Beta version
Manuscript:
Saint Mark Monastery Jerusalem - SMMJ 429
Paper
Written in 1548 (1859 AG).
(28r) (b) (14) ܬܘܒ ܛܟܣܐ ܕܡܘܠܕܗ ܕܝܘܚܢܢ (15) ܒܪܗ ܕܙܟܪܝܐ
ܕܪܡܫܐ
ܕܪܚܡ ܥܠܝ
(16) ܐܡܐ ܕܟܝܬܐ ܒܪܝܟ ܗܘ ܡܫܚܝܐ (17) ܕܫܲܕܪ ܐܝܙܓܙܐ. ܩܕܡ ܡܐܬܝܬܗ. ܕܢܟܪܙ (18) ܠܣܒܪܬܗ. ܪܚܡܥܠܝ ܐܠܗܐ ܀ ܪܒ (19) ܗܘ ܘܫܒܝܚ ܝܘܡܐ ܕܡܘܠܕܟ. ܟܪܘܙ (20) ܩܘܫܬܐ. ܓܒܝܐ ܝܘܚܢܢ. ܨܠܘܬܟ ܫܘܪܐ. (21) ܬܗܘܐ ܠܢ ܀ ܗ̇ܘ ܕܫܲܕܪ ܗܘܐ ܩܕܡܘܗܝ (22) ܠܝܘܚܢܢ. ܕܢܬܩܢ ܐܘܪܚܐ ܠ̈ܚܛܝܐ (23) ܕܬܝܒܝܢ. ܪܚܡ ܀ ܒܪܝܫ ܡ̈ܠܐܟܐ (24) ܒܛܢܗ ܐܣܬܒܪ. ܘܒܥܩܪܘܬܐ ܐܬܒܛܢ (25) ܘܒܣܒܬܐ. ܪܚܡ ܀ ܗܘܐ ܡܟܣܢܐ (26) ܠܡ̈ܠܟܐ ܘܕ̈ܝܢܐ ܘܦܪܣܝ ܘܙܟܐ (28v) (a) (1) ܠܣܦܪ̈ܐ ܘܦܪ̈ܝܫܐ. ܪܚܡ ܀ ܒܨ̈ܠܘܬܗ (2) ܕܟܪܘܙܐ ܕܩܘܫܬܐ. ܢܡܠܟ ܫܝܢܐ ܒܥܕܬܐ (3) ܩܕܝܫܬܐ. ܪܚܡ
ܡܪܝܐ ܩܪܝܬܟ:
(4) ܒܩ ܨܠܝ ܡܪܝܐ ܒܪ̈ܚܡܐ ܐܕܢܟ ܚܲܕܘܐ ܪܒܐ (5) ܗܘ̣ܐ ܒܝܗܘܕ. ܘܒܒܝܬܗ ܕܟܗܢܐ (6) ܙܟܪܝܐ. ܒܡܘܠܕܗ ܕܛܠܝܐ ܪܓܝܓܐ. (7) ܒܪ ܥܩܪܐ ܟܪܘܙ ܩܘܫܬܐ ܀ ܡܫܒܚܐ (8) ܐܢܐ ܒܩܠܐ ܪܡܐ. ܐܠܝܫܒܥ ܩܥ̣ܬ݀ (9) ܒܪܘܵܙܐ. ܕܥܒ̣ܪ ܚܣܕܝ ܡܢ ܒܢܝ̈ܢܫܐ. (10) ܕܝܠܕܬ ܠܗ ܩܠܐ ܠܡܠܬܐ ܀ ܒܡܘܠܕܗ (11) ܕܟܪܘܙ ܩܘܫܬܐ. ܢܙܡܪ ܫܘ ܠܗ̇ܘ (12) ܕܓܒܝܗܝ. ܘܡܠܝܗܝ ܪܘܚܐ ܩܕܝܫܐ. ܥܕ (13) ܗܘ̣ ܒܟܪܣܐ ܕܝܠܕܬܗ ܀ ܝܘܚܢܢ ܒܪ (14) ܥܩܪܘܬܐ. ܐܬܝܠܕ ܩܠܐ ܠܡܠܬܐ. ܘܐܦܢܝ (15) ܠܥܡ̈ܡܐ ܕܛܥܝܢ ܗܘܘ. ܠܘܬ ܝܕܥܬܐ (16) ܕܫܪܪܐ ܐܚܪܢܐ: ܡܫܝܚܐ ܐܬܝܠܕ ܠܓܘ (17) ܒܝܬ ܩܕܘܫܩ̈ܘܕܫܝܢ. ܡܠܐܟܐ ܠܟܗܢܐ. (18) ܒܛܢܗ ܘܡܘܠܕܗ. ܕܝܘܚܢܢ ܣܒܪܗ. (19) ܘܥܠ ܕܐܬܦܠܓ ܠܗ. ܦܟܪܗ ܠܠܫܢܗ (20) ܘܒܝܘܡ ܡܘܠܕܗ ܕܝܘܚܢܢ ܐܫܬܪܝ ܀ (21) ܕܪܒ ܡܢ ܝܘܚܢܢ. ܒܝ̈ܠܝܕܐ ܠܐ ܩ̣ܡ. (22) ܕܒܝܘܡ ܡܘܠܕܗ . ܬܪ̈ܥܐ ܐܚܝ̈ܕܐ (23) ܦܬ̣ܚ. ܡܪܒܥܐ ܕܝܠܕܬܗ. ܕܡܡܬܘܡ (24) ܠܐ ܐܦܪܝ. ܘܠܫܢܗ ܕܐܒܘܗܝ ܕܐܣܪܗ (25) ܗܘܐ ܥܝܪܐ ܀ ܐܝܟ ܕܐܦܨܚܬ ܠܥܩܪ̈ܐ. (26) ܡܫܝܚܐ ܐܠܗܐ. ܐܦܨܚܗ̇ ܠܥܕܬܟ (27) ܘܢܛܪܝܗ̇ ܒܪ̈ܚܡܐ. ܘܒܨܠܘܬ ܟܪܘܙܟ (28) ܪ̈ܚܡܐ ܢܗܘܢ ܥܠܝܢ. ܕܒܩܠܐ ܪܡܐ. (29) ܢܫܒܚܟ ܒܟܠܥܕܢ
(30) ܩܠܐ ܕܪܡܫܐ: ܡܫܝܚܐ ܢܛܪܝܗ̇ ܠܥܕܬܟ (31) ܝܘܡܢܐ ܕܐܨ ܘܦܨܝܚ: ܙܟܪܝܐ ܟܗܢܐ (32) ܕܐܫܬܬܩ. ܘܡܠܐ ܦܘܡܗ ܬܘܕܝܬܐ: (33) ܕܐܬܝܠܕ ܩܠܐ ܠܡܠܬܐ. ܘܐܬܢܒܝ ܡܛܠܬܗ. (b) (1) ܕܐܦ ܐܝܙܓܕܐ ܗܘ ܕܡܠܬܐ ܕܐܬܒܣܪ. (2) ܘܫܕܪܗ ܩܘܕܡܘܗܝ ܕܢܛܝܒ ܐܘܪܚܐ (3) ܠܥܡ̈ܡܐ ܘܐܡ̈ܘܬܐ: ܘܢܩܪܐ ܦܘܢܝܐ: (4) ܠܥܕܬ ܩܘܕܫܐ ܡܗܝܡܢܬܐ. ܒܪܝܟ (5) ܗܘ. ܕܓܒܝܗܝ ܡܢ ܟܪܣܐ ܘܝܗܒܠܗ (6) ܪܘܚܐ. ܕܒܗ ܢܬܬܙܝܥ ܥܠ ܟܣܝ̈ܬܐ ܀ (7) ܪܥܡ ܗܘܐ ܫܘ ܘܬܘܕܝܬܐ. ܒܒܝܬ (8) ܙܟܪܝܐ ܢܒܝܐ ܘܟܗܢܐ. ܕܐܫܬܪܝ (9) ܐܣܵܪ ܠܫܢܗ: ܘܐܬܢܒܝ ܡܛܠ ܝܠܕܗ܆ (10) ܕܐܢܬ ܬܐܙܠ ܩܕܡ ܦܪܨܘܦܗ. ܕܡܪܝܐ (11) ܬܛܝܒ ܐܘܪܚܐ ܠܣܒܪܬܢ. ܕܢܬܠ (12) ܠܗ ܡܕܥܐ ܕܚ̈ܝܐ. ܠܥܡܗ ܒܫܘܒܩܢ (13) ܚ̈ܘܒܬܐ: ܘܢܟܪܙ ܬܝܒܘܬܐ: ܠ̈ܥܡܡܐ (14) ܕܒܐܪ̈ܒܥܦܢܝܬܐ. ܒܪܝܟ ܗܘ ܕܓܒܝܗܝ (15) ܡܢ ܟܪܣܐ. ܕܐܝܕܗ ܢܣܝܡܝܗ̇. (16) ܥܠ ܪܝܫܗ ܒܡܥܡܘܕܝܬܐ ܐܚܪܢܐ: (17) ܛܘܒܝܟܝ ܥܕܬܐ ܢܒܝܗ ܕܡܪܝܐ (18) ܬܗܘܐ ܠܟ ܛܠܝܐ ܒܪܝܟ̣ܐ. ܘܰܬܗܰܕܐ (19) ܠܟܠ ܫܪ̈ܒܬܐ. ܠܐܘܪܚܐ ܫܒܝܚܬܐ (20) ܕܒܪ ܡܪܟ . ܕܬܫܰܦܸܐ ܥܪ̈ܡܘܗܝ ܕܥܡܐ. (21) ܕܢܗܠܟܘܢ ܒܗ ܬܡ̈ܝܡܐ: ܘܬܡܟܘܪ (22) ܠܗ ܥܕܬ ܩܘܕܫܐ. ܘܡܠܬܟ ܬܢܗܪ (23) ܣܚܪ̈ܬܗ̇. ܘܡܐ ܕܐܬܐ ܢܚܲܘܐ ܫܪܪܐ. (24) ܕܐܬ ܗܘ ܒܩܘܫܬܐ ܐܝܙܓܕܗ ܀ (25) ܐܫܬܡ̈ܠܝ ܗܘ̈ܝ . ܡ̈ܠܐ ܕܐܡ̣ܪ (26) ܓܒܪܐܝܠ. ܠܙܟܪܝܐ ܡܛܠ ܝܠܕܗ. (27) ܕܟܪܘܙ ܩܘܫܬܐ ܝܘܚܢܢ. ܕܐܬܝܠܕ (28) ܡܢ ܐܠܝܫܒܥ. ܘܚܕܝ ܙܟܪܝܐ (29) ܒܡܘܠܕܗ. ܘܗܐ ܥܕܬܐ ܒܐܪ̈ܒܥܦܢܝܢ. (30) ܪ̈ܥܡܐ ܒܩ̈ܠܐ ܕܬܘܕܝܬܐ. ܠܒܪܐ (31) ܕܫܲܕܪ ܗܘܐ ܩܘܕܡܘܗܝ. ܐܝܙܓܕܐ (32) ܕܢܬܩܢ ܐܘܪܚܐ
ܒܥܘܬܐ ܕܡܪܝ ܝܥܩܘܒ (33) ܘܟܕ ܐܫܬܡܠܝ ܗ̇ܘ ܡܢܝܢܐ (29r) (a) (1) ܕܝܪ̈ܚܐ ܬܫ̈ܥܐ. ܦܩ̣ܕ ܠܗ ܠܥܘܠܐ (2) ܘܐܬ̣ܐ ܠܝܠܕܐ ܐܝܟ ܕܐܬܐܡ̣ܪܬ: (3) ܒܪܟ̣ܬ݀ ܝܠܕܬ݀ ܥܩܪܬܐ ܕܣܐܒܬ݀ (4) ܒܪܐ ܠܙܟܪܝܐ. ܘܪܥ̣ܡ ܬܡܢ ܫܘ (5) ܚܕܬܐ ܒܩܠܐ ܪܡܐ ܀ ܫܘ ܠܐܒܐ (6) ܕܚܲܕܝ ܠܥܩܪ̈ܐ ܒܝܕ ܝܘܚܢܢ܆ ܘܣܓܕܬܐ (7) ܠܒܪܐ ܕܫܲܕܪܗ ܩܠܐ ܕܢܟܪܙ ܩܘܕܡܘ. (8) ܬܘܕܝ ܠܪܘܚܐ ܕܡܢ ܓܘ ܟܪܣܐ (9) ܓܒܝܗܝ ܗܘܐ ܘܩܕܫܗ. ܘܥܠܝܢ (10) ܪ̈ܚܡܐ. ܒܨܠ̈ܘܬܗ. ܒܪܝܟ ܗܘ ܕܢܨܚܗ.
(11) ܡܥܝܪܢܐ ܕܠܠܝܐ ܕܒܪܟܘ: (12) ܥܠ ܡܢܐ ܪܚܡܬ ܫ̣ܢܬܐ ܚܕܘܐ ܪܒܐ (13) ܘܪܘܵܙܐ. ܗܘ̣ܐ ܗܘܐ ܒܐܪܥܐ ܗ̇ܝ (14) ܕܝܗܘܕ. ܘܦܨܝܚܘܬܐ ܘܪܘܡܪܡܐ. (15) ܠܟܢܘܫܬܐ ܗ̇ܝ ܕܠ̈ܘܝܐ. ܒܡܠܘܕܗ (16) ܕܟܪܘܙ ܩܘܕܫܬܐ. ܬܫܒܘ ܠܡܪܝܐ (17) ܙܡܪܝܢ ܀ ܫܘ ܠܗ ܠܝܚܝܕܝܐ. (18) ܕܫܲܕܪܗ ܗܘܐ ܩܕܡ ܡܬܝܬܗ. ܘܚܕܝ (19) ܗܘܐ ܙܟܪܝܐ ܟܗܢܐ. ܘܐܠܝܫܒܥ ܒܪܬ (20) ܠ̈ܘܝܐ. ܕܐܫܬܡܠܝ ܗܘܐ ܣܘܟܵܝܗܘܢ. (21) ܡܪܐ ܟܠ ܫܘ ܠܟ ܐܚܪܢܐ: ܝܐܐ ܘܙܕܩ (22) ܚܕܝ ܙܟܪܝܐ ܘܕܨܬ݀ ܥܩܪܬܐ. ܚܕܝ (23) ܥܡܗܘܢ ܛܘܪܐ ܕܝܗܘܕ. ܕܐܬܝܠܕ ܩܠܐ (24) ܠܡܠܬܐ. ܕܢܫܦܐ ܐܘܪܚܐ ܩܕܡܘܗܝ (25) ܫܘ ܠܟ ܀ ܙܟܪܝܐ ܟܗܢܐ ܡܫܲܒܚ ܗܘܐ. (26) ܕܐܫܬܪܝ ܐܣ̣ܪ ܠܫܢܗ. ܘܐܬܢܒܝ (27) ܒܪܘܚܐ ܕܩܘܕܫܐ. ܕܛܠܝܐ ܢܒܝܗ (28) ܕܥܠܝܐ ܗܘ. ܫܘ ܠܟ ܀ ܦܘܡܐ ܕܥܩܪ̈ܐ (29) ܢܘܕܐ ܠܟ . ܘܢܙܡܪ ܫܘܒ ܠܡܪܘܬܟ. (30) ܕܒܝܠܕܐ ܐܦ̣ܨܚܬ ܐܢܘܢ. ܘܠ̈ܥܡܡܐ (31) ܣܓܕ ܒܘܝܐܐ ܫܘ ܠܟ
(32) ܩܘܡܐ ܩܕܡܝܐ ܕܠܠܝܐ
ܩ ܗܒܠܗ̇ (33) ܠܥܕܬܗ ܝܘܡܢ ܐܬܝܠܕ. ܩܠܐ ܠܡܠܬܐ (b) (1) ܫܡܝܢܐ ܡܢ ܐܠܝܫܒܥ ܒܛܘܪܐ ܕܝܗܘܕܐ. (2) ܘܚܲܕܝ ܒܡܘܠܕܗ܆ ܠܥܕܬ ܩܘܕܫܐ (3) ܡܗܝܡܢܬܐ. ܕܐܦܢܝ ܝ̈ܠܕܗ̇ ܠܐܘܪܚܐ (4) ܕܫܪܪܐ ܀ ܒܝܘܡܐ ܕܡܘܠܕܟ. ܟܪܘܙ (5) ܩܘܫܬܐ ܝܘܚܢܢ. ܚܕܝܐ ܥܕܬܐ ܘܙܡܪܐ (6) ܬܫܒܘ. ܠܡܫܝܚܐ ܕܓܒܟ. ܘܥܒܕܟ (7) ܩܘܕܡܘܗܝ ܐܝܙܓܕܐ. ܐܦ ܫܘܫܒܝܢܐ (8) ܘܝ̇ܕܥ ܟܣ̈ܝܬܐ ܐܚܪܢܐ ܒܩ ܣܗ̈ܕܐ (9) ܐܦܝܣܘܢܝܗܝ ܓܒܐ ܗܘܝܬ ܡܢ (10) ܟܪܣܗ̇ ܕܐܡܟ. ܟܪܘܙ ܩܘܫܬܐ (11) ܝܘܚܢܢ. ܘܡܪܟ ܐܡ̣ܪ ܒܣܒܪܬܗ. (12) ܕܐܟܘܬܟ ܠܐ ܩ̣ܡ. ܕܒܡܘܠܕܟ (13) ܐܬܦܬܚܘ. ܬܪ̈ܥܐ ܬܪ̈ܝܢ ܕܐܚܝܕܝܢ (14) ܗܘܘ ܥܘܒܗ̇ ܕܐܡܟ ܕܠܐ ܐܦܪܝ (15) ܘܠܫܢܗ ܕܐܒܘܟ ܀ ܪܥ̣ܡ ܫܘܒܚܐ (16) ܐܦ ܬܘܕܝܬܐ. ܒܝܬ ܙܟܪܝܐ ܢܒܝܐ (17) ܘܟܗܢܐ. ܘܚܕܝܬ݀ ܥܩܪܬܐ ܒܝܠܘܕܐ. (18) ܘܐܬܦܨܚܬ ܣܒܬܐ. ܘܐܒܘܗܝ ܟܗܢܐ (19) ܕܐܫܬܬܩ܆ ܒܝܘܡ ܝܠܕܗ ܦܬ̣ܚ ܗܘܐ (20) ܦܘܡܗ. ܫܘ ܠܝܠܕܐ ܕܦܫܝܩ ܠܗ. (21) ܕܢܣܥܘܪ ܚ̈ܕܬܬܐ
