edited by
Ephrem Aboud Ishac
IMAFO
2025-02-16
Available under the Creative Commons Attribution 4.0 International (CC BY 4.0)
Manuscript:
Diyarbakir - DIYR 125 (134)
27v-32v: Anaphora of John of Haran
Anaphoras
Syriac Liturgy
Anaphoras
Anaphora of John of Haran - Diyarbakir 125 - Edition
Beta version
Anaphora of John of Haran - Diyarbakir 125 - Edition
Title
(27v) (1) ܐܢܢܦܘܪܐ ܕܩܕܝܫܐ ܕܚܣܝܐ ܡܪܝ ܐܝܘܐܢܢܝܣ (2) ܕܚܪܢ ܘܚܒܘܪܐ ܘܢܨܝܒܝܢ ܕܗܘ ܐܝܬܘܗܝ (3) ܝܥܩܘܒ ܡܢ ܥܘܡܪܐ ܕܡܪܝ ܚܢܢܝܐ ܕܝܪܐ (4) ܕܙܥܦܪܐܢ ܫܢܬ ܐܢܠܓ ܝܘܢܝܬܐ ܩܕܡܝܬ
Prayer before Peace
(28r) (1) ܨܠܘܬܐ ܕܩܕܡ ܕܫܠܡܐ ܐܠܗܐ ܗ̇ܘ ܪܒܐ ܘܡܬܘܡܝܐ (2) ܗ̇ܘ ܕܐܝܬܝܟ ܫܝܢܐ ܘܫܠܡܐ: ܘܚܘܒܐ ܘܡܥܝܢܐ (3) ܕܪ̈ܚܡܐ. ܫܝܢ ܡܪܝ ܠܥܕܬܟ. ܘܢܛܪ ܠܥܠܡܐ (4) ܒܛܝܒܘܬܟ. ܘܢܣܩ ܠܟ ܫܘܒܚܐ ܘܬܘܕܝܬܐ (5) ܘܠܝܚܕܝܐ ܒܪܐ ܕܝܠܟ: ܘܠܪܘܚܐ ܕܝܠܟ ܩܕܝܫܐ܇ ܗܫܐ (6) ܥܡܐ ܐܡܝܢ
The First Benediction
ܟܗܢܐ ܫܠܡܐ ܡܫܡ ܢܬܠ ܥܡܐ (7) ܐܫܘܐ ܟܗܢܐ ܐܓܢ ܡܪܝܐ ܡܪܚܡܢܘܬܟ܆ ܘܦܫܘܛ ܝܡܝܢܟ (8) ܡܠܝܬ ܒܘܪ̈ܟܬܐ܆ ܘܒܲܪܟ ܠܥܒ̈ܕܝܟ ܘܣܓܘ̈ܕܝܟ (9) ܕܪܟܝܢܝܢ ܗܫܐ ܩܕܡܝܟ. ܘܢܲܣܩ ܠܟ ܫܘܒܚܐ (10) ܘܬܘܕܝܬܐ܆ ܘܠܝܚܝܕܝܐ ܒܪܐ ܕܝܠܟ܆ ܘܠܪܘܚܐ (11) ܕܝܠܟ ܩܕܝܫܐ ܗܫܐ ܥܡܐ ܐܡܝܢ
