Syriac Liturgy

Vespers, Sunday of the Beginning of Lent, John (Jn 2:1–11)

(66v) (1) ܕܢܓܗ ܚܕ ܒܫܒܐ ܕܥܠܳܠ ܨܘܡܐ (2) ܒܝܘܚܢܢ [in marg. ܦܫܝܛܬܐ] ܘܠܝܘܡܐ ܕ݂ܬ݂ܠܬ݂ܐ܆ (2) ܗܘܬ ܡܫܬܘܬܐ ܒܩܛܢܐ (3) ܡܕܝܢܬܐ ܕܓܠܝܠܐ. ܘܐܡܗ (4) ܕܝܫܘܥ ܬܡܢ ܗܘܬ: ⁠⁠ܘܐܦ (5) ܗܘ ܝܫܘܥ ܘܬܠܡܝܕ̈ܘܗܝ (6) ܐܬܩܪܝܘ ܠܗ ܠܡܫܬܘܬܐ. ⁠⁠ܘܚܣܪ (7) ܗܘܐ ܚܡܪܐ܀ ܘܐܡܪܐ ܠܗ (8) ܐܡܗ ܠܝܫܘܥ. ܚܡܪܐ ܠܝܬ (9) ܠܗܘܢ܀ ܐܡ̇ܪ ܠܗ̇ ܝܫܘܥ. (10) ܡܐ ܠܝ ܘܠܟܝ ܐܢܬܬܐ. ܠܐ (11) ܥܕܟܝܠ ܐܬܬ ܫܥܬܝ ܀ ⁠⁠ܐܡܪܐ (12) ܐܡܗ ܠܡܫܡ̈ܫܢܐ. ܡܕܡ ܕܐܡܪ (67r) (1) ܠܟܘܢ ܥܒܕܘ ܀ ⁠⁠ܐܝܬ ܗܘ̈ܝ ܕܝܢ (2) ܬܡܢ ܐܓܢ̈ܐ ܕܟܐܦ̈ܐ ܫܬ܆ (3) ܕܣܝ̈ܡܢ ܠܬܕܟܝܬܐ ܕܝܘ̈ܕܝܐ. (4) ܕܐܚ̈ܕܢ ܬܪܝܢ ܬܪܝܢ ܪ̈ܒܥܝܢ ܐܘ (5) ܬܠܬܐ ܀ ⁠⁠ܐܡܪ ܠܗܘܢ ܝܫܘܥ. (6) ܡܠܘ ܐܢܝܢ ܡܝ̈ܐ ܠܐܓܢ̈ܐ. ܘܡܠܘ (7) ܐܢܝܢ ܥܕܡܐ ܠܥܠ.܀ ܐܡ̇ܪ ܠܗܘܢ. (8) ܙܠܘܥܘ ܡܟܝܠ ܘܐܝܬܘ ܠܪܝܫ (9) ܣܡܟܐ. ܘܐܝܬܝܘ. ⁠⁠ܘܟܕ ܛܥ̣ܡ (10) ܗ̇ܘ ܪܝܫ ܣܡܟܐ ܡܝ̈ܐ ܗܢܘܢ (11) ܕܗܘܘ ܚܡܪܐ: ܘܠܐ ܝܕܥ ܗܘܐ (12) ܡܢ ܐܝܡܟܐ ܗܘܐ: ܡܫܡ̈ܫܢܐ ܕܝܢ (13) ܝܕܥܝܢ ܗܘܘ. ܕܗܢܘܢ ܡܠܘ (14) ܐܢܘܢ ܠܡܝ̈ܐ ܀ ܩܪܐ ܪܝܫ (15) ܣܡܟܐ ܠܚܬܢܐ ⁠⁠ܘܐܡ̣ܪ ܠܗ. (16) ܟܠܢܫ ܠܘܩܕܡ ܚܡܪܐ ܛܒܐ (17) ܡܝܬܐ. ܘܡܐ ܕܪܘܝܘ ܗܝܕܝܢ (18) ܐܝܢܐ ܕܒܨܝܪ܀ ܐܢܬ ܕܝܢ ܢܛܪܬܝܗܝ (19) ܠܚܡܪܐ ܛܒܐ ܥܕܡܐ ܠܗܫܐ ܀ (20) ⁠⁠ܗܕܐ ܗܝ ܐܬܐ ܩܕܡܝܬܐ ܕܥܒܕ (21) ܝܫܘܥ ܒܩܛܢܐ ܕܓܠܝܠܐ. (22) ܘܐܘܕܥ ܫܘܒܚܗ ܘܗܝܡܢܘ (23) ܒܗ ܬܠܡܝ̈ܕܘܗܝ܀

Morning, John (Ḥarqlean)

(24) ܕܨܦܪܐ ܒܝܘܚܢܢ (ܚܪܩܠܝܬܐ)

First Week of Lent

(67v) (1) ܕܫܒܬܐ ܩܕܡܝܬܐ ܕܨܘܡܐ.

Morning of Monday (of the Beginning of Lent), Matthew (Mt 4:1–11)

(2) ܕܨܦܪܐ ܕܝܘܡ ܬܪܝܢ. ܒܡܬܝ: (3) ܗܝܕܝܢ ܝܫܘܥ ܐܣܬܰܠܰܩ (4) ܠܡܕܒܪܐ ܡܢ ܪܘܚܐ܇ ܠܡܬܢ̇ܣܝܘ (5) ܡ̣ܢ ܡܪܡܝܢܐ܀ ܘܟܕ ܨܡ (6) ܐܝܡܡ̈ܐ ܐܪܒܥܝܢ ܘܠܝܠܘ̈ܬܐ (7) ܐܪܒܥܝܢ܆ ܠܐܚܪܝܬܐ ܟܦܝܢ܀ ܘܟܕ (8) ܐܬܩܲܪܒ ܠܗ ܗ̇ܘ ܕܡܢܲܣܐ (9) ܐܡ̣ܪ. ܐܢ ܐܝܬܝܟ ܒܪܐ ܕܐܠܗܐ܆ (68r) (1) ܐܡ̣ܪ ܕܟܐܦ̈ܐ ܗܠܝܢ ܠܚܡܐ (2) ܢܗܘ̈ܝܢ܀ ܗ̣ܘ ܕܝܢ ܟܕ ܦܲܢܝ. (3) ܐܡ̣ܪ. ܟܬܝܒ܆ ܕܠܲܘ ܒܠܚܡܐ (4) ܒܠܚܘܕ ܢܐܚܐ ܒܪܢܫܐ. ܐܠܐ ܒܟܠ (5) ܡܠܬܐ ܕܢ̇ܦܩܐ ܒܝܕ ܦܘܡܗ (6) ܕܐܠܗܐ܀ ܗ̇ܝܕܝܢ ܕܳܒ̇ܪ ܠܗ (7) ܡܪܡܝܢܐ ܠܡܕܝܢܬܐ ܩܕܝܫܬܐ. (8) ܘܡܩ̣ܝܡ ܠܗ ܥܠ ܟܢܦܐ (9) ܕܗܝܟܠܐ. ܘܐܡ̇ܪ ܠܗ. ܐܢ ܒܪܐ (10) ܐܝܬܝܟ ܕܐܠܗܐ܆ ܐܪܡܐ ܐܢܬ ܠܟ (11) ܡܢ ܗܪܟܐ ܠܬܚܬ. ܟܬܝܒ (12) ܓܝܪ ܕܠܡܠܐܟ̈ܘܗܝ ܢܦܲܩܕ (13) ܡܛܠܬܟ ܕܢܢ̇ܛܪܘܢܟ: ܘܥܠ (14) ܐܝܕܝ̈ܐ ܢܫܩܠܘܢܟ܆ ܕܠܐ ܡܬܘܡ (15) ܬܬܬܩܠܝ ܒܟܐܦ ܒܪܓܠܐ ܕܝܠܟ܀ (16) ܐܡ̇ܪ ܠܗ ܝܫܘܥ. ܬܘܒ (17) ܟܬܝܒ܆ ܕܠܐ ܬܢܰܣܐ ܠܡܪܝܐ (18) ܐܠܗܐ ܕܝܠܟ܀ ܬܘܒ ܕܳܒ̇ܪ ܠܗ (19) ܡܪܡܝܢܐ ܠܛܘܪܐ ܕܪܵܡ ܣܲܓܝ܆ (20) ܘܡܚܲܘܐ ܠܗ ܟܠܗܝܢ ܡܠܟܘ̈ܬܐ (21) ܕܥܠܡܐ ܘܫܘܒܚܐ ܕܝܠܗܝܢ. (22) ܘܐܡ̇ܪ ܠܗ. ܗܠܝܢ ܟܠܗܝܢ ܠܟ (23) ܐܬܠ܆ ܐܢ ܟܕ ܬܦܠ ܬܣܓܘܕ ܠܝ܀ (24) ܗܝܕܝܢ ܐܡ̇ܪ ܠܗ ܗ̣ܘ ܝܫܘܥ. (25) ܙܠ ܠܟ ܠܒܣܬܪܝ ܣܛܢܐ. (26) ܟܬܝܒ ܓܝܪ܆ ܕܠܡܪܝܐ ܐܠܗܐ ܕܝܠܟ (27) ܬܣܓܘܕ܆ ܘܠܗ ܒܠܚܘܕܘܗܝ (28) ܬܦܠܘܚ܀ ܗܝܕܝܢ ܫܒ̣ܩܗ (68v) (1) ܐܟܠܩܪܨܐ܆ ܘܗܐ ܡܠܐܟ̈ܐ ܩܪܒܘ. (2) ܘܡܫܡܫܝܢ ܗܘܘ ܠܗ܀

Third Hour, Time (of the Rite) of Forgiveness, Matthew (Mt 18:12–35)

(3) ܕܥܕܢܐ ܕܫܘܒܩܢܐ ܕܬܠܬܫܥ̈ܝܢ. (4) ܒܡܬܝ܆ ܡܢܐ ܠܟܘܢ ܡܣܬܒܪܐ (5) ܐܢ ܢܗܘܘܢ ܠܐܢܫ ܒܪܢܫܐ ܡܐܐ (6) ܥܪ̈ܒܐ܆ ܘܢ̣ܛܥܐ ܚܕ ܡܢܗܘܢ܆ (7) ܠܘ ܟܕ ܫ̇ܒܩ ܬܫܥܝ̈ܢ ܘܬܫܥܐ (8) ܥܠ ܛܘܪ̈ܐ܆ ܐܙܠ ܒܥܐ ܠܗ̇ܘ (9) ܛܥܝܐ. ܘܐܢ ܬܗܘܐ ܘܢܫܟܚܝܘܗܝ܆ (10) ܐܡܝܢ ܐܡ̇ܪ ܐܢܐ ܠܟܘܢ܆ ܕܚ̇ܕܐ (11) ܥܠܘܗܝ ܝܬܝܪܐܝܬ܆ ܐܘ ܥܠ (12) ܬܫܥܝܢ ܘܬܫܥܐ ܗܠܝܢ ܕܠܐ (13) ܛܥ̣ܰܘ܀ ܗܟܢܐ ܠܐ ܐܝܬ ܨܒܝܢܐ (14) ܩܕܡ ܐܒܐ ܕܝܠܝ ܗ̇ܘ ܕܒܫܡ̈ܝܐ: (15) ܕܢܐܒܕ ܚܕ ܡܢ ܙܥܘܪ̈ܐ ܗܠܝܢ܀ (16) ܐܢܕܝܢ ܢܚܛܐ ܒܟ ܐܚܘܟ. ܙܠ (17) ܘܐܟܣܝܗܝ ܒܝܢܬ ܠܟ ܘܠܗ (18) ܒܠܚܘܕ. ܘܐܢ ܢܫ̣ܡܥܟ ܝܬܪܬ (19) ܐܚܐ ܕܝܠܟ܀ ܐܢܕܝܢ ܠܐ ܢܫ̣ܡܥ܆ (20) ܕܒ̣ܪ ܥܡܟ ܬܘܒ ܚܕ ܐܘ ܬܪܝܢ܆ (21) ܐܝܟܢܐ ܕܥܠ ܦܘܡܐ ܕܬܪܝܢ (22) ܣܗ̈ܕܐ ܐܘ ܬܠܬܐ܆ ܬܩܘܡܝ ܟܠ (23) ܡܠܬܐ܀ ܐܢܕܝܢ ܠܐ ܢܫ̣ܡܥ ܐܢܘܢ. (24) ܐܡ̣ܪ ܠܥܕܬܐ܀ ܐܢ ܕܝܢ ܐܦ ܠܐ ܠܥܕܬܐ (25) ܢܫܡ̣ܥ܆ ܢܗܘܐ ܠܟ ܐܝܟ ܥܡܡܝܐ (26) ܘܡܟܣܐ܀ ܐܡܝܢ ܓܝܪ ܐܡܪ ܐܢܐ (27) ܠܟܘܢ܆ ܕܟܠ ܐܝܠܝܢ ܕܐܢ ܬܐܣܪܘܢ (28) ܥܠ ܐܪܥܐ܆ ܢܗܘ̈ܝܢ ܐܣܝܪ̈ܢ ܒܫܡܝܐ. (69r) (1) ܘܟܠ ܐܝܠܝܢ ܕܐܢ ܬܫܪܘܢ ܥܠ ܐܪܥܐ. (2) ܢܗܘ̈ܝܢ ܫܪ̈ܝܢ ܒܫܡܝܐ܀ ܬܘܒ ܕܝܢ (3) ܐܡܪ ܐܢܐ ܠܟܘܢ܆ ܕܐܢ ܬܪܝܢ ܡܢܟܘܢ (4) ܢܫܠܡܘܢ ܥܠ ܐܪܥܐ܆ ܡܛܠ ܟܠ (5) ܣܘܥܪܢܐ ܗ̇ܘ ܕܐܢ ܢܫܐܠܘܢ܆ ܢܗܘܐ (6) ܠܗܘܢ ܡ̣ܢ ܐܒܐ ܕܝܠܝ܆ ܗ̇ܘ (7) ܕܒܫܡܝܐ. ܐܝܟܐ ܓܝܪ ܕܐܝܬܝܗܘܢ (8) ܬܪܝܢ ܐܘ̇ ܬܠܬܐ ܕܟܢܝܫܝܢ ܒܫܡܐ (9) ܕܝܠܝ܆ ܬܡܢ ܐܝܬܝ ܒܡܨܥܬܐ (10) ܕܝܠܗܘܢ܀ ܗ̇ܝܕܝܢ ܟܕ ܩ̣ܪܒ (11) ܠܘܬܗ ܦܛܪܘܣ ܐܡܪ. ܡܪܝܐ܆ (12) ܟܡܐ ܙܒܢ̈ܝܢ ܐܢ ܢܚܛܐ ܒܝ (13) ܐܚܝ܆ ܐܫܒܘܩ ܠܗ. ܥܕܡܐ (14) ܠܫܒܥ ܙܒܢ̈ܝܢ܀ ܐܡ̇ܪ ܠܗ (15) ܝܫܘܥ. ܠܐ ܐܡ̇ܪ ܐܢܐ ܠܟ ܥܕܡܐ (16) ܠܫܒܥ ܙܒܢ̈ܝܢ. ܐܠܐ ܥܕܡܐ (17) ܠܫܒ̈ܥܝܢ ܙܒܢ̈ܝܢ ܫܒܥ܀ (18) ܡܛܠܗܕܐ ܐܬܕܡܝܬ ܡܠܟܘܬܐ (19) ܕܫܡ̈ܝܐ܆ ܠܒܪܢܫܐ ܡܠܟܐ ܗ̇ܘ (20) ܕܨܒ̣ܐ ܠܡܥ̣ܒܕ ܚܘܫܒܢܐ ܥܡ (21) ܥܒ̈ܕܐ ܕܝܠܗ ܀ ܟܕ ܫܲܪܝ ܕܝܢ (22) ܠܡܥܒܕ܆ ܐܬܩܪܒ ܠܗ ܚܕ (23) ܚܲܝ̇ܒܐ ܕܪ̈ܒܘ ܟܟܪ̈ܐ. ܟܕ ܠܐ ܐܝܬ (24) ܗܘܐ ܠܗ ܕܝܢ ܠܡܦܪܥ܆ ܦܩܰܕ (25) ܡܪܗ ܕܢܙܕܒܢ ܗ̣ܘ ܘܐܢܬܬܐ ܕܝܠܗ (26) ܘܒܢ̈ܝܐ ܘܟܠ ܡܕܡ ܕܐܝܬ ܠܗ܆ (27) ܘܢܬܦܪܥ܀ ܟܕ ܢܦ̣ܠ ܕܝܢ ܥܒܕܐ (28) ܗ̇ܘ܆ ܣ̇ܓܕ ܗ̣ܘܐ ܠܗ ܟܕ ܐܡ̇ܪ܆ (69v) (1) ܡܪܝ܆ ܐܰܓܪ ܪܘܚܐ ܥܠܝ܆ ܘܟܠܡܕܡ (2) ܦ̇ܪܥ ܐܢܐ ܠܟ܀ ܟܕ ܕܝܢ ܐܬܪܚܡ (3) ܡܪܗ ܕܥܒܕܐ ܗ̇ܘ ܫܪܝܗܝ܆ ܘܗ̇ܝ (4) ܝܙܦܬܐ ܫܒ̣ܩ ܠܗ܀ ܟܕ ܢܦ̣ܩ (5) ܕܝܢ ܥܒܕܐ ܗ̇ܘ܆ ܐܫܟ̣ܚ ܠܚܕ (6) ܡ̣ܢ ܟܢ̈ܘܬܐ ܕܝܠܗ: ܗ̇ܘ ܕܚܲܝ̇ܒ (7) ܗ̣ܘܐ ܠܗ ܡܐܐ ܕܝܢܪ̈ܐ܀ ܘܟܕ (8) ܐܚܕܗ ܚܢܩ ܗ̣ܘܐ ܠܗ܆ ܟܕ ܐܡ̇ܪ܆ (9) ܦܪܘܥܝܢܝ ܗ̇ܘ ܡܕܡ ܕܚܝ̇ܒ ܐܢܬ (10) ܠܝ܀ ܟܕ ܢܦ̣ܠ ܗܟܝܠ ܗ̇ܘ (11) ܟܢܬܐ ܕܝܠܗ ܥܠ ܪ̈ܓܠܘܗܝ: (12) ܡܦܝܣ ܗܘܐ ܠܗ ܟܕ ܐܡܪ܆ (13) ܐܓܪ ܪܘܚܐ ܥܠܝ. ܘܟܠ ܡܕܡ (14) ܦ̇ܪܥ ܐܢܐ ܠܟ܀ ܗ̇ܘ ܕܝܢ ܠܐ ܨ̇ܒܐ (15) ܗܘܐ. ܐܠܐ ܐܙܠ ܐܪܡܝܗ ܒܒܝܬ (16) ܢܛܘܪܬܐ܆ ܥܕܡܐ ܕܢܦܪܘܥ ܗ̇ܝ (17) ܕܡܬܬܚܝܒܐ܀ ܟܕ ܚ̣ܙܘ ܕܝܢ (18) ܟܢܘ̈ܬܐ ܕܝܠܗ ܗ̇ܢܝܢ ܕܗܘ̈ܝ. (19) ܐܬܬܥܝܩܘ ܣܓܝ. ܘܟܕ ܐܬܘ܆ (20) ܐܘܕܥܘ ܠܡܪܐ ܕܝܠܗܘܢ ܟܠܗܝܢ (21) ܗܢܝܢ ܕܗܘ̈ܝ܀ ܗ̇ܝܕܝܢ ܟܕ (22) ܩܪܝܗܝ ܠܘܬܗ ܡܪܐ ܕܝܠܗ (23) ܐܡ̇ܪ ܠܗ. ܥܒܕܐ ܒܝܫܐ: ܟܠܗ̇ (24) ܗ̇ܝ ܚܘܒܬܐ ܫܒܩܬ ܠܟ. ܡܛܠ (25) ܕܐܦܝܣܬܢܝ܆ ܠܐ ܙܕܩ ܗ̣ܘܐ ܐܦ (26) ܠܟ ܕܬܚܘܢ ܠܟܢܬܐ ܕܝܠܟ܇ (27) ܐܝܟܢܐ ܕܐܦ ܐܢܐ ܠܟ ܚܢ̇ܬ܀ ܘܟܕ (28) ܪܓ̣ܙ ܡܪܐ ܕܝܠܗ ܐܫܠܡܗ (70r) (1) ܠܡܫܢ̈ܩܢܐ܆ ܥܕܡܐ ܕܢܦܪܘܥ (2) ܟܠ ܡܕܡ ܕܡܬܬܚܝܒ ܠܗ܀ (3) ܗܟܢܐ ܐܦ ܐܒܐ ܕܝܠܝ ܗ̇ܘ ܫܡܝܢܐ (4) ܢܥܒܕ ܠܟܘܢ. ܐܢ ܠܐ ܬܫܒܩܘܢ (5) ܟܠܚܕ ܡܢܟܘܢ ܠܐܚܐ ܕܝܠܗ ܡ̣ܢ (6) ܠܒܘ̈ܬܟܘܢ ܫܘܪ̈ܥܬܐ ܕܝܠܗܘܢ܀

Vespers, Tuesday (of the Beginning of Lent), Luke (Lk 4:1–13)

(7) ⁠⁠ܕܢܓܗ ܬܠܬܐ ܒܫܒܐ ܒܠܘܩܐ (8) ܝܫܘܥ ܕܝܢ ܟܕ ܡܠܐ ܪܘܚܐ (9) ܕܩܘܕܫܐ ܗܦܟ ܡ̣ܢ ܝܘܪܕܢܢ. (10) ܘܕܒܪܬܗ ܪܘܚܐ ܠܚܘܪܒܐ (11) ⁠⁠ܝܘ̈ܡܬܐ ܐܪ̈ܒܥܝܢ܆ ܕܢܬܢܣܐ (12) ܡܢ ܐܟܠܩܪܨܐ. ܘܠܐ ܠܥܣ ܡܕܡ (13) ܒܗܢܘܢ ܝܘ̈ܡܬܐ܀ ܘܟܕ ܫܲܠܡ (14) ܐܢܘܢ܆ ܠܚܪܬܐ ܟܦܢ܀ ⁠⁠ܘܐܡ̣ܪ ܠܗ (15) ܐܟܠܩܪܨܐ. ܐܢ ܒܪܗ ܐܢܬ ܕܐܠܗܐ. (16) ܐܡ̣ܪ ܠܟܐܦܐ ܗܕܐ ܕܬܗܘܐ ܠܚܡܐ. (17) ⁠⁠ܥܢܐ ܝܫܘܥ ܘܐܡ̣ܪ ܠܗ. ܟܬܝܒ ܗܘ (18) ܕܠܐ ܗܘܐ ܒܠܚܡܐ ܒܠܚܘܕ ܚܝܐ (19) ܒܪܢܫܐ܆ ܐܠܐ ܒܟܠ ܦܬܓܡ ܕܐܠܗܐ܀ (20) ⁠⁠ܘܐܣܩܗ ܣܛܢܐ ܠܛܘܪܐ ܪܡܐ. (21) ܘܚܘܝܗ ܟܠܗܝܢ ܡܠܟ̈ܘܬܐ ܕܐܪܥܐ (22) ܒܥܕܢܐ ܙܥܘܪܐ. ⁠⁠ܘܐܡ̣ܪ ܠܗ ܐܟܠܩܪܨܐ. (23) ܠܟ ܐܬܠ ܫܘܠܛܢܐ ܗܢܐ ܟܠܗ (24) ܘܫܘܒܚܗ ܕܠܝ ܡܫܠܡ܇ ܘܠܡܢ (25) ܕܐܨܒܐ ܝܗܒ ܐܢܐ ܀ ⁠⁠ܐܢ ܗܟܝܠ (26) ܬܣܓܘܕ ܩܕܡܝ܆ ܕܝܠܟ ܢܗܘܐ (27) ܟܠܗ܀ ⁠⁠ܥܢܐ ܝܫܘܥ ܘܐܡܪ ܠܗ. (70v) (1) ܟܬܝܒ ܗܘ ܕܠܡܪܝܐ ܐܠܗܟ (2) ܬܣܓܘܕ. ܘܠܗ ܒܠܚܘܕܘܗܝ (3) ܬܦܠܘܚ܀ ⁠⁠ܘܐܝܬܝܗ ܠܐܘܪܫܠܡ. (4) ܘܐܩܝܡܗ ܥܠ ܟܢܦܐ ܕܗܝܟܠܐ (5) ܘܐܡܪ ܠܗ. ܐܢ ܒܪܗ ܐܢܬ ܕܐܠܗܐ܆ (6) ܐܪܡܐ ܢܦܫܟ ܡܟܐ ܠܬܚܬ. (7) ⁠⁠ܟܬܝܒ ܓܝܪ܆ ܕܠܡܠܐܟܘ̈ܗܝ. (8) ܢܦܩܕ ܥܠܝܟ ܕܢܢܛܪܘܢܟ: ⁠⁠ܘܥܠ (9) ܕܪ̈ܥܝܗܘܢ ܢܫܩܠܘܢܟ܆ ܕܠܐ ܬܬܩܠ (10) ܪܓܠܟ ܒܟܐܦܐ. ⁠⁠ܥܢܐ ܝܫܘܥ (11) ܘܐܡܪ ܠܗ. ܐܡܝܪ ܗܘ ܕܠܐ ܬܢܣܐ (12) ܠܡܪܝܐ ܐܠܗܟ܀ ⁠⁠ܘܟܕ ܫܠܡ (13) ܐܟܠܩܪܨܐ ܟܠܗܘܢ ܢܣ̈ܝܘܢܘܗܝ܆ (14) ܦܪܩ ܡܢ ܠܘܬܗ ܥܕ ܙܒܢܐ܀

Morning, Matthew (Mt 6:1–4)

(15) ܕܨܦܪܐ. ܒܡܬܝ܆ (16) ܚܘܪܘ ܕܝܢ ܕܡܪܚܡܢܘܬܐ ܕܝܠܟܘܢ܆ (17) ܠܐ ܬܥܒܕܘܢܝܗ̇ ܩܕܡ ܒܢܝ̈ܢܫܐ܇ (18) ܠܘܬ ܗ̇ܝ ܕܬܬܚ̣ܙܘܢ ܠܗܘܢ. ܘܐܢܕܝܢ (19) ܠܐ܆ ܐܓܪܐ ܠܝܬ ܠܟܘܢ ܠܘܬ ܐܒܘܟܘܢ (20) ܗ̇ܘ ܕܒܫܡ̈ܝܐ܀ ܐܡܬܝ ܗܟܝܠ (21) ܕܥ̇ܒܕ ܐܢܬ ܡܪܚܡܢܘܬܐ܆ ܠܐ (22) ܬܝܒܒ ܒܫܝܦܘܪܐ ܩܕܡܝܟ܇ ܐܝܟܢܐ (23) ܕܢ̇ܣܒ̈ܝ ܐܦ̈ܐ ܥ̇ܒܕܝܢ ܒܟܢܘ̈ܫܬܐ (24) ܘܒܫܘ̈ܩܐ܇ ܐܝܟܢܐ ܕܢܫܬ̇ܒܚܘܢ (25) ܡܢ ܒܢܝ̈ܢܫܐ. ܐܡܝܢ ܐܡ̇ܪ ܐܢ̣ܐ (26) ܠܟܘܢ܆ ܕܩܲܒܠܘܗܝ ܠܐܓܪܐ (27) ܕܝܠܗܘܢ. ܐܢܬ ܕܝܢ ܡܐ ܕܥ̇ܒܕ (28) ܐܢܬ ܡܪܚܡܢܘܬܐ܆ ܠܐ ܬܕܥܝ ܣܡܠܟ (71r) (1) ܡܢܐ ܥܒܕܐ ܝܡܝܢܐ ܕܝܠܟ. ܐܝܟܢܐ (2) ܕܬܗ̣ܘܐ ܡܪܚܡܢܘܬܐ ܕܝܠܟ ܒܛܘܫܝܐ܆ (3) ܘܐܒܘܟ ܗ̇ܘ ܕܚܙܐ ܒܛܘܫܝܵܐ. (4) ܗ̣ܘ ܦ̇ܪܥ ܠܟ ܒܓܠܝܐ܀ ܘܐܡܬܝ (5) ܕܡܨܠܐ ܐܢܬ܆ ܠܐ ܬܗܘܐ ܐܝܟ ܢܣܒ̈ܝ (6) ܐܦ̈ܐ܇ ܕܪܵܚܡܝܢ ܕܒܟܢܘ̈ܫܬܐ (7) ܘܒܓܘ̈ܢܘܬܐ ܕܦܠܛܘ̈ܬܐ ܢܩܘܡܘܢ (8) ܠܡܨܠܝܘ܇ ܐܝܟܢܐ ܕܢܬܚ̣ܙܘܢ (9) ܠܒܢܝ̈ܢܫܐ. ܐܡܝܢ ܐܡ̇ܪ ܐܢܐ ܠܟܘܢ܆ (10) ܕܩܲܒܠܘܗܝ ܠܐܓܪܐ ܕܝܠܗܘܢ܀ (11) ܐܢܬ ܕܝܢ ܐܡܬܝ ܕܡܨܠܐ ܐܢܬ: ܥܘܠ (12) ܠܬܐܘܘܢܐ ܕܝܠܟ܆ ܘܟܕ ܐܚܕ ܐܢܬ (13) ܬܪܥܐ: ܨܰܠܐ ܠܐܒܘܟ ܠܗ̇ܘ (14) ܕܒܛܘܫܝܐ. ܘܐܒܘܟ ܗ̇ܘ ܕܚ̇ܙܐ (15) ܒܛܘܫܝܐ. ܦ̇ܪܥ ܠܟ ܒܓܠܝܐ.

