Syriac Liturgy

prepared and edited by

Ephrem Aboud Ishac

Project P 36649

Identifying Scattered Puzzles of Syriac Liturgical Manuscripts and Fragments

IMAFO

2024-11-30

Available under the Creative Commons Attribution 4.0 International (CC BY 4.0)

Manuscript:

- Dam. 5/11 (SOP 143)

Title

(f. 257) (1) ܐܢܢܦܘܪܐ ܕܩܕܝܫܐ ܡܪܝ ܐܝܘܐܢܢܝܘܣ ܏ܐܦܝܣ ܐܘܟܝܬ ܦܐܛܪܝܪܟ (2) ܕܩܘܣܛܢܛܢܘܦܘܠܝܣ ܩܕܡܝܐ

Prayer before Peace

(2) ܨܠܘܬܐ ܕܩܕܡ ܫܠܡܐ (3) ܡܪܝܐ ܐܠܗܐ ܐܚܝܕ ܟܠ܆ ܗ̃ܘ ܫܡܐ ܪܒܐ (4) ܘܩܕܝܫܐ ܘܡܫܲܒܚܐ ܘܓܢܒܪܐ ܕܥܠܡ̈ܐ. ܗ̃ܘ (5) ܕܡܢ ܟܠܗܝܢ ܐܝܠܝܢ ܕܠܘܩܒܠ ܨܒܝܢܐ (6) ܕܐܠܗܘܬܟ ܐܝܬܝܗܝܢ ܡܫܲܘܙܒ ܐܢܬ ܠܐܝܠܝܢ (7) ܕܟܐܢܐܝܬ ܡܲܐܚܒܝܢ ܠܟ. ܘܐܦ ܠܢ ܠܥܒ̈ܕܐ (8) ܘܤ̈ܓܘܕܐ ܕܝܠܟ ܐܫܘܐ ܐܘ̄ ܡܪܝܐ܆ ܕܟܕ ܕܟܝܢܢ (9) ܡܢ ܟܠܗ̇ ܒܝܫܘܬ ܢܟܠܗ ܕܐܟܠ ܩܪܨܐ܆ (f. 258) (1) ܘܡܢ ܚܘ̈ܫܒܝܘܗܝ ܙܐܦ̈ܢܐ ܕܝܗܘܕܐ ܡܒܥܕܝܢܢ܆ (2) ܘܠܚܘܒܟ ܐܠܗܝܐ ܡܬܢܲܩܦܝܢܢ܆ ܢ̇ܥܦܩ ܠܚ̈ܕܕܐ (3) ܒܢܘܫܩܬܐ ܩܕܝܫܬܐ ܘܡܪܢܝܬܐ܆ ܘܡܥܦܩܬ (4) ܒܢ̈ܝܐ. ܘܐܫܘܐ ܠܢ ܕܟܠܗܘܢ ܝܘ̈ܡܬܐ ܕܚ̈ܝܝܢ (5) ܫܠܡܐ ܢܡܲܠܠ ܥܡ ܚܕܕܐ܆ ܘܫܠܡܐ (6) ܢܬܚܲܫܒ ܘܫܠܡܐ ܢܣܥܘܪ. ܘܢܫܬܘܐ ܠܛܒ̈ܬܐ (7) ܫܡܝ̈ܢܝܬܐ ܘܕܠܥܠܡ. ܒܛܝܒܘܬܐ ܘܒܪ̈ܚܡܐ (8) ܘܒܪܚܡܬ ܐܢܫܘܬܐ ܕܝܚܝܕܝܐ ܒܪܐ ܕܝܠܟ. (9) ܕܒܐܝ̈ܕܘܗܝ ܘܥܡܗ܆ ܘܠܟ ܦܐܐ ܫܘܒܚܐ (10) ܘܐܝܩܪܐ ܘܐܘܚܕܢܐ ܥܡ ܪܘܚܐ ܕܝܠܟ ܩܕܝܫ (11) ܒܟܠ ܘܛܒܐ.

The First Benediction

ܥܡܐ : ܐܡܝܢ. ܟܗܢܐ : ܫܠܡܐ. (12) ܥܡܐ ܘܠܪܘܚܐ ܡܫܡܫܢܐ : ܢܬܠ ܫܠܡܐ. ܥܡܐ : (13) ܐܫܘܐ ܠܢ ܡܪܝܐ. ܡܫܡܫܢܐ ܡܢ ܒܬܪ ܫܠܡܐ (14) ܥܡܐ : ܩܕܡܝܟ ܟܗܢܐ : ܐܢܬ ܓܝܪ ܐܝܬܝܟ (15) ܪܡܐ ܘܡܥܠܝܐ ܘܬܡܝܗܐ ܘܓܢܝܙ ܡܢ (16) ܟܠܗܘܢ ܒܪ̈ܝܐ. ܐܢܬ ܗܘ ܫܠܡܐ ܡܪܥܝܢܐ (17) ܕܪ̈ܓܝܙܐ. ܚܘܣܝܐ ܪܒܐ ܕܡܣܟ̈ܠܢܐ. ܒܘܝܐܐ (18) ܡܚܲܕܝܢܐ ܕܡܥ̈ܩܐ. ܦܬܚ ܡܪܝ ܬܪܥܐ (f. 259) (1) ܕܪ̈ܚܡܝܟ ܠܫܐܠ̈ܬܢ ܘܩܲܒܠ ܬܟܫܦ̈ܬܢ. ܐܝܟ (2) ܤܘܓܐܐ ܕܛܝܒܘܬܟ. ܘܥܒܕ ܠܢ ܒܢ̈ܝܐ ܕܝܠܟ (3) ܘܝܪ̈ܘܬܐ ܒܡܠܟܘܬܟ ܕܠܥܠܡ. ܒܛܝܒܘܬܐ (4) ܘܒܪ̈ܚܡܐ ܘܒܪܚܡܬ݀ ܐܢܫܘܬܐ ܕܝܚܝܕܝܐ (5) ܒܪܐ ܕܝܠܟ. ܕܒܐܝ̈ܕܘܗܝ ܘܥܡܗ ܠܟ (6) ܦܐܐ ܫܘܒܚܐ ܘܐܝܩܪܐ ܘܐܘܚܕܢܐ. ܥܡ ܪܘܚܐ (7) ܕܝܠܟ. ܥܡܐ ܐܡܝܢ

Prayer over the Veil

ܟܗܢܐ ܨܠܘܬܐ ܕܐܢܢܐܦܘܪܐ : (8) ܤܓܝܕܐ ܕܡܢ ܡܠܐܟܐ ܘܡܢ ܪ̈ܒܝ ܡܠܐܟ̈ܐ (9) ܡܬܒܲܪܟ ܘܡܬܩܲܕܫ. ܘܡܢ ܒܢܝ̈ ܐܢܫܐ (10) ܥܦܪ̈ܢܐ ܡܬܝܲܩܪ ܘܡܬܪܡܪܡ. ܘܡܢ ܟܠܗܝܢ (11) ܒܪ̈ܝܬܐ ܒܕܚܠܬܐ ܘܒܪܬܝܬܐ ܡܣܬܓܕ (12) ܘܡܫܬܒܚ. ܚܘܪ ܡܪܝܐ ܒܥܒ̈ܕܐ ܕܝܠܟ (13) ܕܩܪܝܢ ܠܟ ܒܥܕܢܐ ܗܢܐ. ܘܗܒ ܠܢ (14) ܕܒܕܟܝܘܬܐ ܕܢܦܫܐ. ܘܒܩܕܝܫܘܬܐ ܕܦܓܪܐ (15) ܢܩܲܪܒ ܠܟ ܨܠ̈ܘܬܐ ܕܟܝ̈ܬܐ. ܘܩܘܪ̈ܒܢܐ (16) ܡܩܒ̈ܠܐ. ܘܢܗܘܘܢ ܦܐܪ̈ܐ ܕܣܦ̈ܘܬܢ ܠܢܝܚܐ (17) ܘܨܒܝܢܐ ܕܐܠܗܘܬܟ. ܘܢܲܣܩ ܠܟ ܫܘܒܚܐ (18) ܘܬܘܕܝܬܐ ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ (f. 260) (1) ܕܝܠܟ ܩܕܝܫ ܒܟܠ. ܘܛܒܐ ܥܡܐ ܐܡܝܢ. (2) ܡܫܡܫܢܐ : ܢܩܘܡ ܫܦܝܪ. ܥܡܐ : ܪ̈ܚܡܐ ܫܠܡܐ. (3) ܟܗܢܐ : ܚܘܒܐ ܕܐܠܗܐ ܐܒܐ. ܥܡܐ ܘܥܡ ܪܘܚܐ (4) ܟܗܢܐ : ܠܥܠ ܢܗܘܘܢ ܗܘ̈ܢܐ. ܥܡܐ : ܐܝܬܝܗܘܢ ܠܘܬ ܡܪܝܐ. (5) ܟܗܢܐ : ܢܘܕܐ ܠܡܪܝܐ. ܥܡܐ : ܫܘܐ ܘܙܕܩ.

