ܪܐ. ܪܚ̣ܡ܀ ܡܠܐܟ ܢܘܗܪܐ. ܠܡܪܝܡ (29) ܣܒܪ ܗܘܐ. ܘܐܬܦܠܓ ܗܘܐ ܝܘܣܦ (30) ܥܠ ܒܛܢܗ̇. ܪܚ̣ܡ ܀ ܫܠܡܠܟ ܝܘܣܦ (31) ܐܡ̣ܪ ܓܒܪܐܝܠ. ܠܐ ܬܬܦܠܓ ܥܠ (32) ܒܛܢܗ̇ ܕܡܪܝܡ. ܪܚ̣ܡ܀
ܐܚܪܢܐ ܒܩ (33) ܥܕܠܐ ܢܐܙܠܘܢ ܚܘ̈ܒܝ (32v) (a) (1) ܛ̣ܣ ܗܘܐ ܥܝܪܐ ܩܠܝܠܐܝܬ. ܘܡܛܐ (2) ܠܝܘܣܦ. ܕܠ̣ܩ ܐܝܟ ܢܘܪܐ. ܘܐܝܟ ܩܠ (3) ܪܥܡܐ. ܡܠܠ ܥܡܗ. ܐܬܪܚܡ ܥܠܝܢ (4) ܐܠܗܐ܀ ܐܒ̣ܪܩ ܙܗܪܐ ܕܫܠܗܒܝܬܐ. ܘܪܥ̣ܠ (5) ܟܐܢܐ. ܦܬ̣ܚ ܗܘܐ ܦܘܡܗ: ܘܐܡ̣ܛܪ (6) ܓܘܡܪ̈ܐ ܡܢ ܦܬܓ̈ܡܘܗܝ. ܐܬܪܚܡ ܀ (7) ܡܬ̣ܚ ܗܘܐ ܐܒܪ̈ܘܗܝ. ܘܐܬܡ̣ܠܝ ܒܝܬܐ (8) ܥܢܢܐ ܕܢܘܗܪܐ. ܘܫܪܝ ܡܡܠܠ ܘܪܥ̇ܠ (9) ܟܐܢܐ ܥܠ ܬܫܘܝܬܗ. ܐܬܪܚܡ
(10) ܡܪܝܐ ܩܪܝܬܟ:
ܨܠܝ ܡܪܝܐ ܒܪ̈ܚܡܐ ܫܘܒܚܐ (11) ܠܗ ܠܒܪ ܐܠܗܐ. ܕܐܬ̣ܐ ܠܒܛܢܐ ܒܨܒܝܢܗ. (12) ܘܥܠ ܕܐܬܦܠܓ ܗܘܐ ܝܘܣܦ. ܫܪܪܗ (13) ܗܘܐ ܒܝܕ ܡܠܐܟܐ܀ ܘܟܕ ܐܬܬܥܝܪ ܗܘܐ (14) ܡܢ ܫܢܬܗ. ܝܘܣܦ ܟܐܢܐ ܘܙܕܝܩܐ. (15) ܘܩܪܗ̇ ܠܡܪܝܡ ܘܐܡ̣ܪ ܠܗ̇. ܕ ܣ̇ܓܕ (16) ܐܢܐ ܠܕܫܪܐ ܒܥܘܒܟܝ܀ ܒܪܝܟ ܗܘ (17) ܕܓܠ̣ܐ ܠܗ ܠܝܘܣܦ: ܒܝܕ ܥܝܪܐ (18) ܕܫܕܪ ܠܘܬܗ. ܕܡܢ ܪܘܚܐ ܕܩܘܕܫܐ (19) ܗܘ ܒܛܢܗ̇ ܕܒܬܘܠܬܐ ܠܐ ܬܬܦܠܓ܀ (20) ܒܠܠܝܐ ܢܚ̣ܬ ܗܘܐ ܓܒܪܐܝܠ. ܪܝܫ (21) ܡ̈ܠܐܟܐ ܠܘܬ ܝܘܣܦ. ܕܢܫܬܪܪ ܗܘܐ (22) ܥܠ ܒܛܢܗ̇. ܕܒܪܬ ܕܘܝܕ ܡܠܝܬ݀ (23) ܫܘܦܪ̈ܐ܀ ܒܪܝܟ ܗܘ ܕܒܒܛܢܗ ܐܦܨܚܢ. (24) ܒܪܝܟ ܕܒܝܠܕܗ ܚܪܪ ܠܢ. ܒܪܝܟ ܗܘ (25) ܕܒܨܠܝܒܗ ܦܪܩܢ. ܡܢ ܛܥܝܘܬܐ ܕܦܬܟܪ̈ܐ (26) ܀ ܫܘܒ ܠܗ ܠܒܪܐ ܓܢܝܙܐ ܕܐܬܬܚܬܝ (27) ܡܛܠܬܢ. ܘܫ̣ܪܐ ܒܥܘܒܗ̇ ܕܒܬܘܠܬܐ: (28) ܘܕܢ̣ܚ ܡܢܗ̇ ܘܚܬܝܡܐ
(29) ܩ̈ܠܐ ܕܪܡܫܐ: (30) ܡܫܝܚܐ ܢܛܪܝܗ̇ ܠܥܕܬܟ ܒܨܦܪܐ ܐܬܬܥܝܪ (31) ܡܢ ܫܢܬܗ: ܝܘܣܦ ܟܐܢܐ ܘܐܬܕܡ̣ܪ. (32) ܒܚܙܘܐ ܕܬܗܪܐ ܕܚܘܝ ܗܘܐ. ܡܠܐܟܐ (33) ܕܡܠܠ ܥܡܗ. ܘܚܘܝܗ ܒܐܝܪܬܐ (34) ܕܐܚܝܕܐ. ܘܚܬܝܡ ܬܪܥܗ̇. ܘܡܠܟܐ ܫܪܐ (32v) (b) (1) ܒܓܘܗ̇. ܘܐܫܬܪܪ ܠܗ ܥܠ ܒܛܢܗ̇. (2) ܕܒܬܘܠܬܐ ܕܡܢ ܪܘܚ ܩܘܕܫܐ ܗܘ. (3) ܫܘ ܠܗ̇ܘ ܚܝܠܐ: ܕܫܪܐ ܒܟܪܣܗ̇ (4) ܕܒܪܬ ܕܘܝܕ. ܘܐܬܓܫܡ ܒܗ̇ ܕܟܝܐܝܬ. (5) ܕܢܦܪܘܩ ܠܐܕܡ. ܘܠܟܠܗܘܢ ܝܠ̈ܕܘܗܝ (6) ܕܒܠܝܘ܀ ܥܡܢܘܐܝܠ ܐܠܗܐ. ܫ̣ܪܐ (7) ܒܥܘܒܗ̇ ܕܡܒܪܟܬܐ. ܘܝܘܣܦ (8) ܕܚܙܐ ܗܘܐ ܒܛܢܗ̇. ܐܬܦܠܓ ܗܘܐ ܪܥܝܢܗ. (9) ܕܓܠ̣ܐ ܠܗ ܡܪܝܐ ܒܚܙܘܐ. ܕܚܬܝܡ (10) ܥܘܒܗ̇ ܕܒܬܘ ܡܪܝܡ. ܕܢܛܝܪܐ ܗܝ (11) ܒܒܬܘܠܘܬܗ̇. ܐܘ ܒܪ ܕܘܝܕ ܠܐ ܬܕܚܠ܆ (12) ܘܐܬܬܥ̣ܝܪ ܡܢ ܫܢܬܗ܆ ܘܐܫ̣ܬܪܪ ܗܘܐ (13) ܪܥܝܢܗ. ܫܘ ܠܗ ܕܒܝܕ ܚܘܒܗ (14) ܨܒ̣ܐ ܘܐܬܓܫܡ. ܕܢܩܝܡ ܠܢ ܡܢ (15) ܡܦܘܠܬܐ ܐܚܪܢܐ: ܩܘܩܝܐ ܒܪܡܫܐ (16) ܐܬܡܠܟ ܝܘܣܦ ܡܛܠ ܡܪܝܡ. (17) ܕܒܨܦܪܐ ܢܩܕܡ ܢܫܪܝܗ̇ ܐܝܟ (18) ܕܠܓܝܪܬܐ. ܘܟܕ ܕܡܝܟ ܗܘܐ ܒܠܠܝܐ (19) ܢܚ̣ܬ ܨܝܕܘܗܝ܆ ܪܝܫܡ̈ܠܐܟܐ. ܘܗܟܢ (20) ܐܡ̣ܪ ܠܗ: ܕܐܘ ܒܪ ܕܘܝܕ ܠܐ ܬܬܦܠܓ (21) ܡܛܠ ܡܪܝܡ: ܕܡܢ ܪܘܚܐ ܕܩܘܕܫܐ (22) ܒܛܢܐ ܘܗ̣ܘ ܦܪܩ ܥܠ̈ܡܐ ܗܗ ܀ (23) ܟܕ ܕܝܢ ܐܬܓܠܝ ܠܗ ܠܝܘܣܦ (24) ܡܛܠ ܒܛܢܗ̇. ܕܒܬܘ ܕܟܝܬܐ ܡܪܝܡ. (25) ܕܡܢ ܪܘܚܐ ܗܘ ܕܩܘܕܫܐ. ܒܕܚܠܐ (26) ܪܒܐ ܡܫܡܫ ܗܘܐ ܩܘܕܡܝܗ̇ ܆ (27) ܘܒܚ̈ܢܓܬܐ ܠܗ̇ ܡܬܟܫܦ ܗܘܐ. ܒ̇ܥܐ (28) ܐܢܐ ܡܢ ܕܟܝܘܬܟܝ ܫܒܘܩ ܠܝ (29) ܣܟܠܘܬܝ. ܡܛܠ ܕܐܬܚܫܒܬ ܐܫ̣ܪܝܟܝ (30) ܐܝܟ ܕܠܓܝܪܬܐ ܗܗ
(31) ܒܥܘܬܐ ܕܡܪܝ ܝܥܩܘܒ (32) ܘܟܕ ܚܘܫ̈ܒܐ ܫܩܠܘܗܝ (33) ܠܝܘܣܦ ܕܢܫܪܐ ܠܡܪܝܡ. ܒܫܢܬܐ (34) ܪܡܐ ܗܘܐ ܕܒܡܪܢܝܬܐ ܐܬܦܫܚ (33r) (a) (1) ܗܘܐ: ܘܟܕ ܥܠ ܫܢܬܗ ܕܠܠܝܐ ܫܠܝܐ (2) ܢܚ̣ ܗܘܬ ܟܐܢܐ. ܒܪܗ̇ ܕܒܬܘܠܬܐ ܪܡ̣ܙ (3) ܗܘܐ ܠܥܝܪܐ ܕܢܚܘܬ ܨܝܕܘܗܝ܀ ܒܪܝܫ (4) ܦܬܓ̈ܡܘܗܝ ܟܠܝܠܐ ܝܗ̣ܒ ܠܗ (5) ܕܒܪ ܕܘܝܕ ܗܘ: ܕܢܬܟܝܢ ܗܘܐ ܕܡܢ (6) ܒܝܬ ܕܘܝܕ ܕܢ̇ܚ ܡܠܟܐ. ܩܪܝܗܝ ܒܪ (7) ܕܘܝܕ ܐܝܟ ܪܡܙ ܠܗ ܕܢܣܬܟܠ ܗܘܐ. (8) ܕܡܢ ܒܝܬ ܕܘܝܕ ܕܢ̇ܚ ܡܠܟܐ ܕܟܬܒ (9) ܝܥܩܘܒ
(10) ܡܥܝܪܢܐ ܕܠܠܝܐ ܕܒܪܟܘ: ܝ̇ܐܐ ܘܙ̇ܕܩ (11) ܝܘܡܢܐ ܢܚ̣ܬ ܡܠܐܟܐ. ܨܝܕ ܝܘܣܦ ܕܐܬܦܠܓ ܗܘܐ. (12) ܡܛܠ ܒܛܢܐ ܩܕܝܫܐ: ܕܡܪܝܡ ܒܬܘ (13) ܒܪܬ ܕܘܝܕ. ܫܘ ܠܟ ܓܠܝ ܠܝ (14) ܒܬܘ ܡܘܢ ܓܕܫܟܝ. ܝܘܣܦ ܠܡܪܝܡ (15) ܐܡ̇ܪ ܗܘܐ. ܡ̇ܢ ܐܛܥܝ ܒܟܝ ܐܘ ܕܟܝܬܐ. (16) ܘܚܠܨ ܫܘܦܪ̈ܝܟܝ ܘܐܗܠ ܒܟܝ. (17) ܫܘ ܠܟ ܀ ܢܚ̣ܬ ܡܠܐܟܐ ܘܣܒܪܗ ܗܘܐ. (18) ܠܝܘܣܦ ܟܐܢܐ ܕܐܬܦܠܓ. ܡܛܠ (19) ܒܛܢܗ ܩܕܝܫܐ ܕܥܡܢܘܐܝܠ ܐܠܗܐ: (20) ܫܘ ܠܟ܀ ܫܘ ܠܛܒܐ ܕܒܪ̈ܚܡܘ. ܫ̣ܪܐ (21) ܒܒܬܘܠܬܐ ܕܨܒ̣ܐ ܗܘܐ. ܕܝܘܣܦ ܟܐܢܐ (22) ܘܬܪܝܨܐ. ܒܝܕ ܡܠܐܟܐ ܫܪܪܗ ܗܘܐ. (23) ܫܘ ܠܟ ܐܚܪܢܐ: ܐܥܝܪܝܢܝ ܕܐܙܡܪ ܠܟ (24) ܟܕ ܐܬܚܫܒ ܗܘܐ ܝܘܣܦ. ܕܢܫܪܝܗ̇ (25) ܠܡܪܝܡ ܡܛܫܝܬܝܬ. ܕܣ̣ܒܪ ܠܗ (26) ܕܡܢ ܓܘܪܐ ܐܝܬܘܗܝ ܒܛܢܐ ܕܫܪܐ (27) ܒܗ̇܀ ܩ̣ܪܐ ܘܐܡ̣ܪ ܠܗ ܠܐ ܬܕܚܠ. (28) ܒܪ ܕܘܝܕ ܘܠܐ ܬܬܦܠܓ܆ ܕܗ̇ܘ ܕܫ̣ܪܐ (29) ܒܒܬܘܠܬܐ: ܗܘܝܘ ܡܪܐ ܕܒܪ̈ܝܬܐ.
(30) ܩܘܡܐ ܩܕܡܝܐ ܕܠܠܝܐ:
(31) ܛܘܒܝܟܝ ܥܕܬܐ ܚ̣ܙܐ ܗܘܐ ܝܘܣܦ. (32) ܠܡܪܝܡ ܡܟܝܪܬܗ ܟܕ ܒܛܢܐ. ܘܟܪܝܬ݀ ܠܗ (33) ܡܛܠܬܗ̇. ܘܥܢ̣ܐ ܘܗܟܢ ܐܡ̣ܪ ܠܗ̇. (33r) (b) (1) ܕܐܝܟܢܐ ܗܕܐ ܓܕܫ̣ܬ݀. ܕܡܢ ܙܘܘܓܐ (2) ܐܬܛܢܦܬܝ. ܘܐܬܚܠܨܬ݀ ܡܪܓܢܝܬܟܝ܆ (3) ܘܐܡ̣ܪܬ݀ ܠܗ ܒܬܘܠܬܐ ܠܟܐܢܐ. (4) ܕܐܠܗܝ ܣ̇ܗܕ ܥܠ ܗܕܐ ܕܡܡ̣ܬܘܡ (5) ܓܒܪܐ ܠܐ ܚܟܝܡ ܠܝ܀ ܢܚ̣ܬ ܗܘܐ (6) ܥܝܪܐ. ܨܝܕ ܝܘܣܦ ܡܛܠ ܡܪܝܡ. (7) ܘܓܠ̣ܐ ܠܗ ܡܛܠ ܒܛܢܗ̇. ܕܛܘܒܢܝܬܐ (8) ܒܪܬ ܕܘܝܕ. ܟܕ ܐܡ̇ܪ ܕܠܐ ܬܟܪܐ ܠܗ. (9) ܡܛܠ ܒܛܢܗ̇ ܩܕܝܫܐ. ܕܡܢ ܪܘܚܐ (10) ܕܩܘܕܫܐ ܐܝܬܘ. ܘܠܗ ܗܘ ܟܬ̣ܒ (11) ܐܦ ܐܫܥܝܐ. ܕܗܐ ܒܬܘ ܒܛܢܐ ܘܝ̇ܠܕܐ. (12) ܥܡܢܘܐܝܠ ܐܠܗܐ
(13) ܡܕܪܫܐ ܩ ܐܦܢܐ ܕܝܢ ܘܐܫܬܥܐ ܠܟܘܢ (14) ܥܘ ܒܪܝܟ ܗܘ ܕܫܕܪ ܡܠܐܟܗ. ܘܚܘܝ ܠܟܐܢܐ (15) ܓܠܝܢܗ ܠ̈ܟܫܠܐ ܘܦܘ̈ܠܓܐ ܕܠܒܗ܆ (16) ܕܝܘܣܦ ܒܪ ܕܘܝܕ ܐܥ̣ܒܪ. ܕܐܬܦܠܓ (17) ܡܛܠ ܒܛܢܐ. ܟܕ ܣ̇ܒܪ ܠܗ ܕܡܢ (18) ܓܘܪܐ ܗܘ. ܘܠܪܫܝܢܗ ܕܒܬܘ. ܫܬܩ (19) ܗܘܐ ܒܝܕ ܓܠܝܢܗ. ܒܝܕ ܓܒܪܐܝܠ (20) ܡܠܐܟܐ ܫܪܪܐ ܫܪܪ : ܘܓܠ̣ܐ ܠܗ (21) ܡܛܠ ܒܛܢܐ ܕܛܥܝܢܐ ܒܬܘ ܡܪܝܡ܆ (22) ܕܡܢ ܪܘܚܐ ܕܩܘܕܫܐ ܐܝܬܘ ܘܒܪܗ (23) ܕܐܠܗܐ ܢܬܩܪܐ܀ ܘܟܕ ܗܠܝܢ ܕܝܢ (24) ܐܡ̇ܪ. ܐܡ̇ܪ ܗܘܐ. ܓܒܪܐܝܠ ܪܝܫ (25) ܡ̈ܠܐܟܐ. ܐܬܬܥܝܪ ܝܘܣܦ ܒܪ ܕܘܝܕ: (26) ܘܠܐ ܬܬܦܠܓ ܥܠ ܡܪܝܡ. ܕܝܠܕܐ (27) ܕܫܪܐ ܒܓܘ ܥܘܒܗ̇. ܠܘ ܡܢ ܙܘܘܓܐ (28) ܐܝܬܘܗܝ: ܗܐ ܬܐܠܕ ܠܗ̇ ܝܠܕܐ (29) ܘܫܡܗ ܝܫܘܥ. ܘܦ̇ܪܩ ܡܢ ܚ̈ܛܗܐ (30) ܠܥܡܗ ܘܡܐܚܐ ܟܠ ܕܡܗܝܡܢ (31) ܒܗ: ܗܝܡܢ ܝܘܣܦ ܒܪ ܕܘܝܕ. (32) ܘܝܠܦ ܫܪܪܐ ܡܢ ܥܝܪܐ ܐܚܪܢܐ ܒܩ (33) ܠܟܢܫܐ ܥܠܝܐ ܥܘ ܫܘ ܠܟ ܡܪܢ ܕܒܝܕ (33v) (a) (1) ܡܠܐܟܐ ܫܪܪܬܝܗܝ ܠܝܘܣܦ ܟܐܢܐ (2) ܥܠ ܒܛܢܟ ܠܐ ܦܐܝܐ ܕܡܢ ܙܪܥ ܝܘܣܦ (3) ܢܬܝܠܕ. ܘܠܐ ܒܠܥܕ ܝܘܣܦ ܕܡܢ ܡܪܝܡ (4) ܢܬܒܛܢ. ܡܪܝܡ ܕܝܠܕܬܗ܆ ܠܐ (5) ܐܬܟ̣ܬܒ ܒܫܡܗ̇. ܐܦ ܝܘܣܦ ܕܐܬ̣ܟܬܒ (6) ܠܘ ܡܢ ܙܪܥܗ. ܕܠܐ ܦܓܪܗ ܕܝܘܣܦ (7) ܢܩܦ ܫܡܗ܆ ܕܠܐ ܡܟܝܪܗ̇ ܕܡܪܝܡ (8) ܕܢ̣ܚ ܒܪܗ̇: ܗܘ̣ܐ ܡܪܐ ܠܕܘܝܕ ܐܦ (9) ܒܪܐ܀ ܐܡܐ ܕܝܠܕܬܗ ܫܘܝܐ ܗ̣ܝ (10) ܠܕܘܟܪܢܐ. ܘܟܢܦܐ ܕܛܥܢܬܗ ܫܘܝܐ (11) ܗܝ ܠܥܘܗܕܢܐ. ܐܦ ܝܘܣܦ ܕܐܬܩܪܝ (12) ܐܒܐ ܒܛܝܒܘ. ܠܒܪܐ ܕܫܪܪܐ ܕܥܡ (13) ܐܒܘܗܝ ܡܫܒܚܐ ܗܘ. ܗ̇ܘ ܕܪܥ̇ܐ (14) ܠܟܠ ܒܪ̈ܝܢ ܐܫܬܠ̣ܚ: ܘܠܥܪܒܐ (15) ܕܛܥ̣ܐ ܐܦܢ̣ܝܗ̇. ܘܠܕܝܪܗ ܙܝܚ (16) ܐܥ̣ܠܗ ܐܠܗܐ ܕܪܚܡܬܘܢܝܗܝ ܥܘܢܝܐ (17) ܫܘ ܠܗ̇ܘ ܕܒܝܕ ܥܝܪܐ ܫ̇ܪܪܗ ܠܝܘܣܦ (18) ܕܐܬܦܠܓ ܫܘ ܚܕܬܐ ܩܪܒ ܗܘܐ. (19) ܝܘܣܦ ܟܐܢܐ ܝܘܡܢܐ. ܠܗ̇ܘ ܕܢܚ̣ܬ (20) ܘܫ̣ܪܐ ܒܟܪܣܐ: ܕܢܦܪܘܩ ܠܐܕܡ (21) ܘܠܝܠ̈ܕܘܗܝ܀ ܚܪܬ݀ ܡܪܝܡ ܨܝܕ (22) ܥܘܒܗ̇. ܘܐܡ̣ܪܬ݀ ܠܒܪܗ̇ ܒܟܪܝܘܬܐ. (23) ܒܪܝ ܚܒܝܒܐ ܚܙܝ ܫܘܥܒܕܝ: ܘܐܪܝܡ (24) ܚܣܕܗ̇ ܕܝܠܕܬܟ
(25) ܒܥܘܬܐ ܕܡܪܝ ܝܥܩܘܒ (26) ܟܕ ܕܝܢ ܝܘܣܦ ܡ̣ܛܐ (27) ܡܢ ܥܡܠܐ ܕܢܓܪܘܬܐ. ܥܠ̣ ܗܘܐ (28) ܠܒܝܬܗ ܘܚܙ̣ܗ̇ ܠܡܪܝܡ ܕܪܒ̣ܐ (29) ܟܪܣܗ̇. ܡܚ̣ܐ ܥܠ ܐܦܘ̈ܗܝ ܒܚܫܐ (30) ܪܒܐ ܟܕ ܐܡ̇ܪ ܗܘܐ: ܕܣܒܐ ܡܚܝܠܐ (31) ܥܒܝܕ ܐܢܐ ܚܣܕܐ ܒܝܬ ܐܝܣܪܐܝܠ܀ (32) ܐܡ̇ܪܐ ܡܪܝܡ ܣ̇ܗܕ ܗܘ ܠܝ ܗ̇ܘ (33) ܕܫܪܐ ܒܟܪܣܝ. ܕܠܐ ܝ̇ܕܥܐ ܐܢܐ ܓܘܪܐ (34) ܡܡܬܘܡ ܘܚܬܝܡܐ ܐܢܐ. ܚܪܬ݀ (33v) (b) (1) ܟܢܝܟܬܐ ܠܘܩܒܠ ܥܘܒܗ̇ ܒܚܫܐ (2) ܪܒܐ. ܘܢܚ̣ܬ ܥܝܪܐ ܫܪܪܗ ܠܟܐܢܐ (3) ܘܩ̣ܡ ܣܓܕ ܠܡܪܝܡ
(4) ܩܘܡܐ ܕܬܪ̈ܝܢ ܕܠܠܝܐ :
(5) ܦܬܚ ܠܝ ܬܪܥܗ ܕܚܢܢܟ ܫܩ̣ܠ ܓܒܪܐܝܠ (6) ܦܘܩܕܢܐ. ܘܢܚ̣ܬ ܨܝܕ ܝܘܣܦ ܟܐܢܐ. (7) ܟܕ ܡܥܛܦ ܫܠܗܒܝܬܐ. ܘܩ̣ܪܐ ܠܝܘܣܦ (8) ܘܐܡ̣ܪ ܠܗ. ܕܠܐ ܬܬܦܠܓ ܒܪ ܕܘܝܕ: (9) ܥܠ ܩܕܝܫܬܐ ܘܒܬܘ. ܕܗ̇ܘ ܕܫ̣ܪܐ (10) ܒܥܘܒܗ̇ ܗܘܝܘ ܡܪܐ ܕܒܪ̈ܝܬܐ ܀ (11) ܐܬܬܥܝܪ ܝܘܣܦ ܡܢ ܫܢܬܗ: ܘܩ̣ܡ (12) ܒܪܬܝܬܐ ܘܠܡܪܝܡ ܣܓܕ: ܡܘܕܐ (13) ܐܢܐ ܘܡܗܝܡܢ ܐܢܐ. ܕܗܐ ܡܪܝ (14) ܥܡܟܝ ܘܛܥܝܢܬܝ ܠܗ. ܘܥܠ (15) ܕܐܦܠܓܬ ܥܠ ܒܛܢܟܝ. ܗܐ ܒܕܩ (16) ܠܝ. ܓܒܪܐܝܠ. ܕܗ̇ܘ ܕܫ̣ܪܐ ܒܥܘܒܟܝ܆ (17) ܗܘܝܘ ܡܪܐ ܕܒܪ̈ܝܬܐ
(18) ܣܘܓܝܬܐ ܕܥܠ ܡܪܝܡ ܘܝܘܣܦ ܩ (19) ܐܝܢܘ ܕܢܓܪܐ ܒܨܠܘܬܐ ܩ̇ܡܬ. ܒܬܟܫܦܬܐ (20) ܩܕܡ ܐܠܗܐ. ܘܥܝܪܐ ܢܚ̣ܬ ܣܒܪܢܝ. ܘܝܗ̣ܒ (21) ܠܝ ܫܠܡܐ ܘܐܡ̣ܪ ܠܝ. ܫܠܡܠܟܝ ܒܪܬ (22) ܕܘܝܕ܆ ܡܪܝ ܥܡܟܝ ܘܡܢܟܝ ܕܢ̇ܚ. (23) ܐܫܪܝܢܝ ܝܘܣܦ܀ ܩ̇ܝܡܐ ܕܝܢ (24) ܡܪܝܡ. ܩܘܕܡܬ݀ ܝܘܣܦ ܟܢܝܟܐܝܬ. (25) ܟܕ ܒ̇ܟܝܐ ܒܚܫܐ. ܘܐܡ̇ܪܐ ܠܗ (26) ܪܥܘܡܐܝܬ. ܫܡ̣ܥ ܟܐܢܐ ܝܘܣܦ. (27) ܘܨܘ̣ܬ ܡ̈ܠܝ ܣܒܐ ܙܗܝܐ. ܕܠܐ ܡܕܓܠܐ (28) ܐܢܐ ܒܟ ܀ ܠܐ ܚܝ̈ܝܟ ܝܘܣܦ. ܘܠܐ ܚܝ̈ܝܗ̇ (29) ܬܘܒ ܕܒܬܘܠܘܬܝ. ܠܐܓܒܪܐ ܝ̇ܕܥܢ ܡܢ (30) ܝܘܡܐ ܕܐܬܝܠܕܬ ܒܗ. ܘܗܐ ܒܪܝ ܣ̇ܗܕ (31) ܠܝ. ܕܠܐ ܡܕܓܠܐ ܐܢܐ ܒܟ܀ ܠܐ ܡܕܓܠܐ (32) ܐܢܐ ܒܟ. ܗܐ ܒܪܝ ܣ̇ܗܕ ܥܠ (33) ܚܐܪܘܬܝ. ܕܠܐ ܓܫ̣ܦ ܒܗ̈ܕܡܝ. ܡܘܡܐ (34r) (a) (1) ܣܢܝܐ ܕܓܝܪ̈ܐ. ܘܗܐ ܒܪܝ ܣ̇ܗܕ ܠܝ܆ (2) ܕܠܐ ܡܕܓܠܐ ܐܢܐ ܒܗ܀ ܠܐ ܚܘܛܪܗ (3) ܕܡܘܫܐ. ܘܫܘܫܦܐ ܗܝ ܕܥܠ (4) ܐܦ̈ܘܗܝ. ܠܐ ܝ̇ܕܥܢ ܓܒܪܐ: ܘܠܐ ܓܫ̣ܦ (5) ܓܘܪܐ ܒܗܕ̈ܡܝ. ܘܗܐ ܒܪܝ ܣ̇ܗܕ (6) ܠܝ ܕܠܐ ܟܦܪܢ ܒܫܡܗ܀ ܠܐ ܗ̇ܝ (7) ܡܪܟܒܬܐ. ܕܚ̣ܙܐ ܢܒܝܐ ܚܙܩܝܐܝܠ. (8) ܒܓܘ ܗܝܟܠܩܘܕܫܐ. ܠܐ ܝ̇ܕܥܐ ܐܢܐ (9) ܡܘܢ ܕܐܡ̇ܪܬ. ܐܘ ܣܒܐ ܙܗܝܐ. ܘܠܐ (10) ܐܫ̣ܬܪܝܘ ܒܬܘ̈ܠܝ ܕܟܝܘܬܝ. ܐܘ (11) ܡܟܝܪܐ ܟܐܢܐ܀ ܠܐ ܫܒܛܗ ܕܐܗܪܘܢ. (12) ܘܠܐ ܢ̈ܡܘܣܘܗܝ ܕܐܕܘܢܝ. ܠܐ ܗ̇ܢ (13) ܦܘܩܕܢܐ. ܕܐܚ̣ܬ ܡܘܫܐ ܒܛܘܪ ܣܝܢܝ (14) ܠܐ ܚܙ̣ܐ ܠܝ ܓܒܪܐ. ܘܠܐ ܪܓܝܫܐ ܐܢܐ (15) ܒܙܘܘܓܐ. ܘܗܐ ܒܪܝ ܣܗܕ ܠܝ. (16) ܕܠܐ ܡܕܓܠܢ ܒܫܡܗ܀ ܐܡ̇ܪܐ ܕܝܢ (17) ܡܪܝܡ. ܫܘ ܠܗ̇ܘ ܨ̇ܐܪ ܥܘ̈ܠܐ. ܕܗܘ̣ܐ (18) ܒܝ ܥܘܠܐ. ܘܟܕ ܠܐ ܪܓܝܫܐ ܐܢܐ (19) ܒܛܢܬܗ. ܘܠܗ ܗܘ ܣ̇ܓܕܐ ܐܢܐ. (20) ܕܐܝܟ ܝܠܘܕܐ ܗܐ ܫ̣ܪܐ ܒܟܪܣܝ. ܐܘ (21) ܡܟܝܪܐ ܟܐܢܐ܀ ܫܘ ܠܗ̇ܘ ܕܫܕܪ. (22) ܠܓܒܪܐܝܠ ܪܝܫ ܡ̈ܠܐܟܐ. ܘܐܡ̣ܪ ܠܗ (23) ܠܝܘܣܦ. ܕܠܐ ܬܬܩܢܛ ܥܠ (24) ܡܪܝܡ. ܕܥܘܠܐ ܕܛܥܝܢܐ. ܗܘܝܘ ܡܕܒܪ (25) ܟܠ ܥܘ̈ܠܝܢ. ܐܘ ܝܘܣܦ ܐܫ̣ܪ (26) ܐܚܪܬܐ ܕܥܠ ܝܘܣܦ ܘܫܪܒܗ ܩ (27) ܥܡܐ ܘܥܡ̈ܡܐ ܥܘ ܫܘ ܠܟ ܡܪܝ (28) ܕܫܪܪܬܝܗܝ ܠܝܘܣܦ ܟܐܢܐ ܥܠ (29) ܒܛܢܟ ܒܟܪܣܐ ܥܘܠܐ ܨ̇ܐܪ ܠܗ: (30) ܘܒܬ̈ܕܝܗ̇ ܚܠܒܐ ܡܦܨܚ ܟܠ. ܒܬ̈ܘܠܐ (31) ܢܛܝܪܝܢ ܘܥܘܒܐ ܡܠܐ. ܟܪܣܐ ܛܥܝܢܐ (32) ܘܪܐܙܐ ܟܣܐ܀ ܓܠܝ ܠܝ ܪܐܙܐ ܡܢܐ (33) ܗܘܟܝ. ܓܘܢܚܐ ܗܘ ܪܒܐ ܕܡܡܠܠܬ. (34r) (b) (1) ܡ̇ܢ ܐܛܥܝ ܒܟܝ ܐܘ ܛܠܝܬܐ. (2) ܘܚܠܨ ܥܘܬܪܟܝ ܐܘ ܢܟܦܬܐ ܀ (3) ܕܐܫ̣ܪ ܗܕܐ ܥܣܩܐ ܗܝ ܠܝ. ܘܠܐ (4) ܫܪܝܪܐ ܠܐ ܬܬܢܝܗ̇. ܗ̇ܝ ܕܐܣܬܥܪܬ݀ (5) ܐܢ ܨ̇ܒܝܬܝ. ܡܠܠܝ ܨܝܕܝ ܐܝܟ ܕܗܘ̣ܬ݀܀ (6) ܗܠܝܢ ܡ̈ܠܐ ܠܒܬܘܠܬܐ. ܠܐ ܡܬܒ̈ܥܝܢ (7) ܡܪܝܡ ܫܡ̣ܥܝ. ܕܓܠܘܬܐ ܠܐ ܩܝ̇ܡܐ. (8) ܫܪܪܐ ܡܠܠܝ ܐܢ ܨ̇ܒܝܬܝ܀ ܘ̇ܠܐ ܗܘܐ (9) ܠܟܝ ܕܬܩܒܠܝܢ܆ ܘܕܠܐ ܬܣܪܒܝܢ (10) ܐܠܐ ܫܠܝ. ܒܬܪ̈ܬܝܢ ܒܝ̈ܫܢ ܗܐ ܢܦܠܬܝ (11) ܕܒܬܪܓܘܪܟܝ ܗܐ ܡܕܓܠܬܝ܀ ܙܘܥܐ (12) ܗܘ ܪܒܐ ܕܡܡܠܠܬܝ. ܘܐܝܟܢ ܐܫ̣ܪ (13) ܡܘܢ ܕܐܡܪܬ. ܡܡܬܘܡ ܒܬܘܠܬܐ ܠܐ (14) ܒܛܢܐ. ܐܠܐ ܢܩ̣ܦܬ݀ ܘܐܙܕܘܓܬ݀ ܀ (15) ܚܘܐ ܠܐܕܡ ܐܬܢܩܦܬ݀. ܘܒܙܘܘܓܐ ܝ̈ܠܕܝܗ̇ (16) ܣܓ̣ܝܘ. ܘܐܢܬܝ ܒܠܚܘܕܝܟܝ ܗܐ ܣܪܒܬܝ. (17) ܕܕܠܐ ܙܘܘܓ ܥܘܒܟܝ ܡܠܐ܀ ܛܥܝܬܝ (18) ܐܝܟ ܡ̈ܝܐ ܐܘ ܥܠܝܡܬܐ. ܩܪܝ ܒܟ̈ܬܒܐ (19) ܘܚ̣ܙܝ ܒܗܘܢ: ܕܒܬܘ̈ܠܬܐ ܠܐ ܝ̈ܠܕܢ. (20) ܕܠܐ ܙܘܘܓܐ ܐܝܟ ܡܠܬܟܝ܀ ܝ̇ܐܐ ܗܘܐ (21) ܠܟܝ ܕܬܬܟܚܕܝܢ: ܡܢ ܣܘܥܪܢܐ (22) ܕܟܠܗ ܓܠܐ. ܕܒܬܪܓܘܪܟܝ ܗܐ (23) ܡܕܓܠܬܝ. ܕܒܬܘܠܬܐ ܐܢܬܝ ܐܝܟ (24) ܕܐܡܪܬܝ܀ ܟܕܘ ܛܠܝܬܐ ܡܫܬܒܗܪܬܝ. (25) ܒܕܓܠܘܬܐ ܕܠܐ ܩܝ̇ܡܐ. ܕܒܚܕ (26) ܓܘܫܡܐ ܠܐ ܡܫܟܚܐ. ܒܬ̈ܘܠܐ ܘܝܠܕܐ (27) ܕܢܟܬܪܘܢ܀ ܠܡܢܘ ܕܡܝܬܝ ܐܢ (28) ܝܕܥܬܝ: ܘܐܝܟ ܡܠܬܟܝ ܡ̇ܢ ܕܡ̇ܐ (29) ܠܟܝ. ܕܠܟܝ ܒܠܚܘܕܝܟܝ ܗܕܐ ܗܘ̣ܬ݀. (30) ܟܕ ܠܐ ܐܝܬܝܗ̇ ܫܪܝܪܬܐ܀ ܡܢܟܝ ܡܕܝܢ (31) ܗܘ̣ܬ݀ ܗܕܐ. ܚܕܬܐ ܕܬܫܪܐ ܒܥܠܡܐ. (32) ܕܠܐ ܬܚܘܝܬܐ ܕܠܟܝ ܕܡ̇ܝܐ. ܘܠܐ (33) ܦܘܫܩܐ ܠܡܘܢ ܕܐܡܪܬܝ ܀ ܢܫܠܐ (34v) (a) (1) ܦܘܡܟܝ ܕܥܘܒܟܝ ܡܠܐ. ܘܡܩܛܪܓ. (2) ܠܟܝ ܘܠܐ ܕܚܠܬܝ. ܘܗ̣ܘ ܣܘܥܪܢܟܝ (3) ܣ̇ܗܕ ܥܠܝܟܝ܆ ܘܐܝܟܢ ܬܫܠܝܢ ܠܐ (4) ܝ̇ܕܥܬ܀ ܣܓܝ ܥܣܩܐ ܕܐܗܝܡܢܝ. (5) ܕܠܐ ܚܠܦܬܝܢܝ ܐܝܟ ܕܐܡ̇ܪܬܝ. ܕܐܢܐ (6) ܒܒܛܢܟܝ ܠܐ ܪܓܝܫ ܐܢܐ. ܘܐܬܓܠܝܬ݀ (7) ܠܗ̇ ܕܡܕܓܠܬܝ܀ ܥܣܩܐ ܗܝ ܗܕܐ (8) ܕܐܗܝܡܢ܆ ܘܐܫܪ ܠܡܕܡ ܕܡܡܠܠܬܝ. (9) ܕܗ̣ܘ ܣܘܥܪܢܐ ܣ̇ܗܕ ܥܠܝܟܝ܆ (10) ܘܡܛܠܗܢܐ ܠܡܘܢ ܕܪܫܬܝ ܀ ܦܗܝܐ (11) ܒ̈ܡܠܝܟܝ ܐܘ ܥܠܝܡܬܐ. ܠܡܙܥ ܡܢܟܝ (12) ܕܠܐ ܕܚܠܬܝ. ܣܒ̣ܝ ܕܘܠܠܐ ܘܙܠ̣ܝ (13) ܒܫܠܡ. ܘܡ̣ܢܝ ܕܝܠܝ ܪܐܙܐ ܠܐ (14) ܡܬܓܠܐ܀ ܨܘ̣ܬܝ ܐܡ̇ܪ ܠܟܝ ܚܟܝܡܬܐ. (15) ܟܕ ܛܒ ܐܫ̣ܪ ܡܘܢ ܕܐܡ̇ܪܬܝ. ܠܐ (16) ܡܡܪܚ ܐܢܐ ܐܩܪܘܒ ܠܗ̇ܘ. ܥܘܒܐ (17) ܕܟܝܐ ܕܢܘܪܐ ܡܠ̣ܐ܀ ܩܠܐ ܕܥܡܐ ܠܐ (18) ܫ̇ܡܥܬܝ. ܕܐܝܟ ܓܝܪܐ ܒܝ ܚ̇ܝܪܝܢ. (19) ܘܠܐ ܡܩܒܠܝܢ ܠܗ ܠܡܘܢ ܕܐܡ̇ܪܬܝ܆ (20) ܕܠܐ ܐܬܚܙܝܬ݀ ܗܕܐ ܬܘܒ܀ ܪܒ ܗܘ (21) ܪܐܙܐ ܕܡܡܠܠܬܝ. ܘܠܝ ܣܘܪܕܐ (22) ܗܘ ܡܢ ܡܠܬܟܝ. ܘܟܡܐ ܕܬܣܓܝܢ (23) ܗ̇ܝ ܗܘܝܐ. ܐܥܪܘܩ ܡܢܟܝ ܡܘܢ (24) ܫܚܩܬܝ܀ ܫܪܪܗ̇ ܕܡܪܝܡ ܡܪܗ̇ (25) ܚܙ̣ܐ. ܘܠܛܠܝܡܘܬܗ̇ ܣ̇ܗܕܐ ܗܘܐ. (26) ܘܪܡ̣ܙ ܘܢܚ̣ܬ ܚܕ ܦ̇ܠܚܐ. ܘܫܪܪ (27) ܡ̈ܠܝܗ̇ ܕܛܠܝܡܬܐ܀ ܕܬܗ̣ܪ ܒܗ̇ (28) ܝܘܣܦ ܒܥܠܝܡܬܐ. ܘܝܩܪ ܘܣܓܕ (29) ܠܒܬܘܠܬܐ. ܟܕ ܐܡ̇ܪ ܗܘܐ ܕܣ̇ܓܕ (30) ܐܢܐ. ܠܒܝܪܬܐ ܕܡܠܟܐ ܫ̣ܪܐ ܒܓܘܗ̇. (31) ܀ ܬܘܕܝ ܠܪ̈ܚܡܝܟ ܚܢܢܐ. ܕܠܐ (32) ܐܗܡܝܬ ܡܪܝ ܡܢ ܐܡܬܟ. ܘܒܥܓܠ (33) ܐܬܝ̣ܬ ܠܐܝܠܗ̇. ܘܠܐ ܐܪܦ̣ܝܬ ܒܗ̇ ܐܝ̈ܕܝܐ
