Jacob of Edessa
Liturgical Commentary
Sachau 218
178v-186v
Sachau Berlin Syr. N. 218
f. 178v
- ܀ ܬܘܒ ܒܥܘܕܪܢܐ ܕܡܢ ܐܠܗܐ ܟܬܒܝܢܢ ܛܟܣܐ
- ܕܩܕܡ ܩܘܪܒܢܐ ܩܕܡ ܢܘܗܪܐ ܐܘܟܝܬ
- ܦܘܫܩܐ ܕܩܘܪܒܐ ܕܩܕܝܫܐ ܕܡܪܝ ܝܥܩܘܒ
- ܕܐܘܪܗܝ ܕܥܒ̰ܕ ܠܘܬ ܓܐܘܪܓܝ:
- ܐܣܛܘܢܪܐ ܕܣܪܘܓ ܩܕܝܫܐ ܕܥܠ ܢܩܘܫܐ:݊
- ܢܩܘܫܐ. ܡܛܠ ܗܕܐ ܡܬܢܩ̣ܫ ܒܥܕܬܐ ܕܐܝܬܘܗܝ ܪܐܙܐ
- ܕܫܝܦܘܪܐ: ܕܐܟܡܐ ܕܫܝܦܘܪܐ ܡܟܢܫ ܠܦܠܚ̈ܐ
- ܠܩܪܒܐ: ܗܟܢܐ ܢܩܘܫܐ ܡܟܢܫ ܠܟܪ̈ܝܣܛܝܢܐ ܠܥܕܬܐ
- ܕܢܥܒܕܘܢ ܕܰܐܪܳܐ ܥܡ ܣܛܢܐ܀
ܘܕܬܪ̈ܬܝܢ. ܕܐܟܡܐ
- ܕܡܠܟܐ ܐܡܬܝ ܕܨ̇ܒܐ ܕܢܟܢܫ ܠܡܠܟܘ̈ܬܐ ܕܝܠܗ ܕܢܬܠ
- ܡܘܗܒ̈ܬܐ: ܩܪܐ ܒܫܝܦܘܪܐ ܗܟܢܐ ܘܡܫܝܚܐ ܟܕ ܨ̇ܒܐ
- ܕܢܬܠ ܡܘܗܒ̈ܬܐ ܠܡܗܝܡ̈ܢܐ ܡܟܢܫ ܠܗܘܢ ܠܥܕܬܐ܀
- ܘܬܘܒ ܐܟܡܐ ܕܒܩܝܣܐ ܥܒ̣ܪܢܢ ܦܘܩܕܢܐ: ܘܐܬܛܪܕܢܢ
- ܡ̣ܢ ܦܪܕܝܣܐ: ܗܟܢܐ ܒܝܕ ܩܠܐ ܕܢܩܘܫܐ ܕܐܝܬܘܗܝ ܪܐܙ
- ܩܝܣܐ: ܡܬܟܢܫܝܢ ܠܥܕܬܐ ܕܐܝܬܝܗ̇ ܛܘܦܣܐ ܕܦܪܕܝܣܐ܀
- ܬܘܒ ܕܒܦܘܩܕܢ ܐܠܗܐ ܦܩܕ ܠܢܘܚ ܕܢܥ̣ܒܕ ܩܝܒܘܬܐ: ܘܐܦ
f.179r
- ܢ̇ܬܩܢ ܢܩܘܫܐ ܘܒܥܕܢ ܨܦܪܐ ܢ̇ܩܫ ܗܘܐ ܒܗ: ܘܡܬܟܢܫܝܢ
- ܗܘܘ ܐܘܡܢ̈ܐ ܠܥܒܕܐ ܕܩܝܒܘܬܐ: ܘܒܦܠܓܗ ܕܝܘܡܐ
- ܕܢܬܒܣܡܘܢ ܒܡܐܟܘܠܬܐ: ܘܒܪܡܫܐ ܕܢܬܬܢܝܚܘܢ
- ܡܢ ܥܡܠܐ܀ ܬܘܒ ܐܡܪܝܢܢ: ܕܐܬܬܩܢ ܢܩܘܫܐ ܡ̣ܢ
- ܩܝܣܐ: ܡܛܠ ܕܝܬܝܪ ܡ̣ܢ ܩܠܐ ܕܒܪܢܫܐ ܪܗܛ
- ܠܡܫܡܥܬܐ: ܘܡܙܡܢ ܥܡܐ ܠܨܠܘܬܐ: ܗܟܘܬ ܘܩܠܐ
- ܕܢܚܫܐ ܚܝܠܬܢ ܘܬܩܝܦ: ܘܡܨܝܒ ܠܫܡܘܥܐ
- ܠܩܪܒܐ ܪܘܚܢܝܐ܆ ܝܬܝܪ ܡܢ ܩܠܐ ܕܢܚܫܐ܀ ܕܥܠ
- ܡܕܒܚܐ܆ ܡܕܒܚܐ ܨ̇ܐܪ ܠܫܡܝܐ: ܘܝܠܕܐ ܥܕܬܐ:
- ܟܠܗ̇ ܛܘܟܣܐ ܐܝܬܝܗ̇ ܕܟܠܗ̇ ܒܪܝܬܐ. ܕܥܠ ܦܬܘܪܐ܆
- ܦܬܘܪ ܚܝ̈ܐ ܛܘܦܣܐ ܐܝܬܘܗܝ ܘܩܒܪܗ ܕܡܪܢ.