Prayer over the Veil
ܟܗܢܐ ܚܲܝܠ ܠܢ (12) ܐܘ̄ ܡܪܝܐ ܠܘܬ ܗ̇ܝ ܕܢܩܲܪܒ ܠܟ ܕܒܚܐ ܗܢܐ (13) ܪܘܚܢܝܐ ܘܕܠܐ ܕܡܐ ܚܠܦ ܚܛܗ̈ܐ ܕܣܟ̈ܠܘܬܐ (14) ܕܡܪܥܝܬܟ܆ ܐܝܟܢܐ ܕܬܠܚܐ ܘܬܥܒܪ ܠܠܐ (15) ܢܡܘܣ̈ܝܬܐ ܕܝܠܢ܆ ܘܢܣܩ ܠܟ ܫܘܒܚܐ ܘܬܘܕܝܬܐ (28v) (1) ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܕܝܠܟ ܩܕܝܫܐ ܗܫܐ (2) ܥܡܐ ܐܡܝܢ ܡܫܡ ܢܩܘܡ ܟܗܢܐ ܚܘܒܐ ܥܡܐ (3) ܥܡ ܟܗܢܐ ܠܥܠ ܥܡܐ ܐܝܬܝܗܘܢ ܟܗܢܐ ܢܘܕܐ (4) ܥܡܐ ܫܘܐ ܘܙܕܩ
Prayer before Sanctus
ܟܗܢܐ ܓܗܢܬܐ ܠܟ ܡܠܟܐ (5) ܕܡܠܟ̈ܐ ܐܠܗܐ܆ ܥܡ ܒܪܐ ܘܪܘܚܐ ܩܕܝܫܐ ܙܕܩܐ (6) ܘܡܬܬܚܝܒܐ ܟܠܗ ܬܘܕܝܬܐ ܘܬܠܐ ܩܠܗ ܟܠܗܘܢ (7) ܛܟ̈ܣܐ ܘܬܓܡ̈ܐ ܘܚܝ̈ܠܐ ܫܡܝ̈ܢܐ܇ ܡܠܐܟ̈ܐ ܘܪ̈ܝܫܝ (8) ܡܠܐܟ̈ܐ܆ ܟܪ̈ܘܒܐ܆ ܘܣܪ̈ܦܐ܆ ܡܘ̈ܬܒܐ܆ ܘܡܪ̈ܘܬܐ܆ (9) ܠܐ ܡܬܚܙܝ̈ܢܐ ܘܠܐ ܡܬܡܢ̈ܝܢܐ܆ ܕܠܐ ܫܲܠܘܐ ܡܩܠܣܝܢ (10) ܘܡܗܕܪܝܢ܆ ܟܕ ܒܦܘ̈ܡܐ ܠܐ ܓܫܝ̈ܡܐ ܘܒܒܢ̈ܬ (11) ܩ̈ܠܐ ܕܠܐ ܡܬܡ̈ܠܠܢ܆ ܬܫܒܘܚܬܐ ܕܙܟܘܬܐ ܡܫܒܚܝܢ (12) ܘܡܙܥܩܝܢ ܘܩܥܝܢ ܘܐܡܪܝܢ ܥܡܐ ܩܕܝܫ ܩܕܝܫ ܩܕܝܫ
Prayer after Sanctus
(13) ܟܗܢܐ ܓܗܢܬܐ܆ ܫܪܝܪܐܝܬ ܩܕܝܫܐ ܐܝܬܝܟ ܐܠܗܐ (14) ܐܒܐ ܘܪܘܚܐ ܩܕܝܫܐ ܕܝܠܟ ܕܡܬܩܕܫ ܐܡܝܢܐܝܬ (15) ܥܡ ܒܪܟ ܩܕܝܫܐ ܡܪܢ ܝܫܘܥ ܡܫܝܚܐ
Words of Institution
