Syriac Liturgy - Anaphoras - The Anaphora of Peter I

transcribed by

Ephrem Aboud Ishac

Project P 36649

Identifying Scattered Puzzles of Syriac Liturgical Manuscripts and Fragments

FWF Österreichischer Wissenschaftsfond

IMAFO

14.07.2024

Available under the Creative Commons Attribution 4.0 International (CC BY 4.0)

Manuscript:

St. Mark Monastery, Jerusalem - SMMJ 97

Title

(f. 48r) (1) ܬܘܒ ܐܢܢܐܦܘܪܐ ܕܡܪܝ ܫܡܥܘܢ ܟܐܦܐ ܪܝܫܐ (2) ܕܫܠܝ̈ܚܐ

Prayer before Peace

(ܩܕܡܝܐ ܨܠܘܬܐ ܕܩܕܡ ܫܠܡܐ ) ܡܪܝܡܐ ܕܠܥܠܡܝܢ ܘܚܝܠܬܢܐ ܒܠܚܘܕܝܗܝ (3) ܚܘܒܐ ܡܫܡܠܝܐ ܘܪܚܡܬܐ ܟܝܢܝܬܐ. ܐܠܗܐ ܕܫܠܡܐ (4) ܘܡܪܐ ܕܫܝܢܐ. ܗܒ ܠܟܠܢ ܘܐܫܘܐ ܠܢ ܕܒܢܫܡܬܐ (5) ܕܠܐ ܦܣܝܩܐ ܡܢ ܪܚܡܬܟ. ܢܥܦܩ ܚܕ ܠܚܕ (6) ܒܚܘܒܐ ܫܪܝܪܐ ܘܒܢܘܫܩܬܐ ܕܠܐ ܙܐܦܐ. ܢܫܬܘܐ (7) ܠܫܝܢܐ ܕܡܢܟ ܗ̇ܘ ܕܠܥܒ̈ܕܝ ܫܠܡܐ ܡܬܝܗܒ (8) ܒܡܐܬܝܬܐ ܕܪ̈ܚܡܐ ܕܐܠܗܐ ܪܒܐ ܘܦܪܘܩܢ (9) ܝܫܘܥ ܡܫܝܚܐ. ܕܒܐܝܕܘ̈ܗܝ ܘܥܡܗ ܠܟ (10) ܦܐܐ ܫܘܒܚܐ ܘܐܝܩܪܐ ܘܐܘܚܕܢܐ ܥܡܐ ܐܡܝܢ

First Benediction

ܟܗܢܐ ܫܠܡܐ (11) ܥܡܐ ܘܠܪܘܚܐ ܏ܡܫܡ ܢܬܠ ܥܡܐ ܐܫܘܐ ܏ܡܫܡ ܡܢ ܒܬܪ ܥܡܐ (12) ܩܕܡܝܟ ܟܗܢܐ ܪܟܝܢܘܬ ܨܘܪ̈ܐ ܕܝܠܢ ܬܚܘ̈ܒܐ ܠܟ (13) ܟܝܬܘ ܩܕܡܝܟ ܡܩܪܒܝܢܢ. ܐܝܟܢܐ ܕܢܥܦܐ ܡܢܟ (14) ܒܘܪܟܬܐ ܗ̇ܝ ܕܡܙܡܢܐ ܠܡܟܝ̈ܟܝ ܠܒܐ. (15) ܡܛܠ ܕܕܝܢܐ ܕܡܚܫ̈ܒܬܐ. ܘܒܨܘܝܐ ܕܗܘ̈ܢܐ. (f. 48v) (1) ܐܝܬܝܟ ܡܪܝܐ. ܘܠܟ ܫܘܒܚܐ ܡܣܩܝܢܢ. ܘܠܝܚܝܕܝܐ ܥܡܐ ܐܡܝܢ

Prayer over the Veil

(2) ܟܗܢܐ ܟܕ ܒܫܦܝܥܘܬܐ ܕܪ̈ܚܡܐ ܥܬܝܪ̈ܐ ܕܝܠܟ ܐܠܗܐ ܐܒܐ. (3) ܠܦܘܪܩܢܐ ܕܝܠܢ ܫܕܪܬ ܠܝܚܝܕܝܐ ܒܪܐ ܕܝܠܟ. ܐܝܟܢܐ (4) ܕܠܗ̇ܘ ܕܛܥܐ ܗܘܐ ܒܬܘܫܐ ܕܚܛܝܬܐ ܒܨܒܝܢܗ. ܢܕܰܠܐ (5) ܘܢܣܩ ܡܢ ܚܒܪܐ ܕܡܘܬܐ ܘܕܣܛܢܐ. ܘܒܩܢܘܡܗ (6) ܥܒ̰ܕ ܕܘܟܵܝܵܐ ܕܚܒܪܬܗ. ܐܢܬ ܐܦ ܗܫܐ ܡܪܝܐ. ܐܢܗܪ (7) ܦܪܨܘܦܟ ܘܢܬܦܪܩ. ܒܥܕܢܐ ܗܢܐ ܕܪ̈ܙܐ ܗܠܝܢ ܩܕܝܫ̈ܐ (8) ܡܬܩܪܒܝܢ. ܟܕ ܬܟ̈ܫܦܬܐ ܕܝܠܢ ܠܟ ܡܩܪܒܝܢܢ. (9) ܕܠܐ ܠܩܘܛܪܓܐ ܢܗܘܘܢ ܠܢ ܐܦܠܐ ܠܚܘܝܒܐ. ܐܠܐ ܠܣܘܡܟܐ (10) ܕܠܒܐ. ܘܠܪܣܳܣܵܐ ܕܬܐܪܬܐ ܕܟܝܬܐ. ܘܠܫܘܒܩܢܐ (11) ܕܟܠܗܝܢ ܠܐ ܢܡܘܣ̈ܝܘܬܐ ܕܝܠܢ. ܒܪܚܡܬ݀ ܐܢܫܘܬܐ ܕܝܠܟ (12) ܘܕܝܚܝܕܝܐ ܗ̇ܘ ܕܡܢܟ ܡܬܘܡܐܝܬ ܐܬܝܠܕ. ܘܕܪܘܚܐ (13) ܦܪܩܠܝܛܐ ܘܡܥܒܕ ܚܝ̈ܐ. ܘܫܘܐ ܠܟ ܒܟܝܢܐ ܘܒܐܘܣܝܐ. (14) ܗܫܐ ܥܡܐ ܐܡܝܢ ܏ܡܫܡ ܢܩܘܡ ܥܡܐ ܪ̈ܚܡܐ ܟܗܢܐ ܚܘܒܐ (15) ܥܡܐ ܥܡ ܪܘܚܐ ܟܗܢܐ ܠܥܠ ܥܡܐ ܐܝܬܝܗܘܢ ܟܗܢܐ ܢܘܕܐ ܥܡܐ (16) ܫܘܐ

Prayer before Sanctus

ܟܗܢܐ ܟܕ ܓܗܝܢ ܫܪܝܪܐܝܬ ܫ̇ܘܐ ܘܙܕܩ ܕܠܟ (17) ܢܫܲܒܚ ܠܟ ܢܣܓܘܕ. ܠܟ ܢܩܲܠܣ. ܠܟ ܢܪܡܪܡ (18) ܥܒܘܕܐ ܕܟܠܗܝܢ ܒܪ̈ܝܬܐ. ܡܬܚ̈ܙܝܢܝܬܐ ܘܠܐ ܡܬܚ̈ܙܝܢܝܬܐ (19) ܡܢ ܗܠܝܢ ܓܝܪ ܩ̈ܠܐ ܕܫܘܒܚܐ ܠܟ ܡܬܩܪܒܝܢ ܬܠܝܬܐ (f. 49r) (1) ܡܫܒܚܝܢܢ ܠܟ ܡܪܝ. ܩܘ̈ܡܐ ܕܡܠܐܟ̈ܐ. ܘܠܓ̈ܝܘܢܐ (2) ܕܪ̈ܒܝ ܡܠܐܟ̈ܐ. ܘܣܝ̈ܥܬܐ ܕܚ̈ܝܠܘܬܐ ܠܐ ܗܘ̈ܠܢܝܐ. (3) ܗܢܘܢ ܕܠܐ ܦܝܘܫܐܝܬ ܡܪܝܡܝܢ ܩܝ̈ܢܬܐ ܕܪ̈ܡܢ ܡܢ (4) ܥ̈ܠܡܐ. ܟܕ ܦܩܕܝܢ ܠܚ̈ܕܕܐ ܕܢܪܝܡܘܢ ܩ̈ܠܐ (5) ܕܗܘ̈ܠܠܐ ܒܠܐ ܡܬܗܦܟܢܘܬܐ. ܒܐܫܝܕܘܬܐ (6) ܕܝܕܥܬܐ ܘܒܪܐܝܬܐ. ܘܒܚܟܡܬܐ ܦܬܝܟܬ݀ ܒܩܘ̈ܕܫܐ (7) ܩ̈ܠܝܗܘܢ ܬܠܝܢ. ܡܲܙܥܩܝܢ ܘܩܥܝܢ ܘܐܡܪܝܢ. (8) ܥܡܐ ܩܕܝܫ

Prayer after Sanctus

ܟܗܢܐ ܟܕ ܓܗܝܢ ܡܢܘ ܓܝܪ ܐܝܬܘܗܝ (9) ܕܠܐ ܣܟܐ ܒܩܘܕܫܐ. ܐܘ ܡ̣ܢ ܡ̇ܢ ܢܒܥܐ ܡܥܝܢܐ (10) ܕܩܕܝܫܘܬܐ. ܐܘ ܒܡܢܘ ܡܐܩܬܐ ܡܪܕܝܬܐ (11) ܕܩܕܝܫ̈ܐ. ܐܠܐ ܒܟ ܐܒܐ ܠܐ ܝܠܝܕܐ. ܘܒܒܪܟ ܝܠܕܐ (12) ܣܓܝܕܐ ܕܡܢ ܥܘܒܟ. ܘܒܪܘܚܟ ܗ̇ܘ ܠܐ ܙܒܢܐܝܬ (13) ܢܦܩ. ܒܩܘܕܫܐ ܠܐ ܡܬܠܒܟܢܐ ܕܗܲܘܢܐ. ܫܪܝ (14) ܒܢ ܘܩܲܕܫ ܠܢ ܘܗܲܕܐ ܠܢ ܠܘ ܡܚܝܠܐܝܬ. ܐܠܐ (15) ܛܘܒܬܢܐܝܬ. ܐܝܟ ܪܚܡܬ݀ ܐܢܫܘܬܟ ܢܗܘܐ ܡܨ̈ܠܠܝ (16) ܡܢ ܚ̈ܫܐ. ܘܡܕܟܝܝ̈ ܡܢ ܥܘܪ̈ܙ ܠܐ ܚ̈ܛܝܬܢܝܐ. (17) ܕܠܡܠܦܢܘܬ ܪ̈ܐܙܐ ܥܒ̈ܝܕܐ ܕܝܚܝܕܝܐ ܒܪܐ ܕܝܠܟ (18) ܢܩܲܒܠ ܘܥܡܟ ܢܗܘܐ ܒܘܣܡܢ

Words of Institution

ܘܬܠܐ ܩܠܗ ܘܟܕ (19) ܠܒܘܣܡܐ ܗ̇ܘ ܕܒܦܓܪܐ ܘܕܡܐ ܩܕܝܫܐ (f. 49v) (1) ܡܛܝܒܐ ܐܝܬܘܗܝ ܗܘܐ ܕܢܫܲܘܬܦܢ. ܘܩܲܪܝܒܘܬܐ (2) ܕܚܲܫܐ ܦܪܘܩܝܐ ܥܬܝܕܐ ܗܘܬ. ܠܚܡܐ ܫܩ̣ܠ (3) ܥܠ ܡܪ̈ܝܡܬ݀ ܡܢ ܛܘܠܫܐ ܐܝܕܝ̈ܐ ܕܝܠܗ. ܘܠܥܠ (4) ܬܠܝܗܝ ܘܒܚܘܪܐ ܗ̇ܘ ܡܬܚܲܙܝܢܐ ܥܡ ܗ̇ܘ ܕܠܐ (5) ܡܬܬܡܝܫ ܠܒܘܪܟܬܐ ܐܫܘܝܗ ܀ ܘܒܲܪܟܗ. (6) ܀ ܘܩܲܕܫܗ ܀ ܘܩܨܐ. ܘܝܗ̣ܒ ܠܬܠ̈ܡܝܕܐ (7) ܫ̈ܠܝܚܐ ܕܝܠܗ ܟܕ ܐܡ̇ܪ. ܕܙ̈ܘܕܐ ܢܗܘܘܢ ܠܟܘܢ (8) ܪ̈ܐܙܐ ܗܠܝܢ. ܕܟܕ ܡܬܬܪܣܝܵܢܐܝܬ ܠܗܢܐ ܟ̃ܠܝܢ ܐܢܬܘܢ (9) ܘܐܫ̣ܪܘ ܕܦܓܪ̈ܐ ܕܝܠܝ ܐܝܬܘܗܝ. ܗ̇ܘ ܕܚܠܦܝܟܘܢ (10) ܘܚܠܦ ܣܓ̈ܝܐܐ ܡܬܩܨܐ. ܘܡܬܝܗܒ ܠܚܘܣܝܐ (11) ܕܚ̈ܘܒܐ. ܘܠܫܘܒܩܢܐ ܕܚ̈ܛܗܐ. ܘܠܚ̈ܝܐ ܕܠܥܠܡ (12) ܥܠܡܝܢ ܟܗܢܐ ܗܟܘܬ ܕܝܢ ܘܠܟܣܐ ܡܢ ܒܬܪ (13) ܕܐܚܫܡܘ. ܡܲܙܓ ܡܢ ܚܡܪܐ ܘܡܢ ܡܝ̈ܐ ܀ ܘܒܲܪܟܗ. (14) ܀ ܘܩܲܕܫܗ ܀ ܘܝܗ̣ܒ ܠܬܠܡ̈ܝܕܐ ܫ̈ܠܝܚܐ ܕܝܠܗ (15) ܟܕ ܐܡ̇ܪ. ܣ̣ܒ. ܐܫ̣ܬܘ ܡܢܗ ܟܠܟܘܢ. ܗܢܐ (16) ܐܝܬܘܗܝ ܕܡܐ ܕܕܝܐܬܝܩܝ ܚܕܬܐ ܕܝܠܝ. ܗ̇ܘ (17) ܕܚܠܦܝܟܘܢ ܘܚܠܦ ܣܓ̈ܝܐܐ. ܡܬܐܫܕ ܘܡܬܝܗܒ (18) ܠܚܘܣܝܐ ܕܚ̈ܘܒܐ ܘܠܫܘܒܩܢܐ ܕܚ̈ܛܗܐ (19) ܘܠܚ̈ܝܐ ܕܠܥܠܡ ܥܠܡܝܢ ܟܗܢܐ ܒܒܣܝܡܘܬ (f. 50r) (1) ܐܕܫܐ ܚܕܬܐ ܕܣܥܘܪܘܬܐ ܐܠܗܝܬܐ ܦܲܩܕ ܐܢܘܢ . (2) ܕܠܕܘܟܪܢܐ ܕܝܠܝ ܟܠ ܐܡܬܝ ܕܡܬܟܲܢܫܝܢ (3) ܐܢܬܘܢ ܣܥܘܪ̈ܘ ܟܕ ܐܟܠܝܢ ܐܢܬܘܢ ܠܠܚܡܐ ܗܢܐ ܕܣܝܡ. (4) ܘܠܡܙܵܓܐ ܕܒܟܣܐ ܗܢܐ ܡܛܝܒ ܫ̇ܬܝܢ ܐܢܬܘܢ. (5) ܡܘܬܐ ܕܝܠܝ ܡܲܥܗܕܝܢ ܐܢܬܘܢ . ܘܒܩܝܡܬܝ (6) ܡܘܕܝܢ ܐܢܬܘܢ ܥܕܡܐ ܕܐܬܐ ܐܢܐ ܥܡܐ ܡܘܬܟ

Anamnesis

ܟܗܢܐ (7) ܠܡܐܬܝܬܐ ܕܪ̈ܚܡܐ ܕܝܠܟ ܡܣܲܟܝܢܢ. ܡܪܝܐ ܡܪܢ (8) ܒܝܬ ܓܘܣܐ ܕܚ̈ܛܝܐ. ܗ̇ܝ ܕܒܗ̇ ܒܘܚܪܢܐ ܗ̇ܘܐ (9) ܕܙܕܝ̈ܩܐ ܘܕܚ̈ܛܝܐ. ܒܦܘܪܥܢܐ ܕܛܒ̈ܬܐ ܘܕܒܝܫ̈ܬܐ. (10) ܡܐ ܕܠܬܒܥܬܐ ܘܠܕܝܢܐ ܩ̇ܪܐ ܐܢܬ ܠܟܠܗܘܢ (11) ܝ̈ܠܝܕܐ. ܘܠܐܝܠܝܢ ܕܦܠܚܘܟ ܒܩܘܫܬܐ ܩܘܫܬܵܢܐܝܬ (12) ܡܒܲܣܡ ܐܢܬ. ܘܠܐܝܠܝܢ ܕܣܛܘ ܡܢ ܫܒܝܠܐ (13) ܕܚ̈ܝܐ ܒܓܗܢܐ ܕܢܘܪܐ ܡܲܘܩܕ ܐܢܬ. ܠܐ ܬܣܝܡ (14) ܥܠܝܢ ܒܗܬܬܐ ܕܚ̈ܛܗܝܢ. ܘܡܚ̈ܝܒܐ ܢܗܘܐ (15) ܕܫܘܬܦܘܬܐ ܕܪ̈ܐܙܐ ܗܠܝܢ ܩ̈ܕܝܫܐ. ܡܛܠ (16) ܕܨܠܡܐ ܕܝܠܟ ܐܬܩܪܝ ܥܠܝܢ. ܠܐ ܢܚܕܐ ܠܢ (17) ܡܠܟܐ ܕܐܐܪ ܥܡ ܫܚܪ̈ܐ ܕܝܠܗ ܒܝ̈ܫܐ ܡܛܠ (18) ܕܒܕܡܐ ܐܬܦܪܩܢܢ. ܐܠܐ ܐܨܡܚ ܥܠܝܢ ܢܘܗܪܟ. (19) ܗ̇ܘ ܕܡܐܬܝܬܟ ܡܲܐܛܠ ܥܠ ܕܚ̈ܠܝܟ (f. 50v) (1) ܘܦܘܪܩܢܐ ܥܓܠ ܢܗܘܐ ܠܢ. ܥܕܬܟ ܓܝܪ ܘܡܪܥܝܬܟ (2) ܠܟ ܡܦܝܣܐ. ܘܒܐܝ̈ܕܝܟ ܘܥܡܟ ܠܐܒܘܟ ܟܕ ܐܡ̇ܪܐ (3) ܥܡܐ ܪ̈ܚܡ ܟܗܢܐ ܐܦ ܚܢܢ ܥܡܐ ܠܟ ܏ܡܫܡ ܡܐ ܕܚܝܠܐ