- ܕܥܠ ܛܒܠܝܬܐ܆ ܛܒܠܝܬܐ ܛܘܦܣܐ ܐܝܬܝܗ̇ ܕܨܠܝܒܐ
- ܕܡܪܢ ܘܡܛܠܗܕܐ ܕܝܢ ܡܬܬܣܝܡܐ ܥܠ ܦܬܘܪ ܚܝ̈ܐ
- ܥܠ ܐܢܢܦܘܪܐ ܐܢܢܦܘܪܐ ܛܘܦܣܐ ܐܝܬܝܗ̇
- ܕܟܐܦܐ: ܕܥܠ ܬܪܥܐ ܕܩܒܪܐ ܕܡܪܢ: ܘܛܘܦܣܐ
- ܐܝܬܝܗ̇ ܕܡܐܢ̈ܐ ܗ̇ܘ ܕܚܙܐ ܫܡܥܘܢ ܕܢ̇ܚܬ ܗܘܐ ܡ̣ܢ
f. 179v
- ܫܡܝܐ: ܕܐܝܬܝܗ̇ ܚܝܘ̈ܬܐ ܘܟܠ ܓܢܣ. ܥܠ ܦܪܳܣܳܐ
- ܦܪܳܣܳܐ ܕܥܠ ܡܕܒܚܐ ܪܐܙܐ ܐܝܬܘܗܝ ܕܪܩܝܥܐ ܕܫܡܝܐ:
- ܗ̇ܘ ܕܐܝܬܘܗܝ ܕܟ̇ܠܐ ܒܝܬ ܠܢ ܠܟܝ̇ܢܐ ܪܘܚܢܝܐ ܕܡܠܐܟ̈ܐ
- ܕܥܠ ܦܪ̈ܘܚܐ ܛܘܦܣܐ ܐܝܬܝܗܘܢ ܕܣܪ̈ܦܐ
- ܫܬܝܬܝܲܝ ܓܦ̈ܐ. ܥܠ ܛܟܣܐ ܕܚܝܠܘ̈ܬܐ ܬܫܥ̈ܐ
- ܛܟܣܐ ܕܚܝܠܘ̈ܬܐ ܫܡܝ̈ܢܐ ܐܝܬ ܠܥܠ ܒܫܡܝ̈ܐ ܕܣܝܡܝܢ
- ܘܡܛܟܣܝܢ ܒܬܠܬ ܥܕ̈ܬܐ: ܗܟܢܐ ܘܒܥܕܬܐ ܗܕܐ ܐܪܥܢܝܬܐ ܬܫܥ̈ܐ
- ܛܟܣ̈ܐ ܛܟܣܘ ܡܪܢ ܘܬܠܡܝܕ̈ܘܗܝ: ܗ̇ܢܘܢ ܕܐܝܬܝܗܘܢ ܪܐܙ ܚܝܠܘ̈ܬܐ
- ܥܠ̈ܝܐ. ܥܠ ܡܫܡܫܢܐ ܡܫܡܫܢܐ ܛܘܦܣܐ ܐܝܬܘܗܝ ܕܡܠܐܟܐ ܘܐܘܪܪܐ
- ܕܥܠ ܟܬܦܗ: ܛܘܦܣܐ ܐܝܬܘܗܝ ܕܓܦ̈ܐ ܡܠܐܟܝ̈ܐ ܟܘܬܝܢܐ ܕܠ̇ܒܫ
- ܟܕ ܠܐ ܐܣ̇ܪ ܥܠܝܗ̇: ܛܘܦܣܐ ܐܝܬܝܗ̇ ܕܚܐܪܘܬܐ. ܕܥܠ ܩܫܝܫܐ
- ܘܩܫܝܫܐ ܟܕ ܡܬܬܣܪܚ: ܒ̃ܪܟ ܥܠ ܬܪ̈ܬܝܢ ܒܘܪ̈ܟܘܗܝ ܐܝܟܢܐ
- ܕܢܚܘܐ ܕܒܢܦܫܐ ܘܒܦܓܪܐ ܡܫܲܡܠܝ ܘܓܡܝܪ ܒܟܗܢܘܬܐ
- ܘܥܬܝܪܘܬܐ ܕܪ̈ܐܙܐ: ܟܘܬܝܢܐ ܕܠ̇ܒܫ ܟܗܢܐ: ܛܘܦܣܐ ܐܝܬܝܗ̇
- ܕܐܦܘܕܝܩܢܘܬܐ: ܘܐܘܪܪܐ ܕܣܝܡ ܥܠܘܗܝ ܛܘܦܣܐ ܘܛܟܣܐ
- ܕܡܫܡܫܢܐ. ܦܰܝܢܳܐ ܕܝܢ ܕܠܥܠ ܡܢܗ ܨ̇ܐܪ ܠܡܥܪܦܗ ܕܐܠܝܐ ܢܒܝܐ: ܘܐܦ
f. 180r
- ܠܬܟܣܝܬܐ ܘ ܠܒܘܫܐ ܕܚܝܠܘ̈ܬܐ ܫܡܝ̈ܢܐ: ܘܗ̇ܝ ܕܩ̇ܐܡ ܟܗܢܐ ܘܦܲܫܶܛ
- ܐܝܕܘ̈ܗܝ ܒܩܘܪܒܐ: ܨ̇ܐܪ ܛܘܦܣܗ ܕܡܪܢ ܟܕ ܦܫ̣ܛ ܢܦܫܗ ܒܙܩܝܦܐ.
- ܘܗ̰ܘ ܟܗܢܐ ܕܘܡܝܐ ܐܝܬܘܗܝ ܕܡܪܢ. ܕܥܠ ܦܝܪܡܐ ܦܝܪܡܐ ܨ̇ܐܪ ܠܡܫܝܚܐ:
- ܢܘܪܐ ܕܒܗ ܡܬܬܣܝܡܐ ܪܐܙ ܐܠܗܘܬܐ: ܒܣܡܐ ܕܥܠܝܗ̇ ܪܐܙ ܐܢܫܘܬܐ:
- ܬܚ̈ܬܝܬܗ ܕܦܝܪܡܐ ܪܐܙ ܐܪܥܐ: ܥܠܝܬܗ ܪܐܙ ܫܡܝܐ: ܬܠ̈ܬܐ ܫܝܫ̈ܠܬܐ
- ܕܒܗ ܪܐܙܐ ܘܛܘܦܣܐ ܕܬܠܝܬܝܘܬܐ ܩܕܝܫܬܐ܀ ܘܗ̇ܝ ܕܢ̇ܦܩ ܦܝܪܡܐ
- ܡ̣ܢ ܗܝܟܠܐ ܪܐܙܐ ܗ̇ܝ ܕܢܚ̣ܬ ܡܫܝܚܐ ܡܢ ܫܡܝܐ: ܘܗ̇ܝ ܕܟܪܟ
- ܡܫܡܫܢܐ ܥܠ ܟܗܢܐ: ܘܢ̇ܣܒ ܠܒܣܡ̈ܐ ܘܟ̇ܪܟ ܒܟܠܗ̃ ܥܕܬܐ ܪܐܙ ܗ̇ܝ ܕܢܚܬ