Prayer before Sanctus

(6) ܟܗܢܐ ܟܕ ܓܗܝܢ ܫܪܝܪܐܝܬ ܫ̇ܘܐ ܘܙ̇ܕܩ (7) ܕܢܘܕܐ ܘܢܤܓܘܕ ܘܢܫܲܒܚ. ܘܢܩܲܠܣ. ܘܢܪܡܪܡ. (8) ܘܢܗܕܪ. ܘܢܗܲܠܠ. ܘܢܒܲܪܟ ܘܢܩܲܕܫ. ܠܚܕܐ (9) ܪܒܘܬܐ ܕܬܠܝܬܝܘܬܐ ܩܕܝܫܬܐ ܘܫܲܘܝܬ (10) ܒܐܘܤܝܐܐ. ܕܐܒܐ ܘܕܒܪܐ ܘܕܪܘܚܐ ܩܕܝܫܐ. (11) ܠܘ ܓܝܪ ܥܠ ܫܘܒܚܐ ܕܝܠܢ ܣܢܝܩܐ (12) ܪܒܘܬܐ ܕܠܟ ܡܪܝܐ. ܘܠܘ ܒܬܘܕܝܬܐ (13) ܕܝܠܢ ܝܪܒ ܐܢܬ. ܘܬܠܐ ܩܠܗ ܐܝܬ ܗܘ ܠܟ (14) ܓܝܪ ܒܫܡܝܐ ܡܫܒ̈ܚܢܐ ܕܠܐ ܡܬܡܢܝܢ. (15) ܘܚܝ̈ܠܝ ܢܘܗܪܐ ܕܠܐ ܡܣܬܝܟܝܢ. ܟܪ̈ܘܒܐ (16) ܟܕܝ̈ܢܐ ܘܣܪ̈ܦܐ ܫܒܝܚܐ. ܐܠ̈ܦܐ ܘܟܢ̈ܫܐ (17) ܕܠܐ ܡܢܝܢܐ. ܪ̈ܒܘܬܐ ܘܓ̈ܘܕܐ ܕܠܐ ܚܘܫܒܢܐ. (18) ܣܕܪ̈ܐ ܡܬܝܚ̈ܐ ܕܢܘܪܐ ܐܟܠܬܐ. ܚܝ̈ܠܐ ܬܡܝ̈ܗܐ (f. 261) (1) ܕܓܘܙܠܬܐ ܥܙܝܙܬܐ. ܠܓܝܪ̈ܢܐ ܣܕܝܪ̈ܬܐ ܕܩܝ̈ܡܢ. (2) ܡܪܟܒܬܐ ܕܟܪ̈ܘܒܐ ܕܠܐ ܡܣܬܝ̈ܟܝܢ ܫܘܚ̈ܠܦܝܗ. (3) ܟܢ̈ܫܐ ܕܣܪ̈ܦܐ ܕܒܩܠܐ ܕܓܦ̈ܝܗܘܢ ܐܣ̈ܟܦܬܐ (4) ܡܙܥܝܢ. ܪܒܒܬܐ ܫܒܝܚܬܐ ܕܡܢ ܒܝܢܬ ܓܘܡܪ̈ܐ (5) ܕܫܠܗܒܝܬܐ ܒܙܘܥܐ ܡܫܬܡܥܐ. ܐܠܦ ܐܠܦܝ̈ܢ (6) ܕܩܝܡܝܢ ܩܕܡܝܟ ܘܪܒܘ ܪ̈ܒܘܢ ܕܡܫܡܫܝܢ (7) ܠܐܝܬܘܬܟ. ܕܒܚܕ ܩܠܐ ܫܦܝܐ. ܘܒܚܕ ܝܘܒܒܐ ܪܚܝܡܐ (8) ܒܩܝܢܬܐ ܚܠܝܬܐ ܘܒܠ̈ܫܢܐ ܠܐ ܗܘ̈ܠܢܝܐ (9) ܡܙܥܩܝܢ ܗܢܐ ܠܗܢܐ ܒܬܫܒܘܚܬܐ ܡܬܘܡܝܬܐ ܟܕ (10) ܩܥܝܢ ܘܐܡܪܝܢ. ܥܡܐ : ܩܕܝܫ ܩܕܝܫ ܩܕܝܫ.

Prayer after Sanctus

ܟܗܢܐ ܟܕ (11) ܓܗܝܢ ܆ ܩܕܝܫܬ ܐܒܐ ܘܐܝܬܝܟ. ܩܕܝܫܬ ܒܪܐ ܐܝܬܝܟ. (12) ܩܕܝܫܬ ܪܘܚܐ ܩܕܝܫܐ ܘܐܝܬܝܟ. ܚܕ ܐܠܗܐ ܫܪܝܪܐ (13) ܕܡܬܗܝܡܢ ܚܕܢܐܝܬ ܘܡܬܬܘܕܐ ܬܠܝܬܐܝܬ. ܩ̈ܠܐ (14) ܡܪܝ ܕܣܪ̈ܦܐ ܥܠ ܐܝܬܘܬܟ ܡܒܲܕܩܝܢ. ܟܢ̈ܫܐ (15) ܕܟܪ̈ܘܒܐ ܠܪܒܘܬܟ ܡܒܪܟܝܢ. ܓܘ̈ܕܐ ܕܪ̈ܝܫܝ (16) ܡ̈ܠܐܟܐ ܠܟ ܣ̈ܓܕܢ. ܏ܫܘܒ ܠܟ ܕܐܘܪܒܬ ܠܓܢܣܐ (17) ܕܝܠܢ ܡܚܝܠܐ. ܘܚܲܠܛܬܝܗܝ ܒܟ̈ܢܫܐ ܕܡܫܒ̈ܚܢܝܟ (18) ܪ̈ܘܚܢܝܐ. ܐܢܬ ܡܪܝܐ ܒܪ̈ܚܡܝܟ ܡܬܘ̈ܡܝܐ ܫܕܪܬ (f. 262) (1) ܠܒܪܟ ܚܒܝܒܐ ܥܠ ܐܦܝ̈ ܦܘܪܩܢܢ. ܘܕܢ̣ܚ (2) ܡܢ ܒܬܘܠܬܐ ܩܕܝܫܬܐ ܐܝܟ ܙܠܝܩܐ ܡܢ ܥܢܢܐ ܫܦܝܬܐ (3) ܘܢܣܒ ܕܡܘ̣ܬܐ ܕܥܒ̣ܕܐ ܟܕ ܐܝܬܘܗܝ ܒܫܪܪܐ (4) ܒܪܐ ܕܪܒܘܬܟ. ܗܘ̣ܐ ܒܪܢܫܐ ܐܝܟ ܕܨܒܐ ܕܢܥܒܕܢ (5) ܐܠ̈ܗܐ ܐܝܟ ܕܫܦܪ ܠܗ. ܐܬܝܠܕ ܡܢ ܟܪܣܐ ܕܒܣܪܐ (6) ܕܢܘܠܕܢ ܬܢܝܢܘܬ ܡܢ ܡܪܒܥܐ ܪܘܚܢܐ. ܗܘ̣ܐ ܠܢ (7) ܐܚܐ ܒܛܝܒܘܬܗ. ܕܢܥܒܕܢ ܒܢ̈ܝܐ ܠܟ ܐܒܐ (8) ܫܡܝܢܐ. ܐܣܩܢ ܡܢ ܫܦܠܐ ܕܥ̈ܒܕܐ ܘܝܗ̣ܒ (9) ܠܢ ܐܝܩܪܐ ܕܝܪ̈ܬܐ. ܫܩ̣ܠ ܡܢܢ ܦܘܠܚܢܐ (10) ܕܐܓܝܪ̈ܐ. ܘܣܡܢ ܒܕܪܓܐ ܕܒܢ̈ܝܐ. ܙܓ̣ܪ ܡܢ (11) ܨܝܕܝ ܕܚܠܬܐ ܕܥܒܕܘܬܐ. ܕܬܘܒ ܠܐ ܢܗܘܐ (12) ܒܕܚܠܬܐ ܕܚܒ̈ܝܫܐ. ܘܝܗܒ ܠܢ ܪܗܒܘܢܐ (13) ܕܣܝܡܬ ܒܢ̈ܝܐ. ܕܒܗ ܢܩܪܝܟ ܐܒܐ ܐܒܘܢ.

Words of Institution

(14) ܘܬܠܐ ܩܠܗ ܆ ܠܘ ܬܘܪ̈ܐ ܡܦܛܡ̈ܐ ܡܩܪܒܝܢܢ. (15) ܘܠܘ ܕܡܐ ܕܐܡܪ̈ܐ ܘܕܨܝܦܪ̈ܝܐ ܘܕܥܓ̈ܠܐ ܆ (16) ܥܠ ܩܪ̈ܢܬܗ ܕܡܕܒܚܐ ܪܐܣܝܢܢ. ܐܦܠܐ ܟܠܝܠܐ (17) ܘܟܲܠܘܐ ܘܡܲܨܢܦܬܐ ܘܐܦܘܕܐ ܛܘܦܣܢܐܝܬ ܟܒܢܝܢܢ. (18) ܐܬܐ ܓܝܪ ܓܘܫܡܐ ܚܠܦ ܛܠܠܐ. ܘܫܪܪܐ ܚܠܦ (f. 263) (1) ܕܡܘܬܐ. ܗܘ ܝܚܝܕܝܐ ܒܪܐ ܕܝܠܟ. (2) ܒܩܢܘܡܗ ܥܒ̣ܕ ܕܘܟܝܐ ܕܚܛܗ̈ܝܢ ܒܕܡܐ (3) ܕܝܠܗ ܝܩܝܪܐ ܗ̇ܘ ܕܐܫܬܦܥ ܚܠܦܝܢ. ܟܕ (4) ܒܠܠܝܐ ܗ̇ܘ ܕܒܗ ܡܫܬܠܡ ܗܘܐ ܠܡܘܬܐ (5) ܚܠܦ ܚܝ̈ܐ ܘܦܘܪܩܢܐ ܕܥܠܡܐ܆ ܢܣ̣ܒ ܠܚܡܐ (6) ܥܠ ܐܕܝ̈ܐ ܕܝܠܗ ܩܕܝܫ̈ܬܐ ܘܚܲܘܝ ܠܟ ܐܠܗܐ (7) ܘܐܒܐ: ܟܕ ܐܘܕܝ ܀ ܒܲܪܟ ܀ ܩܕܫ ܀ ܩܨܐ ܆ (8) ܘܝܗܒ ܠܗܘܢ ܠܬܠܡܝ̈ܕܐ ܕܝܠܗ ܘܫܠ̈ܝܚܐ (9) ܩܕܝܫ̈ܐ ܟܕ ܐܡ̇ܪ. ܣܒܘ ܐܟܘܠܘ ܡܢܗ. (10) ܗܢܐ ܓܝܪ ܫܪܝܪܐܝܬ ܐܝܬܘܗܝ ܦܓܪܐ (11) ܕܝܠܝ ܗ̇ܘ ܕܚܠܦܝܟܘܢ ܘܚܠܦ ܣܓ̈ܝܐܐ. (12) ܡܬܩܨܐ܆ ܘܡܬܝܗܒ ܠܫܘܒܩܢܐ ܕܚܛܗ̈ܐ (13) ܘܠܚܝ̈ܐ ܕܠܥܠܡ ܥܠܡܝܢ. ܥܡܐ : ܐܡܝܢ ܟܗܢܐ (14) ܗܟܘܬ ܘܟܤܐ ܡܢ ܒܬܪ ܕܐܚܫܡܘ܆ ܟܕ ܢܣ̣ܒ (15) ܡܢ ܚܡܪܐ ܘܡܝ̈ܐ ܡܡܲܫܚܐܝܬ ܘܡܛܟܣܐܝܬ (16) ܡܙܓܗ. ܐܘܕܝ ܀ ܒܲܪܟ ܀ ܩܕܫ ܀ (17) ܘܝܗܒ ܠܗܘܢ ܟܕ ܠܗܘܢ ܠܬܠ̈ܡܝܕܐ ܕܝܠܗ (18) ܘܫܠ̈ܝܚܐ ܩܕܝ̈ܫܐ ܟܕ ܐܡ̇ܪ. ܣܒ̣ܘ ܐܫܬܘ ܡܢܗ (f. 264) (1) ܟܠܟܘܢ. ܗܢܐ ܓܝܪ ܐܝܬܘܗܝ ܕܡܐ ܕܝܠܝ (2) ܫܪܝܪܐܝܬ܆ ܗ̇ܘ ܕܚܠܦܝܟܘܢ ܘܚܠܦ ܤܓܝ̈ܐܐ (3) ܡܬܐܫܕ ܘܡܬܝܗܒ ܠܫܘܒܩܢܐ ܕܚܛܗ̈ܐ (4) ܘܠܚܝ̈ܐ ܕܠܥܠܡ ܥܠܡܝܢ. ܥܡܐ ܐܡܝܢ. ܟܗܢܐ (5) ܗܟܢܐ ܗܘܝܬܘܢ ܥ̇ܒܕܝܢ ܠܡܬܥܗܕܢܘܬܐ (6) ܕܝܠܝ. ܟܠ ܐܡܬܝ ܓܝܪ ܕܠܠܚܡܐ ܗܢܐ (7) ܐܟܠܝܢ ܐܢܬܘܢ ܘܠܟܤܐ ܗܢܐ ܫ̇ܬܝܢ ܐܢܬܘܢ. (8) ܠܡܲܘܬܐ ܕܝܠܝ ܡܣܒܪܝܢ ܐܢܬܘܢ ܥܕܡܐ (9) ܕܐܬܐ ܐܢܐ. ܥܡܐ ܠܡܘܬܟ ܡܪܢ.