Invocation of the Holy Spirit

(4) ܟܗܢܐ ܟܕ ܓܗܝܢ ܩܪܝܵܬܐ ܕܪܘܚܐ ܩܕܝܫܐ ܪܚܡ ܥܠܝܢ (5) ܐܠܗܐ. ܪ̈ܚܡ ܥܠܝܢ. ܘܫܲܕܪ ܠܢ ܡܢ ܡܘ̈ܬܒܐ (6) ܡܠ̈ܟܝܐ ܕܝܠܟ. ܘܡܢ ܟܘܪܣܝܟ ܠܐ ܡܣܝܟܐ. (7) ܪܘܚܐ ܕܝܠܟ ܩܕܝܫܐ. ܘܦܪܩܠܝܛܐ. ܗ̇ܘ ܒܪ ܟܝܢܐ (8) ܕܪܒܘܬܟ. ܗ̇ܘ ܫܘܸܐ ܒܐܘܣܝܐ. ܗ̇ܘ ܡܫܲܟܢܢܐ (9) ܕܚܝ̈ܐ. ܘܫܘܸܐ ܒܡܘܬܒܐ. ܘܫܘܸܐ ܒܡܬܘܡܝܘܬܐ. (10) ܗ̇ܘ ܕܥܒ̣ܕ ܒܢ̈ܒܝܐ ܘܒܫܠ̈ܝܚܐ ܘܒܣ̈ܗܕܐ (11) ܘܒܡܘܕܝ̈ܢܐ. ܘܒܡ̈ܠܟܐ ܘܒܡܕܒܪ̈ܢܐ ܘܟ̈ܗܢܐ. (12) ܘܒܟܠܗܘܢ ܩܝܘ̈ܡܐ ܕܥܕܬܐ ܡܗܝܡܢܬܐ. ܗ̇ܘ ܕܐܬܚܙܝ (13) ܒܕܡܘܬܐ ܕܝܘܢܐ ܥܠ ܡܪܝܐ ܕܝܠܢ ܝܫܘܥ ܡܫܝܚܐ (14) ܒܝܘܪܕܢܢ ܢܗܪܐ. ܗ̇ܘ ܕܢܚ̣ܬ ܥܠ ܫܠܝ̈ܚܐ ܕܝܠܟ (15) ܩܕܝ̈ܫܐ ܒܕܡܘܬ ܕܠ̈ܫܢܐ ܕܢܘܪܐ. ܗܫܐ ܢܬܬܢܝܚ (16) ܘܢܫܪܐ ܥܠ ܩܘܪ̈ܒܢܝܢ ܘܥܠܝܢ ܕܘ̈ܝܐ. ܐܝܟܢܐ (17) ܕܢܬܡܨܐ ܕܢܥܪܐ ܠܗܘܦܐ ܘܙܲܠܓܐ ܕܡܐܬܝܬܗ. (18) ܘܡܪܚܦ [In marg. ܘܢܪܚܦ] ܥܠܝܢ ܘܥܠ ܩܘܪ̈ܒܢܐ ܗܠܝܢ ܕܣܝܡܝܢ (19) ܘܢܩܲܕܫ ܐܢܘܢ ܘܬܠܐ ܩܠܗ ܥܢܝܢܝ ܡܪܝܐ ܥܡܐ ܩܘܪܝܠܠܝܣܘܢ (f. 51r) (1) ܟܗܢܐ ܐܝܟܢܐ ܕܟܕ ܡܐܓܢ ܢܥܒܕ ܠܠܚܡܐ ܡ̇ܢ ܗܢܐ. (2) ܀ ܦܓܪܐ ܦܪܘܩܝܐ܀ ܦܓܪܐ ܡܲܥܒܕ ܚܝ̈ܐ. ܦܓܪܐ (3) ܕܝܠܗ ܕܡܪܢ ܘܐܠܗܢ ܘܦܪܘܩܢ ܝܫܘܥ ܡܫܝܚܐ. (4) ܠܚܘܣܝܐ ܕܚ̈ܘܒܐ ܘܠܫܘܒܩܢܐ ܕܚ̈ܛܗܐ ܠܗܠܝܢ (5) ܕܢ̇ܣܒܝܢ ܠܗ ܥܡܐ ܐܡܝܢ ܟܗܢܐ ܗܟܘܬ ܘܠܟܣܐ ܗܢܐ (6) ܢܛܟܣ ܫܩܝܐ ܫܡܝܢܐ܀ ܕܡܐ ܦܪܘܩܝܐ. (7) ܀ ܕܡܐ ܡܥܒܕ ܚܝ̈ܐ ܀ ܕܡܐ ܕܝܠܗ ܕܡܪܢ (8) ܘܐܠܗܢ ܘܦܪܘܩܢ ܝܫܘܥ ܡܫܝܚܐ. ܠܫܘܒܩܢܐ (9) ܕܣ̈ܟܠܘܬܐ ܘܠܥܛܝܐ ܕܚ̈ܛܗܐ ܠܗܠܝܢ ܕܢ̇ܣܒܝܢ ܠܗ. (10) ܥܡܐ ܐܡܝܢ ܟܗܢܐ ܠܗܠܝܢ ܕܝܢ ܕܫ̈ܘܬܦܐ ܗ̇ܘܝܢ (11) ܠܗ. ܢܗܘܐ ܠܗܘܢ ܡܕܟܝܢܐ ܕܢ̈ܦܫܬܐ ܘܕܦܓܪ̈ܐ (12) ܘܠܕܘܒܪ̈ܐ ܐܘܢܓ̈ܠܝܐ. ܘܠܫܘܪܪܐ ܕܥܕܬܐ (13) ܩܕܝܫܬܐ ܩܲܐܬܘܠܝܩܝ. ܗ̇ܝ ܕܫܲܬܐܣܬ ܥܠ (14) ܫܘܥܐ ܕܗܝܡܢܘܬܐ ܘܐܡ̣ܪܬ ܕܬܪ̈ܥܐ ܕܫܝܘܠ (15) ܠܐ ܢܚܣܢܘܢܗ̇. ܟܕ ܡܦܲܨ ܐܢܬ ܠܗ̇. ܡܢ ܐܪ̈ܣܝܣ (16) ܘܟ̈ܫܠܐ ܕܦ̈ܠܚܲܝ ܠܐ ܢܡܘܣ̈ܝܘܬܐ ܠܥܠܡ ܥܠܡܝܢ. (17) ܥܡܐ ܐܡܝܢ

Intercession Prayers

ܟܗܢܐ ܟܕ ܓܗܝܢ ܩܲܒܠ ܬܘܕܝܬܐ ܕܝܠܢ (18) ܐܘ ܡܠܟܢ. ܘܫܲܟܢ ܒܗ̇ ܫܝܢܐ ܠܥܡܟ ܘܫܠܡܐ (19) ܠܡܪܥܝܬܟ. ܘܢܛܘܪܘܬܐ ܕܪ̈ܥܘܬܐ ܬܪ̈ܝܨܝ (f. 51v) (1) ܫܘܒܚܐ. ܡܲܐܠܠܘܢ ܕܝܢ ܕܛܘܒܬܢܘ ܦܐܛܪܝܪܟܘ (2) ܕܝܠܢ ܡܪܝ ܦܠܢ ܘܡܪܝ ܦܠܢ. ܘܚܲܣܝܐ ܕܝܠܢ ܡܪܝ (3) ܦܠܢ. ܥܡ ܫܪܟܐ ܕܟܠܗܘܢ ܐܦܝ̈ܣܩܘܦܐ ܐܪܬܘܕܘܟܣܘ. (4) ܡܠܬܐ ܡܝܩܪܬܐ ܫܲܟܢ ܠܗܘܢ ܕܚܲܣܝܐܝܬ ܢܗܕܪܘܢ (5) ܠܥ̈ܢܟ. ܘܡܢ ܝܘܠܦܢܐ ܕܛܥ̈ܝܐ ܢܣܛܘܢ ܐܢܘܢ ܘܬܠܐ ܩܠܗ (6) ܩܝ̈ܡܝ ܒܐܦ̈ܐ ܚܝ̈ܠܬܢܐ ܣܝܡ ܐܢܘܢ ܡܠܟܐ ܕܠܥܠܡܝܢ. (7) ܘܦܵܣ̈ܩܰܝ ܬܪܝܨܐܝܬ ܠܡܠܬܐ ܕܫܪܪܐ ܚܲܘܐ ܐܢܘܢ. (8) ܐܝܟܢܐ ܕܒܲܒܗܝܠܘܬܐ ܥܲܡܝܩܬܐ ܕܫܲܝܢܐ ܗ̇ܘ ܕܡܢܟ (9) ܚܲܝ̈ܝܗܘܢ ܢܣܓܘܢ. ܘܢܬܪܣܘܢ ܡܲܪ̈ܥܝܬܐ ܕܐܬܩܢܘ (10) ܠܟ ܬܘܪ̈ܣܝܐ ܪ̈ܚܝܩܝ ܡܢ ܢܟܝ̈ܢܐ. ܒܛܝܒܘܬܐ (11) ܘܒܪ̈ܚܡܐ ܘܒܪ̈ܚܡܬ݀ ܐܢܫܘܬܐ ܕܝܚܝܕܝܐ ܒܪܐ (12) ܕܝܠܟ. ܕܒܐܝܕ̈ܘܗܝ ܘܥܡܗ ܠܟ ܦܐܐ ܫܘܒܚܐ ܘܐܝܩܪܐ (13) ܘܐܘܚܕܢܐ ܥܡ ܪܘܚܐ ܥܡܐ ܐܡܝܢ ܟܗܢܐ ܟܕ ܓܗܝܢ (14) ܬܘܒ ܠܡܬܕܟܪܘ ܐܫܘܐ ܡܪܝܐ ܠܗܠܝܢ ܕܦܲܩܕܘ (15) ܠܢ ܕܢܬܕܟܪ ܐܢܘܢ ܒܫܥܬܐ ܗܕܐ ܒܨܠ̈ܘܬܢ ܕܠܘܬܟ. (16) ܘܠܐܝܠܝܢ ܕܩܲܪܒܘ ܩܘܪ̈ܒܢܐ ܗܠܝܢ. ܘܠܐܝܠܝܢ (17) ܕܡܛܠܬܗܘܢ ܐܬܩܲܪܒܘ. ܘܠܐܝܠܝܢ ܕܨܒܘ ܕܢܩܪܒܘܢ (18) ܘܠܐ ܐܬܡܨܝܘ ܚܝܠܐ ܘܬܠܐ ܩܠܗ ܐܬܕܟܪ ܡܪܝܐ (19) ܘܠܗܢܘܢ ܕܣܡ̣ܘ ܒܬܪ̈ܥܝܬܗܘܢ ܕܢܥܲܕܘܢ (f. 52r) (1) ܠܥܕܬܐ ܕܝܠܟ ܩܕܝܫܬܐ ܩܐܬܘܠܝܩܝ ܘܫܠܝܚܝܬܐ. (2) ܒܡܠܬܐ ܕܝܕܥܬܐ ܕܚ̈ܝܐ. ܘܒܣܥܘܪܘܬܐ ܕܠܵܚܡܐ (3) ܠܫܪܪܐ ܕܝܠܟ. ܘܒܝܬ ܓܘܣܐ ܘܡܥܕܪܢܐ ܗܘܝ (4) ܠܗܘܢ. ܟܕ ܡܦܲܨܐ ܐܢܬ ܠܗܘܢ ܡܢ ܟܠ ܡܲܐܟܝܢܘܬܐ (5) ܕܫ̈ܐܕܐ ܘܕܒܢ̈ܝܢܫܐ ܒܝܫ̈ܐ. ܘܠܐ ܡܬܬܦܝ̈ܣܢܐ. (6) ܒܛܝܒܘܬܐ ܘܒܪ̈ܚܡܐ ܘܒܪܚܡܬ݀ ܐܢܫܘܬܐ (7) ܕܝܚܝܕܝܐ ܒܪܐ ܕܝܠܟ ܕܒܐܝ̈ܕܘܗܝ ܘܥܡܗ (8) ܠܟ ܦܐܐ ܥܡܐ ܐܡܝܢ ܟܗܢܐ ܟܕ ܓܗܝܢ ܐܬܕܟܪ ܡܪܝܐ (9) ܘܠܐܝܠܝܢ ܕܡܠܟܘܬܐ ܙܒܢܝܬܐ ܐܚܝܕܝܢ ܡܗ̈ܝܡܢܐ (10) ܘܡܗ̈ܝܡܢܬܐ. ܕܚܢܢ ܘܗܢܘܢ ܒܥܘܡܪܐ ܫܲܠܝܐ (11) ܘܢܝܚܐ ܢܥܡ̣ܪ. ܒܟܠܗ̇ ܕܚܝܠܬ݀ ܐܠܗܐ ܘܢܟܦܘܬܐ (12) ܘܬܠܐ ܩܠܗ ܘܬܪ̈ܥܝܬܐ ܕܐܝܠܝܢ ܕܨ̇ܒܝܢ ܕܡܲܡܠܟܝܢ (13) ܥܠ ܥܡܟ ܠܘܬܟ ܨܠܝ ܡܪܝܐ. ܘܪ̈ܟܝܢܐ (14) ܠܘܬ ܛܒ̈ܬܐ ܫܲܡܠܐ ܐܢܘܢ. ܐܝܟܢܐ ܕܐܦ ܚܢܢ (15) ܢܬܟܲܗܢ ܥܡܗܘܢ ܒܫܲܝܢܐ ܒܩܝܵܘܡܘܬܐ ܕܝܠܗܘܢ. (16) ܘܐܡܝܢܐܝܬ ܫܘܒܚܐ ܡ̇ܣܩܝܢܢ ܠܟ ܘܠܝܚܝܕܝܐ (17) ܥܡܐ ܐܡܝܢ ܟܗܢܐ ܟܕ ܓܗܝܢ ܬܘܒ ܠܡܬܕܟܪܘ (18) ܐܫܘܐ ܡܪܝܐ. ܠܩܕܝܫܬܐ ܘܡܫܲܒܚܬܐ ܘܒܬܘܠܬ݀ (19) ܒܟܠܙܒܢ ܛܘܒܢܝܬܐ ܡܪܝܡ. ܘܥܡܗ ܠܢܒܝ̈ܐ (f. 52v) (1) ܘܠܫܠܝ̈ܚܐ ܘܠܣܗ̈ܕܐ ܘܠܡܘ̈ܕܝܢܐ. ܠ̈ܟܐܢܐ (2) ܘܠܟ̈ܗܢܐ. ܘܠܙܕܝ̈ܩܐ ܕܒܗܝܡܢܘܬܐ ܕܫܪܪܐ ܐܬܓܡܲܪܘ. (3) ܘܠܛܘܒܢܐ ܝܘܚܢܢ ܐܝܙܓܕܐ ܘܡܥܡܕܢܐ. (4) ܘܠܩܕܝܫܐ ܘܡܫܲܒܚܐ ܐܣܛܦܐܢܘܣ ܪܝܫܐ (5) ܕܡܫ̈ܡܫܢܐ ܘܩܕܡܝܐ ܕܣܗ̈ܕܐ. ܘܠܟܠܗܘܢ ܩܕܝܫ̈ܐ (6) ܘܬܠܐ ܩܠܗ ܬܟܫ̈ܦܬܐ ܠܟ ܡܩܲܪܒܝܢܢ ܐܘ ܪܝܫܐ (7) ܐܠܗܐ. ܐܝܠܝܢ ܕܕܠܐ ܡܦܩܢܐ ܐܢ̈ܝܢ ܣ̇ܐܡ ܐܢܬ (8) ܪܘܰܚܬܳܐ. ܘܠܐܝܠܝܢ ܕܕܠܐ ܦܘܪܣܐ ܐܢܝ̈ܢ. ܡܬܦܪ̈ܣܢܝܬܐ (9) ܥ̇ܒܕܐ ܐܢܬ. ܐܫ̣ܘܐ ܠܢ ܠܡܢܵܬܐ ܕܐܝܠܝܢ ܕܐܚܒܘܟ (10) ܘܦܲܠܚܘܟ ܒܩܘܫܬܐ ܘܫܦ̣ܪܘ ܩܕܡܝܟ. (11) ܘܥܘܗܕܢܗܘܢ ܠܥܠܡ ܠܘܬܟ ܐܝܬܘܗܝ. ܘܥܡܢܗܘܢ (12) ܢܫܬܘܐ ܕܢܲܣܩ ܠܟ ܫܘܒܚܐ ܘܩܘܠܣܐ ܠܐ ܡܫܬܠܡܢܐ. (13) ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܥܡܐ ܐܡܝܢ ܟܗܢܐ (14) ܟܕ ܓܗܝܢ ܐܬܕܟܪ ܡܪܝܐ ܘܠܗܢܘܢ ܕܒܒܝܬ ܩܕܝ̈ܫܐ (15) ܩܕܡܘ ܫܟܸܒ ܘܐܬܬܢܝܚܘ. ܐܒܗ̈ܬܐ ܚܣܝܐ (16) ܘܡܠ̈ܦܢܐ ܬܪ̈ܝܨܝ ܫܘܒܚܐ. ܡܐܠܠܘܢ ܕܝܢ ܠܐܝܓܢܐܛܝܘܣ (17) ܘܕܝܘܢܢܘܣܝܘܣ. ܘܠܫܪܟܐ ܕܩܕܝ̈ܫܐ. (18) ܐܝܟܢܐ ܕܒ̈ܨܠܘܬܗܘܢ ܘܒܬܟ̈ܫܦܬܗܘܢ. ܢܬܦܲܨܐ (19) ܡܢ ܢܟܝ̈ܢܘܗܝ ܕܗ̇ܘ ܕܕܰܠܩܘܒܠܐ ܘܡܢ ܒܢܝ̈ܢܫܐ (f. 53r) (1) ܒܝܫ̈ܐ ܘܬܠܐ ܩܠܗ ܘܠܗܢܘܢ ܕܙܗܝܪܐܝܬ ܛܥܢ̣ܘ (2) ܠܣܒܪܬܟ ܡܠܝܬ݀ ܚ̈ܝܐ ܒܟܠܗ̇ ܬܚܝܬ ܫܡܝܐ (3) ܘܠܥܕܬܟ ܩܕܝܫܬܐ ܫܲܪܪܘ ܒܝܕ ܗܝܡܢܘܬܐ ܬܪܝܨܬ (4) ܫܘܒܚܐ. ܐܬܕܟܪ ܡܪܝܐ. ܐܝܟܢܐ ܕܒܨܠ̈ܘܬܗܘܢ ܕܟ̈ܝܬܐ (5) ܐܦ ܠܢ ܫܪܪ ܒܪܚܡܬܟ. ܘܒܣܒܪܐ ܗ̇ܘ (6) ܕܡܢܟ. ܘܒܓܘܕܝ̈ܗܘܢ ܢܲܣܩ ܠܟ ܫܘܒܚܐ ܘܬܘܕܝܬܐ (7) ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܕܝܠܟ ܩܕܝܫ ܒܟܠ (8) ܥܡܐ ܐܡܝܢ ܏ܡܫܡ ܒܝܬܐ ܕܥܢܝ̈ܕܐ ܟܗܢܐ ܟܕ ܓܗܝܢ (9) ܒܝܕ ܕܒܚܐ ܗܢܐ ܕܡܢ ܐܝ̈ܕܝܢ ܚ̈ܛܝܬܐ ܐܬܩܲܪܒ (10) ܠܟ ܡܪܝܐ. ܕܘܟܪܢܐ ܥܒܸܕ ܕܐܒܗ̈ܝܢ ܘܕܐܚ̈ܝܢ (11) ܘܕܪ̈ܒܢܝܢ ܕܩܲܕܡܘ ܫܟܸܒܘ ܚܙܩ̣ܘ ܘܠܘܬܟ (12) ܡܲܢܥܘ. ܘܕܟܠܗܘܢ ܥܢ̈ܝܕܐ ܡܗ̈ܝܡܢܐ ܕܗܪܟܐ (13) ܘܕܒܟܠ ܐܬܪ. ܝܕܝܥܐܝܬ ܕܝܢ ܠܗܠܝܢ (14) ܕܡܛܠܬܗܘܢ ܡܬܩܲܪܒ ܩܘܪܒܢܐ ܗܢܐ ܘܬܠܐ ܩܠܗ (15) ܡܪܝܐ ܡܪܝܐ ܪ̈ܚܡ ܒܢܝ̈ܢܫܐ. ܒܥܘ̈ܒܐ ܐܒܪ̈ܗܡܝܐ (16) ܐܫܪܐ ܘܐܢܝܚ. ܠܐܝܠܝܢ ܕܒܗܝܡܢܘܬܐ ܕܐܪܬܘܕܘܟܣܝܐ (17) ܡܲܠܝܘ ܠܬܚܘܡܐ ܐܢܫܝܐ. ܘܐܫܬܪܝܘ ܡܢ ܚܝ̈ܐ (18) ܗܠܝܢ ܙܒ̈ܢܝܐ ܟܕ ܡܲܥܒܪ ܐܢܬ ܘܫ̇ܒܩ ܐܢܬ (19) ܠܟܠܗܝܢ ܠܐ ܢܡܘܣ̈ܝܘܬܐ ܕܝܠܢ ܘܕܝܠܗܘܢ (f. 53v) (1) ܒܪܚܡܬ݀ ܐܢܫܘܬܐ ܕܝܠܟ. ܡܛܠ ܕܠܐ ܡܬܡܲܨܝܢܝܬܐ (2) ܐܝܬܝܗ ܠܐܝܠܝܢ ܕܪܦܵܦܵܐ ܙܥܘܪܐ ܐܬܗܢܝܘ ܡܢ (3) ܒܘܣܡܐ ܙܒܢܝܐ ܘܕܠܐ ܥܕܠܝ ܢܫܬܲܟܚܘܢ. (4) ܐܠܐ ܗ̇ܘ ܕܡܢ ܥܘܒܟ ܐܬܝܠܕ ܡܬܘܡܐܝܬ. ܡܪܢ (5) ܕܝܢ ܘܐܠܗܢ ܘܦܪܘܩܢ ܝܫܘܥ ܡܫܝܚܐ. ܕܒܐܝ̈ܕܘܗܝ (6) ܐܦ ܚܢܢ ܡܣܲܒܪܝܢܢ [In marg. ܪ̈ܚܡܐ ܠܡܫܟܚܘ ܘܫܘܒܩܢܐ ܕܚ̈ܛܗܐ ܕܡܛܠܬܗ ܐܦܠܢ ܘܠܗܘܢ] ܥܡܐ ܐܢܝܚ

