Beta version
Manuscript:
Staatsbibliothek Berlin - Sachau 196
Paper
Written in 1280
(f. 1r) (1) ܬܘܒ ܐܢܢܐܦܘܪܐ ܕܩܕ̄[ܝܫܐ] ܡܪܝ ܝܥܩܘܒ (2) ܕܐܘܪܗܝ
ܩܕܡ ܨܠܘܬܐ ܕܩܕܡ ܫܠܡܐ (3) [ܟܗܢܐ] ܐܠܗܐ ܐܒܐ ܕܟܠ ܘܡܪܐ ܡܪ̈ܘܬܐ. ܗ̇ܘ (4) ܝܠܘܕܐ ܡܬܘܡܝܐ [in marg. ܕܝܠܕ ܡܠܬܐ] ܡܬܘܡܝܐ ܘܠܐ ܙܒܢܐܝܬ ܘܠܐ (5) ܡܬܦܫܩܢܐܝܬ. ܗ̇ܘ ܡܒܘܥܐ ܕܫܠܡܐ (6) ܘܢܒܥܐ ܕܫܝܢܐ ܘܬܗܘܡܐ ܕܚܘܒܐ ܡܫܡܠܝܐ. (7) ܐܢܬ ܐܘ ܝ̇ܗܘܒܐ ܕܫܝܢܐ. ܐܫܘܐ ܠܟܠܢ (8) ܕܪܘܚܢܐܝܬ ܘܫܦܝܐܝܬ ܘܠܐ ܕܠܝܚܐܝܬ. (9) ܢܥܲܦܩ ܘܢܢܲܫܩ ܚܕ ܠܚܕ ܒܚܘ̣ܒܐ (10) ܫܪܝܪܐ ܕܡܥܠܝ ܡܢ ܢܟܝܠܘܬܐ: ܕܒܐܝܕ̈ܘ[ܗܝ] (11) ܕܝܠܗ ܕܡܫܲܟܢܢܐ ܕܫܝܢܐ ܕܝܚܝܕܝܐ (12) ܒܪܐ ܕܝܠܟ. ܕܥܡܗ ܠܟ ܦܐܐ ܫܘ[ܒܚܐ] (13) ܘܐܝܩܪܐ ܘܐܘܚܕܢܐ ܥܡ ܪܘܚܐ ܕܝܠܟ. (14) ܥܡܐ ܐܡܝܢ ܡܫܡ ܢܬܠ
ܟܗܢܐ ܡܟܝܠ (15) ܕܐܬܡܲܙܓܢܢ ܘܐܬܚܲܝܕܢܢ ܚܕ ܠܚܕ (16) ܒܚܘܒܐ ܫܪܝܪܐ ܘܒܪܘܚܐ ܡܟܝܟܬܐ. (17) ܘܫܠܚܢܢ ܠܥܬܝܩܘܬ ܡ̈ܐܢܐ ܕܒܪܢܫܢ (18) ܥܬܝܩܐ. ܘܠܨܘܪ̈ܐ ܕܝܠܢ ܩܕܡ (19) ܡܪܚܡܢܘܬܟ ܐܪܟܢܢ. ܒܥܝܢܢ ܡܢ ܛܒܘܬܟ (20) ܟܝ̇ܢܝܬܐ. ܐܫ̣ܘܕ ܥܠ ܟܠܗ̇ ܐܘܡܬܐ (f. 1v) (1) ܘܝܪܬܘܬܐ ܕܝܠܟ ܗ̇ܝ ܕܒܕܡܐ ܦܪܘܩܝܐ (2) ܕܡܫܝܚܟ ܐܙܕܒܢܬ݀. ܟܠܗܝܢ ܒܘܪ̈ܟܬܟ (3) ܫܦܝܥ̈ܬܐ. ܘܟܠܗܝܢ ܛܝܒ̈ܘܬܟ ܓܡܝܪ̈ܬܐ. (4) ܐܝܟܢܐ ܕܒܠܫ̈ܢܐ ܕܡܚܲܝܕܝܢ ܒܚܕ ܓܘܫܡܐ (5) ܩܕܝܫܐ ܕܝܚܝܕܝܐ ܒܪܐ ܕܝܠܟ. ܘܒܐܝܕ̈ܘܗܝ (6) ܢܣܩ ܠܟ ܫܘ[ܒܚܐ] ܘܬܘܕܝܬܐ ܘܠܪܘܚܐ ܩܕ[ܝܫܐ]. (7) ܥܡܐ ܐܡܝܢ
ܟܗܢܐ ܐܢܬ ܗܘ ܗ̇ܘ ܕܒܛܒܘܬ (8) ܛܘܒܬܢܘܬܐ ܕܝܠܟ ܕܝܠܟ ܟܝ̇ܢܝܬܐ ܘܒܪ̈ܚܡܐ (9) ܠـܚܘܕ ܕܐܘܣܝܐܝܬ ܥܙܝ̣ܠܝܢ ܒܟ. ܡܢ (10) ܠܐ ܡܕܡ ܡܢ ܒܪܝܫܝܬ ܠܢ ܒܪܝ̣ܬ (11) ܒܨܠܡܐ ܫܒܝ̣ܚܐ ܕܪܒܘܬܟ. ܘܟܕ (12) ܐܬܚܒܠܢܢ ܘܠܚܒ̇ܠܐ ܫܪܟܢܢ. ܘܒܗ̇ (13) ܒܛܒܘܬܐ ܗ̇ܝ ܕܝܠܟ. ܘܠܘ ܒܙܕܝܩܘܬܐ (14) ܕܝܠܢ. ܠܡܠܬܐ ܐܠܗܐ ܒܪܐ ܕܝܠܟ (15) ܫܕܪܬ ܠܦܘܪܩܢܐ ܕܝܠܢ. ܐܢܬ ܗܫܐ ܐܘ (16) ܡܪܝܐ. ܒܗ̇ ܒܛܒܘܬܐ ܕܒܗ̇ ܒ̣ܪܝܬ ܠܢ (17) ܡܢ ܫܘܪܝܐ. ܘܒܗܘܢ ܒܪ̈ܚܡܐ ܟܝܢܝ̈ܐ (18) ܕܒܗܘܢ ܦܪܩ̣ܬ ܠܢ ܒܫܘܠܡܐ. (19) ܐܬܚ̇ܫܚ ܥܡܢ ܒܫܥܬܐ ܗܕܐ. ܕܠܐ ܟܕ (20) ܡܬܩܪܒܝܢܢ ܠܪ̈ܐܙܐ ܗܠܝܢ ܩܕܝ̈ܫܐ (21) ܢܒ̣ܗܬ ܒܚ̈ܛܗܐ ܕܝܠܢ. ܐܠܐ ܒܗܘܢ (f. 2r) (1) ܢܬܚ̇ܠܠ ܡܢ ܨ̈ܘܥܨܥܐ ܘܨܐܬܐ ܕܚܛܝ̣ܬܐ. ܥܡܐ ܐܡܝܢ (2) ܡܫܡ ܢܩܘܡ ܟܗܢܐ ܚܘ̣ܒܐ ܥܡܐ ܘܥܡ
(3) ܟܗܢܐ ܟܕ ܓܗܝܢ ܢܫ̇ܘܐ ܘܛܒ ܙ̇ܕܩ (4) ܕܬܬܒܪܟ ܘܬܫܬܒܚ ܘܬܬܗ̇ܕܪ. (5) ܘܬܬܪܡܪܡ ܡܢܢ ܐܘ ܐܠܗܐ ܕܝܠܢ. ܘܠܘ (6) ܒܠܚܘܕ ܡܢܢ. ܐܠܐ ܘܐܦ ܡܢ ܟܠܗܘܢ (7) ܚܝܠ̈ܘܬܐ ܕܒܫܡܝܐ ܘܬܠܐ ܩܠܗ ܡܢܟ (8) ܓܝܪ ܪܥܠܝܢ ܘܡܬܪܗܒܝܢ. ܘܠܓܐܝܘܬܟ (9) ܡܝ̇ܒܒܝܢ ܘܡܗܕܪܝܢ. ܐܠ̈ܦ ܐܠ̈ܦܝܢ (10) ܘܪ̈ܒܘ ܪ̈ܒܘܢ ܕܗ̈ܘܢܐ ܫܡܝ̈ܢܐ ܘܝܗ̈ܠܐ (11) ܥ̈ܠܝܐ. ܐܘܣ̈ܝܐܣ ܦܫܝ̈ܛܬܐ ܘܠܐ ܡܪ̈ܟܒܬܐ (12) ܕܡ̣ܢ ܢܒܪܫܬܐ ܡܬܝܕܥܢܝܬܐ ܦܣܝ̈ܩܢ (14) ܠܟ ܡܒܪ̈ܟܢ. ܛܐܟܣ̈ܝܤ ܬܡܝ̈ܗܬܐ (15) ܘܕܚ̈ܝܠܬܐ ܕܡܢ ܓܘܙܠܬܐ ܕܢܘܪܐ (16) ܩܠܝܠܬܐ ܥܒܝ̈ܕܢ ܠܟ ܡܩ̈ܠܣܢ. ܦܠ̈ܓܐ (17) ܥܙܝ̈ܙܬܐ ܕܬܗܪܐ ܕܡܢ ܒܝܢܬ ܣܦ̈ܘܬܗܝܢ (18) ܓܘܡܪ̈ܐ ܪ̈ܗܝܒܬܐ ܢܬܪ̈ܢ ܠܟ ܡܫܒܚ̈ܢ. (19) ܣ̈ܝܥܬܐ ܡܬܝܚ̈ܬܐ ܘܬܩܝ̈ܦܬ ܙܘ̈ܥܐ (20) ܕܟܪ̈ܘܒܐ ܛܥܝ̈ܢܝ ܠܓܢܝ̣ܙܘܬܟ ܠܟ (21) ܡܪܡܪܡܝܢ. ܛܟ̈ܣܐ ܡܛܟ̈ܣܐ (f. 2v) (1) ܕܣܪ̈ܦܐ ܫܬܝܬܝ̈ܝ ܓܦ̈ܐ ܬܠܝܬܝ̈ܝ (2) ܩܘ̈ܕܫܐ ܠܟ ܡܩܕܫܝܢ. ܗ̇ܢܘܢ ܕܟܕ (3) ܠܦܪ̈ܨܘܦܐ ܕܓܘܙܠܬܐ ܒܓ̈ܦܐ ܕܓܘܙܠܬܐ (4) ܡܢ ܓܘܙܠܬܟ ܠܐ ܡܣܬܝܒܪܢܝܬܐ ܡܚܲܦܝܢ. (5) ܒܩܝܢ̈ܬܐ ܫܦ̈ܝܬܐ ܘܣ̈ܦܘܬܐ ܪ̈ܡܬ ܡܢ (6) ܥܠ̈ܡܐ. ܩܘ̈ܕܫܐ ܬܠ̈ܝܬܝܐ ܒܒܪܬ ܩܠܐ (7) ܚܕܢܝܬܐ ܖ̈ܥܡܝܢ. ܘܡܝܒܒܝܢ ܘܡ̇ܙܥܩܝܢ (8) ܘܩ̇ܥܝܢ ܘܐܡܪܝܢ ܥܡܐ ܩܕܝܫ
ܟܗܢܐ (9) ܟܕ ܓܗܝܢ ܩܕܝܫܐ ܐܝܬܝܟ ܘܢܒܥܐ ܕܩܕܝܫܘ[ܬܐ] (10) ܡܪܝܐ. ܗ̇ܘ ܕܟܕ ܫܪܥ̣ܢܢ ܘܠܥܦܪܐ ܢܦ̣ܠܢܢ. (11) ܠܗ̇ܘ ܟܝ̇ܢܐ ܕܡܢܗ ܐܬܒ̣ܪܝܢܢ. ܡܢ ܗ̇ܘ (12) ܪܘܡܐ ܕܒܛܒ̇ܘܬܐ ܠܚܘܕ ܕܝܠܟ (13) ܪܡܪܡܬ ܠܢ. ܢܒܝ̈ܐ ܫܕܪܬ ܠܬܘܪܨܐ (14) ܕܝܠܢ. ܘܟܕ ܠܐ ܐܬܡ̣ܨܝܘ ܚܲܝܠܐ ܕܦܘܪܩܢܐ: (15) ܡܠܬܐ ܐܠܗܐ ܒܪܟ ܫܕܪܬ ܠܥܘܕܪܢܢ (16) ܘܐܬܓܫܡ ܡܢ ܓܒܝ̣ܠܬܐ ܕܝܠܢ ܕܢܗ̣ܦܘܟ (17) ܢܓܒܠܝܗ̇ ܡ̣ܢ ܕܪܝܫ. ܘܟܠܡܕܡ ܕܦܐܐ (18) ܠܒܪܢܫܐ ܩܒ̣ܠ ܚܠܦܝܢ. ܘܕܦܐܐ ܠܐܠܗܐ (19) ܣܥ̣ܪ ܠܦܘܪܩܢܢ.