- ܐܠܗܐ ܘܐܬܟܪܟ ܒܥܠܡܐ: ܘܒܣ̣ܡ ܠܟܠܗ̇ ܒܪܝܬܐ ܒܡܠܦܢܘܬܐ
- ܕܐܘܢܓܠܝܘܢ ܘܡܢܕܪܝܫ ܣܠܩ ܠܘܬ ܐܒܘܗܝ: ܐܟܡܐ ܕܡܫܡܫܢܐ ܟ̇ܪܟ
- ܒܥܕܬܐ ܡܕܪܝܫ ܣ̇ܠܩ ܠܩܕܘܫܩܘ̈ܕܫܝܢ܀ ܘܙ̇ܕܩ ܕܟܕ ܢܫܩܘܠ
- ܡܫܡܫܢܐ ܠܦܝܪܡܐ ܕܢܥܘܠ ܠܘܬ ܡܕܒܚܐ ܘܢܬܠ ܦܝܪܡܐ ܠܡܨܥܬ
- ܦܬܘܪܐ ܕܚܝ̈ܐ ܕܐܝܬܘܗܝ ܛܘܦܣܐ ܕܐܒܐ ܙܒܢ̈ܬܐ ܬܠܬ. ܘܢܥܒܪ
- ܠܓܪܒܝܐ ܐܘܟܝܬ ܠܩܪܢܐ ܕܡܕܒܚܐ ܘܢܬܠ ܬܠܬ ܙܒܢܝ̈ܢ: ܕܐܝܬܘܗܝ ܬܠܬ ܛܘܦܣܗ
- ܕܒܪܐ. ܘܢܥܒ̣ܪ ܠܰܦܢܝܬܐ ܬܝܡܢܝܳܬܐ ܕܦܬܘܪܐ ܘܢ̣ܬܠ ܬܠܬ ܙܒܢܝ̈ܢ ܐܝܬܘܗܝ
- ܪܐܙܗ ܕܪܘܚܐ ܩܕܝܫܐ: ܘܡܚܕܐ ܢܐܬܐ ܠܘܬ ܟܗܢܐ ܘܢ̣ܬܠ ܠܗ ܦܝܪܡܐ ܘܗ̰ܘ
f. 181r
- ܡܫܡܫܢܐ ܢܪܟܢ ܪܝܫܗ ܘܢܣܓܘܕ ܘܢܐܡܪ: ܕܩܪܝܬ ܡܕܡ ܕܟܬܒܬ ܩܕܡ ܡܠܟܐ:
- ܘܩܒܠܬ ܚܬܡܐ. ܘܡܚܕܐ ܦܢܐ ܡܫܡܫܢܐ ܠܘܬ ܥܡܐ ܘܝܳܗܒ ܠܗܘܢ ܦܝܪܡܐ
- ܟܕ ܡܰܪܟܢܝܢ ܪ̈ܝܫܝܗܘܢ ܘܐܡܪܝܢ ܕܫ̇ܠܡܝܢܢ: ܗܝܕܝܢ ܗ̇ܦܟ ܠܘܬ ܟܗܢܐ ܘܐܡܪ
- ܕܩܪܝܬ ܠܐܓܪܬܟ ܩܕܡ ܥܡܐ ܘܫܳܠܡܝܢ ܕܥܠ ܩܽܘܪܳܒܳܐ ܩܘܪܒܐ܀܀
- ܡܬܦܫܩ ܡܬܩܪܒܢܘܬܐ ܕܠܘܬ ܐܠܗܐ. ܕܥܠ ܨܠܝܒ̈ܐ ܨܠܝܒ̈ܐ ܕܡܬܥܒܕܝܢ
- ܒܩܘܪܒ ܩܘܪ̈ܒܢܐ ܟܡܐ ܗܘܝܢ: ܘܐܝܟܢܐ ܗܘܝܢ ܘܰܡܙܰܗܪ ܗ̰ܘ ܚܣܝܐ ܕܠܐ
- ܙ̃ܕܩ ܠܥܡܐ ܐܘ ܠܡܫܡܫܢܐ ܣܛܪ ܡܢ ܨܠܝܒ̈ܐ ܕܥܠ ܦܓܪܐ ܘܕܡܐ ܘܥܠ ܥܡܐ:
- ܕܢܪܫܘܡ ܐܘ ܢܥܒܕ ܨܠܝܒܐ ܥܠ ܦܪܨܘܦܗ ܒܥܕܢܐ ܕܩܘܪܒܐ: ܘܢܘܟܪܝܬܐ ܐܝܬܝܗ̇
- ܠܫܦܝܪܘܬ ܡܛܰܟܣܘܬܐ: ܘܨܠܝܒ̈ܐ ܗܠܝܢ ܕܡܬܥܒܕܝܢ ܠܘܩܒܠ ܡܫܡܫܢܐ ܠܝܡܝܢܐ
- ܕܟܗܢܐ ܘܰܠܣܡܠܐ ܠܘܩܒܠ ܥܡܐ: ܐܢ ܠܝܬ ܡܫܡܫ̈ܢܐ ܐܠܐ ܒܠܚܘܕ ܒܚܕ ܓܒܐ
- ܠܘܩܒܠܗܘܢ ܢܥܒܕ ܨܠܝܒ̈ܐ ܒܠܚܘܕ: ܘܐܢ ܐܝܬ ܥܡܐ ܢܥܒܕ ܠܩܘܒܠܗ ܙܒܢ̱ܬܐ
- ܬܠܬܐ ܨܠܝܒ̈ܐ ܐܝܟܐ ܕܣܝܡ ܠܢ ܡܢ ܠܬܚܬ: ܘܐܢ ܠܝܬ ܠܐ ܢܥܒܕ ܟܕ ܡܫܪܐ ܗܟܢܐ ܙܕܩ
- ܠܗ ܠܟܗܢܐ ܠܡܕܥ: ܐܝܟܢܐ ܡܬܥܒܕܝܢ ܨܠܝܒ̈ܐ ܕܗ̇ܘܝܢ ܒܩܘܪܒ ܩܘܪ̈ܒܢܐ
- ܕܟܡܐ ܒܟܠܕܘܟܐ܀ ܗ̇ܘܝܢ ܟܠܗܘܢ ܝܚ (18) ܗܢܘ ܕܝܢ ܡܫܪܐ ܟܗܢܐ ܩܕܡܐܝܬ ܠܟܠ
- ܓܒܐ ܚܕ: ܘܐܢ ܠܝܬ ܡܫܡܫ̈ܢܐ ܠܐ ܐܠܨܐ ܕܢܥܒܕ ܐܠܐ ܥܠ ܦܪܨܘܦܗ ܬܠ̈ܬܝܗܘܢ:
- ܘܠܘܩܒܠ ܥܡܐ ܬܠܬܐ: ܐܝܟܐ ܕܐܡ̇ܪ: ܚܘܒܐ ܕܐܠܗܐ ܐܒܐ܀ ܘܙܒܢ̱ܬܐ ܕܬܪ̈ܬܝܢ