ܡܕܪܫܐ: ܟܠܬ ܡܠܟܐ: (22) ܥܘ ܒܪܝܟ ܗܘ ܡܫܝܚܐ ܕܚܲܕܝ ܠܥܩܪ̈ܐ (24) ܣܒ̈ܐ ܒܝܘܡ ܡܘܠܕܟ ܟܪܘܙ ܩܘܫܬܐ ܀ (25) ܩܪܒ ܗܘܐ ܘܡܛܐ ܙܒܢܐ. ܕܢܐܬܐ (26) ܠܝܠܕܐ ܒܪ ܥܩܪܘܬܐ. ܩܪܒܘ ܨܝܕ (27) ܐܒܘܗܝ ܟܗܢܐ: ܘܡܦܝܣܝܢ ܗܘܘ (28) ܕܢܟܬܘܒ ܠܫܡܗ. ܘܒܥ̣ܐ ܕܢܣ̣ܒ܆ (29) ܐܦ ܦܢܩܝܬܐ: ܘܫܲܪܝ ܕܢܟܬܘܒ܆ (30) ܠܫܡܗ ܕܛܠܝܐ: ܘܐܡ̣ܪ ܕܝܘܚܢܢ (31) ܢܬܩܪܐ ܫܡܗ ܕܗܢܐ. ܕܚܲܕܝ ܠܐܒ̈ܘܗܝ (32) ܒܡܘܠܕܗ ܀ ܪܒܐ ܗܘܐ ܛܠܝܐ (33) ܘܐܬܚ̣ܣܠ. ܘܢܦܩ ܦܗ̇ܐ ܒܐܬܪܐ (34) ܚܘܪܒܐ. ܩܥ̇ܐ ܒܩܠܗ ܘܚ̇ܕܝܢ: (29v) (a) (1) ܥܡ̈ܡܐ ܘܡܠ̈ܟܐ ܡܢ ܦܬܓ̈ܡܘܗܝ܆ (2) ܕܗܐ ܡܠܟܘܬܐ: ܩܪܒܬ ܕܬܐܬܐ: (3) ܐܘ ܚ̈ܛܝܐ: ܬܘܒܘܢ ܘܚܝ̣ܘ: ܕܗܐ (4) ܒܬܪܝ ܐ̇ܬܐ. ܕܥܫܝܢ ܘܚܲܝܠܬܢ ܡܢܝ (5) ܕܐܦܠܐ ܠܡܣ̈ܢܐܘܗܝ ܫ̇ܘܐ ܐܢܐ: (6) ܐܚܪܢܐ: ܕܦܪܕܝܣܐ ܥܘ ܕܘܟܪܢ ܟܪܘܙܐ (7) ܢܗܘܐ ܠܒܘܪ̈ܟܬܢ܆ ܘܨܠܘܬܗ ܬܗܘܐ (8) ܫܘܪܐ ܠ̈ܢܦܫܬܢ ܒܓܘ ܡܕܒܚܐ ܥܝܪܐ. (9) ܣܲܒܪ ܗܘܐ ܠܐܒܘܟ. ܚܠܦ ܛܪ̈ܦܐ (10) ܕܙܝܬܐ. ܕܝܘܢܐ ܠܢܘܚ ܝܗ̣ܒܬ݀ (11) ܣܒܪܬܐ ܛܥ̣ܢ ܘܐܝܬ̣ܝ. ܥܝܪܐ ܠܝܠܘܕܟ. (12) ܘܫܡܟ ܟܣܝܐܝܬ ܐܘܕܥܗ: ܘܐܡ̣ܪ (13) ܕܝܘܚܢܢ: ܢܬܩܪܐ ܫܡܗ ܕܗܢܐ. (14) ܕܚ̇ܐܢ ܠܐܒܗ̈ܘܝܘ ܒܝܠܕܗ ܘܬܪܒܝܬܗ ܀ (15) ܗܐ ܓܝܪ ܒܫܘܪܝܗ: ܕܒܛܢܟ ܬܗ̣ܪ (16) ܪܥܝܢܝ. ܕܟܕ ܐܢܬ ܒܓܘ ܟܪܣܐ (17) ܐܬܡܠܝ̣ܬ ܪܘܚܩܘܕܫܐ. ܘܗܘܝܬ ܠܗ̇ (18) ܠܐܡܟ ܣ̇ܦܪܐ ܘܡܠܦܢܐ. ܦܘܡܐ ܡܠܐ (19) ܫܵܥܐ ܫܐܠ̣ܬ݀ ܠܟ ܘܢܓܕܬ ܘܐܦܩ̣ܬܗ̇ (20) ܠܐܘܪܥܗ ܕܒܪ ܡܪܟ܇ ܕܨܒ̣ܐ ܘܐܬܬܚܬܝ (21) ܠܦܘܪܩܢ ܒܪ̈ܝܬܗ ܐܚܪܢܐ: ܐܠܗܐ (22) ܕܪܚܡܬܘܢܝܗܝ ܥܘ ܒܪܝܟ ܗܘ ܕܐܘܪܒ (23) ܕܘܟܪܢܟ ܟܪܘܙ ܩܘܫܬܐ ܝܘܚܢܢ ܪ̈ܡܝܢ (24) ܫܘܦܪ̈ܝܟ ܡܢ ܠܫܢܝ. ܡܟܘܪܗ (25) ܕܥܕܬ ܩܘܕܫܐ. ܪܚܡܗ ܕܚܬܢܐ (26) ܫܡܝܢܐ. ܒܬܘܠܐ ܙܗܝܐ ܝܘܚܢܢ. (27) ܐܝܙܓܕܐ ܙ̇ܪܥ ܫܝܢܐ ܀ ܚܕܘܬܐ ܘܕܘܨܐ (28) ܪܒܐ. ܗܘ̣ܐ ܠܗ̇ ܠܥܕܬܐ ܒܕܘܟܪܢܟ. (29) ܢܘܗܪܐ ܐܟܪܙܬ ܒܒܪܝܬܐ: ܘܚܝ̈ܐ (30) ܘܠܐ ܡܝܘܬܘܬܐ. ܘܠܗ ܠܡܪܟ ܒܓܠܝܐ (31) ܚܲܘܝܬ ܐܚܪܢܐ: ܩܘܡ ܦܘܠܠܘܣ ܥܘ (32) ܒܪܝܟ ܕܐܘܪܒ ܝܘܡܗ ܕܡܘܠܕܟ. (33) ܟܪܘܙܐ ܕܩܘܫܬܐ ܝܘܚܢܢ ܗܐ ܒܪܘܚܗ (b) (1) ܘܚܝܠܗ ܕܠܠܝܐ. ܩܕܡ ܡܪܟ (2) ܐܟܪܙܬ ܓܲܠܝܐܝܬ. ܘܠܒܫܬܝܗܝ ܠܫܡܗ (3) ܕܠܠܝܐ. ܡܲܟܟܬܝܗܝ ܒܩܠܟ ܠܐܝܪܘܕܝܣ. (4) ܙܥ̣ܘ ܘܪܥܠܘ ܡܢܟ܆ ܝ̈ܠܕܐ ܕܐܟ̈ܕܢܐ: (5) ܟܕ ܐܘܪܚܐ ܠܡܪܟ. ܟܠܝܘܡ ܡܛܝܒ (6) ܗܘܝܬ: ܚ̈ܛܝܐ ܚܙܐܘܘܟ ܘܐܙܕܕܩܘ: (7) ܕܡܠܟܘܬܐ ܕܪܡܐ ܡܣܲܒܪ ܗܘܝܬ ܀ (8) ܝܘܡܢܐ ܬܗܪܐ ܘܕܘܡܪܐ. ܕܥܩܪܬܐ (9) ܝܠܕܬ ܟܪܘܙܐ. ܫܡ̣ܥܘ ܫܒ̈ܒܝܗ̇ (10) ܘܫܲܒܚܘ ܠܗ̇ܘ ܕܐܣܓܝ. ܛܝܒܘܬܗ (11) ܘܚܢܢܗ ܠܘܬܗܘܢ. ܝܘܚܢܢ ܐܬܩܪܝ: (12) ܒܫܡܐ ܡܠܐ ܬܗܪܐ: ܪܘܚܩܘܕܫܐ (13) ܐܬܡܠܝ: ܥܕ ܗܘ̣ ܒܓܘ ܟܪܣܐ: (14) ܦܬ̣ܚ ܡܲܪܒܥܐ ܥܲܩܪܐ ܕܝܠܕܬܗ. ܘܚܵܢ (15) ܠܐܒܘܗܝ ܒܝܠܕܗ ܩܕܝܫܐ
ܒܥܘܬܐ (16) ܕܡܪܝ ܐܦܪܝܡ ܝܘܡܢܐ ܬܗܪܐ ܪܒܐ (17) ܐܬܡܠܝ ܒܝܬܗ ܕܙܟܪܝܐ. ܘܚܕܘܬܐ (18) ܘܦܨܝܚܘܬܐ. ܠܟܠܗ ܛܘܪܐ (19) ܕܠ̈ܘܝܐ. ܚܕܝ ܙܟܪܝܐ ܘܣܒܬܐ ܕܨܬ: (20) ܘܙܡ̣ܪܘ ܫܘ ܘܬܘܕܝܬܐ܀ ܒܪܝܟ ܗܘ (21) ܕܓܒܟ ܡܢ ܟܪܣܐ. ܝܘܚܢܢ ܒܪ (22) ܥܩܪܘܬܐ. ܕܬܛܝܒ ܐܘܪܚܐ ܠܡܪܟ . (23) ܘܬܟ̣ܪܙ ܣܒܪܬܗ ܒܓܘ ܚܘܪܒܐ. ܬܘܒܘܢ (24) ܬܘܒܘܢ ܚ̈ܛܝܐ. ܘܙܡ̣ܪܘ ܫܘ ܠܐܠܗܐ:
(25) ܩܘܡܐ ܕܬܪ̈ܝܢ ܕܠܠܝܐ