ܬܠܐ ܩܠܗ ܟܕ ܕܝܢ (20) ܠܐܡܪܐ ܢܡܘܣܝܐ ܗ̇ܘ ܕܠܗ ܠܐܡ̣ܪܐ (f. 3r) (1) ܫܡ̇ܝܢܐ ܡܛܦܣ ܗܘܐ. ܥܡ ܬܠ̈ܡܝܕܐ (2) ܕܝܠܗ ܩܕܝܫ̈ܐ ܐܟ̣ܠ. ܘܨܒ̰ܐ ܕܡܢ ܐܡܪ̈ܐ (3) ܘܓܕ̈ܝܐ ܘܕܒܚ̈ܐ ܦܓܖ̈ܢܝܐ ܢܪܡܪܡ (4) ܠܢ. ܘܠܡܥܠܝܘܬܐ ܕܕܒܚ̈ܐ ܫܡܝܢ̈ــܐ. (5) ܘܪ̈ܐܙܐ ܐܠܗ̈ܝܐ ܢܥܲܠܐ ܠܢ. ܒܗ̇ܘ ܪܡܫܐ (6) ܕܥܬܝܕ ܗܘܐ ܕܢܬܠ ܗ̣ܘ ܠܗ ܕܒܚܐ (7) ܚܠܦܝܢ. ܠܚܡܐ ܢܣ̣ܒ ܒܐܝ̈ܕܝܐ ܕܝܠܗ (8) ܩܕܝܫ̈ܬܐ ܘܪ̈ܡܬ ܡܢ ܛܘܠܫܐ. ܘܟܕ ܬܠܐ (9) ܚܘܪܐ ܩܛܝܢܐ ܠܪܘܡܐ ܕܫܡܝܐ ܠܘܬ (10) ܐܒܐ. ܘܐܘܕ݊ܝ. ܒܲܪ݊ܟ. ܩܲܕ݊ܫ. (11) ܩ̣ܨܐ݉ ܘܐܟ̣ܠ ܘܝܗ̣ܒ ܠܬܠ̈ܡܝܕܐ ܕܝܠܗ (12) ܟܕ ܐܡ̇ܪ. ܕܣ̣ܒܘ ܐܟܘܠܘ ܡܢܗ. (13) ܗ̇ܢܘ ܦܓܪܝ ܕܚܠܦ ܚܝ̈ܐ ܕܒܖ̈ܝܬܐ. (14) ܡܬܩ̣ܨܐ݉ ܘܡܬܦ̇ܠܓ ܠܚܘܣܝܐ ܕܚܘܒ̈ܐ (15) ܘܠܫܘܒܩܢܐ ܕܚ̈ܛܗܐ. ܘܠܚ̈ܝܐ ܕܠܥܠܡ (16) ܥܠܡܝܢ܀ ܗܟܢܐ ܬܘܒ ܡ̇ܙܓ ܡܡܙܓܐܝܬ (17) ܡܢ ܚܲܡܪܐ ܘܡܢ ܡܝ̈ܐ ܠܟܣܐ ܘܐܘܕܝ (18) ܥܠܘܗܝ. ܡܢ ܒܬܪ ܕܒܲܣܡ ܠ̈ܬܠܡ̣ܝܕܘ[ܗܝ] (19) ܒܦܬܘܪܐ ܕܪ̈ܐܙܐ. ܘܒܪ݊ܟ. ܩܲܕ݊ܫ. (20) ܘܐܘܫܛ ܠܫܠܝܚ̈ܐ ܘܐܡ̣ܪ. ܗ̇ܢܘ ܕܡܐ (f. 3v) (1) ܕܝܠܝ. ܕܐܫ̇ܕ ܐܢܐ ܠܗ ܚܠܦ ܚ̈ܝܐ (2) ܕܥܠܡܐ. ܘܠܐܝܠܝܢ ܕܡܗܝܡܢܝܢ ܡܙܡܢ (3) ܠܚ̈ܝܐ ܕܠܥܠܡ ܥܠܡܝܢ ܀ ܘܗܟܢܐ (4) ܥܒܕܘ. ܟܠ ܐܡܬܝ ܕܐܟܠܝܢ ܐܢܬܘܢ (5) ܦܓܪܐ ܗܢܐ ܘܫ̇ܬܝܢ ܐܢܬܘܢ ܟܣܐ ܗܢܐ. (6) ܐܬܥ̇ܗܕܘ ܠܡܘܬܐ ܕܝܠܝ ܥܕܡܐ (7) ܕܐܬܐ ܐܢ̣ܐ. ܥܡܐ ܡܘܬܟ
ܟܗܢܐ ܘܟܕ (8) ܠܡܕܒܪܢܘܬܐ ܕܝܠܟ ܗ̇ܝ ܕܠܥܠ ܡ̣ܢ (9) ܟܝ̇ܢܐ: ܥܠ ܠܘܚ̈ܐ ܕܠܒܘ̈ܬܢ ܟܬܒܝܢܢ. (10) ܘܠܪ̈ܙܐ ܬܡܝ̈ܗܐ ܕܬܡ̈ܝܗܬܟ ܐܘ (11) ܡܠܬܐ ܐܠܗܐ ܒܥܝ̈ܢܐ ܕܬܪ̈ܥܝܬܢ (12) ܚ̇ܙܝܢܢ. ܘܐܦ ܠܕܢܚ̣ܐ ܕܝܠܟ ܙܝܥ̣ܐ (13) ܘܕܚܝ̣ܠܐ ܕܡܐܬܝܬܟ ܗ̇ܝ ܬܪܝܢܝܬܐ (14) ܡܬܥ̇ܗܕܝܢܢ. ܐܡܬܝ ܕܐܝܟ ܒܪܩܐ (15) ܥܙܝܙܐ ܡܢ ܡܕܢܚܐ ܕܢ̇ܚ ܐܢܬ. (16) ܘܠܫܬܐܣ̈ܝܗ̇ ܕܡܬܥܡܪܢܝܬܐ (17) ܒܚܲܝܠܐ ܕܥܙܝܙܘܬܟ ܡܲܪܥܠ ܐܢܬ. (18) ܐܡܬܝ ܕܥܠ ܥܢ̈ܢܝ ܫܡܝܐ ܒܙܘܚܐ (19) ܪܒܐ ܐܬܐ ܐܢܬ. ܘܥܠ ܬܪܘܢܘܣ ܓܐܝܐ (20) ܕܓܐܝܘܬܟ ܒܫܘܒܚܐ ܠܐ ܡܬܡܲܠܠܢܐܝܬ (f. 4r) (1) ܝ̇ܬܒ ܐܢܬ. ܐܡܬܝ ܕܡܣܲܪܩܐ ܐܪܥܐ (2) ܐܝܟ ܡܐܢܐ ܕܦܲܚܪܐ ܠܦܓܖ̈ܐ ܕܚܡܝ̣ܠܝܢ (3) ܒܗ̇. ܘܡܥܝ̣ܪܐ ܫܝܘܠ ܐܝܟ ܕܡܢ (4) ܫܢ̣ܬܐ ܠܥܢ̈ܝܕܐ ܕܫܟܝ̣ܒܝܢ ܒܗ̇. ܐܡܬܝ (5) ܕܠܝܬ ܒܘܝܐܐ ܠܐܒ̣ܠܐ ܕܪ̈ܫܝܥܐ ܐܦܠܐ (6) ܟܡܝܪܘܬܐ ܠܚܕܘܬܐ ܕܙܕܝܩ̈ܐ. ܒܗ̇ܝ (7) ܫܥܬܐ ܕܚܝ̣ܠܬܐ. ܬܟܪܐ ܠܡܪܚܡܢܘܬܟ (8) ܡܪܝܐ. ܥܠ ܥܡܐ ܕܝܠܟ ܘܝܪܬܘܬܟ. (9) ܠܐ ܬܦܣ̣ܘܩ ܣܒܪܐ ܕܝܠܢ ܡܢ (10) ܛܝܒܘܬܟ: ܘܠܐ ܬܓܠ̣ܘܙ ܬܘܟܠܢܐ ܕܝܠܢ (11) ܡܢ ܪ̈ܚܡܐ ܕܒܣܝܡܘܬܟ. ܠܐ (12) ܢܚܲܦܘܢ ܚ̈ܛܗܐ ܕܝܠܢ ܠܛܒܥܐ ܕܡܪܘܢ (13) ܕܝܠܟ ܗ̇ܘ ܩܕܝܫܐ. ܠܐ ܢܫܬܠܚ ܒܝܕ (14) ܣܟ̈ܠܘܬܢ ܡ̣ܢ ܡܥܡܘܕܝܬܐ ܕܝܠܟ ܗ̇ܝ (15) ܐܠܗܝܬܐ. ܠܐ ܬܗܘܐ ܠܘܬܢ ܕܠܐ (16) ܪ̈ܚܡܐ ܡܪܝܐ. ܘܠܐ ܬܗܦܟ ܐܦܝ̈ܟ (17) ܡܢܢ. ܠܐ ܢܒܥܐ ܪ̈ܚܡܐ ܘܠܝܬ (18) ܕܡܪܚܡ. ܠܐ ܢܒܟ̣ܐ ܒܚܫܐ ܘܠܝܬ (f. 4v) Blank page (f. 5r) (1) ܕܡܒܲܝܐܐ. ܠܐ ܢܫܬܢܲܩ ܒܓܗܢܐ ܘܠܝܬ (2) ܕܚ̇ܐܣ. ܠܐ ܢܬܕܓܠܘܢ ܠܘܬܢ ܫܘ̈ܘܕܝܟ (3) ܫܖ̈ܝܪܐ ܒܝܕ ܚܛܗ̈ܐ ܘܫܘܪ̈ܥܬܐ ܕܝܠܢ. (4) ܠܐ ܥܡ ܐܝܠܝܢ ܕܛܠܡ̣ܘ ܠܚ̈ܫܝܟ: (5) ܢܬܚܲܝܒܘܢ ܐܝܠܝܢ ܕܠܐ ܟܦ̣ܪܘ ܒܨܠܝܒܟ. (6) ܠܐ ܥܡ ܐܝܠܝܢ ܕܠܐ ܐܘ̇ܕܝ̣ܘ ܒܟ. ܢܬܡ̣ܢܘܢ (7) ܐܝܠܝܢ ܕܗܝܡܢܘ ܒܟ. ܚܢܢ ܐܝ̇ܬܝܢ (8) ܡܪܝܐ. ܗ̇ܢܘܢ ܕܩܲܒܠܢܢ ܨܥܪܐ ܘܡܘܝܩܐ (9) ܚܠܦ ܫܡܐ ܕܝܠܟ ܩܕܝܫܐ. ܗ̇ܢܘܢ (10) ܕܐܬܩܲܦܚܢܢ ܡܢ ܥܡ̈ܡܐ ܢܘܟܪ̈ܝܐ (11) ܚܠ̣ܦ ܗܝܡܢܘܬܐ ܕܝܠܟ ܫܪܝܪܬܐ. ܕܠܐ (12) ܟܦ̣ܪܢܢ ܒܟ ܠܐ ܬܟܦ̣ܘܪ ܒܢ. ܕܠܐ ܛܠܡܢܢ (13) ܠܡܘܟܟܟ ܠܐ ܢܬܛܠܡ ܡܢ ܒܘܣܡܐ (14) ܕܥܡܟ. ܡܛܠ ܓܝܪ ܗܠܝܢ ܥܕܬܟ (15) ܘܡܪܥܝܬܟ. ܡܬܟܲܫܦܐ ܠܟ ܘܒܐܝܕ̈ܝܟ (16) ܥܡܟ ܠܐܒܘܟ ܟܕ ܐܡ̇ܪܐ ܥܡܐ ܪܚܡ (17) ܟܗܢܐ ܐܦܚܢܢ ܥܡܐ ܠܟ ܡܫ̇ܒܚܝܢܢ (18) ܡܫܡ ܡܐ ܕܚܝ̣ܠܐ
ܟܗܢܐ ܩܪܝܬܐ ܕܪܘܚܐ (19) ܩܕ[ܝܫܐ] ܟܕ ܓܗܝܢ ܐܝܢ ܐܠܗܐ ܪܚܡܥܠܝܢ (f. 5v) (1) ܘܫܕܪ ܛܝܒܘܬܐ ܕܪܘܚܐ ܕܝܠܟ ܩܕܝܫܐ (2) ܗ̇ܘ ܡܲܥܒܕ ܚܝ̈ܐ. ܗ̇ܘ ܫ̇ܘܐ ܠܟ (3) ܒܐܘܣܝܐ. ܗ̇ܘ ܕܡܲܠܠ ܒܢܒ̈ܝܐ. ܗ̇ܘ (4) ܕܚܲܟܡ ܠܫܠܝܚ̈ܐ. ܗ̇ܘ ܕܠܲܒܒ ܠܣܗ̈ܕܐ (5) ܗܘ ܢܐܓܢ ܥܠ ܪ̈ܐܙܐ ܗܠܝܢ ܟܗܢܐ ܥܢܝܢܝ (6) ܥܡܐ ܩܘܪܝܠܠܝܣܘܢ ܟܗܢܐ ܐܝܟܢܐ ܕܟܕ (7) ܡܲܐܓܢ ܢܥܒ̣ܕ ܠܠܚܡܐ ܡ̇ܢ ܗܢܐ. (8) ܦ݊ܓ݊ܪ݊ܐ ܕܡܫܝܚܐ ܐܠܗܐ ܕܝܠܢ ܐܡܝܢ (9) ܘܠܟܣܐ ܗܢܐ ܢܚ̇ܘܐ. ܕ݊ܡ݊ܐ݊ ܕܡܫܝܚܐ (10) ܐܠܗܐ ܕܝܠܢ ܐܡܝܢ ܐܝܟܢܐ ܕܟܕ ܡܬܡܙܓܝܢ (11) ܘܡܬܚ̇ܝܕܝܢ ܒܢ̈ܦܫܬܐ ܘܦܓܪ̈ܐ ܕܝܠܢ. (12) ܢܗܘܘܢ ܠܢ ܠܚܘܣܝܐ ܘܠܐ ܠܩܘܛܪܓܐ. (13) ܘܠܕܘܟܝܐ ܘܠܐ ܠܚܘܝ̇ܒܐ. ܠܦܐܪܪܣܝܐ (14) ܕܩܕܡ ܬܪܘܢܘܣ ܕܚܝ̣ܠܐ ܕܪܒܘܬܟ. (15) ܘܠܚܘܠܛܢܐ ܕܥܡ ܐܡܪ̈ܐ ܒܢ̈ܝ (16) ܝܡܝܢܟ. ܡܛܠ ܕܫܪܝܪܝܢ ܘܡܗ̇ܝܡܢܢ (17) ܫܘ̈ܘܕܝܐ ܕܝܠܟ ܐܒܐ ܘܒܪܐ ܘܪܘܚܐ ܩܕ[ܝܫܐ]