Anamnesis

ܟܗܢܐ : ܡܢܘ ܟܝ (10) ܡܫܟܚ ܕܢܫܬܲܥܐ ܪܒܘܬ ܦܐܝܘܬܐ ܕܝܠܟ ܡܪܝܡܬܐ (11) ܘܡܬܘܡܝܬܐ ܐܘ̄ ܡܠܬܐ ܐܠܗܐ. ܘܠܣܘܪܩܟ (12) ܨܒܝܢܝܐ ܕܚܠܦܝܢ ܡܢܘ ܡܕܪܟ. ܘܡܢܘ (13) ܝܕܥ ܕܢܦܫܩ ܠܝܠܕܟ ܬܡܝܗܐ ܕܡܢ ܒܬܘܠܬܐ. (14) ܘܠܗܘܢ ܠܚ̈ܫܐ ܨܒܝ̈ܢܝܐ ܘܠܐ ܥܕܝ̈ܠܐ ܕܚܠܦܝܢ (15) ܤܒܠܬ ܘܤܲܝܒܪܬ ܡܢܘ ܢܦܪܘܥ. ܘܠܟܠܗ̇ (16) ܡܕܒܪܢܘܬܟ ܦܪܘܩܝܬܐ ܕܡܛܠܬܢ. ܡܢܘ (17) ܤܦܩ ܕܢܣܓܘܕ ܘܢܝܲܩܪ. ܒܕܓܘܢ ܡܬܟܫܦܝܢܢ (18) ܠܟ ܐܘ̄ ܡܪܝܐ ܛܘܒܬܢ ܒܟܠ ܘܪܚܡ ܒܢ̈ܝܢܫܐ (f. 265) (1) ܕܢܬܩܒܠ ܩܘܪܒܢܐ ܗܢܐ ܕܩܪܒܢܢ ܩܕܡ ܪܒܘܬܟ. (2) ܥܠ ܡܕܒܚܟ ܡܠܝܠܐ ܘܕܠܥܠ ܡܢ ܫܡܝܐ. (3) ܟܕ ܒܡܫܪ̈ܝܬܐ ܕܡܠܐܟ̈ܐ. ܒܟ̈ܢܫܐ ܕܩܕܝܫ̈ܐ. ܒܐܬܪ̈ܘܬܐ (4) ܕܫܟܝܢܬܟ. ܒܡܫܟܢܐ ܪܝܫܝܐ ܕܟܣܝܘܬܟ. ܐܝܟܢܐ (5) ܕܒܗ ܢܫܬܘܐ ܠܚܘܣܝܐ ܕܚܘ̈ܒܐ ܘܠܫܘܒܩܢܐ ܕܚܛܗ̈ܐ. (6) ܘܡܐ ܕܐܬܐ ܐܢܬ ܠܡܕܢ ܠܚܝ̈ܐ ܘܠܡܝ̈ܬܐ ܠܐ ܬܥܘܠ (7) ܠܕܝܢܐ ܥܡ ܥܒ̈ܕܐ ܕܝܠܟ. ܠܐ ܬܫܪܐ ܠܢ ܒܗ̈ܝܬܐ ܡܢ (8) ܩܕܡܝܟ. ܠܐ ܬܟܦܘܪ ܒܢ ܘܬܐܡܪ ܕܠܐ ܝ̇ܕܥ (9) ܐܢܐ ܠܟܘܢ. ܒܗ̇ܘ ܝܘܡܐ ܪܒܐ ܘܕܚܝܠܐ ܕܦܣܝ̈ܩܬܐ. (10) ܠܐ ܢܫܬܕܐ ܠܒܪ ܡܢ ܬܪܥܐ ܕܓܢܘܢܟ ܒܐܬܪܐ (11) ܕܒܟܝܐ ܘܚܘܪܩ ܫܢ̈ܐ. ܐܠܐ ܐܬܦܢ ܡܪܝܐ ܡܪܚܡܢܐܝܬ (12) ܘܚܘܣ ܥܠ ܕܘܝܘܬܐ ܘܡܤܟܢܘܬܐ ܕܝܠܢ ܐܒܗܐܝܬ. (13) ܡܛܠ ܫܡܟ ܩܕܝܫܐ ܗܘ ܕܐܬܩܪܝ ܥܠܝܢ (14) ܒܛܝܠܐܝܬ. ܘܐܝܟ ܕܐܫܘܝܬܢ ܒܚܢܢܟ (15) ܠܡܘܗܒܬܐ ܕܦܓܪܟ ܘܕܡܟ ܡܚܤܝܢܐܝܬ. (16) ܐܫܘܐ ܠܢ ܕܢܗܘܐ ܚܕ ܥܡܟ ܚܕ ܩܕܝܫܐܝܬ. ܐܝܟܢܐ (17) ܕܐܢܬ ܐܝܬܝܟ ܥܡ ܐܒܘܟ ܘܪܘܚܟ ܩܕܝܫܐ (18) ܒܐܝܬܘܬܐ. ܘܥܠ ܐܦܝ̈ ܗܠܝܢ ܥܕܬܟ ܘܝܪܬܘܬܟ (f. 266) (1) ܬܘܝܐ ܘܡܬܟܫܦܐ ܠܟ. ܘܒܐܝ̈ܕܝܟ ܘܥܡܟ (2) ܠܐܒܘܟ ܟܕ ܐܡܪܐ ܥܡܐ ܪܚܡ ܥܠܝܢ ܐܠܗܐ (3) ܟܗܢܐ ܘܐܦܚܢܢ ܡܪܝ ܡܚ̈ܝܠܐ. ܥܡܐ ܠܟ ܡܫܒܚܝܢܢ (4) ܡܫܡܫܢܐ ܡܐ ܕܚܝܠܐ ܗܝ ܫܥܬܐ

Invocation of the Holy Spirit

ܟܗܢܐ ܟܕ ܓܗܝܢ (5) ܩܪܝܬܐ ܕܪܘܚܐ ܩܕܝܫܐ . ܐܝܢ ܒܒܥܘ ܡܢܟ ܡܪܝܐ (6) ܐܠܗܐ ܐܚܝܕ ܟܠ. ܪܘܚܟ ܘܚܲܝܠܟ ܡܩܕܝܫܢܐ (7) ܢܐܓܢ ܡܕܒܚܐ ܗܢܐ ܩܕܝܫܐ. ܘܢܩܕܫ (8) ܠܩܘܪ̈ܒܢܘܗܝ. ܘܢܪܚܦ ܘܢܬܬܢܝܚ ܘܢܫܪܐ (9) ܥܠ ܠܚܡܐ ܘܥܠ ܚܡܪܐ ܗܢܐ. (10) ܚܕ ܦܓܪܐ ܘܕܡܐ ܕܝܚܝܕܝܐ ܒܪܐ ܕܝܠܟ. (11) ܒܝܕ ܚܲܝܠܐ ܕܝܠܟ ܘܪܘܚܟ ܚܲܝܐ ܘܩܕܝܫܐ. (12) ܘܬܠܐ ܩܠܗ ܥܢܝܢܝ ܡܪܝܐ ܥܡܐ ܩܘܪܝܠܠܝܣܘܢ. (13) ܟܗܢܐ ܦܓܪܐ ܡ̃ܢ ܗܢܐ ܕܡܫܝܚܐ ܐܠܗܐ ܕܝܠܢ (14) ܢܗܘܐ ܠܢ ܪܗܒܝܘܢܐ ܕܚ̈ܝܐ ܗܠܝܢ ܕܥܬܝܕܝܢ ܀ (15) ܦܓܪܐ ܡܫܟܢܢܐ ܕܛܘܒ̈ܐ ܬܫܝ̈ܥܝܐ ܕܡܠܝܟܝܢ. (16) ܀ ܦܓܪܐ ܡܙܡܢܢܐ ܠܒܘܣ̈ܡܐ ܫܡ̈ܝܢܐ (17) ܕܡܟܬܪܝܢ ܀ ܠܚܘܕܬܐ ܕܢܦܫ̈ܬܢ ܘܕܦܓܪ̈ܝܢ. (18) ܘܠܕܘܟܝܐ ܕܡܢ ܟܠ ܛܘܠܫܐ ܕܒܣܪܐ ܘܕܪܘܚܐ. (f. 267) (1) ܘܠܫܘܘܙܒܐ ܕܡܢ ܟܠܗ̇ ܡܥܒܕܢܘܬܐ ܕܒܝܫܐ (2) ܒܥܠܕܒܒܢ. ܘܠܚܝ̈ܐ ܕܠܥܠܡ ܥܠܡܝܢ. (3) ܥܡܐ ܐܡܝܢ ܟܗܢܐ ܘܡܙܓܐ ܕܒܟܣܐ ܗܢܐ (4) ܕܡܐ ܕܡܫܝܚܐ ܐܠܗܐ ܕܝܠܢ. ܢܗܘܐ ܡܚܣܝܢܐ (5) ܕܚܘ̈ܒܐ ܘܕܚ̈ܛܗܐ ܕܤܥܪܢܢ ܀ ܕܡܐ ܡܲܐܚܝܢܐ (6) ܕܢܣ̈ܘܒܘܗܝ ܝܪܬܝܢ ܚ̈ܝܐ ܚ̈ܕܬܐ ܕܠܐ ܣܐܒܝܢ (7) ܀ ܕܡܐ ܡܗܕܝܢܐ ܕܠ̈ܠܡܐܢܐ ܫܡ̈ܝܢܐ ܘܠܐܘܘ̈ܢܐ (8) ܕܢܘܗܪܐ܀ ܠܚܘܕܬܐ ܕܢܦܫ̈ܬܢ ܘܕܦܓܪ̈ܝܢ. ܘܠܕܘܟܝܐ (9) ܕܡܢ ܟܠܗ̇ ܡܥܒܕܢܘܬܐ ܕܒܝܫܐ ܒܥܠܕܒܒܢ. (10) ܘܠܚܝ̈ܐ ܕܠܥܠܡ ܥܠܡܝܢ. ܥܡܐ ܐܡܝܢ. ܟܗܢܐ (11) ܘܗܒ ܘܫܲܟܢ ܠܢ ܒܪ̈ܚܡܝܟ ܣܓ̈ܝܐܐ ܡܪܝܐ. (12) ܕܪ̈ܙܐ ܗܠܝܢ ܕܣܝܡܝܢ ܟܕ ܡܬܡܲܙܓܝܢ ܒܢܦ̈ܫܬܢ (13) ܘܒܦܓܪ̈ܝܢ. ܢܗܘܘܢ ܠܢ ܠܚܘܣܝܐ ܕܚ̈ܘܒܐ (14) ܘܠܫܘܒܩܢܐ ܕܚܛܗ̈ܐ. ܘܠܡܬܬܫܝܓܢܘܬܐ (15) ܕܡܢ ܟܠܗܝܢ ܒܝ̈ܫܬܐ. ܘܠܒܘܣܡܐ ܕܥܡ (16) ܩܕܝܫܝ̈ܟ. ܘܠܚܝ̈ܐ ܕܠܥܠ ܥܠܡܝܢ. ܥܡܐ (17) ܐܡܝܢ.