ܩ (26) ܒܪܡܫܐ ܠܒܝܬܟ ܐܬܝܢܢ ܙܟܪܝܐ ܟܗܢܐ (27) ܦܬ̣ܚ ܦܘܡܗ ܕܐܫܬܬܩ܆ ܒܝܘܡ (28) ܡܘܠܕܗ ܕܝܘܚܢܢ ܟܪܘܙ ܩܘܫܬܐ. (29) ܕܐܫܬܪܝ ܐܣ̣ܪ ܠܫܢܗ ܕܐܣ̣ܝܪ ܗܘܐ. ܥܠ (30) ܕܠܐ ܗܲܝܡܢ ܠܣܒܪܬܗ ܕܪܝܫ ܡ̈ܠܐܟܐ ܀ (31) ܛܘܪܐ ܕܝܗܘܕ ܚܕܘܬܐ ܡܠܐ ܟܠܗ. ܘܒܝܬ (32) ܠ̈ܘܝܐ ܬܕܡܘܪܬܐ ܘܬܗܪܐ ܪܒܐ. ܕܝܠܕܬ݀ (33) ܟܪܘܙܐ ܣܝܒܘܬܐ ܕܪܥܠܐ. ܐܦ ܚܲܩܠܐ (30r) (a) (1) ܕܒܐܝܪܐ ܗܘܬ ܐܫܘܚ̣ܬ݀ ܦܐܪܐ
ܡܕܪܫܐ : (2) ܗܢܘ ܝܪܚܐ ܥܘ ܒܪܝܟ ܗܘ ܡܫܝܚܐ (3) ܕܢܨܚܐ ܘܐܪܘܒ ܝܘܡ ܕܘܟܪܢܟ (4) ܒܪ ܠ̈ܘܝܐ. ܩ̣ܪܢܝ ܠܚܠܘܠܗ ܐܙܡ̣ܪ (5) ܒܗ. ܒܬܘܠܐ ܢܩܕܐ ܟܗܢܐ ܙܗܝܐ: ܫܠܝܚܐ (6) ܘܣܗܕܐ ܘܪܒ ܒܢܒ̈ܝܐ: ܟܪܘܙ ܩܘܫܬܐ (7) ܘܡܥܡܕ ܡܪܗ. ܒܪܝܟ ܗܘ ܕܓܒܝܗܝ ܀ (8) ܟܗܢܐ ܒܪܝܟܐ ܕܦܬ̣ܚ ܥܘܒܗ̇ ܕܡܥܡܘܕ. (9) ܘܩܪܐ ܠܥܡ̈ܡܐ ܠܓܡܝܪܘܬܐ: ܘܚܲܘܝ (10) ܐܘܪܚܐ ܕܬܝܒܘܬܐ: ܘܐܝܟ ܕܒܨܒܥܐ (11) ܚܲܘܝ ܠܡܪܗ ܕܐܠܗܐ ܗܘܐ ܐܚܪܢܐ (12) ܐܒܐ ܟܬ̣ܒ ܗܘ ܐܓܪܬܐ ܥܘ ܒܪܝܟ ܗܘ (13) ܕܚܲܕܝ ܠܥܩܪܬܐ: ܒܝܘܡ ܝܠܕܗ (14) ܕܟܪܘܙ ܩܘܫܬܐ ܡܛܐ ܗܘܐ ܙܒܢܐ (15) ܕܡܘܠܕܗ. ܕܝܘܚܢܢ ܟܪܘܙ ܩܘܫܬܐ. (16) ܘܩܪܒ̣ܘ ܨܝܕ ܐܒܘܗܝ: ܘܫܠܘܗܝ (17) ܘܐܡ̇ܪܝܢ ܠܗ: ܕܐܝܟܢ ܨܒ̇ܐ ܕܢܫܡܝܘܗܝ (18) ܠܝܠܘܕܐ ܘܒܫܬܩܐ ܪܡ̣ܙ ܠܗܘܢ ܀ (19) ܡܢ ܕܐܬܝܠܕ ܟܪܘܙܐ. ܪܡ̣ܙ ܠܐܒܘܗܝ (20) ܕܡܘܢ ܨ̇ܒܐ ܕܢܩܪܝܘܗܝ. ܘܫܐܠ ܗܘܐ (21) ܦܢܩܝܬܐ: ܘܟܬ̣ܒ ܗܟܢܐ: ܕܗܢܐ ܢܬܩܪܐ (22) ܝܘܚܢܢ. ܐܝܟ ܕܐܬܩܪܝ ܡܢ ܥܝܪܐ (23) ܕܣܲܒܪܗ ܀ ܣܟ̈ܠܐ ܕܫܡ̣ܥܘ ܠܫܪܪܐ . (24) ܒܝܕ ܓܐܪ̈ܐ ܕܚܣܡܐ ܐܬܡܚܝܘ. ܕܠܐ (25) ܐܝܬ ܒܐܝܣܪܐܝܠ܆ ܐܢܫ ܕܐܬܩܪܝ ܗܟܢ: (26) ܘܐܝܟܢ ܨܒܝܬ ܕܬܚܲܘܐ: ܚ̈ܕܬܬܐ (27) ܕܒܥܡܟ ܠܐ ܗܘ̈ܝ ܀ ܦܬܚ ܗܘܐ (28) ܦܘܡܗ ܒܪܘܚܩܘܕܫܐ. ܘܒܠܥܙܐ (29) ܢܒܝܘܬܐ ܡܲܠܠ܆ ܕܐܢܬ ܗܘ ܒܫܪܪܐ: ܢܒܝܗ (30) ܕܥܠܝܐ: ܐܢܬ ܬܐܙܠ ܩܕܡ ܦܪܨܘܦܗ܆ (31) ܐܝܟ ܟܘܟܒܐ ܡܫܲܒܚܐ ܩܕܡ ܢܘܗܪܐ ܀ (32) ܩܠܐ ܕܩ̇ܪܐ ܒܓܘ ܚܘܪܒܐ. ܐܫܥܝܐ ܟܬ̣ܒ (33) ܗܘܐ ܘܗܐ ܫܲܠܡ. ܐܢܬ ܬܐܙܠ ܩܘܕܡܘܗܝ. (b) (1) ܘܬܫܲܦܐ ܐܘܪܚܐ: ܘܬܟܪܙ ܐܘܪܚܐ (2) ܠܚ̈ܛܝܐ. ܕܐܢ ܡܬܦ̣ܢܝܢ ܡܠܟܘܬܐ ܝ̇ܪܬܝܢ܀ (3) ܫܦܝܢ ܗܘܘ ܘܕܟܝܢ ܚܘ̈ܫܒܘܗܝ. ܘܠܐ (4) ܚܠܝܛ ܒܗܘܢ ܙܐܦܐ ܕܥܠܡܐ. ܠܪܚܡ̣ܬ݀ (5) ܫܘܒܗܪܐ: ܘܥܠ̣ܬ݀ ܪܡܘܬܐ: ܒܪܓܠܗ (6) ܕܫܗ̇ ܠܝܥܢܘܬܐ. ܘܠܥܠܡܐ ܟܠܗ ܐܣܠܝ (7) ܗܘܐ ܀ ܬܗܪܐ ܗܘ̣ܐ ܗܘܐ ܒܐܝܣܪܐܝܠ܆ (8) ܕܝܘܚܢܢ ܟܪܘܙܐ ܕܩܘܫܬܐ. ܕܐܫܬܪܝ (9) ܠܫܢܗ: ܕܐܒܘܗܝ ܕܐܣܝܪ ܗܘܐ. ܘܙܡ̣ܪ (10) ܫܘܒ ܟܕ ܩܥ̇ܐ: ܒܪܝܟ ܡܪܝܐ (11) ܕܩܕܡܘܗܝ ܫܲܕܪܗ
ܒܥܘܬܐ ܕܡܪܝ (12) ܝܥܩܘܒ ܥܡ̣ܪܬ݀ ܡܪܝܡ ܒܝܬ ܠ̈ܘܝܐ (13) ܝܪ̈ܚܐ ܬܠ̈ܬܐ. ܘܡ̣ܛܐ ܙܒܢܐ ܕܬܰܦܪܐ (14) ܥܩܪܬܐ ܠܟܪܘܙ ܩܘܫܬܐ. ܩܪܒܬ݀ ܢܩܝܐ (15) ܘܫܕܵܬ݀ ܢܦܫܗ̇ ܩܕܡ ܐܪܝܘܬܐ. ܘܒܥ̣ܬ݀ (16) ܡܢܗ̇ ܕܬܬܠ ܐܬܪܐ ܠܡܚܝܠܘܬܗ̇ ܀ (17) ܦܬܚ ܗܘܐ ܒܝܠܕܗ ܦܘܡܐ ܕܐܒܘܗܝ (18) ܘܡܪܒܥܐ ܕܐܡܗ: ܝܠܕܬ݀ ܥܩܪܬܐ ܘܡܲܠܠ (19) ܚܲܪܫܐ ܒܝܕ ܝܘܚܢܢ. ܕܢܫܬܝܢ ܒܗ ܡܪܒܥܐ (20) ܥܩܪܐ ܘܦܘܡܐ ܚܲܪܫܐ: ܘܐܬܪܐ ܚܘܪܒܐ (21) ܒܪܝܟ ܗܘ ܕܓܒܝܗܝ ܠܫܠܝܚܘܬܐ
