Syriac Liturgy - Anaphoras - The Anaphora of Peter II

transcribed by

Ephrem Aboud Ishac

Project P 36649

Identifying Scattered Puzzles of Syriac Liturgical Manuscripts and Fragments

FWF Österreichischer Wissenschaftsfond

IMAFO

14.07.2024

Available under the Creative Commons Attribution 4.0 International (CC BY 4.0)

Manuscript:

Damascus - Dam 5/11 (SOP 143)

Title

(f. 25r) (1) ܬܘܒ ܐܢܢܐܦܘܪܐ ܙܥܘܪܬܐ ܕܫܡܥܘܢ ܟܐܦܐ ܪܝܫܐ ܕܫܠܝ̈ܚܐ (2) ܩܕܡܝܐ

Prayer before Peace

ܨܠܘܬܐ ܕܩܕܡ ܫܠܡܐ ܐܠܗܐ ܕܫܠܡܐ (3) ܘܡܪܐ ܕܫܝܢܐ ܡܪܝܐ. ܗܒ ܠܟܠܢ ܘܐܫܘܐ ܠܢ (4) ܕܒܢܫܡܬܐ ܕܠܐ ܦܣܝܩܐ ܡܢ ܪܚܡܬܟ. ܢܥܲܦܩ (5) ܠܚ̈ܕܕܐ ܒܚܘܒܐ ܕܠܐ ܢܟܠܐ. ܘܢܲܣܩ ܠܟ ܫܘܒܚܐ (6) ܘܬܘܕܝܬܐ. ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ (7) ܕܝܠܟ ܩܕܝܫ ܒܟܠ. ܘܛܒܐ ܥܡܐ ܐܡܝܢ

The First Benediction

ܟܗܢܐ ܫܠܡܐ (8) ܥܡܐ ܘܠܪܘܚܐ ܏ܡܫܡ ܢܬܠ ܫܠܡܐ ܥܡܐ ܐܫܘܐ ܠܢ ܏ܡܫܡ (9) ܡܢ ܒܬܪ ܫܠܡܐ ܥܡܐ ܩܕܡܝܟ ܟܗܢܐ ܠܟ ܘܩܕܡܝܟ ܡܪܝܐ. (10) ܡܪܟܢܝܢܢ ܨܘܪ̈ܐ ܕܢܦ̈ܫܬܢ. ܐܝܟܢܐ ܕܢܩܲܒܠ ܡܢܟ (11) ܒܘܪ̈ܟܬܐ. ܘܣܘܝ̇ܥܐ ܠܡܚܝܠܘܬܢ. ܡܛܠ ܕܥܕܘܪܐ (12) ܘܒܝܬܓܘܣܐ ܕܟܠ ܐܝܬܝܟ. ܘܠܟ ܬܫܒܘܚܬܐ ܡܣܩܝܢܢ. (13) ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ ܕܝܠܟ ܩܕܝܫ ܒܟܠ. (14) ܘܛܒܐ ܥܡܐ ܐܡܝܢ

Prayer over the Veil

ܟܗܢܐ ܐܢܬ ܐܦ ܗܫܐ ܡܪܝܐ ܐܢܗܪ ܦܪܨܘܦܟ (15) ܥܠܝܢ ܘܦܪܘܩܝܢ ܘܠܢ ܟܠܗܘܢ ܒܥܠ̈ܕܒܒܐ ܕܣ̇ܢܝܢ (16) ܠܢ. ܘܠܚܝ ܘܫܒܘܩ ܟܠܗܝܢ ܠܐ ܝܕܥܬܢ܆ ܕܢܣܩ (f. 25v) (1) ܠܟ ܫܘܒܚܐ ܘܬܘܕܝܬܐ. ܘܠܝܚܕܝܐ ܒܪܐ ܕܝܠܟ. ܘܠܪܘܚܐ (2) ܕܝܠܟ ܩܕܝܫ ܒܟܠ.ܘܛܒܐ ܥܡܐ ܐܡܝܢ ܏ܡܫܡ ܢܩܘܡ (3) ܫܦܝܪ ܥܡܐ ܪ̈ܚܡܐ ܫܠܡܐ ܟܗܢܐ ܚܘܒܐ ܕܐܠܗܐ ܐܒܐ (4) ܥܡܐ ܥܡ ܪܘܚܐ ܟܗܢܐ ܠܥܠ ܢܗܘܘܢ ܥܡܐ ܐܝܬܝܗܘܢ ܟܗܢܐ (5) ܢܘܕܐ ܠܡܪܐ ܥܡܐ ܫܘܐ ܘܙܕܩ

Prayer before Sanctus

ܟܗܢܐ ܟܕ ܓܗܝܢ ܫܪܝܪܐܝܬ (6) ܫ̇ܘܐ ܘܙܕܩ. ܕܠܟ ܢܫܒܚ ܘܢܪܡܪܡ ܥܒܘܕܐ (7) ܕܟܠܗܝܢ ܒܪ̈ܝܬܐ ܕܥܠ̈ܝܐ ܘܕܬܚ̈ܬܝܐ ܘܬܠܐ ܩܠܗ (8) ܡܫܒܚܝܢܢ ܠܟ ܡܪܝܐ. ܥܡܗܘܢ ܕܡܠܐܟ̈ܐ. [In marg. ܘܠܓ̈ܝܘܢܐ ܕܪ̈ܒܝ ܡܠܐܟ̈ܐ. ܟܕ] ܟܕ (9) ܒܒ̈ܢܬ ܩ̈ܠܐ ܕܬܫܒܘܚܬܐ. ܡܙܥܩܝܢܢ ܘܐܡܪܝܢܢ ܥܡܐ (10) ܩܕܝܫ ܩܕܝܫ

Prayer after Sanctus

ܟܗܢܐ ܟܕ ܓܗܝܢ ܩܕܝܫܐ ܐܝܬܝܟ ܘܣܓܝ (11) ܪ̈ܚܡܐ ܡܪܝܐ. ܡܛܠ ܕܒܪܚܡܬ݀ ܐܢܫܘܬܟ ܫܲܕܪܬ (12) ܒܪܐ ܕܝܠܟ ܠܥܠܡܐ. ܘܡܢ ܒܬܘܠܬܐ ܝܠܕܬ ܐܠܗܐ ܡܪܝܡ (13) ܐܬܒܲܣܪ ܐܝܟ ܕܠܦܘܪܩܢܢ

Words of Institution

ܘܬܠܐ ܩܠܗ ܘܟܕ ܨܒ̣ܐ (14) ܕܢܛܥܲܡ ܠܡܘܬܐ ܕܚܠܦܝܢ. ܘܠܦܨܚܐ ܕܒܝܬ (15) ܪܡܫܐ ܢܫܲܡܠܐ. ܠܚܡܐ ܢܣܒ ܒܐܝ̈ܕܘܗܝ ܀ (16) ܘܒܲܪܟ ܀ ܘܩܲܕܫ ܀ ܩܨܐ. ܘܝܗ̣ܒ ܠܣܕܪܐ ܕܫܠܝ̈ܚܐ (17) ܘܐܡ̣ܪ. ܣܒܘ ܐܟܘܠܘ ܡܢܗ ܠܫܘܒܩܢܐ ܕܚ̈ܛܗܐ (18) ܘܠܚ̈ܝܐ ܕܠܥܠܡ ܥܡܐ ܐܡܝܢ ܟܗܢܐ ܗܟܢܐ ܘܟܣܐ ܟܕ (f. 26r) (1) ܡܲܙܓ ܡܢ ܚܡܪܐ ܘܡܝ̈ܐ ܘܐܘܕܝ ܀ ܒܲܪܟ (2) ܀ ܩܲܕܫ ܀ ܘܝܗ̣ܒ ܠܫ̈ܠܝܚܐ ܩܕܝ̈ܫܐ ܘܐܡ̣ܪ. (3) ܣ̣ܒܘ ܐܫܬܘ ܡܢܗ ܟܠܟܘܢ. ܠܚܘܣܝܐ ܕܚܘ̈ܒܐ (4) ܘܠܚܝ̈ܐ ܕܠܥܠܡ. ܥܡܐ ܐܡܝܢ ܟܗܢܐ ܗܕܐ ܦܲܩܕ ܘܙܗܪ (5) ܐܢܘܢ ܕܟܠ ܐܡܬܝ ܕܪ̈ܐܙܐ ܗܠܝܢ ܡܫܲܡܠܝܢ ܐܢܬܘܢ (6) ܠܡܘܬܝ ܘܩܝܡܬܝ ܡܬܥܗܕܝܬܘܢ ܥܕܡܐ (7) ܕܐܬܐ ܐܢܐ ܥܡܐ ܡܘܬܟ ܡܪܢ