Vespers, Wednesday (of the Beginning of Lent), Matthew (Mt 6:19–24)

(16) ܕܢܵܓܰܗ ܐܪܒܥܐ ܒܡܬܝ܆ ܠܐ (17) ܬܣ̣ܝܡܘܢ ܠܟܘܢ ܣܝܡ̈ܬܐ ܥܠ (18) ܐܪܥܐ܇ ܐܝܟܐ ܕܣܣܐ ܘܐܟܠܐ (19) ܣ̇ܪܚ܇ ܘܐܝܟܐ ܕܓܢ̈ܒܐ ܦ̇ܠܫܝܢ (20) ܘܓܢܒܝܢ܀ ܣܝܡܘ ܠܟܘܢ ܕܝܢ (21) ܣܝܡ̈ܬܐ ܒܫܡ̈ܝܐ܆ ܐܝܟܐ ܕܠܐ (22) ܣ̇ܣܝܐ ܘܠܐ ܐܟܠܐ ܣ̇ܪܚ: ܘܐܝܟܐ (23) ܕܓܢ̈ܒܐ ܠܐ ܦ̇ܠܫܝܢ ܘܠܐ ܓܢܒܝܢ. (24) ܐܝܟܝܐ ܓܝܪ ܕܐܝܬܝܗ̇ ܤܝܡܬܐ (25) ܕܝܠܟܘܢ܆ ܬܡܢ ܢܗܘܐ ܐܦ ܠܒ (26) ܕܝܠܟܘܢ܀ ܫܪܵܓܵܐ ܕܦܓܪܐ ܐܝܬܝܗ̇ (27) ܥܝܢܐ. ܐܢ ܗܟܝܠ ܥܝܢܐ ܕܝܠܟ (71v) (1) ܬܗ̣ܘܐ ܦܫ̣ܝܛܬܐ܆ ܟܠܗ ܦܓܪܐ (2) ܕܝܠܟ ܢܗܝܪܐ ܢܗܘܐ. ܐܢܕܝܢ ܥܝܢܐ (3) ܕܝܠܟ ܒܝܫܬܐ ܬܗܘܐ. ܟܠܗ ܦܓܪܐ (4) ܕܝܠܟ ܚܫܘܟܐ ܢܗܘܐ܀ ܐܢ ܗܟܝܠ (5) ܢܘܗܪܐ ܕܒܵܟ ܚܫܘܟܐ ܐܝܬܘܗܝ. (6) ܚܫܘܟܐ ܟܡܐ܀ ܠܐ ܐܢܫ ܡܨܐ (7) ܠܬܪܝܢ ܡܳܪ̈ܰܝܳܐ ܠܡܦܠܚ ܥܒ̣ܕܘܬܐ. (8) ܐܘ ܓܝܪ ܠܚܕ ܢܣ̣ܢܐ ܘܠܐܚܪܢܐ (9) ܢ̇ܐܚܒ܆ ܐܘ ܕܚܕ ܢܐܨܦ. ܘܒܐܚܪܢܐ (10) ܢ̇ܒܣܐ ܀ ܠܐ ܡܨܝܢ ܐܢܬܘܢ ܠܐܠܗܐ (11) ܠܡܦܠܚ ܥܒܕܘܬܐ ܘܰܠܡ̇ܡ̈ܘܢܐܣ܀ [in marg. ܠܘܩܐ ]

Luke (Lk 16:14–18)

(12) ܫܡܥܝܢ ܗܘܘ ܕܝܢ ܟܠܗܝܢ ܗܠܝܢ (13) ܐܦ ܦܪ̈ܝܫܐ ܕܪ̈ܳܚܡܝ ܟܣܦܐ (14) ܐܝܬܝܗܘܢ ܗܘܘ: ܘܡܡܲܝܩܝܢ ܗܘܘ (15) ܒܗ܆ ܘܐܡ̣ܪ ܠܗܘܢ. ܐܢܬܘܢ ܐܝܬܝܟܘܢ (16) ܗܠܝܢ ܕܡܙܕܩܝܢ ܗ̣ܢܘܢ ܠܗܘܢ (17) ܩܕܡ ܒܢܝ̈ܢܫܐ. ܗ̣ܘ ܕܝܢ ܐܠܗܐ (18) ܝ̇ܕܥ ܠܒܘ̈ܬܟܘܢ. ܡܛܠ ܕܗ̇ܘ (19) ܕܪܡ ܒܝܬ ܒܢܝ̈ܢܫܐ܆ ܢܕܝܕܐ ܗ̇ܘ (20) ܩܕܡ ܐܠܗܐ܀ ܢܡܘܣܐ ܘܢܒ̈ܝܐ (21) ܥܕܡܐ ܠܝܘܚܢܢ. ܡ̣ܢ ܗܝܕܝܢ (22) ܡ̇ܠܟܩܐܐ ܕܐܠܗܐ ܡܣܬ̇ܒܪܐ: (23) ܘܟܠܢܫ ܒܩܛܝܪܐ ܕܒܪ ܠܗ̇܀ (24) ܕܝܬܝܪ ܕܠܝܠܐ ܕܝܢ ܐܝܬܝܗ̇܆ ܕܫܡܝܐ (25) ܘܐܪܥܐ ܢܥܒ̣ܪܘܢ܆ ܐܘ ܕܡ̣ܢ ܢܡܘܤܐ (26) ܤܪܛܐ ܚܕ ܢܦܠ܀ ܟܠܡ̇ܢ ܕܫܵܪܐ (27) ܐܢܬܬܗ ܘܢ̇ܣܒ ܐܚܪܬܐ ܓܐܪ. (28) ܘܟܠ ܡ̇ܢ ܕܠܝܗ̇ܝ ܕܫܪܝܵܐ ܡ̣ܢ (72r) (1) ܓܒܪܐ ܢ̇ܣܒ ܓ̇ܐܪ܀ ܘܫܲܝܢܐ܆

Morning, Matthew

(2) ܕܨܦܪܐ ܒܡܬܝ܆ (3) ܡܛܠܗܕܐ ܐܡ̇ܪ ܐܢܐ ܠܟܘܢ܆ ܕܠܐ (4) ܬܪܢܘܢ ܠܢܦܫܐ ܕܝܠܟܘܢ ܡ̇ܢܐ (5) ܬܐܟܠܘܢ. ܘܡܢܐ ܬܫܬܘܢ܆ ܘܠܐ (6) ܠܦܓܪܐ ܕܝܠܟܘܢ ܡ̇ܢܐ ܬܠܒܫܘܢ. (7) ܠܲܘ ܢܦܫܐ ܕܡܝܬܪܐ ܐܝܬܝܗ̇ ܡ̣ܢ (8) ܬܪܣܝܬܐ܆ ܘܦܓܪܐ ܡ̣ܢ ܠܒܘܫܐ܆ (9) ܚܘ݂ܪܘ ܒܦܪ̈ܚܬܐ ܕܫܡ̈ܝܐ܆ ܕܠܐ (10) ܙܪܥܝܢ ܘܠܐ ܚܨܕܝܢ ܘܠܐ ܚ̇ܡܠܝܢ (11) ܒܐܘܨܪ̈ܐ. ܘܐܒܘܟܘܢ ܗ̇ܘ ܫܡ̇ܝܢܐ (12) ܡܬ̇ܪܣܐ ܠܗܘܢ܀ ܠܘ ܐܢܬܘܢ (13) ܝܬܝܪܐܝܬ܆ ܡܝܬܪܝܢ ܐܢܬܘܢ ܡܢܝܗܘܢ܀ (14) ܡܲܢܘ ܕܝܢ ܡܢܟܘܢ ܟܕ ܪܢܐ: ܡܨܐ (15) ܠܡܘܣܦܘ ܥܝܠ ܩܘܡܬܐ ܕܝܠܗ (16) ܐܡܬܐ ܚܕܐ. ܘܡܛܠ ܠܒܘܫܐ ܡ̇ܢܐ (17) ܪܢ̇ܝܢ ܐܢܬܘܢ. ܐܬܒܰܩܰܘ ܒܫܘ̈ܫܢܐ (18) ܕܕܰܒܪܐ ܐܝܟܢܐ ܪ̈ܳܒܝܳܢ. ܕܠܐ ܠܳܐܝ̈ܢ (19) ܘܠܐ ܥܳܙ̈ܠܢ. ܐܡ̇ܪ ܐܢܐ ܠܟܘܢ܆ (20) ܕܐܦܠܐ ܫܘܠܘܡܘܢ. ܒܟܠܗ̇ (21) ܬܫܒܘܚܬܐ ܕܝܠܗ܇ ܐܬܥܲܛܦ ܐܝܟ (22) ܚܕܐ ܡ̣ܢ ܗܠܝܢ܀ ܐܢܕܝܢ ܠܥܡܝܪܐ (23) ܕܚܩܠܐ ܕܝܘܡܢܐ ܐܝܬܘܗܝ. ܘܠܰܡܚܵܪ (24) ܒܬܢܘܪܐ ܡܬܬܪܡܐ܇ ܐܠܗܐ ܗܟܢܐ (25) ܡܲܠܒܫ܆ ܠܐ ܤ̇ܓܝ̣ ܝܬܝܪܐܝܬ ܠܟܘܢ (26) ܙܥܘܪ̈ܝ ܗܝܡܢܘܬܐ ܀ ܠܐ ܗܟܝܠ (27) ܬܪܢܘܢ ܟܕ ܐܡ̇ܪܝܢ ܐܢܬܘܢ. ܡ̇ܢܐ (28) ܢܐܟܘܠ ܐܘ ܡ̇ܢܐ ܢܫܬܐ. ܐܘ̇ ܡ̇ܢܐ (72v) (1) ܢܬܥܰܛܦ. ܟܠܗܝܢ ܓܝܪ ܗܠܝܢ (2) ܥܡ̈ܡܐ ܒ̇ܥܝܢ܀ ܝ̇ܕܥ ܓܝܪ (3) ܐܒܘܟܘܢ ܗ̇ܘ ܫܡܝܢܐ: ܕܣܢܝܩܝܢ (4) ܐܢܬܘܢ ܥܠ ܗ̇ܢܝܢ ܟܠܗܝܢ܀ ܒܥܘ (5) ܕܝܢ ܩܕܡܵܝܬ ܡܠܟܘܬܗ ܕܐܠܗܐ (6) ܘܙܕܝܩܘܬܐ ܕܝܠܗ܆ ܘܗ̇ܢܝܢ ܟܠܗܝܢ (7) ܢܬܬܘܣ̈ܦܢ ܠܟܘܢ ܀ ܠܐ ܗܟܝܠ (8) ܬܪܢܘܢ ܒܡܚܵܪ. ܗ̣ܘ ܓܝܪ ܡܚܵܪ (9) ܢ̣ܪܢܐ ܕܗ̇ܢܝܢ ܕܝܠܗ. ܣ̇ܦܩܐ ܠܗ (10) ܠܝܘܡܐ ܒܝܫܬܐ ܕܝܠܗ:

Vespers, Thursday (of the Beginning of Lent), Matthew (Mt 7:1–12)

(11) ܕܢܓܗ ܚܡܫܐ ܒܡܬܝ ܠܐ (12) ܬܕܘܢܘܢ ܐܝܟܢܐ ܕܠܐ ܬܬ̣ܕܝܢܘܢ. ܒܗ̇ܘ (13) ܓܝܪ ܕܝܢܐ ܕܕܝ̇ܢܝܢ ܐܢܬܘܢ ܬܬܕܝܢܘܢ܆ (14) ܘܒܝܗ̇ܘ ܟܝܠܐ ܕܡܟܝܠܝܢ ܐܢܬܘܢ (15) ܢܬܬܟܝܠ ܠܟܘܢ܀ ܡ̇ܢܐ ܕܝܢ ܚ̇ܙܐ (16) ܐܢܬ ܠܓܠܐ ܕܒܥܝܢܗ ܕܐܚܘܟ: (17) ܒܩ̇ܪܝܬܐ ܕܝܢ ܕܒܥܝܢܐ ܕܝܠܟ ܠܐ (18) ܡܬܒܩܐ ܐܢܬ. ܐܘ ܐܝܟܢܐ ܐܡ̇ܪ ܐܢܬ (19) ܠܐܚܘܟ: ܫܒܘܩ ܐܦ̇ܩ ܓܠܐ (20) ܡܢ ܥܝܢܟ܇ ܘܗ̇ܐ ܩܳܪܝܳܬܐ ܒܥܝܢܐ (21) ܕܝܠܟ. ܢܣܒ ܒܐܦ̈ܐ܆ ܐܦܩ (22) ܩܰܕܡܝܰܬ ܩܳܪܝܳܬܐ ܡ̣ܢ ܥܝܢܐ ܕܝܠܟ܆ (23) ܘܗ̇ܝܕܝܢ ܚ̇ܙܐ ܐܢܬ ܠܡܲܦܩܘ ܓ̣ܠܐ (24) ܡ̣ܢ ܥܝܢܗ ܕܐܚܘܟ܀ ܠܐ ܬܬܠܘܢ (25) ܩܘܕܫܐ ܠܟܠܒ̈ܐ. ܘܠܐ ܬܪܡܘܢ (26) ܡܪ̈ܓܢܝܬܐ ܕܝܠܟܘܢ ܩܕܡ ܚܙܝܪ̈ܐ. (27) ܕܠܡܐ ܢܕܝܫܘܢ ܐܢܝܢ ܒܪ̈ܓܠܝܗܘܢ܆ (28) ܘܢܗ̣ܦܟܘܢ ܢܒܰܙܥܘܢܟܘܢ܀ ܫܲܐܠܘ (73r) (1) ܘܢܬܝܗܒ ܠܟܘܢ. ܒܥܰܘ܆ (2) ܘܬܫܟܚܘܢ. ܩܘܫܘ ܘܢܬܦܬܚ (3) ܠܟܘܢ܀ ܠܟܠ ܓܝܪ ܗ̇ܘ ܕܫ̇ܐܠ (4) ܢ̇ܣܒ. ܘܗ̇ܘ ܕܒ̇ܥܐ ܡܫܟܚ. (5) ܘܠܗ̇ܘ ܕܢ̇ܩܫ ܡܬܦܬܚ܀ ܐܘ (6) ܡܲܢܘ ܡܢܟܘܢ ܒܪܢܫܐ: ܠܗ̇ܘ ܕܐܢ (7) ܢܫܐܠ ܒܪܐ ܕܝܠܗ ܠܚܡܐ. ܕܠܡܐ܆ (8) ܟܐܦܐ ܡ̇ܘܫܛ ܠܗ܆ ܘܐܢ ܢܘܢܐ (9) ܢܫ̣ܐܠ܆ ܕܠܡܐ܆ ܚܘܝܐ ܡ̇ܘܫܛ (10) ܠܗ ܀ ܐܢ ܗܟܝܠ ܐܢܬܘܢ ܕܒܝܫ̈ܐ (11) ܐܝܬܝܟܘܢ: ܝܕܥܝܢ ܐܢܬܘܢ ܡܘܗ̈ܒܬܐ (12) ܛܒ̈ܬܐ ܠܡܬ̣ܠ ܠܒܢ̈ܝܐ ܕܝܠܟܘܢ܆ (13) ܟܡܐ ܝܬܝܪܐܝܬ ܐܒܐ ܕܝܠܟܘܢ ܗ̇ܘ (14) ܕܒܫܡܝܐ܇ ܝ̇ܗܒ ܛܒ̈ܬܐ ܠܗ̇ܢܘܢ (15) ܕܫ̇ܐܠܝܢ ܠܗ܀ ܟܠܗܝܢ ܗܟܝܠ (16) ܐܝܠܝܢ ܕܐܢ ܨ̇ܒܝܢ ܐܢܬܘܢ ܕܢܥܒܕܘܢ (17) ܠܟܘܢ ܒܢܝ̈ܢܫܐ܆ ܗܟܢܐ ܐܦ ܐܢܬܘܢ (18) ܥ̇ܒܕܘ ܠܗܘܢ. ܗܟܢܐ ܓܝܪ ܐܝܬܘܗܝ (19) ܢܡܘܤܐ ܘܢܒ̈ܝܐ܀

Morning, Matthew (Mt 7:13–27)

(20) ܕܨܦܪܐ ܒܡܬܝ܆ ܥܘܠܘ ܒܝܕ (21) ܬܪܥܐ ܐܠܝܨܐ. ܡܛܠ ܕܦܰܬܝܐ ܗܘ (22) ܬܪܥܐ ܘܪܘܝ̣ܚܬܐ ܐܘܪܚܐ ܗ̇ܝ (23) ܕܡܲܘܒܠܐ ܠܐܒܕܢܐ܆ ܘܣܓ̈ܝܐܐ (24) ܐܝܬܝܗܘܢ ܗܢܘܢ ܕܥ̇ܐܠܝܢ ܒܝܕܗ̇: (25) ܡܐ ܐܠܨܐ ܗܘ ܬܪܥܐ ܘܰܫܚܝܩܬܐ (26) ܐܘܪܚܐ ܗ̇ܝ ܕܡܘܒܠܐ ܠܚ̈ܝܐ. (27) ܘܙܥܘܪ̈ܐ ܐܝܬܝܗܘܢ ܗ̇ܢܘܢ ܕܡܫܟܚܝܢ (28) ܠܗ̇܀ ܚܘ̣ܪܘ ܕܝܢ ܡ̣ܢ ܢܒ̈ܝܐ (73v) (1) ܕܓ̈ܠܐ܇ ܗ̇ܢܘܢ ܐܝܠܝܢ ܕܐܬ̇ܝܢ (2) ܠܘܬܟܘܢ ܒܠܒܘ̈ܫܐ ܕܥܪ̈ܒܐ܇ ܡ̣ܢ (3) ܠܓܘ ܕܝܢ ܐܝܬܝܗܘܢ ܕܐܒ̈ܐ ܚܛܘ̈ܦܐ. (4) ܡ̣ܢ ܕܝܢ ܦܐܪ̈ܐ ܕܝܠܗܘܢ ܬܫܬܘܕܥܘܢ (5) ܐܢܘܢ܀ ܕܠܡܐ ܡܠܰܩܝܛܝܢ ܡ̣ܢ (6) ܟܘ̈ܒܐ ܥܢ̈ܒܐ: ܐܘ̇ ܡ̣ܢ ܩܘܪ̈ܛܒܐ (7) ܬܐܢ̈ܐ܀ ܗܟܢܐ ܟܠ ܐܝܠܢܐ ܛܒܐ (8) ܦܐܪ̈ܐ ܛܒ̈ܐ ܥ̇ܒܕ. ܐܝܠܢܐ ܕܝܢ ܒܝ̣ܫܐ (9) ܦܐܪ̈ܐ ܒܝܫ̈ܐ ܥ̇ܒܕ܀ ܠܐ ܡܨܐ (10) ܐܝܠܢܐ ܛܒܐ ܦܐܪ̈ܐ ܒܝܫ̈ܐ ܠܡܥܒܕ܆ (11) ܘܠܐ ܐܝܠܢܐ ܒܝܫܐ ܦܐܪ̈ܐ ܛܒ̈ܐ (12) ܠܡܥ̣ܒܕ܀ ܟܠ ܐܝܠܢܐ ܕܠܐ ܥ̇ܒܕ (13) ܦܐܪܐ ܛܒܐ܆ ܡܬܦܣܩ ܘܒܢܘܪܐ (14) ܡܬܬܪܡܐ. ܐܪܐ ܗܟܝܠ ܡ̣ܢ ܦܐܪ̈ܐ (15) ܕܝܠܗܘܢ ܬܫܬܘܕܥܘܢ ܐܢܘܢ܀ ܠܘ (16) ܟܠ ܕܐܡ̇ܪ ܠܝ ܡܪܝܐ ܡܪܝܐ ܇ܥ̇ܐܠ (17) ܠܡ̇ܠܟܘܬܐ ܕܫܡܝܐ. ܐܠܐ ܗ̇ܘ ܕܥ̇ܒܕ (18) ܨܒܝܢܐ ܕܐܒܐ ܕܝܠܝ ܗ̇ܘ ܕܒܫܡܝܐ܀ (19) ܣܓܝ̈ܐܐ ܢܐܡܪܘܢ ܠܝ ܒܗ̇ܘ ܝܘܡܐ. (20) ܡܪܝܐ ܡܪܝܐ܇ ܠܘ ܒܫܡܐ ܕܝܠܟ (21) ܐܬܢ̇ܒܝܢܢ: ܘܒܫܡܐ ܕܝܠܟ ܕܝܘ̈ܐ (22) ܐܦܩ̣ܢܢ: ܘܒܫܡܐ ܕܝܠܟ ܚܝ̈ܠܐ (23) ܣܓܝ̈ܐܐ ܥܒܕܢ̣ܢ܀ ܗ̇ܝܕܝܢ ܐܘ̇ܕܐ (24) ܠܗܘܢ܆ ܕܠܐ ܡܬܘܡ ܝܕܥܬܟܘܢ. (25) ܐܬܦܪܫܘ ܡܢܝ ܦܳܠܚ̈ܝ ܠܐ (26) ܢܡܘܣܝܘܬܐ܀ ܟܠ ܗܟܝܠ ܡ̇ܢ (27) ܕܫ̇ܡܥ ܡ̈ܠܐ ܕܝܠܝ ܗܠܝܢ ܘܥ̇ܒܕ (28) ܠܗܝܢ܆ ܡܕܰܡܐ ܐܢܐ ܠܗ ܠܓܒܪܐ (74r) (1) ܚܟܝܡܐ: ܗ̇ܘ ܐܝ̇ܢܐ ܕܒܢܐ ܒܝܬܐ (2) ܕܝܠܗ ܥܠ ܫܘܥܐ܇ ܘܢܚ̣ܬ ܡܛܪܐ (3) ܘܐܬܘ ܢܗܪ̈ܘܬܐ: ܘܢܫܒ̈ܝܢ ܪ̈ܘܚܐ܇ (4) ܘܐܬܛܪܝܘ ܒܒܝܬܐ ܗ̇ܘ ܘܠܐ ܢܦ̣ܠ. (5) ܡܫ̣ܬܣ ܗܘܐ ܓܝܪ ܥܠ ܫܘܥܐ܀ (6) ܘܟܠܡ̇ܢ ܕܫ̇ܡܥ ܡ̈ܠܐ ܕܝܠܝ (7) ܗܠܝܢ ܘܠܐ ܥ̇ܒܕ ܠܗܝܢ܆ ܢܬܕܡܐ (8) ܠܓܒܪܐ ܠܠܐ: ܗ̇ܘ ܐܝܢܐ ܕܒܢ̣ܐ (9) ܠܒܝܬܐ ܕܝܠܗ ܥܠ ܚ̇ܠܐ: ܘܢܚ̣ܬ (10) ܡܛܪܐ ܘܐܬ̣ܘ ܢܗܪ̈ܘܬܐ܇ ܘܢܫܒ̈ܝܢ (11) ܪ̈ܘܚܐ. ܘܐܬܬܩܠܘ ܒܒܝܬܐ ܗ̇ܘ (12) ܘܢܦ̣ܠ. ܘܐܝܬܝܗ̇ ܗ̣ܘܬ ܡ̇ܦܘܠܬܐ (13) ܕܝܠܗ ܪܒܬܐ܀

Vespers, Friday (of the Beginning of Lent), Matthew (Mt 5:17–26)

(14) ܕܢܓܗ ܥܪܘܒܬܐ: ܒܡܬܝ (15) ܠܐ ܬܣܒܪܘܢ ܕܐܬܝ̇ܬ ܠܡܫܪܐ (16) ܠܢܡܘܣܐ ܐܘ ܠܢܒ̈ܝܐ. ܠܐ ܐܬܝܬ (17) ܠܡܫܪܐ: ܐܠܐ ܠܡܫܡܠܝܘ ܀ ܐܡܝܢ (18) ܓܝܪ ܐܡ̇ܪ ܐܢܐ ܠܟܘܢ܆ ܕܥܕܡܐ (19) ܕܬܥܒܪܝ ܫܡܝܐ ܘܐܪܥܐ܆ ܝܘܕ ܚܕܐ (20) ܐܘ ܚܕ ܣܪܛܐ܆ ܠܐܢܥܒ̣ܪ ܡ̣ܢ (21) ܢܡܘܣܐ. ܥܕܡܐ ܕܟܠܗܝܢ ܢܗܘ̈ܝܢ܀ (22) ܗ̇ܘ ܗܟܝܠ ܕܐܢ ܢܫܪܐ ܚܕ ܡ̣ܢ (23) ܦܘܩ̈ܕܢܐ ܗܠܝܢ ܒܨܝܪܐ܆ ܘܢܠܦ (24) ܗܟܢܐ ܠܒܢܝ̈ܢܫܐ. ܒܨܝܪܐ ܢܬܩܪܐ (25) ܒܡܠܟܘܬܐ ܕܫܡܝܐ. ܗ̇ܘ ܕܝܢ (26) ܕܢܥܒܕ ܘܢܠܦ܆ ܗܢܐ ܪܒܐ ܢܬܩܪܐ (27) ܒܡܠܟܘܬܐ ܕܫܡܝܐ܀ ܐܡܪ ܐܢܐ ܓܝܪ (28) ܠܟܘܢ܆ ܕܐܢ ܠܐ ܬܬܝܬܪܝ ܙܕܝܩܘܬܐ (74v) (1) ܕܝܠܟܘܢ ܝܬܝܪ ܡܢ ܕܣ̇ܦܪ̈ܐ (2) ܘܦܪ̈ܝܫܐ. ܠܐ ܬܥܠܘܢ ܠܡܠܟܘܬܐ (3) ܕܫܡܝܐ܀ ܫܡ̣ܥܬܘܢ ܕܐܬܐܡܪ (4) ܠܩܕܡ̈ܝܐ ܠܐ ܬܩܛܘܠ. ܗ̇ܘ (5) ܕܝܢ ܕܢܩܛܘܠ. ܡܚܲܝܒܐ ܢܗܘܐ (6) ܠܕܝܢܐ܀ ܐܢܐ ܕܝܢ ܐܡ̇ܪ ܐܢܐ ܠܟܘܢ܆ (7) ܕܟܠܡ̇ܢ ܕܢܰܪܓܙ ܠܐܚܐ ܕܝܠܗ (8) ܐܝܺܩܝܺ܆ ܡܚܲܝܒܐ ܢܗܘܐ ܠܕܝܢܐ: (9) ܗ̇ܘ ܕܝܢ ܕܢܐܡܪ ܠܐܚܐ ܕܝܠܗ (10) ܪܰܩܰܐ܆ ܡܚܲܝܒܐ ܢܗܘܐ ܠܟܢܘܫܝܐ܀ (11) ܗ̇ܘ ܕܝܢ ܕܢܐܡܪ ܠܠ̣ܐ܆ ܡܚܝܒܐ (12) ܢܗܘܐ ܠܓܗܢܐ ܕܢܘܪܐ܀ ܐܢ ܗܟܝܠ (13) ܡܩ̇ܪܒ ܐܢܬ ܩܘܪܒܢܐ ܕܝܠܟ (14) ܥܠ ܡܕܒܚܐ. ܘܬܡܢ ܬܬܕܟܪ (15) ܕܐܚܐ ܕܝܠܟ ܐܝܬ ܠܗ ܡܕܡ ܥܠܝܟ: (16) ܫܒܘܩ ܬܡܢ ܠܩܘܪܒܢܐ ܕܝܠܟ (17) ܥܠ ܡܕܒܚܐ: ܘܙ̣ܠ ܩܕܡܝܬ (18) ܐܬܪܥܐ ܠܐܚܐ ܕܝܠܟ܆ ܘܗܝܕܝܢ ܡܐ (19) ܕܐܬܝ̣ܬ ܩܪܒ ܩܘܪܒܝܢܟ܀ ܗܘܝܬ (20) ܡܬܐܘܐ ܠܒܥܠܕܝܢܟ ܒܓܠ ܥܕ (21) ܐܝܬܝܟ ܒܐܘܪܚܐ ܥܡܗ. ܕܠܡܐ (22) ܢܫܠܡܟ ܒܥܠܕܝܢܐ ܠܕܝ̇ܢܐ܇ ܘܕܝ̇ܢܐ (23) ܢܫܠܡܟ ܠܡܫܡܫܢܐ. ܘܒܒܝܬ (24) ܢܛܘܪܬܐ ܬܬܬܪܡܸܐ܀ ܐܡܝܢ ܐܡ̇ܪ (25) ܐܢܐ ܠܟ. ܕܠܐ ܬܦܘܩ ܡ̣ܢ ܬܡܢ (26) ܥܕܡܐ ܕܬܦܪܘܥ ܫܡܘܢܐ ܐܚܪܝܐ܀

Morning, Matthew (Mt 5:27–37)

(27) ܕܨܦܪܐ ܒܡܬܝ ܫܡ̣ܥܬܘܢ (28) ܕܐܬܐܡܪ ܠܩܕܡ̈ܝܐ. ܕܠܐ ܬܓܘܪ. (75r) (1) ܐܢ̇ܐ ܕܝܢ ܐܡ̇ܪ ܐܢܐ ܠܟܘܢ܆ ܕܟܠܡ̇ܢ (2) ܕܚ̇ܙܐ ܐܢܬܬܐ. ܠܘܬ ܗ̇ܝ ܕܢܪܓܝܗ. (3) ܡ̣ܢ ܟܕܘ ܓܵܪܵܗ̇ ܒܠܒܗ܀ ܐܢܕܝܢ (4) ܥܝܢܟ ܗ̇ܝ ܝܡܝܢܝܬ ܡܲܟܫܠܐ ܠܟ. (5) ܐܦܩܝܗ̇. ܘܫܕܝܗ̇ ܡܢܟ܀ ܦ̇ܩܚܐ (6) ܠܟ ܓܝܪ ܕܢ̣ܐܒܕ ܚܕ ܡ̣ܢ ܗܕܡ̈ܐ (7) ܕܝܠܟ܆ ܘܠܐ ܟܠܗ ܦܓܪܐ ܕܝܠܟ (8) ܢܬܬܪܡܐ ܒܓܗܢܐ܀ ܘܐܢ ܐܝܕܟ (9) ܝܡܝܢܝܬܐ ܡܲܟܫܠܐ ܠܟ܆ ܐܦܩܝܗ̇ (10) ܘܫܕܝܗ̇ ܡܢܟ. ܦ̇ܩܚܐ ܠܟ ܓܝܪ (11) ܕܢܐܒܕ ܚܕ ܡ̣ܢ ܗܕܡ̈ܐ ܕܝܠܟ. (12) ܘܠܐ ܕܟܠܗ ܦܓܪܐ ܕܝܠܟ ܢܬܬܪܡܐ (13) ܒܓܗܢܐ܀ ܐܬܐܡܪ ܕܝܢ ܕܗ̇ܘ ܕܐܢ (14) ܫ̇ܪܐ ܐܢܬܐܐ ܕܝܠܗ. ܢܬ̣ܠ ܠܗ̇ (15) ܐܦܘܣܛܘܣܝܘܢ ܡܲܪܚܩܢܝܐ. (16) ܐܢ̇ܐ ܕܝܢ ܐܡ̇ܪ ܐܢܐ ܠܟܘܢ܆ ܕܟܠܡ̇ܢ (17) ܕܫ̇ܪܐ ܐܢܬܬܐ ܕܝܠܗ ܠܒ̣ܪ ܡ̣ܢ (18) ܡܠܬܐ ܕܙܢܝܘܬܐ܆ ܥ̇ܒܕ ܠܗ̇ (19) ܕܬܓܘܪܝ܇ ܘܗ̇ܘ ܕܐܢ ܠܫܒܝܩܬܐ (20) ܢܙܕܘܓ ܓ̇ܐܪ܀ ܬܘܒ ܫܡ̣ܥܬܘܢ (21) ܕܐܬܐܡܪ ܠܩܕܡ̈ܝܐ ܠܐ ܬܕܓܠ (22) ܒܡܘܡܬܐ ܕܝܠܟ܆ ܬܦܪܘܥ ܕܝܢ (23) ܠܡܪܝܐ ܡܘܡܬܐ ܕܝܠܟ܀ ܐܢ̇ܐ ܕܝܢ (24) ܐܡ̇ܪ ܐܢܐ ܠܟܘܢ܆ ܠܐ ܬܐܡܘܢ ܣ̣ܟ. (25) ܠܐ ܒܫܡܝܐ [in marg. ܕܟܘܪܤܝܐ ܐܝܬܝܗ̇ ܕܐܠܗܐ. ܘܠܐ ܒܐܪܥܐ] ܡܛܠ ܕܟܘܒܫܐ ܐܝܬܝܗ̇ (26) ܕܬܚܝܬ ܪ̈ܓܠܐ ܕܝܠܗ. ܘܠܐ (27) ܒܐܘܪܫܠܡ ܡܛܠ ܕܡܕܝܢܬܐ (28) ܐܝܬܝܗ̇ ܕܡܠܟܐ ܪܒܐ܀ ܐܦܠܐ ܒܪܝ̣ܫܐ (75v) (1) ܕܝܠܟ ܬ̇ܐܡܐ܆ ܡܛܠ ܕܠܐ ܡܨܐ (2) ܐܢܬ ܚܕܐ ܡܢ̣ܬܐ ܚܘܵܪܬܵܐ. ܐܘ (3) ܐܘܟܡܬܐ ܠܡܥܒܕ܀ ܬܗܘܐ ܕܝܢ (4) ܡܠܬܐ ܕܝܠܟܘܢ ܐܝ̇ܢ. ܐܝܢ. ܠܐ. ܠܐ. (5) ܡܕܡ ܕܝܢ ܕܝܬܝܪ ܡ̣ܢ ܗܠܝܢ. (6) ܡ̣ܢ ܒܝܫܐ ܐܝܬܘܗܝ܀

Evening, Saint Ephrem and Saint Theodore, Matthew (Mt 10:24–38)

(7) ܕܪܡܫܐ ܕܡܪܝ ܐܦܪܝܡ ܘܕܡܪܝ (8) ܬܐܘܕܘܪܘܣ ܡܢ ܡܬܝ (9) ܠܐ ܐܝܬ ܬܠܡܝܕܐ ܕܡܝܬܪ ܡ̣ܢ (10) ܡܠܦܢܐ ܕܝܠܗ. ܘܠܐ ܥܒܕܐ (11) ܕܡܥ̣ܠܝ ܡ̣ܢ ܡ̇ܪܐ ܕܝܠܗ. ܣ̇ܦܩܐ (12) ܠܗ ܠܬܠܡܝܕܐ ܕܢܗܘܐ ܐܝܟ (13) ܡܠܦܢܐ ܕܝܠܗ. ܘܠܥܒܕܐ ܐܝܟ (14) ܡܪܗ܀ ܐܢ ܠܡܪܗ ܕܒܝܬܐ (15) ܒܥܠܙܟܘܒ ܩܪܘ܆ ܟܡܐ ܝܬܝܪܐܝܬ (16) ܠܒܝ̈ܬܝܐ ܕܝܠܗ܀ ܠܐ ܗܟܝܠ (17) ܬܕܚܠܘܢ ܡܢܗܘܢ. ܠܐ ܓܝܪ ܐܝܬ (18) ܡܕܡ ܡܚܦܝܵܐ ܗ̇ܘ ܕܠܐ ܢܬܓܠܐ (19) ܘܡܛܫܝܐ ܗ̇ܘ ܕܠܐ ܢܬܝܕܥ܀ (20) ܗ̇ܘ ܡܐ ܕܐܡ̇ܪ ܐܢ̣ܐ ܠܟܘܢ ܒܚܫܘܟܐ. (21) ܐܡ̣ܪܘ ܒܢܘܗܪܐ. ܘܗ̇ܘ ܡܐ ܕܒܐܕܢ̈ܐ (22) ܫ̇ܡܥܝܢ ܐܢܬܘܢ܆ ܐܟܪܙܘ ܥܠ ܐܓܪ̈ܐ܀ (23) ܘܠܐ ܬܕܚܠܘܢ ܡ̣ܢ ܗ̇ܢܘܢ ܕܩ̇ܛܠܝܢ (24) ܠܦܓܪܐ ܠܢܦܫܐ ܕܝܢ ܠܐ ܡܨܝܢ (25) ܠܡܩ̣ܛܠ܀ ܕܚ̣ܠܘ ܕܝܢ ܝܬܝܪܐܝܬ: (26) ܡ̣ܢ ܗ̇ܘ ܕܡ̇ܨܐ ܕܠܢܦܫܐ ܘܠܦܓܪܐ (27) ܢ̇ܘܒܕ ܒܓܗܢܐ܀ ܠܘ ܬܪ̈ܬܝܢ ܨܦܪ̈ܐ (28) ܒܐܣܵܪܵܐ ܡܙܕܒ̈ܢܢ܆ ܘܚܕܐ ܡܢܗܝܢ. (76r) (1) ܠܐ ܢܦܠܐ ܥܠ ܐܪܥܐ ܒܠܥܕ ܡ̣ܢ (2) ܐܒܘܟܘܢ. ܕܝܠܟܘܢ ܕܝܢ ܐܦ ܡܢ̈ܐ (3) ܕܪܝܫܐ ܟܠܗܝܢ ܡܢܝ̈ܬܐ ܐܝܬܝܗܝܢ܀ (4) ܠܐ̇ ܗܟܝܠ ܬܕܚ̣ܠܘܢ܆ ܡ̣ܢ ܨܦܪ̈ܐ (5) ܣܓܝ̈ܐܐ ܡܝܬܪܝܢ ܐܢܬܘܢ ܐܢܬܘܢ܀ (6) ܟܠܡ̇ܢ ܗܟܝܠ ܕܢ̇ܘܕܐ ܒܝ ܩܕܡ (7) ܒܢܝ̈ܢܫܐ. ܐܘ̇ܕܐ ܐܦ ܐܢܐ ܒܗ ܩܕܡ (8) ܐܒܐ ܕܝܠܝ. ܗܘ ܕܒܫܡܝܐ܀ ܡ̇ܢ (9) ܕܝܢ ܕܢܟܦܘܪ ܒܫ ܩܕܡ ܒܢܝ̈ܢܫܐ. (10) ܐܟ̇ܦܘܪ ܐܦ ܐܢ̇ܐ ܒܗ ܩܕܡ ܐܒܐ (11) ܕܝܠܝ ܗ̇ܘ ܕܒܫܡ̈ܝܐ܀ ܠܐ ܬܣܒܪܘܢ (12) ܕܐܬܝ̇ܬ ܠܡ̇ܪܡܝܘ ܫܝܢܐ. ܐܠܐ (13) ܣܝܦܐ. ܐܬܝܬ ܓܝܪ ܕܐܦ̇ܠܘܓ (14) ܒܪܢܫܐ ܥܠ ܐܒܘܗܝ܆ ܘܒܪܬܐ (15) ܥܠ ܐܡܗ̇. ܘܟܠܬܐ ܥܠ ܚܡܬܐ (16) ܕܝܠܗ̇. ܘܒܥܠܕܒܒ̈ܘܗܝ ܕܒܪܐܢܫܐ (17) ܗ̣ܢܘܢ ܒܝ̈ܬܝܐ ܕܝܠܗ܀ ܗ̇ܘ ܕܪܚܡ (18) ܐܒܐ ܐܘ̇ ܐܡܐ. ܝܬܝܪ ܡܢ ܕܠܝ. ܠܐ (19) ܐܝܬܘܗܝ ܕܫ̇ܘܐ ܠܝ܀ ܘܗ̇ܘ ܕܪܚܡ (20) ܒܪܐ ܐܘ̇ ܒܪܬܐ ܝܬܝܪ ܡ̣ܢ ܕܠܝ. ܠܐ (21) ܐܝܬܘܗܝ ܕܫ̇ܘܐ ܠܝ܀ ܘܗ̇ܘ ܕܠܐ (22) ܫ̇ܩܠ ܨܠܝܒܐ ܕܝܠܗ ܘܢ̇ܩܦ (23) ܠܝ. ܠܐ ܐܝܬܘܗܝ ܕܫ̇ܘܐ ܠܝ܀

Morning, John (Jn 15:17–16:3)

(24) ܕܨܦܪܐ. ܒܝܘܚܢܢ : (25) ܗܠܝܢ ܡܦ̇ܩܕ ܐܢ̣ܐ ܠܟܘܢ܆ ܐܝܟܢܐ (26) ܕܬܚܒܘܢ ܠ̈ܚܕܕܐ. ܐܢ ܥܠܡܐ ܠܟܘܢ (27) ܣ̇ܢܐ. ܕܥ̣ܘ ܕܠܝ ܡ̣ܢ ܩܕܡܝܟܘܢ (28) ܣܢܐ܀ ܐܠ̣ܘ ܡ̣ܢ ܥܠܡܐ ܐܝܬܝܟܘܢ (76v) (1) ܗܘܝܬܘܢ܆ ܥܠܡܐ ܠܕܝܠܗ ܪܚܡ (2) ܗ̣ܘܐ. ܡܛܠ ܕܝܢ ܕܡ̣ܢ ܥܠܡܐ (3) ܠܐ ܐܝܬܝܟܘܢ. ܐܠܐ ܐܢ̇ܐ ܓܒܝܬܟܘܢ (4) ܡ̣ܢ ܥܠܡܐ܆ ܡܛܠ ܗܕܐ ܣ̇ܢܐ (5) ܠܟܘܢ ܥܠܡܐ܀ ܐܬܥܗܕܘ (6) ܠܡܠܬܐ ܕܝܠܝ ܗ̇ܝ ܕܐܢ̇ܐ ܐܡ̇ܪܬ (7) ܠܟܘܢ܆ ܕܠܐ ܐܝܬ ܥܒܕܐ ܕܪܒ (8) ܡ̣ܢ ܡܪܐ ܕܝܠܗ܀ ܐܢ ܠܝ (9) ܪܕܦܘ ܐܦ ܠܟܘܢ ܢܪܕܦܘܢ܆ (10) ܐܢ ܠܡܠܬܐ ܕܝܠܝ ܢܛܪܘ. ܐܦ (11) ܠܕܝܠܟܘܢ ܢܛܪܘܢ܀ ܐܠܐ ܗܠܝܢ (12) ܟܠܗܝܢ ܢܥܒܕܘܢ ܒܟܘܢ܆ ܡܛܠ (13) ܫܡܐ ܕܝܠܝ܀ ܡܛܠ ܕܠܐ (14) ܝ̇ܕܥܝܢ ܠܗ̇ܘ ܕܫ̣ܕܪܢܝ܀ ܐܠܘܠܐ (15) ܐܬܝ̇ܬ ܘܡ̇ܠܠܬ ܠܗܘܢ. ܚܛܝ̣ܬܐ (16) ܠܐ ܐܝܬ ܗܘܐ ܠܗܘܢ ܀ ܗܫܐ ܕܝܢ (17) ܥܠܬܐ ܠܐ ܐܝܬ ܠܗܘܢ. ܡܛܠ (18) ܚܛܝܬܐ ܕܝܠܗܘܢ܀ ܗ̇ܘ ܕܠܝ (19) ܣ̇ܢܐ ܐܦ ܠܐܒܐ ܕܝܠܝ ܣ̇ܢܐ܀ (20) ܘܐܠܘ ܥܒ̈ܕܐ ܠܐ ܥ̇ܒܕܐ ܒܗܘܢ (21) ܗܠܝܢ ܕܠܐ ܐܢܫ ܐܚܪܢܐ ܥܒܕ. (22) ܚܛܝ̣ܬܐ ܠܐ ܐܝܬ ܗ̣ܘܐ ܠܗܘܢ܀ (23) ܗܫܐ ܕܝܢ ܘܚ̣ܙܘ ܘܣܢ̣ܘ. ܠܝ (24) ܘܠܐܒܐ ܕܝܠܝ. ܐܝܟܢܐ ܕܬܫܬܡܠܐ (25) ܡܠܬܐ ܗ̇ܝ ܕܟܬ̣ܝܟܐ ܒܢܡܘܣܐ (26) ܕܝܠܗܘܢ. ܕܣܢ̣ܐܘܘܢܝ ܡܓܢ܀ (27) ܐܡܬܝ ܕܝܢ ܕܢܐܬܐ ܦܰܪܩܠܛܐ. (28) ܗ̇ܘ ܕܐܢ̇ܐ ܐܫ̇ܕܪ ܠܟܘܢ ܡ̣ܢ (77r) (1) ܐܒܐ: ܗ̇ܘ ܪܘܚܐ ܕܫܪܪܐ: ܗ̇ܘ (2) ܕܡ̣ܢ ܐܒܐ ܢ̇ܦܩ܆ ܗ̇ܘ ܢܣ̣ܗܕ (3) ܡܛܠܬܝ܀ ܐܦ ܐܢܬܘܢ ܕܝܢ (4) ܣ̇ܗܕܝܢ ܐܢܬܘܢ܆ ܡܛܠ ܕܡ̣ܢ (5) ܫܘܪܝܐ ܥܡܝ ܐܝܬܝܟܘܢ ܀ (6) ܗܠܝܢ ܡܠ̇ܠܬ ܠܟܘܢ܆ ܐܝܟܢܐ (7) ܕܠܐ ܬܬܟܫܠܘܢ܆ ܠܒ̣ܪ ܡ̣ܢ (8) ܟܢܘ̈ܫܬܐ ܢܥܒܕܘܢܟܘܢ܀ ܐܠܐ ܐܬܝܐ (9) ܫܥܬܐ ܕܟܠܡ̇ܢ ܕܢܩܛܘܠܟܘܢ. (10) ܢܣ̣ܒܰܪ ܕܬܫܡܫܬܐ ܡܩ̇ܪܒ (11) ܠܐܠܗܐ܀ ܘܗܠܝܢ ܢܥܒܕܘܢ ܠܟܘܢ (12) ܡܛܠ ܕܠܐ ܝܕܥܘ ܠܐܒܐ ܘܠܐ ܠܝ.

Qurbana (divine Liturgy), John (Jn 4:46b–54)

(13) ܕܩܘܪܒܐ: ܒܝܘܚܢܢ (14) ܘܐܝܬ ܗ̣ܘܐ ܐܢܫ ܬܡܢ ܒܣܝܠܝܩܘܣ (15) ܐܘܟܝܬ ܡܲܠܟܝܐ܆ ܕܗ̇ܘ ܕܒܪܗ (16) ܟܪܝܗ ܗܘܐ ܒܟܦܪܢܚܘܡ܀ ܗܢܐ (17) ܟܕ ܫܡ̣ܥ ܕܐܬܐ ܝܫܘܥ ܡ̣ܢ (18) ܝܗܘܕ ܠܓܠܝܠܐ. ܐܙ̣ܠ ܠܘܬܗ (19) ܘܡܦ̣ܝܣ ܗ̣ܘܐ ܠܗ. ܐܝܟܢܐ ܕܢܚ̣ܘܬ (20) ܘܢܐܣܐ ܠܒܪܐ ܕܝܠܗ. ܥܬ̣ܝܕ (21) ܗ̣ܘܐ ܓܝܪ ܠܡܡܬ܀ ܐܡ̇ܪ ܗܟܝܠ (22) ܗ̣ܘ ܝܫܘܥ ܠܘܬܗ. ܐܢ ܠܘ (23) ܐܬܘ̈ܬܐ ܘܬܕܡܪ̈ܬܐ ܬܚ̣ܙܘܢ ܠܐ (24) ܬܗܝܡܢܘܢ܀ ܐܡ̇ܪ ܠܘܬܗ ܗ̇ܘ (25) ܡܲܠܟܝܐ. ܡܪܝ ܚ̣ܘܬ ܩܕܡ ܕܢܡܘܬ (26) ܠܗ ܛܠܝܐ ܕܝܠܝ܀ ܐܡ̇ܪ ܠܗ (27) ܝܫܘܥ ܙܠ̣. ܒܪܐ ܕܝܠܟ ܚ̣ܝ܀ (28) ܘܗܝܡ̣ܢ ܗ̇ܘ ܒܪܢܫܐ ܠܡܠܬܐ ܗ̇ܝ (77v) (1) ܕܐܡ̣ܪ ܠܗ ܝܫܘܥ. ܘܐܙ̇ܠ ܗܘܐ (2) ܟܕ ܡ̣ܢ ܟܕܘ ܕܝܢ ܢ̇ܚܬ ܗ̣ܘܐ. ܥܒ̈ܕܐ (3) ܕܝܠܗ ܐܪܥܘܗܝ ܘܐܘܕܥܘܗܝ ܟܕ (4) ܐܡ̇ܪܝܢ. ܕܛܠܝܐ ܕܝܠܟ ܚ̣ܝ܀ ܡܫ̇ܐܠ (5) ܗ̣ܘܐ ܗܟܝܠ ܠܡܐܠܦ ܡܢܗܘܢ (6) ܠܫܥܬܐ ܗ̇ܝ ܕܒܗ̇ ܝܬܝܪ (7) ܦܐܝܐܝܬ ܗܘܐ ܠܗ. ܘܐܡ̣ܪܘ ܠܗ (8) ܕܐܬܡܠ ܒܫܥܬܐ ܫܒܝܥܝܬܐ ܫܒ̣ܩܬܗ (9) ܐܸܫܵܬܵܐ܀ ܝܕܥ ܗܟܝܠ ܐܒܘܗܝ. (10) ܕܒܗ̇ܝ ܫܥܬܐ ܕܒܗ̇ ܐܡ̣ܪ ܠܗ (11) ܝܫܘܥ ܕܒܪܐ ܕܝܠܟ ܚܝ܀ ܘܗܝܡܢ (12) ܗ̣ܘ ܘܒܝܬܐ ܕܝܠܗ ܟܠܗ܀ ܗܕܐ (13) ܬܘܒ ܐܬܐ ܬܪܝܢܝܬܐ ܥܒ̣ܕ ܝܫܘܥ܆ (14) ܟܕ ܐܬ̣ܐ ܡ̣ܢ ܝܗܘܕ ܠܓܠܝܠܐ ܀

Vespers, Sunday of the Second Week of Lent, Mark (Mk 1:32–45)

(15) ܕܢܓܗ ܚܕ ܒܫܒܐ ܕܬܪܝܢ (16) ܕܨܘܡܐ: ܒܡܪܩܘܣ (17) ܟܕ ܕܝܢ ܪܡܫܐ ܗ̣ܘܐ. ܟܕ ܥ̇ܪܒ (18) ܗ̣ܘܐ ܫܡܫܐ. ܡ̇ܝܬܝܢ ܗ̣ܘܘ (19) ܠܘܬܗ ܠܟܠܗܘܢ ܗ̇ܢܘܢ ܕܒܝ̣ܫܐܝܬ (20) ܐܝܬ ܠܗܘܢ. ܘܠܗ̇ܢܘܢ ܕܡܬܕܰܝܘܢܝܢ. (21) ܟܕ ܐܦ ܡܕܝܢܬܐ ܟܠܗ̇ ܐܝܬܝܗ̇ (22) ܗܘܬ ܕܟܢ̣ܝܫܐ ܠܘܬ ܬܪܥܐ ܀ (23) ܘܐܣ̣ܝ ܠܣܓܝ̈ܐܐ ܕܒܝܫܐܝܬ (24) ܐܝܬ ܗܘܐ ܠܗܘܢ ܒܟܘܪ̈ܗܢܐ (25) ܡܦ̈ܬܟܐ܀ ܘܕܝܘ̈ܐ ܣܓܝ̈ܐܐ (26) ܐܦ̣ܩ. ܘܠܐ ܫ̇ܒܩ ܗܘܐ. ܠܕܝܘ̈ܐ ܠܡܡܠܠܘ (27) ܡܛܠ ܕܝ̇ܕܥܝܢ ܗ̣ܘܘ ܠܗ ܕܡܫܝܚܐ ܐܝܬܘܗܝ ܀ (78r) (1) ܘܒܨܦܪܐ ܟܕ ܩܰܕܡ ܣ̇ܓܝ ܩ̣ܡ (2) ܢܦ̣ܩ. ܘܐܙ̣ܠ ܠܕܘܟܬܐ ܡ̇ܕܒܪܐ. (3) ܘܬܡܢ ܡܨܰܠܐ ܗܘܐ: ܘܪܕܦ̣ܘ (4) ܒܬܪܗ ܫܡܥܘܢ. ܘܗ̇ܢܘܢ (5) ܕܥܡܗ܀ ܘܟܕ ܐܫܟ̣ܚܘܗܝ ܐܡ̇ܪܝܢ (6) ܠܗ܆ ܕܟܠܗܘܢ ܒ̇ܥܝܢ ܠܟ܀ ܘܐܡ̣ܪ (7) ܠܗܘܢ. ܓܕܘ ܠܩܘܪ̈ܝܵܬ ܡܕܝ̈ܢܬܐ (8) ܕܩܰܪ̈ܝܒܢ܆ ܐܝܟܢܐ ܕܐܦ ܬܡܢ ܐܟ̣ܪܐ . (9) ܠܗܕܐ ܓܝܪ ܢ̇ܦܩܬ ܀ ܘܐܝܬܘܗܝ ܗܘܐ (10) ܕܡܲܟܪܙ ܒܟܢܘ̈ܫܬܐ ܕܝܠܗܘܢ (11) ܒܟܠܗ̇ ܓܠܝܠܐ. ܟܕ ܐܦ ܠܕܝܘ̈ܐ (12) ܡܲܦܩ ܗܘܐ ܀ ܘܐܬܐ ܠܘܬܗ (13) ܓܲܪܒܵܢܐ ܟܕ ܡܦ̣ܝܣ ܠܗ܆ ܘܢ̇ܦܠ (14) ܥܠ ܒܘܪ̈ܟܘܗܝ ܘܐܡ̇ܪ ܠܗ. ܕܐܢ (15) ܨ̇ܒܐ ܐܢܬ ܡܨܐ ܐܢܬ ܠܡܕܟܝܘܬܝ܀ (16) ܗ̣ܘ ܕܝܢ ܝܫܘܥ ܟܕ ܐܬܪܚܲܡ ܥܠܘܗܝ܆ (17) ܦܫ̣ܛ ܐܝܕܗ. ܘܓܫ̣ܦ ܒܗ (18) ܘܐܡ̇ܪ ܠܗ. ܨ̇ܒܐ ܐܢܐ ܐܬܕܰܟܳܐ܀ (19) ܘܟܕ ܐܡ̣ܪ܆ ܡܚܕܐ ܐܙ̣ܠ ܓܪܒܐ (20) ܡܢܗ. ܘܐܬܕܰܟܝ܀ ܘܟܕ ܐܬܥܰܙܰܙ (21) ܥܠܘܗܝ ܡܚܕܐ ܐܦܩ̣ܗ. ܘܐܡ̇ܪ (22) ܠܗ܆ ܚܙܝ ܘܠܐ ܠܐܢܫ ܘܠܐ ܡܕܡ (23) ܬܐܡ̣ܪ. ܐܠܐ ܙܠ ܚܲܘܐ ܐܢܬ ܠܟ (24) ܠܟܗܢܐ܆ ܘܩܰܪܸܒ ܚܠܦ ܬܕܟܝܬܐ (25) ܕܝܠܟ܇ ܗ̇ܘ ܕܦܰܩܸܕ ܡܘܫܐ (26) ܠܣܗܕܘܬܐ ܠܗܘܢ܀ ܗ̣ܘ ܕܝܢ ܟܕ (27) ܢܦ̣ܩ܆ ܫ̣ܪܝ ܗܘܐ ܠܡܟܪܙܘ (28) ܣܓܝ̈ܐܬܐ. ܘܛܒܒܳܗ̇ ܠܡܠܬܐ܆ (78v) (1) ܐܝܟܢܐ ܕܠܐ ܬܘܒ ܢܬܡ̣ܨܐ ܓܠܝܐܝܬ (2) ܠܡܕܝܢܬܐ ܠܡܥ̣ܰܠ. ܐܠܐ ܠܒܪ (3) ܒܕܘܟ̈ܝܬܐ ܡܕܒܪ̈ܐ ܐܝܬܘܗܝ ܗܘܐ܆ (4) ܘܐܬܝܢ ܗܘܘ ܠܘܬܗ ܡܢ ܟܠ ܕܘܟܐ ܀

Morning, Matthew (Mt 7:28–8:13)

(5) ܕܨܦܪܐ: ܒܡܬܝ܆ (6) ܘܗܘܐ ܕܟܕ ܫܲܠܡ ܝܫܘܥ ܡ̈ܠܐ (7) ܗܠܝܢ܆ ܬܗܝܪܝܢ ܗܘܘ ܟܢ̈ܫܐ (8) ܥܠ ܡܠܦܢܘܬܐ ܕܝܠܗ܀ ܐܝܬܘܗܝ (9) ܗܘܐ ܓܝܪ ܕܡܲܠܦ ܗܘܐ ܠܗܘܢ (10) ܐܝܟܡܢ ܕܐܝܬ ܠܗ ܫܘܠܛܢܐ܆ (11) ܘܠܘ ܐܝܟ ܣ̇ܦܪ̈ܐ ܕܝܠܗܘܢ ܘܦܪ̈ܝܫܐ܀ (12) ܟܕܢܚ̣ܬ ܕܝܢ ܡ̣ܢ ܛܘܪܐ. ܢܩ̣ܦܘܗܝ (13) ܟܢ̈ܫܐ ܣܓܝ̈ܐܐ. ܘܗ̇ܐ ܓܪܒܢܐ (14) ܩܪܒ ܣܓܕ ܠܗ܆ ܟܚܕ ܐܡ̇ܪ܀ (15) ܡܪܝܐ. ܐܢ ܨ̇ܒܐ ܐܢܬ ܡܨܐ ܐܢܬ (16) ܠܡܕܟܝܘܬܝ܀ ܘܟܕ ܦܫ̣ܛ ܐܝܕܐ (17) ܕܝܠܗ ܓܫ̣ܦ ܒܗ ܝܫܘܥ ܟܕ (18) ܐܡ̇ܪ܆ ܨ̇ܒܐ ܐܢܐ ܐܬܕܟ̣ܐ. ܘܡܚܕܐ (19) ܐܬܕܟܝ ܓܪܒܐ ܕܝܠܗ܀ ܘܐܡ̇ܪ (20) ܠܗ ܝܫܘܥ. ܚܙܝ ܠܐ ܠܐܢܫ (21) ܬܐܡܪ. ܐܠܐ ܙܠ ܚܲܘܐ ܐܢܬ ܠܟ (22) ܠܟܗܢܐ܆ ܘܩܲܪܒ ܩܘܪܒܢܐ ܗ̇ܘ (23) ܕܦܲܩܕ ܡܘܫܐ ܠܣܗܕܘܬܐ ܠܗܘܢ܀ (24) ܟܕ ܥ̣ܠ ܗ̣ܘ ܕܝܢ ܠܟܦܪܢܚܘܡ܆ (25) ܩܪܒ ܠܗ ܪܝܫ ܡܐܐ ܟܕ ܡܦ̣ܝܣ (26) ܠܗ ܘܐܡ̇ܪ. ܡܪܝܐ܆ ܛܠܝܐ ܕܝܠܝ (27) ܪܡܐ ܡܫܪܝܐ ܒܒܝܬܐ܆ ܟܕ ܒܝܫܐܝܬ (28) ܡܫܬܢܩ܀ ܘܐܡ̇ܪ ܠܗ ܝܫܘܥ. (79r) (1) ܐܢܐ ܐܬ̇ܐ ܘܐܣܝܘܗܝ܀ ܘܟܕ ܦܲܢܝ (2) ܗ̇ܘ ܪܝܫ ܡܐܐ ܐܡ̣ܪ. ܡܪܝܐ܆ ܠܐ (3) ܐܝ̇ܬܰܝ ܕܣ̇ܦܩ܆ ܕܬܚܝܬ ܡܲܛܠܐ (4) ܕܝܠܝ ܬܥܘܠ. ܐܠܐ ܒܠܚܘܕ ܐܡ̣ܪ (5) ܒܡܠܬܐ: ܘܢܸܬܰܐܣܶܐ ܛܠܝܐ ܕܝܠܝ܀ (6) ܐܦ ܓܝܪ ܐܢܐ ܒܪܢܫܐ ܐܝܬܝ ܕܬܚܝܬ (7) ܫܘܠܛܢܐ. ܕܐܝܬ ܠܝ ܬܚܘܬܰܝ (8) ܣܛܪ̈ܛܝܘܬܐ. ܘܐܡ̇ܪ ܐܢܐ ܠܗܢܐ (9) ܙܸܠ ܘܐܙ̇ܠ. ܘܠܐܚܪܢܐ ܬܐ ܘܐܬ̇ܐ. (10) ܘܠܥܒܕܐ ܕܝܠܝ ܥ̇ܒܕ ܗܕܐ (11) ܘܥ̇ܒܕ܀ ܟܕ ܫܡ̣ܥ ܕܝܢ ܝܫܘܥ (12) ܐܬܕܰܡܪ܆ ܘܐܡ̣ܪ ܠܗ̇ܢܘܢ ܕܰܢ̇ܩܝܦܝܢ (13) ܠܗ. ܐܡܝܢ ܐܡ̇ܪ ܐܢܐ ܠܟܘܢ܆ ܕܐܦܠܐ (14) ܒܝܤܪܐܝܠ ܕܐܝܟ ܗܕܐ ܗܝܡܢܘܬܐ (15) ܐܸܫܟܚܸܬ ܀ ܐܡ̇ܪ ܐܢܐ ܕܝܢ ܠܟܘܢ܆ (16) ܕܣܓܝ̈ܐܐ ܡ̣ܢ ܡܲܕܢܚ̈ܐ ܘܡ̣ܢ (17) ܡܲܥܪ̈ܒܐ ܢܐܬܘܢ܆ ܘܢܣܬܡܟܘܢ ܥܡ (18) ܐܒܪܗܡ ܘܐܝܣܚܩ ܘܝܥܩܘܒ (19) ܒܡܠܟܘܬܐ ܕܫܡ̈ܝܐ. ܒܢ̈ܝܐ ܕܝܢ (20) ܕܡܠܟܘܬܐ܆ ܢܬܬܦܩܘܢ ܠܚܫܘܟܐ (21) ܒܰܪܳܝܳܐ. ܬܡܢ ܢܗܘܐ ܒܟܝܐ ܘܚܘܪܩ (22) ܫܢ̈ܐ܀ ܘܐܡ̣ܪ ܝܫܘܥ ܠܗ̇ܘ ܪܝܫ (23) ܡܐܐ. ܙܠ̣܆ ܘܐܝܟ ܕܗܝܡܢܬ ܢܗܘܐ (24) ܠܟ܀ ܘܐܬܐܣܝ ܛܠܝܐ ܕܝܠܗ (25) ܒܫܥܬܐ ܗ̇ܝ܀ ܘܟܕ ܗܦ̣ܟ ܗ̇ܘ (26) ܪܝܫܡܐܐ ܠܒܝܬܐ ܕܝܠܗ. ܒܗ̇ (27) ܒܫܥܬܐ ܐܫܟܚܗ ܠܛܠܝܐ (28) ܕܝܠܗ ܟܕ ܚܠܝܡ܀ ܘܫܝܢܐ :

Qurbana (Divine Liturgy), Luke (Lk 5:12–16, Lk 4:40–41)

(79v) (1) ܕܩܘܪܒܐ ܡܢ ܠܘܩܐ ܆ ܘܗܘܐ ܕܟܕ (2) ܐܝܬܘܗܝ ܗܘܐ ܒܚܕܐ ܡܢ ܡܕܝܢ̈ܬܐ܆ (3) ܘܗ̇ܐ ܓܒܪܐ ܕܡܠܐ ܡ̣ܢ ܓܪܒܐ܆ (4) ܘܟܕ ܚܙܝܗܝ ܠܝܫܘܥ ܢܦ̣ܠ (5) ܥܠ ܦܪܨܘܦܗ܆ ܘܒܥ̣ܐ ܡܢܗ ܟܕ (6) ܐܡ̇ܪ. ܡܪܝܐ ܐܢ ܨ̇ܒܐ ܐܢܬ ܡ̣ܨܐ (7) ܐܢܬ ܠܡܕܟܝܘܬܝ܀ ܘܟܕ ܦܫ̣ܛ (8) ܐܝܕܗ ܓܫ̣ܦ ܒܗ ܟܕ ܐܡ̇ܪ܆ (9) ܨܒܐ ܐܢ̣ܐ ܐܬܕܟ̣ܐ܀ ܘܡܚܕܐ ܗ̇ܘ (10) ܓܪܒܐ ܐܙ̣ܠ ܡܢܗ܀ ܘܗ̣ܘ (11) ܦܪܓܠܗ. ܕܠܐ ܠܐܢܫ ܢܐܡܪ. ܐܠܐ (12) ܙܠ ܚ̣ܘܐ ܐܢܬ ܠܟ ܠܟܗܢܐ: (13) ܘܩܲܪܒ ܚܠܦ ܬܕܟܝܬܐ ܕܝܠܟ: (14) ܐܝܟܢܐ ܕܦܲܩܕ ܡܘܫܐ ܠܣܗܕܘܬܐ (15) ܠܗܘܢ܀ ܡܬܟܪܟܐ ܗ̣ܘܬ ܕܝܢ (16) ܝܬܝܪܐܝܬ ܡܠܬܐ ܡܛܠܬܗ܆ ܘܡܬܟ̇ܢܫܝܢ (17) ܗܘܘ ܟܢ̈ܫܐ ܣܓܝ̈ܐܐ ܠܡܫ̣ܡܥ (18) ܘܠܡܬܐܤܝܘ ܡܢܗ ܡ̣ܢ ܡܚܝ̈ܠܘܬܐ (19) ܕܝܠܗܘܢ܀ ܗ̣ܘ ܕܝܢ ܐܝܬܘܗܝ ܗܘܐ (20) ܕܡܫܰܢܐ ܒܡܕܒܕܐ ܘܡܨܠܐ܀ (21) ܒܡܥܪ̈ܒܝ ܕܝܢ ܫܡܫܐ܆ ܟܠܗܘܢ (22) ܗܢܘܢ ܕܐܝܬ ܗܘܘ ܠܗܘܢ ܕܡܚܝܠܝܢ (23) ܒܟܘܪ̈ܗܢܐ ܡܦ̈ܬܟܐ܆ ܐܝܬ̣ܝܘ ܐܢܘܢ (24) ܠܘܬܗ܀ ܗ̣ܘ ܕܝܢ ܟܕ ܥܠ ܟܠ (25) ܚܕ ܡܢܗܘܢ ܐܝ̈ܕܘܗܝ ܣ̇ܐܡ ܗܘܐ (26) ܡܲܐܣܐ ܗ̣ܘܐ ܠܗܘܢ܀ ܢ̇ܦܩܝܢ ܗܘܘ (27) ܕܝܢ ܐܦ ܕܝܘ̈ܐ ܡ̣ܢ ܣܓܝ̈ܐܐ ܟܕ (28) ܩ̇ܥܝܢ ܘܐܡܪܝܢ܆ ܕܐܢܬ ܐܝܬܝܟ ܗ̇ܘ (80r) (1) ܡܫܝܚܐ: ܗ̇ܘ ܒܪܗ ܕܐܠܗܐ܀ (2) ܘܟܕ ܟ̇ܐܐ ܗܘܐ܆ ܠܐ ܫ̇ܒܩ ܗܘܐ (3) ܠܗܘܢ ܠܡܲܡܠܠܘ. ܡܛܠ (4) ܕܝܕܥܝܢ ܗܘܘ ܠܡܫܝܚܐ ܕܗ̣ܘ (5) ܐܝܬܘܗܝ܀

Second Week of Lent

(6) ܕܫܒܬܐ ܕܬܪܬܝܢ ܕܨܘܡܐ

Monday Morning (of the Second Week of Lent), Luke (Lk 6:27–36)

܏ܩܕܡ (7) ܕܝܘܡ ܬܪܝܢ ܒܨܦܪܐ ܡ̣ܢ ܠܘܩܐ (8) ܐܠܐ ܠܟܘܢ ܐܡ̇ܪ ܐܢ̣ܐ ܠܗ̇ܢܘܢ (9) ܕܫ̇ܡܥܝܢ. ܐܚܒܘ ܠܒܥܠܕܒܒ̈ܝܟܘܢ. (10) ܛܒܐܝܬ ܥܒܕܘ ܠܗ̇ܢܘܢ ܕܣ̇ܢܝܢ (11) ܠܟܘܢ. ܒܪܟܘ ܠܗܢܘܢ ܕܠ̇ܝܛܝܢ (12) ܠܟܘܢ. ܨܠܘ ܚܠܦ ܗܠܝܢ (13) ܕܒ̇ܐܙܝܢ ܠܟܘܢ܀ ܠܗ̇ܘ ܕܡ̇ܚܐ (14) ܠܟ ܥܠ ܦܟܐ܆ ܗ̣ܒ ܐܦ (15) ܗ̇ܘ ܐܚܪܢܐ. ܘܡ̣ܢ ܗ̇ܘ ܕܫ̇ܩܠ (16) ܡܐܢܐ ܕܝܠܟ: ܐܦ ܟܘܬܝܢܟ ܠܐ (17) ܬܟܠܐ: ܠܟܠ ܕܝܢ ܕܫ̇ܐܠ ܠܟ (18) ܗ̣ܒ: ܘܡ̣ܢ ܗ̇ܘ ܕܫܩܠ ܗܠܝܢ (19) ܕܝܠܟ ܠܐ ܬܬܒܘܥ ܀ ܘܐܝܟܢܐ (20) ܕܨ̇ܒܝܢ ܐܢܬܘܢ ܕܢܥܒܕܘܢ ܠܟܘܢ (21) ܒܢܝ̈ܢܫܐ. ܐܦ ܐܢܬܘܢ ܥ̇ܒܕܘ (22) ܠܗܘܢ ܒܗ̇ ܒܕܡܘܬܐ ܀ ܘܐܢ (23) ܡܚܒܝܢ ܐܢܬܘܢ ܠܗܢܘܢ ܕܡܲܚܒܝܢ (24) ܠܟܘܢ܆ ܐܝܕܐ ܛܝܒܘܬܐ ܐܝܬܝܗ̇ (25) ܠܟܘܢ. ܐܦ ܓܝܪ ܚ̈ܛܝܐ ܠܗܠܝܢ (26) ܕܡܲܚܒܝܢ ܠܗܘܢ ܡܲܚܒܝܢ ܀ ܘܐܢ (27) ܛܒܬܐ ܬܥܒܕܘܢ ܠܗܢܘܢ ܕܛܒܬܐ (28) ܥ̇ܒܕܝܢ ܠܟܘܢ܆ ܐܝܕܐ ܛܝܒܘܬܐ (80v) (1) ܐܝܬܝܗ̇ ܠܟܘܢ. ܐܦ ܓܝܪ ܚܛܝ̈ܐ (2) ܗ̣ܝ ܟܕ ܗ̣ܝ ܥ̇ܒܕܝܢ܀ ܘܐܢ (3) ܡ̇ܘܙܦܝܢ ܐܢܬܘܢ ܠܗ̇ܢܘܢ ܕܡܢܝܗܘܢ (4) ܡܣܲܒܪܝܢ ܐܢܬܘܢ ܠܡܬܦܪܥܘ: (5) ܐܝܕܐ ܛܝܒܘܬܐ ܐܝܬܝܗ̇ ܠܟܘܢ. (6) ܐܦ ܓܝܪ ܚܛܝ̈ܐ ܠܚ̈ܛܝܐ (7) ܡܘܙܦܝܢ ܐܝܟܢܐ ܕܢܬܦܪܥܘܢ (8) ܫܘܝ̈ܬܐ܀ ܒܪܡ ܐܚܒܘ (9) ܠܒܥܠܕܒ̈ܒܐ ܕܝܠܟܘܢ܆ ܘܛܒܐܝܬ (10) ܥܒܕܘ ܠܗܘܢ. ܘܐܘܙܦܘ ܟܕ ܠܐ (11) ܡܕܡ ܦܣܩܝܢ ܐܢܬܘܢ ܣܒܪܐ. (12) ܘܢܗܘܐ ܐܓܪܐ ܕܝܠܟܘܢ ܣܓܝܐܐ܆ (13) ܘܬܗܘܘܢ ܒܢܘ̈ܗܝ ܕܡܪܝܡܐ܀ (14) ܡܛܠ ܕܗ̣ܘ ܒܣܝܡܐ ܐܝܬܘܗܝ܆ (15) ܥܠ ܠܐ ܡܩܒ̈ܠܝ ܛܝܒܘܬܐ (16) ܘܒܝܫ̈ܐ܀ ܗܘܘ ܗܟܝܠ ܡܪ̈ܚܡܢܐ܆ (17) ܐܝܟܢܐ ܕܐܦ ܐܒܐ ܕܝܠܟܘܢ ܡܪܚܡܢܐ (18) ܐܝܬܘܗܝ:

Vespers, Tuesday (of the Second Week of Lent), Luke (Lk 6:37–49)

(19) ܕܢܳܓܰܗ ܬܠܬܐ ܒܠܘܩܐ ܘܠܐ (20) ܬܕܘܢܘܢ ܘܠܐ ܡܬܬܕܝܢܝܢ ܐܢܬܘܢ܆ (21) ܘܠܐ ܬܚܲܝܒܘܢ ܘܠܐ ܡܬܚܲܝܒܝܢ (22) ܐܢܬܘܢ. ܫܪܘ ܘܬܫ̣ܬܪܘܢ. ܗܒܘ (23) ܘܡܬܝܗܒ ܠܟܘܢ. ܟܝܠܐ ܛܒܐ (24) ܪܩܝܥܐ ܘܢܙܝܠܐ ܘܕܡܫܦܥ. ܢܬܠܘܢ (25) ܒܥܘܒܐ ܕܝܠܟܘܢ. ܒܗ ܓܝܪ ܟܕ (26) ܒܗ ܒܟܝܠܐ ܗ̇ܘ ܕܡܟܝܠܝܢ ܐܢܬܘܢ܆ (27) ܢܗܦܘܟ ܢܬܬܟܝܠ ܠܟܘܢ܀ ܐܡ̣ܪ (28) ܕܝܢ ܠܗܘܢ ܦܠܐܬܐ. ܕܠܡܐ ܡܨܐ (81r) (1) ܤܡܝܐ ܠܤܡܝܐ ܠܡܗܕܝܘ܆ ܠܘ (2) ܬܪܝܗܘܢ ܒܓܘܡܨܐ ܢܦܠܝܢ ܀ (3) ܠܝܬ ܬܠܡܝܕܐ ܕܡܥܰܠܝ ܡ̣ܢ (4) ܡܠܦܢܐ ܕܝܠܗ. ܕܰܡܫܡܠܰܝ ܕܝܢ (5) ܟܠܚܕ ܢܗܘܐ ܐܝܟ ܡܠܦܢܐ ܕܝܠܗ܀ (6) ܡܢܐ ܕܝܢ ܚ̇ܙܐ ܐܢܬ ܠܓܠܐ (7) ܕܒܥܝܢܗ ܕܐܚܘܟ: ܒܩܪܝܬܐ ܕܝܢ (8) ܕܒܥܝܢܐ ܕܝܠܟ ܠܐ ܡܬܒܩܐ ܐܢܬ܀ (9) ܐܘ̇ ܐܝܟܢܐ ܡ̣ܨܐ ܐܢܬ ܠܡܐܡܪ (10) ܠܐܚܘܟ܇ ܐܳܚܝ ܫܒܘܩ ܐܦܩ (11) ܠܓܠܐ ܗ̇ܘ ܕܒܥܝܢܟ܇ ܟܕ ܐܢܬ (12) ܠܩܪܝܬܐ ܕܒܥܝܢܐ ܕܝܠܟ ܠܐ ܚ̇ܙܐ (13) ܐܢܬ܀ ܢ̇ܣܒ ܐܦ̈ܐ. ܐܦܩ ܩܕܡܝܬ (14) ܠܩܪܝܬܐ ܡ̣ܢ ܥܝܢܐ ܕܝܠܟ܆ ܘܗ̇ܝܕܝܢ (15) ܢܬܚ̣ܙܐ ܠܟ ܠܡܲܦܩܘ ܠܓܠܐ (16) ܗ̇ܘ ܕܒܥܝܢܗ ܕܐܚܘܟ܀ ܠܐ ܓܝܪ (17) ܐܝܬ ܐܝܠܢܐ ܛܒܐ ܕܥ̇ܒܕ ܦܐܪܐ (18) ܒܝ̣ܫܐ. ܐܦܠܐ ܐܝܠܢܐ ܒܝ̣ܫܐ (19) ܕܥ̇ܒܕ ܦܐܪܐ ܛܒܐ܀ ܟܠܚܕ ܓܝܪ (20) ܐܝܠܢܐ ܡܢ ܦܐܪܐ ܕܝܠܗ ܡܬܝ̣ܕܥ܀ (21) ܠܘ ܓܝܪ ܡܢ ܟܘ̈ܒܐ ܠ̇ܩܛܝܢ (22) ܬܐܢ̈ܐ܆ ܐܦܠܐ ܡ̣ܢ ܣܢܝܐ ܥܢ̈ܒܐ (23) ܩܛܦܝܢ܀ ܒܪܢܫܐ ܛܒܐ ܡ̣ܢ (24) ܣܝܡܬܐ ܛܒܬܐ ܕܠܒܗ ܡ̇ܦܩ (25) ܛܒܬܐ: ܘܒܪܢܫܐ ܒܝܫܐ ܡ̣ܢ (26) ܤܝܡܬܐ ܒܝܫܬܐ ܕܠܒܗ ܡܦܩ (27) ܒܝ̣ܫܬܐ܀ ܡܢ ܓܝܪ ܬܘܬܪ̈ܐ (28) ܕܠܒܐ ܡܡܲܠܠ ܦܘܡܐ ܕܝܠܗ܀ (81v) (1) ܡܢܐ ܕܝܢ ܩ̇ܪܝܢ ܐܢܬܘܢ ܠܝ ܡܪܝܐ (2) ܡܪܝܐ܇ ܘܠܐ ܥ̇ܒܕܝܢ ܐܢܬܘܢ ܗܠܝܢ (3) ܕܐܡ̇ܪ ܐܢܐ܀ ܟܠ ܕܐܬܐ ܠܘܬܝ (4) ܘܫ̇ܡܥ ܠܡ̈ܠܐ ܕܝܠܝ ܗܠܝܢ (5) ܘܥ̇ܒܕ ܠܗܝܢ܆ ܐܚܘܐ ܠܟܘܢ (6) ܠܡܢܘ ܐܝܬܘܗܝ ܕܕܡܐ. ܕܕܵܡܐ ܐܝܬܘܗܝ (7) ܠܒܪܢܫܐ ܕܒܢܐ ܒܝܬܐ: ܗ̇ܘ ܕܚܦܰܪ (8) ܘܥܲܡܩ܆ ܘܤ̣ܡ ܫܬܐܣܬܐ ܥܠ (9) ܫܘܥܐ ܀ ܟܕ ܕܝܢ ܡܠܐ ܗ̣ܘܐ. (10) ܐܬܛܪܝ ܢܗܪܐ ܒܒܝܬܐ ܗ̇ܘ܆ ܘܠܐ (11) ܐܬܡܨܝ ܕܢܙܥܙܥܝܘܗܝ. ܡܫܬܐܣ (12) ܗܘܐ ܓܝܪ ܥܠ ܫܘܥܐ܀ ܗ̇ܘ ܕܝܢ (13) ܕܫܡ̣ܥ ܘܠܐ ܥܒ̣ܕ܆ ܕܕܡܐ ܐܝܬܘܗܝ (14) ܠܒܪܢܫܐ ܕܒܢܐ ܒܝܬܐ ܥܠ ܐܪܥܐ (15) ܣܛܪ ܡ̣ܢ ܫܬܐܣܬܐ. ܒܗܘ (16) ܕܐܬܛܪܝ ܒܗ ܢܗܪܐ ܘܡܚܕܐ ܢܦ̣ܠ. (17) ܘܗܘ̣ܬ ܡܦܘܠܬܗ ܕܒܝܬܐ ܗ̇ܘ (18) ܪܒܬܐ:

Morning, (Tuesday of the Second Week of Lent), Mark (Mk 4:21–34)

(19) ܕܨܦܪܐ ܒܡܪܩܘܣ . ܘܐܡ̇ܪ ܗܘܐ (20) ܠܗܘܢ܆ ܕܠܡܐ ܐܬܐ ܫܪܓܐ (21) ܐܝܟܢܐ ܕܬܚܝܬ ܡܘܕܝܐ ܢܬܬܣܝܡ (22) ܐܘ ܬܚܝܬ ܥܪܣܐ܆ ܠܘ ܐܝܟܢܐ (23) ܕܥܠ ܡܢܪܬܐ ܢܬܬܣܝ̣ܡ܆ ܠܐ (24) ܓܝܪ ܐܝܬ ܡܕܡ ܡܛܫܝܐ ܗ̇ܘ ܕܠܐ (25) ܢܬܓ̣ܠܐ. ܘܠܐ ܗ̇ܘܐ ܟܣܝܐ: ܐܠܐ (26) ܕܠܓܠܝܐ ܢܐܬܐ. ܐܢ ܐܢܫ ܐܝܬ ܠܗ (27) ܐܕܢ̈ܐ ܠܡܫܡܥ ܢܫܡܥ܀ ܘܐܡ̇ܪ (28) ܗܘܐ ܠܗܘܢ. ܚ̣ܙܘ ܡܢܐ (82r) (1) ܫ̇ܡܥܝܢ ܐܢܬܘܢ. ܒܗ̇ܘ ܓܝܪ ܟܝܠܐ (2) ܕܡܟܝܠܝܢ ܐܢܬܘܢ ܢܬܬܟܝ̣ܠ ܠܟܘܢ܆ (3) ܘܢܬܬܘܤܦ ܠܟܘܢ ܠܗ̇ܢܘܢ (4) ܕܫ̇ܡܥܝܢ܀ ܠܗ̇ܘ ܓܝܪ ܕܐܢ ܐܝܬ (5) ܠܗ ܢܬܝܗ̣ܒ ܠܗ. ܘܗ̇ܘ ܕܠܝܬ (6) ܠܗ܆ ܐܦ ܗ̇ܘ ܕܐܝܬ ܠܗ ܢܫܬܩܠ (7) ܡܢܗ܀ ܘܐܡ̇ܪ ܗܘܐ܆ ܗܟܢܐ (8) ܐܝܬܝܗ̇ ܡܠܟܘܬܐ ܕܐܠܗܐ܆ ܐܝܟ (9) ܕܐܢ ܒܪܢܫܐ ܢ̇ܪܡܐ ܙܪܥܐ ܥܠ (10) ܐܪܥܐ܇ ܘܢܕܡܰܟ ܘܢܩܘܡ ܒܠܠܝܐ (11) ܘܒܐܝܡܡܐ: ܘܗ̣ܘ ܙܪܥܐ ܢܐܥܷܐ (12) ܘܢܐܪܰܟ: ܟܕ ܗ̣ܘ ܠܐ ܝ̇ܕܥ.܀ ܗ̣ܝ (13) ܡܢܗ̇ ܓܝܪ ܐܪܥܐ ܡܰܝܬܐ ܠܗ (14) ܠܦܐܪܐ. ܩܕܡܝܰܬ ܥܣܒܐ. ܒܬܪܟܝܢ (15) ܫܒܠܐ. ܒܬܪܟܢ ܚܷܛܬܳܐ (16) ܡܫܡܠܰܝܬܐ ܒܫܒܠܐ܀ ܟܕ ܕܝܢ (17) ܡܫܠܡ ܗ̣ܘ ܦܐܪܐ. ܡܚܕܐ ܡܫ̇ܕܪ (18) ܡܓܠܐ. ܡܛܠ ܕܩ̣ܪܒ ܚܨܕܐ܀ (19) ܘܐܡ̇ܪ ܗܘܐ܆ ܠܡܲܢܘ ܢܕܰܡܝܗ̇ (20) ܠܡܠܟܘܬܐ ܕܐܠܗܐ܆ ܠܐܝܕܐ (21) ܦܠܐܬܐ ܢܦܠܐܬܝܗ̇. ܐܝܟ ܦܪܕܬܐ ܗܝ (22) ܕܚܲܪܕܠܐ. ܗ̇ܝ ܕܡܐ ܕܐܙܕܪܥܰܬ (23) ܥܠ ܐܪܥܐ܆ ܕܝܬܝܪ ܙܥܘܪܝܐ ܐܝܬܝܗ̇ (24) ܡ̣ܢ ܟܠܗܘܢ ܙܪ̈ܥܐ ܗܠܝܢ ܕܥܠ (25) ܐܪܥܐ. ܘܡܐ ܕܐܙܕܪܥ̣ܬ̇܆ ܣ̇ܠܩܐ (26) ܘܗ̇ܘܝܐ ܕܪܒܐ ܡ̣ܢ ܟܠܗܘܢ ܝܪ̈ܩܐ. (27) ܘܥ̇ܒܕܐ ܣܘ̈ܟܬܐ ܪܘܙ̈ܒܬܐ܆ ܐܝܟܢܐ (28) ܕܢܬܡܨ̈ܝܢ ܬܚܝܬ ܛܠܠܐ ܕܝܠܗ̇܆ (82v) (1) ܦܪ̈ܚܬܐ ܕܫܡܝܐ ܠܡܫܪܐ܀ ܘܒܕܐܝܟ (2) ܗܠܝܢ ܦܠܐ̈ܬܐ ܣܓܝ̈ܐܬܐ ܡܡܲܠܠ (3) ܗܘܐ ܠܗܘܢ ܡܠܬܐ܆ ܐܟܡܐ ܕܡ̣ܨܝܢ (4) ܠܡܫ̣ܡܥ. ܣܛܪ ܕܝܢ ܡ̣ܢ ܦ̈ܠܐܬܐ (5) ܠܐ ܡܡܲܠܠ ܗܘܐ ܠܗܘܢ ܀ ܠܚܘܕܐܝܬ (6) ܕܝܢ ܠܬܠ̈ܡܝܕܘܗܝ ܫܵܪܐ ܗܘܐ ܠܟܠܗܝܢ

Vespers, Wednesday (of the Second Week of Lent), Matthew (Mt 18:1–11)