(18) ܓܗܢܬܐ ܠܗܕܐ ܕܒܚܬܐ ܡܩܪܒܝܢܢ (19) ܠܟ ܚܠܦ ܟܠܗ̇ ܥܕܬܐ ܬܪܝܨܬ (20) ܫܘ[ܒܚܐ]. ܚܠܦ ܦܐܛܪ̈ܝܪܟܘ ܚܠܦ ܐܦܝ̈ܣܩـ[ܘܦܐ]. (f. 6r) (1) ܚܠܦ ܩܫܝ̈ܫܐ. ܚܠܦ ܡܫ̈ܡـ[ܫܢܐ]. ܚܠܦ (2) ܡܗ̈ܝܡـ[ܢܐ] ܫܪ̈ܝܪܐ. ܚܠܦ ܕܘܝܘܬܐ ܕܝܠܝ (3) ܡܠܐ ܣܢܝ̈ܬܐ ܬܠܐ ܩܠܗ ܐܝܟܢܐ ܕܒܝܕ (4) ܗܠܝܢ: ܬܬܪܡܪܡ ܘܬܬܢܨܚ ܥܕܬܐ (5) ܕܝܠܟ ܡܫ̇ܒܚܬܐ. ܗ̇ܝ ܕܦܲܬܝܬ ܝܪ̈ܝܥܬܗ̇ (6) ܡܢ ܣܘܦ̈ܝܗ̇ ܠܣܘ̈ܦܝܗ̇ ܕܥ̇ܡܪܬܐ. (7) ܬܬܥܫܢ ܒܥܘܫܢܐ ܕܕܪܥܟ. ܘܬܬܓܢܒܪܝ (8) ܒܚܲܝܠܐ ܕܓܢܒܪܘܬܟ. ܘܬܣܩܝ ܠܟ (9) ܫܘ[ܒܚܐ] ܓܗܢܬܐ ܟܕ ܒܠܚܘܕ ܒܪ̈ܚܡܐ (10) ܕܝܠܟ ܠܩܘܪ̈ܒܢܐ ܗܠܝܢ ܡܢ ܐܝܕܝ̈ܐ (11) ܕܝܠܝ ܚܛ̈ܝܬܐ ܡܩ̇ܒܠ ܐܢܬ. ܘܐܦ (12) ܠܐܝܠܝܢ ܕܪܓܓܝܢ ܕܢܩܪܒܘܢ ܘܠܝܬ (13) ܠܗܘܢ ܚܝܠܐ ܐܬܕܟܪ ܒܖ̈ܚܡܐ ܬܠܝܬܐ (14) ܘܠܐܝܠܝܢ ܕܒܗܝܡ[ܢܘܬܐ] ܫܪܝܪܬܐ ܪ̈ܝܫܝܬܐ (15) ܘܩܘܪ̈ܒܢܐ ܘܡܘܗ̈ܒܬܐ ܠܥܕܬܐ ܕܝܠܟ (16) ܩܕܝܫܬܐ ܦܪܫܝܢ. ܘܒܣܢܝܩܘܬܐ (17) ܘܚܣܝܪܘܬܐ ܕܡܛܪ̈ܦܐ ܡܫܬܘܲܬܦܝܢ (18) ܒܥܕܢܐ ܗܢܐ ܕܕܒܚ̣ܬܐ ܐܬܕܟܪ. ܘܠܐ (19) ܡܢ ܬܚܢܢܬܐ ܘܓܥܬܐ ܕܥܝ̈ܝܩܝ ܠܒܐ (f. 6v) (1) ܬܗ̇ܡܐ ܡܪܝܐ. ܡܛܠ ܕܛܘܒܬܢܐ (2) ܘܚܲܝܘܣܬܢܐ ܘܪܚܡ ܐܢܫܐ ܐܝܬܝܟ. ܘܠܟ (3) ܫܘ[ܒܚܐ] ܘܬܘܕܝܬܐ ܓܗܢܬܐ ܐܬܕܟܪ ܡܪܝܐ (4) ܘܠܡ̈ܠܟܐ ܡܗ̈ܝܡ[ܢܐ] ܕܡܥܕܪܝܢ ܠܥܕܬܐ (5) ܕܝܠܟ ܩܕܝܫܬܐ. ܐܬܟܬܫ ܚܠܦܝܗܘܢ (6) ܘܕܘܢ ܕܝܢܗܘܢ ܥܡ ܒܥܠܕܒ̈ܒܝܗܘܢ (7) ܬܠܝܬܐ ܘܠܕܐܒ̈ܐ ܛܪ̈ܘܢܐ ܕܠܗܝܩܐܝܬ (8) ܚ̇ܪܩܝܢ ܫܢܝ̈ܗܘܢ ܥܠ ܥܪ̈ܒܐ ܕܓܙܪܟ (9) ܩܕ[ܝܫܐ]. ܐܘܒܕ ܘܒܲܕܪ ܠܣ̈ܝܦܐ ܨܗܝ̈ܝ (10) ܠܕܡܐ ܕܣܓ̈ܘܕܝܟ. ܒܬܩܝܦܘܬ ܥܘܫܢܐ (11) ܕܕܪܥܟ ܐܩ̣ܗܐ ܘܬܒܲܪ. ܘܠܦܠܚܘܬܐ (12) ܐܝ̇ܕܐ ܕܡܬܟ̇ܬܫܐ ܚܠܦ ܒܢܝܢܐ ܕܥܕܬܗ (13) ܕܝܚܝܕܝܐ ܒܪܐ ܕܝܠܟ. ܒܚܲܝܠܐ ܕܝܠܟ (14) ܠܐ ܡܬܟܲܒܫܢܐ ܚܲܝܠ ܘܥܲܕܪ. ܡܛܠ ܕܒܝܬ (15) ܓܘܣܐ ܘܦܪܘܩܐ ܘܡܥܕܪܢܐ ܕܝܠܢ ܐܝܬܝܟ. (16) ܘܠܟ ܫܘ[ܒܚܐ] ܓܗܢܬܐ ܘܟܕ ܠܥܘܗܕܢܐ (17) ܛܒܐ ܠܢܒܝ̈ܐ ܘܡܒ̈ܕܩܢܐ ܕܓܠܝ̈ܢܐ ܡܲܝܬܐ (18) ܐܢܬ. ܐܬܕܟܪ ܠܝܠܕܬ ܐܠܗܐ ܡܪܝܡ (19) ܘܠܫܠܝܚ̈ܐ ܘܣܗ̈ܕܐ ܘܡܘܕܝܢ̈ܐ ܘܬܠܐ ܩܠܗ (20) ܠܡܐܪ̈ܙܢܐ ܕܪ̈ܙܐ ܠܐ ܡܬܥ̈ܩܒܢܐ (f. 7r) (1) ܕܡܕܒܪܢܘܬܗ ܕܝܚܝܕܝܐ ܒܪܐ ܕܝܠܟ. (2) ܚܙܝ̈ܐ ܕܓܢ̈ܝܙܬܐ ܘ ܡܒܕܩܢ̈ܐ ܕܥܬܝ̈ܕܬܐ (3) ܠܗ̇ܢܘܢ ܕܒܡܠܬܐ ܦܫܝ̣ܛܬܐ ܠܚܟ̣ܡܬܐ (4) ܕܚܟ̈ܝܡܐ ܐܒܗ̣ܬܘ. ܘܒܡܚܝܠܘܬܐ (5) ܕܦܓܖ̈ܐ ܘܠܟܘܪ̈ܣܘܬܐ ܕܡܠ̈ܟܐ ܥܫܝܢ̈ܐ (6) ܐܪܥܠ̣ܘ. ܠܗ̇ܢܘܢ ܕܐܫܠܡ̣ܘ ܨܘܪ̈ܝܗܘܢ (7) ܠܫܢܕ̈ܐ ܘܐܘܠܨ̈ܢܐ ܚܠܦ ܫܡܐ ܕܝܠܟ (8) ܩܕܝܫܐ. ܠܗ̇ܢܘܢ ܕܟܦ̣ܪܘ ܒܥܠܡܐ (9) ܘܖ̈ܓܝܓܬܗ ܘܪܗ̣ܛܘ ܒܬܪ ܦܘܩܕܢܗ (10) ܕܡܫܝܚܐ. ܕܒܝܕ ܒܥܘ̈ܬܗܘܢ ܡܪܝܐ (11) ܚܲܝܠ ܠܢܦ̈ܫܬܢ ܒܫܪܪܟ. ܣܲܬܬ (12) ܠܒ̈ܘܬܢ ܒܗܝܡܢܘܬܟ. ܡܛܠ ܕܝ̇ܗܘܒܐ (13) ܘܡܫܟܢܢܐ ܕܛܒ̈ܬܐ ܐܝܬܝܟ. ܘܠܟ ܫܘܒܚܐ (14) ܓܗܢܬܐ ܘܒܗܕܐ ܫܥܬܐ ܐܬܕܟܪ ܡܪܝܐ (15) ܠܡ̈ܠܦܢܐ ܬܪ̈ܝܨܝ ܫܘ̣ܒܚܐ. ܝܕܝܥ̣ܐܝܬ (16) ܕܝܢ ܠܐܝܓܢܐܛܝܘܣ ܐܬܢܐܣܝܘܣ ܓܪܝܓܘܪ[ܝܘܣ] (17) ܘܫܪܟܐ ܕܢܩܦܘ ܠܥܩܒ̈ܬܗܘܢ ܬܠܝܬܐ (18) ܠܗ̇ܢܘܢ ܕܒܨܡܚܐ ܕܬܐܘܠܘܓܝܐ (19) ܢܦܝܚ̣ܬ ܒܪܘܚܐ ܕܝܠܟ ܩܕ[ܝܫܐ] ܠܚܫܘܟܘܬܐ (f. 7v) (1) ܕܟܠܗܝܢ ܐܡ̈ܘܬܐ ܐܢܗܪܘ. ܠܗ̇ܢܘܢ (2) ܕܡܬܚܘ ܛܘܢ̈ܒܝܗ̇ ܕܒܪܬ ܥܡܡ̈ܐ (3) ܙܒܝܢܬ݀ ܒܕܡܐ ܕܝܚܝܕܝܐ ܒܪܐ ܕܝܠܟ. (4) ܡܢ ܣ̈ܘܦܝܗ̇ [in marg. ܠܣܘ̈ܦܗ̇] ܕܡ̇ܬܥܡܪܝܢܬܐ. ܠܗܢܘܢ (5) ܕܒܣ̈ܝܦܐ ܕܪܘܚܐ ܦܲܣܩܘ ܠܗܕ̈ܡܐ (6) ܡܝ̈ܬܐ ܡܢ ܓܘܫܡܗ ܩܕ[ܝܫܐ] ܕܡܫܝܚܟ. (7) ܗ̇ܢܘܢ ܕܒܝܕ ܨܠ̈ܘܬܗܘܢ ܡܩ̈ܒܠܬܐ (8) ܡܪܝܐ. ܘܐܦ ܠܢ ܫܪܪ ܒܗܝܡܢܘܬܐ (9) ܕܝܠܗܘܢ ܬܪܝܨܬܐ. ܕܥܡܗܘܢ ܢ̇ܣܩ (10) ܠܟ ܫܘ[ܒܚܐ] ܘܬܘܕܝܬܐ ܓܗܢܬܐ ܘܠܥܢ̈ܝܕܐ (11) ܡܗ̈ܝܡـ[ܢܐ] ܕܡܛܠܬܗܘܢ ܐܬܩܪܒܬ (12) ܕܒܚܬܐ ܗܕܐ ܐܬܕܟܪ ܡܪܝܐ. ܒܫܥܬܐ (13) ܗܕܐ. ܡܫܡܗܐܝܬ ܕܝܢ ܠܐܒܗ̈ܝܢ (14) ܘܠܐܚܝ̈ܢ ܕܦܓܪ ܘܕܪܘܚ ܬܠܐ ܩܠܗ (15) ܘܠܐܝܠܝܢ ܕܥܠ ܣܒܪܐ ܫܪܝܪܐ ܘܬܘܟܠܢܐ (16) ܕܗܝܡܢܘܬܐ ܕܒܟ. ܡܢ ܥܠܡܐ ܗܢܐ (17) ܕܥܩ̈ܬܐ ܫܲܢܝܘ. ܘܡܢ ܚܝ̈ܐ ܗܠܝܢ (18) ܕܬܐܢܚ̈ܬܐ ܚܙܩ̣ܘ. ܘܠܘܬܟ ܡܢܥܘ. (19) ܠܐܒܗ̈ܝܢ ܠܐܚܝ̈ܢ ܠܪ̈ܒܢܝܢ. ܐܬܥܗܕ. (20) ܐܬܕܟܪ. ܩܲܒܠ. ܐܢܝܚ. ܒܥܘܒ̈ܐ (21) ܐܒܪ̈ܗܡܝܐ. ܒܡ̈ܫܟܢܐ ܕܚܕ̈ܘܬܐ (f. 8r) (1) ܒܡܛ̈ܐܠܐ ܢܗܝܪ̈ܬܐ. ܒܥܠܡܐ ܕܦܨܝܚ̈ܘܬܐ. (2) ܒܥܕܬܐ ܐܘܪܫܠܡܝܬܐ. ܐܝܟܐ ܕܠܐ ܐܝܬ ܐܬܪܐ (3) ܠܥ̈ܩܬܐ ܐܦܠܐ ܐܘܪܚܐ ܠܟܡܝܪܘܬܐ. (4) ܒܪ̈ܚܡ̣ܝܟ ܢܬܚ̇ܣܘܢ ܘܬܚܝ̣ܬ ܟܢ̈ܦܐ (5) ܕܚܢܢܟ ܢܣܬܬܪܘܢ. ܘܚ̈ܛܗܐ ܕܝܠܗܘܢ (6) ܠܐܢܬܕܟܪܘܢ. ܡܛܠ ܕܠܝܬ ܕܐܬܚܪܪ ܡܢ (7) ܨܘ̈ܥܨܥܐ ܕܥܠܡܐ ܗܢܐ. ܒܟܠܗܘܢ ܠܒܝ̈ܫܝ (8) ܒܣܪܐ ܕܗܘ̣ܘ ܥܠ ܐܪܥܐ. ܐܠܐ ܐܢ (9) ܦܪܘܩܐ ܕܝܠܢ ܝܫܘܥ ܡܫܝܚܐ ܝܚܝܕܝܐ (10) ܒܪܐ ܕܝܠܟ: ܕܒܐܝ̈ܕܘܗܝ ܐܦܚܢܢ ܣܲܒܪܢܢ (11) ܪ̈ܚܡܐ ܠܡܫ̣ܟܚܘ ܥܡܐ ܐܢܝܚ