f. 181r
- ܥ̇ܒܕ ܬܠ̈ܬܐ ܨܠܝܒ̈ܐ ܥܠ ܦܓܪܐ: ܘܬܠܬܐ ܥܠ ܟܣܐ܀ ܐܝܟܢܐ ܕܐܡ̇ܪ ܐܕܝ ܘܒܪܟ ܩܕܫ܀
- ܘܙܒܢ̱ܬܐ ܕܬܠܬܐ ܗ̣ܘ ܗܟܘܬ ܥ̇ܒܕ ܬܠܬܐ ܨܠܝܒ̈ܐ ܥܠ ܦܓܪܐ: ܘܬܠܬܐ ܥܠ ܟܣܐ ܐܝܟܐ
- ܕܐܡܪ܀ ܐܝܟܢܐ ܕܩܕܡ ܐܓܢ ܢܥܒܕ ܠܠܚܡܐ: ܘܠܟܣܐ ܗܢܐ܀ ܘܙܒܢ̱ܬܐ ܕܐܪܒܥ ܥ̇ܒܕ ܨܠܝܒܐ
- ܚܕ ܠܘܩܒܠ ܐܦܘ̈ܗܝ ܘܠܣܡܠܐ ܘܠܝܡܝܢܗ: ܘܠܘܩܒܠ ܥܡܐ ܬܠܬܐ ܐܝܟܐ
- ܕܐܡ̇ܪ܀ ܢܗܘܢ ܪ̈ܚܡܐ܀ ܙܒܢ̱ܬܐ ܕܚ̈ܡܫ ܥ̇ܒܕ ܒܩܨܝܐ ܕܦܪܝܣܬܐ ܒܝܕ ܕܡܐ
- ܥܠ ܦܓܪܐ ܬܠ̈ܬܐ: ܘܥܠ ܟܣܐ ܬܠ̈ܬܐ: ܐܝܟܐ ܕܩܨܐ ܘܪܫܡ: ܘܡܚܝܕ
- ܠܦܓܪܐ ܥܡ ܕܡܐ܀ ܠܐ ܐܠܨܐ ܕܢܪܣܣ: ܐܝܟܐ ܕܐܝܬ ܥܝ̇ܕܐ ܠܐܢܫ̈ܝܢ
- ܕܢܥܒܕܘܢ ܬܢܝܢܘܬ ܗܕܐ܀ ܘܙܒܢ̱ܬܐ ܐ̱ܚܪܬܐ ܕܫ̈ܬ: ܥ̇ܒܕ ܨܠܝܒܐ
- ܥܠ ܐܦܘܗ̈ܝ: ܘܠܣܡܠܐ ܘܠܝܡܝܢܗ: ܘܠܘܩܒܠ ܥܡܐ ܓ ܨܠܝܒ̈ܐ܀
- ܐܝܢܐ ܕܐܡܪ܀ ܬܗܘܐ ܛܝܒܘܬܐ ܕܬܠܝܬܝܘܬܐ܀ ܘܗܝܕܝܢ ܩܘܕܫ̈ܐ
- ܠܩܕܝܫ̈ܐ: ܘܠܟܗ̈ܢܐ ܕܐܡ̣ܪ ܡܫܡܫܢܐ ܦܩܕ ܗ̣ܘ ܚܣܝܐ ܕܐܡܝܪ: ܕܐܢ ܠܝܬ
- ܥܡܐ ܘܒܠܚܘܕܘܗܝ ܡܩܪܒ ܟܗܢܐ: ܠܐ ܐܠܨܐ ܕܢܬܢܐ ܐܢܘܢ. ܫܘܪܝܐ
- ܕܩܘܪܒܐ ܗܝܕܝܢ ܕܒܫܘܪܝܐ ܠܐܒܐ ܘܠܒܪܐ ܘܠܪܘܚܐ ܩܕܝܫܐ ܡܫܪܐ
- ܟܗܢܐ ܡܘܕܥ: ܚܕܝܘܬܐ ܕܚܕ ܟܝܢܐ ܘܐܘܣܝܐ ܕܬܠܝܬܝܘܬܐ: ܡܚܘܐ
- ܕܡܬܦܠܓܐ ܠܐ ܡܬܦܠܓܢܐܝܬ: ܘܡܬܚܝܕܐ ܠܐ ܐܫܝܕܐܝܬ: ܗܫܐ ܥܠ
- ܒܪܐ ܡܬܐܡܪܐ: ܗܢܘ ܕܝܢ ܙܒܢܐ ܕܡܬܒܣܪܢܘܬܗ: ܘܒܟܠܙܒܢ
f. 181v
- ܐܝܬܘܗܝ ܐܠܗܐ ܠܥܠܡܝܢ܀ ܕܫܠܡܐ ܕܝܢ ܕܡܬܝܗܒ ܡܠܬܗ ܕܡܪܢ
- ܡܫܡܠܝܐ: ܕܫܒܘܩ ܩܘܪܒܢܟ ܥܠ ܡܕܒܚܟ: ܕܐܬܪܥܐ ܠܐܚܘܟ:
- ܘܐܟܡܢ ܕܪ̈ܘܚܢܐ ܬܡܢ ܟܢܝܫܝܢ ܘܫܠܡܐ ܝܗܒܝܢ ܥܡܢ: ܡܛܠ ܕܫܠܡܐ
- ܗܘܐ ܠܗܘܢ ܥܡܢ ܒܩܛܠܗ ܕܡܪܝܐ܀ ܘܗ̇ܝ ܕܚܘܒܐ ܕܐܠܗܐ ܐܒܐ:
- ܡܚܘܝܐ ܕܒܚܘܒܗ ܝܗܒ ܐܠܗܐ ܠܒܪܗ ܚܠܦܝܢ: ܐܝܟܢܐ ܕܦܘܠܠܘܣ
- ܐܡ̇ܪ܀ ܛܝܒܘܬܐ ܕܝܚܝܕܝܐ ܒܪܐ ܡܚܘܝܐ ܕܒܛܝܒܘܬܐ. ܚܠܦ ܟܠܢܫ
- ܛܥ̣ܡ ܡܘܬܐ܀ ܘܫܘܬܦܘܬܐ ܕܪܘܚܐ ܩܕܝܫܐ܀ ܕܒܝܕ ܫܘܬܦܘܬܐ
- ܕܪܘܚܐ ܡܫܬܡܠܝܐ ܕܒܚܬܐ. ܘܗܠܝܢ ܬܠ̈ܬܐ ܐܡ̇ܪ ܟܗܢܐ ܕܢܗܘܘܢ
- ܥܡܟܘܢ: ܘܡܦܢܝܢ ܕܐܦ ܥܡܟ. ܐܝܟ ܕܐܡ̇ܪ ܪܒܐ ܓܪܝܓܘܪܝܘܣ:
- ܕܫܠܡܐ ܗ̇ܘ ܟܗܢܐ ܘܢ̇ܣܒ܀ ܘܬܘܒ ܡܘܣܦ ܕܠܥܠ ܢܗܘܘܢ:
