edited by
Ephrem Aboud Ishac
IMAFO
2025-02-28
Available under the Creative Commons Attribution 4.0 International (CC BY 4.0)
Manuscript:
Jerusalem - St. Mark's Syrian Orthodox Convent - SMMJ 00096
Anaphoras
Syriac Liturgy
Anaphoras
Anaphora of Athanasius of Alexandria - SMMJ 00096 - Edition
Beta version
Anaphora of Athanasius of Alexandria - SMMJ 00096 - Edition
Title
(56v column 1) (1) ܬܘܒ ܐܢܢܐܦܘܪܐ ܕܐܬܢܢܐܣܝܘܣ (2) ܗ̇ܘ ܪܒܐ ܕܐܠܟܣܢܕܪܝܐ ܘܫܠܝܚܐ
Prayer Before Peace
(3) ܡܪܝܐ ܐܠܗܐ ܕܚܝܠܬܢܘܬܐ. ܗ̇ܘ (4) ܕܠܥܠ ܡܢ ܟܠ ܚܝܠܐ ܕܡܠܬܐ (5) ܘܦܢܛܣܝܐ ܕܗܘܢܐ. ܥܒܪܐ (6) ܪܚܡܬ ܐܝܩܪܐ ܕܡܘܗ̈ܒܬܟ. (7) ܗܢܝ̈ܢ ܕܡܢ ܚܟܝ̈ܡܐ ܘܣܟܘ̈ܠܬܢܐ (8) ܛܫܝܬ܇ ܘܠܢ ܠܝܠܘ̈ܕܐ ܓܠܝܬ. (9) ܗܢܝ̈ܢ ܕܣܓܝ̈ܐܐ ܢܒܝ̈ܐ ܘܡܠܟ̈ܐ: (10) ܟܕ ܐܬܪܓܪܓܘ ܠܐ ܚܙܘ. ܠܗܠܝܢ (11) ܕܢܫܡܥ ܒܗܝܢ ܢܬܩܕܫ ܠܢ (12) ܠܚ̈ܛܝܐ ܫܟܢܬ. ܟܕ ܒܡܕܒܪܢܘܬܐ (13) ܕܝܚܝܕܝܐ ܒܪܐ ܕܝܠܟ ܐܩܝܡܬ ܠܢ: (14) ܘܠܡܝܬܝܘܬܐ ܐܪܙܐ ܕܕܒܚܬܐ (15) ܗܕܐ ܪܘܚܢܝܬܐ. ܕܒܗ̇ ܠܐ ܗܘܐ (16) ܕܡܐ ܢܡܘܣܝܐ. ܘܠܐ ܙܕܩ̈ܐ (17) ܕܒܣܪܐ. ܘܠܐ ܬܚܦܝܬܐ ܕܬܫܡܫܬܐ (18) ܛܠܢܝܬܐ. ܐܝܬܝܗ̇ ܗܝ ܕܡܫܬܡܠܝܐ: (19) ܐܠܐ ܥܪܒܐ ܡܢ ܪܘܚܢܐ. ܣܟܝܢܐ (56v column 2) (1) ܡܠܝܠܬܐ ܘܕܠܐ ܓܫܡ. ܟܕ ܗܘ (2) ܫܪܪܐ ܕܐܪ̈ܙܐ ܠܗܝ ܕܓܠܝܐ (3) ܩܕܡ ܐܬܐ. ܕܒܐܝܕ̈ܘܗܝ ܒܦܪܨܘܦܐ (4) ܓܠܝܐ ܠܬܫܒܘܚܬܐ ܕܝܠܟ. ܐܝܟ (5) ܕܒܡܚܙܝܬܐ ܚ̇ܙܝܢܢ. ܗ̇ܘ (6) ܕܚܠܦܝܢ ܐܬܢܟܣ ܒܒܣܪ. (7) ܠܗܕܐ ܗܟܝܠ ܕܒܚܬܐ ܟܕ (8) ܡܩܪܒܝܢܢ ܩܕܡܝܟ ܠܥܘܗܕܢܐ [in margin: ܕܚܫܐ ܦܪܘܩܝܐ] (9) ܫ̇ܐܠܝܢܢ ܡܢܟ ܪܚܡܢܫܐ. (10) ܕܟܐ ܠܣܦܘ̈ܬܢ. ܘܚܪܪ (11) ܠܗܘ̈ܢܝܢ ܡܢ ܟܠ ܛܘܠܫܐ (12) ܕܚܛܝܬܐ: ܘܡܠܝ ܠܢ ܢܗܝܪܘܬܐ (13) ܕܡܢܟ. ܘܐܚܘ̈ܕܐ ܕܫܝܢܐ. (14) ܘܕܫܠܡܐ ܥܬܕ ܠܢ ܠܡܗܘܐ. (15) ܐܝܟܢܐ ܕܢܬܫܬܘܐ ܕܢܬܠ (16) ܫܠܡܐ ܒܢܘܫܩܬܐ ܕܟܝܬܐ (17) ܠܚ̈ܕܕܐ: ܟܕ ܚܕܐ ܪܘܚܐ (18) ܗܘܝܢܢ ܒܚܘܒܐ ܫܪܝܪܐ. (19) ܐܝܟܢܐ ܕܐܦ ܐܬܩܪܝܢܢ (20) ܒܚܕ ܣܒܪܐ ܕܩܪܝܬܐ (21) ܕܝܠܢ܆ ܒܡܫܝܚܐ ܝܫܘܥ (22) ܡܪܝܐ ܕܝܠܢ. ܕܥܡܗ ܠܟ (23) ܦܐܐ ܫܘܒܚܐ ܘܐܝܩܪܐ ܥܡ (57r column 1) (1) ܟܗܢܐ ܫܠܡܐ ܡܫܡ ܢܬܠ ܟܗܢܐ
The First Inclination
(2) ܐܢܬ ܕܠܘܬܢ ܚ̈ܛܝܐ ܘܒܢܝ̈ (3) ܐܪܥܐ ܐܬܪܟܢܬ ܡܪܝܐ.. ܘܐܝܟ (4) ܚܕܐ ܥܡܢ ܐܬܗܦܟܬ: ܘܒܟܝܢܐ (5) ܫܪܝܪܐ ܗܘܝܬ ܒܪܢܫܐ ܡܫܡܠܢܐ: (6) ܟܕ ܐܠܗܐ ܐܝܬܝܟ. ܘܡܪܐ ܕܠܐ (7) ܫܘܚܠܦܐ. ܐܝܟܢܐ ܕܐܝܟ (8) ܫܦܝܥܘܬ ܪ̈ܚܡܝܟ ܬܣܓܐ (9) ܫܠܡܐ ܠܒܢܝ̈ܢܫܐ. ܐܪܝܡ (10) ܘܥܠܐ ܠܠܒܘ̈ܬܢ ܠܘܬ ܗ̇ܝ (11) ܕܒܗܠܝܢ ܫܡܝܢ̈ܝܬܐ ܢܚܘܪ. (12) ܘܒܗܝܢ ܢܩܬ܇ ܘܠܐ ܒܗܠܝܢ (13) ܛܢ̈ܬ ܒܐܪܥܐ ܘܙܒܢܝ̈ܬܐ (14) ܢܬܬܚܕ ܝܬܝܪܐܝܬ ܒܫܥܬܐ (15) ܗܕܐ: ܘܚܘܣܪܢܐ ܢܩܢܐ (16) ܕܗܠܝܢ ܪ̈ܝܫܝܬܐ: ܟܕ ܡܢ (17) ܡܩܕܝܢܘܬܐ ܕܡܘܗܒ̈ܬܐ (18) ܪ̈ܘܚܢܝܬܐ ܕܝܠܟ ܢܛܠܫ: (19) ܘܡܢ ܒܘܣܡܐ ܛܘܒܬܢܐ (20) ܢܦܕ. ܐܠܐ ܡܪܝܐ ܘܟܕ (21) ܠܬܟܫ̈ܦܬܐ ܕܝܠܢ ܒܚܢܢܟ (22) ܡܩܒܠ ܐܢܬ. ܠܣܒܪܐ (23) ܛܘܒܬܢܐ ܐܫܘܐ ܠܢ. ܡܛܠ (24) ܕܛܒܐ ܐܝܬܝܟ ܘܪܚܡܢܫܐ (57r column 2) (1) ܘܦܐܐ ܠܟ ܫܘܒܚܐ ܘܐܝܩܪܐ ܘܠܐܒܘܟ (2) ܣܓܝܕܐ ܘܠܪܘܚܟ
Imposition of Hands