ܘܬܠܐ (29r) (1) ܩܠܗ ܗ̇ܘ ܕܟܕ ܡܛܠܬܢ ܒܚܘܒܗ ܐܬܒܣܪ (2) ܘܡܛܠ ܦܘܪܩܢܢ ܐܣܬܪܩ ܨܒܝܢܐܝܬ܆ ܘܚܲܫ (3) ܒܒܣܪ܆ ܒܠܠܝܐ ܗ̇ܘ ܕܚܫ̈ܐ ܢܣ̣ܒ ܠܚܡܐ ܥܠ (4) ܐܝ̈ܕܘܗܝ ܩܕܝ̈ܫܬܐ܆ ܘܒ݊ܪ݊ܟ ܘܩܕ݊ܫ ܘܩܨ݉ܐ (5) ܘܝܗ̰ܒ ܠܬܠܡ̈ܝܕܘܗܝ ܘܐܡ̣ܪ: ܣܒܘ ܐܟܘܠܘ (6) ܗܢܘ ܦܓܪܐ ܕܝܠܝ܆ ܕܡܬܝܗܒ ܠܫܘܒܩܢܐ (7) ܕܚ̈ܛܗܐ ܘܠܚܝ̈ܐ ܕܠܥܠܡ ܥܠܡܝܢ ܥܡܐ ܐܡܝܢ (8) ܟܗܢܐ ܗܟܘܬ ܕܝܢ ܘܟܣܐ ܢܣ̰ܒ: ܘܒ݊ܪ݊ܟ (9) ܘܩܕ݊ܫ܆ ܘܝܗܒ ܠܬܠܡ̈ܝܕܘܗܝ ܘܐܡ̰ܪ: ܣܒܘ (10) ܐܫܬܘ ܡܢܗ ܟܠܟܘܢ ܠܚܘܣܝܐ ܕܚܘ̈ܒܐ ܘܠܫܘܒܩܢܐ (11) ܕܚܛܗ̈ܐ ܘܠܚ̈ܝܐ ܕܠܥܠܡ ܥܠܡܝܢ ܥܡܐ ܐܡܝܢ (12) ܟܗܢܐ ܘܩܕܡ ܦܩܕ ܟܕ ܐܡܪ: ܕܟܠ ܐܡܬܝ (13) ܕܒܪܐܙܐ ܗܢܐ ܩܕܝܫܐ ܬܬܒܣܡܘܢ ܠܡܘܬܐ (14) ܘܩܝܡܬܐ ܕܝܠܝ ܗܘܝܬܘܢ ܡܬܥܗܕܝܢ ܥܕܡܐ (15) ܠܡܐܬܝܬܐ ܕܝܠܝ ܥܡܐ ܡܘܬܟ
Anamnesis
ܟܗܢܐ (29v) (1) ܚܢܢ ܡܪܝ ܥܒ̈ܕܐ ܕܝܠܟ ܚܛܝ̈ܐ ܘܡܣ̈ܟܠܢܐ ܡܬܥܗܕܝܢܢ (2) ܠܟܠܗ̇ ܡܕܒܪܢܘܬܐ ܦܪܘܩܝܬܐ܆ ܘܠܡܐܬܝܬܟ (3) ܕܬܪ̈ܬܝܢ ܕܚܝܠܬܐ ܘܡܫܒܚܬܐ ܕܡܢܗ̇ ܟܕ ܙܝܥܝܢܢ (4) ܘܪ̈ܥܠܝܢܢ܆ ܒܥܘܬܐ ܘܬܟܫܦܬܐ ܠܟ ܡܩܪܒܝܢܢ (5) ܘܒܐܝ̈ܕܝܟ ܘܠܐܒܘܟ ܡܦܝܣܝܢܢ ܟܕ ܐܡܪܝܢܢ (6) ܥܡܐ ܪܚܡܥܠܝܢ ܟܗܢܐ ܘܐܦܚܢܢ ܡܫܡ ܡܐ ܕܚܝܠܐ (7) ܟܗܢܐ ܩܪܝܬܐ ܕܪܘܚܐ ܩܕܝܫܐ
Invocation of the Holy Spirit
ܪܘܚܐ ܩܕܝܫܐ ܫܕܪ (8) ܡܪܝܐ ܡ̣ܢ ܡܥܡܪܟ ܩܕܝܫܐ܆ ܘܢܐܓܢ ܘܢܫܪܐ ܥܠ (9) ܠܚܡܐ ܗܢܐ ܘܡܙܵܓܐ ܗܢܐ ܕܣܝܡ܆ ܘܢܩܕܫ ܐܢܘܢ܆ (10) ܘܠܝ ܕܟܝܐ ܘܡܨܠܠܐ ܢܥܒܕ ܟܗܢܐ ܥܢܝܢܝ (11) ܥܡܐ܇ ܩܘܪ. ܩܘܪ. ܩܘܪ ܟܗܢܐ ܘܠܠܚܡܐ ܗܢܐ (12) ܢܚܘܐ ܦ݊ܓ݊ܪ݊ܐ ܕܡܫܝܚܐ ܐܠܗܐ ܕܝܠܢ ܥܡܐ (13) ܐܡܝܢ ܟܗܢܐ ܘܠܡܙܓܐ ܕܒܟܣܐ ܗܢܐ ܢܫܡܠܐ (14) ܕ݊ܡ݊ـ݊ܐ ܕܝܠܗ ܕܡܫܝܚܐ ܐܠܗܐ ܕܝܠܢ ܥܡܐ (15) ܐܡܝܢ ܟܗܢܐ ܐܝܟܢܐ ܕܟܠ ܕܡܫܬܘܬܦ ܡܢܗܘܢ (30r) (1) ܝܪܬܐ ܒܡܠܟܘܬܐ ܕܫܡܝܐ ܢܗܘܐ܆ ܒܚܝ̈ܐ ܚ̈ܕܬܐ (2) ܥܡ ܩܕܝ̈ܫܐ ܢܬܒܣܡ܆ ܘܢܣܩ ܠܟ ܫܘܒܚܐ (3) ܘܬܘܕܝܬܐ܆ ܘܠܝܚܕܝܐ ܒܪܐ ܕܝܠܟ܆ ܘܠܪܘܚܐ (4) ܕܝܠܟ ܩܕܝܫܐ܆ ܗܫܐ
Intercession Prayers
ܓܗܢܬܐ ܠܪ̈ܥܘܬܐ (5) ܘܡܕܒܪ̈ܢܐ ܕܥܕܬܐ ܘܩܝܡܐ ܟܠܗ ܟܗܢܝܐ ܐܬܕܟܪ (6) ܡܪܝܐ. ܬܠܝܬܐ܆ ܐܢܗܪ ܡܪܝܐ ܒܪ̈ܚܡܝܟ ܒܢܘܗܪܐ (7) ܕܝܘܠ̈ܦܢܝܟ ܐܠܗ̈ܝܐ. ܘܙܒ̈ܢܐ ܛܒ̈ܐ ܘܚܝ̈ܐ ܒܗܝ̈ܠܐ (8) ܘܡܫܪ̈ܬܚܝ ܒܫܠܡܐ ܫܟܢ ܠܢ. ܘܢܣܩ ܠܟ ܫܘܒܚܐ (9) ܘܬܘܕܝܬܐ܆ ܘܠܝܚܝܕܝܐ ܓܗܢܬܐ ܠܥܡܟ ܡܗܝܡܢܐ (10) ܘܬܪܝܨ ܫܘܒܚܐ܆ ܕܗܪܟܐ ܘܕܒܟܠ ܕܘܟ ܐܬܕܟܪ (11) ܬܠܝܬܐ ܠܡܛܪ̈ܦܐ ܘܪ̈ܕܝܦܐ ܘܠܐܠܝ̈ܨܐ ܘܡܥܩ̈ܐ (12) ܠܡܣ̈ܟܢܐ܆ ܘܣ̈ܢܝܩܐ܆ ܠܐܟ̈ܣܢܝܐ ܘܒܝ̈ܫܐ܆ ܠܐܣܝܪ̈ܐ܆ (13) ܘܡܫܘ̈ܚܕܐ܆ ܠܝ̈ܬܡܐ ܘܠܐܪ̈ܡܠܬܐ܆ ܦܲܪܢܣ ܘܕܰܒܰܪ (14) ܒܪ̈ܚܡܝܟ ܡܪܝܐ: ܘܢܣܩ ܠܟ ܫܘܒܚܐ ܘܬܘܕܝܬܐ. (15) ܓܗܢܬܐ ܠܡܠ̈ܟܐ ܡܗܝܡ̈ܢܐ ܘܐܚܝ̈ܕܐ܆ ܥܒ̈ܕܝ (30v) (1) ܨܒܝܢܟ ܐܬܕܟܪ ܡܪܝܐ ܬܠܝܬܐ ܘܠܢ ܗܒ ܘܫܟܢ (2) ܒܛܝܒܘܬܟ ܡܪܝܐ. ܕܚܝ̈ܐ ܢܝ̈ܚܐ ܘܒܣܝ̈ܡܐ ܢܚܸܐ (3) ܩܕܡܝܟ. ܘܒܪ̈ܚܡܐ ܢܬܚܙܐ ܒܥܝ̈ܢܐ ܕܐܝܠܝܢ (4) ܕܡܕܒܪܝܢ ܠܢ ܘܢܣܩ ܠܟ ܫܘܒܚܐ ܘܬܘܕܝܬܐ: (5) ܓܗܢܬܐ ܠܒܬܘܠܬ ܡ݊ܪ݊ܝ݊ܡ ܝܠܕܬ ܐܠܗܐ (6) ܘܠܝܘܚܢܢ ܡܥܡܕܢܐ: ܘܠܟܘܗܘܢ ܡܢܝ̈ܚܢܐ (7) ܕܝܠܟ ܐܕܟܪ ܡܪܝܐ ܬܠܝܬܐ ܒܒܥܘܬܐ ܘܒܬܟܫܦܬܐ (8) ܕܐܝܠܝܢ ܕܒܕܘܒܪ̈ܐ ܕܟܐܢܘܬܐ ܪܥܝܘܟ܆ ܐܫܘܐ ܠܢ (9) ܠܡܢܬܐ ܘܦܣܐ ܕܥܡܗܘܢ ܡܪܝܐ. ܘܢܣܩ ܠܟ (10) ܫܘܒܚܐ ܘܬܘܕܝܬܐ ܓܗܢܬܐ ܠܐܒܗ̈ܬܐ ܩܕܝ̈ܫܐ ܘܡܠܦ̈ܢܐ (11) ܒܚܝܪ̈ܐ ܘܡܐܪ̈ܙܢܐ ܕܫܪܪܐ ܐܬܕܟܪ ܡܪܝܐ ܬܠܝܬܐ (12) ܘܥܠ ܫܘܥܐ ܕܗܝܡܢܘܬܐ ܬܪܝܨܬ ܫܘܒܚܐ (13) ܕܬܠܬ ܣܘ̈ܢܢܕܘ ܩܕܝ̈ܫܬܐ ܫܪܪ ܠܟܠܢ ܒܛܝܒܘܬܟ (14) ܡܪܝܐ܆ ܕܢܣܩ ܠܟ ܫܘܒܚܐ ܘܬܘܕܝܬܐ ܓܗܢܬܐ (15) ܘܠܐܒ̈ܗܝܢ ܘܐܚܝ̈ܢ ܘܪ̈ܒܢܝܢ ܘܟܠܗܘܢ ܥܢܝ̈ܕܝܢ (31r) (1) ܡܗܝ̈ܡܢܐ܆ ܐܬܕܟܪ ܡܪܝܐ ܬܠܝܬܐ ܘܠܐܡܬܬܚ̈ܕܢܐ (2) ܠܚܝ̈ܠܘܬܐ ܕܚܫܘܟܐ ܚܘܐ ܐܢܘܢ. ܘܡܢ ܠܒܘܟܝܐ (3) ܕܪ̈ܘܚܐ ܒܝ̈ܫܬܐ ܫܘܙܒ ܐܢܘܢ. ܘܡܢ ܬܫܢܝ̈ܩܐ (4) ܘܕܘ̈ܘܢܐ ܦܲܨܐ ܐܢܘܢ. ܘܐܕܢܚ ܥܠܝܢ ܘܥܠܝܗܘܢ (5) ܢܘܗܪܐ ܕܝܚܝܕܝܐ ܒܪܐ ܕܝܠܟ܆ ܘܒܐܝ̈ܕܘܗܝ ܐܦܚܢܢ (6) ܡܣܒܪܝܢܢ ܪ̈ܚܡܐ ܠܡܫܟܚܘ܆ ܘܫܘܒܩܢܐ (7) ܕܚ̈ܛܗܐ ܕܡܛܠܬܗ ܐܦܠܢ ܘܠܗܘܢ ܥܡܐ (8) ܐܢܝܚ
Concluding Intercessions
ܟܗܢܐ ܫܡܥ ܠܢ ܐܘ̄ ܡܪܝܐ ܡܛܠ (9) ܣܘܓܐܐ ܕܪ̈ܚܡܝܟ܆ ܘܦܪܘܩ ܠܢ ܘܠܗܘܢ ܡ̰ܢ (10) ܕܝܢܐ ܕܥܬܝܕ܆ ܘܡ̰ܢ ܫܘ̈ܢܩܐ ܕܢܛܝܪܝܢ ܠܪ̈ܫܝܥܐ. (11) ܐܝܟܢܐ ܕܐܦ ܒܗܕܐ ܐܟܡܐ ܕܒܟܠܗܝܢ ܢܫܬܒܚ (12) ܘܢܬܩܠܣ ܫܡܟ ܡܝܩܪ ܒܟܠ ܘܡܒܪܟܐ܆ ܥܡ (13) ܕܡܪܢ ܝܫܘܥ ܡܫܝܚܐ ܘܪܘܚܟ ܩܕܝܫܐ ܥܡܐ (14) ܐܝܟܢܐ