(22) ܡܘܪܒܐ ܕܠܠܝܐ: ܠܟܝ ܢܬܟܫܦ (23) ܟܕ ܠܫܢܐ ܐܣܝܪ ܗܘܐ ܘܡܦܟܪ ܗܘܐ (24) ܒܓܙܪ ܕܝܢܐ. ܕܟܗܢܐ ܙܟܪܝܐ. ܒܝܘܡ (25) ܡܘܠܕܟ ܐܫܬܪܝ ܗܘܐ. ܘܩܥ̣ܐ ܘܐܡ̣ܪ: (26) ܘܒܲܕܩ ܗܘܐ ܥܠ ܥܡܐ. ܪܫܝܡ (27) ܒܕܡܗ ܕܡܫܝܚܐ. ܕܡܬܢܗܪ ܒܣܒܪܬܗ ܀ (28) ܐܢܬ ܕܠܥܩܪܬܐ. ܕܠܐ ܣܒܪܐ ܒܣܒܪܐ (29) ܐܦܨ̣ܚܬ ܒܝܘܡ ܡܘܠܕܟ. ܟܪܘܙ (30) ܩܘܫܬܐ. ܘܥܠ ܐܡܪܗ̇ ܕܐܠܗܘܬܐ ܩܕܡܬ (31) ܒܕܩ̣ܬ ܠܢ. ܩܠܐ ܓܝܪ ܕܡܠܬܐ ܐܢܬ. (32) ܘܙܠܝܩܐ ܕܡܫܲܦܐ ܫܒ̈ܝܠܐ ܠܐܠܗܐ ܀ (33) ܠܟ ܕܢܒܝܐ ܕܡܝܬܪ ܐܦ ܡܢ ܢܒܝ̈ܐ (30v) (a) (1) ܐܬܚܲܘܝ ܠܢ ܐܘ ܝܘܚܢܢ. ܐܝܟ ܡܥܡܕܢܐ (2) ܘܐܝܙܓܕܐ ܡܩܠܣܝܢܢ ܠܟ . ܒܫܪܪܐ ܓܝܪ (3) ܠܟܠܢ ܐܘܪܚܐ ܕܬܝܒܘܬܐ ܒܕܩܬ ܐܦ (4) ܚܘܝܬ ܠܟܝ ܦܐܝܐ ܕܢܩܠܣ ܠܟ (5) ܙܕܩ ܕܢܫܒܚ ܡܫܝܚܐ ܐܠܗܐ ܕܝܠܢ. (6) ܡܛܠ ܕܚܕܝܬܢ ܒܡܘܠܕܗ ܕܟܪܘܙ (7) ܩܘܫܬܐ. ܨܠܘܬܗ ܥܡܢ ܀ ܒܝܘܡ ܝܠܕܗ (8) ܕܟܪܘܙܐ ܚ̇ܕܝܐ ܥܕܬܐ ܡܗܝܡ. ܘܙ̇ܡܪܐ (9) ܬܫܒܘ ܠܗ̇ܘ ܕܐܘܪܒ ܝܘܡܐ ܕܕܘܟܪܢܗ. (10) ܒܐܪ̈ܒܥ ܦܢܝ̈ܬܐ ܫܒܚܘ ܥܒ̈ܕܘܗܝ: (11) ܒܢ̈ܝ ܢܘܗܪܐ ܩܪܸܒ ܘܡܛܐ ܡܘܠܕܗ (12) ܕܟܪܘܙ ܩܘܫܬܐ. ܘܛܘܪܐ ܕܝܗܘܕ. ܪܥ̣ܡ (13) ܗܘܐ ܒܬܫܒܘ ܀ ܒܝܘܡ ܡܘܠܕܗ (14) ܕܝܘܚܢܢ ܚܕܝܬ݀ ܥܩܪܬܐ. ܘܫܲܒܚܬ݀ (15) ܠܡܪܝܐ ܕܒܪ̈ܚܡܘܗܝ ܣܲܥܪܗ̇ ܀ ܙܟܪܝܐ (16) ܒܕܠܐ ܗܝܡܢ ܗܘܐ. ܡܢ ܥܝܪܐ ܐܫܬܬܩ (17) ܘܒܡܘܠܕܗ ܕܝܘܚܢܢ ܐܫܬܪܝ ܀ (18) ܛܘܒܝܟ ܐܘ ܝܘܚܢܢ. ܕܒܡܘܠܕܟ ܗܐ (19) ܐܦܬܰܚ. ܡܪܒܥܗ̇ ܕܐܡܟ. ܘܠܫܢܗ (20) ܕܐܒܘܟ ܀ ܒܝܘܡ ܡܘܠܕܗ ܕܝܘܚܢܢ: (21) ܬܚܕܐ ܥܕܬܐ ܥܡ ܝܠ̈ܕܝܗ̇. ܘܬܙܡܪܝ (22) ܫܘܒܚܐ. ܠܡܪܝܐ ܗ̇ܘ ܕܓܒܝܗܝ ܀ (23) ܒܪܝܟ ܗܘ ܕܚ̣ܪ ܒܝ. ܘܐܥܒ̣ܪ ܚܣܕܝ (24) ܘܝܗܒܠܝ ܦܐܪܐ. ܢܒܝܗ ܘܐܝܙܓܕܗ (25) ܡܫܒܚܐ ܀ ܝܘܚܢܢ ܢܬܩܪܐ ܛܠܝܐ. ܫܡ̣ܥ (26) ܗܘܐ ܙܟܪܝܐ ܡܢ ܥܝܪܐ. ܘܫܐܠ ܦܢܩܝܬܐ (27) ܘܟܬ̣ܒ ܗܘܐ ܠܫܡܗ ܀ ܥܡ̈ܡܐ ܘܒܢ̈ܘܗܝ (28) ܕܓܢܘܢܐ. ܙܡ̣ܪܘ ܫܘ ܒܗܢܐ ܝܘܡܐ. ܕܒܗ (29) ܐܬܝܠܕ. ܝܘܚܢܢ ܓܒܝܐ ܀ ܫܘ ܚܕܬܐ (30) ܡܣܩܝܢܢ. ܘܩ̈ܠܐ ܕܡ̈ܠܝܢ ܬܘܕܝܬܐ. (31) ܠܗ̇ܘ ܕܒܚܘܒܗ. ܣܲܥܪܢ ܒܚܢܢܗ:
(32) ܕܨܦܪܐ
ܕܪܚܡ ܩ ܐܢܬ ܕܠܒܬܘ ܡܪܝܡ (33) ܐܢܬ ܕܒܝܘܡ ܡܘܠܕܗ ܕܝܘܚܢܢ ܟܪܘܙ (b) (1) ܩܘܫܬܐ. ܚܕܘܬܐ ܡܠܝ̣ܬ. ܠ̈ܥܠܝܐ (2) ܘܠܬܚ̈ܬܝܐ. ܐܠܗܐ ܀ ܚܕܵܝ ܘܙܡ̣ܪܝ (3) ܬܫܒܘ. ܥܕܬ ܩܘܕܫܐ ܡܗܝܡܢܬܐ. (4) ܒܝܘܡ ܡܘܠܕܗ. ܕܝܘܚܢܢ ܪܵܚܡܗ (5) ܕܚܬܢܐ. ܐܠܗܐ ܀ ܐܢܬ ܕܐܝܬܝܟ ܐܝܙܓܕܐ. (6) ܕܡܫܝܚܐ ܡܠܟܐ ܕܝܠܢ. ܐܬܟܫܦ ܠܗ. (7) ܕܢܬܪܚܲܡ ܥܠ ܢܦ̈ܫܬܢ. ܐܠܗܐ ܀ (8) ܕܘܨ ܙܟܪܝܐ ܘܥܩܪܬܐ. ܚܕܝ ܥܡܗܘܢ (9) ܛܘܪܐ ܕܝܗܘܕ܆ ܟܕ ܐܬܝܠܕ ܝܘܚܢܢ (10) ܡܢ ܐܠܝܫܒܥ. ܐܠܗܐ ܀ ܬܪ̈ܝܢ ܬܪ̈ܥܐ (11) ܐܚ̈ܝܕܐ. ܦܬ̣ܚ ܝܘܚܢܢ ܒܡܘܠܕܗ. (12) ܦܘܡܐ ܕܐܒܘܗܝ. ܘܡܪܒܥܐ ܥܩܪܐ (13) ܕܝܠܕܬܗ. ܐܠܗܐ ܀ ܪܥܡ ܫܘ ܝܘܡܢܐ (14) ܒܒܝܬܗ ܕܙܟܪܝܐ ܟܗܢܐ. ܘܣܠܩ̣ܬ݀ (15) ܡܢܗ. ܬܫܒܘ. ܒܩܠܐ ܪܡܐ. ܐܠܗܐ. (16) ܐܠܗܐ ܐܠܗܝ: ܥܒ̣ܕ ܡܪܝ ܕܘܟܪܢܐ (17) ܛܒܐ ܐܢܬ ܡܪܝ ܕܢܨܚܬ ܒܝܕ ܚܘܒܟ. (18) ܝܘܡ ܡܘܠܕܗ ܕܟܪܘܙܟ. ܐܫܘܐ ܠܢ (19) ܕܒܨܠ̈ܘܬܗ. ܢܣ̣ܒ ܫܘܒܩܢ ܚܘ̈ܒܬܢ ܀ (20) ܐܢܬ ܒܪ ܬܓܡܐ ܕܠܐ ܓܫܝ̈ܡܐ. (21) ܝܘܚܢܢ ܒܪ ܥܩܪܘܬܐ. ܒܥܝ̣ ܪ̈ܚܡܐ (22) ܒܝܘܡ ܥܕܥܐܕܟ. ܠܢܦܫ̈ܬܐ ܕܡܝܩܪ̈ܢܝܟ ܀ (23) ܐܢܬ ܟܘܟܒܐ ܕܨܡܚ̣ܬ ܒܬܐܒܝܠ. (24) ܘܥܠ ܢܘܗܪܐ ܪܒܐ ܒܕܩܬ. ܒܥܝ (25) ܡܢܗ ܘܐܬܟܫܦ ܠܗ. ܕܢܢܗܪ ܠ̈ܢܦܫܬܐ (26) ܕܟܠܢ ܐܚܪܢܐ:ܒܪܐ ܕܫ̣ܪܐ ܒܡܪܒܥܐ: (27) ܥܩܪܬܐ ܝܠܕܬ݀ ܐܝܙܓܕܐ. ܕܢܬܩܢ (28) ܐܘܪܚܐ ܩܕܡ ܡܪܗ . ܘܐܒܘܗܝ ܟܗܢܐ (29) ܕܐܫܬܬܩ. ܐܫܬܪܝ ܐܣ̣ܪ ܠܫܢܗ (30) ܡܒܪܟ ܐܢܬ ܡܪܝܐ ܐܠܗܐ ܀ ܚܕܘܐ ܪܒܐ (31) ܗܘ̣ܐ ܝܘܡܢ. ܒܒܝܬܗ ܕܟܗܢܐ ܠܘܝܐ (32) ܒܡܘܠܕܗ ܕܛܠܝܐ ܪܓܝܓܐ. ܒܪ (33) ܥܩܪ̈ܐ ܟܪܘܙ ܩܘܫܬܐ. ܡܒܪܟ ܐܢܬ ܀ (31r) (a) (1) ܥܩܪܬܐ ܚܕܬ݀ ܒܦܐܪܐ ܕܝܠܕܬ: ܙܟܪܝܐ (2) ܡܘܕܐ ܘܡܫܒܚ. ܘܒܪܘܚܐ ܡܢܨܪ (3) ܗܘܐ ܠܗ. ܕܢܒܝܗ ܐܢܬ ܕܥܠܝܐ. (4) ܡܒܪܟ ܀ ܐܢܬ ܗܘ ܛܠܝܐ ܐܝܙܓܕܗ. (5) ܕܡܪܝܡܐ ܐܦ ܡܥܡܕܢܗ. ܘܡܬܩܢ (6) ܫܒܝ̈ܠܐ ܠܐܠܗܐ ܐܟܡܐ ܕܐܡ̣ܪ ܐܫܥܝܐ. (7) ܡܒܪܟ ܕܫܡܝܐ ܡܫܬܥܝܢ: ܫܡ̈ܝܢܐ (8) ܫܘܒ ܙܡܪܝܢ ܙܟܪܝܐ ܟܗܢܐ ܡܫܒܚ (9) ܗܘܐ. ܕܐܫܬܪܝ ܐܣ̣ܪ ܠܫܢܗ. ܘܐܬܢܒܝ (10) ܟܕ ܐܡ̇ܪ. ܕܐܢܬ ܛܠܝܐ ܢܒܝܗ ܕܥܠܝܐ (11) ܕܥܠܝܐ ܬܬܩܪܐ ܀ ܝܘܡܢܐ ܕܐܨ ܘܦܨܝܚ (12) ܙܟܪܝܐ ܟܗܢܐ ܕܐܫܬܬܩ. ܘܡܠܐ (13) ܦܘܡܗ ܬܘܕܝܬܐ. ܕܐܬܝܠܕ ܠܗ ܟܪܘܙܐ ܀ (14) ܝܘܡܢܐ ܕܨܬ݀ ܥܩܪܬܐ. ܒܡܘܠܕܗ (15) ܕܟܪܘܙ ܩܘܫܬܐ. ܘܐܬܦܬܚ ܗܘܐ (16) ܦܘܡܗ ܕܐܒܘܗܝ. ܘܫܲܪܝ ܙܡ̇ܪ (17) ܬܫܒܘ ܀ ܚܕܝܘ ܫܒ̈ܝܒܗ̇ ܘܒ̈ܢܝ (18) ܛܘܗܡܗ̇. ܕܐܣܓܝ ܐܠܗܐ ܠܘܬܗ̇ (19) ܚܢܢܐ ܘܪ̈ܚܡܐ ܘܦܘܪܩܢܐ. ܘܝܗ̣ܒ (20) ܠܗ̇ ܦܐܪܐ ܕܚ̈ܕܘܬܐ ܐܚܪܢܐ: ܒܪܝܟ (21) ܕܚܲܕܝ ܠ̈ܫܡܝܢܐ ܒܪܝܟ ܕܚܲܕܝ (22) ܠܫܡ̈ܝܢܐ. ܘܐܦ̣ܨܚ ܠܐܪ̈ܥܢܐ. ܒܡܘܠܕܗ (23) ܕܟܪܘܙ ܩܘܫܬܐ. ܚ̈ܕܝܢ ܒܪܝܬܐ ܀ (24) ܒܛܘܪܐ ܕܝܗܘܕ ܕܘܡܪܐ. ܘܕܘܨܐ (25) ܘܬܫܒܘ. ܘܠ̈ܘܝܐ ܬܘܒ ܗܐ ܚ̇ܕܝܢ. (26) ܒܝܠܕܟ ܝܘܚܢܢ܀ ܫܘ ܠܗ ܠܝܚܝܕܝܐ. (27) ܕܡܠ̣ܝܗܝ ܪܘܚܩܘܕܫܐ. ܘܫܲܕܪܗ (28) ܩܘܕܡܘܗܝ ܕܢܛܝܒ ܐܘܪܚܐ ܠܣܒܪܬܐ. (29) ܬܫܒܘ ܚܕܬܐ: ܝܘܡܢܐ ܐܬܝܠܕ ܝܘܚܢܢ (30) ܟܪܘܙܐ ܠܥܩܪ̈ܐ ܕܐܥܬ̣ܩܘ ܗܘܘ. (31) ܘܐܘܕܝ ܙܟܪܝܐ ܘܕܨܬ݀ ܥܩܪܬܐ. ܘܫܲܒܚ (32) ܥܡܐ. ܕܗܘ̣ܐ ܦܐܪܐ ܠܥܩܪܘܬܐ. ܒܬܗܪܐ (b) (1) ܘܕܘܡܪܐ ܀ ܙܟܪܝܐ ܟܗܢܐ. ܐܫܬܪܝ ܗܘܐ (2) ܠܫܢܗ ܒܝܠܕܗ ܕܟܪܘܙܐ. ܘܐܘܕܝ ܠܡܪܝܐ (3) ܟܕ ܐܡ̇ܪ ܗܘܐ ܒܚܕܘܐ ܪܒܐ. ܕܫܘܒ (4) ܠܪ̈ܚܡܝܟ ܚܲܢܢܐ ܕܣܥ̣ܪܬ ܠܓܒܝܠܬܟ ܀ (5) ܐܚܪܢܐ: ܠܢܨܪܬ ܡܕܝܢܬܐ ܗ̇ܘ ܕܝܗ̣ܒ (6) ܦܐܪܐ ܠܥܩܪ̈ܬܐ ܐܝܣܚܩ ܟܐܢܐ (7) ܘܫܡܘܐܝܠ ܘܐܦ ܝܘܚܢܢ. ܡܢ ܐܠܝܫܒܥ (8) ܒܪܬ ܐܗܪܘܢ. ܥܩܪܬܐ ܕܣܐܒ̣ܬ݀ ܗܐ (9) ܡܢ ܢܘܓܪܐ. ܕܢܟܪܙ ܚܝ̈ܐ ܠܡܝ̈ܘܬܐ. (10) ܐܠܗܐ ܀ ܒܛܘܪܐ ܕܝܗܘܕ. ܕܘܡܪܐ ܘܒܝܬ (11) ܠ̈ܘܝܐ ܬܕܡܘܪܬܐ ܘܬܗܪܐ ܪܒܐ. ܟܕ (12) ܐܬܝܠܕ ܝܘܚܢܢ. ܡܢ ܒܪܬ ܐܗܪܘܢ (13) ܥܩܪܬܐ ܕܣܐܒ̣ܬ: ܘܢܐܡ̣ܪ ܟܠܢ. ܕܒܪܝܟ (14) ܗܘ ܡܪܝܐ ܕܣܥ̣ܪ ܠܓܒܝܠܬܗ ܒܪ̈ܚܡܐ (15) ܕܝܠܗ ܀ ܬܗܪܐ ܪܒܐ ܘܕܘܡܪܐ ܗܘ̣ܐ (16) ܝܘܡܢܐ ܒܛܘܪܐ ܕܝܗܘܕ. ܟܕ ܐܬܝܠܕ (17) ܝܘܚܢܢ. ܡܢ ܐܠܝܫܒܥ ܒܪܬ ܠ̈ܘܝܐ. (18) ܘܐܫܬܪܝ ܫܬ̣ܩܗ ܕܙܟܪܝܐ. ܘܫܲܪܝ (19) ܡܫܲܒܚ ܠܡܪܝܐ ܕܣܲܥܪܗ ܒܚܢܢܗ ܀ (20) ܚܲܕܐ ܠܢ ܡܪܝ. ܒܝܘܡ ܡܘܠܕܗ (21) ܕܝܘܚܢܢ ܟܪܘܙ ܩܘܫܬܐ. ܘܐܫܘ̣ܐ ܠܢ (22) ܠܫܘܒܩܢ ܚ̈ܘܒܐ. ܒܝܕ ܒܥ̈ܘܬܗ ܕܐܝܙܓܕ (23) ܫܝܢܐ. ܘܫܲܟܢ ܠܢ ܕܒܚܕܘܬܐ. ܢܫܡܠܐ (24) ܘܢܥܒ̣ܕ ܕܘܟܪ̈ܢܝܗܘܢ ܕܪ̈ܚܡܝܟ