ܟܗܢܐ ܐܠܗܐ ܗ̇ܘ (3) ܕܒܩܕܘܫܩܘܕ̈ܫܐ ܥ̇ܡܪ ܐܢܬ܆ (4) ܘܡܩܕܫܢܐ ܕܡܫܟܢܐ ܫܪܝܪܐ (5) ܐܝܬܝܟ. ܐܢܬ ܘܐܦ ܠܢ ܠܡܣ̈ܟܠܢܐ (6) ܘܡܬܚ̈ܢܢܐ ܥܒ̈ܕܐ ܕܝܠܟ: ܗܠܝܢ (7) ܕܠܬܫܡܫܬܐ ܗܕܐ ܩܪܝܬ (8) ܘܐܣܪܚܬ. ܘܐܦ ܗܫܐ ܒܗ̇ (9) ܒܒܣܝܡܘܬܟ ܠܐ ܡܣܬܝܟܢܝܬܐ (10) ܐܫܘܐ ܠܢ. ܕܟܕ ܚܢܢ ܠܢ (11) ܡܟܗܢܝܢܢ ܠܟ ܘܡܬܕܟܝܢܢ. (12) ܡܢ ܟܠ ܬܐܪܬܐ ܒܝܫܬܐ ܥܡ (13) ܠܒܐ ܫܠܡܐ ܘܫܚܝܩܐ ܘܪܘܚܐ (14) ܕܡܟܝܟܘܬܐ. ܢܩܘܡ ܩܕܡ ܫܡܐ (15) ܕܝܠܟ ܕܚܝ̣ܠܐ: ܘܢܩܪܒ ܠܟ (16) ܕܒܚܬܐ ܗܕܐ ܕܠܐ ܕܡܐ. (17) ܘܟܕ ܠܗܕܐ ܕܠܐ ܥܕܠܝ ܡܫܡܫܝܢܢ: (18) ܘܒܗ̇ ܡܫܬܡܠܝܢܢ܆ ܒܚ̈ܝܐ (19) ܚܕ̈ܬܐ ܢܬܕܒܪ. ܘܚܕ̈ܬܐ ܠܘܬ (20) ܥܠܡܐ ܚܕܬܐ ܢܫܬܕܪ. ܘܢܫܟܚ (21) ܪ̈ܚܡܐ ܘܛܝܒܘܬܐ ܒܫܦܝܪܘܬ (22) ܙܒܢܐ ܕܥܘܕܪܢܐ: ܥܡ ܟܠܗ̇ (23) ܗ̇ܝ ܝܪܬܘܬܐ ܕܝܠܟ. ܗ̇ܝ ܕܒܕܡܐ (57v column 1) (1) ܡܝܩܪܐ ܐܙܕܒܢܬ ܕܡܫܝܚܐ (2) ܝܚܝܕܝܐ ܒܪܐ ܕܝܠܟ. ܕܡܛܠܬܗ̇ (3) ܘܫܒ̈ܝܚܬܐ ܐܬܡ̈ܠܠܝ ܡܢܟ. (4) ܘܢܓܕܫ̈ܢ ܠܢ ܗܠܝܢ ܕܡܠܟܬ (5) ܠܐܝܠܝܢ ܕܡܐܚܒܝܢ ܠܟ. ܡܛܠ (6) ܕܐܠܗܐ ܕܦܘܪܩܢܐ ܕܝܠܢ ܐܝܬܝܟ: (7) ܘܦܐܐ ܠܟ ܫܘܒܚܐ ܘܐܝܩܪܐ ܥܡܗ (8) ܕܒܪܟ ܣܓܝܕܐ ܘܕܪܘܚܟ ܩܕܝܫ (9) ܒܟܠ ܡܫܡ ܢܩܘܡ ܥܡܐ ܪ̈ܚܡܐ (10) ܟܗܢܐ ܚܘܒܐ ܟܗܢܐ ܠܥܠ ܟܗܢܐ ܢܘܕܐ ܠܡܪܝܐ (11) ܓܗܢܬܐ ܐܝܟ ܕܒܫܪܪܐ ܫ̇ܘܐ ܘܙܕܩ. (12) ܘܐܦ ܠܟܠܗܘܢ ܡܠܝ̈ܠܐ ܝܬܝܪ (13) ܡܬܬܚܝܒ ܕܠܟ ܢܫܒܚ. ܠܟ (14) ܢܘܕܐ܇ ܐܒܐ ܡܬܘܡܝܐ. ܡܥܝܢܐ (15) ܕܚܝ̈ܐ. ܘܫܘܦܪܐ ܘܪܝܫ ܬܦܢܟܐ: (16) ܟܝܢܐ ܠܐ ܡܣܬܝܟܢܐ ܘܠܐ ܡܬܚܙܝܢܐ. (17) ܘܠܒܪܟ ܝܚܝܕܝܐ ܐܠܗܐ ܡܠܬܐ. (18) ܗ̇ܘ ܢܘܗܪܐ ܕܡܢ ܢܘܗܪܐ. ܐܠܗܐ (19) ܫܪܝܪܐ. ܕܡܢ ܐܠܗܐ ܫܪܝܪܐ (20) ܘܠܪܘܚܟ ܩܕܝܫ ܒܟܠ܆ ܘܫܘܐ (21) ܠܟ ܒܐܘܣܝܐ. ܗ̇ܘ ܕܡܬܘܡܐܝܬ (22) ܡܢܟ ܢܦܩ
Prayer Before the Sanctus
ܘܬܠܐ ܩܠܗ ܐܢܬ ܓܝܪ (23) ܠܟܠܡܕܡ ܡܢ ܐܝܠܝܢ ܕܠܐ ܐܝܬܝ̈ܗܝܢ. (57v column 2) (1) ܠܗ̇ܝ ܕܢܗܘ̈ܝܢ ܐܝܬܝܗ̈ܝܢ (2) ܐܝܬܝܬ: ܘܒܟ ܡܟܬܪ̈ܢ (3) ܘܐܟܚܕܐ ܡܬܩܝ̈ܡܢ: ܡܬܝܕ̈ܥܢܝܬܐ (4) ܡ̇ܢ ܗܠܝܢ ܕܠܐ ܓܘܫܡܐ: (5) ܕܡܢܗܘܢ ܡ̈ܘܬܒܐ ܡܪ̈ܘܬܐ: (6) ܪ̈ܝܫܢܘܬܐ ܫܘ̈ܠܛܢܐ܆ ܘܐܦ (7) ܨܒ̈ܬܐ ܡܦ̈ܬܟܐ. ܕܗܠܝܢ (8) ܕܡܬܚ̈ܙܝܢ ܡܘܙܓܐ (9) ܘܐܘܝܘܬܐ ܕܠܘܬ ܚܕ̈ܕܐ (10) ܐܢܬ ܓܝܪ ܟܕ ܠܒܪܢܫܐ ܓܒܠܬ (11) ܘܒܡܦܘܚܝܬܐ ܩܕܝܫܬܐ (12) ܡܝܩܪܢܐܝܬ ܙܝܚܬ: ܒܦܪܕܝܣܐ (13) ܕܢܕܝܪ ܥܒܕܬ. ܘܟܕ ܠܣܝܡ (14) ܢܡܘܣܐ ܕܝܠܟ ܠܐ ܡܠܝܠܐܝܬ (15) ܫܛ: ܘܡܢ ܪܘܡܐ ܢܦܠ܆ (16) ܠܐ ܐܗܡܝܬ. ܐܠܐ ܐܝܟ ܐܒܐ ܛܒܐ: (17) ܒܟܠ ܥܘܕܪ̈ܢܐ ܠܗܢܐ (18) ܕܢܗܦܘܟ ܡܕܒܪ ܗܘܝܬ. (19) ܕܚܠܦ ܟܠܗܝܢ ܕܝܕܥܝܢܢ (20) ܘܡܗܝܡܢܝܢܢ ܘܗܠܝܢ (21) :ܕܠܥܠ ܡܢ ܝܕܥܬܐ ܕܝܠܢ (22) ܠܛܝܒܘܬܐ ܕܝܠܟ ܡܘܕܝܢܐܝܬ (23) ܡܬܥܗܕܝܢܢ. ܠܐ ܗܘܐ ܐܟܡܢ (58r column 1) (1) ܕܥܠ ܬܫܒܘܚܬܐ ܣܢܝܩ ܐܢܬ܇ (2) ܡܝܩܪܝܢܢ ܕܐܝܟܢܐ ܓܝܪ ܠܗ̇ܘ (3) ܕܩܕܡܝܟ. ܪ̈ܒܘ ܪ̈ܒܘܢ (4) ܘܐ̈ܠܦ ܐ̈ܠܦܝܢ ܪ̈ܝܫܝܡܠܐܟܐ: (5) ܘܡ̈ܠܐܟܐ ܟܪ̈ܘܒܐ ܘܣܪ̈ܦܐ. (6) ܕܠܒܪܬ ܩܠܐ ܕܝܠܗܘܢ ܟܕ ܡܢ (7) ܢܒܝܘܬܐ ܝܠܦܢܢ܆ ܡܠܘܬܝܢܢ (8) ܬܫܒܘܚܬܐ ܘܐܡ̇ܪܝܢܢ ܥܡܐ (9) ܩܕܝܫ ܩܕܝܫ ܩܕܝܫ
Prayer After the Sanctus