- ܗܘܢܝ̈ܟܘܢ: ܗܢܘ ܕܝܢ ܕܒܫܡܝܢܝ̈ܬܐ ܗܪܘܓܘ: ܘܡ̣ܢ
- ܐܪ̈ܥܢܝܐ ܐܬܕܟܘ܀ ܡܦܢܝܢ ܕܐܝܬ ܠܢ ܠܘܬ ܡܪܝܐ: ܗ ܪ̈ܚܡܐ ܡܬܒܣܪܢܘܬܐ
- ܘܒܬܝܒܘܬܐ ܪ̈ܚܡܐ ܕܐܒܐ ܕܓܒܠܢ ܕܒܪܐ ܦܪܘܩܝܢ. ܘܒܬܝܒܘܬܐ
- ܒܝܕ ܪܘܚܐ ܩܕܝܫܐ ܐܬܟܬ̣ܒܢܢ ܒܫܡܝܐ ܒܣܝܡܬ ܒܢܝ̈ܐ܀ ܘܬܘܒ
- ܐܝܬ ܠܢ ܒܫܡܝܐ ܐܝܟ ܕܟܬܝܒ ܦܐܪܩܠܝܛܐ: ܝܫܘܥ ܡܫܝܚܐ
- ܙܟܝܐ: ܐܬܦܫܩ ܦܐܪܩܠܝܛܐ ܒܥܝܐ܀ ܘܬܘܒ ܚܕ ܕܫܡܗ̈ܝܟܘܢ
f.182r
- ܐܬܟܬܒܘ ܒܫܡܝܐ: ܡܛܠ ܗܠܝܢ ܬܠܬ ܠܒܘ̈ܬܢ ܠܘܬ ܐܠܗܐ܀
- ܘܬܘܒ ܐܡ̇ܪ ܟܗܢܐ: ܢܘܕܐ ܠܡܪܝܐ ܕܗܠܝܢ: ܡܦܢܝܢ ܠܗ ܕܫ̇ܘܐ
- ܘܙ̇ܕܩ܀ ܗܝܕܝܢ ܡܰܝܬܐ ܒܬܫܒܘܚܬܐ ܡܠܐܟܝܬܐ ܕܩܥܝܢ ܐܟܚܕܐ:
- ܩܕܝܫ ܩܕܝܫ ܩܕܝܫ܀ ܕܬܠܬܐ ܩܢܘܡ̈ܐ ܩܕܝܫ̈ܐ ܕܒܫܡܝܐ
- ܘܒܐܪܥܐ ܘܥܠ ܡܕܒܚܐ ܘܒܟܠܡܕܡ ܘܠܐ ܡܣܬܝܟܝܢ܀ ܐܘܫܥܢܐ
- ܬܫܒܘܚܬܐ ܡܬܦܫܩ܀ ܘܬܘܒ ܕܝܢ ܢܣܒ ܠܚܡܐ ܘܐܡ̇ܪ܆ ܗ̇ܝ
- ܕܚܪ ܒܫܡܝܐ ܨܒܝܢܐ ܕܐܒܐ ܡܚܘܝܐ܀ ܘܐܘܕܝ܆ ܡܘܕܝܢܘܬܐ
- ܠܘ ܒܥܘܬܐ ܐܝܬܝܗ̇܆ ܘܠܐ ܨܠܘܬܐ ܘܠܐ ܫܠܡܘܬܐ܀ ܘܗ̇ܝ ܕܡܘܕܐ ܐܢܐ܆
- ܗ ܫ̇ܠܡ ܐܢܐ ܠܨܒܝܢܟ܆ ܕܚܫܐ ܕܡܘܬܐ ܐܩ̇ܒܠ. ܘܗ̇ܝ ܕܒܪܟ
- ܩܕܫ܆ ܗܘ ܠܗ ܩܕܝܫ܀ ܘܗ̇ܝ ܕܩܨܐ܆ ܗܘ ܠܗ ܕܒ̣ܚ܀ ܦܠܓ܆
- ܕܡܢܗ ܪܳܕܐ ܚܘܣܝܐ. ܝܗ̣ܒ ܠܗܘܢ܆ ܕܡܢܗ ܐܝܬܝܗ̇ ܡܘܗܒܬܐ܀
- ܘܗ̇ܝ ܕܐܡ̇ܪܝܢ ܐܢܫܝ̈ܢ ܕܠܐ ܐܟ̣ܠ ܡ̰ܢ ܦܓܪܗ܆ ܘܗ̇ܝ ܕܐܟ̣ܠ ܫܪܝܪܐ܀
- ܐܡܪܝܢ ܕܝܢ ܩܕܝܫܐ ܡܪܝ ܐܦܪܝܡ܆ ܐܟܠܝܢ ܦܓܪܗ ܘܗܘ ܥܡܗܘܢ܆
- ܫ̇ܬܝܢ ܠܕܡܗ ܘܗ̣ܘ ܡܐ܆ ܫܬܐ ܠܕܡܗ ܘܡܫܘܐ ܠܗܘܢ܀
- ܘܩܕܝܫܐ ܡܪܝ ܐܝܘܢܢܝܣ ܐܡ̣ܪ܆ ܟܕ ܛܥ̣ܡ ܝܗ̣ܒ ܠܬܠܡܝܕ̈ܘܗܝ܆
- ܘܒܬܪܟܢ ܒܬܫܒܘܚܬܐ ܗ̇ܝ ܪܘܚܢܝܬܐ܀ ܗ̇ܝ ܕܠܟ ܕܡܫܒܚܝܢܢ܆
f. 182v
- ܕܥܒܕܬܢ ܡܠܝ̈ܠܐ܆ ܘܠܟ ܡܒܪܟܝܢܢ܆ ܒܝܕ ܠܒܐ ܘܦܘܡܐ ܘܠܫܢܐ܆
- ܕܐܫܘܝܬ ܠܢ ܕܢܗܘܐ ܡܫܒܚ̈ܢܝܟ܆ ܘܠܟ ܡܘܕܝܢܢ ܕܟܢ̣ܫܬܢ ܡ̣ܢ
- ܦܗܝܐ ܕܚܛܝܬܐ܀ ܘܒܬܪ ܩܪܳܝܬܳܐ ܕܪܘܚܐ ܩܕܝܫܐ ܫܠܡ ܪ̈ܐܙܐ
- ܩܕܝ̈ܫܐ܀ ܘܗܝܕܝܢ ܡܬܕܟܪܢܘܬܐ ܕܥܕܬܐ ܘܕܡܗܘܢ[ܘܕܟܠܗܘܢ] ܛܟܣ̈ܝܗ̇܀
- ܕܪ̈ܥܘܬܐ܀ ܕܟܗ̈ܢܐ܀ ܕܡܠ̈ܟܐ܀ ܕܫܠ̈ܝܚܐ܀ ܕܢܒ̈ܝܐ܀ ܕܐܒܗ̈ܬܐ܀
- ܕܣܗ̈ܕܐ܀ ܘܕܟܠܗܘܢ ܩܕܝ̈ܫܐ܀ ܘܕܝܠܕܬ ܐܠܗܐ܆ ܘܕܥܢܝܕ̈ܐ܀