Intercession Prayers

ܟܗܢܐ ܟܕ ܓܗܝܢ ܡܩܪܒܝܢܢ ܩܕܡܝܟ ܡܪܝܐ (f. 268) (1) ܐܠܗܐ ܩܘܪܒܢܐ ܗܢܐ ܕܟܝܐ ܘܩܕܝܫܐ. ܚܠܦ (2) ܥܕܬܐ ܕܝܠܟ ܩܕܝܫܬܐ ܩܐܬܘܠܝܩܝ (3) ܘܫܠܝܚܬܐ ܗ̇ܝ ܕܩܢܝܬ. ܕܝܬܒܐ ܥܠ (4) ܤܒܪܟ ܘܡܤܟܝܐ ܠܡܠܟܘܬܟ. ܕܒܨܠܝܒܟ (5) ܦܪܘܩܝܐ ܬܬܢܛܪܝ ܘܬܬܒܪܟܝ. ܟܲܢܫ (6) ܝ̈ܠܕܝܗ̇ ܠܚܕܐ ܐܘܝܘܬܐ ܘܚܘܒܐ ܘܗܝܡܢܘܬܐ (7) ܕܒܟ. ܘܢܬܕܒܪܘܢ ܒܫܝܢܐ ܘܫܠܡܐ ܕܡܢܟ. (8) ܀ ܐܬܕܟܪ ܡܪܝܐ ܘܠܚܤ̈ܝܐ ܐܦܝܣ̈ܩܘܦܐ (9) ܐܘܪ̈ܬܘܕܟܣܘ. ܘܠܦܐܛܪܝܪ̈ܟܘ ܕܝܠܢ ܡܪܝ (10) ܦܠܢ ܘܡܪܝ ܦܠܢ. ܘܠܚܤܝܐ ܐܦܝܣܩܘܦܐ ܕܝܠܢ (11) ܡܪܝ ܦܠܢ. ܥܡ ܫܪܟܐ ܕܟܠܗܘܢ ܐܦܝܣ̈ܩܘܦܐ (12) ܐܘܪ̈ܬܘܕܟܣܘ. ܐܠܦ ܐܢܘܢ ܡܠܬܐ ܕܫܪܪܐ (13) ܕܬܪܝܨܐܝܬ ܢܦܤܩܘܢ ܘܢܪܥܘܢ ܠܡܪ̈ܥܝܬܐ (14) ܕܝܠܟ ܗ̇ܝ ܕܡܢܟ ܠܗܘܢ ܐܬܓܥܠܬ܇ ܟܐܢܐܝܬ (15) ܘܩܕܝܫܐܝܬ ܘܗ̣ܒ ܠܗܘܢ ܡܪܝܐ ܣܝܒܘܬܐ (16) ܡܬܝܚܬܐ ܒܕܘܒܪ̈ܐ ܫܦܝܪ̈ܐ. ܐܝܟܢܐ ܕܢܫܡܠܘܢ (17) ܨܒܝܢܟ ܀ ܐܬܕܟܪ ܡܪܝܐ ܠܩܫܝ̈ܫܐ ܡܝܩܪ̈ܐ. (18) ܠܡܫܡܫ̈ܢܐ ܢܟ̈ܦܐ. ܠܐܦܘܕܝܐܩܢܘ ܕܟܝ̈ܐ. ܘܠܟܠܗ (f. 269) (1) ܡܘܠܝܐ ܕܛܟܣܐ ܥܕܬܢܝܐ. ܐܢܬ ܓܝܪ ܡܪܝܐ ܚܲܝܠ (2) ܐܢܘܢ ܠܡܩܡ ܠܘܩܒܠ ܟܠܗܘܢ ܟܡ̈ܐܢܘܗܝ ܘܨܢ̈ܥܬܗ (3) ܕܐܟܠܩܪܨܐ. ܘܗܲܕܐ ܐܢܘܢ ܠܘܬ ܟܠ ܥܒ̇ܕܐ ܕܠ̇ܚܡ (4) ܠܛܟܣܗܘܢ. ܐܬܕܟܪ ܡܪܝܐ ܘܠܡܚܝܠܘܬ ܢܦܫܐ ܕܝܠܝ ܕܘܝܬܐ. (5) ܘܠܐ ܬܗܦܟ ܐܦܝ̈ܟ ܘܬܸܢܕ ܠܟ ܡܢܝ. ܘܠܘ ܟܕ ܡܛܠ (6) ܐܚܪ̈ܢܐ ܫܘܒܩܢܐ ܫܐܠ ܐܢܐ. ܐܢܐ ܐܝܟ ܡܲܤܠܝܐ ܘܛܪܝܕܐ (7) ܐܗܘܐ ܡܢ ܩܕܡܝܟ. ܐܠܐ ܥܒܕ ܥܡܝ ܐܝܟ ܪ̈ܚܡܝܟ (8) ܘܥܕܪ ܠܡܚܝܠܘܬܐ ܕܝܠܝ. ܘܠܐ ܬܬܕܟܪ ܠܝ ܣܟ̈ܠܘܬܝ. (9) ܀ ܐܬܕܟܪ ܡܪܝܐ ܠܡܤ̈ܟܢܐ ܘܠܒ̈ܝܫܐ. ܘܠܝܬܡ̈ܐ (10) ܘܠܐܪ̈ܡܠܬܐ. ܘܠܟܪ̈ܝܗܐ ܘܠܐܠ̈ܝܨܐ. ܘܠܐܝܠܝܢ ܕܡܬܢܣܝܢ (11) ܡܢ ܪ̈ܘܚܐ ܒܝ̈ܫܬܐ. ܐܢܬ ܓܝܪ ܡܪܝܐ ܗܘܝ ܢܛܘܪܐ (12) ܠܚܝ̈ܗܘܢ ܘܡܡܠܝܢܐ ܕܣ̈ܘܢܩܢܝܗܘܢ. ܘܬܠܐ ܩܠܝܗ (13) ܐܠܗܐ ܗ̇ܘ ܓܢܝܙܐ ܒܡܥܲܠܝܘܬܐ ܘܫܒܝܚܐ (14) ܒܪܒܘܬܐ. ܗܘ ܕܬܐܓܡ̈ܐ ܘܓܘ̈ܕܐ ܘܟܢ̈ܫܐ (15) ܟܠܗܘܢ ܕܫܡ̈ܝܢܐ ܘܕܐܪ̈ܥܢܝܐ ܠܟ ܡܫܲܒܚܝܢ. (16) ܘܨܒܝܬ ܕܬܫܡܫܬܐ ܗܕܐ ܚܤܝܬܐ ܘܟܲܗܢܝܬܐ. (17) ܒܝܕ ܫܘܠܛܢܐ ܕܝܠܟ ܦܐܸܐ ܠܐܠܗܐ ܢܫܲܡܠܐ. ܘܥܡ (18) ܪ̈ܝܫܝ ܟܗ̈ܢܐ ܘܟܗ̈ܢܐ ܕܝܠܟ ܩܕܝܫ̈ܐ. ܐܫܘܝܬܢ ܕܢܩܘܡ (f. 270) (1) ܩܕܡܝܟ ܘܢܫܡܫܟ. ܨܒܝ ܐܦ ܗܫܐ ܡܪܝܐ (2) ܪܒ ܪ̈ܥܘܬܐ ܕܝܠܢ ܘܩܝܘܡܐ ܕܢܦܫ̈ܬܢ. (3) ܒܪ̈ܥܘܬܐ ܐܝܠܝܢ ܕܒܪܝܫ ܥܡܐ ܕܝܠܟ (4) ܩܝܡܝܢ. ܘܫܲܝܢܐ ܘܚܘܒܐ ܕܥܗܢ ܠܥܕ̈ܬܐ (5) ܩܕܝܫ̈ܬܐ ܒܐܝ̈ܕܝܗܘܢ ܫܲܟܢ. ܠܡܫܲܡܠܝܘ (6) ܦܘܩ̈ܕܢܐ ܕܝܠܟ ܩܕܝܫ̈ܐ ܘܡܥܒ̈ܕܝ ܚܝ̈ܐ. ܐܝܟܢܐ (7) ܕܟܕ ܥܠ ܫܬܐܣܬܐ ܫܠܝܚܝܬܐ ܕܗܝܡܢܘܬܐ (8) ܤܝܡܝܢ ܘܡܫܬܘܫܛܝܢ. ܢܡܲܢܥܘܢ ܠܛܝܪܐ (9) ܗ̇ܘ ܕܠܥܠ ܘܠܚ̈ܝܐ ܕܠܥܠܡ. ܘܐܫ̣ܘܐ ܠܟܠܢ (10) ܕܢܫܬܘܬܦ ܒܥܡ̈ܠܝܗܘܢ ܘܢܩܲܒܠ ܐܢܘܢ (11) ܒܓܠܝܘܬ ܐܦ̈ܐ ܒܡܐܬܝܬܐ ܕܝܚܝܕܝܐ ܒܪܐ ܕܝܠܟ. (12) ܗ̇ܘ ܕܒܐܝ̈ܕܘܗܝ ܘܥܡܗ ܠܟ ܦܐܸܐ ܫܘܒܚܐ (13) ܘܐܝܩܪܐ ܘܐܘܚܕܢܐ ܥܡ ܪܘܚܐ ܕܝܠܟ ܩܕܝܫ (14) ܒܟܠ ܘܛܒܐ. ܥܡܐ : ܐܡܝܢ ܟܗܢܐ ܟܕ ܓܗܝܢ (15) ܐܬܕܟܪ ܡܪܝܐ ܠܟܠܗܘܢ ܐܚܝ̈ܢ ܡܗܝ̈ܡܢܐ. (17) ܐܝܠܝܢ ܕܡܛܠ ܫܡܟ ܩܕܝܫܐ ܤܥ̣ܪܘ ܘܣ̇ܥܪܝܢ (18) ܛܒ̈ܬܐ ܒܟܠ ܐܬܪ ܘܐܫܬܘܬܦܘ ܘܡܫܬܘܬܦܝܢ (19) ܒܣܢܝܩܘܬܐ ܕܒܝ̈ܫܐ. ܘܡܡ̇ܠܝܢ ܚܲܣܝܪܘܬܐ (f. 271) (1) ܕܟܠܗܘܢ ܡܣܟ̈ܢܐ ܘܐܟܣܢ̈ܝܐ ܘܥܝܝ̈ܩܝ ܪܘܚܐ. (2) ܗܪܟܐ ܒܚܝ̈ܐ ܕܬܢܢ ܦܪܘܥ ܐܢܘܢ ܛܒ̈ܬܐ. ܘܬܡܢ (3) ܥܡ ܥܢ̈ܝܕܐ ܡܗܝ̈ܡܢܐ ܚܝ̈ܐ ܕܠܥܠܡ ܢܐܪܬܘܢ. (4) ܘܬܠܐ ܩܠܗ ܘܗܒ ܘܫܲܟܢ ܒܪ̈ܚܡܐ ܕܝܠܟ (5) ܣܓ̈ܝܐܐ ܐܘ̄ ܡܪܝܐ. ܫܦܝܪܘܬ ܡܘܗ̈ܒܬܐ ܛܒ̈ܬܐ (6) ܘܡܘܬܪ̈ܢܝܬܐ. ܠܟܠܗܘܢ ܐܝܠܝܢ ܕܡܫܬܘܬܦܝܢ (7) ܒܣܢܝܩܘܬܐ ܕܡܣ̈ܟܢܐ. ܘܒܟܠ ܙܢܐ ܗ̇ܘ (8) ܕܫܦܝܪܘܬ ܣܥܘܪܘܬܐ ܕܥܕܬܟ ܩܕܝܫܬܐ ܡܬܚܙܝܢ. (9) ܘܐܣܝ̣ܦ ܢܘܪܐ ܕܚܘܒܟ ܒܢܦ̈ܫܬܐ ܕܟܠܢ. ܘܛܠܩ (10) ܡܢܢ ܠܟܠܗ ܝܥܪܐ ܕܚܘܒܐ ܘܟܘ̈ܒܐ ܡܪܝܪ̈ܐ (11) ܕܚܛܝܬܐ. ܘܒܟ ܕܐܝܬܝܟ ܢܘܗܪܐ ܘܚܝ̈ܐ ܫܪܝܪ̈ܐ (12) ܢܬܢܗܪ ܘܢܐܚܐ. ܒܛܝܒܘܬܐ ܘܒܪ̈ܚܡܐ ܘܒܪܚܡܬ (13) ܐܢܫܘܬܐ ܕܝܚܝܕܝܐ ܒܪܐ ܕܝܠܟ. ܕܒܐܝ̈ܕܘܗܝ (14) ܘܥܡܗ ܠܟ ܦܐܸܐ ܫܘܒܚܐ ܘܐܝܩܪܐ ܘܐܘܚܕܢܐ (15) ܥܡ ܪܘܚܐ ܕܝܠܟ. ܥܡܐ : ܐܡܝܢ. ܟܗܢܐ ܟܕ ܓܗܝܢ : (16) ܐܬܕܟܪ ܡܪܝܐ ܠܡܠܟ̈ܐ ܡܗܝ̈ܡܢܐ ܘܠܦܠ̈ܚܐ (17) ܐܝܠܝܢ ܕܗܝܡܢܘ ܒܫܡܟ. ܘܐܦ ܠܐܝܠܝܢ ܕܒܩܪ̈ܒܐ (18) ܘܒܬܟ̈ܬܘܫܐ ܘܩܝܢܕܘܢܘܣ ܪܡܝܢ. ܘܦܲܨܐ ܘܫܲܘܙܒ (f. 272) (1) ܠܢ ܡܪܝܐ ܡܢ ܟܦܢܐ ܘܩܪ̈ܒܐ ܘܫܒ̈ܝܐ. ܘܐܫܝܕܘܬ (2) ܕܡܐ ܙܟܝܐ. ܘܡܢ ܒܙܬܐ ܘܡܢ ܐܝ̈ܕܝ ܥܡ̈ܡܐ (3) ܒܪܒܪ̈ܝܐ. ܘܬܠܐ ܩܠܗ : ܐܠܗܐ ܗ̇ܘ ܡܫܒܚܐ (4) ܒܛܒܘܬܐ ܘܡܥܲܠܝܐ ܒܠܐ ܡܬܕܪܟܢܘܬܐ. ܡܪܝܐ (5) ܕܟܠ ܟܝܢ̈ܝܢ. ܘܒܪܘܝܐ ܘܝܨܘܦܐ ܕܟܠܗ̇ ܒܪܝܬܐ (6) ܡܬܝܕܥܢܝܬܐ ܘܡܬܪܓܫܢܝܬܐ. ܡܢܟ ܓܝܪ (7) ܥܦܝܢ ܤܲܘܩܐ ܘܩܘܝܡܐ ܕܚܝ̈ܐ ܕܝܠܗܘܢ (8) ܟܠܗܘܢ ܚܝ̈ܠܘܬܐ ܗܘܠ̈ܢܝܐ ܘܠܐ ܗܘܠ̈ܢܝܐ. (9) ܘܟܝ̈ܢܐ ܓܝ̈ܙܐ ܘܢܒܪ̈ܝܫܬܐ ܕܠܥܠ. ܟܕ ܒܬܐܘܪܝܐ (10) ܕܝܠܟ ܐܠܗܝܬܐ ܡܬܒܲܣܡܝܢ. ܘܡܢܟ ܪ̈ܕܝܢ (11) ܟܠ ܥܘܕܪ̈ܢܝܢ ܠܢ ܗܢܘܢ ܕܒܨܠܡܐ ܕܝܠܟ ܗ̇ܘ (12) ܡܠܟܝܐ ܡܢ ܗ̈ܘܠܐ ܐܬܬܩܢܢ ܘܐܨܛܒܬܢܢ. ܘܫܲܝܢ (13) ܡܠ̈ܟܘܬܐ ܕܐܪܥܐ ܒܚܢܢܟ ܡܪܝܐ. ܕܚܢܢ (14) ܡܣܟ̈ܢܐ ܒܫܠܝܐ ܢܐܚܐ. ܘܒܲܪܟ ܠܚܘܕܪܐ ܕܫܢ̈ܝܐ (15) ܡܬܟܪܟܢܐܝܬ. ܘܫܲܪܬܚ ܐܢ̈ܝܢ ܒܡܛܪ̈ܐ ܘܛـ̈ܐܠܐ ܘ (16) ܘܒܐܐܪ̈ܣ ܡܡ̈ܙܓܐ ܘܫܦܝܪ̈ܐ. ܘܒܟܠ (17) ܥܠܠ̈ܬܐ ܕܒܘܪ̈ܟܬܐ. ܡܛܠ ܕܐܢܬ ܐܝܬܝܟ ܙܝܘܢܐ (18) ܛܒܐ ܘܒܤܝܡܐ ܘܡܪܚܡܢܐ ܘܝ̇ܗܘܒܐ (f. 273) (1) ܕܟܠܗܝܢ ܛܒ̈ܬܐ. ܘܠܟ ܫܘܒܚܐ ܘܬܘܕܝܬܐ (2) ܡܤܝܩܝܢܢ. ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ (3) ܕܝܠܟ ܩܕܝܫ ܒܟܠ. ܘܛܒܐ ܥܡܐ : ܐܡܝܢ. ܟܗܢܐ ܟܕ ܓܗܝܢ (4) ܐܬܕܟܪ ܡܪܝܐ ܠܪ̈ܝܫܝ ܐܒܗ̈ܬܐ ܘܐܒܗ̈ܬܐ ܩܕܝܫ̈ܐ. (5) ܠܢܒܝ̈ܐ. ܠܫܠ̈ܝܚܐ ܠܟܪ̈ܘܙܐ. ܠܐܘܢ̈ܓܠܝܣܛܐ. (6) ܠܤܗ̈ܕܐ. ܠܡܘ̈ܕܝܢܐ. ܝܕܥܐܝܬ ܕܝܢ ܠܩܕܝܫܬܐ (7) ܘܡܫܒܚܬܐ ܝܠܕܬ ܐܠܗܐ ܡܪܝܡ. ܘܠܛܘܒܢܐ ܝܘܚܢܢ (8) ܐܝܙܓܕܐ ܘܡܲܥܡܕܢܐ ܘܪܗܛܐ ܩܕܡܝܐ. ܘܠܩܕܝܫܐ (9) ܡܫܲܒܚܐ ܤܛܦܢܘܣ ܪܝܫܐ ܕܡܫܡܫܢ̈ܐ ܘܩܕܡܝܐ (10) ܕܣܗ̈ܕܐ. ܘܠܟܠ ܕܫܦܪ ܠܫܡܟ ܘܐܘܕܝ ܒܫܡܟ (11) ܘܬܠܐ ܩܠܗ : ܡܪܝܐ ܡܪܝܐ ܩܕܝܫ ܒܟܠ ܘܛܒܐ (12) ܒܠܚܘܕܘܗܝ. ܗ̇ܘ ܕܡܢ ܠܓܝ̈ܘܢܐ ܕܢܘܪܐ ܘܕܪܘܚܐ (13) ܒܙܘܥܐ ܪܒܐ ܕܚܝܠܐܝܬ ܡܬܒܲܪܟ ܘܡܬܩܕܫ. (14) ܘܨܒܝܬ ܕܡܢܢ ܡܚ̈ܝܠܐ ܘܥܦܪ̈ܢܐ ܠܡܬܟܗܢܘ. (15) ܠܘ ܡܛܠ ܗ̇ܝ ܕܚܢܢ ܫܘܝܢܢ ܕܠܪܐܙܐ ܗܢܐ ܪܒܐ (16) ܘܫܡܝܢܐ ܢܬܩܲܪܒ. ܐܠܐ ܒܝܕ ܪ̈ܚܡܐ ܕܝܠܟ (17) ܗܢܘܢ ܕܒܟ ܡܟܢܝܢ ܐܫܘܝܬܢ ܠܐܝܟܐ ܕܐܦ (18) ܡ̈ܠܐܟܐ ܡܬܪܓܪܓܝܢ ܕܢܕܝܩܘܢ. ܘܟܕ ܒܪ̈ܒܘ (f. 274) (1) ܐܕܫ̈ܐ ܕܚܛܗ̈ܐ ܐܬܦܲܠܦܠܢܢ. ܘܡܢ ܝܕܥܬܐ (2) ܫܪܝܪܬܐ ܕܐܠܗܘܬܟ ܐܬܢܟܪܝܢܢ. ܚܒ̈ܝܒܐ ܘܫ̈ܘܚ (3) ܠܡܬܩܲܒܠܘ ܕܡܦܝܣܝܢ ܠܟ ܢܩܲܪܒ. ܠܟܠܗܘܢ (4) ܩܕܝܫ̈ܐ ܗܢܘܢ ܕܡܢ ܥܠܡ ܫܦ̣ܪܘ ܠܟ. ܗܢܘܢ (5) ܕܒܥܡ̈ܠܐ ܘܕܘܥ̈ܬܐ ܘܐܘܠ̈ܨܢܐ ܐܓܘ̈ܢܐ ܕܝܠܗܘܢ (6) ܓܡ̣ܪܘ. ܘܨܒܝܢܐ ܕܝܠܟ ܐܠܗܝܐ ܫܲܡܠܝܘ. (7) ܕܒܨܠ̈ܘܬܗܘܢ ܡܩܒ̈ܠܬܐ. ܠܢܫ̈ܒܐ ܕܚܛܝܬܐ (8) ܡܢܢ ܦܲܤܩ. ܘܡܢ ܡܨܝ̈ܕܬܐ ܘܦ̈ܚܐ ܘܬܘܩ̈ܠܬܐ (9) ܕܥܬܝ̈ܕܢ ܒܟ ܢܬܕܠܐ. ܘܥܡܗܘܢ ܘܒܝܢܬܗܘܢ (10) ܘܐܟܘܬܗܘܢ ܘܒܓܘ̈ܕܝܗܘܢ ܢܣܩ ܠܟ ܫܘܒܚܐ (11) ܘܬܘܕܝܬܐ ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܕܝܠܟ (12) ܩܕܝܫ ܒܟܠ. ܘܛܒܐ. ܥܡܐ : ܐܡܝܢ. ܟܗܢܐ ܟܕ ܓܗܝܢ : (13) ܐܬܕܟܪ ܡܪܝܐ ܠܡܩܪ̈ܒܝ ܨܝܕ ܪ̈ܐܙܐ ܐܠܗܝ̈ܐ. (14) ܘܠܡܡ̈ܠܠܝ ܐܠܗܝ̈ܬܐ. ܗ̇ܢܘܢ ܕܥܘܬܪܐ ܐܝܬܝܗܘܢ. (15) ܘܢܘܗܪܐ ܘܫܬܐܣܬܐ ܕܥܕܬܐ. ܘܡ̈ܠܦܢܐ ܐܘܟܝܬ (16) ܩܝ̈ܘܡܐ ܕܡܪ̈ܥܝܬܐ ܕܝܠܟ ܡܠ̈ܝܠܬܐ. ܘܠܗܢܘܢ (17) ܕܚܤܝܐܝܬ ܪܥܘ ܘܩܝܡܘ ܠܥܢܐ ܙܒܝܢܬ݀ (18) ܒܕܡܐ ܝܩܝܪܐ ܕܝܚܝܕܝܐ ܒܪܐ ܕܝܠܟ. (f. 275) (1) ܗܢܘܢ ܕܡܢ ܝܥܩܘܒ ܗ̇ܘ ܪܝܫ ܐܦܝܣ̈ܩܘܦܐ (2) ܘܫܠܝܚܐ ܘܤܗܕܐ. ܘܥܕܡܐ ܠܗܫܐ ܒܡܠܬܐ (3) ܡܠܦܢܝܬܐ ܠܥ̈ܕܬܐ ܩܕܝܫ̈ܬܐ ܫܲܒܚܘ. ܝܕܥܐܝܬ (4) ܠܐܒܗ̈ܬܐ ܩܕܝܫ̈ܐ. ܠܐܝܓܢܐܛܝܘܣ. ܕܝܘܢܣܝܘܣ. (5) ܝܘܠܝܘܣ. ܐܝܘܐܢܢܝܣ. ܘܫܪܟܐ ܕܫܠ̈ܝܚܐ (6) ܩ̈ܕܝܫܐ ܘܪ̈ܥܘܬܐ ܫܪܝܪ̈ܐ. ܘܬܠܐ ܩܠܗ : ܬܪܥܝܬܐ (7) ܚܟܝܡܬ ܒܟܠ ܘܪܒܬ ܒܝܬܘܬܐ ܕܠܥܠ (8) ܐܬܗܝܡܢܘ ܐܒܗ̈ܝܢ ܚܤ̈ܝܐ ܘܛܘܒ̈ܬܢܐ ܡܢ (9) ܗ̇ܘ ܪܝܫ ܪ̈ܥܘܬܐ ܘܣܝܘܡܐ ܕܬܘܕܝܬܢ. (10) ܘܟܕ ܒܝܕ ܫܘ̈ܟܢܐ ܕܪܘܚܐ ܗܦܟܘ ܪܥܝܘܬܐ ܕܝܠܗܘܢ (11) ܓܘܢܝܬܐ ܘܫܘܝܬ ܗܝܡܢܘܬܐ ܬܪܝܨܬ ܫܘܒܚܐ. (12) ܢܫܬܘܐ ܠܡܩܲܒܠܘ ܠܗ. ܠܣܐܡ ܢܡܘܣܐ (13) ܕܚܝ̈ܐ. ܘܫܦܝܪܘܬ ܩܠܐ ܕܚܘܒܐ ܢܗܝܪܐܝܬ (14) ܒܕܟܝܘܬ ܠܒܐ ܢܣܪܚ. ܘܠܗܘܢܐ ܕܟܝܐ ܒܝܕ (15) ܪܗܛܐ ܕܬܪܥܝܬܐ ܠܘܬ ܩܐܛܣܛܐܣܝܣ ܡܠܟܝܬܐ (16) ܢܡܬܘܚ. ܘܟܕ ܠܬܪܢܘܣ ܡ̇ܢ ܗ̇ܘ ܡܲܠܟܝܐ (17) ܚܘܕܪܢܐܝܬ ܒܝܕ ܢܲܩܝܦܘܬܗܘܢ ܕܗܠܝܢ ܒܝܕ (18) ܥܝ̈ܢܐ ܕܠܓܘ ܚܙܝܢܢ. ܬܘܕܝ̈ܬܐ ܠܐ ܗܘܠ̈ܢܝܬܐ (f. 276) (1) ܠܬܡܢ ܢܫܲܕܪ. ܘܟܕ ܠܐ ܚܲܫܢܐܝܬ ܟܝܬ ܘܠܐ ܙܐܦܢܐܝܬ (2) ܒܫܒ̈ܝܠܐ ܕܝܠܗܘܢ ܕܐܒܗ̈ܝܢ ܛܘܒ̈ܬܢܐ ܢܪܕܐ. (3) ܡܐܠܠܘܢ ܕܝܢ ܕܠܡܕܒܚܐ ܕܟܝܐ ܗ̇ܘ ܕܠܥܠ (4) ܩܛܝܢܐܝܬ ܒܝܕ ܥܝ̈ܢܐ ܝܕܘܥ̈ܬܢܝܬܐ ܢܲܐܨܕ (5) ܘܢܚܙܐ. ܘܕܟܝܐܝܬ ܘܠܐ ܡܛܘܫܐܝܬ. ܬܫܒܘܚܬܐ (6) ܡܬܘܡܝܬܐ ܢܲܤܩ ܠܬܠܝܬܝܘܬܐ ܓܢܝܙܬܐ ܘܠܐ (7) ܡܬܗܲܘܢܢܝܬܐ ܘܫܲܘܝܬ ܒܐܘܣܝܐ. ܗܫܐ. ܥܡܐ : (8) ܐܡܝܢ. ܟܗܢܐ ܟܕ ܓܗܝܢ : ܐܬܕܟܪ ܡܪܝܐ ܠܩܫܝܫ̈ܐ (9) ܐܪܬܘܕܘܟܣܘ. ܠܡܫܡܫ̈ܢܐ. ܠܐܦܘܕܝܐܩ̈ܢܘ. ܠܕܝܪ̈ܝܐ. (10) ܠܥܠ̈ܡܝܐ. ܐܦ ܠܟܠܗܘܢ ܥܢ̈ܝܕܐ ܕܥܢ̣ܕܘ ܡܢ (11) ܡܕܒܚܐ ܗܢܐ ܥܡ ܗܝܡܢܘܬܐ ܕܫܪܪܐ. ܘܡܢ (12) ܟܠ ܐܬܪ ܘܦܢ̈ܝܢ. ܘܠܐܒܗܝ̈ܢ ܕܪܘܚ ܘܕܦܓܪ܂ (13) ܘܐܢܝܚ ܐܢܘܢ ܒܐܘܘ̈ܢܐ ܕܝܠܟ ܫܡܝ̈ܢܐ ܥܡ (14) ܟܠܗܘܢ ܩܕܝܫ̈ܝܟ. ܘܚܢܢ ܒܨܠ̈ܘܬܗܘܢ (15) ܢܬܥܕܪ. ܘܬܠܐ ܩܠܗ : ܘܠܗܢܘܢ ܕܒܕܟܝܘܬܐ (16) ܕܠܒܐ. ܘܩܕܝܫܘܬܐ ܕܢܦܫܐ ܘܕܦܓܪܐ ܡܢ (17) ܥܠܡܐ ܗܢܐ ܢܦ̣ܩܘ. ܘܠܘܬܟ ܐܠܗܐ ܡܲܢܥܘ. (18) ܗܢܘܢ ܕܡܢ ܐܕܡ ܩܕܡܝܐ ܘܪܝܫ ܓܒܝܠܬܢ (f. 277) (1) ܫܦܪܘ ܩܕܡܝܟ ܘܐܘܕܝܘ ܒܟ. ܘܤܲܒܪܘ (2) ܘܣܲܟܝܘ ܠܓܠܝܢܗ ܕܝܚܝܕܝܟ. ܘܐܬܪܓܪܓܘ (3) ܠܡܚܙܐ ܠܝܘܡܗ ܪܒܐ ܘܫܒܝܚܐ. ܘܠܗܢܘܢ (4) ܬܘܒ ܕܡܢ ܥܘܒܐ ܪܘܚܢܝܐ ܕܡܥܡܘܕܝܬܐ ܙܗܝܐܝܬ (5) ܠܒܫܘܟ ܘܗܝܡܢܘ ܒܫܡܟ. ܐܢܝܚ ܐܢܘܢ ܒܐܘܘ̈ܢܐ (6) ܕܝܠܟ ܫܡ̈ܝܢܐ. ܒܦܪܕܝܣܐ ܗ̇ܘ ܕܒܘ̈ܣܡܐ. (7) ܒܡ̈ܛܐܠܐ ܕܢܘܗܪܐ. ܒܕܘܟܝ̈ܬܐ ܕܢܝ̇ܚܐ. ܘܠܐ ܡܪܝ (8) ܬܥܘܠ ܠܕܝܢܐ ܥܡܗܘܢ. ܡܛܠ ܕܠܐ ܡܙܕܕܩ (9) ܩܕܡܝܟ ܟܠ ܕܚܲܝ. ܚܕ ܓܝܪ ܐܝܬܘܗܝ (10) ܗ̇ܘ ܕܐܬܚܙܝ ܥܠ ܐܪܥܐ ܕܟܝܐ ܘܕܠܐ ܡܘܡ (11) ܝܚܝܕܝܐ ܒܪܐ ܕܝܠܟ. ܕܒܐܝ̈ܕܘܗܝ ܐܦ ܚܢܢ ܡܣܒܪ(ܝـ)ܢܢ (12) ܪ̈ܚܡܐ ܠܡܫܟܚܘ ܘܫܘܒܩܢܐ ܕܚܛܗ̈ܐ (13) ܕܡܛܠܬܗ ܐܦ ܠܢ ܘܠܗܘܢ.