ܓܗܢܬܐ ܩܕܝܫܐ (10) ܐܝܬܝܟ ܘܩܕܝܫ ܒܟܠ ܘܝܚܝܕܝܐ (11) ܒܪܐ ܕܝܠܟ ܐܠܗܐ ܡܠܬܐ: (12) ܘܪܘܚܟ ܩܕܝܫܐ. ܗ̇ܘ ܕܡܕ̈ܝܡܝܢܐ (13) ܕܫܡܝ̈ܢܐ ܠܗܠܝܢ ܕܥܠ (14) ܐܪܥܐ ܚܘܝܬ. ܗ̇ܘ ܕܒܥܒܕܐ (15) ܕܐܝܕ̈ܝܟ ܠܐ ܐܗܡܝܬ. ܐܠܐ ܟܠܗ (16) ܗܢܐ ܘܕܐܟ ܗܢܐ ܐܚܒܬ܆ (17) ܐܝܟܢܐ ܕܠܗ ܠܝܚܝܕܝܐ (18) ܒܪܟ ܐܠܗܐ ܡܠܬܐ ܫܘܐ ܠܟ (19) ܒܐܘܣܝܐ܇ ܚܠܦ ܦܘܪܩܢܐ (20) ܕܝܠܢ ܬܫܕܪ܇ ܗ̇ܘ ܕܡܢ (21) ܒܬܘܠܬܐ ܝܠܕܬ ܐܠܗܐ ܐܬܒܣܪ. (22) ܘܟܠܗܝܢ ܕܝܠܢ ܣܛܪ ܡܢ (23) ܚܛܝܬܐ ܫܡܠܝ. ܐܝܟܢܐ (24) ܕܗܘ ܒܗ ܠܚܘܒܬܐ ܕܝܠܢ (25) ܢܦܪܘܥ. ܘܡܢ ܚܒܠܐ ܥܬܝܩܐ (26) ܠܢ ܚܪܪ. ܘܐܟ ܪ̈ܝܫܟܗܢܐ (58r column 2) (1) ܗܘ ܠܗ ܚܠܦܝܢ ܢܩܪܒ. ܘܐܝܟ (2) ܐܠܗܐ ܢܩܒܠ
The Words of Institution
ܘܬܠܐ ܩܠܗ ܗ̇ܘ (3) ܕܟܕ ܠܟܠܗ̇ ܡܕܒܪܢܘܬܐ ܕܚܠܦܝܢ (4) ܫ̇ܡ̣ܠܝ܆ ܘܒܝܕ ܬܕܡܪ̈ܬܐ (5) ܠܡܬܝܬܗ ܕܒܒܣܪ ܫܪܪ: (6) ܒܠܠܝܐ ܕܦܨܚܐ ܗ̇ܘ ܕܒܗ (7) ܡܫܬܠܡ ܗܘܐ. ܟܕ ܐܪ̈ܙܐ (8) ܛܘܦܣ̈ܢܝܐ ܐܫܬܡܠܝܘ: (9) ܘܡܝܬܝܘܬ ܐܪ̈ܙܐ ܛܠܢܝܬܐ (10) ܐܫܬܡܠܝܬ܇ ܗܘ ܓܝܪ ܐܝܬܘܗܝ (11) ܗܘܐ ܣܟܐ ܘܫܘܡܠܝܐ ܕܦܘܩ̈ܕܢܐ (12) ܢܡ̈ܘܣܝܐ. ܟܕ ܫܩ̣ܠ ܠܚܡܐ (13) ܒܐܝ̈ܕܝܐ ܩܕܝ̈ܫܬܐ ܕܝܠܗ: ܘܐܝܟ (14) ܪܝܫܝܟܗ̈ܢܐ ܘܫܠܝܚܐ ܕܬܘܕܝܬܐ (15) ܕܝܠܢ: ܟܕ ܚܠܦܝܢ ܩܒܠ ܛܝܒܘܬܐ (16) ܍ ܡܒܪܟ ܍ ܡܩܕܫ ܍ ܩܨܐ (17) ܘܝܗܒ ܗܘܐ ܠܬܠܡܝ̈ܕܐ ܕܝܠܗ (18) ܘܫ̈ܠܝܚܐ ܩܕܝ̈ܫܐ. ܟܕ ܐܡ̇ܪ. ܣܒܘ. (19) ܐܟܘܠܘ ܡܢܗ ܟܠܟܘܢ. ܗܢܐ ܕܝܠܝ (20) ܐܝܬܘܗܝ ܦܓܪܐ. ܗ̇ܘ ܕܚܠܦܝܟܘܢ. (21) ܡܬܩܨܐ. ܡܬܝܗܒ ܠܫܘܒܩܢܐ [in margin: ܕܚܛܗܐ] (22) ܘܠܚ̈ܝܐ ܕܐܝܟ ܗܟܢܐ ܘܠܟܣܐ. (23) ܟܕ ܡܢ ܚܡܪܐ ܘܡܝ̈ܐ ܡܙܓ܆ (24) ܍ ܡܒܪܟ ܍ ܡܩܕܫ ܍ ܡܦܠܓ (25) ܗܘܐ ܠܬܠ̈ܡܝܕܐ ܕܝܠܗ ܘܫܠ̈ܝܚܐ (26) ܩܕܝܫ̈ܐ ܟܕ ܐܡ̇ܪ. ܣܒܘ ܐܫܬܘ. (58v column 1) (1) ܡܢܗ ܟܠܟܘܢ. ܗܢܐ ܕܝܠܝ (2) ܐܝܬܘܗܝ. ܕܡܐ ܕܕܝܐܬܝܩܝ (3) ܚܕܬܐ܇ ܗ̇ܘ ܕܚܠܦܝܟܘܢ (4) ܘܣܓ̈ܝܐܐ. ܡܬܐܫܕ ܘܡܬܦܠܓ. (5) ܠܫܘܒܩܢܐ ܕܚ̈ܛܗܐ ܘܠܚ̈ܝܐ (6) ܟܗܢܐ ܗܕܐ ܡ̇ܢ ܠܥܘܗܕܢܝ (7) ܥܒܕܘ. ܟܠ ܐܡܬܝ ܕܡܢ (8) ܠܚܡܐ ܗܢܐ ܐܟܠܝܬܘܢ. ܘܡܢ (9) ܟܣܐ ܗܢܐ ܫ̇ܬܝܬܘܢ܆ ܡܘܬܝ (10) ܗܘ ܡܣܒܪܝܬܘܢ ܘܒܩܝܡܬܝ (11) ܡܘܕܝܢ ܐܢܬܘܢ. ܥܕܡܐ ܕܐܬܐ ܐܢܐ (12) ܥܡܐ ܡܘܬܟ
Anamnesis
ܟܗܢܐ ܟܕ ܒܗܘܢܐ (13) ܗܟܝܠ. ܡܝܬܝܢܢ ܠܦܘܩܕܢܟ (14) ܦܪܘܩܝܐ܆ ܘܠܟܠܗܝܢ ܗܠܝܢ (15) ܕܚܠܦܝܢ ܘܡܛܠܬܢ ܗܘ̈ܝ. (16) ܥܗܕܝܢܢ. ܠܡܬܒܣܪܢܘܬܟ (17) ܕܡܢ ܒܬܘܠܬܐ. ܠܒܛܢܐ ܘܝܠܕܐ (18) ܙܒܢܝܐ. ܠܡܓܣܐ ܕܒܐܘܪܝܐ: (19) ܕܡܫܘܕܥ ܫܪܝܐ ܕܠܐ ܡܠܝܠܘܬܐ (20) ܕܝܠܢ. ܠܓܙܘܪܬܐ ܬܡܝܢܝܬ ܝܘ̈ܡܐ: (21) ܠܡܚܬܬܟ ܕܠܡ̈ܝܐ܇ ܐܘܟܝܬ (22) ܥܡܕܟ. ܕܒܗ ܐܬܕܠܝܢܢ ܡܢ (23) ܛܘܒܥܐ ܕܒܓ̈ܠܐ ܕܚܛܝܬܐ: (24) ܠܨܠܝܒܘܬܟ ܦܪܘܩܝܬܐ ܘܠܕܩܪܐ (25) ܕܕܦܢܟ: ܗ̇ܝ ܕܠܐܪܙܐ ܗܢܐ ܠܢ (58v column 2) (1) ܐܒܥܬ ܠܩܒܘܪܬܐ ܘܠܩܝܡܬܐ (2) ܬܠܝܬܝܬ ܝܘܡ̈ܐ. ܠܡܣܩܬܟ (3) ܕܠܫܡܝܐ. ܘܠܡܬܝܬܟ ܬܘܒ (4) ܕܬܪ̈ܬܝܢ. ܕܚܝܠܬܐ ܘܡܫܒܚܬܐ. (5) ܐܡܬܝ ܕܕܐܢ ܐܢܬ ܠܚܝ̈ܐ ܘܠܡܝ̈ܬܐ (6) ܘܠܟܠܢܫ ܐܝܟ ܥܒܕ̈ܐ ܕܝܠܗ (7) ܦ̇ܪܥ ܐܢܬ. ܡܦܝܣܝܢܢ ܠܟ (8) ܪܚܡܢܫܐ. ܠܐ ܬܥܘܠ ܠܕܝܢܐ. (9) ܥܡܢ: ܘܠܐ ܠܥܘܗܕܢܐ ܬܝܬܐ (10) ܠܫܘܪ̈ܥܬܐ ܕܟܝܢܢ ܡܚܝܠܐ: (11) ܕܒܗܝ̈ܢ ܗ̇ܘ ܒܥܠܕܒܒܐ ܐܝܟ (12) ܕܒܠܩܛܐ ܐܪܡܝ ܠܢ. ܠܐ (13) ܬܘܒ ܢܗܘܐ ܠܗ ܠܢܟܝܠܐ (14) ܨܝܕܐ܇ ܗ̇ܘ ܕܟܕ ܣ̇ܥܐ ܨ̇ܠܐ (15) ܕܢܨܘܕ ܠܢ: ܘܒܡܢܬܐ ܕܠܗ (16) ܢܣܝܡ ܠܢ: ܘܫܘ̈ܬܦܐ (17) ܕܬܫܢܝܩܐ. ܠܐ ܡܝܘܬܐ ܥܡܗ (18) ܢܚܘܐ ܠܢ. ܠܝܬ ܕܡܙܕܕܩ (19) ܩܕܡܝܟ: ܘܠܐ ܕܡܫܬܒܗܪ. (20) ܕܠܒܐ ܕܟܐ ܩܢܐ: ܒܕܓܘܢ (21) ܪ̈ܚܡܝܟ ܢܕܪܟܘܢܢ ܘܢܬܚܢܢ (22) ܒܛܝܒܘܬܟ. ܐܝܟܢܐ ܕܚܠܦ (23) ܗܠܝܢ ܟܕ ܬܘܝܐ ܥܕܬܟ (24) ܘܡܪܥܝܬܟ ܡܬܟܫܦܐ (25) ܥܡܐ ܪܚܡ ܟܗܢܐ ܐܦܚܢܢ
Epiclesis
(59r column 1) (1) ܩܪܝܬܐ ܕܪܘܚܐ ܩܕܝܫܐ ܪܚܡ ܥܠܝܢ (2) ܐܠܗܐ ܐܒܐ ܐܚܝܕ ܟܠ. ܘܫܕܪ (3) ܠܢ ܪܘܚܐ ܩܕܝܫܐ ܘܡܥܒܕ ܚܝ̈ܐ. (4) ܗ̇ܘ ܡܫܡܠܝ ܒܟܠ. ܗ̇ܘ (5) ܕܫܘܐ ܠܟ ܒܐܘܣܝܐ ܘܠܝܚܝܕܝܐ (6) ܒܪܟ. ܗ̇ܘ ܕܡܦܠܓ ܠܟܠܢܫ (7) ܫܘ̈ܟܢܐ. ܘܡܦܪܫ ܘܝܗܒ (8) ܠܟܠܚܕ ܐܝܟ ܕܨܒܐ. ܗ̇ܘ ܕܠܟܠ (9) ܩܪܝܒ ܘܠܐ ܡܬܬܚܡ ܒܕܡܟ. (10) ܐܚܘܕܐ ܕܚܝ̈ܐ ܕܗܠܝܢ ܕܚܐܝܢ: (11) ܘܡܫܡܠܝܢܐ ܕܩܕܝ̈ܫܐ. (12) ܠܗܢܐ ܫܕܪ ܠܢ ܡܪܝܐ. (13) ܘܒܐܝ̈ܕܝܢ ܚܛܝ̈ܬܐ ܒܐܪ̈ܙܐ ܗܠܝܢ (14) ܕܩܕܡܝܢ ܢܓܫܘܦ. ܠܘ (15) ܡܫܡܫܢܐܝܬ ܐܠܐ ܡ̇ܪܢܐܝܬ: (16) ܠܘ ܛܘܦܣܢܐܝܬ ܐܠܐ (17) ܡܫܡܠܝܢܐܝܬ ܟܗܢܐ ܥܢܝܢܝ (18) ܥܡܐ ܩܘܪܝܠܝܣܘܢ ܩܘܪܝܠܝܣܘܢ ܩܘܪܝܠܝܣܘܢ ܟܗܢܐ (19) ܘܠܠܚܡܐ ܡܢ ܗܢܐ ܢܥܒܕ: (20) ܍ ܦܓܪܐ ܕܝܚܝܕܝܐ ܒܪܐ ܕܝܠܟ. (21) ܍ ܦܓܪܐ ܡܪܡܢܢܐ ܕܫܘܒܩܢܐ (22) ܕܚܛܗ̈ܐ ܍ ܦܓܪܐ ܡܫܟܢܢܐ (23) ܕܠܐ ܡܬܚܒܠܢܘܬܐ ܕܥܬܝܕܐ (24) ܠܥܠܡ ܥܠܡܝܢ ܍ ܀ (59r column 2) (1) ܘܟܣܐ ܗܢܐ ܢܥܒܕ ܠܢ. (2) ܠܫܘܒܩܢܐ ܕܚܛܗ̈ܐ ܟܣܐ (3) ܠܫܘܬܦܘܬܐ ܕܣܝ̣ܡܬ ܒܢܝ̈ܐ. (4) ܟܣܐ ܠܪܗܒܘܢܐ ܕܝܪܬܘܬܐ. (5) ܗ̇ܝ ܕܥܬܝܕܐ ܠܥܠܡܝܢ ܐܡܝܢ
Intercession Prayers
(6) ܀ ܟܕ ܠܡܝܬܝܘܬ ܐܪܙܐ (7) ܗܢܐ ܐܫܬܘܝܢܢ: ܘܒܡܫܬܘܕܥܢܘܬܐ (8) ܕܫܪܪܐ. ܚܙܝܐ ܕܬܪܥܝܬܢ (9) ܐܬܢܗܪ: ܠܪܒܘܬܐ ܕܥܘܕܪ̈ܢܐ (10) ܕܝܠܢ ܠܐ ܛܥܝܢܢ. ܐܠܐ ܘܟܕ ܗܫܐ (11) ܒܝܕ ܡܚܙܝܬܐ ܘܪܡܙܐ: (12) ܒܡܕܒܪܢܘܬܐ ܕܚܠܦܝܢ (13) ܡܨܕܝܢܢ: ܘܗܠܝܢ ܕܝܬܝܪ (14) ܓܡܝܪ̈ܢ ܘܓܠܝ̈ܢ: ܒܝܘܡܐ ܗ̇ܘ (15) ܪܒܐ ܕܡܬܓܠܝܢܘܬܐ ܡܗܝܡܢܘܬܐ (16) ܕܢܓܕ̈ܫܢ. ܗ̇ܘ ܡܕܡ ܕܐܝܬ ܠܢ (17) ܘܡܨܝܢܢ: ܬܘܕܝܬܐ ܕܒܟܠܡܕܡ: (18) ܘܥܠ ܟܠܡܕܡ ܠܟ ܟܕ ܡܩ̇ܪܒܝܢܢ: (19) ܒܥܝܢܢ ܡܢܟ ܕܗܢܐ ܦܓܪܐ ܕܝܠܟ. (20) ܗ̇ܘ ܕܡܛܠܬܢ ܐܢܬ ܠܐ ܦܓܪܢܐ (21) ܐܬܒܣܪܬ: ܘܗܢܐ ܕܡܐ ܗ̇ܘ (22) ܕܚܠܦܝܢ ܒܨܠܝܒܐ ܡܝܩܪܐ (23) ܠܦܘܪܩܢܢ ܐܫܦܥܬ. ܢܗܘܐ (59v column 1) (1) ܠܟܠܢ ܐܝܠܝܢ ܕܡܫܬܘܬܦܝܢܢ (2) ܡܢܗ. ܠܚܝ̈ܐ ܕܠܥܠܡ (3) ܠܝܪܬܘܬܐ ܕܢܦܫܐ. ܠܫܦܝܪܘܬ (4) ܚܘܠܡܢܐ ܕܦܓܪܐ. ܠܫܘܒܩܢܐ (5) ܕܚܛܗ̈ܐ. ܠܫܘܬܦܘܬܐ ܕܣܝܡܬ (6) ܒܢܝ̈ܐ. ܠܡܬܢ̇ܗܪܢܘܬܐ ܕܒܪܘܚܐ (7) ܩܕܝܫܐ. ܠܦܐܪܪܝܣܝܐ ܕܠܘܬܟ (8) ܕܠܐ ܒܗܬܬܐ. ܟܕ ܠܐ ܠܕܝܢܐ ܘܠܐ (9) ܠܚܘܝܒܐ ܢܗܘܐ ܠܟܠܗܘܢ (10) ܢܣܘ̈ܒܘܗܝ܆ ܠܐ ܗܫܐ ܘܠܐ ܒܝܘܡܐ (11) ܕܥܬܝܕ. ܬܘܒ ܕܝܢ ܡܩ̇ܪܒܝܢܢ ܠܟ. (12) ܒܥܘܬܐ ܒܥܕܢܐ ܗܢܐ ܕܕܒܚܬܐ (13) ܗܕܐ ܩܕܝܫܬܐ ܐܫܬܡܠܝܬ݀: (14) ܘܦܐܪܪܝܣܝܐ ܠܢ ܐܩܢܝܬ݀: (15) ܚܠܦ ܥܕܬܐ ܕܝܠܟ ܩܐܬܘܠܝܩܝ. (16) ܗ̇ܝ ܕܡܢ ܣܘ̈ܦܝܗ ܕܐܪܥܐ (17) ܘܥܕܡܐ ܠܣܘܦ̈ܝܗ. ܡܦܝܣܝܢܢ (18) ܠܟ. ܕܬܬܢܛܪ ܠܐ ܡܙܕܥܙܥܢܝܬܐ (19) ܘܠܐ ܡܬܚܒܠܢܝܬܐ. ܐܝܟܢܐ (20) ܕܡܘܟ̈ܠܝܗ̇ ܕܫܝܘܠ ܠܐ (21) ܢܚܣܢܘܢܗ̇. ܒܝܕ ܕܥܠܝܟ. (22) ܟܐܦܐ ܪܘܚܢܝܬܐ ܡܫܬܐܣܐ (23) ܘܒܢܝܐ. ܬܫܒܚ ܠܟ ܒܪܘܙܐ (59v column 2) (1) ܗܫܐ ܘܒܟܠܙܒܢ ܓܗܢܬܐ ܚܠܦ (2) ܐܦܝܣܩܘ̈ܦܐ ܐܪ̈ܬܘܕܟܣܘ: (3) ܕܒܟܠ ܕܘܟ ܗܠܝܢ ܕܬܪܝܨܐܝܬ (4) ܦܣܩܝܢ ܡܠܬܐ ܕܫܪܪܐ. (5) ܘܚܠܦ ܡܟܬܪܢܘܬܐ ܕܝܠܗܘܢ (6) ܛܒܬܐ. ܝܕܝܥܐܝܬ ܕܝܢ ܚܠܦ (7) ܡܢܝܚ̈ܢܐ ܕܝܠܟ. ܦܠܢ ܘܦܠܢ (8) ܦܐܛܪܝܪܟܘ ܕܝܠܢ ܘܦܠܢ ܡܝܛܪܦܘܠܝܛܘ (9) ܥܡ ܫܪܟܐ ܐܦܝܣܩܘ̈ܦܐ ܬܪ̈ܨܝ (10) ܫܘܒܚܐ. ܘܚܠܦ ܗܠܝܢ ܕܪܕܝܦܢ܆ (11) ܚܠܦ ܡܗܝ̈ܡܢܐ ܕܒܟܠܕܘܟ (12) ܩܫܝ̈ܫܐ ܘܡܫܡ̈ܫܢܐ. ܐܦܘܕܝܐܩ̈ܢܘ܆ (13) ܘܟܠ ܬܐܓܡܐ ܕܒܡܘܠܝܐ (14) ܥܕܬܢܝܐ ܡܛܟܣ. ܐܝܟܢܐ (15) ܕܐܢܬ ܡܪܝܐ ܘܝܨܘܦܐ ܕܟܠ. (16) ܟܕ ܠܟܠܚܕ ܒܩܪܝܬܐ ܗܝ (17) ܕܐܬܩܪܝ ܢܛܪ ܐܢܬ: ܘܐܦ (18) ܠܡܣܟܢܘܬܐ ܕܝܠܢ (19) ܚ̈ܛܝܐ: ܐܬܕܟܪ ܡܪܝܐ (20) ܒܪ̈ܚܡܐ ܘܒܚܢܢܐ. ܘܠܐ (21) ܬܘܒ ܠܢ ܡܛܠ ܠܐ (22) ܢܡܘ̈ܣܝܘܬܐ ܕܝܠܢ ܐܠܐ (23) ܚܘܐ ܒܢ ܛܒܘܬܐ ܕܝܠܟ܇ (60r column 1) (1) ܘܦܪܘܩ ܠܢ ܟܕ ܠܐ ܫܘܝܢܢ܆ (2) ܒܪ̈ܚܡܝܟ ܚܣܢ. ܐܝܟܢܐ (3) ܕܢܫܒܚܟ. ܘܟܕ ܡܢ ܡܚܫ̈ܟܬܐ (4) ܫܟܝܪ̈ܬܐ ܡܪܚܩܝܢܢ ܐܫܘܐ (5) ܠܢ. ܕܟܕ ܩܕܝܫܝܢܢ ܒܦܓܪ̈ܝܢ. (6) ܘܕܟܝܢܢ ܒܪ̈ܘܚܬܢ. ܠܥܘܬܪܐ (7) ܕܬܫܡܫܬܐ ܗܕܐ ܪܘܚܢܝܬܐ. (8) ܢܣܬܟܠ. ܘܫܘܝܐܝܬ ܒܟܠܙܒܢ. (9) ܢܓܫܘܦ ܒܐܪ̈ܙܐ ܗܠܝܢ ܩܕܝܫ̈ܐ. (10) ܘܢܣܓܐ ܕܝܢ ܒܝܕ ܛܝܒܘܬܟ. (11) ܘܟܢܫܐ ܕܥܕܬܐ ܗܕܐ ܕܫܘܙܒܬ: (12) ܘܩܢܝܬ ܒܝܕ ܕܡܐ ܕܝܠܟ (13) ܝܩܝܪܐ. ܐܝܟܢܐ ܕܟܕ ܐܝܟ ܚܕ (14) ܓܘܫܡܐ ܕܒܫܪ̈ܝܬܐ ܡܥܪܙܠ. (15) ܠܟ ܪܝܫܐ ܠܐ ܡܣܬܝܟܢܐ (16) ܢܬܠܚܡ ܒܛܝܒܘܬܟ. ܘܠܐ ܐܢܫ (17) ܡܢܢ ܢܐܒܕ. ܐܠܐ ܟܠܢ ܐܝܠܝܢ (18) ܕܒܐܝ̈ܕܝܐ ܕܝܠܟ ܐܫܬܘܙܒܢܢ܆ (19) ܪ̈ܥܘܬܐ ܘܡܬܪ̈ܥܝܢܐ. (20) ܕܕܠܐ ܟܘܬܡܐ ܩܕܡܝܟ (21) ܢܩܘܡ ܘܬܠܐ ܩܠܗ ܒܥܝܢܢ (22) ܡܢܟ ܪܚܡ ܒܢܝܢܫ̈ܐ. (23) ܘܡܦܝܣܝܢ ܠܪ̈ܚܡܝܟ (60r column 2) (1) ܡܪܝܐ.. ܐܝܟܢܐ ܕܠܗܢܘܢ ܕܛܥܝܢ (2) ܬܦܢܐ. ܠܕܝܬܒܝܢ ܒܚܫܘܟܐ (3) ܕܠܐ ܝܕܥܬܐ. ܠܢܘܗܪܐ (4) ܕܡܫܬܘܕܥܢܘܬܟ ܩܪܝ (5) ܘܩܪܒ. ܠܕܢܦܠܝܢ ܬܪܘܨ: (6) ܠܕܦܠܝܓܝܢ ܐܠܘܬ. ܠܕܩܝܡܝܢ (7) ܫܪܪ. ܠܕܟܪܝܗܝܢ ܐܣܐ: (8) ܠܙܥܘܪ̈ܝ ܢܦܫܐ ܒܝܐܐ: (9) ܠܕܛܝܦܝܢ ܒܝܡܐ ܡܠܚ: (10) ܠܕܡܬܪܕܦܝܢ ܡܢ ܪ̈ܘܚܐ ܒܝܫ̈ܬܐ (11) ܚܪܪ: ܟܕ ܗܘܐ ܐܢܬ ܒܛܝܒܘܬܟ. (12) ܠܗܢܘܢ ܕܒܐܢ̈ܢܩܐܣ ܡܫܘܙܒܢܐ. (13) ܠܗܢܘܢ ܕܒܪ̈ܕܘܦܝܐ ܩܝܘܡܐ. (14) ܠܗܢܘܢ ܕܒܐܣܘܪ̈ܐ ܡܚܪܪܢܐ. (15) ܠܗܢܘܢ ܕܒܥܒܕܘܬܐ ܡܪܝܪܬܐ (16) ܡܦ̇ܨܝܢܐ. ܡܛܠ ܕܠܟܠ ܩܪܝܒ (17) ܐܢܬ ܡܪܝܐ ܘܕܟܠܢܫ ܝ̇ܨܦ (18) ܐܢܬ ܛܒܐ܆ ܒܝܕ ܕܟܠܗܝܢ (19) ܕܐܝܬܝ̈ܗܘܢ. ܠܘܬ ܗ̇ܝ ܕܢܗܘ̈ܝܢ (20) ܐܝܬܝܗܝ̈ܢ. ܘܢܐܚ̈ܝܢ ܡܢܟ (21) ܐܬܬܝܬܝܝ̈ܢ: ܕܟܠ ܒܛܝܠ ܠܟ. (22) ܘܥܠ ܟܠ ܪܚܡ. ܘܠܚ̈ܝܐ (23) ܕܟܠܢ ܒܝܕܥܬܟ ܣܦܩܬ ܠܟܠ. (60v column 1) (1) ܕܒܪ ܘܗܕܐ. ܠܦܓܪ̈ܐ ܡ̇ܢ. (2) ܘܢܦܫ̈ܬܐ ܕܟܠܢ ܥܒ̈ܕܝܟ.. (3) ܒܫܦܝܪܘܬ ܩܘܝܡܐ ܘܡܫܪܬܚܘܬܐ (4) ܕܡܠܬܐ ܙܲܝܢ ܘܚܲܣܢ. ܗܒܠܢ (5) ܕܝܢ ܡܪܝܐ: ܘܫܦܝܪܘܬ ܡܘܙ̇ܓܐ (6) ܫܦܥܘܬܐ ܕܐܐܪ̈ܐܣ. [in margin: ܒܨ̈ ܫܦܝܥܘܬܐ] ܡܫܦܥܘܬܐ ܡܫܝܢܬܐ. (7) ܕܙܒܢܐ ܘܥܕܢ̈ܐ. ܡܘܠܝ̈ܬܐ (8) ܕܝܢ ܕܒܐܪܥܐ. ܘܦܐܪ̈ܐ ܕܟܠ (9) ܓܢܣ. ܗܠܝܢ ܕܒܪܡܙܐ ܕܝܠܟ: (10) ܗ̇ܘ ܚ̇ܒܫ ܠܟܠ ܫܟܢܬ܆ (11) ܠܐ ܡܛܠ ܚ̈ܛܗܝܢ ܬܚܒܠ. ܐܠܐ (12) ܘܟܕ ܡܛܠ ܒܝ̈ܫܐ ܡܢ ܘܡܣ̈ܟܢܐ: (13) ܘܐܟܣ̈ܢܝܐ ܡܒܪܟ ܐܢܬ܆ ܠܟܠܝܠܐ (14) ܕܟܠܗ̇ ܫܢܬܐ ܙܗܐ ܘܗܕܪ. (15) ܐܝܟܢܐ ܕܥܠ ܟܠ ܘܡܛܠ ܟܠ. (16) ܢܫܒܚ ܘܢܪܡܪܡ ܠܫܡܟ (17) ܣܓܝܕܐ ܘܛܘܒܬܢܐ ܥܡ ܕܝܚܝܕܝܐ (18) ܒܪܐ ܕܝܠܟ ܓܗܢܬܐ ܐܬܕܟܪ (19) ܡܪܝܐ ܠܡ̈ܠܟܐ ܘܠܪ̈ܘܪܒܢܐ: (20) ܘܐܗܦܟ ܐܢܘܢ ܠܕܚܠܬܐ ܕܝܠܟ. (21) ܘܠܗܝܡܢܘܬܐ ܚܠܝܡܬܐ ܘܬܪܝܨܬ ܫܘܒܚܐ. (22) ܘܗܒ ܠܗܘܢ ܕܠܗܢܘܢ ܕܬܚܝܬ (23) ܐܝܕܝ̈ܗܘܢ ܒܟܐܢܘܬܐ ܢܕܒܪܘܢ. (60v column 2) (1) ܘܠܕܝܢܐ ܕܠܐ ܡܐܣܒ ܒܐܦ̈ܐ. (2) ܢܛܪܘܢ. ܫܥܒܕ ܠܗܘܢ ܟܠ (3) ܒܥܠܕܒܒ̈ܐ ܘܡܩܪ̈ܒܢܐ. ܐܝܟܢܐ (4) ܕܚܢܢ ܚܝ̈ܐ ܢܝܚܝ̈ܐ ܘܫܠ̈ܝܐ (5) ܢܕܝܪ. ܘܠܟܠܗ ܥܡܐ ܕܝܠܟ (6) ܕܒܟܠ ܐܬܪ. ܡܣܬܪܢܐ ܗܘܝ (7) ܡܪܝܐ ܗܫܐ ܘܒܟܠܙܒܢ (8) ܘܠܥܠܡܝܢ ܘܬܠܐ ܩܠܗ (9) ܘܫܘܙܒ ܠܟܠܢ ܡܢ ܟܠ (10) ܟܦܢܐ. ܘܡܘܬܢܐ. ܘܙܘܥܐ: (11) ܘܝܩܕܢܐ: ܘܛܘܒܥܐ ܘܪܕܘܦܝܐ: (12) ܘܡܢ ܚܪ̈ܝܢܐ ܘܩܪ̈ܒܐ ܘܪ̈ܘܒܐ (13) ܘܫܓܘ̈ܫܝܐ. ܘܐܩܝܡ ܒܪܝܫܐ (14) ܕܥܡܡ̈ܐ ܠܥܕܬܐ ܕܝܠܟ ܩܕܝܫܬܐ. (15) ܘܠܟܠܢܫ ܫܥܒܕ ܠܫܡܐ (16) ܕܝܠܟ. ܗ̇ܘ ܕܚܝܠܐ ܘܩܕܝܫܐ. (17) ܟܕ ܝܗܒ ܐܢܬ ܠܢ ܝܕܥܬܐ. (18) ܕܢܕܚܠ ܠܟ. ܘܕܡܢ (19) ܦܪܨܘܦܐ ܕܝܠܟ ܢܟܘܙ. (20) ܘܠܟܠܗܘܢ ܣܥܪ̈ܝ ܫܦܝܪ̈ܬܐ (21) ܘܡܝܬܝ̈ܝ ܦܐܪ̈ܐ ܠܥܕܬܐ (22) ܕܝܠܟ ܩܕܝܫܬܐ. ܘܠܗܢܘܢ ܕܥܒܕܝܢ (61r column 1) (1) ܙܕܩ̈ܬܐ ܠܡܣ̈ܟܢܐ: ܠܗܢܘܢ (2) ܕܚܐܝܝܢ ܘܠܗܢܘܢ ܕܩܕܡܘ (3) ܕܡܟܘ. ܐܬܕܟܪ ܡܪܝܐ. ܐܝܟܢܐ (4) ܕܢܫܒܚܘܢܟ ܘܠܝܚܝܕܝܐ ܒܪܟ (5) ܘܠܪܘܚܟ ܩܕܝܫܐ ܓܗܢܬܐ ܘܦܪܘܥ (6) ܐܢܘܢ ܚܕܘܬܐ ܕܦܪܨܘܦܟ: (7) ܠܟܠܗܘܢ ܗܢܘܢ ܕܦܩܕܘ ܠܢ: (8) ܕܢܬܥܗܕ ܐܢܘܢ ܒܨܠܘ̈ܬܐ (9) ܘܒܒܥ̈ܘܬܐ ܘܒܬܟ̈ܫܦܬܐ (10) ܕܝܠܢ ܕܠܘܬܟ ܐܠܗܐ ܕܝܠܢ. (11) ܒܥܕܢܐ ܗܢܐ. ܐܬܕܟܪ ܡܪܝܐ. (12) ܘܠܟܠܚܕ ܫܟܢ ܫܐܠ̈ܬܐ (13) ܗܠܝܢ ܕܠܘܬ ܦܘܪܩܢܐ. (14) ܘܠܗܠܝܢ ܕܩܪܒܘ ܩܘܪ̈ܒܢܐ (15) ܗܠܝܢ. ܘܚܠܦ ܗܠܝܢ (16) ܕܨܒܝܢ ܘܠܐ ܡܫܟܚܝܢ. ܘܚܠܦ (17) ܗܢܘܢ ܕܟܠܚܕ ܒܬܪ ܥܝܬܗ (18) ܐܝܬ ܠܗ. ܘܠܗܢܘܢ ܕܗܫܐ (19) ܡܫܡܫܢܐ ܡܬܥܗܕ ܘܬܠܐ (20) ܩܠܗ ܩܒܠ ܡܪܝܐ (21) ܩܘܪ̈ܒܢܐ ܕܥܒ̈ܕܐ ܕܝܠܟ. (22) ܠܪܝܚܐ ܒܣܝܡܐ. ܘܫܕܪ (23) ܠܗܘܢ ܛܝܒܘܬܐ ܕܫܘ̈ܟܢܐ: (24) ܕܫܦܝܪܘܬ ܡܘܗ̈ܒܬܐ (61r column 2) (1) ܕܝܠܟ. ܟܕ ܡܥܬܪ ܐܢܬ ܠܗܘܢ܆ (2) ܒܥܒ̈ܕܐ ܛܒ̈ܐ ܘܒܐܡܢܐ (3) ܕܙܕܝܩܘܬܐ: ܘܡܚܣܢ ܐܢܬ. (4) ܒܢܛܘܪܘܬܐ ܘܬܘܕܝܬܐ ܕܗܝܡܢܘܬܐ (5) ܬܪܝܨܬ ܫܘܒܚܐ. ܐܝܟܢܐ ܕܢܫܟܚܘܢ (6) ܪ̈ܚܡܐ ܘܥܘܕܪܢܐ ܡܛܝܒܐ. (7) ܒܝܘܡܐ ܕܕܝܢܐ: ܒܝܕ ܚܢܢܐ (8) ܕܛܝܒܘܬܐ ܕܝܠܟ. ܡܛܠ (9) ܕܐܠܗܐ ܥܬܝܪ ܒܡܘܗ̈ܒܬܐ (10) ܐܝܬܝܟ. ܘܫܦܝܥ ܒܫܘ̈ܟܢܐ: (11) ܘܝܗܘܒܐ ܕܛܒ̈ܬܐ ܘܠܟ ܦܐܐ (12) ܫܘܒܚܐ ܘܐܝܩܪܐ. ܐܒܐ ܘܡܪܐ ܘܪܘܚܐ (13) ܩܕܝܫܐ ܗܫܐ ܓܗܢܬܐ ܗܘܝ ܡܪܝܐ (14) ܡܬܟܬܫܢܐ ܐܡܝܢܐ ܚܠܦܝܗܘܢ. (15) ܘܡܣܬܪܢܐ ܛܒܐ ܪܚܡܢܫܐ. (16) ܘܣܬܘܪ ܠܚܝܠܬܢܘܬܐ ܕܗܢܘܢ. (17) ܕܩܝܡܝܢ ܠܘܩܒܠ ܐܘܚܕܢܐ (18) ܕܝܠܟ. ܟܕ ܡܦܪܢܣ ܐܢܬ ܠܟܠܢ: (19) ܦܘܠܓ ܡܘܗ̈ܒܬܐ ܕܫܦܝܪܘܬ (20) ܩܘܝܡܐ ܘܫܝܢܐ ܕܝܠܟ. ܘܛܝܒܘܬܐ (21) ܕܫܦܝܥܘܬ ܚܝܘܣܬܢܘܬܐ (22) ܕܝܠܟ. ܘܗܠܝܢ ܟܠܗܝܢ: (23) ܒܪ̈ܚܡܝܟ ܕܠܐ ܡܬܬܟܝܠܝܢ: (61v column 1) (1) ܫܟܢ. ܘܐܦ ܐܝܠܝܢ ܕܪܡܙܐ (2) ܕܝܕܥܬܟ ܡܫܬܘܕܥܐ ܕܥܕܪ̈ܢ (3) ܠܢ ܘܬܠܐ ܩܠܗ ܠܘ ܡܛܠ (4) ܕܣܢܝܩܐ ܥܠ ܬܫܒܘܚܬܐ ܗ̇ܝ (5) ܕܡܢܢ. ܓܘܕܐ ܕܩܕܝ̈ܫܐ ܕܝܠܟ: (6) ܫܠ̈ܝܚܐ ܘܢܒ̈ܝܐ ܘܣܗ̈ܕܐ ܘܫܪܟܐ (7) ܕܒܘܟܪ̈ܐ ܕܟܬܝܒܝܢ ܒܟܬܒܐ (8) ܕܚܝ̈ܐ ܕܝܠܟ: ܡܬܥܗܕܝܢܢ (9) ܥܠ ܕܒܚܬܐ ܗܕܐ. ܐܠܐ ܡܛܠ (10) ܥܘܕܪ̈ܢܐ ܕܝܠܢ ܕܡܢ ܨܠ̈ܘܬܗܘܢ: (11) ܐܝܟܢܐ ܕܟܕ ܩܕܡ ܬܪܘܢܘܣ (12) ܕܪܒܘܬܟ ܩܝܡܝܢ: ܟܕ ܡܣܟܢܢ (13) ܠܦܘܪܥܢܘܬܐ ܕܬܚܠ̈ܘܦܐ (14) ܕܝܬܝܪ ܡܫܡܠܝܢ ܒܦܘ̈ܠܓܐ (15) ܕܟܠ̈ܝܠܐ. ܣܬܪܐ ܕܝܠܗܘܢ (16) ܐܟܚܕܐ ܗܘܐ ܠܢ: ܢܫܬܘܐ (17) ܕܢܫܡܫܟ ܠܐ ܡܬܩܛܪܓܢܐܝܬ. (18) ܘܢܩܘܡ ܩܕܡ ܡܕܒܚܟ ܩܕܝܫܐ. (19) ܟܕ ܬܟܫ̈ܦܬܐ ܕܗܠܝܢ ܡܩܒܠ (20) ܐܢܬ ܚܠܦ ܫܝܛܝܘܬܐ ܕܝܠܢ: (21) ܘܚܠܦ ܟܠܗ ܥܡܐ ܕܝܠܟ. (22) ܪܚܡܢܫܐ ܡܪܝܐ. ܠܐ ܬܗܦܟ (23) ܐܦ̈ܝܟ ܡܢܢ܇ ܕܚܛܝܢܢ ܩܕܡ (61v column 2) (1) ܬܫܒܘܚܬܐ ܕܝܠܟ. ܘܠܐ ܬܣܛܐ (2) ܒܪܘܓܙܐ ܡܢ ܥܒ̈ܕܐ ܕܝܠܟ܆ (3) ܘܢܗܘܐ ܐܝܟ ܕܡܢ ܒܪܝܫܝܬ. ܐܠܐ (4) ܓܒܝ ܬܘܒ ܐܦ ܗܫܐ ܠܝܣܪܐܝܠ܇ (5) ܘܐܢܗܪ ܦܪܨܘܦܐ ܕܚܢܢܐ ܕܝܠܟ (6) ܥܠܝܢ. ܘܥܠ ܟܠܗ̇ ܝܪܬܘܬܐ ܕܝܠܟ. (7) ܡܛܠ ܕܐܠܗܐ ܕܦܘܪܩܢܐ ܕܝܠܢ (8) ܐܝܬܝܟ ܘܦܐܐ ܠܟ ܫܘܒܚܐ ܘܐܝܩܪܐ (9) ܥܡ ܝܚܝܕܝܐ ܓܗܢܬܐ ܠܡܕܒܪ̈ܢܐ (10) ܚܟܝ̈ܡܐ. ܘܡܟܗ̈ܢܢܐ ܕܐܪ̈ܙܐ (11) ܐܠ̈ܗܝܐ. ܗܠܝܢ ܕܡܠܠܘ (12) ܒܥܕܬܐ ܕܝܠܟ ܩܕܝܫܬܐ. ܬܫܒܘܚܬܐ (13) ܕܪܒܘܬ ܦܐܝܘܬܐ ܕܡܠܟܘܬܟ: (14) ܘܥܠ ܫܬܐܣܬܐ ܕܗܝܡܢܘܬܐ: (15) ܒܢܘ ܠܝܕܥܬܐ ܕܟܠܗ̇ ܫܦܝܪܘܬ (16) ܕܚܠܬܐ. ܘܕܡܠܦܢܘܬܐ ܚܠܝܡܬܐ (17) ܘܬܠܐ ܩܠܗ ܩܒܠ ܡܪܝܐ (18) ܬܘܒ ܘܐܦ ܗܫܐ ܘܠܨ̈ܠܘܬܐ (19) ܚܦ̈ܝܛܬܐ ܕܪ̈ܝܫܝܟܗܢܝܟ܇ (20) ܕܚܠܦ ܥܡܐ ܕܝܠܟ܇ (21) ܘܟܕ ܡܢ ܡܠܦܢܘܬܐ ܠܐ (22) ܡܪܝܦܬܐ ܡܠܐ ܐܢܬ (62r column 1) (1) ܠܥܢܐ ܕܝܠܟ܆ ܠܐ ܡܬܬܚܕܢܝܬܐ (2) ܐܩܝܡܗ̇: ܠܘܬ ܟܡܐܢܐ: (3) ܘܡܨܝܕ̈ܬܐ ܐܪ̈ܛܝܩܝܬܐ. ܘܠܐ (4) ܬܬܚܝܠ ܥܠܝܗ̇ ܛܥܝܘܬܐ (5) ܣܓܝܐܬ ܦܘܪ̈ܣܐ ܕܕܘ̈ܓܡܐܛܘ (6) ܗܠܝܢ ܡܣ̈ܠܝܐ. ܡܛܠ ܕܐܠܗܐ (7) ܕܨ̇ܒܐ ܒܪ̈ܚܡܐ ܐܝܬܝܟ: ܘܠܟ ܦܐܐ (8) ܫܘܒܚܐ ܓܗܢܬܐ ܐܬܕܟܪ ܡܪܝܐ (9) ܠܩܫ̈ܝܫܐ. ܠܡܫ̈ܡܫܢܐ ܠܐܦܘ̈ܕܝܩܢܐ (10) ܠܩܪ̈ܘܝܐ. ܠܡܙܡܪ̈ܢܐ ܠܡܘ̈ܡܝܢܐ (11) ܠܡܦܫ̈ܩܢܐ. ܠܡܚ̈ܡܣܢܢܐ: (12) ܠܥܢܘ̈ܝܐ. ܠܐܪ̈ܡܠܬܐ ܠܝܬܡ̈ܐ. (13) ܠܥ̈ܠܡܝܐ ܗܢܘܢ ܕܒܫܘܬܦܘܬܐ (14) ܟܢܝܟܬܐ ܡܛܟܣܝܢ. ܘܠܟܠܗܘܢ (15) ܐܝܠܝܢ ܕܒܡܫܝܚܐ ܩܕܡܘ (16) ܫܟܒܘ ܘܬܠܐ ܩܠܗ ܠܘܬܟ (17) ܟܠܒܣܪܢܐܬܐ ܪܚܡܢܫܐ (18) ܡܪܝܐ.. ܗ̇ܘ ܕܡܚܕܬ ܐܢܬ (19) ܠܦܪܨܘܦܗ̇ ܕܐܪܥܐ. (20) ܕܡܢܗ̇ ܘܗ̇ܝ ܕܢܗܘܐ ܐܝܬܘܗܝ (21) ܡܛܬ . ܐܢܬ ܗܟܝܠ ܗ̇ܘ ܕܝ̇ܕܥ (22) ܐܢܬ ܥܒ̇ܕܐ ܕܐܝ̈ܕܝܟ. ܟܕ (23) ܡܬܥܗܕ ܐܢܬ ܕܥܦܪܐ (62r column 2) (1) ܐܝܬܝܢ: ܘܟܝ̇ܢܐ ܕܠܝܠ ܠܫܘܪ̈ܥܬܐ: (2) ܠܐ ܬܥܘܠ ܠܕܝܢܐ ܥܡܢ. ܘܠܐ (3) ܠܗ̇ܘ ܕܛܥܐ ܥܡ ܗ̇ܘ ܕܐܛܥܝ (4) ܐܟܚܕܐ ܬܚܝܒ. ܠܝܬ ܓܝܪ (5) ܐܢܫ ܡܢ ܗܠܝܢ ܕܥܠ ܐܪܥܐ. (6) ܕܡܫܬܒܗܪ ܕܢܛܪ ܠܒܐ (7) ܕܝܠܗ ܠܐ ܡܛܘܫܐ: ܘܕܛܦ (8) ܡܫܡܠܝܐܝܬ ܠܥܠ ܡܢ (9) ܛܘܒܥܐ ܕܚܛܝܬܐ: ܐܠܐ ܐܢ ܒܠܚܘܕܘܗܝ: (10) ܡܪܢ ܘܐܠܗܢ ܝܫܘܥܡܫܝܚܐ: (11) ܝܚܝܕܝܐ ܒܪܐ ܕܝܠܟ. ܕܒܐܝ̈ܕܘܗܝ (12) ܥܡܐ ܐܢܝܚ ܟܗܢܐ ܐܢܝܚ ܐܪܦܐ: (13) ܫܒܘܩ ܐܠܗܐ ܣܟ̈ܠܘܬܢ: (14) ܕܒܨܒܝܢܐ ܘܕܠܐ ܒܨܒܝܢܐ. ܒܝܕܥܬܐ: (15) ܘܕܠܐ ܒܝܕܥܬܐ. ܕܒܡܡܠܐ: (16) ܕܒܥܒ̈ܕܐ. ܕܒܡܚܫ̈ܒܬܐ. (17) ܕܟܣ̈ܝܢ. ܕܓܠܝ̈ܢ ܠܕܩܕܝ̈ܡܢ (18) ܝܕܥ̈ܢ. ܠܕܛܥ̈ܝܢ. ܗܠܝܢ (19) ܕܝ̇ܕܥ ܫܡܐ ܕܝܠܟ ܩܕܝܫܐ. (20) ܠܢ ܕܝܢ ܕܥܕܟܝܠ ܒܥܠܡܐ (21) ܗܢܐ ܐܝܬܝܢ: ܘܠܐ ܕܝܢ ܠܪܗܛܐ (22) ܫܡܠܝܢܢ ܕܐܣܛܕܝܘܢ ܕܬܢܢ. (23) ܐܝܟ ܢܓܝܪ ܪܘܚܐ ܡܪܝܐ.. ܟܕ (62v column 1) (1) ܒܛܠܢܐ ܕܟܢ̈ܦܐ ܕܝܠܟ ܡܣܬܪ (2) ܐܢܬ ܠܢ: ܡܢ ܟܠ ܡܥܒܕܢܘܬܐ (3) ܕܚܝܠܐ ܣܩܘܒܠܝܐ: ܘܠܫܘܠܡܐ (4) ܛܒܐ ܘܟܪܝܣܛܝܢܝܐ ܡܫܘܐ (5) ܐܢܬ: ܕܫܘܒܩܢܐ ܕܗܠܝܢ ܕܡܣ̈ܟܠܢ (6) ܠܢ. ܐܢܬ ܠܗ. ܠܘܬ ܠܡܐܢܐ (7) ܡܫܝܢܐ ܕܢܝܚܬܐ ܕܝܠܟ ܕܢܡܢܥ (8) ܐܫܘܐ. ܐܝܟܢܐ ܕܐܦ ܒܗܕܐ (9) ܟܗܢܐ ܫܠܡܐ ܥܡܐ ܐܝܟܢܐ ܟܗܢܐ (10) ܢܗܘܘܢ ܡܫܡ ܟܪܘܙܘܬܐ ܟܗܢܐ ܩܨܐ (11) ܘܪܫ̇ܡ
The Lord's Prayer