(7) ܕܢܓܗ ܐܪܒܥܐ ܒܫܒܐ . (8) ܡܢ ܡܬܝ . ܒܗ̇ܝ ܫܥܬܐ ܩܪܒܘ (9) ܬܠܡܝܕ̈ܐ ܠܘܬ ܝܫܘܥ ܟܕ ܐܡ̇ܪܝܢ܆ (10) ܡܲܢܘ ܐܪܐ ܐܝܬܘܗܝ ܪܒܐ ܒܡܠܟܘܬܐ (11) ܕܫܡ̈ܝܐ ܀ ܘܟܕ ܩܪܐ ܠܘܬܗ ܝܫܘܥ (12) ܠܛܠܝܐ܆ ܐܩܝܡܗ ܒܡܨܥܬܐ (13) ܕܝܠܗܘܢ ܘܐܡ̣ܪ. ܐܡܝܢ ܐܡ̇ܪ ܐܢ̣ܐ (14) ܠܟܘܢ܆ ܕܐܢ ܠܐ ܬܬܗܰܦܟܘܢ (15) ܘܬܗܘܘܢ ܐܢܟ ܛܠ̈ܝܐ܆ ܠܐ ܬܥ̣ܠܘܢ (16) ܠܡܠܟܘܬܐ ܕܫܡܝܐ܀ ܗ̇ܘ ܡܲܢܘ (17) ܗܟܝܠ ܕܡܡ̇ܟܟ ܗ̣ܘ ܠܗ ܐܝܟ (18) ܛܠܝܐ ܗܢܐ: ܗܢܐ ܐܝܬܘܗܝ ܪܒܐ (19) ܒܡܠܟܘܬܐ ܕܫܡܝܐ܀ ܘܗ̇ܘ ܕܐܢ (20) ܢܩܲܒܠ ܛܠܝܐ ܚܕ ܕܐܝܟ ܗܢܐ (21) ܒܫܡܐ ܕܝܠܝ܆ ܠܝ ܡܩܲܒܠ ܀ (22) ܗ̇ܘ ܕܝܢ ܕܐܢ ܢܟܫܠ ܠܚܕ ܡ̣ܢ (23) ܙܥܘܪ̈ܐ ܗܠܝܢ ܕܡܗ̇ܝܡܢܝܢ ܒܝ܆ (24) ܦ̇ܩܚܐ ܗܘܬ ܠܗ ܕܬܗܘܐ ܬܠܝܐ (25) ܪܚܝܐ ܚܡ̇ܳܪܳܝܬܳܐ ܒܨܘܪܗ܆ ܘܡܛܒܥ (26) ܒܥܘ̈ܡܩܰܘܗܝ ܕܝܡܐ ܀ ܘܳܝ (27) ܠܥܠܡܐ ܡܢ ܟܫ̈ܠܐ. ܐܢܰܢܩܝ ܓܝܪ (28) ܐܝܬܝܗ̇ ܕܢܐܬܘܢ ܟܫ̈ܠܐ. ܒܪܡ ܘ̇ܝ (83r) (1) ܠܒܪܢܫܐ ܗ̇ܘ ܕܰܒܝܰܕܗ ܟܫܠܐ ܐܬܐ܀ (2) ܐܢܕܝܢ ܐܝܕܟ ܐܘ ܪܓܠܟ ܡܟܫܠܐ (3) ܠܟ܆ ܦܣܘܩ ܐܢܝܢ. ܘܰܫܕܝ (4) ܡܢܟ. ܕܛܒܐ ܐܝܬܝܗ̇ ܠܟ (5) ܕܬܥܘܠ ܠܚ̈ܝܐ ܚܓܝܪܐ ܐܘ̇ (6) ܦܫܝܓܐ. ܐܘ̇ ܟܕ ܬܪܬܝܢ ܐܝܕܝܐ ܐܘ (7) ܬܪܬܝܝܢ ܪ̈ܓܐܐ ܐܝܬ ܠܟ: ܬܬܬ̣ܪܡܷܐ (8) ܒܢܘܪܐ ܕܠܥܠܡ ܀ ܘܐܢ ܥܝܢܟ (9) ܡܟܫܠܐ ܠܟ. ܐܦܩܝܗ̇ ܘܫܕܝܗ̇ (10) ܡܢܟ. ܕܛܒܐ ܐܝܬܝܗ̇ ܠܟ (11) ܕܠܚܘܕܝ ܥܝܢܐ ܠܚ̈ܝܐ ܬܥܘܠ܆ (12) ܐܘ ܟܕ ܬܪܬܝܢ ܥܝ̈ܢܐ ܐܝܬ ܠܟ. (13) ܬܬܰܬܪܡܐ ܒܓܗܢܐ ܕܢܘܪܐ܀ ܚܙܘ (14) ܠܐ ܬܒܤܘܢ ܥܠ ܚܕ ܡ̣ܢ ܙܥܘܪ̈ܐ (15) ܗܠܝܢ܀ ܐܡ̇ܪ ܐܢܐ ܓܝܪ ܠܟܘܢ܆ (16) ܕܡܠܐܟ̈ܝܗܘܢ ܒܫܡܝܐ: ܒܟܠܙܒܢ (17) ܚ̇ܙܝܢ ܦܪܨܘܦܗ ܕܐܒܐ ܕܝܠܝ ܗ̇ܘ (18) ܕܒܫܡ̈ܝܐ܀ ܐܬ̣ܐ ܓܝܪ ܒܪܗ (19) ܕܐܢܫܐ܆ ܠܡܒܥܐ ܘܠܡܫܘܙܒܘ (20) ܠܗ̇ܘ ܐܒܝܕܐ܀

Morning, (Wednesday of the Second Week of Lent), Luke (Lk 11:1–13)

(21) ܕܨܦܪܐ ܡ̣ܢ ܠܘܩܐ . ܘܗ̣ܘܬ ܕܟܕ ܐܝܬܘܗܝ. (22) ܒܕܘܟܬܐ ܡܕܡ ܕܡܨܠܐ܆ ܡ̣ܢ (23) ܕܰܫܠܝ܆ ܐܡ̣ܪ ܐܢܫ ܡܢ ܬܠܡܝ̈ܕܘܗܝ (24) ܠܘܬܗ. ܡܪܝܐ܆ ܐܠܦ ܠܢ (25) ܠܡܨܠܝܘ: ܐܝܟܢܐ ܕܐܦ ܝܘܚܢܢ (26) ܐܠܦ ܠܬܠܡ̈ܝܕܘܗܝ܀ ܐܡ̣ܪ ܕܝܢ ܠܗܘܢ. (27) ܐܡܬܝ ܕܡܨܰܠܝܢ ܐܢܬܘܢ ܐܡ̣ܪܘ. (28) ܐܒܐ ܕܝܠܢ ܗ̇ܘ ܕܒܫܡ̈ܝܐ܆ (83v) (1) ܢܬܩܕܫ ܫܡܐ ܕܝܠܟ. ܬܐܬܐ (2) ܡܠܟܘܐܟ. ܢܗܘܐ ܨܟܝܢܟ. ܐܝܟ (3) ܕܒܫܡܝܐ ܐܦ ܥܠ ܐܪܥܐ. ܠܚܡܐ (4) ܕܣܘܢܩܢܐ ܕܝܠܢ. ܗܒ ܠܢ (5) ܝܘܡܢܐ: ܘܫܒܘܩ ܠܢ ܚܛܗ̈ܐ (6) ܕܝܠܢ. ܐܦ ܓܝܪ ܚܢܢ ܫܒ̣ܩܢܢ (7) ܠܟܠ ܕܚܲܝܳܒ ܠܢ܆ ܘܠܐ ܬܥܠܢ (8) ܠܢܝܣܝܘܢܐ. ܐܠܐ ܦܲܨܐ ܠܢ ܡ̣ܢ ܒܝܫܐ܀ (9) ܘܐܡ̣ܪ ܠܘܬܗܘܢ. ܡܲܢܘ ܡܢܟܘܢ ܕܐܝܬ (10) ܠܗ ܪܚܡܐ: ܘܢܐܙܠ ܠܘܬܗ (11) ܒܦܠܓܗ ܕܠܠܝܐ ܘܢܐܡܪ ܠܗ. (12) ܪܳܚܡܐ܆ ܐܰܫܷܐܠܰܝܢܝ ܬܠܬܐ ܠܚ̈ܡܐ܆ (13) ܡܛܠ ܕܪܳܚܡܐ ܕܝܠܝ ܐܬ̣ܐ ܡ̣ܢ (14) ܐܘܪܚܐ ܠܘܬܝ܇ ܘܠܝܬ ܠܝ ܗ̇ܘ ܡܐ (15) ܕܐܣ̇ܝܡ ܠܗ܇ ܘܗ̇ܘ ܡ̣ܢ ܠܓܘ (16) ܟܕ ܢܦܲܢܐ ܢܐܡܪ܇ ܠܐ ܬܬܠ ܠܝ (17) ܥܡ̈ܠܐ. ܗܐ ܓܝܪ ܡ̣ܢ ܟܕܘ (18) ܬܪܥܐ ܐܚܝܕ. ܘܛܠ̈ܝܐ ܥܡܝ (19) ܒܥܪܣܐ ܐܝܬܝܗܘܢ܆ ܠܐ ܡܨܐ ܐܢܐ (20) ܐܩܘܡ ܐܬܠ ܠܟ܀ ܐܡ̇ܪ ܐܢܐ ܠܟܘܢ܆ (21) ܕܐܦܢ ܠܐ ܢܩܘܡ ܘܢܬܠ ܠܗ ܡܛܠ (22) ܕܐܝܬܘܗܝ ܪܳܚܡܐ ܕܝܠܗ܆ ܡܛܠ (23) ܝܲܨܝܦܘܬܗ ܟܕ ܢܩܘܡ ܢܬܠ ܠܗ (24) ܟܠ ܡܐ ܕܤܢܝܩ܀ ܐܦ ܐܢ̇ܐ (25) ܠܟܘܢ ܐܡ̇ܪ ܐܢܐ: ܫܲܐܠܘ ܘܢܬܝܗ̣ܒ (26) ܠܟܘܢ܆ ܒܥ̣ܘ ܘܬܫܟ̣ܚܘܢ. ܩܘܫܘ (27) ܘܢܬܦܬܚ ܠܟܘܢ. ܟܠ ܓܝܪ ܗ̇ܘ (28) ܕܫ̇ܐܠ ܢܣܒ܆ ܘܗ̇ܘ ܕܒ̇ܥܐ (84r) (1) ܡܫ̣ܟܚ܆ ܘܠܗ̇ܘ ܕܢܩܫ (2) ܡܬܦ̣ܬܚ܀ ܡܲܢܘ ܕܝܢ ܡܢܟܘܢ (3) ܐܒܐ ܕܢܫ̣ܐܠܝܘܗܝ ܒܪܗ ܠܚܡܐ. (4) ܕܠܡܐ ܟܐܦܐ ܡܲܘܫܛ ܠܗ܆ ܐܘ (5) ܐܢ ܐܦ ܢܘܢܐ: ܠܡܐ ܚܠܦ ܢܘܢܐ (6) ܚܘܝܐ ܡܲܘܫܛ ܠܗ܆ ܐܘ ܐܦ ܐܢ (7) ܢܷܫ̣ܐܠ ܒܻܥܬܳܐ: ܠܡܐ ܡ̇ܘܫܛ (8) ܠܗ ܥܩܪܒܐ܀ ܐܢ ܗܟܝܠ ܐܢܬܘܢ (9) ܕܒܝ̈ܫܐ ܐܝܬܝܟܘܢ܆ ܝ̇ܕܥܝܢ ܐܢܬܘܢ (10) ܡܘ̈ܗܒܬܐ ܛܒ̈ܬܐ ܠܡܬ̣ܠ (11) ܠܒܢܝ̈ܟܘܢ ܀ ܟܡܐ ܝܬܝܪܐܝܬ ܐܒܐ (12) ܗ̇ܘ ܕܡ̣ܢ ܫܡܝܐ܇ ܢܬ̣ܠ ܪܘܚܐ (13) ܩܕܝܫܐ ܠܗ̇ܢܘܢ ܕܫ̇ܐܠܝܢ ܠܗ܀

Vespers, Thursday (of the Second Week of Lent), Luke (Lk 16:1–13)

(14) ܕܢܓܗ ܚܡܫܐ ܒܫܒܐ . (15) ܡ̣ܢ ܠܘܩܐ . ܐܡ̇ܪ ܗܘܐ ܕܝܢ ܐܦ (16) ܠܘܬ ܬܠܡܝ̈ܕܘܗܝ܆ ܒܪܢܫܐ ܐܢܫ (17) ܐܝܬ ܗܘܐ ܥܬܝܪܐ: ܗ̇ܘ ܕܐܝܬ ܗܘܐ (18) ܠܗ ܪܒܒܝܬܐ: ܘܕܗܢܐ ܐܬܐܟܠ (19) ܠܗ ܩܪ̈ܨܘܗܝ܆ ܐܟܡܢ ܕܡܒܰܕܪ (20) ܩܢܝܢ̈ܘܗܝ ܀ ܟܕ ܩܪܝܗܝ ܐܡ̣ܪ (21) ܠܗ. ܡ̇ܢܘ ܗܢܐ ܕܫܡܥ ܐܢܐ (22) ܡܛܠܬܟ. ܗ̣ܒ ܡܠܬܐ ܕܪܰܒܰܬ (23) ܒܝܬܘܬܐ ܕܝܠܟ. ܠܐ ܓܝܪ ܡ̣ܨܐ ܐܢܬ (24) ܬܘܒ ܠܡܗܘܐ ܠܝ ܪܒ ܒܝܬܐ ܀ (25) ܐܡ̣ܪ ܕܝܢ ܗ̣ܘ ܒܗ ܗ̇ܘ ܪܒܒܝܬܐ. (26) ܡܢܐ ܐܥܒܕ܇ ܡܛܠ ܕܡܪܐ ܕܝܠܝ (27) ܡܪܻܝܡ ܠܗ̇ ܠܪܰܒܰܬ ܒܝܬܘܬܐ (28) ܡܢܝ. ܐܚܦܘܪ ܠܐ ܡܨܐ ܐܢܐ. (84v) (1) ܠܡܸܚܕܰܪ ܒܵܗܬ ܐܢܐ. ܝܕܥܬ (2) ܡܢܐ ܐܥ̇ܒܕ܆ ܐܝܟܢܐ ܕܡܐ ܕܫܰܢܝܻܬ (3) ܡ̣ܢ ܪܰܒܰܬ ܒܝܬܘܬܐ ܢܩܰܒܠܘܢܢܝ (4) ܒܒ̈ܬܐ ܕܝܠܗܘܢ܀ ܘܟܕ ܩ̣ܪܐ ܚܕ (5) ܚܕ ܠܟܠܚܕ ܡ̣ܢ ܚܝ̈ܒܐ ܕܡܳܪܳܐ (6) ܕܝܠܗ܆ܐܡ̣ܪ ܠܗ̇ܘ ܩܕܡܝܐ. ܟܡܐ (7) ܚܲܝܒ ܐܢܬ ܠܡܪܐ ܕܝܠܝ܀ ܗ̇ܘ ܕܝܢ (8) ܐܡ̣ܪ܆ ܡܵܐܐ ܒܰܐܕ̈ܐ ܕܡܸܫܚܐ܀ ܘܐܡ̣ܪ (9) ܠܗ: ܩܒ̣ܠ ܟܬܒܐ ܕܝܠܟ. (10) ܘܬܸܒ ܟܬ̣ܘܒ ܒܥܓܠ (11) ܚܡܫܝܢ܀ ܒܬܪ ܗܠܝܢ ܐܡ̣ܪ (12) ܠܐܚܪܢܐ. ܐܢܬ ܕܝܢ ܟܡܐ ܚܲܝ̇ܒ (13) ܐܢܬ܀ ܗ̇ܘ ܕܝܢ ܐܡ̣ܪ. ܡܐܐ ܟܘܪ̈ܐ (14) ܕܚ̈ܛܐ ܀ ܘܐܡ̇ܪ ܠܗ܆ ܩܲܒܠ (15) ܟܬܳܒܳܟ: ܘܟܬ̣ܘܒ ܬܡܢ̈ܝܢ܀ (16) ܘܫܲܒܚ ܡܪܝܐ ܠܪܒ ܒܝܬܐ (17) ܕܥܰܘܠܘܬܐ܇ ܡܛܠ ܕܚܟܝܡܐܝܬ (18) ܥܒ̣ܕ܀ ܡܛܠ ܕܒܢ̈ܘܗܝ ܕܥܠܡܐ (19) ܗܢܐ܆ ܕܝܬܝܪ ܚܲܟܝܡܝܢ ܛܒ (20) ܡ̣ܢ ܒܢ̈ܘܗܝ ܕܢܘܗܪܐ ܒܕܪܐ (21) ܕܝܠܗܘܢ ܐܝܬܝܗܘܢ܀ ܐܦ ܐܢܐ ܠܟܘܢ (22) ܐܡ̇ܪ ܐܢܐ: ܥܒܕܘ ܐܢܬܘܢ ܠܟܘܢ (23) ܪ̈ܳܚܡܐ ܡ̣ܢ ܡܡܘܢܐ ܕܥܘܠܘܬܐ. (24) ܐܝܟܢܐ ܕܡܐ ܕܓܡ̣ܪܬܘܢ ܢܰܩܒܠܘܢܳܟܘܢ (25) ܒܡܲܫ̈ܟܢܐ ܕܠܥܠܡ ܀ ܗ̇ܘ (26) ܕܡܗܝܡܢܐ ܗܘ ܒܩܠܝܠ܆ ܐܦ (27) ܒܤܓܝ ܡܗܝܡܢܐ ܐܝܬܘܗܝ. (28) ܘܗ̇ܘ ܕܒܩܠܝܠ ܥܲܘܠܐ܆ ܐܦ (85r) (1) ܒܣ̇ܓܝ ܥܲܘܠܐ ܐܝܬܘܗܝ ܀ ܐܢ ܗܟܝܠ (2) ܒܥܘܠܐ ܡܳܡܽܘܢܳܐ ܡܗܝܡ̈ܢܐ ܠܐ (3) ܗܘܝܬܘܢ܆ ܗ̇ܘ ܫܪܝܪܐ ܡܢܘ (4) ܠܟܘܢ ܢܗ̇ܝܡܢ ܀ ܘܐܢ ܒܢܘܟܪܝܐ (5) ܡܗܝܡ̈ܢܐ ܠܐ ܗܘܝܬܘܢ܆ ܕܝܠܟܘܢ (6) ܡܢܘ ܠܟܘܢ ܢܬ̣ܠ܀ ܠܐ ܐܢܫ (7) ܒܪ ܒܝܬܐ ܡܨܐ ܠܬܪܝܢ ܡܳܪ̈ܰܝܳܐ (8) ܠܡܦܠܚ ܥܒܕܘܬܐ. ܐܘ̇ ܓܝܪ (9) ܠܚܕ ܢܣ̣ܢܐ ܘܠܐܚܪܢܐ ܢܰܚܷܒ܆ (10) ܐܘ ܕܚܲܕ ܢܐܨܦ ܘܒܐܚܪܢܐ ܢܰܒܣܐ. (11) ܠܐ ܡܨܝܢ ܐܢܬܘܢ ܠܐܠܗܐ ܠܡܦܠܚ (12) ܥܒܕܘܬܐ ܘܠܡܡܘܢܐ:

Morning, (Thursday of the Second Week of Lent), Luke

(13) ܕܨܦܪܐ ܡ̣ܢ ܠܘܩܐ . ܐܡ̇ܪ ܗܘܐ ܕܝܢ (14) ܘܦܷܠܐܬܐ ܠܗܘܢ܆ ܠܘܬ ܗ̇ܝ ܕܙܕܩ (15) ܕܐܡܝܢܐܝܬ ܢܨܠܘܢ ܘܠܐ ܬܐܡܰܐܢܝ (16) ܠܗܘܢ. ܟܕ ܐܡ̇ܪ: ܕܝ̇ܢܐ ܐܢܝ ܐܝܬ (17) ܗܘܐ ܒܡܕܝܢܬܐ ܡܕܡ. ܕܡ̣ܢ ܐܠܗܐ (18) ܠܐ ܕܚ̇ܠ ܗܘܐ. ܘܡ̣ܢ ܒܪܢܫܐ (19) ܠܐ ܡܬܟܰܚܰܕ ܗܘܐ: ܐܪܡܠܬܐ ܕܝܢ (20) ܐܝܬ ܗܘܬ ܒܡܕܝܢܬܐ ܗ̇ܝ܆ ܘܐܬܝܐ (21) ܗܘܬ ܠܘܬܗ ܟܕ ܐܡ̇ܪܐ: ܬܒܘܥ (22) ܠܝ ܡ̣ܢ ܒܥܠܕܝܢܐ ܕܝܠܝ. ܘܠܐ (23) ܨ̇ܒܐ ܗܘܐ ܙܒܢܐ ܣܓܝܐܐ܀ ܒܬܪ (24) ܕܝܢ ܗܠܝܢ܆ ܐܡ̣ܪ ܗܘ ܒܗ. (25) ܐܢ ܐܦ ܡ̣ܢ ܐܠܗܐ ܠܐ ܕܚܠ ܐܢܐ: (26) ܘܡ̣ܢ ܒܪܢܫܐ ܠܐ ܡܬܟܰܚܕ ܐܢܐ: (27) ܡܛܠ ܟܝܬ ܕܥܡܠܐ ܝ̇ܗܒܐ ܠܝ (28) ܐܪܡܠܬܐ ܗܕܐ܇ ܐܬܒܰܥ ܠܗ̇܆ ܐܝܟܢܐ (85v) (1) ܕܠܐ ܠܰܓܡܳܪ ܬܗܘܐ ܐܬܝܐ ܡܕܰܢܩܐ (2) ܠܝ ܀ ܐܡ̣ܪ ܕܝܢ ܡܪܝܐ. ܫܡ̣ܥܘ܆ (3) ܡܢܐ ܕܰܝ̇ܢܐ ܕܥܰܘܠܘܬܐ ܐܡ̇ܪ. (4) ܐܠܗܐ ܕܝܢ ܠܐ ܢܥܒܕ ܬܒ̣ܥܬܐ (5) ܕܓܒ̈ܝܐ ܕܝܠܗ܆ ܕܗ̇ܢܘܢ ܕܓܥܝܢ (6) ܠܘܬܗ ܐܝܡܡܝܐ ܘܠܠܝܐ܆ ܐܦ (7) ܟܕ ܡܰܐܓܰܪ ܪܘܚܗ ܥܠܝܗܘܢ܆ (8) ܐܡ̇ܪ ܐܢܐ ܠܟܘܢ܆ ܕܢܥܒܕ ܬܒܰܥܬܐ (9) ܕܝܠܗܘܢ ܒܥܓܠ܀ ܒܪܡ ܒܪܗ (10) ܕܐܢܫܐ܇ ܡܐ ܕܐܬܐ܇ ܐܪܐ ܟܰܝ (11) ܢܫܟ̣ܚ ܗܝܡܢܘܬܐ ܥܠ ܐܪܥܐ܀ (12) ܐܡܝܢ ܐܡ̇ܪ ܐܢܐ ܠܟܘܢ܆ ܕܟܠ (13) ܐܝܠܝܢ ܕܐܢ ܬܐܣ̣ܪܘܢ ܥܠ ܐܪܥܐ܆ (14) ܢܗܘ̈ܝܢ ܐܣܝܪ̈ܳܢ ܒܫܡܝܐ. ܘܟܠ (15) ܐܝܠܝܢ ܕܐܢ ܬܫ̣ܪܘܢ ܥܠ ܐܪܥܐ܆ (16) ܢܗܘ̈ܝܵܢ ܫܪ̈ܝܵܢ ܒܫܡܝܐ ܀ ܬܘܒ (17) ܕܝܢ ܐܡ̇ܪ ܐܢܐ ܠܟܘܢ܆ ܕܐܢ ܬܪܝܢ (18) ܡܢܟܘܢ ܢܫܠ̣ܡܘܢ ܥܠ ܐܪܥܐ: (19) ܡܛܠ ܟܠ ܣܘܥܪܢܐ ܗܘ ܕܐܢ (20) ܢܫܐܠܘܢ܆ ܢܗܘܐ ܠܗܘܢ ܡ̣ܢ ܐܒܐ (21) ܕܝܠܝ ܗ̇ܘ ܕܒܫܡܝܐ. ܐܝܟܐ ܓܝܪ (22) ܕܐܝܬܝܗܘܢ ܬܪܝܢ ܐܘ̇ ܬܠܬܐ ܕܟܢܝܫܝܢ (23) ܒܫܡܐ ܕܝܠܝ܆ ܬܡܢ ܐܝܬܝ ܒܡܨܥܬܐ (24) ܕܝܠܗܘܢ܀

Vespers, Friday (of the Second Week of Lent), Matthew (Mt 16:21–28)

(25) ܕܢܳܓܰܗ ܥܪܘܒܬܐ ܒܡܲܬܝ . ܗ̇ܝܕܝܢ (26) ܫܲܪܝ ܝܫܘܥ ܠܡܚܲܘܝܘ (27) ܠܬܠܡܝ̈ܕܐ ܕܝܠܗ܆ ܕܙ̇ܕܩ ܠܗ (28) ܠܡܐܙܰܠ ܠܐܘܪܝܫܠܝܡ: ܘܣܓܝ̈ܐܬܐ (86r) (1) ܠܡܚܰܫ ܡ̣ܢ ܩܫܝ̈ܫܐ ܘܪ̈ܝܫܰܝ (2) ܟܗ̈ܢܐ ܘܣ̇ܦܪ̈ܐ: ܘܢܬܩܛܠ (3) ܘܒܝܘܡܐ ܬܠܝܬܝܐ ܢܩܘܡ ܀ ܘܟܕ (4) ܕܒ̣ܪܗ ܦܛܪܘܣ܆ ܫܲܪܝ ܠܡ̣ܟܐܐ (5) ܒܗ ܟܕ ܐܡ̇ܪ. ܚܵܣ ܠܟ ܡܪܝܐ. (6) ܠܐ ܬܗܘܐ ܠܟ ܗܕܐ. ܗ̣ܘ ܕܝܢ (7) ܟܕ ܐܬܦܢܝ. ܐܡ̣ܪ ܠܦܛܪܘܣ. (8) ܙܠ ܠܟ ܠܒܤܬܪܝ ܣܛܢܐ. (9) ܟܫ̣ܠܐ ܕܝܠܝ ܐܝܬܝܟ. ܡܛܠ ܕܠܐ (10) ܡܬܪܥܐ ܐܢܬ ܗܠܝܢ ܕܐܠܗܐ܆ (11) ܐܠܐ ܗܠܝܢ ܕܒܢܝ̈ܢܫܐ܀ ܗ̇ܝܕܝܢ (12) ܝܫܘܥ ܐܡ̣ܪ ܠܬܠܡܝ̈ܕܘܗܝ. ܐܢ (13) ܐܢܫ ܨ̇ܒܐ ܒܬܪܝ ܠܡܐܬܐ: ܢܟ̣ܦܘܪ (14) ܗ̣ܘ ܒܗ. ܘܢܫ̣ܩܘܠ ܨܠܝܒܐ (15) ܕܝܠܗ ܘܢܕܒ̣ܩܰܢܝ ܀ ܗ̇ܘ ܓܝܪ (16) ܕܨ̇ܒܝܐ ܢܦܫܐ ܕܝܠܗ ܠܰܡܫܘܙܒܘ (17) ܢܰܘܒܕܝܗ̇. ܗ̇ܘ ܕܝܢ ܕܢܘܒܕ (18) ܢܦܫܐ ܕܝܠܗ ܡܛܠܬܝ ܢܫܟܚܝܗ̇. (19) ܡܢܐ ܓܝܪ ܢܐܬܰܪ ܒܪܢܫܐ: ܐܢ (20) ܥܠܡܐ ܟܠܗ ܢ̣ܐܬܪ: ܢܦܫܐ ܕܝܠܗ (21) ܕܝܢ ܢܚ̣ܣܰܪ. ܐܘ̇ ܡܢܐ ܢܬ̣ܠ (22) ܒܪܢܫܐ ܬܚܠܘ̣ܦܐ ܕܢܦܫܐ ܕܝܠܗ ܀ (23) ܥܬܝܕ ܗܘ ܓܝܪ ܒܪܗ ܕܐܢܫܐ (24) ܠܡ̣ܐܬܐ ܒܬܫܒܘܚܬܐ ܕܐܒܘܗܝ (25) ܥܡ ܡܠܐܟ̈ܘܗܝ܆ ܘܗ̇ܝܕܝܢ (26) ܢܦܪܘܥ ܠܟܠ ܚܕ ܐܝܟ ܥ̈ܒ̇ܕܐ (27) ܕܝܠܗ܀ ܐܡܝܢ ܐܡ̇ܪ ܐܢ̣ܐ ܠܟܘܢ܆ (28) ܕܐܝܬ ܐܢܫ̈ܝܢ ܡ̣ܢ ܗ̇ܢܘܢ ܕܗܪܟܐ (86v) (1) ܩ̇ܝܡܝܢ܆ ܗ̇ܢܘܢ ܐܝܠܝܢ ܕܠܐ (2) ܢܛܥܡܘܢ ܡܘܬܐ: ܥܕܡܐ (3) ܕܢܚ̣ܙܘܢ ܠܒܪܗ ܕܐܢܫܐ ܕܐܬܐ (4) ܒܡܠܟܘܬܐ ܕܝܠܗ܀

Morning, (Friday of the Second Week of Lent), Matthew (Mt 5:38–48)

(5) ܕܨܦܪܐ ܒܡܬܝ ܆ ܫܡܥܬܘܢ (6) ܕܐܬܐܡ̣ܪ܆ ܥܝܢܐ ܚܠܦ ܥܝܢܐ܆ (7) ܘܫܸܢܐ ܚܠܦ ܫܢܐ܀ ܐܢܐ ܕܝܢ (8) ܐܡܪ ܐܢܐ ܠܟܘܢ܆ ܠܐ ܬܩܘܡܘܢ (9) ܠܘܩܒܠ ܒܝܫܐ܀ ܐܠܐ ܠܗ̇ܘ (10) ܐܝܢܐ ܕܡܫܲܩܦ ܠܟ ܥܠ ܦܟܐ (11) ܕܝܠܟ ܝܡܝܢܝܐ. ܐܦܢܐ ܠܗ ܐܦ (12) ܗܘ ܐܚܪܢܐ. ܘܠܗ̇ܘ ܕܨ̇ܒܐ (13) ܠܡܕܢ ܥܡܟ: ܘܟܘܬܝܢܐ ܕܝܠܟ (14) ܠܡܣܒ܆ ܫܒܘܩ ܠܗ ܐܦ (15) ܡܐܢܐ܀ ܘܠܗ̇ܘ ܐܝܢܐ ܕܳܕܒܰܪ (16) ܠܟ ܐܳܢܓܰܐܪܝܰܐ ܡܝܠܐ ܚܲܕ. ܙܠ (17) ܥܡܗ ܬܪܝܢ܀ ܠܗ̇ܘ ܕܫܐܠ (18) ܠܟ ܗ̣ܒ. ܘܡ̣ܢ ܗ̇ܘ ܕܨ̇ܒܐ (19) ܕܢܐܙܰܦ ܡܢܟ ܠܐ ܬܗܦܟ ܐܦ̈ܝܟ܀ (20) ܫܡ̣ܥܬܘܢ ܕܐܬܐܡܪ܆ ܕܬܰܐܚ̣ܒ (21) ܠܩܪܝܒܟ. ܘܬܣܢܐ ܠܒܥܠܕܒܵܒܵܟ܀ (22) ܐܢܐ ܕܝܢ ܐܡ̇ܪ ܐܢܐ ܠܟܘܢ܆ ܐܚܷܒܘ (23) ܠܒܥܠܕܒ̈ܒܐ ܕܝܠܟܘܢ: ܘܒܲܪܟܘ (24) ܠܗܢܘܢ ܕܠ̇ܝܛܝܢ ܠܟܘܢ: ܕܫܦܝܪ (25) ܥܒܕܘ ܠܗܢܘܢ ܕܣ̇ܢܝܢ ܠܟܘܢ. (26) ܘܨܰܠܘ ܚܠܦ ܗ̇ܢܘܢ ܕܒ̇ܐܝܢ ܠܟܘܢ (27) ܘܪܕܦܝܢ ܠܟܘܢ܆ ܐܝܟܢܐ ܕܬܗܘܘܢ (28) ܒܢ̈ܝܐ ܕܐܒܘܟܘܢ ܗ̇ܘ ܕܒܫܡ̈ܝܐ: (87r) (1) ܗ̇ܘ ܕܡ̇ܕܢܚ ܫܡܫܐ ܕܝܠܗ ܥܠ (2) ܒܝ̈ܫܐ ܘܛܒ̈ܐ܇ ܘܡܲܡܛܪ ܥܠ (3) ܟܐܢ̈ܐ ܘܥܘ̈ܠܐ܀ ܐܢ ܓܝܪ ܬܚܒܘܢ (4) ܠܗܠܝܢ ܕܡܲܚܒܝܢ ܠܟܘܢ܆ ܡܢܐ (5) ܐܓܪܐ ܐܝܬ ܠܟܘܢ. ܠܘ ܐܦ (6) ܡܟ̈ܣܐ܆ ܗ̣ܝ ܗܕܐ ܥ̇ܒܕܝܢ܀ ܘܐܢ (7) ܬܫܐܠܘܢ ܫܠܡܐ ܕܪ̈ܚܡܐ (8) ܕܝܠܟܘܢ ܒܠܚܘܕ܆ ܡܢܐ ܝܬܝܪܐ (9) ܥ̇ܒܕܝܢ ܐܢܬܘܢ. ܠܘ ܐܦ ܥܡܡ̈ܝܐ܆ (10) ܗܟܢܐ ܥ̇ܒܕܝܢ܆ ܗ̣ܘܘ ܗܟܝܠ ܐܢܬܘܢ (11) ܡܫܡ̈ܠܝܐ܆ ܐܝܟܢܐ ܕܐܒܘܟܘܢ ܗ̇ܘ (12) ܫܡܝܢܐ ܡܫܡܠܝܐ ܐܝܬܘܗܝ܀

Qurbana (Divine Liturgy), Saturday (of the Second Week of Lent), (Mk 1:21–28)

(13) ܕܩܘܪܒܐ ܕܫܒܬܐ . ܘܥ̇ܐܠܝܢ ܠܟܦܪ (14) ܢܰܚܘܡ. ܘܡܚܕܐ ܒܫܒ̈ܐ ܟܕ ܥ̣ܠ (15) ܠܟܢܘܫܬܐ ܡܲܠܦ ܗܘܐ ܠܗܘܢ܀ (16) ܘܡܬܕܰܡܪܝܢ ܗܘܘ ܥܠ ܡܠܦܢܘܬܐ (17) ܕܝܠܗ. ܐܝܬܘܗܝ ܗܘܐ ܓܝܪ (18) ܕܡܲܠܦ ܠܗܘܢ ܐܝܟܡ̇ܢ ܕܐܝܬ ܠܗ (19) ܫܘܠܛܢܐ܆ ܘܠܘ ܐܝܟ ܣ̇ܦܪ̈ܐ (20) ܕܝܠܗܘܢ܀ ܘܐܝܬ ܗܘܐ ܒܟܢܘܫܬܐ (21) ܕܝܠܗܘܢ܆ ܒܪܢܫܐ ܒܪܘܚܐ ܛܡܐܐ. (22) ܘܩܥ̣ܐ ܟܕ ܐܡ̇ܪ܆ ܫܒ̣ܘܩ. ܡܐ (23) ܠܢ ܘܠܟ ܝܫܘܥ ܢܨܪܝܐ. ܐܬܝܬ (24) ܠܡ̇ܘܒܕܘ ܠܢ. ܝ̇ܕܥ ܐܢܐ ܠܟ ܡܲܢܘ (25) ܐܝܬܝܟ ܩܕܝܫܐ ܕܐܠܗܐ܀ ܘܟܐܐ (26) ܒܗ ܝܫܘܥ ܟܕ ܐܡ̇ܪ܆ ܐܬܒܰܠܡ (27) ܘܦܘܩ ܡܢܗ. ܘܟܕ ܒܲܥܩܗ (87v) (1) ܪܘܚܐ ܗ̇ܘ ܛܡܐܐ: ܘܩܥܐ ܒܩܠܐ (2) ܪܒܐ. ܢܦ̣ܩ ܡܢܗ. ܘܬܡܰܗܘ (3) ܟܠܗܘܢ. ܐܝܟ ܕܢܒܥܘܢ ܐܟܚܕܐ (4) ܗ̣ܢܘܢ ܠܘܬܗܘܢ ܟܕ ܐܡܪܝܢ ܀ ܡܢܐ (5) ܐܝܬܝܗ̇ ܗܕܐ: ܡܢܐ ܗ̇ܝ ܡ̇ܠܦܢܘܬܐ (6) ܚ̇ܕܬܐ ܗܕܐ: ܕܒܫܘܠܛܢܐ ܐܦ (7) ܠܪ̈ܘܚܐ ܛܡ̈ܐܐ ܦ̇ܩܕ ܘܡܫܬܡܥܝܢ (8) ܠܗ܀ ܢܦ̣ܩ ܕܝܢ ܫܡ̣ܥܐ ܕܝܠܗ (9) ܡܚܕܐ: ܒܟܠܗ ܦܷܐܪܝܻܟܳܘܰܪܐ ܕܓܠܝܠܐ:

Vespers, Sunday of the Third Week of Lent, Luke (Lk 5:17–26)

(10) ܕܢܓܗ ܚܕ ܒܫܒܐ ܕܬܠܬܐ (11) ܕܨܘܡܐ ܒܠܘܩܐ . ܘܗܘܐ ܒܚܕ (12) ܡܢ ܝܘܡ̈ܬܐ܆ ܘܗ̣ܘ ܐܝܬܘܗܝ ܗܘܐ (13) ܕܡ̇ܠܦ. ܘܐܝܬܝܗܘܢ ܗܘܘ ܕܝ̇ܬܒܝܢ (14) ܦܪ̈ܝܫܐ ܘܡ̈ܠܦܝ ܢܡܘܣܐ: ܗ̇ܢܘܢ (15) ܕܐܬ̣ܘ ܗܘܘ ܡ̣ܢ ܟܠ ܩܪܝ̣ܬܐ (16) ܕܓܠܝܠܐ: ܘܕܝܗܘܕ ܘܕܐܘܪܫܠܡ. (17) ܘܚܲܝܠܗ ܕܡܪܝܐ ܐܝܬܘܗܝ ܗܘܐ (18) ܠܡ̇ܐܣܝܘܬܗܘܢ ܀ ܘܗܐ ܓܒܪ̈ܐ (19) ܡܲܝܬܝܢ ܒܥܪܣܐ ܠܒܪܢܫܐ ܗ̇ܘ (20) ܕܐܝܬܘܗܝ ܗܘܐ ܕܡܫܰܪܰܝ܆ ܘܒܥܝܢ (21) ܗܘܘ ܕܢܥܠܘܢܝܗܝ ܘܢܣܝܡܘܢܳܝܗܝ (22) ܩܕܡܘܗܝ. ܘܟܕ ܠܐ ܐܫܟܚ̣ܘ (23) ܕܡ̣ܢ ܐܝܟܐ ܢܥܠܘܢܝܗܝ ܡܛܠ (24) ܟܢܫ̣ܐ܆ ܟܕ ܣܠܩ̣ ܥܠ ܐܓܪܐ: ܡ̣ܢ (25) ܬܛܠܝܠܐ ܕܩܰܐܪܡܻܝܕܐ ܐܚ̣ܬܘܗܝ (26) ܥܡ ܥܪܣܘܢܝܬܐ ܠܡܨܥܬܐ (27) ܩܕܡܘܗܝ ܕܝܫܘܥ܀ ܘܟܕ ܚܙ̣ܐ (88r) (1) ܠܗܝܡܢܘܬܗܘܢ. ܐܡ̣ܪ ܠܗ (2) ܒܪܢܫܐ. ܫܒܝܩܝܢ ܠܟ ܚ̈ܛܗܝܟ܀ (3) ܘܫܲܪܝܘ ܠܡܬܚܲܫܒܘ ܣ̇ܦܪ̈ܐ (4) ܘܦܪ̈ܝܫܐ ܟܕ ܐܡ̇ܪܝܢ܆ ܡ̇ܢܘ ܗܢܐ (5) ܐܝܬܘܗܝ: ܗ̇ܘ ܕܡܡܲܠܠ ܓܘ̈ܕܦܐ. (6) ܡ̇ܢܘ ܡ̇ܨܐ ܠܡ̣ܫܒܩ ܚ̈ܛܗܐ: (7) ܐܠܐ ܐܢ ܒܠܚܘܕܘܗܝ ܐܠܗܐ ܀ (8) ܝ̣ܕܥ̣ ܕܝܢ ܝܫܘܥ ܡܲܚ̈ܫܒܬܗܘܢ. (9) ܘܟܕ ܦܢ̣ܝ ܐܡ̣ܪ ܠܘܬܗܘܢ. ܡܢܐ (10) ܡܬܚܲܫܒܝܢ ܐܢܬܘܢ ܒܠܒܘ̈ܬܟܘܢ: (11) ܐܝ̇ܕܐ ܐܝܬܝܗ̇ ܝܬܝܪ ܦܫܝܩܬܐ (12) ܠܡܐܡܪ܇ ܫܒܝܩܝܢ ܠܟ (13) ܚ̈ܛܗܝܟ܆ ܐܘ ܠܡܐܡܪ ܩܘ̣ܡ (14) ܘܗ̇ܠܟ܀ ܐܝܟܢܐ ܕܝܢ ܕܬܕܥܘܢ܆ (15) ܕܫܘܠܛܢܐ ܐܝܬ ܠܗ ܠܒܪܗ ܕܐܢܫܐ (16) ܥܠ ܐܪܥܐ ܠܡܫ̣ܒܰܩ ܚ̈ܛܗܐ: (17) ܐܡ̣ܪ ܠܡܫܪܝܐ. ܠܟ ܐܡ̇ܪ ܐܢܐ. ܩܘ̣ܡ (18) ܘܫܩܘܠ ܥܪܣܘܢܝܬܐ ܕܝܠܟ (19) ܘܙܠ ܠܒܝܬܟ ܀ ܘܒܪ ܫܥܬܗ (20) ܟܕ ܩ̣ܡ ܩܕܡܝܗܘܢ܆ ܫܩ̣ܠ (21) ܠܥܪܣܘܢܝܬܐ ܗܝ ܕܥܠܝܗ̇ ܣܝ̣ܡ (22) ܗܘܐ. ܘܐܙܠ ܠܒܲܝܬܗ ܟܕ (23) ܡܫܒܚ ܠܐܠܗܐ ܀ ܘܬܡܗܐ ܐܚܰܕ (24) ܠܟܠܢܫ ܘܡܫܒܚܝܢ ܗܘܘ (25) ܠܐܠܗܐ: ܘܐܬܡܠܝܘ ܡ̣ܢ ܕܚܠܬܐ ܟܕ ܐܡܪܝܢ (26) ܡܛܠ ܕܚܙܰܝܢ ܬܡ̈ܝܗܬܐ ܝܘܡܢܐ.

Morning, (Sunday of the Third Week of Lent), John (Jn 5:1–18)

(27) ܕܨܦܪܐ ܡ̣ܢ ܝܘܚܢܢ ܆ (28) ܒܬܪ ܗܠܝܢ ܐܝܬܘܗܝ ܗܘܐ ܥܐܕܐ (88v) (1) ܕܝܘܕܝ̈ܐ. ܘܰܣܠ̣ܩ ܝܫܘܥ (2) ܠܐܘܪܫܠܝܡ܀ ܐܝܬ ܗܘܐ ܕܝܢ (3) ܒܐܘܪܫܠܝܡ ܠܘܬ ܦܪܘܒܐܛܝܩܝ (4) ܡܥܡܘܕܝܬܐ ܗ̇ܝ ܕܡܬܐܡܪܐ (5) ܥܒܪܐܝܬ ܒܝܬ ܨܝܕܐ: ܕܚܡܫܐ (6) ܐܣ̈ܛܘܐ ܐܝܬ ܗܘܐ ܠܗ̇. ܒܗܠܝܢ (7) ܪܡܐ ܗܘܐ ܟܢܫܐ ܤܓܝܐܐ (8) ܕܗܠܝܢ ܕܟܪܝܗܝܢ. ܕܣܡ̈ܝܐ: (9) ܕܰܚܓ̈ܝܣܐ: ܕܝܒܝ̈ܫܐ: ܕܰܡܣܰܟܝܢ (10) ܗܘܘ ܠܙܘܥܐ ܕܡܝ̈ܐ܀ ܡܠܐܟܐ (11) ܓܝܪ ܒܟܠ ܙܒܢܐ ܣ̇ܚܷܐ ܗܘܐ (12) ܒܗ̇ ܒܡܲܥܡܘܕܝܬܐ܆ ܘܫܵܓܫ ܗܘܐ (13) ܠܗܘܢ ܠ̈ܡܝܐ. ܗ̇ܘ ܗܟܝܠ (14) ܕܩܕܡܝܐ ܢ̇ܚܬ ܗܘܐ ܡ̣ܢ ܒܬܪ (15) ܫܓܘ̣ܫܝܐ ܕܡܝ̈ܐ܆ ܚܠܝܡܐ (16) ܗ̇ܘܐ ܗܘܐ܆ ܒܐܝܢܐ ܕܗ̣ܘ ܟܘܪܗܢܐ (17) ܕܐܢ ܐܚܝܕ ܗܘܐ܀ ܐܝܬ ܗܘܐ ܕܝܢ (18) ܐܢܫ ܒܪܢܫܐ ܬܡܢ܆ ܕܬܠܬܝܢ (19) ܘܬܡܢ̈ܐ ܫܢ̈ܝܐ ܐܝܬܘܗܝ ܗܘܐ (20) ܒܡܚܝܠܘܬܐ: ܠܗܢܐ ܟܕ ܚ̣ܙܐ (21) ܝܫܡܥ ܕܪܡܐ: ܘܝܕܥ ܕܙܒܢܐ (22) ܤܓܝܐܐ ܡ̣ܢ ܟܕܘ ܐܝܬ ܠܗ܆ (23) ܐܡ̇ܪ ܠܗ ܝܫܘܥ. ܨ̇ܒܐ ܐܢܬ ܚܠܝܡܐ (24) ܠܡܗܘܐ܀ ܘܦܲܢܝ ܠܗ ܗ̇ܘ (25) ܕܡܚܝܠ. ܐܝܢ ܡܪܝܐ. ܒܪܢܫܐ (26) ܕܝܢ ܠܝܬ ܠܝ: ܐܝܟܢܐ ܕܡܐ (27) ܕܐܫܬܓܫܘ ܡܝ̈ܐ ܡ̣ܢ ܡܠܐܟܐ: (28) ܢܰܪܡܷܝܢܝ ܒܡܥܡܘܕܝܬܐ܀ ܥܕ ܕܝܢ (90r) (1) ܐܢ̇ܐ ܐܬܐ ܐܢܐ܆ ܐܚܪܢܐ ܡ̣ܢ ܩܕܳܡܰܝ (2) ܢ̇ܚܬ܀ ܐܡ̇ܪ ܠܗ ܝܫܡܥ. ܩܘܡ (3) ܫܩܘܠ ܥܪܤܐ ܕܝܠܟ ܘܗ̇ܠܟ܀ (4) ܘܡܚܕܐ ܗ̣ܘܐ ܚܠܝܡܐ ܗ̇ܘ (5) ܒܪܢܫܐ. ܘܩ̣ܡ ܘܫܩ̣ܠ ܥܪܣܐ (6) ܕܝܠܗ ܘܡܗ̇ܠܟ ܗܘܐ. ܐܝܬܝܗ̇ (7) ܗܘܬ ܕܝܢ ܫܒܬܐ ܒܗ̇ܘ (8) ܝܘܡܐ܀ ܐܡ̇ܪܝܢ ܗܘ ܗܟܝܠ (9) ܝܘ̈ܕܝܐ ܠܗ̇ܘ ܕܐܬܚܠ̣ܡ. ܫܒܬܐ (10) ܐܝܬܝܗ̇. ܠܐ ܫ̇ܠܝܛ ܠܟ ܕܬܫܩ̣ܘܠ (11) ܥܪܣܐ ܕܝܠܟ. ܗ̣ܘ ܕܝܢ ܟܕ ܦܲܢܝ (12) ܠܗܘܢ. ܗ̇ܘ ܕܥܒܕܰܢܝ ܚܠܝܡܐ܆ (13) ܗ̇ܘ ܐܡ̣ܪ ܠܝ. ܫܩ̣ܘܠ ܥܪܣܟ (14) ܘܗ̇ܠܟ܀ ܫܲܐܠܘܗܝ ܗܟܝܠ. (15) ܡܢܘ ܐܝܬܘܗܝ ܒܪܢܫܐ ܗ̇ܘ ܕܐܡ̣ܪ (16) ܠܟ ܫܩܘܠ ܥܪܣܟ ܘܗܲܠܟ܀ (17) ܗ̇ܘ ܕܝܢ ܕܐܬܐܣܝ܆ ܠܐ ܝܕܥ ܗܘܐ (18) ܡܢܘ ܐܝܬܘܗܝ. ܗ̣ܘ ܓܝܪ ܝܫܘܥ (19) ܐܬܓܢܝ ܗܘܐ ܡܛܠ ܕܟܢܫܐ ܐܝܬ (20) ܗܘܐ ܒܕܘܟܬܐ ܀ ܒܬܪ ܗܠܝܢ (21) ܡܫܟ̣ܚ ܠܗ ܗ̣ܘ ܝܫܘܥ (22) ܒܗܝܟܠܐ ܘܐܡ̇ܪ ܠܗ. ܗܐ ܚܠܝܡܐ (23) ܗܘܰܝܬ܆ ܠܐ ܬܘܒ ܬܚ̣ܛܐ. ܐܝܟܢܐ (24) ܕܠܐ ܡܕܡ ܕܝܬܝܪ ܒܝܫ ܢܗܘܐ (25) ܠܟ܀ ܘܐܙܠ ܗ̇ܘ ܒܪܢܫܐ ܘܐܘܕܥ (26) ܠܝܘ̈ܕܝܐ܆ ܕܝܫܘܥ ܐܝܬܘܗܝ ܗ̇ܘ (27) ܕܥܒܕܗ ܚܠܝܡܐ ܀ ܘܡܛܠܗܕܐ (28) ܪܕܦܝܢ ܗܘܘ ܠܝܫܘܥ ܝܘ̈ܕܝܐ. (90v) (1) ܘܒܥܝܢ ܗܘܘ ܠܡܩ̣ܛܠܗ܆ (2) ܡܛܠ ܕܗܠܝܢ ܥ̇ܒܕ ܗܘܐ (3) ܒܫܒܬܐ܀ ܗ̣ܘ ܕܝܢ ܝܫܘܥ (4) ܦܲܢܝ ܠܗܘܢ: ܐܒܐ ܕܝܠܝ ܥܕܡܐ (5) ܠܗܫܐ ܥ̇ܒܕ. ܐܦ ܐܢ̇ܐ ܥ̇ܒܕ ܐܢܐ܀ (6) ܘܡܛܠ ܗܕܐ ܗܟܝܠ ܝܬܝܪܐܝܬ (7) ܒ̇ܥܝܢ ܗܘܘ ܝܘ̈ܕܝܐ ܠܡܩ̣ܛܠܗ܆ (8) ܡܛܠ ܕܠܘ ܒܠܚܘܕ ܫܵܪܐ ܗܘܐ (9) ܠܫܒܬܐ. ܐܠܐ ܕܐܦ ܐܒܐ ܕܝܠܗ (10) ܐܡ̇ܪ ܗܘܐ ܠܐܠܗܐ: ܟܕ ܕܫ̇ܘܐ (11) ܠܐܠܗܐ ܗ̣ܘ ܠܗ ܥ̇ܒܕ ܗܘܐ܀

Qurbana (Divine Liturgy), (Sunday of the Third Week of Lent), Mark (Mk 2:1–12)

(12) ܕܩܘܪܒܐ ܒܡܪܩܘܣ . (13) ܘܥܠ ܬܘܒ ܝܫܘܥ ܠܟܦܪܢܚܘܡ (14) ܠܝܘ̈ܡܬܐ܆ ܘܐܫܬ̣ܡܥܰܬ ܕܒܒܰܝܬܐ (15) ܐܝܬܘܗܝ. ܘܡܚܕܐ ܐܬܟܲܢܫܘ (16) ܣܓܝ̈ܐܐ܆ ܐܝܟܢܐ ܕܠܐ ܬܘܒ ܢܥ̣ܪܐ (17) ܐܢܘܢ ܐܦܠܐ ܩܕܡ ܬܪܥܐ. ܘܡܡܲܠܠ (18) ܗܘܐ ܠܗܘܢ ܡܠܬܐ܀ ܘܐܬܝܢ ܠܘܬܗ (19) ܟܕ ܡܲܝܬܝܢ ܡܫܲܪܝܐ ܕܫܩܝܠ (20) ܡ̣ܢ ܐܪܒܥܐ ܀ ܘܟܕ ܠܐ ܡܨܝܢ ܗܘܘ (21) ܕܢܩ̇ܪܒܘܢܝܗ̇ܝ ܠܗ ܡܛܠ ܟܢܫܐ܆ (22) ܐܪܝ̣ܡܘ ܬܛܠܝܠܐ ܕܐܝܟܐ ܕܐܝܬܘܗܝ (23) ܗܘܐ܆ ܘܟܕ ܦܠ̣ܰܫܘ. ܡܫ̇ܡܪܝܢ (24) ܠܥܪܣܝܐ ܕܥܠܝܗ̇ ܗ̇ܘ ܡܫܪܝܐ (25) ܣܝ̣ܡ ܗܘܐ܀ ܟܕ ܚܙܐ ܕܝܢ ܝܫܘܥ (26) ܠܗܝܡܢܘܬܐ ܕܝܠܗܘܢ܆ ܐܡ̇ܪ ܠܗ̇ܘ (27) ܡܫܲܪܝܐ. ܒܪܝ. ܫܒܝ̣ܩܝܢ ܠܟ (28) ܚܛܗ̈ܝܟ ܀ ܐܝܬ ܗܘܘ ܕܝܢ (91r) (1) ܐܢܫ̈ܝܢ ܬܡܢ ܡ̣ܢ ܣ̇ܦܪ̈ܐ ܕܝ̇ܬܒܝܢ܆ (2) ܘܡܬܚ̇ܫܒܝܢ ܗܘܘ ܒܠܒܘ̈ܬܗܘܢ. (3) ܠܡܢܐ ܗܢܐ ܗܟܢܐ ܡܡܲܠܠ (4) ܓܘ̈ܕܦܐ. ܡܲܢܘ ܡܨܐ ܠܡܫ̣ܒܰܩ (5) ܚܛܗ̈ܐ܇ ܐܠܐ ܐܢ ܚܕ ܐܠܗܐ܆ (6) ܒܠܚܘܕ ܀ ܘܡܚܕܐ ܟܕ ܐܫܬܘܕܥ (7) ܝܫܘܥ ܒܪܘܚܐ ܕܝܠܗ܇ ܕܗܟܢܐ (8) ܗ̣ܢܘܢ ܡܬܚܫܒܝܢ ܒܗܘܢ܆ ܐܡ̣ܪ (9) ܠܗܘܢ. ܠܡܢܐ ܗܠܝܢ ܡܬܚܲܫܒܝܢ (10) ܐܢܬܘܢ ܒܠܒܘ̈ܬܟܘܢ. ܐܝܕܐ ܐܝܬܝܗ̇ (11) ܕܝܬܝܪ ܦܫܝ̣ܩܐ ܠܡܐܡܪ ܠܡܫܪܝܐ. (12) ܫܒܝ̣ܩܝܢ ܠܟ ܚܛܗ̈ܝܟ܆ ܐܘ̇ (13) ܠܡ̣ܐܡܪ ܩܘܡ ܘܫܩܘܠ ܥܪܣܐ (14) ܕܝܠܟ ܘܗܲܠܟ. ܐܝܟܢܐ ܕܝܢ ܕܬܕܥܘܢ܆ (15) ܕܫܘܠܛܢܐ ܐܝܬ ܠܗ ܠܒܪܗ ܕܐܢܫܐ (16) ܠܡܫܒܩ ܥܠ ܐܪܥܐ ܚܛܗ̈ܐ ܀ (17) ܐܡ̇ܪ ܠܗ̇ܘ ܡܫܪܝܐ. ܠܟ ܐܡ̇ܪ ܐܢܐ. (18) ܩܘܡ ܘܫܩܘܠ ܠܥܪܣܟ. ܘܙܠ (19) ܠܒܝܬܟ. ܘܩ̣ܡ ܡܚܕܐ ܀ ܘܟܕ (20) ܫܩ̣ܠ ܠܥܪܣܐ ܢܦ̣ܩ. ܩܕܡ (21) ܟܠܗܘܢ. ܐܝܟܢܐ ܕܢܬܕܡܪܘܢ (22) ܟܠܗܘܢ. ܘܢܫܲܒܚܘܢ ܠܐ̇ܠܗܐ ܟܕ (23) ܐܡ̇ܪܝܢ܆ ܕܠܐ ܡܡܬܘܡ ܗܟܢܐ ܚܙܰܝܢܢ ܀

Third Week of Lent

(24) ܕܫܒܬܐ ܕܬܠܬ ܕܨܘܡܐ.