Anamnesis

ܟܗܢܐ ܘܟܕ ܠܡܐܬܝܬܟ (8) ܦܪܘܩܝܬܐ. ܘܠܗ̇ܝ ܬܪܝܢܬܐ ܡܥܗܕܝܢܢ ܡܪܝܐ. (9) ܬܫܒܘܚܬܐ ܥܡ ܬܚܢܢܬܐ ܠܡܪܘܬܟ ܡܩܪܒܝܢܢ. ܐܝܟܢܐ (10) ܕܒܗ̃ܘ ܝܘܡܐ ܕܚܝܠܐ ܘܥܙܝܙܐ ܕܕܝܢܐ. ܕܒܗ ܒܘܚܪܢܐ (11) ܕܙܕܝ̈ܩܐ ܘܕܚܛܝ̈ܐ ܥ̇ܒܕ ܐܢܬ. ܠܐ ܠܦܘܬ ܚܛܗ̈ܝܢ (12) ܬܲܫܠܸܡܲܢ ܠܢܘܪܐ ܘܠܓܘܙܠܬܐ ܕܒܟܝܐ ܘܐܸܠܝܵܐ. (13) ܘܠܐ ܢܬܛܲܪܦ ܘܢܫܬܢܲܩ ܡܛܠ ܒܝ̈ܫܬܐ ܘܣܟ̈ܠܘܬܐ (14) ܕܝܠܢ. ܐܠܐ ܚܘܣ ܡܪܝܐ ܘܪܚܡ ܥܠܝܢ. ܘܐܗܦܟ ܐܦ̈ܝܟ (15) ܡܢ ܚܛܗ̈ܝܢ ܘܥܕܪܝܢ ܕܡܛܠ ܗܕܐ ܥܕܬܟ ܡܬܟܫܦܐ (16) ܠܟ. ܘܒܐܝ̈ܕܝܟ ܘܠܐܒܘܟ ܟܕ ܐܡܪܐ ܥܡܐ ܪܚܡ ܥܠܝܢ (17) ܟܗܢܐ ܘܐܦܚܢܢ ܡܪܝ ܥܡܐ ܠܟ ܡܫܒܚܝܢܢ ܏ܡܫܡ ܡܐ ܕܚܝܠܐ ܗܝ

Invocation of the Holy Spirit

(18) ܟܗܢܐ ܟܕ ܓܗܝܢ ܩܪܝܵܬܐ ܕܪܘܚܐ ܩܕܝܫܐ ܪ̈ܚܡܥܠܝܢ ܡܪܝܐ (f. 26v) (1) ܪ̈ܚܡ ܥܠܝܢ. ܘܫܲܕܪ ܥܠܝܢ ܘܥܠ ܩܘܪ̈ܒܢܐ ܪ̈ܐܙܝܐ ܗܠܝܢ. (2) ܪܘܚܟ ܩܕܝܫܐ. ܘܢܩܲܕܫ ܐܢܘܢ. ܘܐܦܠܢ ܢܥܲܕܪ ܘܢܚܲܣܐ. (3) ܘܬܠܐ ܩܠܗ ܥܢܝܢܝ ܡܪܝܐ ܥܡܐ ܩܘܪܝܠܠܝܣܘܢ ܟܗܢܐ (4) ܐܝܟܢܐ ܕܒܡܓܢܢܘܬܗ ܢܥܒܕ ܠܠܚܡܐ ܗܢܐ ܀ (5) ܦܓܪܐ ܀ ܕܡܫܝܚܐ ܐܠܗܐ ܕܝܠܢ܀ ܥܡܐ ܐܡܝܢ (6) ܟܗܢܐ ܘܠܟܣܐ ܗܢܐ ܀ ܕܡܐ ܕܝܠܗ܀ ܕܡܫܝܚܐ ܐܠܗܐ (7) ܕܝܠܢ ܀ ܥܡܐ ܐܡܝܢ ܟܗܢܐ ܐܝܟܢܐ ܕܢܗܘܘܢ ܠܐܝܠܝܢ (8) ܕܒܗܘܢ ܡܫܬܘܬܦܝܢ ܡܕܟ̈ܝܢܐ ܕܡܢ ܟܘ̈ܬܡܬܐ. (9) ܘܠܫܘܒܩܢܐ ܕܚ̈ܛܗܐ ܘܠܚܝ̈ܐ ܕܠܥܠܡ ܥܠܡܝܢ.