(34v) (b) (1) ܒܥܘܬܐ ܕܡܪܝ ܐܦܪܝܡ ܟܕ ܐܬܚܫܒ (2) ܗܘܐ ܝܘܣܦ. ܕܢܫܪܐ ܠܡܪܝܡ (3) ܡܛܫܝܐܝܬ. ܕܣ̇ܒܪ ܗܘܐ ܠܗ ܕܡܢ (4) ܓܘܪܐ. ܐܝܬܘ ܒܛܢܐ ܕܫܪܐ ܒܗ̇. ܥܠ (5) ܫܢܬܐ ܕܠܠܝܐ ܢܚ̣ ܗܘܐ. ܕܒܡܪܢܝܬܐ (6) ܐܬܦܫܟ܀ ܩ̣ܪܐ ܘܐܡ̣ܪ ܠܗ ܠܐ ܬܕܚܠ. (7) ܒܪ ܕܘܝܕ ܬܐܣܒ ܐܢܬܬܟ. ܕܗ̇ܘ ܕܫ̣ܪܐ (8) ܒܒܬܘܠܘܬܗ̇. ܗܘܝܘ ܡܪܐ ܕܒܪ̈ܝܬܐ. (9) ܘܒܗ̇ ܗܘ ܕܢ̇ܚ ܦܘܪܩܢܐ. ܠܒܢܝ̈ܢܫܐ (10) ܡܢ ܛܘܥܝܝ. ܩܘܡ ܘܣܓܘܕ ܠܗ̇ (11) ܠܒܬܘܠܬܐ. ܘܙܡ̣ܪ ܫܘ ܠܕܫ̣ܪܐ ܒܗ̇
(12) ܡܘܪܒܐ: ܟܕ ܡܩܕܡܝܢܢ ܟܕ ܕܝܢ (13) ܐܬ̣ܐ ܥܝܪܐ ܠܘܬ ܝܘܣܦ. ܫܪܪܗ ܘܗܟܢ (14) ܐܡ̣ܪ ܠܗ. ܕܗ̇ܘ ܕܒܡܪܝܡ ܐܝܬܘܗܝ. (15) ܡܠܬܗ ܕܐܒܐ ܫܡܝܢܐ܀ ܟܕ ܡܩܕܡܝܢܢ (16) ܡܬܟܫܦܝܢܢ ܠܟ. ܡܫܝܚܐ ܕܕܢܚ̣ (17) ܠܢ ܒܪ̈ܚܡܘܗܝ. ܚܣܐ ܚ̈ܘܒܝܢ ܒܚܢܢܟ. (18) ܕܢܘܕܐ ܠܟ ܥܠ ܛܝܒܘܬܟ ܐܚܪܬܐ ܒܩ (19) ܕܐܬܦܢ̣ܝ ܒܪ̈ܚܡܘܗܝ ܒܪܝܟ ܗܘ (20) ܡܫܝܚܐ. ܕܨܒ̣ܐ ܘܐܬܬܚܬܝ ܒܪ̈ܚܡܘ. (21) ܘܗܘ̣ܐ ܥܘܠܐ ܒܛܝܒܘܬܗ. ܗ̇ܘ ܕܦ̣ܪܩ (22) ܘܫܘܙܒ ܠܢ. ܩܕܝܫܐ ܐܠܗܐ ܀ (23) ܒܪܝܟ ܗܘ ܡܫܝܚܐ. ܕܓܒ̣ܗ̇ ܠܡܪܝܡ (24) ܒܪܬ ܕܘܝܕ. ܘܗܘ̣ܐ ܥܘܠܐ ܒܓܘ (25) ܟܪܣܗ̇. ܩܕܝܫܐ ܐܠܗܐ ܫܒܚܘ ܥ̈ܒܕܘ (26) ܒܓܘ ܥܕܬ ܩܘܕ ܕܓܒܝܬ ܐܡ̇ܪܐ ܠܗ (27) ܒܬܘܠܬܐ ܠܝܘܣܦ. ܫܡܥܝܢܝ ܟܐܢܐ (28) ܐܡ̇ܪ ܠܟ. ܠܐ ܐܠܗܐ ܕܐܒ̈ܗܝܢ ܠܐ (29) ܝ̇ܕܥܢܝ ܓܒܪܐ ܡܡܬܘܡ܀ ܐܡ̇ܪܐ ܠܗ (30) ܒܬܘܠܬܐ ܠܝܘܣܦ. ܕܥܝܪܐ ܕܢܘܪܐ (31) ܢܚ̣ܬ ܨܝܕܝ. ܘܣܒܪܢܝ ܒܛܢܐ ܘܐܡ̣ܪ (32) ܠܝ. ܕܚܝܠܗ ܐܝܬܘܗܝ ܕܥܠܝܐ܀ ܐܘ (33) ܝܘܣܦ ܠܐ ܬܬܦܠܓ. ܥܠ ܒܛܢܗ̇ (35r) (a) (1) ܕܡܪܝܡ ܒܬܘܠܬܐ. ܕܡܢ ܪܘܚܐ (2) ܕܩܘܕܫܐ ܐܝܬܘܗܝ. ܘܒܪܗ ܕܥܠܝܐ (3) ܢܬܩܪܬ܀ ܒܫܘܦܪܟܝ ܗܘ ܡܬܒܩܐ (4) ܗܘܝܬ. ܘܒܒܛܢܟܝ ܗܐ ܬܗ̇ܪ ܐܢܐ. ܘܡܘܢ (5) ܐܡ̇ܪ ܠܐ ܝ̇ܕܥ ܐܢܐ. ܐܢܬ ܡܪܝ ܓܠ̣ܝ (6) ܠܝ ܠܫܪܪܐ ܐܚܪܢܐ: ܗܐ ܚܬܢܐ ܡܛܝ (7) ܚܘ̈ܫܒܐ ܫܩܠܘܗܝ ܠܝܘܣܦ ܕܢܫܪܐ (8) ܠܡܪܝܡ. ܘܦܓ̣ܥ ܒܗ ܚܠܡܐ ܕܠܠܝܐ (9) ܥܡ ܓܒܪܐܝܠ܀ ܟܡܝܪ ܗܘܐ ܒܪܡܫܐ. (10) ܘܢ̇ܫܒܐ ܒܗ. ܪܘܚ ܦܘ̈ܠܓܐ. ܘܚܠܡܐ (11) ܕܝܢ ܗܘ̣ܐ ܠܗ ܣ̇ܦܪܐ ܕܫܪܝܪ̈ܬܐ ܀ (12) ܥܒ̣ܕ ܕܘܠ̣ܠܐ ܟܕ ܕܡܝܟ ܒܚܫܐ ܪܒܐ. (13) ܘܩ̣ܡ ܒܨܦܪܐ. ܣ̇ܓܕ ܘܡܦܝܣ ܥܠ (14) ܬܪܥܘܬܐ܀ ܠܟ ܬܫܒܘ ܐܠܗܐ. ܕܫ̣ܪܐ (15) ܒܡܪܝܡ. ܘܫ̣ܪܐ ܗܘܐ ܠܟܫܠܐ ܕܝܘܣܦ (16) ܒܝܕ ܓܒܪܐܝܠ
ܕܨܦܪܐ
ܕܪܚܡ܆ (17) ܐܢܬ ܕܠܒܬܘܠܬܐ ܡܪܝܡ ܗ̇ܘ ܕܐܬܬܚܬܝ (18) ܒܪ̈ܚܡܘܗܝ. ܠܒܛܢܐ ܡܛܠ ܡܝ̈ܘܬܐ. (19) ܫܝܢ ܥܕܬܟ. ܘܢܛܪ ܝܠ̈ܕܝܗ̇ ܒܨܠܝܒܟ. (20) ܐܠܗܐ܀ ܐܡ̇ܪ ܠܗ̇ ܝܘܣܦ ܠܡܪܝܡ. (21) ܒܬܘܠܬܐ ܕܟܝܬܐ ܘܩܕܝܫܬܐ. ܓܠܝ ܠܝ (22) ܪܐܙܐ. ܡ̇ܢ ܚܠܨ ܠܒܬܘܠܘܬܟܝ. ܐܠܗܐ (23) ܐܬܪܚܡ܀ ܐܡ̇ܪܐ ܡܪܝܡ ܠܝܘܣܦ. (24) ܕܥܝܪܐ ܕܢܘܪܐ ܢܚ̣ܬ ܨܝܕܝ. ܘܣܒܪܢܝ (25) ܒܛܢܐ ܘܝܠܕܐ. ܕܐܝܬܘܗܝ ܕܘܡܪܐ. ܐܠܗܐ (26) ܀ ܒܪܝܟ ܗܘ ܡܪܝܐ. ܕܓܒܟܝ. ܘܩܕܫܟܝ (27) ܘܥܒܕܟܝ ܠܗ ܐܡܐ. ܒܬܘ ܡܪܝܡ. (28) ܘܐܘܪܒ ܝܘܡܐ ܕܕܘܟܪܢܟܝ. ܐܠܗܐ܀ (29) ܐܡ̇ܪ ܥܝܪܐ ܠܝܘܣܦ. ܕܒܪ ܕܘܝܕ (30) ܠܐ ܬܬܦܠܓ. ܡܛܠ ܒܛܢܐ ܫܒܝܚܐ (31) ܕܒܬܘ ܡܪܝܡ. ܐܠܗܐ܀ ܫܪܪܝܗ̇ ܡܪܝ (32) ܠܥܕܬܟ. ܒܝܘܠ̈ܦܢܐ ܬܪ̈ܝܨܝ ܫܘܒܚܐ. (33) ܐܝܟ ܕܠܝܘܣܦ ܕܫܪܪܬܝܗܝ ܡܛܠ (35r) (b) (1) ܒܛܢܟ. ܐܠܗܐ ܐܠܗܝ ܐܠܗܝ܆ ܒܪܐ (2) ܕܫܪܐ ܒܡܪܒܥܐ ܒܬܘܠܐ ܒܪܐ ܕܢܚ̣ܬ (3) ܠܒ̣ܫܗ ܠܐܕܡ. ܘܐܩܝܡܗ ܡܢ ܡܦܘܠܬܐ. (4) ܘܡܙܓ ܠܗ ܦܓܪܗ ܘܕܡܗ. ܘܐܫܘ̣ܝ (5) ܠ̈ܝܠܕܘܗܝ ܠܬܫܒܘܚܬܗ. ܡܒܪܟ܀ (6) ܪܡ̇ܐ ܕܢܚ̣ܬ ܗܘܐ ܘܣܥܪܢ. ܘܐܬ̣ܐ ܠܒܛܢܐ (7) ܒܛܝܒܘܬܗ. ܘܫܪܪܗ ܠܝܘܣܦ: ܕܐܬܦܠܓ (8) ܚܣܐ ܚܘ̈ܒܝܢ ܒܚܢܢܟ. ܡܒܪܟ ܐܢܬ܀ (9) ܫܘ ܠܗ̇ܘ ܕܐܪܟܢܘܗܝ ܪ̈ܚܡܘ. ܘܠܒ̣ܫ (10) ܦܓܪܐ ܕܐܢܫܘܬܢ. ܘܐܬ̣ܐ ܘܣܥܪܢ ܒܚܢܢܗ. (11) ܘܦܪܩܢ ܒܕܡܗ ܡܢ ܛܘܥܝܝ. ܡܒܪܟ (12) ܀ ܢܚ̣ܬ ܥܝܪܐ ܒܚܙܘܐ ܕܚܠܡܐ. (13) ܠܝܘܣܦ ܟܐܢܐ ܘܐܡ̣ܪ ܠܗ. ܕܠܐ (14) ܬܬܦܠܓ ܒܪ ܝܥܩܘܒ. ܥܠ ܒܛܢܗ̇ (15) ܕܛܘܒܢܝܬܐ. ܡܒܪܟ ܐܢܬ ܐܚܪܢܐ: ܠܢܨܪܬ݀ (16) ܡܕܝܢܬܐ ܚܝܠܗ ܕܐܒܐ ܥܠܝܐ ܐܓܢ (17) ܒܟܪܣܐ ܕܒܬܘܠܬܐ. ܘܗܘ̣ܐ ܥܘܠܐ. (18) ܘܝܘܣܦ ܟܐܢܐ ܕܐܬܦܠܓ. ܡܛܠ (19) ܒܛܢܗ̇ ܕܗ̇ܝ ܒܪܬ ܕܘܝܕ. ܘܐܡ̣ܪ ܠܗ (20) ܪܝܫ ܡ̈ܠܐܟܐ. ܕܗ̇ܘ ܕܒܟܪܣܗ̇. ܐܠܗܐ (21) ܗܘ ܘܒܪ ܐܠܗܐ܀ ܚܙ̣ܐ ܗܘܐ ܝܘܣܦ (22) ܒܝܕ ܚܠܡܐ ܠܥܝܪܐ ܕܢܘܪܐ. ܕܩ̣ܡ (23) ܩܘܕܡܘܗܝ ܘܗܟܢ ܐܡ̣ܪ. ܠܐ ܬܕܚܠ (24) ܐܘ ܒܪ ܕܘܝܕ. ܠܡܣܒ ܠܡܪܝܡ (25) ܒܬܘܠܬܐ ܕܟܝܬܐ. ܕܗ̇ܘ ܕܫ̣ܪܐ ܒܗ̇ ܩܕ (26) ܗܘ. ܘܒܪ ܥܠܝܐ ܡܠܬܗ ܕܐܒܐ (27) ܡܬܘܡܝܐ ܀ ܘܝ̇ ܠܗ ܠܐܝܢܐ ܕܠܐ ܗܝܡܢ (28) ܫܪܝܪܐܝܬ. ܒܡܬܝܬܟ ܡܠܟܐ ܡܫܝܚܐ. (29) ܛܘܒܘܗܝ ܠܐܝܢܐ ܕܗܝܡܢ ܗܘܐ. ܘܐܫ̣ܪ (30) ܒܚܘܒܐ ܕܐܠܗܐ ܐܢܬ. ܝܚܝܕܝܐ ܕܐܬܒܣܪ. (31) ܕܢܦܪܘܩ ܥ̈ܠܡܐ ܫܡܝܐ ܡܫܬܥܝܢ ܩ. (32) ܒܬܘܠܬܐ ܝܠܕܬ݀ ܕܘܡܪܐ ܐܬܬܥܝܪ ܝܘܣܦ (33) ܡܢ ܫܢܬܗ. ܘܚ̣ܙܗ̇ ܠܒܬܘ. ܘܒܪܟ (35v) (a) (1) ܘܣܓܕ ܠܗ̇. ܣ̇ܓܕ ܐܢܐ ܠܥܘܒܟܝ ܕܟܝܐ. (2) ܕܒܪ ܡܠܟܐ ܗܐ ܡܕܝܪ ܒܗ. ܫܘܒܚܐ (3) ܠܗ ܕܐܬܬܚܬܝ. ܠܦܘܪܩܢܐ ܕܟܠܗ (4) ܥܠܡܐ܀ ܐܡ̇ܪ ܠܗ̇ ܝܘܣܦ ܠܡܪܝܡ. (5) ܕܐܝܟܢ ܐܬܚܠܦܬܝ. ܒܬܘ ܕܠܐ ܡܘܡܐ. (6) ܕܒܫܘܦܪܟܝ ܡܬܒܩܐ ܗܘܝܬ. ܘܗܫܐ (7) ܒܒܛܢܟܝ ܬܗ̇ܪ ܐܢܐ. ܫܢܝ ܠܟܝ ܠܐܬܪܐ (8) ܐܚܪܢܐ. ܡܟܝܪܬܐ ܕܠܓܒܪܗ̇ ܢܟܠܬ݀܀ (9) ܒܪ ܐܠܗܐ ܕܐܬܬܚܬܝ ܘܫ̣ܪܐ ܒܒܬܘ. (10) ܘܡܢܗ̇ ܐܬܓܫܡ. ܘܫܪܪܗ ܠܝܘܣܦ (11) ܕܐܬܦܠܓ: ܘܐܥܒ̣ܪ ܡܢܗ ܟܪܝܘܬܐ. ܚܣܐ (12) ܚܘ̈ܒܝܢ ܘܚ̈ܛܗܝܢ. ܕܢܫܒܚܟ ܠܥܠܡ (13) ܥܠܡܝܢ܀ ܡܢ ܐܒܐ ܕܠܐ ܫܘܪܝܐ. ܐܬܝܠܕ (14) ܡܠܬܐ. ܩܕܡ ܕܢܗܘܐ ܫܡܫܐ. ܘܡܢ (15) ܒܬܘ ܕܠܐ ܙܘܘܓܐ: ܒܬܗܪܐ ܪܒܐ ܐܬܒܣܪ: (16) ܘܠܐ ܡܬܕܪܟ ܝܠܕܗ ܡܬܘܡܝܐ. ܕܕܘܡܪܐ (17) ܗܘ ܡܪܝܐ ܘܠܐ ܡܬܒܨܐ܀ ܬܗܪܐ ܪܒܐ (18) ܚܙܝܬ݁ ܐܚ̈ܝ. ܒܓܘ ܢܨܪܬ݀ ܕܓܠܝܠܐ (19) ܝܘܡܢ. ܘܐܬܕܡܪܬ. ܒܬܘ ܕܠܐ ܚܟܡܗ̇ (20) ܓܒܪܐ: ܕܒܛܢ̣ܬ݀ ܘܒܬܘ̈ܠܝܗ̇ ܢܛܝܪܝܢ. (21) ܘܥܝܪ̈ܐ ܘܐܢܫ̈ܐ ܩ̇ܥܝܢ. ܒܪܝܟܐ ܗܝ (22) ܡܪܝܡ ܕܝܠܕܬܗ܀ ܒܛܠ ܡܪܢ ܡܢ (23) ܥܕܬܟ ܣܕ̈ܩܐ ܘܚܪ̈ܝܢܐ ܕܟܠܗܝܢ (24) ܐܪ̈ܣܝܣ. ܘܗ̣ܒ ܠܗ̇ ܫܝܢܐ ܘܫܠܡܐ. (25) ܘܐܘܝܘܬܐ ܘܚܘܒܐ ܕܟܝܐ. ܕܬܣܓܘܕܝ (26) ܘܬܫܒܚܟ. ܒܟܠܙܒܢ ܘܠܥܠܡܥܠܡܝܢ. (27) ܬܫܒܘ ܚܕܬܐ ܝܘܡܢܐ ܢܚ̣ܬ ܗܘܐ ܥܝܪܐ (28) ܨܝܕ ܝܘܣܦ ܕܐܬܦܠܓ ܥܠ ܒܛܢܗ̇ (29) ܕܡܪܝܡ. ܥܢ̣ܐ ܘܐܡ̣ܪ ܠܗ ܕܠܐ ܬܬܦܠܓ (30) ܐܘ ܒܪ ܕܘܝܕ. ܕܗ̇ܘ ܕܛܥܝܢܐ ܒܒܬܘ̈ܠܝܗ̇. (31) ܡܠܬܐ ܗܘ ܕܡܢ ܐܒܐ܀ ܝܘܡܢܐ ܡܠܐܟܐ (32) ܒܝܕ ܚܠܡܐ. ܠܒܒܗ ܗܘܐ ܠܝܘܣܦ. (33) ܟܕ ܐܡ̇ܪ ܠܗ ܕܡܢ ܪܘܚ ܩܘܕܫܐ (35v) (b) (1) ܐܝܬܘܗܝ ܒܛܢܗ̇. ܕܡܒܪܟܬܐ ܘܕܟܝܬܐ. (2) ܡܪܝܡ ܒܪܬ ܕܘܝܕ܀ ܐܡ̇ܪ ܝܘܣܦ. (3) ܣ̇ܓܕ ܐܢܐ ܠܗ ܠܗ̇ܘ ܝܠܕܐ ܕܕܢ̣ܚ ܡܢ (4) ܡܪܝܡ. ܕܒܓܘ ܒܝܬ ܠܚܡ ܩܘܪܝܬ݀ (5) ܕܘܝܕ ܗܐ ܐܬܝܠܕ. ܘܡܣܩܝܢ ܠܗ ܕܝܢ (6) ܬܫܒܘܚܬܐ. ܕܠܥܠ ܥܡ ܕܠܬܚܬ܀ (7) ܢܚ̣ܬ ܥܝܪܐ: ܠܘܬ ܝܘܣܦ ܒܪ ܕܘܝܕ. (8) ܘܦܟܪܗ ܗܘܐ ܒܫܢܬܐ. ܘܡܠܠ ܥܡܗ (9) ܪܡܙܢܐܝܬ. ܟܕ ܐܡ̇ܪ ܠܗ. ܕܗ̇ܘ ܕܡܢ (10) ܡܪܝܡ ܡܬܝܠܕ. ܦ̇ܪܩ ܒܪ̈ܝܬܐ ܀ (11) ܝܘܡܢܐ. ܚܕܘܬܐ ܘܦܨܝܚܘܬܐ. ܐܬܡܠܝ (12) ܗܘܐ ܝܘܣܦ. ܟܕ ܩܒܠ ܗܘܐ ܕܝܢ (13) ܓܠܝܢܐ ܪܡܙܢܐܝܬ. ܕܗ̇ܘ ܕܫ̣ܪܐ ܒܥܡܗ̇ (14) ܕܡܪܝܡ. ܡܪܐ ܗܘ ܕܒܪ̈ܝܬܐ ܀ ܬܗܪܐ ܪܒܐ. (15) ܘܕܘܡܪܐ ܚܙܝܬ݁ ܐܚ̈ܝ ܝܘܡܢ ܒܓܘ (16) ܢܨܪܬ. ܒܬܘܠܬܐ ܕܒܛܢܐ. ܟܕ ܠܐ ܚܟܡܗ̇ (17) ܓܒܪܐ ܡܡܬܘܡ. ܘܥܝܪ̈ܐ ܘܐܢܫܐ ܟܕ (18) ܙܡ̇ܪܝܢ. ܫܘ ܠܕܫ̣ܪܐ ܒܗ̇
(19) ܡܘܪܒܐ ܩ ܠܟܝ ܕܟܝܬܐ ܘܙܗܝܬ݀ ܒܓܘܫܡܗ̇: (20) ܟܕ ܫܟܒ ܗܘܐ ܝܘܣܦ ܒܫܢܬܐ. ܢܚ̣ܬ (21) ܗܘܐ ܥܝܪܐ ܡܢ ܪܘܡܐ. ܘܡܢ ܢܘܗܪܗ (22) ܡܠ̣ܐ ܗܘܐ ܒܝܬܐ. ܘܐܬܬܙܝܥ ܘܐܬܬܥܝܪ (23) ܒܪܬܝܬܐ. ܘܠܐ ܐܫܟ̣ܚ ܠܡܡܠܠܘ. (24) ܡܕܡ ܕܫܡ̣ܥ ܡܢ ܥܝܪܐ܀ ܥܡܢܘܐܝܠ (25) ܥܡܢ ܐܢܬ. ܐܠܗܐ ܕܡܢ ܐܠܗܐ. ܘܚܕ (26) ܐܝܬܘܗܝ ܘܠܐ ܡܬܥܩܒ. ܐܫܥܝܐ ܐܟܬܒ (27) ܘܐܡ̣ܪ. ܘܐܙܥ̣ܩ ܘܐܟ̣ܪܙ ܓܠܝܐܝܬ: (28) ܕܫܡܗ ܡܬܩܪܐ ܕܘܡܪܐ ܠܟܝ ܕܠܥܠ (29) ܡܢ ܗܘܢܐ ܘܡܠܬܐ ܒܝܬܐ ܟܠܗ (30) ܐܬܡܠܝ ܗܘܐ ܢܘܗܪܐ ܥܙܝܙܐ. ܘܩܦ̣ܕ (31) ܟܐܢܐ ܥܠ ܬܫܘܝܬܗ. ܘܩ̣ܡ ܪܥ̇ܠ (32) ܘܡܠܐ ܬܗܪܐ. ܘܣ̇ܓܕ ܡܘܕܐ ܘܡܫܒܚ. (33) ܠܚܝܠܗ ܕܥܠܝܐ܀ ܫܦܝܪ ܗܘܐ ܠܗ (36r) (a) (1) ܠܝܘܣܦ ܟܐܢܐ ܟܕ ܡܢܨܪ ܠܗ̇ (2) ܠܡܪܝܡ ܒܬܘܠܬܐ ܗ̇ܝ ܒܪܬ ܕܘܝܕ: (3) ܟܕ ܚ̇ܕܐ ܘܪܘܙ ܠܒܗ. ܘܡܫܒܚ (4) ܠܡܪܝܐ. ܕܓܒܗ̇. ܘܢܨܚܗ̇ ܒܒܪܝܬܐ (5) ܫܒܚܘ ܥܒ̈ܕܘܗܝ: ܐܬܬܥܝܪܘ ܕܡ̈ܟܐ (6) ܐܬܬܥܝܪ ܝܘܣܦ ܡܢ ܫܢܬܗ ܒܙܘܥܐ (7) ܪܒܐ. ܘܐܪܟܢ ܪܝܫܗ ܟܕ ܣ̇ܓܕ. (8) ܠܗ̇ܘ ܕܫ̣ܪܐ ܒܗ̇ ܒܕܟܝܬܐ. ܘܠܟ ܝ̇ܐܐ (9) ܫܘ ܐܠܗܐ܀ ܥܡܢܘܐܝܠ ܫ̣ܪܐ ܒܡܪܝܡ (10) ܘܫܪܝܪܐܝܬ. ܘܥܡ ܐܒܘܗܝ ܫ̣ܪܐ (11) ܒܫܡܝܐ. ܘܚܕ ܐܝܬܘܗܝ ܘܠܐ ܡܬܦܠܓ (12) ܘܠܟ ܝ̇ܐܐ܀ ܫܘ ܠܐܒܐ ܩܕܝܫܐ ܕܫܕܪ (13) ܥܝܪܐ. ܕܢܚܘܐ ܫܪܪܐ ܠܝܘܣܦ. ܥܠ (14) ܒܛܢܐ ܕܡܒܪܟܬܐ. ܘܠܟ܀ ܛܘܒܝܟܝ (15) ܡܪܝܡ ܒܪܬ ܕܘܝܕ ܒܬܘܠܬܐ ܕܟܝܬܐ. (16) ܕܝܠܕܬܝܘܗܝ ܒܒܬܘܠܘܬܟܝ. ܠܥܘܠܐ (17) ܕܩܫܝܫ ܡܢ ܕܪ̈ܐ. ܘܠܟܝ ܛܘܒܝܟܝ (18) ܝܠܕܬ݀ ܐܠܗܐ܀ ܐܒܠ̣ܐ ܘܚܫܐ ܐܬܥܛܦ (19) ܝܘܣܦ ܟܐܢܐ. ܘܐܝܟ ܐܡܐ (20) ܡܒܝܢܝܬܐ. ܒܟܪܝܘܬܐ ܥܠܝܗ̇ ܒ̇ܟܐ (21) ܗܘܐ. ܘܠܟ ܛܘܒܝܟ ܝܘܣܦ ܕܠܗ̇ (22) ܫܡܫܬ ܣ̇ܓܕ ܠܟ ܡܪܝܐ ܐܡ̣ܪܬ݀ ܡܪܝܡ (23) ܒܚܢܓܬܐ. ܫܠܝ ܝܘܣܦ ܡܢ (24) ܦܘܠܓܐ. ܕܐܢܐ ܠܐ ܝ̇ܕܥܢܝ ܓܒܪܐ. (25) ܘܐܠܗܝ ܣ̇ܗܕ ܠܛܠܝܡܘܬܝ ܀ (26) ܦܢܝ ܝܘܣܦ ܟܕ ܐܡ̇ܪ. ܕܫܠܝ (27) ܩܠܟܝ ܐܘ ܡܪܝܡ. ܕܠܐ ܗܘ̣ܬ݀ ܗܕܐ (28) ܒܢܩ̈ܒܬܐ. ܐܢܬܬܐ ܕܝ̇ܠܕܐ ܕܠܐ ܓܒܪܐ (29) ܀ ܫܠܡܠܟܝ ܡܠܝܬ݀ ܛܝܒܘܬܐ ܩܥ̈ܝܢ (30) ܟܠܗܝܢ ܒܪ̈ܝܬܐ. ܫܠܡܠܟܝ ܕܝܠܕܬܝ (31) ܕܠܐ ܦܘܫܩ܆ ܠܗ̇ܘ ܫܡܫܐ ܕܙܕܝܩܘ (32) ܀ ܚ̣ܙܗ̇ ܝܘܣܦ ܠܡܪܝܡ ܕܒܛܢܐ. (33) ܘܟܪܝܬ݀ ܠܗ ܡܛܠܬܗ̇. ܘܐܡ̣ܪ ܠܗ̇ (36r) (b) (1) ܕܐܝܟܘ ܫܘܦܪܟܝ. ܘܒ̈ܬܘܠܐ ܕܥܛܝܦܐ (2) ܗܘܝܬܝ