Concluding Intercessions

ܥܡܐ : ܐܢܝܚ ܐܪܦܐ. (14) ܟܗܢܐ ܓܗܢܬܐ ܐܢܝܚ ܡܪܝܐ ܢܦܫ̈ܬܐ ܘܦܓܪ̈ܐ (15) ܘܪ̈ܘܚܬܐ ܕܝܠܢ. ܡܢ ܟܠ ܙܢ̈ܝܐ (ܕܟܘܪ̈ܗܢܐ) ܡܘ̈ܒܕܢܐ (16) ܘܝܘܩܪ̈ܐ ܩܫ̈ܝܐ ܕܚܛܝܬܐ. ܘܬܪܨ ܗܠ̈ܟܬܢ (17) ܒܫܒܝ̈ܠܐ ܕܦܘܩ̈ܕܢܐ ܐܘܢܓܠ̈ܝܐ ܘܡܥ̈ܒܕܝ ܚܝ̈ܐ. (18) ܘܗ̣ܒ ܠܢ ܕܢܗܘܐ ܠܟ ܥܡܐ ܩܕܝܫܐ. ܘܟܢܫܐ (f. 278) (1) ܦܪܝܩܐ ܘܟܘܗ̇ܢܐ ܡܲܠܟܝܐ. ܘܬܠܐ ܩܠܗ ܐܝܟܢܐ (2) ܕܟܕ ܓܡܝܪ̈ܐ ܓܡܝܪܐܝܬ ܕܝܠܟ ܗܘܝܢܢ܇ (3) ܒܝܕ ܕܒܚܐ ܗܢܐ ܚܲܤܝܐ ܘܩܕܝܫܐ ܢܦܫ̈ܬܢ (4) ܘܦܓܪ̈ܝܢ ܢܬܚܕܬܘܢ. ܘܐܫܘܐ ܠܢ ܕܒܕܘ̈ܨܐ (5) ܡ̈ܠܐܟܝܐ ܘܒܩܘ̈ܝܙܐ ܡܬܝ̈ܕܥܢܐ ܘܒܪ̈ܦܣܐ (6) ܕܦܨܝܚܘܬܐ. ܥܡ ܐܢܫ̈ܐ ܛܘܒ̈ܬܢܐ ܕܬܡܢ ܐܟܚܕܐ (7) ܢܚܕܐ ܘܢܬܒܲܣܡ. ܐܝܟܢܐ ܕܥܡܗܘܢ ܘܒܝܢܬܗܘܢ (8) ܢܫܒܚ ܘܢܩܠܣ ܠܫܡܐ ܕܝܠܟ ܡܝܲܩܪ ܒܟܠ (9) ܘܡܒܪܟܐ. ܥܡ ܕܡܪܢ ܝܫܘܥ ܡܫܝܚܐ (10) ܘܪܘܚܐ ܕܝܠܟ ܩܕܝܫܐ. ܗܫܐ.

The Second Benediction

ܥܡܐ ܐܝܟܢܐ ܕܐܝܬܘܗܝ. (11) ܗܘܐ ܟܗܢܐ : ܫܠܡܐ. ܥܡܐ : ܘܠܪܘܚܐ ܕܝܠܟ ܟܗܢܐ : ܢܗܘܘܢ (12) ܪ̈ܚܡܐ ܕܐܠܗܐ. ܥܡܐ : ܘܥܡ ܪܘܚܐ ܕܝܠܟ. ܟܗܢܐ ܩܨܐ ܘܪܫܡ (13) ܡܫܡܫܢܐ . ܩܐܬܘܠܝܩܝ.

Prayer before the Lord's Prayer

ܟܗܢܐ ܨܠܘܬܐ ܕܐܒܘܢ ܕܒܫܡܝܐ (14) ܡܪܝܐ ܕܝܠܢ ܘܐܠܗܐ ܡܪܚܡܢܐ. ܗ̇ܘ ܕܠܗܠ (15) ܡܢ ܟܠ ܙܒ̈ܢܐ ܐܝܬܝܟ. ܘܠܥܠ ܡܢ ܟܠܗܝܢ (16) ܪ̈ܝܫܢܘܬܐ ܘܛܟܣ̈ܝܣ ܥܠ̈ܝܬܐ ܕܫܡ̈ܝܢܐ. (17) ܗ̇ܘ ܕܒܛܝܒܘܬܟ ܘܒܡܪܚܡܢܘܬܟ. ܩܪܝܬ (18) ܘܩܲܪܒܬܢ ܠܦܘܠܚܢܐ ܛܘܒܬܢܐ ܘܠܒܘܤܡܐ (f. 279) (1) ܕܒܦܪܕܝܤܐ ܕܥܕܝܢ. ܘܟܕ ܒܠܐ ܡܬܬܦܝܣܢܘܬܐ (2) ܟܬܪܢ ܘܥܠ ܦܘܩܕܢܐ ܕܝܠܟ ܡܪܐܢܝܐ ܡܪܚܐܝܬ (3) ܕܫܢܢ ܘܥܒ̣ܪܢ ܘܠܡܘܬܐ ܐܬܚܲܝܒܢܢ. ܠܗ (4) ܠܝܚܝܕܝܐ ܒܪܐ ܕܝܠܟ ܘܨܡܚܐ ܕܐܝܬܘܬܟ ܫܕܪܬ (5) ܠܦܘܪܩܢܢ. ܘܠܟܠܗ̇ ܡܕܒܪܢܘܬܐ ܦܪܘܩܝܬܐ (6) ܕܝܠܗ ܕܚܠܦܝܢ ܫܲܡܠܝ. ܘܦܘ̈ܩܕܢܐ ܦܪ̈ܘܩܝܐ (7) ܘܢܡܘ̈ܣܐ ܡܥܒ̈ܕܝ ܚܝ̈ܐ ܣܡ ܠܢ. ܕܒܗܘܢ (8) ܢܪܕܐ ܘܢܗܲܠܟ ܘܢܥܘܠ ܠܘܬܟ ܐܒܐ ܕܪ̈ܚܡܐ (9) ܘܐܠܗܐ ܕܟܠܗ ܒܘܝܐܐ. ܘܗܫܐ ܡܪܝܐ ܐܠܗܐ (10) ܗܒ ܠܢ ܕܢܦܪ̈ܚܢ ܨܠ̈ܘܬܢ ܡܚܝ̈ܠܬܐ ܒܓ̈ܦܐ (11) ܪ̈ܓܝܓܐ ܕܛܝܒܘܬܟ. ܥܕܡܐ ܠܘܲܥܕܐ ܕܟܘܪܤܝܐ (12) ܕܡܠܟܘܬܟ. ܘܕܟܝܐܝܬ ܘܩܕܝܫܐܝܬ ܒܐܦ̈ܐ (13) ܓܠ̈ܝܬܐ ܘܒܦܪܪܝܣܝܐ ܕܡܢܟ ܢܩܘܡ (14) ܩܕܡܝܟ ܘܢܫܡܫܟ. ܘܒܠ̈ܫܢܐ ܡܠ̈ܝܝ ܪܘܙܐ (15) ܘܚܕܘܬܐ. ܠܨܠܘܬܐ ܡܪܐܢܝܬܐ ܗ̇ܝ ܕܐܠܦ (16) ܝܚܝܕܝܐ ܒܪܐ ܕܝܠܟ ܠܬܠ̈ܡܝܕܘܗܝ ܩܕܝܫ̈ܐ (17) ܢܨܲܠܐ ܘܢܐܡܪ܆ ܐܒܘܢ ܕܒܫܡܝܐ. ܥܡܐ ܢܬܩܕܫ (18) ܫܡܟ