(12) ܟܗܢܐ ܘܠܡ̈ܘܒܠܐ ܝܩܝܪ̈ܬܐ ܕܚܢܢ ܠܢ (13) ܐܬܬܓܪܢܢ. ܒܥܠܡܐ ܗܢܐ. ܐܢܝܚ ܡܢ (14) ܨܘܪ̈ܐ ܕܝܠܢ ܡܪܝܐ. ܘܠܚ̈ܛܗܐ ܕܝܠܢ (15) ܘܕܝܠܗܘܢ ܚܲܣܐ. ܫܒ̣ܘܩ ܐܥܒ̣ܪ. (16) ܕܒܨܒܝܢܐ ܘܕܠܐ ܒܨܒܝܢܐ. ܕܒܝܕܥܬܐ (17) ܘܕܠܐ ܒܝܕܥܬܐ. ܘܠܐ ܬܒܲܚܢ ܥܡܢ (18) ܚܬܝܬܐܝܬ. ܟܕ ܩܝ̇ܡܝܢܢ ܩܕܡ (19) ܟܘܪܣܝܐ ܙܝܥ̣ܐ ܕܪܒܘܬܟ. ܐܠܐ ܒܪ̈ܚܡܐ (f. 8v) (1) ܐܬܚ̇ܫܚ ܥܡܢ. ܘܠܐ ܢܚ̣ܕܘܢ (2) ܒܥܠܕܒܒ̈ܝܢ ܒܐܒܕܢܐ ܕܝܠܢ. ܐܝܟܢܐ (3) ܕܐܦ ܒܗܕܐ ܐܟܡܐ ܕܒܟܠܗܝܢ (4) ܢܫܬܒܚ ܘܢܬܩܠܣ ܫܡܐ ܕܝܠܟ.
(5) ܥܡܐ ܐܝܟܢܐ ܟܗܢܐ ܢܗܘܘܢ ܥܡܐ (6) ܥܡ ܡܫܡ ܩܬܘܠܝܩܝ ܟܗܢܐ ܩ̇ܨܐ ܘܪܫ̇ܡ
(f. 9r) (1) ܨܠܘܬܐ ܕܐܒܘܢ ܕܒܫܡܝܐ ܐܝܬܝܐ ܡܬܘܡܝܐ (2) ܘܐܒܐ ܩܕܝܫܐ ܕܒܪܐ ܡܬܘܡܝܐ. ܓܐܝܐ (3) ܘܠܐ ܡܬܦܲܚܡܢܐ: ܘܠܐ ܡܬܕܪܟܢܐ: ܘܠܐ (4) ܡܬܦܲܫܩܢܐ. ܗ̇ܘ ܕܝܠ̣ܕܬ ܡܬܘܡܐܝܬ (5) ܘܠܐ ܙܒܢܐܝܬ ܠܡܠܬܐ ܐܠܗܐ. ܘܒܚܪܬܐ (6) ܕܝܘܡ̈ܬܐ ܘܕܙܒ̈ܢܐ: ܒܙܢܐ ܕܡܥܠܝ ܡܢ (7) ܡܠܬܐ: ܘܡܕܒܪܢܘܬܐ ܕܪܡܐ ܡܢ (8) ܦܘܫܩܐ. ܒܪ̈ܚܡܐ ܐܘܣ̈ܝܝܐ ܕܝܠܟ (9) ܒܟ ܫܟܝ̣ܚܝܢ ܐܘܣܝܐܝܬ ܐܬܚܲܫܚܬ (10) ܥܡ ܓܒܝ̣ܠܬܐ ܕܡܝ̈ܬܐ ܕܠܚܒܠܐ (11) ܫܪܟܬ݀. ܘܠܗ ܠܡ̣ܠܬܐ ܕܝܠܟ ܒܪܐ. (12) ܦܪܘܩܢ ܝܫܘܥ ܡܫܝܚܐ: ܫܕܪܬ (13) ܠܥܘܕܪܢܗ̇. ܗ̇ܘ ܕܟܠܡܕܡ ܠܦܘܪܩܢܢ (14) ܫܲܡܠܝ. ܘܐܠܦ̣ ܠܢ ܕܢܨ̇ܠܐ ܘܢܩܲܪܒ (15) ܠܟ ܬܟܫܦ̈ܬܐ. ܐܢܬ ܡܪܝܐ ܐܫܘ̣ܐ (16) ܠܟܠܢ. ܕܒܣܦ̈ܘܬܐ ܠܐ ܡܛܘ̈ܫܬܐ. (17) ܘܒܪܬܚܐ ܕܗܝܡܢܘܬܐ ܫܪܝܪܬܐ. (18) ܘܒܦܐܪܪܝܣܝܐ ܕܠܒ̈ܢܝܐ ܦܐܝܐ. ܢ̇ܙܥܩ (19) ܠܘܬܟ ܒܚܕ ܦܘܡܐ ܘܢܨ̇ܠܐ ܘܢܐܡܪ (f. 9v) (1) ܐܒܘܢ ܕܒܫܡܝܐ ܥܡܐ ܢܬܩܕܫ ܫܡܟ
(2) ܟܗܢܐ ܐܝܢ ܐܘ ܐܒܐ ܡܪܚܡܢܐ. ܠܐ (3) ܬܪܦܐ ܒܢ ܐܝܕ̈ܝܐ ܕܢܦܠ ܒܢܣ̈ܝܘܢܐ. (4) ܕܠܐ ܡܨܝܢܢ ܠܡܛܥܢ. ܐܠܐ ܐܝܟ ܐܒܐ (5) ܚܲܢܢܐ ܣܥ̣ܘܪ ܠܒܢ̈ܝܐ ܡܚ̈ܝܠܐ. ܠܐ (6) ܬܓܠ̣ܘܙ ܠܢ ܡܢ ܛܝܒܘܬܟ. ܠܐ ܬܟ̣ܠܐ (7) ܡܢܢ ܪܕܝܐ ܕܒܣܝܡܘܬܟ. ܠܐ ܬܗܦܟ (8) ܡܢܢ ܦܪܨܘܦܟ. ܘܠܐ ܬܫܕܐ ܠܢ ܡܢ (9) ܛܝܪܟ. ܡܛܠ ܕܕܝܠܟ ܗܝ ܓܐܝܘܬܐ (10) ܘܬܫܒܘܚܬܐ. ܘܡܠܟܘܬܐ ܘܕܝܚܝܕܝܐ (11) ܒܪܐ ܕܝܠܟ. ܕܒܐܝ̈ܕܘܗܝ ܘܥܡܗ (12) ܠܟ ܦܐܐ ܫ̣ܘܒܚܐ ܘܐܝܩܪܐ ܘܐܘܚܕܢܐ (13) ܥܡ ܪܘܚܐ ܕܝܠܟ ܥܡܐ ܐܡܝܢ ܡܫܡ (14) ܠܡܪܝܐ ܖ̈ܝܫܝܢ ܥܡܐ ܩܕܡܝܟ