Concluding Intercessions

ܟܗܢܐ ܚܲܪܪ (7) ܘܫܪܝ ܘܫܒܘܩ ܡܪܝܐ ܠܦܲܘ̈ܕܐ ܘܣܟ̈ܠܘܬܐ (8) ܕܥܒ̈ܕܐ ܘܕܐܡ̈ܗܬܐ ܕܝܠܟ ܕܰܟܣ̈ܝܢ ܘܕܓ̈ܠܝܢ. (9) ܕܥܲܡ̈ܘܛܢ ܘܕܢܲܗܝܪ̈ܢ ܕܐܣܬܥܪ̈ܝ ܘܕܥܬܝ̈ܕܢ (10) ܠܐ ܡܬܝ ܕܗ̣ܘ ܨ̇ܒܐ ܐܢܬ. ܟܕ ܡܫܲܘܙܒ ܐܢܬ ܠܢ (11) ܘܠܗܘܢ ܡܢ ܒܗܬܬܐ ܕܩܕܡܝܟ. ܘܠܒܘܣܡܐ (12) ܛܘܒܬܢܐ ܕܝܠܟ ܢܡܲܢܥܘܢ. ܐܝܟܢܐ ܕܒܢ ܘܚܠܦܝܢ (13) ܘܡܛܠܬܢ. ܢܫܬܲܒܚ ܘܢܬܩܲܠܣ ܫܡܐ ܕܝܠܟ (14) ܡܒܪܟܐ ܥܡ ܕܡܪܢ ܝܫܘܥ ܡܫܝܚܐ ܘܪܘܚܟ (15) ܩܕܝܫܐ ܗܫܐ ܥܡܐ ܐܝܟܢܐ

The Second Benediction

ܟܗܢܐ ܫܠܡܐ ܥܡܐ ܘܠܪܘܚܐ (16) ܟܗܢܐ ܢܗܘܘܢ ܥܡܐ ܥܡ ܏ܡܫܡ ܬܘܒ ܘܬܘܒ ܟܗܢܐ (17) ܩ̇ܨܐ ܘܪܫܡ

Prayer before the Lord's Prayer

ܟܗܢܐ ܡܬܟܫܦܝܢܢ ܠܟ ܐܠܗܐ ܘܐܒܐ (18) ܝܨܘܦܐ ܕܚ̈ܝܝܢ ܘܡܒܲܝܐܢܐ ܕܟܡܝܪܘܬܢ ܘܡܠܒܒܵܢܐ (19) ܕܡܚܝܠܘܬܢ. ܗ̇ܘ ܕܠܐ ܙܒܢܐܝܬ ܥܠ ܡܲܘܬܒܐ (f. 54r) (1) ܡܬܬܢܝܚ ܐܢܬ. ܘܒܚܝ̈ܠܘܬܐ ܫܡܝ̈ܢܐ ܚܝܠܬܢܐܝܬ (2) ܡܫܬܲܒܚ ܐܢܬ. ܘܠܠܓܝ̈ܘܢܐ ܫܓܝܪ̈ܬܐ ܡܫܲܗܐ (3) ܐܢܬ. ܒܥܘܙܟ ܠܐ ܡܣܲܝܟܐ. ܠܪ̈ܝܫܝܵܬܰܢ ܕܝܢ (4) ܘܠܩܘܪ̈ܒܢܝܢ ܗܠܝܢ ܕܡܢܢ ܠܟ ܠܐ ܣܢܝܩܐ (5) ܐܬܩܲܪܒ. ܐܫܘܝܬ ܕܬܩܲܕܫ ܘܬܫܲܡܠܐ ܘܬܩܲܒܠ (6) ܒܝܕ ܩܪܝܒܘܬܐ ܕܝܚܝܕܝܐ ܒܪܐ ܕܝܠܟ. ܘܒܝܕ (7) ܡܐܓܢܢܘܬܐ ܕܪܘܚܐ ܕܝܠܟ ܩܕܝܫܐ. ܘܡܢܡ (8) ܟܠܗ ܛܘܠܫܐ ܕܰܟܐ ܠܢ. ܘܚܘܪܪܐ ܕܡܢ ܠܐ ܕܟܝܘܬܐ. (9) ܐܝܟܢܐ ܕܒܚܕܐ ܫܲܘܝܘܬ ܢܫܲܡܬܐ ܬܪܝܨܬܐ. (10) ܘܒܪܚܡܬܐ ܕܠܐ ܫܗܝܐ. ܒܦܐܪܪܝܣܐ (11) ܕܦܲܐܝܐ ܠܒܢܝ̈ܐ ܘܠܐ ܒܲܗܘܬܢܐܝܬ [In marg. ܒܗܝܬܢܐܝܬ] ܢܲܙܥܩ ܘܢܐܡܪ܆ (12) ܐܒܘܢ ܕܒܫܡܝܐ ܥܡܐ ܢܬܩܕܫ