- ܘܗܝܕܝܢ ܒܪܬ ܩܠܐ ܗ̇ܝ ܕܐܢܝܚ ܐܪ̈ܦܐ܆ ܟܕ ܡܚܘܠܐ[ܡܚܘܝܐ] ܨܠܘܬܐ
- ܕܠܝܬ ܕܕܟ̈ܐ ܒܒܢܝܢ̈ܫܐ܆ ܐܠܐ ܡܪܢ ܝܫܘܥ ܡܫܝܚܐ܀ ܘܐܡ̇ܪ ܟܗܢܐ܆
- ܠܐܒܐ ܕܡܛܠܬܗ ܐܦ ܠܢ ܘܠܗܘܢ܀ ܥܡܐ ܐܢܝܚ ܐܪ̈ܦܐ܀ ܘܗܝܕܝܢ
- ܕܐܝܟܢܐ ܕܐܝܬܘܗܝ ܗ̣ܘܐ ܘܐܝܬܘܗܝ܀ ܗ [ܗܢܘ] ܕܩܕܡ ܕܢܬܒܣܪ ܐܠܗܐ. ܘܒܬܪ
- ܡܘܬܐ ܐܠܗܐ܆ ܘܡܟܬܪ ܒܦܓܪܐ ܕܠܐ ܡܬܚܒܠܢܘܬܐ ܠܥܠܡ܆ ܘܕܠܐ
- ܣܘܦ ܐܝܬܝܗ̇ ܐܠܗܘܬܐ ܘܠܥܠܡ ܕܝܢ ܠܐ ܡܬܕܪܟ܆ ܐܝܟܢܐ ܕܐܝܬܘܗܝ
- ܥܡ ܒܣܪܗ ܩܕܝܫܐ ܚܕ ܐܠܗܐ܀ ܐܡܝܢ܆ ܝܘܢܐܝܬ ܡܬܦܫܩ ܢܗܘܐ܆
- ܣܘܪܝܝܐܝܬ ܫܪܪܐ܆ ܐܡܝܢ ܐܡܝܢ܆ ܫܪܪܐ ܫܪܪܐ܀ ܬܘܒ ܩܘܕܫ̈ܐ
- ܠܩܕܝܫ̈ܐ ܗܢܘ ܕܝܢ ܠܢܦܫܐ ܘܠܦܓܪܐ ܘܠܗܘܢܐ܆ ܕܐܬܩܕܫ ܒܬܠ̈ܬܐ
- ܩܢܘܡ̈ܐ܆ ܒܡܝ̈ܐ܀ ܘܕܡܐ܀ ܘܪܘܚܐ܀ ܘܒܐܒܐ ܘܒܒܪܐ ܘܒܪܘܚܐ܆
f.183r
- ܐܦ ܐܝܬܘܗܝ ܒܪܢܫܐ ܨܠܡܐ ܕܐܠܗܐ ܒܗܕܐ܆ ܒܬܠܝܬܝܘܬ ܪܘܟܒܗ܆
- ܢܦܫܐ ܐܝܟ ܐܒܐ܆ ܐܝܟ ܦܓܪܢܘܬܗ ܕܒܪܐ܆ ܗܘܢܐ ܪܘܚܐ ܩܕܝܫܐ܆
- ܘܒܗܕܐ ܐܝܬܘܗܝ ܕܡܘ̣ܬܐ ܕܐܠܗܐ܀ ܘܬܘܒ ܐܡ̇ܕܝܢ ܕܩܘܕܫ̈ܐ܆ ܐܝܟ
- ܕܡ̣ܢ ܟܗܢܐ ܡܬܦܠ̈ܓܝܢ܆ ܒܗܝ ܕܡܬܚܝܒ ܗ̇ܘ ܕܢ̇ܤܒ ܟܕ ܠܐ ܫ̇ܘܐ
- ܕܠܐ ܦܪܫ ܦܓܪܗ ܕܡܪܝܐ܀ ܘܬܘܒ ܩܘܕܫ̈ܐ ܘܠܗܘܢ ܕܡܩܕܫܝܢ܆
- ܐܦ ܗܢܘܢ ܒܬܠܬܐ ܩܘܕܫ̈ܐ܆ ܒܚܬܡܐ܆ ܘܪܘܫܡܐ܆ ܘܛܢܢܐ܆
- ܕܒܗܘܢ ܐܝܟ ܕܒܡܪܓܢܝܬܐ ܐܨܛܒܬܢܢ ܘܒܢܝ̈ܐ ܕܐܠܗܐ ܗܘܝܢܢ܆
- ܠܐ ܢܪ̈ܡܐ ܐܢܝ̈ܢ ܠܚܙܝܪ̈ܐ܆ ܗ [ܗܢܘ] ܠܚܘܫܒ̈ܐ ܒܝܫ̈ܐ ܕܫܐܕ̈ܐ ܕܠܗܘܢ
- ܪ̈ܥܐ ܗ̰ܘܐ ܗ̇ܘ ܒܪ ܐܣܘܛܐ܀ ܘܚܙܝܪܐ ܕܥ̇ܒܐ܆ ܬܘܒ ܡܬܩܪܐ
- ܡܪܘܕܐ܀ ܘܗ̇ܝ ܕܝܢ ܕܚܕ ܐܒܐ܆ ܕܠܐ ܐܝܬܘܗܝ ܒܪܐ ܕܐܚܪܝܢ܆ ܐܝܟ
- ܐܒܗ̈ܐ ܐܪ̈ܥܢܝܐ܆ ܘܠܐ ܐܝܬܘܗܝ܆ ܐܒܐ ܕܐܚܪܝܢ܆ ܐܠܐ ܐܢ ܕܡܪܢ ܝܫܘܥ ܡܫܝܚܐ܀
- ܘܡܢܗ ܡܫܬܡܗܐ ܐܒܗܘܬܐ ܒܫܡܝܐ ܘܒܐܪܥܐ܀ ܒܪܐ ܕܠܐ ܐܝܬܘܗܝ܆
- ܐܒܐ ܕܐܚܪܝܢ܆ ܐܝܟ ܗܢܘܢ ܥܠ ܐܪܥܐ ܕܐܝܬܝܗܘܢ ܒܢܝ̈ܐ ܕܐܒܗܝ̈ܗܘܢ܆
- ܘܐܒܗ̈ܐ ܕܒܢܝܗ̈ܘܢ܀ ܘܠܐ ܒܢܝ̈ܐ ܫܪܝܪܐܝܬ ܐܝܬܝܗܘܢ ܒܟܘܢܝܐ܆ ܘܠܐ
- ܐܒܗ̈ܐ܆ ܡܛܠ ܕܐܝܬܝܗܘܢ ܒܢܝ̈ܐ ܘܐܒܗ̈ܐ܀ ܚܕ ܪܘܚܐ ܩܕܝܫܐ܆
- ܗ̇ܘ ܕܡܢ ܐܒܐ ܢ̇ܦܩ܆ ܘܫܘܐ ܒܐܘܣܝܐ ܠܒܪܐ ܘܫܡܐ ܕܩܕܝܫܘܬܐ܀
f. 183v
- ܕܝܠܗ ܐܝܬܘܗܝ܆ ܐܝܟ ܕܐܡ̇ܪ ܡܠܦܢܐ܆ ܕܐܢ ܪܘܚܐ ܩܕܝܫܐ ܠܐ ܐܝܬܘܗܝ ܐܒܐ