ܡܘܪܒܐ (25) ܢܦܫܝ. ܠܟܝ ܕܟܝܬܐ ܘܙܗܝܬ ܒܓܘܫܡܗ̇ (26) ܝܘܚܢܢ ܒܪ ܠ̈ܘܝܐ. ܐܬܝܠܕ ܩܠܐ ܠܡܠܬܐ. (27) ܙܟܪܝܐ ܡܘܕܐ ܘܡܫܒܚ. ܘܐܠܝܫܒܥ (28) ܚܕܝܐ ܘܕܝ̇ܨܐ. ܘܫܒ̈ܒܝܗ̇ ܘܒܢ̈ܝ ܛܘܗܡܗ̇. (29) ܘܙ̇ܡܪܝܢ ܫܘ ܠܡܪܐ ܟܠ ܀ ܝܘܚܢܢ (30) ܩܠܐ ܠܡܠܬܐ. ܒܚܘܪܒܐ ܐܙܥ̣ܩ ܟܕ (31) ܐܡ̣ܪ: ܕܝܠܕܐ ܒܝܫܐ ܕܐܟ̈ܕܢܐ. ܥܒ̣ܕܘ (32) ܦܐܪ̈ܐ ܕܬܝܒܘܬܐ. ܕܐܟܳܪ ܚܝ̈ܐ ܡܲܢܥ ܠܗ. (33) ܙܡ̣ܪܘ ܫܘ ܒܠ̈ܫܢܝܟܘܢ ܐܚܪܬܐ: ܐܫܥܝܐ (31v) (a) (1) ܕܘܨ ܟܕ ܚ̇ܕܝܬ ܪܒ ܬܗܪܐ ܕܗܘ̣ܐ (2) ܒܝܗܘܕ. ܟܕ ܐܬܝܠܕ ܝܘܚܢܢ ܓܒܝܐ. (3) ܕܫܡܫܐ ܒܪܘܡܐ ܡܪܩܕ ܗܘܐ. ܘܚܲܕܘܐ (4) ܒܫܡܝܐ. ܘܒܐܪܥܐ ܫܝܢܐ ܐܣܬܲܒܪ. (5) ܕܒܲܕܩ ܗܘܐ ܠܗ̇ ܥܠ ܝܚܝܕܝܐ. ܘܗܘ̣ (6) ܥܡ ܟܘܟܒ ܢܘܗܓܳܐ. ܗܘ̣ܘ ܟܪ̈ܘܙܐ. (7) ܠܡܠܬܐ ܐܠܗܐ ܀ ܒܪܘܚ ܩܘܕܫܐ ܢܲܨܪ (8) ܠܒܪܗ: ܙܟܪܝܐ ܟܗܢܐ ܘܡܲܠܦ ܢܡܘܣܐ. (9) ܕܢܒܝܗ ܐܢܬ ܕܥܠܝܐ. ܘܡܟܪܙ ܡܐܬܝܬܗ. (10) ܐܢܬ ܬܐܙ̣ܠ ܩܕܡ ܦܪܨܘܦܗ. ܒܪܘܚܐ (11) ܘܚܲܝܠܐ ܕܠܠܝܐ ܢܒܝܐ. ܘܬܦܢܐ ܒܢ̈ܝܐ (12) ܠܐܒܗ̈ܐ ܘܠܠܐ ܪ̈ܕܐ ܠܝܕܥܬܐ ܕܟ̈ܐܢܐ: (13) ܫܒܚܘ ܠܡܪܝܐ ܡܢ ܫܡܝܐ: ܐܬܬܥܝܪܘ (14) ܕܡ̈ܟܐ ܒܗܢܐ ܝܘܡܐ ܐܬܚܪܪ ܘܐܫܬܪܝ (15) ܙܟܪܝܐ. ܡܢ ܦܟܪ̈ܐ ܫܬܩ̈ܢܝܐ. ܒܡܘܠܕܗ (16) ܕܟܪܘܙ ܩܘܫܬܐ. ܘܠܟ ܝ̇ܐܐ ܫܘ ܐܠܗܐ ܀ (17) ܒܗܢ ܝܘܡܐ ܕܐܨ̇ ܘܦ̣ܨܝܚ. ܟܗܢܐ (18) ܙܟܪܝܐ. ܘܡܠܐ ܦܘܡܗ ܬܘܕܝܬܐ ܕܐܬܝܠܕ (19) ܠܗ ܟܪܘܙܐ. ܕܡܫܲܦܐ ܐܘܪܚܐ ܩܕܡ (20) ܡܪܗ ܀ ܗܘ̣ܐ ܗܘܐ ܝܘܚܢܢ ܩܠܐ ܕܩ̇ܪܐ (21) ܒܡܕܒܪܐ. ܕܡܠܟܘܬܐ ܗ̇ܝ ܕܫܡܝܐ. (22) ܩܪܒ̣ܬ݀ ܕܬܐܬܐ ܡܢ ܪܘܡܐ. ܘܠܟ ܝ̇ܐܐ ܀ (23) ܩܕܝܫ ܩܕܝܫ ܩ̇ܥܝܢ ܠܗ: ܣܪ̈ܦܐ (24) ܕܠܥܠ. ܘܚܢܢ ܥܡܥܗܘܢ ܐܡ̇ܪܝܢܢ. ܒܪܝܟ (25) ܗܘ ܕܫܲܕܪܗ ܠܝܘܚܢܢ. ܕܢܡܟܘܪ ܠܗ (26) ܥܕܬܐ ܩܕܝܫܬܐ ܀ ܢܥ̈ܠܢ ܨܠ̈ܘܬܢ ܩܕܡܝܟ (27) ܐܝܬܝܐ ܓܢܝܙܐ. ܘܢܬܩ̈ܒܠܢ ܐܦ ܢܬܦ̈ܢܝܢ. (28) ܫܐܠ̈ܬܢ ܡܢ ܒܝܬ ܓܙܟ. ܘܠܟ ܝܐܐ ܐܚܪܢܐ (29) ܣܓܕ ܠܟ ܡܪܝܐ ܣܓܕܝܢ ܠܟ ܡܪܝ (30) ܡ̈ܠܐܟܐ. ܘܒܢ̈ܝ ܐܢܫ̈ܐ ܥܠ ܐܪܥܐ. ܣ̇ܓܕ (31) ܠܟ ܝܲܡܐ ܘܝܒܫܐ. ܕܒܪܡܙܟ ܬܩܢܬ ܐܢܘܢ ܀ (32) ܚ̇ܕܝܢ ܥܝܪ̈ܐ ܘܡ̈ܠܐܟܐ ܒܡܘܠܕܟ (33) ܟܪܘܙ ܩܘܫܬܐ. ܐܦ ܥܩܪ̈ܐ ܦܨܝܚܝܢ (b) (1) ܣܓܝ. ܕܐܬܚܲܕܬܬ ܥܬܝܩܘܬܗܘܢ ܀ (2) ܐܩܝܡ ܩܪܢܐ ܕܦܘܪܩܢܐ ܒܓܘ (3) ܒܝܬܗ ܕܕܘܝܕ ܥܒ̣ܕܗ. ܐܟܡܐ (4) ܕܡܲܠܠ ܒܢܒ̈ܝܘܗܝ. ܘܕܢܚ ܦܘܪܩܢܐ (5) ܠܥܡ̈ܡܐ ܀ ܒܪ ܥܩܪܘܬܐ ܕܐܬܝܠܕ. (6) ܩܪܐ ܠܗ ܦܘܢܝܐ ܠܥܡܐ. ܕܗܢܐ (7) ܐܝܬܘܗܝ ܣܘܟܝܐ. ܘܦܘܪܩܢܐ ܠܟܠܗܘܢ (8) ܥܡ̈ܡܐ
ܛܘܒܝܗܘܢ܆ ܡܐ ܫܦܝܪ. (9) ܗܘܐ: ܡܐ ܫܲܦܝܪ ܗܘܐ ܘܦܐܐ: ܗܢܐ (10) ܝܘܡܐ ܕܒܗ ܐܬܝܠܕ. ܟܪܘܙ ܩܘܫܬܐ (11) ܝܘܚܢܢ. ܡܢ ܐܠܝܫܒܥ. ܘܚܪܪ ܠܐܒܘ (12) ܡܢ ܦܟܪ̈ܐ ܫܸܬܩ̈ܢܝܐ ܀ ܡܐ ܫܦܝܪܐ (13) ܙܡܝܪܬܐ. ܕܐܙܕܡܪܬ݀ ܗܘܬ ܒܛܘܪܐ (14) ܕܝܗܘܕ. ܟܕ ܐܬܝܠܕ ܝܘܚܢܢ ܡܢ (15) ܒܪܬ ܐܗܪܘܢ. ܥܩܪܬܐ. ܕܣܐܒ̣ܬ: (16) ܘܐܫܬܡܠܝ ܗܘܐ ܣܘܟܝܵܗ̇ ܀ ܠܟ (17) ܛܘܒܝܟ ܝܘܚܢܢ ܟܪܘܙ ܩܘܫܬܐ. ܕܡܠܸܟ (18) ܡ̈ܠܟܐ ܐܫܘܝ̣ܟ ܕܐܬܣܝܡ ܝܡܝܢܟ. (19) ܠܥܠ ܡܢ ܪܝܫܗ. ܘܐܒܐ ܕܩ̇ܥܐ. (20) ܕܗܢܘ ܒܪܝ ܗܢܘ ܚܒܝܒ ܐܚܪܢܐ: (21) ܡܐ ܕܐܬܐ ܐܢܬ ܒܝܘܡ ܡܘܠܕܟ. ܟܪܘܙ (22) ܩܘܫܬܐ ܝܘܚܢܢ. ܚܕܝܬ݀ ܐܠܝܫܒܥ (23) ܐܡܟ ܘܠܡܪܝܐ ܐܘܕܝܬ: ܐܬܕܟܪܝܢܝ ܀ (24) ܩܥ̣ܐ ܗܘܐ ܙܟܪܝܐ. ܕܝܘܚܢܢ ܢ̣ܬܩܪܐ (25) ܛܠܝܐ. ܐܟܡܐ ܕܡܠܐܟܐ ܫܲܡܗܗ. (26) ܒܓܘ ܗܝܟܠ ܩܘܕܫܐ. ܐܬܕܟܪܝܢ ܀ (27) ܫܦܝܪ ܗܘܐ ܠܗ ܠܙܟܪܝܐ ܟܕ ܡܢܲܨܪ (28) ܠܗ. ܠܝܘܚܢܢ ܘܡܚܲܒܒ ܠܗ (29) ܘܡܫܲܒܚ ܠܡܪܝܐ. ܐܬܕܟܪܝܢ ܀ ܫܘ ܠܟ (30) ܡܪܝ. ܕܝܗ̣ܒܬ ܦܐܪܐ ܠܣܒ̈ܐ ܥܩܪ̈ܐ. (31) ܘܢܬܩܢ ܐܘܪܚܐ ܠܡܬܝܬܟ. ܕܬܦܪܘܩ (32) ܒܪ̈ܝܬܐ ܐܬܕܟܪܝܢ.