Intercession Prayers

(10) ܟܗܢܐ ܟܕ ܓܗܝܢ ܩܲܒܠ ܦܝ̇ܣܐ ܕܝܠܢ ܡܪܝܐ. ܘܫܲܟܢ (11) ܫܝܢܐ ܠܥܡܟ. ܘܫܠܡܐ ܠܡܪܥܝܬܟ. ܘܢܲܛܪ ܠܪ̈ܥܘܬܐ (12) ܫܪ̈ܝܪܐ. ܥܡ ܟܗ̈ܢܐ ܘܡܫܡ̈ܫܢܐ. ܘܩܠܝܪܘܣ ܠܗ ܕܥܕܬܟ (13) ܥܕܪ ܘܬܠܐ ܩܠܗ ܩܝܘ̈ܡܐ ܚܝ̈ܠܬܢܐ ܡܪܝܐ ܣܝܡ ܐܢܘܢ. (14) ܘܒܥܘܕܪ̈ܢܝܟ ܨܒܬ ܐܢܘܢ. ܐܝܟܢܐ ܕܒܲܥܝ̈ܐ ܘܡܦܝ̈ܣܢܐ (15) ܚܠܦܝܢ ܢܗܘܘܢ. ܕܢܣܩ ܠܟ ܫܘܒܚܐ ܘܬܘܕܝܬܐ. ܘܠܝܚܝܕܝܐ (16) ܒܪܐ ܕܝܠܟ. ܘܠܪܘܚܐ ܕܝܠܟ ܩܕܝܫ ܒܟܠ. ܘܛܒܐ ܟܗܢܐ ܟܕ (17) ܓܗܝܢ ܠܡܬܕܟܪܘ ܐܫܘܐ ܡܪܝܐ. ܠܗܢܘܢ ܕܦܲܩܕܘ ܠܢ. (18) ܕܢܬܥܗܕ ܐܢܘܢ. ܘܠܐܝܠܝܢ ܕܨܒܘ ܕܢܩܪܒܘܢ ܘܠܐ ܐܬܡܨܝܘ (f. 27r) (1) ܘܬܠܐ ܩܠܗ ܐܬܕܟܪ ܡܪܝܐ. ܘܠܡܥܕܪ̈ܢܐ ܕܥܕܬܟ ܩܕܝܫܬܐ. (2) ܗܘܝ ܠܗܘܢ ܣܬܪܐ ܘܒܝܬܓܘܣܐ. ܘܦܲܨܐ ܐܢܘܢ ܡܢ (3) ܡܟܝܢܘܬܐ ܕܫ̈ܐܕܐ ܘܕܒܢܝ̈ܢܫܐ ܒܝ̈ܫܐ. ܡܛܠ ܕܦܪܘܩܐ (4) ܕܟܠ ܐܝܬܝܟ. ܘܠܟ ܫܘܒܚܐ ܡܣܩܝܢܢ. ܘܠܝܚܝܕܝܐ ܒܪܐ (5) ܕܝܠܟ. ܘܠܪܘܚܐ ܕܝܠܟ ܩܕܝܫ ܒܟܠ. ܘܛܒܐ. ܟܗܢܐ ܟܕ ܓܗܝܢ (6) ܐܬܕܟܪ ܡܪܝܐ ܠܡܠ̈ܟܐ ܡܗܝܡ̈ܢܐ. ܘܐܪܡܐ ܒܠܒ̈ܘܬܗܘܢ (7) ܡ̈ܫܝܢܵܬܐ ܥܠ ܥܡܐ ܕܝܠܟ ܬܠܐ ܩܠܗ ܫܲܝܢ ܡܪܝܐ (8) ܠܬܪ̈ܥܝܬܐ ܕܐܝܠܝܢ ܕܡܲܡܠܟܝܢ ܥܠܝܢ. ܘܡܢ ܐܝܕܐ (9) ܕܚܲܣܡ̈ܐ ܘܒܥܠ̈ܕܒܒܐ ܫܲܘܙܒܝܢ. ܘܢܲܣܩ ܠܟ ܫܘܒܚܐ (10) ܘܬܘܕܝܬܐ. ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ ܕܝܠܟ ܩܕܝܫ (11) ܟܗܢܐ ܟܕ ܓܗܝܢ ܠܡܬܕܟܪܘ ܐܫܘܐ ܡܪܝܐ. ܠܒܬܘܠܬܐ (12) ܒܟܠܙܒܢ ܝܠܕܬ ܐܠܗܐ ܡܪܝܡ. ܘܠܫܠܝ̈ܚܐ ܘܠܢܒ̈ܝܐ (13) ܘܣܗ̈ܕܐ ܘܡܘ̈ܕܝܢܐ ܘܫܪܟܐ ܕܩܕܝ̈ܫܐ. ܘܠܢ ܥܲܕܪ ܒܨ̈ܠܘܬܗܘܢ (14) ܬܠܐ ܩܠܗ ܘܒܨܠ̈ܘܬܐ ܘܬܟܫ̈ܦܬܐ ܕܝܠܗܘܢ ܡܪܝܐ ܥܕܪܝܢ. (15) ܘܠܡܢܬܐ ܘܦܸܣܳܐ ܕܥܡܗܘܢ ܐܫܘܐ ܠܢ. ܘܒܝܢܬܗܘܢ (16) ܢܣܩ ܠܟ ܫܘܒܚܐ ܘܬܘܕܝܬܐ. ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ (17) ܟܗܢܐ ܟܕ ܓܗܝܢ ܐܬܕܟܪ ܡܪܝܐ ܘܠܗܢܘܢ ܕܒܒܝܬ ܩܕܝ̈ܫܐ (18) ܩܕܡܘ ܐܬܬܢܝܚܘ. ܐܒܗ̈ܬܐ ܘܡܠ̈ܦܢܐ ܐܘܪܬܘܕܘܟܣܘ. (f. 27v) (1) ܐܝܟܢܐ ܕܒܨܠ̈ܘܬܗܘܢ ܢܬܦܲܨܐ ܡܢ ܢܟ̈ܝܢܘܗܝ ܘܗ̇ܘ (2) ܕܕܠܩܘܒܠܐ ܘܕܐܢܫ̈ܐ ܒܝܫ̈ܐ ܬܠܐ ܩܠܗ ܘܠܗܢܘܢ ܕܙܗܝܪܐܝܬ (3) ܠܣܒܪܬܟ ܐܟܪܙܘ ܒܟܠܗ̇ ܡܬܥܡܪܢܝܬܐ. ܘܠܥܕܬܟ (4) ܩܕܝܫܬܐ ܫܲܪܪܘ ܒܗܝܡܢܘܬܐ ܬܪܝܨܬ ܫܘܒܚܐ. ܐܬܕܟܪ ܡܪܝܐ. (5) ܘܒܨܠ̈ܘܬܗܘܢ ܕܟ̈ܝܬܐ ܠܟܠܢ ܣܲܬܬ ܒܪܚܡܬܟ. ܘܠܟܠܗܘܢ (6) ܢܣܩ ܠܟ ܫܘܒܚܐ ܘܬܘܕܝܬܐ. ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ (7) ܟܗܢܐ ܟܕ ܓܗܝܢ ܥܒܕ ܡܪܝ ܒܝܕ ܕܒܚܐ ܗܢܐ ܕܡܢ ܐܝ̈ܕܝܢ (8) ܚ̈ܛܝܐ ܡܬܩܲܪܒ ܠܟ. ܕܘܟܪܢܐ ܛܒܐ ܠܐܒܗ̈ܝܢ ܘܐܚ̈ܝܢ (9) ܘܪ̈ܒܢܝܢ ܘܟܠܗܘܢ ܥܢܝ̈ܕܝܢ ܡܗܝ̈ܡܢܐ. ܕܗܪܟܐ ܘܕܒܟܠ (10) ܐܬܪ ܬܠܐ ܩܠܗ ܡܪܝܐ ܐܠܗܐ ܪ̈ܚܡ ܒܢܝ̈ܢܫܐ. ܒܥܘ̈ܒܐ (11) ܐܒܪ̈ܗܡܝܐ ܐܫܪܐ. ܠܗܢܘܢ ܕܒܗܝܡܢܘܬܐ ܫܪܝܪܬܐ ܫܲܠܡܘ (12) ܚܝ̈ܝܗܘܢ. ܟܕ ܡܲܥܒܪ ܐܢܬ ܘܫ̇ܒܩ ܐܢܬ ܡܬܥܲܒܪ̈ܢܘܬܐ (13) ܠܐ ܢܡܘܣ̈ܝܘܬܐ ܕܝܠܢ ܘܕܝܠܗܘܢ. ܡܛܠ ܕܠܝܬ ܕܡܚܪܪ (14) ܡܢ ܚܛܗ̈ܐ. ܐܠܐ ܐܢ ܦܪܘܩܢ ܝܫܘܥ ܡܫܝܚܐ. ܗܘ ܕܒܐܝ̈ܕܘܗܝ (15) ܡܣܒܪܝܢܢ ܪ̈ܚܡܐ ܠܡܫܟܚܘ. ܕܡܛܠܬܗ ܐܦ ܠܢ (16) ܘܠܗܘܢ ܐܢܝܚ ܥܡܐ ܐܢܝܚ