- ܘܒܪܐ ܩܕܝܫ̈ܐ܆ ܒܗ̇ܘ ܕܫܡܐ ܕܩܕܝܫܘܬܐ ܥܡ ܪܘܚܐ ܪܗܛ܀
- ܕܝܠܝܬܗ ܕܐܒܐ ܝܠܘܕܘܬܐ܆ ܘܕܒܪܐ ܝܠܝܕܘܬܐ܆ ܘܪܘܚܐ ܩܕܝܫܘܬܐ܀
- ܬܘܒ ܪܘܚܐ ܓܝܪ ܕܐܠܗܐ܆ ܠܗܠܝܢ ܫܘܝ̈ܝ ܒܟܝܢܐ ܘܦܪ̈ܝܫܝ
- ܒܕܝܠ̈ܝܬܐ ܫܘܒܚܐ܀ ܗ [ܗܢܘ] ܫܘܦܪܐ ܕܠܐ ܡܬܚܒܠܢܘܬܐ ܘܐܝܩܪܐ ܕܠܐ
- ܡܝܘܬܘܬܐ ܠܥܠܡܥܠܡܝܢ ܢܗܘܐ܀ ܨܠܘܬܐ ܕܐܒܘܢ ܕܒܫܡܝܐ
- ܫܦܝܪ ܐܬܬܣܝܡܬ݀ ܡ̣ܢ ܐܒܗ̈ܬܐ ܕܐܬܬܡ̣ܪܝ ܬܡܢ܀ ܕܐܝܬܝܗ̇
- ܕܠܟܪ̈ܝܣܛܝܢܐ ܡܚܲܘܝܐ ܝܘܠܦܢܐ ܕܡܫܝܚܐ܆ ܘܡܘܕܥܐ ܐܒܗܘܬܐ
- ܕܐܒܐ. ܕܒܛܝܒܘܬܢ ܕܠܘܬܢ܀ ܬܐܬܐ ܡܠܟܘܬܟ ܫܘܠܛܢܗ ܕܝܚܝܕܝܐ
- ܕܥܠ ܟܠ ܡܡܠܟ܀ ܢܗܘܐ ܨܒܝܢܟ ܒܐܪܥܐ ܐܝܟ ܕܒܫܡܝܐ܆
- ܗ [ܗܢܘ] ܐܝܟܢܐ ܕܫܡܝܐ ܡܫܝܢܐ ܡ̣ܢ ܦܠܝܓܘ̈ܬܐ ܘܚܪ̈ܝܢܐ ܘܟܦܘܪܘܬܐ܆
- ܕܒܐܠܗܐ܆ ܡܥܠܝܐ ܨܒܝܢܟ: ܗܟܢܐ ܐܦ ܒܐܪܥܐ ܢܗܘܐ ܨܒܝܢܟ܆
- ܘܠܘ ܨܒܝܢܗ ܕܗ̇ܘ ܕܠܩܘܒܠܐ܆ ܒܗ̇ܝ ܕܥܠܡܐ ܟܠܗ ܒܝܫܘ
- ܣܝܡ܀ ܠܚܡܐ ܕܝܘܡܐ ܗܒܠܢ܆ ܘܠܘ ܣܓܝܐܘܬܐ ܕܝܥܢܘܬܐ܆
- ܕܠܟܪܣܐ ܡܫܡܢ ܐܣܘܛܐܝܬ܆ ܘܬܘܟܠܢܐ ܕܥܠ ܐܠܗܐ ܡܒܨܪ܆
- ܡܛܠ ܕܒܙܢܐ ܕܦܪ̈ܚܬܐ ܘܫܘܫ̈ܢܐ ܦܩܝܕܝܢܢ ܕܢܬܕܡܐ܀ ܗܝ
f. 184r
- ܬܘܒ ܕܫܒܘܩ ܠܢ܆ ܬܟܫܦܬܐ ܗ̇ܝ ܕܡܛܠ ܚܛܗ̈ܐ܆ ܕܡܚܘܝܐ
- ܕܝܠܕܝ̈ܬܐ ܚܫܢܢ܆ ܘܠܐ ܢܡܘܣܝ̈ܬܐ ܦܠܚܢܢ܀܀ ܘܬܘܒ
- ܗܝ ܕܢܫܒܘܩ܆ ܡܙܰܡܢܳܢܝܺܬܐ ܐܝܬܝܗ̇ ܠܗ̇ܝ ܕܢܫܬܒܩ
- ܠܢ ܐܟܡܐ ܕܐܢܫ ܡ̣ܢ ܡܠܦܢ̈ܐ ܐܡ̣ܪ܀ ܠܐ ܬܥܠܢ ܠܢܣܝܘܢܐ܆
- ܡܚܝܠܘܬܗ ܕܟܝܢܢ ܡܘܕܥܐ ܗܕܐ܀ ܐܠܐ ܦܨܢ ܡ̣ܢ ܒܝܫܐ ܀
- ܡܛܠ ܕܠܝܬ ܒܢ ܚܝܠܐ ܕܢܪܥܝܘܗܝ܆ ܡܛܠ ܕܕܝܠܟ ܗ̣ܝ
- ܡܠܟܘܬܐ܆ ܗ [ܗܢܘ] ܕܠܐ ܡܬܦܠܚ̣ܬ ܐܝܟ ܡܠܟ̈ܐ ܘܥܠܗܕܐ ܠܐ ܥ̇ܒܪܐ
- ܡܠܟܘܬܐ ܕܝܠܟ ܫܡܝܢܝܬܐ܆ ܡܛܠ ܕܠܐ ܡ̇ܐܬ ܡܠܟܐ ܫܡܝܢܐ܀
- ܘܚܝܠܐ ܬܘܒ ܬܫܒܘܚܬܐ܀ ܚܝܠܐ ܒܗ̇ܝ ܕܟܠܗܘܢ ܚܝ̈ܠܐ ܕܚܝܠܟ
- ܛܥܝܢ ܠܗܘܢ܆ ܕܬܫܒܚ̈ܬܐ ܕܥܠ̈ܝܐ ܕܬܚܬܝ̈ܐ ܠܟ ܡܬܩܪ̈ܒܢ܆
- ܠܥܠܡܥܠܡܝܢ܀ ܦܘܫܩܐ ܐܚܪܢܐ ܠܐ ܙܕܩ ܕܢܬܒܨܪ ܡ̣ܢ
- ܛܒ̈ܥܐ ܕܦܘܪܫܢܐ܆ ܐܡܬܝ ܕܣ̇ܠܩܝܢ ܠܡܕܒܚܐ܆ ܐܝܢ ܬܘܣܦܬܐ
- ܡܩܒܠܝܢ ܐܝܟ ܙܕܩܐ܆ ܥܕܡܐ ܕܡܬܪܝܡܐ ܐܢܢܦܘܪܐ ܡܢܗܘܢ
- ܕܪ̈ܐܙܐ܆ ܘܒܬܪܟܢ ܬܘܒ ܠܐ ܡܬܬܘܣܦ ܥܠܝܗܘܢ܆ ܛܘܦܣܐ܆