ܛܘܒܝܗܘܢ. ܡܐ ܫܦܝܪ ܗܘܐ (3) ܡܐ ܫܦܝܪ ܗܘܐ ܫܠܡܐ. ܕܝܗ̣ܒ ܗܘܐ (4) ܥܝܪܐ ܠܝܘܣܦ ܟܐܢܐ. ܟܕ ܫܪܪܗ (5) ܗܘܐ ܥܠ ܒܛܢܗ̇ ܕܡܒܪܟܬܐ. ܕܗ̇ܘ (6) ܕܫ̣ܪܐ ܒܗ̇. ܗ̇ܘ ܒܪܗ ܕܥܠܝܐ ܐܝܬܘ (7) ܀ ܡܐ ܫܦܝܪ ܗܘܐ ܩܠܗ̇ ܕܗ̇ܝ ܒܪܬ (8) ܕܘܝܕ. ܟܕ ܐܡ̇ܪܐ ܠܗ ܠܝܘܣܦ (9) ܟܐܢܐ ܘܡܦܝܣܐ ܕܠܐ ܬܟܪܐ ܠܟ. ܕܠܐ (10) ܘܗ̇ܘ ܕܒ̣ܪܢܝ. ܠܐ ܚܟܝܡ ܠܝ ܓܒܪܐ (11) ܡܡܬܘܡ܀ ܡܐ ܦܐܝܐ ܘܫܦܝܪܐ ܗ̇ܝ (12) ܒܪܬ ܩܠܐ ܕܪܝܫ ܡ̈ܠܐܟܐ. ܕܠܝܘܣܦ (13) ܡܠܒܒ ܗܘܐ ܠܗ. ܕܠܐ ܢܬܦܠܓ. (14) ܥܠ ܗ̇ܘ ܒܛܢܐ ܩܕܝܫܐ ܕܫ̣ܪܐ ܒܡܪܝܡ. (15) ܀ ܡܐ ܦܐܐ ܗܘܐ ܘܫܦܝܪ ܗܘܐ (16) ܠܝܘܣܦ ܟܐܢܐ. ܟܕ ܣܓ̇ܕ ܗܘܐ ܠܒܬܘ (17) ܕܟܝܬܐ ܡܪܝܡ ܘܦܐܪܐ ܕܝܠܕܬ݀ ܘܥܢ̣ܐ (18) ܘܐܡ̣ܪ. ܫܠܡ ܠܟܝ ܡܠܝܬ݀ ܛܝܒܘܬܐ܀ (19) ܡܐ ܫܦܝܪܐ ܒܬܘ ܕܟܝܬܐ ܡܪܝܡ. (20) ܘܦܐܪܐ ܕܝܠܕܬ݀. ܕܝܠܕܬܗ ܠܒܪܗ̇ (21) ܒܘܟܪܐ ܒܓܘ ܒܝܬ ܠܚܡ. ܘܢܛܝܪ (22) ܛܒܥܐ. ܕܒܬܘܠ̈ܝܗ̇ ܥܕܡܐ ܠܥܠܡ܆
(23) ܩ̈ܠܐ ܕܨܦܪܐ ܩ ܐܢܐ ܐܢܐ ܢܘܗܪܐ (24) ܫܪܝܪܐ ܐܡ̇ܪܝܢ ܠܗ ܝܘ̈ܕܝܐ ܠܝܘܣܦ. (25) ܕܡܢ ܓܘܪܐ ܒܛܢܐ ܡܟܝܪܬܟ. ܘܐܡ̣ܪ (26) ܠܗܘܢ ܕܠܐ ܡܫܪ ܐܢܐ ܠܗ̇. ܠܣܗܕܘܬܐ (27) ܗ̇ܝ ܕܣ̇ܗܕܝܬܘܢ܆ ܕܝ̇ܕܥ ܐܢܐ ܠܗ̇ (28) ܠܗ̇ ܠܢܟܦܘܬܗ̇: ܘܠܕܟܝܘܬܐ ܕܪܥܝܢܗ̇܆ (29) ܒܩܕܘܫܩܘ̈ܕܫܝܢ ܐܬܪܒܝܬ݀. ܘܒܫܡ (30) ܡܪܝܐ ܐܬܡܟܪܬ: ܘܒܝܬ ܐܝܕܘ̈ܗܝ (31) ܡܓܥܠ ܐܢܐ ܠܗ̇܀ ܟܕ ܡܓܣ ܟܐܢܐ (32) ܫܠܝܐܝܬ. ܘܒܫܢܬܐ ܦܟܝܪ ܬܚܘܒܐ. (33) ܡܠܐܟܐ ܕܢܘܪܐ ܢܚ̣ܬ ܨܝܕܘܗܝ: ܘܥܢ̣ܐ (36v) (a) (1) ܘܗܟܢ ܐܡ̣ܪ ܠܗ. ܒܪ ܕܘܝܕ ܡܢܐ (2) ܦܠܝܓ ܐܢܬ: ܥܠ ܒܛܢܗ̇ ܕܡܗܝܡܢܬܐ. (3) ܕܗ̇ܘ ܕܫܪܐ ܒܗ̇ ܩܕܝܫܐ ܗܘ: ܕܒܦܘܩܕܢܗ (4) ܐܬܩܝܡ. ܪܘܡܐ ܘܥܘܡܩܐ ܘܟܠ (5) ܕܒܗܘܢ ܐܚܪܢܐ: ܒܚܕܒܫܒܐ ܚܙܬܟ (6) ܥܕܬܐ ܚ̣ܙܗ̇ ܗܘܐ ܝܘܣܦ ܠܕܟܝܬܐ. (7) ܒܬܘ ܡܪܝܡ ܟܕ ܒܛܢܐ. ܘܠܐ ܝ̣ܕܥ (8) ܕܚܬܝܡ ܥܘܒܗ̇: ܘܐܬܦܠܓ ܥܠ (9) ܕܟܝܘܬܗ̇: ܕܡܢ ܓܘܪܐ ܐܝܬܘ ܒܛܢܗ̇: (10) ܘܠܐ ܝ̣ܕܥ ܕܡܢ ܐܠܗܐ ܗܘ܀ ܚܪܬ݀ (11) ܡܪܝܡ ܨܝܕ ܥܘܒܗ̇: ܘܐܡ̣ܪܬ݀ ܒܟܪܝܘܬܐ (12) ܠܒܪܗ̇: ܒܪܝ ܚܒܝܒܐ ܬܐ ܠܥܘܕܪܢܝ. (13) ܘܐܪܝܡ ܚܣܕܐ ܕܝܠܕܬܟ: ܚܘܐ ܠܗ (14) ܠܟܐܢܐ ܫܪܪܟ. ܕܢܗܘܐ ܡܘܕܐ ܐܦ (15) ܡܗܝܡܢ
(16) ܒܥܘܬܐ ܕܡܪܝ ܝܥܩܘܒ (17) ܫܢܝ ܥܝܪܐ ܘܐܬܬܥܝܪ ܝܘܣܦ ܟܕ (18) ܡܬܒܠܗܐ. ܕܚܝܠ ܬܡܝܗ ܪܥܠ (19) ܬܗܝܪ ܟ̇ܘܙ ܘܪܗܝܒ. ܡܣܪܕ ܫܪܝܪ (20) ܡܘܕܐ ܡܫܒܚ ܡܩܠܣ ܡܘܪܒ: (21) ܬܟܝܠ ܡܬܥܙܙ ܩܢܝܛ ܚ̇ܕܐ ܚܬܝܪ (22) ܘܡܫܒܚ܀ ܢܫܒܚܘܢ ܟܐܢܐ ܠܗ̇ܘ ܕܓܒ̣ܐ (23) ܠܗ ܐܒܐ ܟܐܢܐ. ܐܦ ܐܡ̈ܗܬܐ ܠܗ̇ܘ (24) ܕܗܘ̣ܬ݀ ܠܗ ܡܪܝܡ ܐܡܐ. ܢܒ̈ܝܐ ܢܚܕܘܢ (25) ܫܠ̈ܝܚܐ ܢܕܘܨܘܢ ܥܡ̈ܡܐ ܢܫܒܚܘܢ܆ (26) ܕܒܝܘܡ ܝܠܕܟ ܫܪ̈ܝ ܡ̈ܠܝܗܘܢ. ܘܠܟ (27) ܬܫܒܘ
(28) ܕܬܠܬ ܫܥ̈ܝܢ ܩ (29) ܗܒܠܗ̇ ܠܥܕܬܟ ܟܕ ܐܬܬܥܝܪ ܝܘܣܦ܆ (30) ܒ ܘܚ̣ܙܐ ܠܡܪܝܡ ܟܕ ܒܛܢܐ. ܘܟܕ ܟܪܝܐ (31) ܠܗ ܗܟܢ ܐܡ̇ܪ ܗܘܐ. ܐܡ̣ܪܝ ܠܝ (32) ܒܪܬ ܕܘܝܕ: ܡܢܐ ܓܕܫܟܝ ܕܗܐ ܚ̇ܙܝܢ܆ (33) ܒܛܢܐ ܒܟܪܣܟܝ ܘܥܘܠܐ ܛܥܝܢܐ ܐܢܬܝ (34) ܀ ܬܗܪܐ ܘܕܘܡܪܐ ܐܚ̣ܕ ܗܘܐ ܠܟܐܢܐ (35) ܝܘܣܦ: ܡܛܠ ܒܛܢܗ̇ ܫܒܝܚܐ (36v) (b) (1) ܕܒܬܘ. ܘܟܕ ܣܒܪܗ ܥܝܪܐ. ܕܠܐ (2) ܢܬܦܠܓ ܪܥܝܢܗ. ܐܘܕܝ ܠܡܪܝܐ (3) ܕܟܠܗܝܢ ܦܫܝ̈ܩܢ ܠܗ
(4) ܒܥܘܬܐ ܕܡܪܝ ܐܦܪܝܡ ܛ̣ܣ ܥܝܪܐ ܡܢ ܒܝܬ ܣܕܪ̈ܐ. (5) ܘܡܛܐ ܠܢܨܪܬ ܨܝܕ ܝܘܣܦ. ܘܩ̣ܪܐ (6) ܠܗ ܒܩܠܐ ܘܐܬܬܙܝܥ: ܘܐܝܟ ܕܒܚܠܡܐ (7) ܐܡ̣ܪ ܠܗ. ܠܐ ܬܕܚܠ ܐܘ ܒܪ ܕܘܝܕ. (8) ܡܢ ܒܛܢܐ ܕܡܒܪܟܬܐ ܀ ܫܘ ܠܝ̇ܕܥ (9) ܟܠ ܦܘܪ̈ܣܝܢ: ܕܓܠ̣ܐ ܪܐܙܗ ܠܒܪ (10) ܕܘܝܕ. ܕܠܐ ܢܬܦܠܓ ܥܠ ܝܠܕܗ. ܐܠܐ (11) ܕܢܘܕܐ ܕܠܐ ܒܨܬܐ. ܘܢܗܘ̣ܐ ܙ̇ܡܪ ܠܫܢܗ. (12) ܫܘ ܦܐܝܐ ܕܠܐ ܫܠܝܐ
(13) ܫܠ̣ܡ ܥܠܝ ܨܠܘ