Concluding Intercessions

ܟܗܢܐ ܟܕ ܦܫܝܛ ܚܲܣܐ ܘܫܒܘܩ (17) ܡܪܝܐ ܣܟ̈ܠܘܬܐ ܕܥܒ̈ܕܐ ܘܕܐܡ̈ܗܬܐ ܕܝܠܟ ܟܣ̈ܝܬܐ (18) ܘܓ̈ܠܝܬܐ. ܟܕ ܡܲܫܘܙܒ ܐܢܬ ܠܢ ܡܢ ܒܗܬܬܐ ܕܩܕܡܝܟ. (f. 28r) (1) ܐܝܟܢܐ ܕܒܢ ܘܚܠܦܝܢ ܘܡܛܠܬܢ ܢܫܬܒܚ ܫܡܟ (2) ܡܒܪܟܐ ܥܡ ܕܡܪܢ ܝܫܘܥ ܡܫܝܚܐ. ܘܪܘܚܟ ܩܕܝܫܐ. (3) ܥܡܐ ܐܝܟܢܐ ܕܐ܏ܝܬܘ

The Second Benediction

ܟܗܢܐ ܫܠܡܐ ܠܟܠܟܘܢ ܥܡܐ ܘܠܪܘܚܐ (4) ܟܗܢܐ ܢܗܘܘܢ ܪ̈ܚܡܘܗܝ ܕܐܠܗܐ ܪܒܐ ܥܡܐ ܘܥܡ ܪܘܚܐ (5) ܏ܡܫܡ ܬܘܒ ܘܬܘܒ ܘܟܗܢܐ ܩ̇ܨܐ ܘܪܫ̇ܡ

Prayer before the Lord's Prayer

ܟܗܢܐ ܕܐܒܘܢ ܕܒܫܡܝܐ (6) ܡܬܟܲܫܦܝܢܢ ܠܟ ܐܠܗܐ ܘܐܒܐ. ܡܒܲܝܐܢܐ ܘܡܲܠܒܢܐ (7) ܕܡܚܝܠܘܬܢ. ܕܰܟܳܐ ܠܢ ܡܢ ܟܠ ܛܘܠܫܐ ܕܥܘܠܐ (8) ܘܕܫܟܝܪ̈ܬܐ. ܘܩܲܒܠ ܩܘܪ̈ܒܢܐ ܗܠܝܢ ܕܚܠܦ (9) ܚܛܗ̈ܝܢ ܡܩܪܒܝܢܢ ܠܟ. ܐܝܟܢܐ ܕܒܚܕܐ ܫܘܝܘܬ (10) ܢܫܲܡܬܐ. ܢܙܥܩ ܠܘܬܟ ܘܢܨܠܐ ܘܢܐܡܪ ܐܒܘܢ ܕܒܫܡܝܐ (11) ܥܡܐ ܢܬܩܕܫ ܫܡܟ

Prayer after the Lord's Prayer

ܟܗܢܐ ܐܝܢ ܐܠܗܢ ܒܣܝܡܐ. ܠܐ (12) ܬܥܠܢ ܠܒܘܚܪܢܐ ܕܢܣ̈ܝܘܢܐ. ܡܛܠ ܕܠܐ ܡܨܝܢܢ (13) ܚܲܝܠܐ ܕܢܣܝܒܪ. ܐܠܐ ܐܝܟ ܣܓܝܐܘܬ ܪ̈ܚܡܝܟ ܫܲܘܙܒ (14) ܘܦܲܨܐ ܠܢ ܡܢ ܟܠܗܝܢ ܡܚ̈ܘܬܐ ܕܪܘܓܙܐ. ܡܛܠ ܕܕܝܠܟ (15) ܐܝܬܘܗܝ ܐܘܚܕܢܐ ܘܡܠܟܘܬܐ. ܘܠܟ ܫܘܒܚܐ ܡܣܩܝܢܢ. (16) ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ ܥܡܐ ܐܡܝܢ ܟܗܢܐ ܫܠܡܐ (17) ܠܟܠܟܘܢ ܥܡܐ ܘܠܪܘܚܐ ܏ܡܫܡ ܩܕܡ ܡܪܝܐ ܪ̈ܝܫܝܢ ܢܪ̈ܟܢ (18) ܥܡܐ ܩܕܡܝܟ