Morning, Monday (of the Third Week of Lent), Mark (Mk 2:13–22)

ܕܨܦܪܐ (25) ܕܝܘܡ ܬܪܝܢ ܡ̣ܢ ܡܪܩܘܣ܆ (26) ܘܢܦ̣ܩ ܬܘܒ ܠܘܬ ܝܲܡܐ. ܘܟܠܗ (27) ܟܢܫܐ ܐܬܐ ܠܘܬܗ ܘܡܲܠܦ ܗ̣ܘܐ (91v) (1) ܘܟܕ ܥ̇ܒܪ܆ ܚ̣ܙܐ ܠܠܷܘܝ (2) ܗ̇ܘ ܕܚܠܦܰܝ܆ ܕܝܬܒ ܥܠ ܒܝܬ (3) ܡܟ̈ܣܐ. ܘܐܡ̇ܪ ܠܗ. ܕܒܰܩܲܝܢܝ. (4) ܘܟܕ ܩ̣ܡ ܕܒܩ̣ܗ܀ ܘܗ̣ܘܐ ܕܟܕ (5) ܤܡܝܟ ܒܒܝܬܐ ܕܝܠܗ܆ ܐܦ (6) ܣܓܝ̈ܐܐ ܡ̇ܟ̈ܣܐ ܘܚܛܝ̈ܐ (7) ܣܡܝܟܝܢ ܗܘܘ ܥܡ ܝܫܘܥ (8) ܘܥܡ ܬܠܡܝ̈ܕܘܗܝ܀ ܐܝܬܝܗܘܢ ܗܘܘ (9) ܓܝܪ ܣܓܝ̈ܐܐ. ܘܕܰܒܩܘܗܝ. (10) ܘܣ̇ܦܪ̈ܐ ܘܦܪ̈ܝܫܐ ܟܕ ܚ̣ܙܐܘܘܗܝ (11) ܕܐܟܠ ܥܡ ܡܟ̈ܣܐ ܘܥܡ ܚ̈ܛܝܐ܆ (12) ܐܡ̇ܪܝܢ ܗܘܘ ܠܬܠܡ̈ܝܕܘܗܝ. ܡ̇ܢܐ ܗܝ (13) ܕܥܡ ܡ̇ܟ̈ܣܐ ܘܚ̈ܛܝܐ ܐܳܟ̇ܠ (14) ܘܫ̇ܬܐ܀ ܘܟܕ ܫܡ̣ܥ ܝܫܘܥ (15) ܐܡ̇ܪ ܠܗܘܢ. ܠܐ ܐܝܬ ܠܗܘܢ (16) ܣܘܢܩܢܐ ܠܗ̇ܢܘܢ ܕܚܠܝ̣ܡܝܢ (17) ܥܠ ܐܣܝܐ. ܐܠܐ ܠܗܠܝܢ ܕܒܝܫܐܝܬ (18) ܐܝܬ ܠܗܘܢ. ܠܐ ܐܬܝ̇ܬ ܠܡܩ̣ܪܐ (19) ܠܙܕܝܩ̈ܐ: ܐܠܐ ܠܚ̈ܛܝܐ܀ ܘܐܝܬܝܗܘܢ (20) ܗܘܘ ܬܠܡܝ̈ܕܘܗܝ ܕܝܘܚܢܢ ܘܗ̇ܢܘܢ (21) ܕܦܪ̈ܝܫܐ ܕܨ̇ܝܡܝܢ ܗܘܘ܆ ܘܳܐܬܝ̇ܢ (22) ܘܐܡ̇ܪܝܢ ܠܗ. ܡܛܠܡܢܐ ܬܠܡܝ̈ܕܐ (23) ܕܝܘܚܢܢ ܘܗ̇ܢܘܢ ܕܦܪ̈ܝܫܐ ܨ̇ܝܡܝܢ: (24) ܬܠܡܝ̈ܕܝܟ ܕܝܢ ܕܝܠܟ ܠܐ ܨ̇ܝܡܝܢ܀ (25) ܘܐܡ̣ܪ ܠܗܘܢ ܗ̣ܘ ܝܫܘܥ. ܠܡܐ (26) ܡ̇ܨܝܢ ܒܢ̈ܘܗܝ ܕܓܢܘܢܐ ܟܡܐ (27) ܕܚܬܢܐ ܥܡܗܘܢ ܗܘ ܠܡ̣ܨܵܡ܆ (28) ܟܡܐ ܙܒܢܐ ܕܥܡܗܘܢ ܐܝܬ ܠܗܘܢ (92r) (1) ܠܚܬܢܐ ܠܐ ܡܨܝܢ ܠܰܡ̣ܨܡ. ܢܐܬܘܢ (2) ܕܝܢ ܝܘ̈ܡܬܐ܇ ܐܡܬܝ ܕܢܬܬܪܝܡ (3) ܡܢܗܘܢ ܚܬܢܐ܆ ܘܗ̇ܝܕܝܢ ܢܨܘܡܘܢ (4) ܒܗ̇ܘ ܝܘܡܐ ܀ ܠܐ ܐܢܫ ܕܝܢ (5) ܪܡ̇ܝܐ ܕܪܘܩܥܬܐ ܠܐ ܡܩܰܨܰܪܬܐ (6) ܚ̇ܐܛ ܥܠ ܡ̇ܐܢܐ ܒܠܝܐ. ܘܐܢܕܝܢ (7) ܠܐ܆ ܫ̇ܩܠܐ ܡܢܗ ܡܠܝܘܬܐ ܚܕܬܐ (8) ܡ̣ܢ ܒܠܝܐ. ܘܣܕܩܐ ܝܬܝܪ (9) ܒܝ̣ܫܐ ܗ̇ܘܐ ܀ ܘܠܐ ܐܢܫ ܪܡܐ (10) ܚܡܝܪܐ ܚܕܬܐ ܒܙܩ̈ܐ ܒܠ̈ܝܬܐ. (11) ܘܐܢܕܝܢ ܠܐ܆ ܡܨܰܪܐ ܚܡܪܐ ܗ̇ܘ (12) ܚܰܕܬܐ ܠܙܩ̈ܐ܆ ܘܚܡܪܐ ܡܬܐܫܕ. (13) ܘܙܩ̈ܐ ܐܒ̈ܕܢ܆ ܐܠܐ ܚܲܡܪܐ ܚܕܬܐ (14) ܒܙܩ̈ܐ ܚܰܕ̈ܬܬܐ ܡܬܬܰܪܡܐ܀

Vespers, Tuesday (of the Third Week of Lent), Mark (Mk 10:17–27)

(15) ܕܢܓܗ ܬܠܬܐ. ܒܡܪܩܘܣ܆ ܘܟܕ (16) ܢ̇ܦܩ ܗܘܐ ܠܐܘܪܚܐ܆ ܪܗܛ ܚܕ. (17) ܘܟܕ ܢܦ̣ܠ ܥܠ ܒܘܪ̈ܟܘܗܝ܆ (18) ܡܫܲܐܠ ܗܘܐ ܠܗ. ܡܲܠܦܢܐ (19) ܛܒܐ܆ ܡ̇ܢܐ ܐܥ̇ܒܕ ܐܝܟܢܐ (20) ܕܚ̈ܝܐ ܕܠܥܠܡ ܐܪܰܬ܀ ܗ̣ܘ ܕܝܢ (21) ܝܫܘܥ ܐܡ̣ܪ ܠܗ. ܠܡܢܐ ܠܝ (22) ܐܡ̇ܪ ܐܢܬ ܛܒܐ. ܠܐ ܐܢܫ ܛܒܐ (23) ܐܠܐ ܐܢ ܚܕ ܐܠܗܐ: ܠܦܘ̈ܩܕܢܐ (24) ܝ̇ܕܥ ܐܢܬ. ܠܐ ܬܓ̣ܘܪ: ܠܐ (25) ܬܩ̣ܛܘܠ. ܠܐ ܬܓ̣ܢܘܒ. ܠܐ (26) ܬܣ̣ܗܰܕ ܕܰܓܳܠܳܐܝܬ. ܠܐ ܬܓܠܘܙ. (27) ܝܩܪ ܠܐܒܐ ܕܝܠܟ ܘܠܐܡܐ ܀ ܗ̣ܘ ܕܝܢ (28) ܟܕ ܦܲܢܝ ܐܡ̣ܪ ܠܗ. ܡܠܦܢܐ܆ (92v) (1) ܗܠܝܢ ܟܠܗܝܢ ܢ̇ܛܪܬ ܡ̣ܢ (2) ܛܠܝܘܬܐ ܕܝܠܝ ܀ ܝܫܘܥ ܕܝܢ ܟܕ (3) ܚ̣ܪ ܒܗ ܐܚܒܗ. ܘܐܡ̣ܪ ܠܗ. (4) ܐܢ ܨ̇ܒܐ ܐܢܬ ܓܡܝܪܐ ܠܡܗܘܐ. (5) ܚܕܐ ܚܣܝܪܐ ܠܟ: ܙܠ. ܘܟܠ (6) ܡܕܡ ܕܐܝܬ ܠܟ ܙܰܒܸܢ ܘܗܲܒ (7) ܠܡܣ̈ܟܢܐ. ܘܬܗ̣ܘܐ ܠܟ ܣܝܡܬܐ (8) ܒܫܡܝܐ: ܘܬܐ ܩܰܦܰܝܢܝ ܟܕ (9) ܫܩ̣ܝܠ ܐܢܬ ܨܠܝܒܐ܀ ܗ̣ܘ ܕܝܢ (10) ܟܕ ܐܬܟ̣ܡܪ ܥܠ ܡܠܬܐ: ܐܙܠ (11) ܟܕ ܡܥܵܩ. ܐܝܬܘܗܝ ܗܘܐ ܓܝܪ (12) ܕܐܝܬ ܗܘܐ ܠܗ ܩܢ̈ܝܢܐ ܣܓܝ̈ܐܐ. (13) ܘܟܕ ܚ̣ܪ ܝܫܘܥ. ܐܡ̣ܪ (14) ܠܬܠ̈ܡܝܕܘܗܝ. ܟܡܐ ܥܣܩܐܝܬ (15) ܗܠܝܢ ܕܡܪ̈ܗܛܐ ܐܝܬ ܠܗܘܢ. (16) ܠܡܠܟܘܬܗ ܕܐܠܗܐ ܥ̇ܐܠܝܢ܀ (17) ܬܠ̈ܡܝܕܐ ܕܝܢ ܡܬܰܬܡܗܝܢ ܗܘܘ (18) ܥܠ ܡܠ̈ܘܗܝ ܀ ܗ̣ܘ ܕܝܢ (19) ܝܫܘܥ ܬܘܒ ܟܕ ܥܢ̣ܐ ܐܡ̣ܪ (20) ܠܗܘܢ. ܒܢ̈ܝ܆ ܟܡܐ ܥܣܩܬܐ (21) ܐܝܬܝܗ̇ ܠܗ̇ܢܘܢ ܕܰܬܟܝܠܝܢ ܥܠ (22) ܡܪ̈ܗܛܐ: ܠܡܠܟܘܬܐ ܕܐܠܗܐ (23) ܠܡܸܥܠ ܀ ܝܲܬܝܪ ܦܫܝܩܬܐ ܐܝܬܝܗ̇ (24) ܕܓܡܠܐ ܒܝܕ ܚܪܘܪܐ ܕܡܚܲܛܐ (25) ܢܥܒ̣ܪ܆ ܐܘ ܥܬܝܪܐ ܠܡܠܟܘܬܐ (26) ܕܐܠܗܐ ܠܡܸܥ̣ܠ܀ ܗ̣ܢܘܢ ܕܝܢ (27) ܝܬܝܪܐܝܬ ܡܬܕܡܪܝܢ ܗܘܘ ܟܕ (28) ܐܡ̇ܪܝܢ ܗ̣ܢܘܢ ܠܘܬܗܘܢ܆ ܘܡܲܢܘ (93r) (1) ܐܪܰܐ ܡܨܐ ܠܡܸܫܬܰܘܙܒܘ ܀ ܟܕ (2) ܚ̣ܪ ܒܗܘܢ ܕܝܢ ܝܫܘܥ. ܐܡ̇ܪ. (3) ܠܘܬ ܒܢܝ̈ܢܫܐ ܠܐ ܡܬܡܨܝܵܢܝܬܐ ܗ̇ܝ. (4) ܐܠܐ ܠܐ ܠܘܬ ܐܠܗܐ. ܟܠܗܝܢ (5) ܓܝܪ ܡܬܡ̈ܨܝܵܢܝܵܬܐ ܐܝܬܝܗܝܢ (6) ܠܘܬ ܐܠܗܐ.

Morning, (Tuesday of the Third Week of Lent), Mark (Mk 4:1–20)

(7) ܕܨܦܪܐ ܒܡܪܩܘܣ ܘܬܘܒ (8) ܫܲܪܝ ܝܫܘܥ ܠܡܲܠܦܘ ܠܘܬ (9) ܝܲܡܐ. ܘܐܬܟܲܢܫܘ ܠܘܬܗ ܟܢܫܐ (10) ܤܓܝܐܐ܆ ܐܝܟܢܐ ܕܢܷܣ̣ܩ (11) ܠܐܠܦܐ ܢܬ̣ܒ ܒܝܡܐ. (12) ܘܟܠܗ ܟܢܫܐ ܠܘܬ ܝܡܐ (13) ܥܠ ܐܪܥܐ ܐܝܬܘܗܝ ܗܘܐ. (14) ܘܡܲܠܦ ܗܘܐ ܠܗܘܢ ܒܦ̈ܠܐܬܐ (15) ܣܓܝ̈ܐܬܐ. ܘܐܡ̇ܪ ܗܘܐ ܠܗܘܢ (16) ܒܡ̇ܠܦܢܘܬܐ ܕܝܠܗ܆ ܫܡܥܘ ܀ (17) ܗ̇ܐ ܢܦ̣ܩ ܗ̇ܘ ܕܙܳܪܰܥ ܠܡܙܪܥ. (18) ܘܗ̣ܘܬ ܕܟܕ ܙܪܰܥ܆ ܗ̇ܘ ܡ̇ܢ (19) ܢܦ̣ܠ ܠܘܬ ܐܘܪܚܐ܆ ܘܐܬܝ̈ (20) ܦܪ̈ܚܬܐ ܘܐܟ̈ܠܢܝܗܝ܀ ܐܚܪܢܐ (21) ܕܝܢ ܢܦ̣ܠ ܥܠ ܫܘܥܐ܆ ܐܝܟܐ (22) ܕܠܝܬ ܗܘܐ ܐܪܥܐ ܣܓܝܐܬܐ. (23) ܘܡܚܕܐ ܝ̣ܥܳܐ܆ ܡܛܠ ܕܠܝܬ ܗܘܐ (24) ܠܗ ܥܘܡܩܐ ܕܐܪܥܐ ܀ ܟܕ (25) ܕܢܰܚ ܕܝܢ ܫܡܫܐ ܐܬܚܲܡܡ. (26) ܘܡܛܠ ܕܠܝܬ ܗ̣ܘܐ ܠܗ ܥܸܩܳܪܐ (27) ܝܒ̣ܫ ܀ ܘܐܚܪܢܐ ܢܦ̣ܰܠ ܒܝܬ (28) ܟܘ̈ܒܐ܆ ܘܣܠܩܘ ܟܘ̈ܒܐ (93v) (1) ܘܚܲܢܩܘܗܝ ܘܦܐܪ̈ܐ ܠܐ ܝܰܗ̣ܒ ܀ (2) ܘܐܚܪܢܐ ܢܦ̣ܠ ܥܠ ܐܪܥܐ ܛܒܬܐ (3) ܘܝܲܗ̣ܒ ܗܘܐ ܦܐܪ̈ܐ: ܟܕ ܣ̇ܠܩ (4) ܘܪܒܐ܆ ܘܡܲܝܬܐ ܗܘܐ ܒܬܠܬܝܢ (5) ܘܒܫܬܝܢ ܘܒܡ̈ܐܐ ܀ ܘܐܡ̇ܪ ܗܘܐ܆ (6) ܗ̇ܘ ܕܐܝܬ ܠܗ ܐܕ̈ܢܐ ܠܡܫܡܥ (7) ܢܫ̣ܡܥ܀ ܟܕ ܕܝܢ ܗ̣ܘܐ ܒܠܚܘܕܘܗܝ܆ (8) ܫܲܐܠܘܗܝ ܗ̇ܢܘܢ ܕܠܘܬܗ ܥܡ (9) ܬܪܥܣܪ ܡܛܠ ܦܷܠܐܬܐ ܀ ܘܐܡ̇ܪ (10) ܗܘܐ ܠܗܘܢ܆ ܠܟܘܢ ܝܗܝ̣ܒ (11) ܠܡ̣ܕܥ ܠܐܪ̈ܙܐ ܕܡܠܟܘܬܐ (12) ܕܐܠܗܐ܀ ܠܗ̇ܢܘܢ ܕܝܢ ܕܠܒܪ܆ (13) ܒܦܷ̈ܠܐܬܐ ܟܠܡܕܡ ܗ̇ܘܐ܆ ܐܝܟܢܐ (14) ܕܟܕ ܚ̇ܙܝܢ ܢܚ̣ܙܘܢ ܘܠܐ ܢܚ̣ܙܘܢ. (15) ܘܟܕ ܫ̇ܡܥܝܢ ܢܫܡܥܘܢ ܘܠܐ (16) ܢܣ̣ܬܟܠܘܢ. ܕܠܡܐ ܢܬ̣ܦܢܘܢ (17) ܘܢܫܬܒܩܘܢ ܠܗܘܢ ܚܛܗ̈ܐ ܕܝܠܗܘܢ. (18) ܘܐܡ̇ܪ ܗܘܐ ܠܗܘܢ ܠܐ ܝ̇ܕܥܝܢ ܐܢܬܘܢ (19) ܠܦܠܐܬܐ ܗܕܐ: ܘܐܝܟܢܐ ܠܟܠܗܝܢ (20) ܦ̈ܠܐܬܐ ܬܕܥܘܢ ܀ ܗ̇ܘ ܕܙܪܥ (21) ܡܠܬܐ ܙ̇ܪܥ. ܘܗܠܝܢ ܕܝܢ (22) ܐܝܬܝܗܘܢ ܗ̇ܢܘܢ ܕܠܘܬ ܐܘܪܚܐ܆ ܐܝܟܐ (23) ܕܡܙܕܪܥܐ ܡܠܬܐ. ܘܐܡܬܝ (24) ܕܫ̇ܡܥܝܢ ܡܚܕܐ ܐܬܐ ܤܛܢܐ: (25) ܘܫ̇ܩܠ ܠܗ̇ ܠܡܠܬܐ ܗ̇ܝ (26) ܕܙܪܝ̣ܥܐ ܒܠܒܘ̈ܬܗܘܢ܀ ܘܗܠܝܢ (27) ܐܝܬܝܗܘܢ ܒܗ̇ ܒܕܡܘܬܐ. ܗ̇ܢܘܢ (28) ܕܥܠ ܫܘܥܐ ܡܙܕܪܥܝܢ: ܗ̇ܢܘܢ (94r) (1) ܕܐܡܬܝ ܕܫܡܥܝܢ ܠܡܠܬܐ܇ (2) ܡܚܕܐ ܥܡ ܚܕܘܬܐ ܢܣܒܝܢ (3) ܠܗ̇. ܘܠܝܬ ܠܗܘܢ ܥܸܩܵܪܐ (4) ܒܗܘܢ. ܐܠܐ ܕܰܡܠܐ ܙܒܢܐ (5) ܐܝܬܝܗܘܢ. ܒܬܪ ܟܢ ܡܐ ܕܗ̇ܘܐ (6) ܐܘܠܨܢܐ ܐܘ̇ ܪܕܘܦܝܐ ܡܛܠ (7) ܡܠܬܐ ܡܚܕܐ ܡܬܟܲܫܠܝܢ ܀ (8) ܘܗܠܝܢ ܐܝܬܝܗܘܢ ܗ̇ܢܘܢ ܕܒܝܬ (9) ܟܘ̈ܒܐ ܡܙܕܪܥܝܢ܆ ܗ̇ܢܘܢ (10) ܕܠܡܠܬܐ ܫ̇ܡܥܝܢ܆ ܘܡܲܪ̈ܢܝܬܐ (11) ܕܥܠܡܐ ܗܢܐ ܘܛܥܝܘܬܐ ܕܥܘܬܪܐ. (12) ܘܪ̈ܓܝܓܬܐ ܕܥܠ ܗ̇ܠܝܢ (13) ܕܫܪܟܐ: ܟܕ ܥܐܠ̈ܢ ܚ̇ܢ̈ܩܢ (14) ܠܗ̇ ܠܡܠܬ ܘܕܠܐ ܦܐܪܐ ܗ̇ܘܝܐ܀ (15) ܘܗܠܝܢ ܐܝܬܝܗܘܢ ܗ̇ܢܘܢ ܕܥܠ (16) ܐܪܥܐ ܛܒܬܐ ܐܙܕܪܰܥܘ܆ ܗ̇ܢܘܢ (17) ܐܝܠܝܢ ܕܫܡܥܝܢ ܠܡܠܬܐ: (18) ܘܡܩܒܠܝܢ ܘܡܲܝܬܝܢ ܦܐܪ̈ܐ (19) ܒܬܠܬܝܢ ܘܒܫܬܝܢ ܘܒܰܡ̈ܐܐ:

Vespers, Wednesday (of the Third Week of Lent), Luke (Lk 9:43c–62)

(20) ܕܢܓܗ ܐܪܒܥܐ. (21) ܒܠܘܩܐ. ܐܡ̣ܪ ܠܘܬ ܬܠܡܝ̈ܕܘܗܝ. (22) ܣܝ̣ܡܘ ܐܢܬܘܢ ܒܐܕܢ̈ܐ . ܕܝܠܟܘܢ (23) ܠܡ̈ܠܐ ܗܠܝܢ. ܗ̣ܘ ܓܝܪ ܒܪܗ (24) ܕܐܢܫܐ܆ ܥܬܝܕ ܠܡܫܬܠܡܘ (25) ܒܐܝ̈ܕܝܐ ܕܒܢܝ̈ܢܫܐ ܚ̈ܛܝܐ ܀ (26) ܗ̣ܢܘܢ ܕܝܢ ܠܐ ܝ̇ܕܥܝܢ ܗܘܘ ܠܗ̇ (27) ܠܡܠܬܐ ܗܕܐ. ܘܐܝܬܝܗ̇ ܗܘܬ (28) ܕܡܚܲܦܝܐ ܡܢܗܘܢ ܐܝܟܢܐ ܕܠܐ (94v) (1) ܢܰܪܓܫܘܢ ܒܗ̇. ܘܕܚ̇ܠܝܢ ܗܘܘ (2) ܠܡܫܐܠܘܬܗ ܡܛܠ ܡܠܬܐ ܗܕܐ܀ (3) ܥ̣ܠ ܕܝܢ ܚܘܫܒܐ ܒܗܘܢ܆ (4) ܕܡܲܢܘ ܐܝܬܘܗܝ ܡܢܗܘܢ ܕܪܒ ܀ (5) ܗ̣ܘ ܕܝܢ ܝܫܘܥ ܟܕ ܝܕܥ (6) ܚܘܫܒܐ ܕܠܒܗܘܢ܆ ܟܕ ܢܣ̣ܒ (7) ܠܛܠܝܐ ܐܩܝܡܗ ܠܘܬܗ܆ ܘܐܡ̣ܪ (8) ܠܗܘܢ. ܗ̇ܘ ܕܐܢ ܢܩܰܒܠ ܠܛܠܝܐ (9) ܗܢܐ ܒܫܡܐ ܕܝܠܝ ܠܝ ܡܩ̇ܒܠ. (10) ܘܗ̇ܘ ܕܐܢ ܠܝ ܡܩܰܒܠ܆ ܡܩܰܒܠ (11) ܠܗ̇ܘ ܕܫܲܠܚܲܢܝ. ܗ̇ܘ ܓܝܪ (12) ܕܐܝܬܘܗܝ ܕܝܲܬܝܪ ܙܥܘܪ ܒܟܠܟܘܢ܆ (13) ܗܢܐ ܢܗܘܐ ܪܒܐ ܀ ܟܕ ܦܲܢܝ ܕܝܢ (14) ܝܘܚܢܢ ܐܡ̣ܪ. ܪܰܒܰܢ܆ ܚ̣ܙܰܝܢܢ (15) ܠܐܢܫ ܕܒܫܡܐ ܕܝܠܟ ܡܲܦܩ (16) ܕܝܘ̈ܐ: ܘܰܟܠܰܝܢܝܗܝ. ܡܛܠ ܕܠܐ (17) ܢܩܸܦ ܥܡܢ ܀ ܘܐܡ̣ܪ ܠܘܬܗ (18) ܝܫܘܥ. ܠܐ ܬܟܠ̣ܘܢ. ܠܐ ܓܝܪ ܐܝܬܘܗܝ (19) ܠܘܩܒܰܠܟܘܢ. ܗܘ ܓܝܪ ܕܠܐ ܐܝܬܘܗܝ (20) ܠܘܩܒܠܟܘܢ ܚܠܦܝܟܘܢ ܐܝܬܘܗܝ܀ (21) ܗܘܬ ܕܝܢ ܕܟܕ ܐܙܠܝܢ ܗܘܘ (22) ܒܐܘܪܚܐ. ܐܡ̣ܪ ܐܢܫ ܠܘܬܗ. (23) ܐܩܦ ܠܟ ܠܐܝܟܐ ܕܐܢ ܬܐܙܠ (24) ܡܪܝܐ ܀ ܘܐܡ̣ܪ ܠܗ ܝܫܘܥ. (25) ܬܥ̈ܠܐ ܢܩ̈ܥܐ ܐܝܬ ܠܗܘܢ. (26) ܘܠܦܪ̈ܚܬܐ ܕܫܡܝܐ ܒܝܬ ܡܫܪ̈ܝܐ. (27) ܒܪܗ ܕܝܢ ܕܐܢܫܐ ܠܝܬ ܠܗ (28) ܐܝܟܐ ܕܢܣ̣ܡܘܟ ܪܝܫܗ܀ ܐܡ̣ܪ (95r) (1) ܕܝܢ ܠܘܬ ܐܚܪܢܐ ܩܰܦ ܠܝ ܀ ܗ̇ܘ (2) ܕܝܢ ܐܡ̣ܪ. ܡܪܝܐ܆ ܐܦܶܣ ܠܝ (3) ܕܐܙ̇ܠ ܩܕܡܳܝܰܬ ܐܩܒܘܪ ܠܐܒܐ (4) ܕܝܠܝ܀ ܐܡ̣ܪ ܕܝܢ ܠܗ ܝܫܘܥ (5) ܫܒܘܩ ܠܡܝ̈ܬܐ ܩ̇ܒܪܝܢ (6) ܠܡܝ̈ܬܝܗܘܢ. ܐܢܬ ܕܝܢ ܟܕ ܐܙ̇ܠ (7) ܐܢܬ܆ ܣܲܒܪ ܡܠܟܘܬܐ ܕܐܠܗܐ܀ (8) ܐܡ̣ܪ ܕܝܢ ܐܦ ܐܚܪܢܐ. ܐܩ̇ܦ (9) ܠܟ ܡܪܝܐ. ܩܕܡܳܝܰܬ ܕܝܢ ܐܦ̣ܣ (10) ܠܝ ܕܐܫܲܠܡ ܠܗ̇ܢܘܢ ܕܒܒܰܝܬܐ (11) ܕܝܠܝ ܀ ܐܡ̣ܪ ܕܝܢ ܝܫܘܥ. (12) ܠܘܬܗ. ܠܐ ܐܢܫ ܪܡܐ ܐܝܕܗ (13) ܥܠ ܩܩܢܐ ܘܚܳܐܪ ܠܒܣܬܪܗ: (14) ܕܬܪܝܨ ܐܝܬܘܗܝ ܠܡܠܟܘܬܐ ܕܐܠܗܐ܀

Morning, (Wednesday of the Third Week of Lent), Luke (Lk 12:32–39)

(right column) (1) ܕܨܦܪܐ ܡ̣ܢ ܠܘܩܐ . ܠܐ ܬܕܚܠܝܢ (2) ܡܪܥܝܬܐ ܙܥܘܪܬܐ܆ ܡܛܠ (3) ܕܰܨܒ̣ܐ ܐܒܘܟܘܢ ܠܡܸܬ̣ܰܠ ܠܟܘܢ (4) ܡܲܠܟܘܬܐ܀ ܙܰܒܷܢܘ ܩܢܝ̈ܢܐ ܕܝܠܟܘܢ (5) ܘܗ̣ܒܘ ܙܕܩܬܐ܀ ܥ̇ܒܕܘ ܐܢܬܘܢ (6) ܠܟܘܢ ܟܝ̈ܣܐ ܕܠܐ ܒ̇ܠܝܢ. (7) ܣܝܡܬܐ ܕܠܐ ܡܲܘܦܝܐ ܒܫܡܝܐ. (8) ܐܝܟܐ ܕܓܰܢ̇ܒܐ ܩ̇ܪܒ܆ ܐܦܠܐ (9) ܣܣܐ ܡܚܲܒܠܐ. ܐܝܟܐ ܓܝܪ (10) ܕܐܝܬܝܗ̇ ܤܝܡܬܐ ܕܝܠܟܘܢ܆ ܬܡܢ (11) ܐܦ ܠܒܟܘܢ ܢܗܘܐ܀ ܢܗܘܘܢ (12) ܐܤܝܪܝܢ ܚܨܝ̈ܟܘܢ܆ ܘܫܪ̈ܓܝܟܘܢ (13) ܕܠ̇ܩܝܢ. ܘܐܢܬܘܢ ܕܕܳܡܝܢ ܠܐܢܫ̈ܐ (left column) (1) ܕܡܣܰܟܝܢ ܠܡܪܗܘܢ. ܕܐܡܬܝ (2) ܢܦܢܐ ܡ̣ܢ ܡܫܬܘ̈ܬܐ ܀ ܐܝܟܢܐ (3) ܕܡ̣ܐ ܕܐܬ̣ܐ ܘܢܩ̣ܫ. ܡܚܕܐ (4) ܢܬܦܬ̣ܚܘܢ ܠܗ܀ ܛܘܒ̈ܬܢܐ (5) ܐܝܬܝܗܘܢ ܥܒ̈ܕܐ ܗ̇ܢܘܢ. ܗܠܝܢ (6) ܕܢܐܬܐ ܡܪܗܘܢ ܢܫ̣ܟܰܚ ܟܕ (7) ܥܝܪܝܢ܆ ܐܡܝܢ ܐܡ̇ܪ ܐܢܐ ܠܟܘܢ܆ (8) ܕܢܐܣܘܪ ܚܨܘ̈ܗܝ ܘܢܤܡܟ (9) ܐܢܘܢ܆ ܘܢܥܒ̣ܪ ܢܫܲܡܫ ܐܢܘܢ ܀ (10) ܘܐܢ ܢܐܬܐ ܒܡܲܛܪܬܐ ܬܪܝܢܝܬܐ: ܘܐܢ (11) ܒܡܛܪܬܐ ܬܠܝܬܝܬܐ ܢܐܬ̣ܐ ܘܢܫܟ̣ܚ (12) ܗܟܢܐ: ܛܘܒ̈ܬܢܐ ܥܒ̈ܕܐ ܗܢܘܢ܀ (13) ܗܕܐ ܕܝܢ ܕܰܥܘ. ܕܶܐܠܘ ܝܕܥ ܗܘܐ (95v) (1) ܡܪܸܐ ܒܝܬܐ: ܒܐܝܕܐ ܫܥܬܐ ܓܢܵܒܵܐ (2) ܐܬܐ. ܡܬܬܥܝ̣ܪ ܗܘܐ. ܘܠܐ ܫ̇ܒܩ (3) ܗܘܐ ܕܢܬܦܠܫ ܒܝܬܐ ܕܝܠܗ܀

Vespers, Thursday (of the Third Week of Lent), Luke (Lk 13:18–30)