ܨܠܘܬܐ ܕܐܒܘܢ ܩܕܝܫܐ ܕܩܕܝ̈ܫܐ: (12) ܗ̇ܘ ܕܒܩܕܝ̈ܫܐ ܡܬܬܢܝܚ. (13) ܘܡܫܡܠܐ ܘܓܡܪ ܠܩܕܝܫ̈ܐ: (14) ܗ̇ܘ ܕܩܪܝܬ ܠܟܠܢ ܒܩܪܝܬܐ (15) ܩܕܝܫܬܐ ܠܘܬ ܢܘܗܪܐ ܬܡܝܗܐ (16) ܕܝܕܥܬܐ ܕܝܠܟ. ܗ̇ܘ ܕܛܝܒܘܬܐ (17) ܕܣܝܡܬ ܒܢܝ̈ܐ ܠܘ ܡܢ (18) ܥܒ̈ܕܐ ܕܝܠܢ: ܐܠܐ ܒܝܕ ܗܝܡܢܘܬܐ (19) ܐܬܬܓܪܬ ܠܢ: ܐܫܘܐ ܠܢ (20) ܕܒܠܒܐ ܕܟܝܐ ܘܒܬܐܪܬܐ (21) ܦܐܪܪܝܣܝܝܬܐ. ܘܒܣܦ̈ܘܬܐ (22) ܕܠܐ ܢܦܠ̈ܢ܆ ܢܩܪܟ ܐܒܐ ܐܒܘܢ. (23) ܘܠܣܪܝܩܘܬ ܦܩܩܘܬ (62v column 2) (1) ܡܠܬܐ ܚܢܦܝܬܐ ܘܝܘܕܝܬܐ (2) ܟܕ ܫܕܝܢܢ܆ ܒܩܠܐ ܡܟܝܟܐ: (3) ܘܕܦܐܐ ܠܟܪ̈ܝܣܛܝܢܐ: ܢܫܟܚ (4) ܕܢܣܩ ܠܟ ܬܟܫܦܬܐ (5) ܕܨܠܘܬܐ: ܐܝܟ ܣܝܘܡܘܬ (6) ܢܡܘܣܐ ܕܝܚܝܕܝܐ ܒܪܟ. (7) ܘܒܩܕܝܫܘܬܐ ܕܢܦܫܐ ܡܢ ܦܓܪܐ: (8) ܥܡ ܫܦܝܪܘܬ ܨܒܝܢܐ. (9) ܕܦܐܝܐ ܠܒ̈ܢܝܐ: ܘܦܐܪܪܝܣܝܐ (10) ܘܚܘܒܐ. ܠܟ ܠܐ ܒܪܝܐ ܘܠܐ (11) ܝܠܝܕܐ. ܘܕܠܐ ܛܘܠܫܐ ܢܡܪܚ (12) ܕܢܩܪܟ ܐܒܐ ܫܡܝܢܐ ܘܢܨܠܐ (13) ܘܢܐܡܪ ܟܗܢܐ ܐܒܘܢ ܥܡܐ (14) ܢܬܩܕܫ ܟܗܢܐ ܐܝܢ ܐܒܐ ܪܚܡ (15) ܒܢܝ̈ܐ. ܠܐ ܬܐܥܠ ܠܢ ܠܢܣܝܘܢܐ (16) ܕܢܦܫܐ ܘܕܦܓܪܐ: ܘܠܐ (17) ܬܫܬܠܛ ܥܠܝܢ ܠܐ ܢܡܘܣܝܘܬܐ: (18) ܐܠܐ ܦܨܐ ܠܢ ܡܢ ܥܒ̈ܕܐ (19) ܒܝ̈ܫܐ. ܘܡܢ ܡ̈ܚܫܒܬܐ (20) ܠܐ ܦ̈ܐܝܬܐ: ܘܠܡܢܣܝܢܐ (21) ܡܢܢ ܪܕܘܦ. ܟܐܝ ܕܝܢ (22) ܐܦ ܒܙܘ̈ܥܐ ܕܡܢܢ (23) ܘܒܢ: ܒܡܫܝܚܐ ܕܝܠܟ (63r column 1) (1) ܕܥܡܗ ܡܒܪܟܐ ܐܝܬܝܟ ܥܡ (2) ܪܘܚܐ ܕܝܠܟ ܟܗܢܐ ܫܠܡܐ (3) ܡܫܡ ܪܝܫܝܢ ܢܪܟܢ
Second Inclination
ܟܗܢܐ ܥܡ (4) ܨܘܪ̈ܐ ܕܦܓܪ̈ܐ ܐܦ ܗܘ̈ܢܐ ܕܝܠܢ. (5) ܡܪܟܢܝܢܢ: ܟܕ ܠܡܪܘܬܐ ܕܝܠܟ: (6) ܥܒܕܘܬܢ ܡܚܘܝܢܢ. ܗ̇ܝ (7) ܕܦܩܚܐ ܠܟܠܚܕ ܒܥܝܢܢ. (8) ܐܢܬ ܗܟܝܠ ܛܒܐ ܘܪܚܡܢܫܐ (9) ܡܪܝܐ.. ܡܢ ܚܫ̈ܐ ܕܡܠܙܝܢ (10) ܚܪܪ ܠܢ: ܘܠܟܠ ܩܘ̈ܡܐ (11) ܪ̈ܚܡܝ ܚܛܝܬܐ: ܦ̈ܠܓܘܬܐ: (12) ܩܪ̈ܒܐ: ܬܪ̈ܥܝܬܐ ܕܡ̈ܠܐ (13) ܐܪ̈ܛܝܩܝܬܐ܇ ܡܢ ܟܠܗ (14) ܕܘܒܪܐ ܕܝܠܢ ܠܚܝ. (15) ܘܒܡܣܝܒܪܢܘܬܐ ܕܨܒܝܢܐ (16) ܕܝܠܟ ܒܝܐܐ. ܗܒܠܢ ܕܝܢ (17) ܐܦ ܗܫܐ ܡܪܝܐ. ܚܝܠܐ (18) ܕܚܟܡܬܐ ܘܐܝܠܐ ܕܣܘܟܠܐ: (19) ܐܝܟܢܐ ܕܟܕ ܠܥܠ ܒܗܘ̈ܢܝܢ (20) ܡܬܬܣܝܡܝܢܢ܆ ܢܩܒܠ (21) ܫܘܟܢܐ ܠܫܘܒܩܢܐ ܕܚ̈ܛܗܐ (22) ܕܝܠܢ. ܠܫܘܒܚܐ ܕܫܡܐ (23) ܕܝܠܟ. ܘܕܝܚܝܕܝܐ ܒܪܐ ܕܝܠܟ (63r column 2) (1) ܟܗܢܐ ܫܠܡܐ ܥܡܐ ܘܠܪܘܚܐ ܟܗܢܐ (2) ܬܗܘܐ ܛܝܒܘܬܐ ܡܫܡ ܒܕܚܠܬܐ ܟܗܢܐ (3) ܡܫܬܘܬܦ ܘܡܫܘܬܦ
Prayer of Thanksgiving
ܟܗܢܐ (4) ܡܘܕܝܢܢ ܠܟ ܡܪܝܐ: ܕܐܫܘܝܬ (5) ܠܢ ܠܡܫܬܘܬܦܘ ܒܡܐܟܘܠܬܐ (6) ܗܕܐ ܩܕܝܫܬܐ: ܠܩܕܝܫܘܬܟ. (7) ܗܒܠܢ ܕܝܢ ܡܪܝܐ ܐܡܝܢܐܝܬ: (8) ܠܡܐܟܠ ܡܐܟܘܠܬܐ. ܗ̇ܝ (9) ܕܡܟܬܪܐ ܒܚܝ̈ܐ ܕܠܥܠܡ. (10) ܐܝܟܢܐ ܕܟܕ ܟܠܢ ܘܒܟܠܙܒܢ: (11) ܢܣܒ ܒܬܐܪܬܐ ܕܟܝܬܐ. (12) ܒܫܦܝܘܬܐ ܕܠܒܐ ܘܒܗܝܡܢܘܬܐ (13) ܕܠܐ ܡܐܣܒ ܒܐܦ̈ܐ. ܠܫܪܝܐ (14) ܕܫܘܪ̈ܥܬܐ. ܠܫܘܒܩܢܐ (15) ܕܡܬܥܒܪ̈ܢܘܬܐ܆ ܠܕܘܟܝܐ (16) ܕܠܐ ܢܡ̈ܘܣܝܘܬܐ. ܠܙܘܕ̈ܐ (17) ܕܚܝ̈ܐ ܕܠܥܠܡ. ܒܡܫܝܚܐ (18) ܝܫܘܥ ܡܪܢ. ܕܒܐܝܕ̈ܘܗܝ ܥܡܗ (19) ܟܗܢܐ ܫܠܡܐ ܡܫܡ ܡܢ ܒܬܪ
Third Inclination
ܟܗܢܐ (20) ܠܟ ܡܪܝܐ ܐܓܥܠܢܢ ܠܚܝܝ̈ܢ: ܛܪ (21) ܠܢ ܒܟܠܕܘܟ ܘܒܟܠ ܙܒܢ: (22) ܘܠܬܘܬܐ ܕܗܘܝܐ ܒܢ: ܒܝܕ ܨܠܘܬܐ (23) ܘܚܝ̈ܐ ܬܪ̈ܝܨܐ. ܠܐ ܡܬܚ̈ܠܨܢܐ: ܘܠܐ (63v column 1) (1) ܡܬܢܟ̈ܝܢܐ ܫ̇ܟܢ ܠܢ. ܐܝܟܢܐ (2) ܕܒܟܠܙܒܢܐ ܘܒܟܠ ܕܘܟܐ (3) ܠܘܬܟ ܚ̇ܝܪܝܢܢ: ܘܗܠܝܢ ܕܠܟ (4) ܫܦܪ̈ܢ. ܘܠܟ ܪ̈ܚܝܡܢ ܣܥܪܝܢܢ܆ (5) ܠܐ ܢܒܗܬ ܒܝܘܡܐ ܕܕܝܢܟ: (6) ܟܕ ܡ̈ܠܐܟܐ ܩܝܡܝܢ: ܘܝܚܝܕܝܐ (7) ܒܪܐ ܕܝܠܟ ܕܐܢ. ܕܥܡܗ ܠܟ (8) ܦܐܐ ܫܘܒܚܐ ܘܐܝܩܪܐ ܥܡ ܪܘܚܐ ܩܕܝܫܐ (9) ܫܠܡ ܩܘܪܒܐ ܕܐܬܐܢܐܣܝܘܣ