The Third Benediction

ܟܗܢܐ ܒܲܪܟ ܡܪܝܐ ܠܥܒ̈ܕܝܟ ܘܠܐܡ̈ܗܬܟ (f. 28v) (1) ܕܐܪܟܢܘ ܨܘܪ̈ܝܗܘܢ ܩܕܡܝܟ. ܘܠܟ ܡܬܟܫܦܝܢ: ܐܫܘܐ (2) ܐܢܘܢ ܠܪ̈ܚܡܝܟ. ܘܠܚܘܣܝܐ ܕܚ̈ܛܗܐ ܕܝܠܢ ܘܕܝܠܗܘܢ. (3) ܡܛܠ ܕܣܓܝ ܪ̈ܚܡܐ ܘܡܨܐ ܟܠ ܐܝܬܝܟ. ܘܠܟ ܫܘܒܚܐ (4) ܡܣܩܝܢܢ. ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ ܥܡܐ ܐܡܝܢ (5) ܟܗܢܐ ܫܠܡܐ ܠܟܠܟܘܢ ܥܡܐ ܘܠܪܘܚܐ ܟܗܢܐ ܘܬܗܘܐ (6) ܛܝܒܘܬܐ ܕܬܠܝܬܝܘܬܐ ܥܡܐ ܥܡ ܪܘܚܐ ܏ܡܫܡ ܒܕܚܠܬܐ (7) ܢܚܘܪ ܟܗܢܐ ܩܘܕܫ̈ܐ ܠܩܕܝܫ̈ܐ ܥܡܐ ܚܕ ܐܒܐ ܩܕܝܫܐ (8) ܟܗܢܐ ܚܕ ܐܒܐ ܩܕܝܫܐ ܥܡܢ ܐܡܝܢ ܏ܡܫܡ ܢܩܘܡ ܫܦܝܪ

Prayer of Thanksgiving

(9) ܟܠܢ ܥܡܐ ܡܘܕܝܢܢ ܟܗܢܐ ܡܘܕܝܢܢ ܠܟ ܡܪܝܐ ܐܠܗܐ (10) ܘܡܩܒܠܝܢܢ ܛܝܒܘܬܟ. ܥܠ ܐܦ̈ܝ ܡܘܗܒܬܐ ܗܕܐ (11) ܕܝܗܒܬ ܠܢ. ܐܦܠܐ ܫܘܝܢܢ. ܠܐ ܬܣܝܡ ܥܠܝܢ ܒܗܬܬܐ (12) ܕܚ̈ܛܗܝܢ. ܐܠܐ ܥܲܕܪ ܘܦܪܘܩܝܢ ܡܢ ܪ̈ܘܚܐ ܣܩܘܒ̈ܠܝܬܐ (13) ܕܥܡܢ ܡܬܟܬܫ̈ܢ. ܘܐܟܚܕܐ ܢܣܩ ܠܟ ܫܘܒܚܐ ܘܬܘܕܝܬܐ (14) ܥܡܐ ܐܡܝܢ ܟܗܢܐ ܫܠܡܐ ܠܟܠܟܘܢ ܥܡܐ ܘܠܪܘܚܐ (15) ܏ܡܫܡ ܡܢ ܒܬܪ ܢܣܝܒܘܬܐ ܥܡܐ ܩܕܡܝܟ

Concluding Prayer

ܟܗܢܐ (16) ܐܓܢ ܡܪܝܐ ܝܡܝܢܐ ܕܝܠܟ ܘܒܲܪܟ ܠܥܒ̈ܕܝܟ (17) ܘܠܐܡ̈ܗܬܟ ܕܗܪܟܐ ܟܢܝܫܝܢ. ܘܢܛܪ ܐܢܘܢ ܒܨܠܝܒܟ. (18) ܗܘܝ ܠܗܘܢ ܣܬܪܐ ܘܒܝܬܓܘܣܐ. ܡܢ ܟܠܗܘܢ (f. 29r) (1) ܒܥܠܕܒ̈ܒܐ. ܘܫܡܠܐ ܐܢܘܢ ܒܫܦ̈ܥܐ ܕܒܘܪ̈ܟܬܟ. ܘܚܢܢ (2) ܘܗܢܘܢ ܢܣܩ ܠܟ ܫܘܒܚܐ ܘܬܘܕܝܬܐ. ܘܠܐܒܘܟ ܘܠܪܘܚܟ (3) ܩܕܝܫܐ. ܗܫܐ ܏ ܡܫܡ ܒܪܟܡܪܝ ܟܗܢܐ ܒܲܪܟ ܠܟܠܢ (4) ܫܠܡܬ ܐܢܢܐܦܘܪܐ ܕܫܡܥܘܢ ܦܛܪܘܣ ܪܝܫܐ ܕܫܠ̈ܝܚܐ (5) ܨܠܘܬܗ ܥܡܢ