The Second Benediction
ܟܗܢܐ ܫܠܡܐ ܥܡܐ ܘܠܪܘܚܐ ܟܗܢܐ (15) ܢܗܘܘܢ ܡܫܡ ܩܐܬܘܠܝܩܝ ܟܗܢܐ ܩܨܐ ܘܪܫܡ
Prayer before the Lord's Prayer
(31v) (1) ܟܗܢܐ ܨܠܘܬܐ ܕܐܒܘܢ ܕܒܫܡܝܐ ܐܠܗܐ ܗ̇ܘ ܪܒܐ (2) ܘܚܝܠܬܢܐ: ܗ̇ܘ ܕܒܪܚܡܬ ܐܢܫܘܬܟ ܩܪܰܝܬ (3) ܘܩܰܪܒܬܢ ܠܡܘܗܒܬܐ ܗܕܐ ܐܠܗܝܬܐ ܒܐܝܕ̈ܝܗ̇ (4) ܠܟ ܐܒܐ ܡܫܒܚܝܢܢ܆ ܘܠܪܘܚܐ ܩܕܝܫܐ ܣܓܕܝܢܢ܆ (5) ܘܠܨܠܘܬܐ ܡܪܢܝܬܐ ܗ̇ܝ ܕܝܚܝܕܝܐ ܒܪܐ ܕܝܠܟ (6) ܡܙܡܪܝܢܢ܆ ܟܕ ܒܨܘܠܠܐ ܕܗܰܘܢܐ ܘܒܡܪܝܩܘܬܐ (7) ܕܪܥܝܢܐ܆ ܘܒܦܫܝܛܘܬܐ ܕܠܫܢܐ܆ ܘܒܕܟܝܘܬܐ (8) ܕܦܓܪܐ ܘܒܢܦܫܐ ܕܩܰܢܝܐ ܦܰܪܗܣܝܐ܆ ܢܡܪܚ (9) ܠܡܩܪܐ ܠܟ ܐܠܗܐ ܫܡܝܢܐ ܐܒܐ ܐܚܝܕ ܟܠ (10) ܘܩܕܝܫܐ. ܘܢܨܠܐ ܘܢܐܡܪ܆ ܐܒܘܢ ܕܒܫܡܝܐ (11) ܥܡܐ܆ ܢܬܩܕܫ
Prayer after the Lord's Prayer
ܟܗܢܐ ܐܝܢ ܐܒܐ ܛܒܐ (12) ܘܡܪܚܡܢܐ܆ ܗ̇ܘ ܕܐܫܘܝܬܢ ܕܒ̈ܢܝܐ ܕܝܠܟ ܢܬܩܪܐ (13) ܦܨܐ ܠܢ ܡܢ ܢܣ̈ܝܘܢܐ ܥܣ̈ܩܐ ܘܫܘܙܒܝܢ ܡ̣ܢ (14) ܒܝܫܐ ܘܟܠܗ ܚܝܠܗ܆ ܘܡܢ ܡܐܟܝܢܘܬܐ ܕܐܢܫ̈ܐ (15) ܒܝ̈ܫܐ. ܘܢܣܩ ܠܟ ܫܘܒܚܐ ܘܬܘܕܝܬܐ ܘܠܝܚܝܕܝܐ (32r) (1) ܒܪܐ ܕܝܠܟ ܘܠܪܘܚܐ ܕܝܠܟ ܩܕܝܫܐ܆ ܗܫܐ ܥܡܐ (2) ܐܡܝܢ ܟܗܢܐ ܫܠܡܐ ܥܡܐ ܥܡ (ܪܘܚܐ) ܡܫܡ ܡܢܩܕܡ
The Third Benediction