Prayer after the Lord's Prayer

ܟܗܢܐ ܐܝܢ ܐܠܗܢ (13) ܒܣܝܡܐ. ܠܐ ܬܥܠ ܠܢ ܠܢܣܝܘܢܐ ܕܒܘܚܪ̈ܢܶܐ. (14) ܐܝܢܐ ܕܠܐ ܣ̈ܦܩܐ ܐܝܬܝܢ ܠܡܫܩܲܠ. ܐܠܐ ܐܝܟ (15) ܪ̈ܚܡܝܟ ܣܓܝ̈ܐܐ ܥܕܪܝܢ. ܟܕ ܝ̇ܗܒ ܐܢܬ (16) ܠܢ ܡܦܩܢܐ ܡܫܲܝܢܐ. ܘܫܘܘܙܒܐ ܘܦܘܨܝܐ (17) ܕܡܢ ܟܠܗ̈ܝܢ ܡܚ̈ܘܬܐ ܕܪܘܓܙܐ. ܘܡܢ (18) ܙܲܗܡܘܬܐ ܫܐܕܢܵܝܬܵܐ. ܡܛܠ ܕܕܝܠܟ (19) ܐܝܬܘܗܝ ܐܘܚܕܢܐ ܘܫܘܠܛܢܐ. ܘܡܲܠܟܘܬܟ (f. 54v) (1) ܠܥܠܡ ܥܠܡܝܢ ܡܟܲܬܪܐ ܘܠܟ ܫܘܒܚܐ ܘܬܘܕܝܬܐ (2) ܡܣܩܝܢܢ. ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ ܩܕܝܫܐ (3) ܥܡܐ ܐܡܝܢ ܟܗܢܐ ܫܠܡܐ ܥܡܐ ܘܠܪܘܚܐ ܏ܡܫܡ (4) ܡܢ ܩܕܡ ܥܡܐ ܩܕܡܝܟ

The Third Benediction

ܟܗܢܐ ܒܲܪܟ ܡܪܝܐ ܐܠܗܐ (5) ܠܥܒ̈ܕܝܟ ܗܠܝܢ ܕܟܦܝܦܝܢ ܒܨܘܪ̈ܐ ܕܢܦܫ̈ܬܐ (6) ܘܕܦܓܪ̈ܐ ܐܝܬܝܗܘܢ ܘܠܟ ܡܬܟܫܦܝܢ. ܐܫܘܐ ܠܢ (7) ܘܠܗܘܢ ܠܒܘܪ̈ܟܬܐ ܕܪ̈ܐܙܝܟ ܠܐ ܡܛܘ̈ܫܐ. ܘܠܚܘܣܝܐ (8) ܕܚ̈ܛܗܐ ܕܝܠܢ ܘܕܝܠܗܘܢ. ܐܝܟܢܐ ܕܕܟܝܐܝܬ (9) ܘܩܕܝܫܐܝܬ ܢܫܬܘܬܦ ܒܦܓܪܐ ܘܕܡܐ ܕܝܚܝܕܝܐ (10) ܒܪܐ ܕܝܠܟ. ܟܕ ܦ̇ܐܚ ܡܢܢ ܪܝܚܐ ܕܥ̈ܒ̇ܕܐ ܛܒ̈ܐ (11) ܘܢܣܩ ܠܟ ܫܘܒܚܐ ܘܬܘܕܝܬܐ ܘܠܝܚܝܕܝܐ ܒܪܐ (12) ܕܝܠܟ ܘܠܪܘܚܐ ܕܝܠܟ ܩܕܫ ܒܟܠ. ܘܛܒܐ (13) ܥܡܐ ܐܡܝܢ ܟܗܢܐ ܫܠܡܐ ܥܡܐ ܘܠܪܘܚܐ ܟܗܢܐ (14) ܬܗܘܐ ܥܡܐ ܘܥܡ ܏ܡܫܡ ܒܕܚܠܬܐ ܟܗܢܐ ܩܘܕܫ̈ܐ (15) ܥܡܐ ܚܕ ܐܒܐ ܟܗܢܐ ܚܕ ܐܒܐ ܏ܡܫܡ ܢܩܘܡ

Prayer of Thanksgiving

ܥܡܐ (16) ܡܘܕܝܢܢ ܟܗܢܐ ܟܠ ܬܘܕܝܬܐ ܫܪܝܪܬܐ ܘܠܐ (17) ܛܥܘܫܬܐ ܠܟ ܡܩܪܒܝܢܝ ܡܪܝܐ. ܥܠ ܐܦ̈ܝ (18) ܡܘܗܒܬܐ ܗܕܐ ܕܝܗ̣ܒܬ ܠܢ ܟܕ ܠܐ ܫ̇ܘܝܢܢ. (19) ܠܐ ܡܪܝ ܬܣܝܡ ܠܢ ܒܗܬܬܐ ܕܚܛܗ̈ܝܢ. ܘܒܚܘܝܒܐ (f. 55r) (1) ܢܗܘܐ ܕܫܘܬܦܘܬܐ ܕܪ̈ܐܙܐ ܗܠܝܢ ܩܕܝܫ̈ܐ. ܐܠܐ (2) ܒܝܬ ܓܘܣܐ ܘܡܥܕܪܢܐ ܗ̣ܘܝ ܠܢ. ܘܡܢ ܪ̈ܘܚܐ (3) ܣܩܘ̈ܒܠܝܬܐ ܕܗܵܪ̈ܢ ܥܡܢ ܦܲܨܐ ܠܢ. ܒܚܘܠܛܢܐ (4) ܕܝܠܗܘܢ ܘܐܟܚܕܐ ܢܲܣܩ ܠܟ ܫܘܒܚܐ ܘܬܘܕܝܬܐ (5) ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܕܝܠܟ ܩܕܝܫ (6) ܥܡܐ ܐܡܝܢ ܟܗܢܐ ܫܠܡܐ ܥܡܐ ܘܠܪܘܚܐ ܏ܡܫܡ (7) ܡܢ ܒܬܪ ܥܡܐ ܩܕܡܝܟ

Concluding Prayer

ܟܗܢܐ ܐܓܢ ܡܪܝܐ ܝܡܝܢܐ (8) ܕܝܠܟ ܚܲܝܠܬܢܝܬܐ ܘܠܐ ܡܬܚܲܙܝܢܝܬܐ. ܘܒܲܪܟ (9) ܠܥܒ̈ܕܐ ܕܝܠܟ ܗܠܝܢ ܕܒܗܲܝܟܠܟ ܟܢܝܫܝܢ. (10) ܘܢܲܛܪ ܐܢܘܢ ܒܨܠܝܒܟ. ܘܫܲܡܠܐ ܐܢܘܢ ܒܫ̈ܦܥܐ (11) ܕܒܘܪ̈ܟܬܟ. ܐܝܟܢܐ ܕܚܢܢ ܘܗܢܘܢ ܗܪܟܐ (12) ܘܒܥ̈ܠܡܐ ܕܠܐ ܡܲܘܦܝܢ ܘܕܥܬܝܕܝܢ. ܢܣܩ (13) ܠܟ ܫܘܒܚܐ ܘܬܘܕܝܬܐ ܘܠܐܒܘܟ ܘܠܪܘܚܟ ܩܕܝܫܐ. (14) ܫܠܡܬ ܀