ܟܗܢܐ (15) ܘܠܥܡܐ ܕܝܠܟ ܡܪܝܐ ܗܢܐ ܕܥܡ (16) ܡܟܝܟܘܬܐ ܬܪܥܝܬܐ ܠܨܘܪܗ ܟ̇ܐܦ (17) ܩܕܡ ܪ̈ܚܡ̣ܝܟ. ܘܡܣܲܟܐ ܠܡ̇ܘܗ̈ܒܬܟ (18) ܫܦ̈ܝܥܬܐ. ܒܲܪܟ ܒܝܡܝܢܟ ܛܥܝ̣ܢܬ݀ (19) ܒܘܪ̈ܟܬܐ. ܐܝܟܢܐ ܕܟܕ ܡܢ ܟܠ ܛܘܠܫܐ (20) ܘܡܘܡ̈ܐ ܕܚܛܝܬܐ ܡܬܡܪܩܝܢܢ (f. 10r) (1) ܘܒܦܓܪܐ ܩܕ[ܝܫܐ] ܘܕܡܐ ܐܠܗܝܐ ܕܡܫܝܚܟ (2) ܡܫܬܘܬܦܝܢܢ. ܟܠ ܩܘܠ̈ܣܐ ܘܪ̈ܘܡܪܡܐ (3) ܘܬܫܒܚ̈ܬܐ ܦܐܝ̈ܬܐ ܠܥܘܬܪܐ ܕܚܢܢܟ (4) ܡܣܩܝܢܢ ܘܠܝܚܝܕܝܐ ܒܪܐ ܕܝܠܟ (5) ܘܠܪܘܚܐ ܕܝܠܟ ܩܕ[ܝܫܐ] ܗܫܐ ܥܡܐ ܐܡܝܢ
(6) ܟܗܢܐ ܫܠܡܐ ܥܡܐ ܥܡ ܟܗܢܐ ܬܗܘܐ (7) ܥܡܐ ܥܡ ܡܫܡ ܒܕܚܠܬܐ ܟܗܢܐ (8) ܩܘܕܫ̈ܐ ܥܡܐ ܚܕ ܐܒܐ ܟܗܢܐ ܚܕ ܐܒܐ ܩܕ[ܝܫܐ] (9) ܟܗܢܐ ܨܠܘܬܐ ܕܒܬܪ ܢܣܝܒܘܬܐ (10) ܩܘܒܠܛܝܒܘܬܐ ܡܬܬܚܝ̣ܒܢܝܬܐ ܠܟ (11) ܐܠܗܐ ܡܩܲܪܒܝܢܢ. ܘܐܡܝܢܐܝܬ ܐܝܟ (12) ܕܡܲܨܝܐ ܡܲܘܕܝܢܢ. ܟܕ ܫ̇ܐܠܝܢܢ ܡܢܟ (13) ܐܘ ܐܠܗܐ ܕܝܠܢ. ܕܪ̈ܙܐ ܗܠܝܢ ܩܕܝܫ̈ܐ (14) ܕܢܣ̣ܒܢܢ. ܠܚܘܣܝܐ ܕܚ̈ܘܒܐ (15) ܘܠܫܘܒܩܢܐ ܕܚ̈ܛܗܐ ܢܗܘܘܢ ܠܢ. ܒܛܝܒܘ[ܬܐ] (16) ܘܒܪ̈ܚܡܐ ܘܪܚܡ̣ܬ݀ ܐܢܫܘܬܐ ܕܝܚܝܕܝܐ (17) ܒܪܐ ܕܝܠܟ ܡܲܐܚܝܢܢ. ܥܡ ܪܘܚܐ (18) ܕܝܠܟ ܩܕ[ܝܫܐ] ܡܢܛܪܢܢ ܘܡܫܘܙܒܢܢ ܗܫܐ (19) ܥܡܐ ܐܡܝܢ ܡܫܡ ܠܡܪܝܐ
ܟܗܢܐ ܩܕܡܝܟ (20) ܡܪܝܐ ܡܪܚܡܢܐ. ܪܟܝܢܝܢ ܨܘܪ̈ܐ (f. 10v) (1) ܕܥܡܐ ܕܝܠܟ ܡܗܝܡ[ܢܐ]. ܫܟܢ ܠܗܘܢ (2) ܐܘ ܒܣܝܡܐ. ܐܘܝܘܬ ܚܘܒ̣ܐ ܫܪܝܪܐ ܘܝܐܝܘܬ (3) ܩܘܡܐ. ܟܕ ܡܲܫܦܥ ܐܢܬ ܥܠܝܗܘܢ (4) ܒܪ̈ܚܡܝܟ ܟܠܗܝܢ ܛܒ̈ܬܐ ܫܦܝܥ̈ܬܐ (5) ܘܒܘܪ̈ܟܬܐ ܠܐ ܡܘ̈ܦܝܢܝܬܐ. ܘܢܲܛܪ ܐܢܘܢ (6) ܡܢ ܟܠܗܝܢ ܡܥܝ̈ܩܢܝܬܐ. [in marg. ܀ܘܣܬܪ ܐܢܘܢ ܡܢ ܟܠܗܝܢ ܡܣܓܦ̈ܢܝܬܐ ܘܐܫܘܐ ܐܢܘܢ ܕܢܫܡܥܘܢ ܟܠܗܝܢ ܝܡܝ̈ܢܝܬܐ. ܘܡܲܢܥ ܠܟܠܢ ܠܚܪܬܐ ܛܒܬܐ ܗ̇ܝ ܕܡܠܝܟܐ ܠܟܠܗܘܢ ܟ̈ܐܢܐ ܘܙܕܝ̈ܩܐ ܘܥ̇ܒ̈ܕܝ ܨܒܝܢܟ܀ ܐܢܬ ܓܝܪ] (7) ܐܝܬܝܟ ܒܠܚܘܕܝܟ: ܪܥܝܐ [sup. l. ܘܛܒܐ] ܘܚܝܘܣܬܢܐ (8) ܕܐܫܠܡ ܢܦܫܗ ܘܦܲܨܝ ܢܦܫ̈ܬܐ ܐܒܝܕ̈ܬܐ. (9) ܘܠܟ ܫܘ[ܒܚܐ] ܡܣܩܝܢܢ ܘܠܐܒܘܟ [sub. l. ܗ̇ܘ ܡܦܢܝܢܐ ܕܫ̈ܐܠܬܐ ܛܒ̈ܬܐ] ܘܠܪܘܚܟ (10) ܩܕ[ܝܫܐ] [sub. l. ܘܡܲܐܚܝܢܐ ܕܒܪ̈ܝܬܐ.] ܗܫܐ. (11) [ܫܠܡܬ]