(3) ܟܗܢܐ ܡܠܟܐ ܪܒܐ ܘܐܚܝܕ ܟܠ ܗ̇ܘ ܕܬܚܝܬ (4) ܫܒܛܐ ܕܪܝܫܢܘܬܗ ܟܠܗܝܢ ܒܪ̈ܝܬܐ ܡܪ̈ܟܢܢ܆ (5) ܫܕܪ ܒܘܪ̈ܟܬܐ ܕܝܠܟ ܥܠ ܥܕܬܐ ܕܝܠܟ ܩܕܝܫܬܐ (6) ܕܪܟܝܢܐ ܗܫܐ ܩܕܡܝܟ. ܘܢܣܩ ܠܟ ܫܘܒܚܐ ܘܬܘܕܝܬܐ܆ (7) ܘܠܝܚܝܕܝܐ ܒܪܐ ܕܝܠܟ. ܘܠܪܘܚܐ ܕܝܠܟ ܩܕܝܫܐ (8) ܗܫܐ ܥܡܐ ܐܡܝܢ ܟܗܢܐ ܫܠܡܐ ܥܡܐ ܘܠܪܘܚܐ (9) ܡܫܡ ܘܥܡ ܟܗܢܐ ܬܗܘܐ ܥܡܐ ܚܕ ܐܒܐ (10) ܟܗܢܐ ܚܕ ܐܒܐ ܥܡܐ ܡܘܕܝܢܢ
Prayer of Thanksgiving
ܟܗܢܐ ܨܠܘܬܐ ܕܩܘܒܠ (11) ܛܝܒܘܬܐ ܡܩܒܠܝܢܢ ܛܝܒܘܬܟ ܐܠܗܐ (12) ܘܡܘܕܝܢܢ ܠܫܡܟ܆ ܘܐܫܘܝܬܢ ܗܢܘܢ ܕܠܐ ܫܘܝܢ (13) ܗܘܝܢ ܠܗܕܐ ܡܘܗܒܬܐ ܐܠܗܝܬܐ܆ ܕܦܓܪܐ (14) ܘܕܡܐ ܕܝܚܝܕܝܐ ܒܪܐ ܕܝܠܟ. ܘܢܣܩ ܠܟ (15) ܫܘܒܚܐ ܘܬܘܕܝܬܐ ܘܠܝܚܝܕܝܐ ܒܪܐ ܕܝܠܟ (32v) (1) ܘܠܪܘܚܐ ܕܝܠܟ ܩܕܝܫܐ. ܗܫܐ ܥܡܐ ܐܡܝܢ (2) ܟܗܢܐ ܫܠܡܐ ܡܫܡ ܡܢܒܬܪ ܥܡܐ ܩܕܡܝܟ
Concluding Prayer
(3) ܟܗܢܐ ܝܫܘܥ ܡܫܝܚܐ ܐܠܗܐ ܕܝܠܢ ܕܒܨܒܝܢܟ (4) ܘܕܐܒܘܟ ܘܕܪܘܚܟ ܩܕܝܫܐ ܚܠܦܝܢ ܐܬܕܒܚܬ܆ (5) ܘܦܓܪܟ ܚܝܐ ܐܘܟܠܬܢ ܘܕܡܟ ܡܚܣܝܢܐ (6) ܐܫܩܝܬܢ܆ ܫܪܪܝܢ ܒܚܘܒܟ ܘܡܠܝ ܠܢ ܕܚܠܬܟ. (7) ܣܲܬܬ ܒܢ ܗܝܡܢܘܬܟ܆ ܨܒܬ ܠܢ ܒܕܘܒܪ̈ܐ (8) ܕܠܐ ܥܕܠܝ܆ ܘܫܒܘܩ ܚ̈ܘܒܝܢ ܘܕܥܢܝ̈ܕܝܢ. (9) ܐܝܟܢܐ ܕܐܡܝܢܐܝܬ ܘܒܟܠܙܒܢ ܢܫܒܚܟ܆ (10) ܘܠܐܠܗܐ ܐܒܐ ܝܠܘܕܟ܆ ܘܠܪܘܚܟ ܩܕܝܫܐ. (11) ܗܫܐ ܘܒܟܠܙܒܢ ܠܥܠܡܝܢ ܡܫܡ ܒܪܟܡܪܝ (12) ܟܗܢܐ ܒܪܟ ܠܟܠܢ
Final Sentence
ܫܠܡܬ ܐܢܢܐܦܘܪܐ (13) ܕܩܕܝܫܐ ܘܚܣܝܐ ܡܪܝ ܐܝܘܐܢܢܝܣ (14) ܨܠܘܬܗ ܥܡܢ (15) ܒܚܘܒܗ ܕܡܪܢ ܨܰܠܰܘ ܥܠ ܚܛܝܐ ܕܟܬܒ