Prayer after the Lord's Prayer

ܟܗܢܐ : ܐܝܢ ܡܪܚܡܢܐ ܡܪܝܐ. ܒܥܝܢܢ (f. 280) (1) ܡܢܟ ܘܡܦܝܤܝܢܢ ܠܪ̈ܚܡܝܟ ܘܡܬܟܫܦܝܢܢ (2) ܠܚܢܢܟ. ܕܬܫܘܐ ܠܟܠܢ ܒܛܝܒܘܬܟ ܕܢܬܩܕܫ (3) ܒܢ ܡ̈ܐܟܐ ܘܥܦܪ̈ܢܐ ܫܡܟ ܡܫܒܚܐ ܘܩܕܝܫܐ. (4) ܘܬܐܬܐ ܡܠܟܘܬܟ ܠܐܝܠܐ ܕܡܚܝܠܘܬܢ. ܘܢܬܬܢܝܚ (5) ܨܒܝܢܟ ܘܢܕܝܪ ܒܢܦ̈ܫܬܢ. ܐܝܟ ܕܒܚ̈ܝܠܘܬܐ (6) ܩܕܝܫ̈ܐ ܘܫܡܝ̈ܢܐ. ܘܦܲܨܐ ܠܢ ܡܪܝܐ ܡܢ ܟܠ (7) ܢܣܝܘ̈ܢܐ ܥܣ̈ܩܐ ܘܕܥ̇ܒܪܝܢ ܠܚܝܠܐ ܕܝܠܢ. (8) ܘܫܲܘܙܒ ܠܣ̈ܓܘܕܝܟ ܡܢ ܟܠܗܝܢ ܫܪ̈ܥܬܐ (9) ܘܟܐܡ̈ܘܢܐ ܡܘܒ̈ܕܢܐ ܕܐܟܠܩܪܨܐ. ܡܛܠ (10) ܕܕܝܠܟ ܗܝ ܡܠܟܘܬܐ ܘܚܲܝܠܐ ܘܬܫܒܘܚܬܐ (11) ܘܕܝܚܝܕܝܐ ܒܪܐ ܕܝܠܟ ܘܕܪܘܚܐ ܕܝܠܟ ܩܕܝܫ (12) ܒܟܠ ܘܛܒܐ. ܥܡܐ : ܐܡܝܢ. ܟܗܢܐ : ܫܠܡܐ. (13) ܥܡܐ : ܘܠܪܘܚܐ. ܡܫܡܫܢܐ ܠܡܪܝܐ ܪ̈ܝܫܝܢ ܥܡܐ : (14) ܩܕܡܝܟ ܡܪܝܐ.

The Third Benediction

ܟܗܢܐ : ܡܪܝܐ ܐܠܗܐ ܛܒܐ ܘܪܚܡ (15) ܐܢܫ̈ܐ. ܚܝܘܣܬܢܐ ܘܣܓܝ ܪ̈ܚܡܐ. (16) ܚܘܪ ܒܟܠܗܘܢ ܐܝܠܝܢ ܕܐܪܟܢܘ ܪ̈ܝܫܝܗܘܢ (17) ܩܕܡ ܪܒܘܬܟ ܘܒܲܪܟ ܐܢܘܢ ܒܒܘܪܟܬܐ ܕܝܠܟ (18) ܪܘܚܢܝܬܐ ܘܠܐ ܡܬܬܪܝܡܢܝܬܐ. ܘܠܐ ܡܪܝ (f. 281) (1) ܬܕܚܘܩ ܠܢ܇ ܡܐ ܕܡܬܩܲܪܒܝܢܢ ܠܩܘܕܫ̈ܝܟ ܐܠ̈ܗܝܐ (2) ܘܠܐ ܡܝ̈ܘܬܐ. ܘܠܐ ܢܗܘܐ ܡܚ̈ܝܒܐ ܠܦܓܪܐ ܘܕܡܐ (3) ܕܝܚܝܕܝܐ ܒܪܐ ܕܝܠܟ. ܒܝܕ ܚܘܫ̈ܒܐ ܣܢ̈ܝܐ (4) ܕܠܒܘ̈ܬܢ. ܐܠܐ ܒܕܟܝܘܬܐ ܘܕܠܐ ܛܐܡܘܬܐ. (5) ܐܫܘܐ ܠܢ ܕܢܫܬܘܬܦ ܒܪ̈ܐܙܝܟ ܩܕܝܫ̈ܐ (6) ܘܫܡܝܢ̈ܐ ܘܡܥܒ̈ܕܝ ܚܝ̈ܐ ܘܕܚܝ̈ܠܐ. ܘܩܲܕܫ (7) ܒܗܘܢ ܢܦܫ̈ܬܢ ܘܦܓܪ̈ܝܢ ܠܒܝܬ ܡܥܡܪܐ (8) ܕܐܠܗܘܬܟ. ܘܢܲܣܩ ܠܟ ܥܡܐ : ܐܡܝܢ. ܟܗܢܐ : (9) ܫܠܡܐ. ܥܡܐ : ܘܠܪܘܚܐ. ܟܗܢܐ : ܬܗܘܐ ܛܝܒܘܬܐ ܕܬܠܝܬܝܘܬܐ. (10) ܥܡܐ : ܘܥܡ ܪܘܚܐ ܡܫܡܫܢܐ : ܒܕܚܠܬܐ ܢܚܘܪ. ܟܗܢܐ : (11) ܩܘܕܫ̈ܐ ܠܩܕܝܫ̈ܐ. ܥܡܐ : ܚܕ ܐܒܐ ܩܕܝܫܐ. ܟܗܢܐ : ܚܕ (12) ܐܒܐ ܩܕܝܫܐ ܥܡܢ. ܡܫܡܫܢܐ : ܢܩܘܡ ܫܦܝܪ ܟܠܢ ܫܘܝܐܝܬ.

Prayer of Thanksgiving

(13) ܟܗܢܐ : ܡܢܐ ܓܝܪ ܐܝܬ ܠܢ ܕܢܦܪܥܟ ܐܘ̄ ܡܪܝܐ܆ ܚܠܦ (14) ܟܠܗܘܢ ܦܘܪ̈ܥܢܝܟ ܛܒ̈ܐ. ܥܠ ܐܦܝ̈ ܟܠܗܝܢ (15) ܡܘܗ̈ܒܬܟ ܘܛܝܒ̈ܘܬܟ ܘܫܦܝܪܘܬ ܣܥܘܪ̈ܘܬܟ (16) ܕܠܘܬܢ. ܗ̇ܘ ܕܐܫܘܝܬ ܠܢ ܠܡܫܬܘܬܦܘ ܠܦܓܪܐ ܕܝܠܟ [in marg. corr. ܕܝܠܗ ܕܒܪܟ] (17) ܩܕܝܫܐ ܘܠܡܩܲܒܠܘ ܟܣܐ ܕܦܘܪܩܢܐ ܕܡܟ ܡܝܩܪܐ (18) ܘܦܪܘܩܝܐ. ܘܗܫܐ ܐܘ̄ ܡܪܝܐ ܛܒܐ ܘܪܚܡܢܫܐ. ܐܝܟܢܐ (f. 282) (1) ܕܩܪܝܬܢ ܘܩܲܪܒܬܢ ܠܒܘܤܡܐ ܗܢܐ ܛܘܒܬܢܐ ܘܡܐܚܝܢܐ. (2) ܐܫܘܐ ܠܢ ܕܢܬܚܲܠܛ ܦܓܪܟ ܒܦܓܪܢ. ܘܢܬܡܙܓ ܕܡܟ (3) ܒܢܦܫ̈ܬܢ. ܘܢܗܘܐ ܠܢ ܠܚܝܘܣܝܐ ܕܚܘ̈ܒܐ ܘܠܫܘܒܩܢܐ (4) ܕܚܛܗ̈ܐ. ܘܠ̈ܙܘܕܐ ܕܚ̈ܝܐ ܕܠܥܠܡ. ܠܣܘܚ̇ܦܐ ܕܐܟܠܩܪܨܐ. (5) ܘܠܩܕܝܫܘܬܐ ܕܢܦܫ̈ܬܐ ܘܕܦܓܪ̈ܐ. ܡܛܠ ܕܡܒܪܟܐ ܐܝܬܝܟ (6) ܐܠܗܐ ܘܩܕܝܫܐ ܡܠܟܘܬܟ. ܘܠܟ ܫܘܒܚܐ ܡܣܩܝܢܢ ܥܡܐ : ܐܡܝܢ. (7) ܟܗܢܐ : ܫܠܡܐ. ܥܡܐ : ܘܠܪܘܚܐ. (8) ܡܫܡܫܢܐ : ܡܢ ܒܬܪ ܢܣܝܒܘܬܐ. ܥܡܐ : (9) ܏ܩܕ (ܩܕܡܝܟ)

Concluding Prayer

ܟܗܢܐ : ܩܕܡܝܟ ܡܪܝܐ ܐܠܗܐ ܡܪܟܢܝܢܢ ܗܘ̈ܢܝܢ (10) ܘܡܕܥ̈ܝܢ ܘܙܪ̈ܥܝܢ ܘܚܘܫ̈ܒܝܢ ܘܟܠܗ ܪܘܟܒܐ ܕܦܓܪ̈ܝܢ (11) ܟܕ ܡܓܥܠܝܢܢ ܠܟ ܢܦܫ̈ܬܢ. ܘܒܥܝܢܢ ܡܢܟ ܘܡܦܝܣܝܢܢ (12) ܠܪ̈ܚܡܝܟ ܕܬܐܓܢ ܥܠܝܢ ܝܡܝܢܟ ܪܒܬܐ ܘܠܐ ܡܬܚܙܝܢܝܬܐ (13) ܘܡܠܝܬ ܟܠ ܒܘܪ̈ܟܬܐ. ܘܥܲܕܪ ܘܢܛܪ ܠܟܠܢ. ܒܲܪܟ ܘܩܕܫ (14) ܠܟܠܢ ܒܝܕ ܨܠܝܒܟ ܡܥܒܕ ܚܝ̈ܐ ܘܦܪܘܩܝܐ. ܘܠܟ (15) ܬܫܒܘܚܬܐ ܘܬܘܕܝܬܐ ܡܣܩܝܢܢ ܘܣܓܕܬܐ ܘܐܝܩܪܐ (16) ܘܪܒܘܬ ܝܐܝܘܬܐ ܡܫܝܚܐ ܐܠܗܐ ܕܝܠܢ. ܘܠܐܒܘܟ (17) ܡܒܪܟܐ ܘܛܘܒܬܢܐ ܘܠܪܘܚܐ ܕܝܠܟ ܩܕܝܫ ܒܟܠ. ܘܛܒܐ (18) ܫܠܡܬ ܐܢܢܐܦܘܪܐ ܕܩܕܝܫܐ ܘܓܒܝܐ ܡܪܝ ܐܝܘܐܢܢܝܘܣ (19) ܟܪܘܣܘܣܛܘܡܘܣ. ܨܠܘܬܗ ܥܡܢ ܐܡܝܢ

Anaphoras

Anaphora of John Chrysostom - Damascus 5/11 - Edition