- ܕܟܠ ܒܡܝܐ ܕܐܝܬܘܗܝ ܗܘܐ ܡܫܝܚܐ ܒܩܒܪܐ܆ ܠܐ ܡܢܝܘ ܠܗ ܝܘܡܐ
- ܘܩܕܡܝܐ ܘܕܬܪ̈ܝܢ ܘܕܬܠ̈ܬܐ܆ ܒܬܪܟܢ ܕܩ̣ܡ ܡ̣ܢ ܩܒܪܐ ܘܗ̇ܝ
f. 184v
- ܟܐܦܐ ܕܐܬܬܪܝܡܬ܆ ܕܐܚܝܕܐ܆ ܘܡܝܐ ܕܐܢܢܦܘܪܐ܆ ܕܠܐ ܬܘܒ
- ܐܬܬܘܣܦ ܥܠ ܡܢܝܢܐ ܕܝܘܡ̈ܬܐ܀ ܦܘܫܩܐ ܕܡܪܝ ܝܥܩܘܒ:
- ܡܗܝܡܢܝܢܢ ܒܐܒܐ ܘܒܒܪܐ ܘܒܪܘܚܐ ܩܕܝܫܐ܆ ܩܢܘܡ̈ܐ ܬܠܬܐ܀ ܟܝܢܐ
- ܕܝܢ ܚܕ܀ ܐܠܗܘܬܐ ܕܝܢ ܚܕܐ܀ ܐܝܬܝܐ ܕܝܢ ܚܕ܀ ܐܝܬܘܬܐ
- ܕܝܢ ܚܕܐ܀ ܥܠ ܟܗܢܘܬܐ܆ ܢܦܫܗ ܓܝܪ ܕܟܗܢܐ ܝܬܝܪ ܡ̣ܢ
- ܙܠܝܩܘ̈ܗܝ ܕܫܡܫܐ ܙ̇ܕܩ ܠܗ̇ ܕܬܗܘܐ ܡܲܦܪܓܐ܆ ܕܕܠܡܐ
- ܬܫܒܩܝܘܗܝ ܪܘܚܐ ܕܩܘܕܫܐ܆ ܘܢܫܬܘܚܕ ܡܢ ܐܝܢܐ ܐܠܐ ܕܢܗܘܐ
- ܡ̣ܨܐ ܕܢܐܡ̣ܪ܆ ܕܚܲܝ ܐܢܐ܆ ܠܐ ܗܕܐ ܐܠܐ ܚܲܝ ܒܝ ܡܫܝܚܐ܆ ܟܡܐ
- ܢܛܘܪܘܬܐ܀ ܘܙܗܝܪܘܬܐ ܣܒܪ ܐܢܐ ܕܡܬܒܥܝܐ ܠܟܗܢܐ܆ ܡܫܟܚ
- ܢܥܕܐ ܢܦܫܗ ܡܢ ܟܠ ܛܘܠܫܐ܆ ܘܕܢܛܪ ܫܘܦܪܗ ܪܘܚܢܝܐ܆
- ܕܠܐ ܢܟܝܢ܆ ܐܦ ܓܝܪ ܝܬܝܪ ܡ̣ܢ ܟܠܗܘܢ ܒܢܝܢܫ̈ܐ ܙܕܩ ܠܗ
- ܠܟܗܢܐ ܕܢܗܘܐ ܕܟܶܐ܆ ܐܢܐ ܓܝܪ ܐܡ̇ܪ ܐܢܐ ܕܐܦܠܐ ܓܠܝܘܬ ܐܦ̈ܐ
- ܕܡܘܫܐ ܘܕܠܠܝܐ ܣܦܩܐ ܠܟܠܗ̇ ܗܕܐ ܡܘܬܐ܆ ܐܝܠ ܗ̇ܘ ܓܝܪ
- ܕܟܠܗ ܥܡܐ ܠܗ ܡܓܥ̰ܠ܆ ܘܐܝܬܘܗܝ ܐܒܐ ܕܟܠܢܫ܆ ܗܟܢܐ ܠܘܬ
- ܐܠܗܐ ܡܬܩܪܒ܆ ܕܢܕܥܟܘܢ ܩܪ̈ܒܐ ܘܫܓܘܫܝ̈ܐ ܡ̣ܢ ܟܠܗ ܐܪܥܐ܆
- ܘܢܗܘܐ ܫܠܝܐ ܘܒܗܝܠܘܬܐ܆ ܢܬܪ̈ܚܩܢ ܥܩ̈ܬܐ ܡ̣ܢ ܟܠܗܘܢ ܒܢܝܢܫ̈ܐ܆
f. 185r
- ܡܐ ܕܝܢ ܕܐܦ ܠܪܘܚܐ ܩܕܝܫܐ ܩܪܐ܆ ܘܢܫܡܫ ܗ̇ܝ ܕܒܚܬܐ
- ܕܚܝܠܬܐ܆ ܘܩܪܒ ܒܐܝܕܘ̈ܗܝ ܠܗ̇ܘ ܡܪܐ ܕܟܠܗܝܢ ܒܪ̈ܝܬܐ܆ ܟܡܐ
- ܙܗܝܘܬܐ܆ ܘܩܕܝܫܘܬܐ ܡܢܗ ܬܒ̇ܥ ܡܠܐܟ̈ܐ ܓܝܪ ܒܗ̇ܘ ܥܕܢ܆
- ܥܠ ܓܢ̣ܒ ܟܗܢ̈ܐ ܩܝܡܝܢ܆ ܘܡ̣ܢ ܟܢܫ̈ܐ ܫܡܝܢ̈ܐ ܡܬܡܠܐ ܟܠܗ
- ܡܕܒܚܐ܆ ܟܕ ܕܳܝܠܝܢ ܘܢܚ̇ܬܝܢ ܠܐܝܩܪܗ ܕܗܘ ܕܢܟܝܣ ܘܪܡܐ
- ܠܐ ܗܘܐ ܓܝܪ ܕܗܘܐ ܙܗܐ ܒܠܚܘܕ܆ ܐܠܐ ܕܢܗܘܐ ܚܟܝܡ ܘܡܕܪܫ ܒܟܠ
- ܡܕܡ܆ ܘܠܗ̇ܘ ܕܩܕܡ ܐܠܗܐ ܩ̇ܐܡ ܒܪܝܫ ܥܡܐ ܡܟܗܢ ܕܝܘܚܢܢ܆
- ܐܢܐ ܓܝܪ ܠܐ ܡܗܝܡܢ ܐܢܐ܆ ܕܡܫܟܚ ܕܢܐܚܐ ܟܗܢܐ ܕܠܐ ܥܡܠ ܥܠ
- ܐܦ̈ܝ ܚܝ̈ܐ ܕܐܚܪ̈ܢܐ܆ ܐܦܠܐ ܓܝܪ ܗ̇ܘ ܕܘܝܐ ܕܢܣ̰ܒ ܟܟܪܐ܆ ܡܛܠ ܕܠܐ
- ܒܨܪ ܡܢܗ̇ ܐܬܗܢܝ܆ ܐܠܐ ܥܠ ܕܠܐ ܐܘܣܦ ܥܠܝܗ̇ ܘܥܦܦܗ̇ ܐܒ̣ܕ܀
Ephrem Ishac