(33) ܩܠܐ ܕܨܦܪܐ ܩ ܩܘܩܝܐ ܦܐܪܐ ܦܐܝܐ (32r) (a) (1) ܕܐܬܝܠܕ ܡܢ ܥܩܪܘܬܐ. ܠܚܘܪܒܐ (2) ܢܦ̣ܩ ܗܘܐ ܕܢܚܲܘܐ ܐܘܪܚܐ ܠܬܝ̈ܒܐ. (3) ܪܫ̣ܡ ܗܘܐ ܛܘܦܣܐ ܥܕ ܐܬܐ ܫܪܪܐ: (4) ܠܚܬܢܐ ܡܣܲܟܐ ܕܢܚܲܘܐ ܙܝܘܗ: ܗ̣ܘ (5) ܡܲܟܪܙ ܡܥܡܘܕܝܬܐ ܕܬܝܒܘܬܐ. ܥܕ ܐܬ̇ܐ (6) ܒܪ ܐܠܗܐ ܘܡܩܲܕܫ ܝܘܪܕܢܢ ܗ ܗ܀ (7) ܐܬܢܒܝ ܙܟܪܝܐ ܟܗܢܐ ܡܛܠ ܝܠܕܗ. (8) ܘܢܨܪܗ ܗܘܐ ܒܪܘܚܐ ܕܩܘܕܫܐ (9) ܘܗܟܢ ܐܡ̣ܪ ܠܗ. ܕܐܢܬ ܠܡ ܛܠܝܐ (10) ܟܪܘܙܐ ܬܗܘܐ: ܩܠܐ ܠܡܠܬܐ. ܘܪܰܗܳܛܐ (11) ܠܚܬܢܐ: ܬܐܙܠ ܓܝܪ ܩܕܡ (12) ܦܪܨܘܦܗ ܕܡܠܸܟ ܡ̈ܠܟܐ. ܘܬܩ̣ܪܐ (13) ܠ̈ܥܡܡܐ ܛܥ̈ܝܐ ܠܐܘܪܚܐ ܕܫܪܪܐ ܗ (14) ܐܚܪܢܐ: ܕܚܛܐ ܠܐ ܢܚܛܐ ܚܕܘܬܐ (15) ܪܒܬܐ ܐܬܡܠܝ ܗܘܐ ܙܟܪܝܐ. ܒܝܘܡܐ (16) ܕܡܘܠܕܗ ܕܟܪܘܙܐ ܕܩܘܫܬܐ. ܘܐܘܕܝ (17) ܠܡܪܝܡܐ ܘܣܘܟܵܝܗ ܝܗ̣ܒܠܗ. (18) ܘܠܥܩܪܬܐ ܕܣܐܒ̣ܬ܇ ܒܝܕ ܦܐܪܐ ܐܦܨܚܗ̇ ܗ ܗ (19) ܒܪܝܟ ܗܘ ܕܒܝܠܕܗ ܐܦ̣ܨܚ (20) ܠܝ̇ܠܕܬܗ ܀ ܚܕ ܦܪܐ ܪܚܝܡܐ. ܝܠܕܬ݀ (21) ܐܠܝܫܒܥ. ܡܢ ܙܟܪܝܐ ܟܗܢܐ. ܥܒ̣ܕܗ (22) ܕܡܪܝܡܐ. ܗܘ̣ ܗܘ̣ܐ ܠܗ̇ ܠܥܕܬܐ. (23) ܟܪܘܙܐ ܡܫܲܒܚܐ. ܘܚ̈ܝܐ ܙܪܥ̣ ܒܐܕܢ̈ܝܗ̇ (24) ܘܡܟܪܗ̇ ܠܡܪܝܡܐ ܗ ܗ ܘܗܐ ܙ̇ܡܪܐ (25) ܫܘ ܒܝܘܡܐ ܕܡܘܠܕܗ
ܒܥܘܬܐ ܕܡܪܝ (26) ܝܥܩܘܒ ܟܕ ܕܝܢ ܡܲܛܝ ܙܒܢܐ (27) ܕܡܠܬܐ ܢܚܲܘܐ ܢܦܫܗ: ܦܩ̣ܕ ܠܗ (28) ܠܩܠܐ ܘܐܬ̣ܐ ܠܝܠܕܐ ܐܝܟ ܕܐܬܐܡ̣ܪܬ: (29) ܝܗ̣ܒܠܗ ܠܣܒܐ ܦܐܪܐ ܘܚܲܕܝܗ ܐܝܟ (30) ܣܘܟܝܗ. ܘܚܕܝܬ݀ ܐܡܗ ܕܝܠܕܬ݀ (31) ܦܐܪܐ ܕܪܓܝܓ ܘܪܚܡ ܀ ܘܟܕ (32) ܡܬܚܲܫܒܝܢ ܘܕܢܩܪܘܢܝܗܝ ܠܫܡܗ (33) ܙܟܪܝܐ: ܪܡ̣ܙ ܗܘܐ ܐܒܘܗܝ ܕܠܐ ܗܟܢܐ (b) (1) ܢܬܩܪܐ ܛܠܝܐ: ܐܠܐ ܢܗܘܐ ܫܡܗ ܝܘܚܢܢ (2) ܐܝܟ ܕܐܬܐܡܪܬ: ܡܢ ܡܠܐܟܐ ܒܩܕܘܫ (3) ܩܘ̈ܕܫܝܢ ܒܝܘܡ ܣܘܒܪܗ:
(4) ܕܬܠܬܫ̈ܥܝܢ: ܠܡܪܝܡ ܝ̇ܠܕܬ ܐܠܗܐ (5) ܒܗܢܐ ܝܘܡܐ ܕܒܗ ܐܬܝܠܕ ܟܪܘܙ (6) ܩܘܫܬܐ. ܬܘܕܐ ܥܕܬܐ ܘܬܫܲܒܚ ܠܗ̇ܘ (7) ܕܨܒ̣ܐ ܒܗ. ܘܓܒ̣ܝܗܝ ܗܘܐ ܕܢܟܪܙ (8) ܩܘܕܡܘܗܝ ܡܠܟܘܬ ܪܘܡܐ. ܠܟܠܗܘܢ (9) ܥܡ̈ܡܐ ܘܐܡ̈ܘܬܐ ܕܒܐܪ̈ܒܥ ܦܢ̈ܝܢ ܀ (10) ܙܟܪܝܐ ܕܵܨ ܘܚܕܝ ܘܫܒܚ ܒܝܘܡ ܡܘܠܕܗ (11) ܕܝܘܚܢܢ ܗ̇ܘ ܟܪܘܙܐ ܘܩܥ̣ܐ ܘܐܡ̣ܪ. (12) ܕܡܒܪܟ ܗܘ ܐܠܗܐ ܕܣܥ̣ܪ ܥܡܗ: (13) ܘܐܩܝ̣ܡ ܩܪܢܐ ܕܦܘܪܩܢܐ ܠܕܘܝܕ (14) ܥܒܕܗ
ܒܥܘܬܐ (15) ܕܡܪܝ ܐܦܪܝܡ ܩܪܸܒ (16) ܙܒܢܐ ܕܬܦܪܐ ܥܩܪܬܐ. ܐܠܝܫܒܥ ܠܟܪܘܙ (17) ܩܘܫܬܐ. ܘܩܪܒܘ ܨܝܕ ܐܒܘܗܝ ܙܟܪܝܐ. (18) ܘܐܦܝܣܘܗܝ ܕܢܟܬܘܒ ܠܫܡܗ ܀ (19) ܘܐܢܬ ܛܠܝܐ ܢܒܝܐ ܬܗܘܐ. ܘܕܚܲܢܢܐ ܕܐܬ̣ܐ (20) ܠܥܠܡܐ. ܬܐܙܠ ܓܝܪ ܩܕܡ ܦܪܨܘܦܗ. (21) ܕܐܬܛܝܒ ܐܘܪܚܐ ܕܡܪܝܐ. ܕܢܚܐ ܕܐܬ̣ܐ ܡܢ (22) ܪܘܡܐ. ܕܢܲܢܗܪ ܠܝ̈ܬܒܝ ܒܚܫܘܟܐ:
(23) ܫܠܡ ܕܡܘܠܕܗ ܕܝܘܚܢܢ܆ ܨܠܘ ܥܠܝ܆