(4) ܕܢܓܗ ܚܡܫܐ ܡ̣ܢ (5) ܠܘܩܐ ܆ ܐܡ̇ܪ ܗܘܐ ܕܝܢ ܝܫܘܥ܆ (6) ܠܡܢܐ ܕܕܡ̇ܝܐ ܐܝܬܝܗ̇ ܡܠܟܘܬܐ (7) ܕܐܠܗܐ܆ ܘܠܡܢܐ ܐܕܰܡܝܗ̇. (8) ܕܕܡܝܐ ܐܝܬܝܗ̇ ܠܦܷܪܕܬܐ ܕܚܲܪܕܠܐ: (9) ܗ̇ܝ ܕܟܕ ܢܣܰܒ ܒܪܢܫܐ ܐܪܡܝܗ̇ (10) ܒܓܢܬܐ ܕܝܠܗ. ܘܰܪܒܳܬ ܘܗ̣ܘܬ (11) ܠܐܝܠܢܐ ܪܒܐ: ܘܦܪ̈ܚܬܐ ܕܫܡܝܐ (12) ܫܪ̈ܰܝ ܒܣܰܘܟܘ̈ܗܝ܀ ܘܬܘܒ (13) ܐܡ̣ܪ܆ ܠܡܢܐ ܐܕܡܝܗ̇ ܠܡܠܟܘܬܐ (14) ܕܐܠܗܐ. ܕܕܡܝܐ ܐܝܬܝܗ̇ ܠܚܡܝܪܐ: (15) ܠܗ̇ܘ ܕܟܕ ܢܣܒ̣ܰܬ ܐܢܬܬܐ ܛܡܰܪܬ (16) ܒܬܠܬ ܣ̈ܰܐܬܝܢ ܕܩܡܚܐ: ܥܕܡܐ (17) ܕܚܡ̣ܥ ܟܠܗ ܀ ܘܡܬܟܪܟ ܗܘܐ (18) ܒܡܕܝܢ̈ܬܐ ܘܒܩܘܪ̈ܝܐ ܟܕ ܡܠܦ܆ (19) ܘܡܲܪܕܝܬܐ ܥ̇ܒܕ ܗܘܐ ܠܐܘܪܫܠܝܡ܀ (20) ܐܡ̣ܪ ܕܝܢ ܐܢܫ ܠܗ. ܡܪܝܐ܆ ܐܢ (21) ܙܥܘܪ̈ܐ ܗ̇ܢܘܢ ܕܡܫܬܘܙܒܝܢ ܀ (22) ܗ̣ܘ ܕܝܢ ܐܡ̣ܪ ܠܘܬܗܘܢ. ܐܬܟܰܬܫܘ (23) ܠܡܶܥܰܠ ܒܝܕ ܬܪܥܐ ܐܠ̣ܝܨܐ. (24) ܡܛܠ ܕܣܓ̈ܝܐܐ ܐܡ̇ܪ ܐܢܐ (25) ܠܟܘܢ ܢܒ̣ܥܘܢ ܠܡܥ̣ܰܠ ܘܠܐ (26) ܢܬܡܨܘܢ܀ ܡ̣ܢ ܐܡܬܝ ܕܢܩܘܡ (27) ܡܪܐ ܒܝܬܐ ܘܢܐܚܘܕ ܬܪܥܐ. (28) ܘܰܬܫܲܪܘܢ ܠܰܡܩܳܡ ܠܒܪ ܘܠܡܷܩܰܫ (96r) (1) ܒܬܪܥܐ ܟܕ ܐܡ̇ܪܝܢ ܐܢܬܘܢ. ܡܪܝܐ (2) ܡܪܝܐ܆ ܦܬ̣ܚ ܠܢ܀ ܘܟܕ ܢܥ̣ܢܐ (3) ܘܢܐܡ̣ܪ ܠܟܘܢ܆ ܠܐ ܝܕܥ ܐܢ̣ܐ ܠܟܘܢ (4) ܡ̣ܢ ܐܝܟܐ ܐܝܬܝܟܘܢ ܀ ܗܝܕܝܢ (5) ܬܫܲܪܘܢ ܠܡܐܡ̣ܪ܆ ܐܟܠܢܢ (6) ܩܕܡܝܟ ܘܐܫܬܝܢܢ: ܘܒܰܦܳܠ̈ܛܘܬܐ (7) ܕܝܠܢ ܐܲܠܦܬ. ܘܢܐܡ̣ܪ܆ ܐܡ̇ܪ ܐܢܐ (8) ܠܟܘܢ. ܕܠܐ ܝ̇ܕܥ ܐܢܐ ܠܟܘܢ ܡ̣ܢ (9) ܐܝܟܐ ܐܝܬܝܟܘܢ. ܐܪܚܸܩܘ ܠܟܘܢ (10) ܡܢܝ ܟܠܟܘܢ ܦ̇ܥ̈ܠܐ ܕܥܰܘܵܠܘܬܐ. (11) ܬܡܢ ܢܗܘܐ ܒܟ̣ܝܵܐ ܘܚܘܪܵܩܵܐ (12) ܕܫܷܢ̈ܐ܀ ܐܡ̣ܬܝ ܕܬܚ̣ܙܘܢ (13) ܠܐܒܪܗܡ ܘܠܐܝܤܚܩ ܘܠܝܥܩܘܒ܇ (14) ܘܠܟܠܗܘܢ ܢܒ̈ܝܐ ܒܡܠܟܘܬܐ (15) ܕܐܠܗܐ. ܠܟܘܢ ܕܝܢ ܟܕ ܢܰܦܝ̣ܩܝ̣ܢ (16) ܐܢܬܘܢ ܠܒܪ. ܘܢܐܬܘܢ ܡ̣ܢ (17) ܡܰܕܢ̈ܚܷܐ ܘܡܰܥܪ̈ܳܒܷܐ ܘܓܰܪܒܝܳܐ (18) ܘܬܝܡܢܐ܆ ܘܢܣܬܰܡܟܘܢ ܒܡܠܟܘܬܐ (19) ܕܐܠܗܐ܀ ܘܗ̇ܐ ܐܝܬܝܗܘܢ ܐܚܪ̈ܳܝܶܐ (20) ܐܝܠܝܢ ܕܢܗܘܘܢ ܩܕ̈ܡܝܐ܆ ܘܐܝܬܝܗܘܢ (21) ܩܕ̈ܡܝܐ ܐܝܠܝܢ ܕܢܗܘܘܢ ܐܚܪ̈ܝܐ܀

Morning, (Thursday of the Third Week of Lent), Mark (Mk 9:30–42)

(22) ܕܨܦܪܐ ܒܡܪܩܘܣ . (23) ܘܟܕ ܢܦ̣ܩ ܡ̣ܢ ܬܡܢ: ܥܒܪܝܢ (24) ܗܘܘ ܒܝܕ ܓܠܝܠܐ. ܘܠܐ ܨ̇ܒܐ (25) ܗܘܐ ܕܐܢܫ ܢܷܕܰܥ ܀ ܡܲܠܦ ܗܘܐ (26) ܓܝܪ ܠܬܠܡܝ̈ܕܘܗܝ ܘܐܡ̇ܪ ܗܘܐ (27) ܠܗܘܢ܆ ܕܒܪܗ ܕܐܢܫܐ ܡܫ̣ܬܠܡ (28) ܒܐܝܕܝ̈ܐ ܕܒܢܝܢܫܐ ܘܢܩ̣ܛܠܘܢܵܝܗܝ. (96v) (1) ܘܡܐ ܕܐܬܩ̣ܛܠ ܒܝܘܡܐ ܬܠܝܬܝܐ (2) ܢܩܘܡ ܀ ܗ̣ܢܘܢ ܕܝܢ ܠܐ ܝܕܥܝܢ (3) ܗܘܘ ܠܗ̇ ܠܡܠܬܐ܆ ܘܕܳܚ̇ܠܝܢ (4) ܗܘܘ ܡܢܗ ܠܡܫܰܐܠܘܬܗ܀ ܘܐܬ̣ܐ (5) ܠܰܟܦܰܪܢܰܚܘܡ. ܘܟܕ ܒܒܰܝܬܐ ܗܘܐ܆ (6) ܡܫܲܐܠ ܗܘܐ ܠܗܘܢ܆ ܕܡ̇ܢܐ (7) ܒܐܘܪܚܵܐ ܐܢܬܘܢ ܠܘܬܟܘܢ (8) ܡܬܚܲܫܒܝܢ ܗܘܝܬܘܢ܀ ܗ̣ܢܘܢ ܕܝܢ (9) ܫܲܬܝܩܝܢ ܗܘܘ ܠܘܬ ܚ̈ܕܕܐ (10) ܓܝܪ ܡܲܠܠܘ ܗܘܘ ܒܐܘܪܚܐ܆ (11) ܕܡܲܢܘ ܢܗܘܐ ܐܝܬܘܗܝ ܕܪܰܒ ܀ (12) ܘܟܕ ܝܬ̣ܒ܆ ܩ̣ܪܐ ܠܬܪܥܣܪ. (13) ܘܐܡ̇ܪ ܠܗܘܢ. ܗ̇ܘ ܡܲܢܘ ܕܨ̇ܒܐ (14) ܕܩܕܡܝܐ ܢܗܘܐ ܐܝܬܘܗܝ܆ ܢܗܘܐ (15) ܐܚܪܝܐ ܕܟܠܢܫ܀ ܘܟܕ ܢܣ̣ܒ ܛܠܝܐ܆ (16) ܘܐܩܝܡܗ ܒܡܨܰܥܬܐ ܕܝܠܗܘܢ. (17) ܘܟܕ ܥܦ̣ܩܗ ܐܡ̣ܪ ܠܗܘܢ. ܗ̇ܘ (18) ܕܐܢ ܠܚܕ ܡ̣ܢ ܕܐܝܟ ܗܠܝܢ ܛܠ̈ܝܐ (19) ܢܩܲܒܸܠ ܒܫܡܐ ܕܝܠܝ ܠܝ (20) ܡܩܰܒܠ܀ ܘܗ̇ܘ ܕܐܢ ܠܝ (21) ܡܩܰܒܠ܆ ܠܘ ܠܝ ܡܩܰܒܸܠ. (22) ܐܠܐ ܠܗ̇ܘ ܕܫܲܕܪܢܝ܀ ܦܰܢܝ ܕܝܢ (23) ܠܗ ܝܘܚܢܢ ܟܕ ܐܡ̇ܪ. ܡܲܠܦܢܐ܆ (24) ܚ̣ܙܝܢܢ ܠܐܢܫ ܕܒܫܡܐ ܕܝܠܟ (25) ܡܲܦܩ ܕܰܝܘ̈ܐ: ܗ̇ܘ ܕܠܐ ܢܩܸܦ ܠܢ܆ (26) ܘܰܟܠܰܝܢܝܗܝ ܡܛܠ ܕܠܐ ܢ̇ܩܦ ܠܢ܀ (27) ܗ̣ܘ ܕܝܢ ܝܫܘܥ. ܐܡ̣ܪ. ܠܐ (97r) (1) ܬܟܠܘܢܵܝܗܝ. ܠܐ ܐܢܫ ܓܝܪ ܐܝܬ (2) ܗ̇ܘ ܕܥ̇ܒܕ ܚ̣ܝܠܐ ܒܫܡܐ ܕܝܠܝ܆ (3) ܘܡܨܐ ܠܝܺܓ ܠܝܺܓ ܒܝܫܐܝܬ (4) ܠܡܐܡܪܰܢܝ ܀ ܗܘ ܓܝܪ ܕܠܐ ܐܝܬܘܗܝ (5) ܠܘܩܒܰܠܟܘܢ. ܚܠܦܝܟܘܢ ܐܝܬܘܗܝ܀ (6) ܗ̇ܘ ܓܝܪ ܕܢܰܫܩܝܟܘܢ ܟܣܐ (7) ܕܡ̈ܝܐ ܒܫܡܐ ܕܕܰܡܫܝܚܐ ܐܝܬܝܟܘܢ܆ (8) ܐܡܝܢ ܐܡ̇ܪ ܐܢܐ ܠܟܘܢ. ܕܠܐ ܢܰܘܒܷܕ (9) ܐܓܪܗ܀ ܘܗ̇ܘ ܕܐܢ ܢܰܟܫܠ (10) ܠܚܕ ܡ̣ܢ ܙܥܘܪ̈ܐ ܗܠܝܢ (11) ܕܡܗܝܡܢܝܢ ܒܝ: ܕܛܒܐ (12) ܐܝܬܝܗ̇ ܗܘܬ ܠܗ ܝܬܝܪܐܝܬ܆ ܐܠܘ (13) ܪܰܡ̣ܝܵܐ ܗܘܬ ܟܐܦܐ ܪܰܚܝܳܝܬܐ (14) ܒܨܘܪܗ ܘܰܪܡܸܐ ܒܝܲܡܐ܀

Vespers, Friday (of the Third Week of Lent), Matthew (Mt 6:5–15)

(15) ܕܢܓܗ ܥܪܘܒܬܐ. (16) ܒܡܬܝ ܆ ܘܐܡ̣ܬܝ ܕܰܡܨܠܐ ܐܢܬ܆ (17) ܠܐ ܬܗܘܐ ܐܝܟ ܢ̇ܣܒ̈ܝ ܐܦ̈ܐ: (18) ܕܪܵܚܡܝܢ ܕܒܟܢܘ̈ܫܵܬܵܐ ܘܒܓ̈ܘܢܘܵܬܐ (19) ܕܰܦ̈ܠܳܛܘܵܬܵܐ ܢܩܘܡܘܢ ܠܰܡܨܠܳܝܘ: (20) ܐܝܟܢܐ ܕܢܬܚܙܘܢ ܠܒܢܝ̈ܢܫܐ. ܐܡܝܢ (21) ܐܡ̇ܪ ܐܢܐ ܠܟܘܢ܆ ܕܩܲܒܠܘܗܝ ܠܐܓܪܐ (22) ܕܝܠܗܘܢ܀ ܐܢܬ ܕܝܢ ܡܐ ܕܰܡܨܰܠܐ (23) ܐܢܬ܆ ܥܘܠ ܠܬܐܘܘܢܐ ܕܝܠܟ. ܘܟܕ (24) ܐܚ̇ܕ ܐܢܬ ܬܪܥܐ ܕܝܠܟ܆ ܨܰܠܐ ܠܐܒܘܟ (25) ܠܗ̇ܘ ܕܰܒܛܘܫܝܳܐ. ܘܐܒܘܟ ܗ̇ܘ (26) ܕܚ̇ܙܐ ܒܛܘܫܝܵܐ܆ ܦ̇ܪܥ ܠܟ (27) ܒܓܠܝܐ܀ ܡܵܐ ܕܡܨܰܠܝܢ ܐܢܬܘܢ (28) ܕܝܢ܆ ܠܐ ܬܡܲܠܠܘܢ ܝܲܬܝܪ̈ܬܐ ܐܝܟ (97v) (1) ܥܰܡܡ̈ܝܷܐ. ܣ̇ܒܪܝܢ ܓܝܪ܆ (2) ܕܒܣܓܝܐܘܬ ܡ̇ܡܠܠܐ ܕܝܠܗܘܢ (3) ܡܫܬܡܥܝܢ. ܠܐ ܗܟܝܠ ܬܬܕܰܡܘܢ (4) ܠܗܘܢ. ܝ̇ܕܥ ܓܝܪ ܐܒܘܟܘܢ ܗܘ (5) ܫܡܝܢܐ ܗ̇ܢܸܝܢ ܕܣܘܢܩܳܢܗܝܢ ܐܝܬ (6) ܠܟܘܢ ܩܕܵܡ ܕܬܫܐܠܘܢܝܗܝ. ܗܟܢܐ (7) ܗܟܝܠ ܨܠܘ ܐܢܬܘܢ܀ ܐܒܐ ܕܝܠܢ (8) ܗ̇ܘ ܕܒܫܡ̈ܝܵܐ܆ ܢܬܩܰܕܰܫ ܫܡܐ (9) ܕܝܠܟ. ܬܐܬܐ ܡܠܟܘܬܟ. ܢܗ̣ܘܐ (10) ܨܒܝܢܟ. ܐܝܟ ܕܒܫܡ̈ܝܐ. ܐܦ ܥܲܠ (11) ܐܪܥܐ. ܠܚܡܐ ܕܝܠܢ ܗ̇ܘ (12) ܣܘܢܩܳܢܳܝܳܐ ܗܒ̣ܠܢ ܝܘܡܢܐ. (13) ܘܫܒ̣ܘܩ ܠܢ ܚܘ̈ܒܐ ܕܝܠܢ. (14) ܐܝܟ ܕܐܦ ܚܢܢ ܫܒ̣ܩܢܢ ܠܚܝ̈ܒܐ (15) ܕܝܠܢ. ܘܠܐ ܬܲܥܠ ܠܢ ܠܢܣܝܘܢܐ. (16) ܐܠܐ ܦܲܨܐ ܠܢ ܡܢ ܒܝܫܐ. ܡܛܠ (17) ܕܕܝܠܟ ܐܝܬܝܗ̇ ܡܠܟܘܬܐ ܘܚܲܝܠܐ (18) ܘܬܫܒܘܚܬܐ܆ ܠܥܠܡܝܢ ܐܡܝܢ܀ (19) ܐܶܢܓܝܪ ܬܫܒܩܘܢ ܠܒܢܝ̈ܢܫܐ (20) ܫܘܪ̈ܥܬܐ ܕܝܠܗܘܢ܆ ܢܫܒܘܩ (21) ܐܦ ܠܟܘܢ ܐܒܘܟܘܢ ܗ̇ܘ ܫܡܝܢܐ ܀ (22) ܐܢܕܝܢ ܠܐ ܬܫܒܩܘܢ ܠܒܢܝ̈ܢܫܐ (23) ܫܘܪ̈ܥܬܐ ܕܝܠܗܘܢ܆ ܐܦܠܐ ܐܒܘܟܘܢ (24) ܢܫܒܘܩ ܠܟܘܢ ܫܘܪ̈ܥܬܐ ܕܝܠܟܘܢ܀ (25) ܡܛܠܗܕܐ ܐܡ̇ܪ ܐܢ̣ܐ ܠܟܘܢ܆ ܕܟܠܗܝܢ (26) ܗ̇ܠܝܢ ܕܟܕ ܡܨܠܝܢ ܐܢܬܘܢ ܫ̇ܳܐܠܝܢ (27) ܐܢܬܘܢ܆ ܗܲܝܡܢܘ ܕܢ̇ܣܒܝܢ ܐܢܬܘܢ. (28) ܘܢܗܘ̈ܝܢ ܠܟܘܢ܀ ܘܐܡܬܝ (98r) (1) ܕܩ̇ܝܡܝܢ ܐܢܬܘܢ ܟܕ ܡܨܰܠܝܢ ܐܢܬܘܢ܆ (2) ܗܘ̣ܰܝܬܘܢ ܫ̇ܒܩܝܢ ܐܢ ܡܕܡ ܐܝܬ (3) ܠܟܘܢ ܥܠ ܐܢܫ ܀ ܐܝܟܢܐ ܕܐܦ (4) ܐܒܘܟܘܢ ܗ̇ܘ ܕܒܫܡ̈ܝܐ (5) ܢܫ̣ܒܘܩ ܠܟܘܢ ܫܘܪ̈ܥܬܟܘܢ܀ (6) ܐܢܕܝܢ ܐܰܢܬܘܢ ܠܐ ܫ̇ܒܩܝܢ ܐܢܬܘܢ܆ (7) ܐܦܠܐ ܐܒܘܟܘܢ ܗ̇ܘ ܕܒܫܡ̈ܝܐ (8) ܢܫܒ̣ܘܩ ܠܟܘܢ ܫܘܪ̈ܥܬܟܘܢ܀

Morning, (Friday of the Third Week of Lent), Luke (Lk 18:9–17)

(9) ܕܨܦܪܐ ܡ̣ܢ ܠܘܩܐ . (10) ܐܡ̣ܪ ܗܘܐ ܕܝܢ ܐܦ ܠܘܬ ܐܢܫ̈ܝܢ (11) ܗ̇ܢܘܢ ܕܰܬܟ̣ܝܠܝܢ ܗ̣ܢܘܢ ܥܠܝܗܘܢ (12) ܕܐܝܬܝܗܘܢ ܙܕܝܩ̈ܐ܆ ܘܫ̇ܝܛܝܢ (13) ܠܗ̇ܠܝܢ ܕܫܲܪܟܐ܇ ܦܷܠܐܬܐ ܗܕܐ ܀ (14) ܐܢܫ̈ܐ ܬܪܝܢ ܣܠܸܩܘ ܠܗܝܟܠܐ (15) ܠܰܡܨܰܠܳܝܘ܆ ܗ̇ܘ ܚܕ ܦܪܝܫܐ (16) ܘܗ̇ܘ ܚܕ ܐܚܪܢܐ ܡ̇ܟܣܐ܀ (17) ܘܗ̇ܘ ܦܪܝܫܐ ܟܕ ܩ̣ܡ܆ ܗ̣ܘ (18) ܠܘܬܗ ܗܠܝܢ ܡܨܰܠܐ ܗܘܐ. (19) ܐܠܗܐ ܡܘܕܐ ܐܢܐ ܠܟ܆ ܡܛܠ (20) ܕܠܐ ܐܝܬܝ ܐܝܟ ܗܢܘܢ ܕܫܪܟܐ (21) ܕܒܢ̈ܝ ܐܢܫܐ: ܚܛܘ̈ܦܐ: ܥܘ̈ܠܐ: (22) ܓܲܝܪ̈ܐ: ܐܘ̇ ܐܦ ܐܝܟ ܗܢܐ ܡܟܣܐ. (23) ܨ̇ܐܡ ܐܢܐ ܬܪܝܢ ܒܫܰܒܬܐ. ܡܥܰܣܰܪ (24) ܐܢ̣ܐ ܟܠܗܝܢ ܗܠܝܢ ܕܩܢܐ ܐܢܐ ܀ (25) ܐܦ ܗ̇ܘ ܡܟܣܐ܆ ܟܕ ܡ̣ܢ ܪܘܚܩܐ (26) ܩ̇ܐܡ ܗܘܐ܆ ܠܐ ܨ̇ܒܐ ܗܘܐ. ܐܦܠܐ (27) ܥܝ̈ܢܘܗܝ ܠܫܡܝܐ ܢܪܝ̣ܡ. ܐܠܐ (28) ܛܪܦ ܗܘܐ ܥܠ ܚܲܕܝܗ ܟܕ ܐܡ̇ܪ܆ (98v) (1) ܐܠܗܐ ܚܲܤܐ ܠܝ ܠܚܲܛܝܐ܀ ܐܡ̇ܪ (2) ܐܢܐ ܠܟܘܢ܆ ܕܰܢܚ̣ܬ ܗܢܐ ܟܕ (3) ܡܙܕܰܩ ܠܒܝܬܐ ܕܝܠܗ܆ ܐܘ̇ ܓܝܪ (4) ܗ̇ܘ܀ ܡܛܠ ܕܟܠ ܕܡܪܡܪܡ (5) ܗܘ ܠܗ ܢܬܡܰܟܟ ܀ ܘܗ̇ܘ ܕܝܢ (6) ܕܰܡܡܲܟܟ ܗ̣ܘ ܠܗ ܢܬܪܰܡܪܡ ܀ (7) ܡܩܰܪܒܝܢ ܗܘܘ ܕܝܢ ܠܗ ܐܦ (8) ܥܘ̈ܠܐ ܐܝܟܢܐ ܕܒܗܘܢ ܢܶܓܫ̣ܘܦ. (9) ܟܕ ܚ̣ܙܘ ܕܝܢ ܬܠܡܝ̈ܕܐ ܟ̇ܐܝܢ (10) ܗܘܘ ܒܗܘܢ܀ ܗ̣ܘ ܕܝܢ ܝܫܘܥ (11) ܟܕ ܩ̣ܪܐ ܐܢܘܢ ܐܡ̣ܪ ܠܗܘܢ. (12) ܫܒ̣ܘܩܘ ܠܛܠ̈ܝܐ ܠܡܐܬܐ (13) ܠܘܬܝ ܘܠܐ ܬܟ̣ܠܘܢ ܐܢܘܢ. ܕܗ̇ܢܘܢ (14) ܓܝܪ ܕܕܐܝܟ ܗܠܝܢ ܐܝܬܝܗ̇ (15) ܡܠܟܘܬܐ ܕܐܠܗܐ܀ ܐܡܝܢ ܐܡ̇ܪ ܐܢ̣ܐ (16) ܠܟܘܢ܆ ܕܗ̇ܘ ܕܐܢ ܠܐ ܢܩܲܒܠ (17) ܡܠܟܘܬܐ ܕܐܠܗܐ ܐܝܟ ܛܠܝܐ ܠܐ (18) ܢܥ̣ܘܠ ܠܗ̇܀

Qurbana (Divine Liturgy), Saturday (of the Third Week of Lent), Mark (Mk 8:1–10)

(19) ܕܩܘܪܒܐ ܕܫܒܬܐ ܒܡܪܩܘܣ . (20) ܒܗ̇ܢܘܢ ܝܘ̈ܡܬܐ܆ ܟܕ ܟܢ̈ܫܐ ܛܒ (21) ܤܓܝ̈ܐܐ ܐܝܬ ܗܘܐ. ܘܠܐ ܐܝܬ ܗܘܐ (22) ܠܗܘܢ ܡ̇ܢܐ ܢܐܟ̣ܠܘܢ. ܘܟܕ ܩ̣ܪܐ (23) ܠܬܠܡܝ̈ܕܐ. ܐܡ̇ܪ ܠܗܘܢ. ܡܬܪܰܚܲܡ (24) ܐܢܐ ܥܠ ܟܢܫܐ: ܡܛܠ ܕܗ̇ܐ ܡ̣ܢ (25) ܟܰܕܘ ܝܘ̈ܡܬܐ ܬܠܬܐ ܡܩܰܘܸܝܢ ܠܘܬܝ. (26) ܘܠܝܬ ܠܗܘܢ ܡ̇ܢܐ ܢܐܟܠܘܢ. ܘܐܢ (27) ܫ̇ܪܐ ܐܢܐ ܠܗܘܢ ܨܰܝܡ̈ܐ ܠܒܲܝܬܐ (28) ܕܝܠܗܘܢ܆ ܡܫ̣ܬܪܝܢ ܒܐܘܪܚܐ. (99r) (1) ܐܢܫ̈ܝܢ ܓܝܪ ܡܢܗܘܢ. ܡ̣ܢ (2) ܪܘܚܩܐ ܐܬܘ܀ ܘܦܲܢܝܘ ܠܗ (3) ܬܠܡܝ̈ܕܘܗܝ ܟܕ ܐܡ̇ܪܝܢ܆ ܡ̣ܢ ܐܝܟܐ (4) ܠܗ̇ܠܝܢ ܡ̇ܨܐ ܐܢܫ ܗܪܟܐ (5) ܒܡܕܒܪܐ ܠܡܣܰܒܳܥܘ ܠܚܡܐ. (6) ܘܰܡ̇ܫܲܐܠ ܗܘܐ ܠܗܘܢ. ܟܡܐ (7) ܠܚ̈ܡܐ ܐܝܬ ܠܟܘܢ܀ ܗ̣ܢܘܢ ܕܝܢ (8) ܐܡ̣ܪܘ ܫܒܥܐ ܀ ܘܦܲܪܓܠ ܠܟܢܫܵܐ (9) ܠܡܦ̣ܠ ܥܠ ܐܪܥܐ ܀ ܘܟܕ ܢܣ̣ܰܒ (10) ܠܗ̇ܢܘܢ ܫܒܥܐ ܠܚ̈ܡܐ܆ ܐܘܕܝ (11) ܘܩܨܐ. ܘܝܗ̣ܒ ܗܘܐ ܠܬܠܡܝ̈ܕܘܗܝ (12) ܕܢܣ̣ܝܡܘܢ ܘܣܡ̣ܘ ܠܟܢ̈ܫܐ. (13) ܘܐܝܬ ܗܘܐ ܠܗܘܢ ܢܘܢܳܘܣ̈ܐ ܩܠܝܠ. (14) ܘܐܦ ܠܗܘܢ ܟܕ ܒܲܪܟ. ܐܡ̣ܪ (15) ܕܢܣ̣ܝܡܘܢ ܐܦ ܠܗܘܢ. ܐܟ̣ܠܘ (16) ܕܝܢ ܘܰܣܒ̣ܰܥܘ ܀ ܘܰܫܩܰܠܘ ܬܘܬܪ̈ܐ (17) ܕܩܨܝ̈ܐ ܫܒܥܐ ܐܣܦܪ̈ܝܕܝܢ. (18) ܐܝܬܝܗܘܢ ܗܘܘ ܕܝܢ ܗ̇ܢܘܢ ܕܐܟ̣ܠܘ܆ (19) ܐܝܟ ܐܪܒܥܐ ܐܠܦ̈ܰܝܵܐ ܘܰܫ̣ܪܳܐ (20) ܐܢܘܢ ܀ ܘܟܕ ܣܠ̣ܩ ܡܚܕܐ (21) ܠܐܠܦܐ ܥܲܡ ܬܠܡܝ̈ܕܘܗܝ܆ ܐܬ̣ܘ ܠܐܬܪ̈ܘܬܐ (22) ܕܕܰܠܡܴܢܘܬܐ܀

Vespers, Sunday of the Fourth Week of Lent, Matthew

(23) ܕܢܓܗ ܚܕ ܒܫܒܐ ܕܐܪܒܥܐ (24) ܕܨܘܡܐ. ܒܡܲܬܝ܆

Lectionaries

Lectionary - CFMM 01150