Beta version
Manuscript:
Jerusalem - St. Mark's Syrian Orthodox Convent - SMJ 2.6 (96)
(57r column 1) (1) ܬܘܒ ܐܢܢܐܦܘܪܐ ܕܐܬܢܢܐܣܝܘܣ (2) ܗܘ̇ ܪܒܐ ܕܐܠܟܣܢܕܪܝܐ ܘܫܠܝܚܐ
(3) ܡܪܝܐ ܐܠܗܐ ܕܚܲܝܠܬܢܘܬܐ. ܗ̇ܘ (4) ܕܠܥܠ ܡܢ ܟܠ ܚܲܝܠܐ ܕܡܠܬܐ (5) ܘܦܲܢܛܣܝܐ ܕܗܘܢܐ. ܥܒ̇ܪܐ (6) ܪܚܡܬ݀ ܐܝܩܪܐ ܕܡܘܗ̈ܒܬܟ. (7) ܗܢܝ̈ܢ ܕܡܢ ܚܟܝ̈ܡܐ ܘܣܟܘ̈ܠܬܢܐ (8) ܛܲܫܝܬ܇ ܘܠܢ ܠܝܠܘ̈ܕܐ ܓܠܝ̣ܬ. (9) ܗܢܝ̈ܢ ܕܣܓܝ̈ܐܐ ܢܒܝ̈ܐ ܘܡܠܟ̈ܐ: (10) ܟܕ ܐܬܪܓܪܓܘ ܠܐ ܚܙܘ̣. ܠܗܠܝܢ (11) ܕܢܫܡܥ ܒܗܝܢ ܢܬܩܕܫ ܠܢ (12) ܠܚ̈ܛܝܐ ܫܲܟܢܬ. ܟܕ ܒܡܕܒܪܢܘܬܐ (13) ܕܝܚܝܕܝܐ ܒܪܐ ܕܝܠܟ ܐܩܝ̣ܡܬ ܠܢ: (14) ܘܠܡܲܝܬܝܘܬܐ ܪܙܐ ܕܕܒܚܬܐ (15) ܗܕܐ ܪܘܚܢܝܬܐ. ܕܒܗ̇ ܠܐ ܗܘܐ (16) ܕܡܐ ܢܡܘܣܝܐ. ܘܠܐ ܙܕܩ̣̈ܐ (17) ܕܒܣܪܐ. ܘܠܐ ܬܚܦܝܬܐ ܕܬܫܡܫܬܐ (18) ܛܠܢܝܬܐ. ܐܝܬܝܗ̇ ܗܝ̇ ܕܡܫܬܡܠܝܐ: (19) ܐܠܐ ܥܪܒܐ ܡܲܢ ܪܘܚܢܐ. ܣܲܟܝܢܐ (57r column 2) (1) ܡܠܝ̣ܠܬܐ ܘܕܠܐܓܫܡ. ܟܕ ܗ̣ܘ (2) ܫܪܪܐ ܕܐܪ̈ܙܐ ܠܗܝ̇ ܕܓܠ̣ܝܐ (3) ܩ̇ܕܡ ܐܬܐ. ܕܒܐܝܕ̈ܘܗܝ ܒܦܪܨܘܦܐ (4) ܓܲܠܝܐ ܠܬܫܒܘܚܬܐ ܕܝܠܟ. ܐܟ (5) ܕܒܡܲܚܙܝܬܐ ܚ̇ܙܝܢܢ. ܗ̇ܘ (6) ܕܚܠܦܝܢ ܐܬܢܟ̣ܣ ܒܒܣܪ. (7) ܠܗܕܐ ܗܟܝܠ ܕܒܚܬܐ ܟܕ (8) ܡܩܪܒܝܢܢ ܩܕܡܝܟ ܠܥܘܗܕܢܐ (9) ܫ̇ܐܠܝܢܢ ܡܢܟ ܪܚܡ̇ܢܫܐ. (10) ܕܟ̣ܐ ܠܣܦܘ̈ܬܢ. ܘܚܲܪܪ (11) ܠܗܘ̈ܢܝܢ ܡܢ ܟܠ ܛܘܠ̣ܫܐ (12) ܕܚܛܝ̣ܬܐ: ܘܡܠܝ̣ ܠܢ ܢܗܝܪܘܬܐ (13) ܕܡܢܟ. ܘܐܚܘ̈ܕܐ ܕܫܝܢܐ. (14) ܘܕܫܠܡܐ ܥܲܬܕ ܠܢ ܠܡܗ̣ܘܐ. (15) ܐܝܟܢܐ ܕܢܬܫܬܘܐ ܕܢܬܠ (16) ܫܠܡܐ ܒܢܘܫܩܬܐ ܕܟܝܬܐ (17) ܠܚ̈ܕܕܐ: ܟܕ ܚܕܐ ܪܘܚܐ (18) ܗܘ̇ܝܢܢ ܒܚܘܒܐ ܫܪܝܪܐ. (19) ܐܝܟܢܐ ܕܐܦ ܐܬܩ̣ܪܝܢܢ (20) ܒܚܕ ܣܒܪܐ ܕܩܪ̈ܝܬܐ (21) ܕܝܠܢ܆ ܒܡܫܝܚܐ ܝܫܘܥ (22) ܡܪܝܐ ܕܝܠܢ. ܕܥܡܗ ܠܟ (23) ܦܐܐ ܫܘ̄ ܘܐܝܩܪܐ ܥܡ (57v column 1) (1) ܟܗܢܐ ܫܠܡܐ ܡܫܡ ܢܬܠ ܟܗܢܐ
(2) ܐܢܬ ܕܠܘܬܢ ܚ̈ܛܝܐ ܘܒܢܝ̈ (3) ܐܪܥܐ ܐܬܪܟ̣ܢܬ ܡܪܝܐ.. ܘܐܟ (4) ܚܕܐ ܥܡܢ ܐܬܗܲܦܟܬ: ܘܒܟܝ̇ܢܐ (5) ܫܪܝܪܐ ܗܘ̣ܝܬ ܒܪܢܫܐ ܡܫܲܡܠܢܐ: (6) ܟܕ ܐܠܗܐ ܐܝܬܝܟ. ܘܡܪܐ ܕܠܐ (7) ܫܘܚܠܦܐ. ܐܝܟܢܐ ܕܐܟ (8) ܫܦܝ̣ܥܘܬ ܪ̈ܚܡܝܟ ܬܲܣܓ̣ܐ (9) ܫܠܡܐ ܠܒܢܝ̈ܢܫܐ. ܐܪܝ̣ܡ (10) ܘܥܲܠܐ ܠܠܒܘ̈ܬܢ ܠܘܬ ܗ̇ܝ (11) ܕܒܗܠܝܢ ܫܡܝܢ̈ܝܬܐ ܢܚ̣ܘܪ. (12) ܘܒܗܝܢ ܢܩܲܬ܇ ܘܠܐ ܒܗܠܝܢ (13) ܛܢܬ݀ ܒܐܪܥܐ ܘܙܒܢܝ̈ܬܐ (14) ܢܬܬܚ̣ܕ ܝܬܝܪܐܝܬ ܒܫܥܬܐ (15) ܗܕܐ: ܘܚܘܣܪܢܐ ܢܩ̣ܢܐ (16) ܕܗܠܝܢ ܪ̈ܝܫܝܬܐ: ܟܕ ܡܢ (17) ܡܩܲܕܝܢܘܬܐ ܕܡܘܗܒ̈ܬܐ (18) ܪ̈ܘܚܢܝܬܐ ܕܝܠܟ ܢܛܠܫ̣: (19) ܘܡܢ ܒܘܣܡܐ ܛܘܒܬܢܐ (20) ܢܦܲܕ. ܐܠܐ ܡܪܝܐ ܘܟܕ (21) ܠܬܟܫ̈ܦܬܐ ܕܝܠܢ ܒܚܢ̣ܢܟ (22) ܡܩܒ̣ܠ ܐܢܬ̣. ܠܣܒܪܐ (23) ܛܘܒܬܢܐ ܐܫܘ̣ܐ ܠܢ. ܡܛܠ (24) ܕܛܒ̇ܐ ܐܝܬܝܟ ܘܪܚ̇ܡܢܫܐ (57v column 2) (1) ܘܦܐܐ ܠܟ ܫܘ̄ ܘܐܝܩܪܐ ܘܠܐܒܘܟ (2) ܣܓܝܕܐ ܘܠܪܘܚܟ
(2) ܟܗܢܐ ܐܠܗܐ ܗ̇ܘ (3) ܕܒܩܕܘܫܩܘܕ̈ܫܐ ܥ̇ܡܪ ܐܢܬ܆ (4) ܘܡܩܲܕܫܢܐ ܕܡܲܫܟܢܐ ܫܪܝܪܐ (5) ܐܝܬܝܟ. ܐܢܬ ܘܐܦ ܠܢ ܠܡ̇ܣ̈ܟܠܢ̣ܐ (6) ܘܡܬܚ̈ܢܢܐ ܥܒ̣̈ܕܐ ܕܝܠܟ: ܗܠܝܢ (7) ܕܠܬܫܡܫܬܐ ܗܕܐ ܩ̣ܪܝܬ (8) ܘܐܣ̣ܪܚܬ. ܘܐܦ ܗܫܐ ܒܗ̇ (9) ܒܒܣܝ̣ܡܘܬܟ ܠܐ ܡܣܬܝ̣ܟܢܝܬܐ (10) ܐܫܘܐ ܠܢ. ܕܟܕܚܢܢ ܠܢ (11) ܡܟܗ̇ܢܝܢܢ ܠܟ ܘܡܬܕܟܝ̣ܢܢ. (12) ܡܢ ܟܠ ܬܐܪܬܐ ܒܝܫܬܐ ܥܡ (13) ܠܒܐ ܫܲܠܡܐ ܘܫܝ̣ܚܩܐ ܘܪܘܚܐ (14) ܕܡܟܝܟܘܬܐ. ܢܩܘܡ ܩܕܡ ܫܡܐ (15) ܕܝܠܟ ܕܚܝܠܐ: ܘܢܩܲܪܒ ܠܟ (16) ܕܒܚܬܐ ܗܕܐ ܕܠܐ ܕܡܐ. (17) ܘܟܕ ܠܗܕܐ ܕܠܐ ܥܸܕܠܵܝ ܡܫܡܫ̣ܝܢܢ: (18) ܘܒܗ̇ ܡܫ̇ܬܡܠܝܢܢ܆ ܒܚ̈ܝܐ (19) ܚܕ̈ܬܐ ܢܬܕܒܲܪ. ܘܚܕ̈ܬܐ ܠܘܬ (20) ܥܠܡܐ ܚܕܬܐ ܢܫܬܕܪ. ܡܫܟ̣ܚ (21) ܪ̈ܚܡܐ ܘܛܝܒܘܬܐ ܒܫܦܝ̣ܪܘܬ (22) ܙܒܢܐ ܕܥܘܕܪܢܐ: ܥܡ ܟܠܗ̇ (23) ܗ̇ܝ ܝܪܬܘܬܐ ܕܝܠܟ. ܗ̇ܝ ܕܒܕܡܐ (58r column 1) (1) ܡܝܩܪܐ ܪܙ ܕܒܢܬ ܕܡܫܝܚܐ (2) ܝܚܝܕܝܐ ܒܪܐ ܕܝܠܟ. ܕܡܛܠܬܗ̇ (3) ܘܫܒ̈ܝܚܬܐ ܐܬܡ̣̈ܠܠܝ ܡܢܟ. (4) ܘܢܓ̣ܕ̈ܫܢ ܠܢ ܗ̇ܠܝܢ ܕܡܠܟ̣ܬ (5) ܠܐܝܠܝܢ ܕܡܲܐܫܟܝܢ ܠܟ. ܡܛܠ (6) ܕܐܠܗܐ ܕܦܘܪܩܢܐ ܕܝܠܢ ܐܝܬܝܟ: (7) ܘܦܐܐ ܠܟ ܫܘ̄ ܘܐܝܩܪܐ ܥܡܗ (8) ܕܒܪܟ ܣܓܝܕܐ ܘܕܪܘܚܟ ܩܕܝܫ (9) ܒܟܠ ܡܫܡ ܢܩܘܡ ܥܡܐ ܪ̈ܚܡܐ (10) ܟܗܢܐ ܚܘܒܐ ܟܗܢܐ ܠܥܠ ܟܗܢܐ ܢܘܕܐ ܠܡܪܝܐ (11) ܓܗܢܬܐ ܐܟ ܕܒܫܪܪܐ ܫ̇ܘܐ ܘܙܕܩ. (12) ܘܐܦ ܠܟܠܗܘܢ ܡܠܝ̣̈ܠܐ ܝܬܝܪ (13) ܡܬܬܚܝ̣ܒ ܕܠܟ ܢܫ̇ܒܚ. ܠܟ (14) ܢܘܕܐ܇ ܐܒܐ ܡܬܘܡܝܐ. ܡܥܝ̣ܢܐ (15) ܕܚܝ̈ܐ. ܘܫܘܦܪܐ ܘܪܫ ܬܦܢܟܐ: (16) ܟܝܢܐ ܠܐ ܡܣܬܝ̣ܟܢܐ ܘܠܐ ܡܬܚܲܙܝܢܐ. (17) ܘܠܒܪܟ ܝܚܝܕܝܐ ܐܠܗܐ ܡܠܬܐ. (18) ܗ̇ܘ ܢܘܗܪܐ ܕܡܢ ܢܘܗܪܐ. ܐܠܗܐ (19) ܫܪܝܪܐ. ܕܡܢ ܐܠܗܐ ܫܪܝܪܐ (20) ܘܠܪܘܚܟ ܩܕܝܫ ܒܟܠ܆ ܘܫܘܸܐ (21) ܠܟ ܒܐܘܣܝܐ. ܗܘ̇ ܕܡܬܘܡܐܝܬ (22) ܡܢܟ ܢܦ̇ܩ
(22) ܘܬܠܐ ܩܠܗ ܐܢܬ ܓܝܪ (23) ܠܟܠܡܕܡ ܡܢ ܐܝܠܝܢ ܕܠܐ ܐܝܬܝ̈ܗܝܢ. (58r column 2) (1) ܠܗ̇ܝ ܕܢܗ̣ܘ̈ܝܢ ܐܝܬܝܗ̈ܝܢ (2) ܐܝܬܝ̣ܬ: ܘܒܟ ܡܟܬܪ̈ܢ (3) ܘܐܟܚܕܐ ܡܬܩܝ̈ܡܢ: ܡܬܝܕ̈ܥܢܝܬܐ (4) ܡ̇ܢ ܗܠܝܢ ܕܠܐ ܓܘܫܡܐ: (5) ܕܡ̈ܢ̣ܗܘܢ ܡ̈ܘܬܒܐ ܪܡܪ̈ܘܬܐ: (6) ܪ̈ܝܫܢܘܬܐ ܕܫܘ̈ܠܛܢܐ܆ ܘܐܦ (7) ܨܒ̈ܬ̣ܐ ܡܦ̈ܬܟܐ. ܕܗܠܝܢ (8) ܕܡܬܚ̈ܙܝܢ ܪ̈ܡܘܙܓܐ (9) ܘܐܘܝܘܬܐ ܕܠܘܬ ܚܕ̈ܕܐ (10) ܐܢܬ ܓܝܪ ܟܕ ܠܒܪܢܫܐ ܓܠ̣ܬ (11) ܘܒܡܦܩܫܚܬܐ ܩܕܝܬܐ (12) ܡܝܲܩܪܢܐܝܬ ܙܝܚܲܬ: ܒܦܪܕܝܣܐ (13) ܕܢܕܝܪ ܥܒ̣ܕܬ. ܘܟܕ ܠܣܝ̇ܡ (14) ܢܡܘܣܐ ܕܝܠܟ ܠܐ ܡܠܝ̣ܠܐܝܬ (15) ܫ̣ܛ: ܘܡܢ ܪܘܡܐ ܢܦ̣ܠ܆ (16) ܠܐ ܐܗܡ̣ܝܬ. ܐܠܐ ܐܟ ܐܒܐ ܛܒ̇ܐ: (17) ܒܟܠ ܥܘܕܪ̈ܢܐ ܠܗܢܐ (18) ܕܢܗܦ̣ܩܟ ܡܕܒܲܪ ܗܘܝܬ. (19) ܕܚܠܦ ܟܠܗܝܢ ܕܝܕ̇ܥܝܢܢ (20) ܘܡܗܝܡܢܝܢܢ ܕܟܗܠܝܢ (21) :ܕܠܥܠ ܡܢ ܝܕܥܬܐ ܕܝܠܢ (22) ܠܛܝܒܘܬܐ ܕܝܠܟ ܡܘܕܝܢܐܝܬ (23) ܡܬܥ̇ܗܕܝܢܢ. ܠܐ ܗܘܐ ܐܟܡܢ (58v column 1) (1) ܕܥܠ ܬܫܒܘ̄ ܣܢܝ̣ܩ ܐܢܬ܇ (2) ܡܝܩܪܝܢܢ ܕܐܝܟܢܐ ܓܝܪ ܠܗ̇ܘ (3) ܕܩܕܡܝܟ. ܪ̈ܒܘ ܪ̈ܒܘܢ (4) ܘ̇ܐ̈ܠܦ ܐ̈ܠܦܝܢ ܪܝܫܝ̈ܡ̣ܠܐܟܐ: (5) ܘܡ̣̈ܠܐܟܐ ܟܪ̈ܘܒܐ ܘܣܪ̈ܦܐ. (6) ܕܠܒܪܬ݀ ܩܠܐ ܕܝܠܗܘܢ ܟܕ ܡܢ (7) ܢܒܝܘܬܐ ܝܠܦ̣ܢܢ܆ ܡܲܠܘܬܝܢܢ (8) ܬܫܒܘ̄ ܘܐܡ̇ܪܝܢܢ ܥܡܐ (9) ܩ̄ܕ ܩ̄ܕ ܩ̄ܕ
(9) ܓܗܢܬܐ ܩܕܝܫܐ (10) ܐܝܬܝܟ ܘܩܕܝܫ ܒܟܠ ܘܝܚܝܕܝܐ (11) ܒܪܐ ܕܝܠܟ ܐܠܗܐ ܡܠܬܐ: (12) ܘܪܘܚܟ ܩ̄ܕ. ܗ̇ܘ ܕܡܕ̈ܝܡܝ̣ܢܐ (13) ܕܫܡܝ̈ܢܐ ܠܗܠܝܢ ܕܥܠ (14) ܐܪܥܐ ܚܲܘܝܬ. ܗ̇ܘ ܕܒܥܒܕܐ (15) ܕܐܝܕ̈ܝܟ ܠܐ ܐܗܡ̣ܝܬ. ܐܠܐ ܟܠܗ (16) ܗܢܐ ܘܕܐܟ ܗܢܐ ܐܚܒ̣ܬ܆ (17) ܐܝܟܢܐ ܕܠܗ ܠܝܚܝܕܝܐ (18) ܒܪܟ ܐܠܗܐ ܡܠܬܐ ܫܘܸܐ ܠܟ (19) ܒܐܘܣܝܐ܇ ܚܠܦ ܦܘܪܩܢܐ (20) ܕܝܠܢ ܬܫܕܪ܇ ܗܘ̇ ܕܡܢ (21) ܒܬܘ̄ ܝ̇ܠܕܬ݀ ܐܠܗܐ ܐܬܒܲܣܪ. (22) ܘܟܠܗܝܢ ܕܝܠܢ ܣܛܪ ܡܢ (23) ܚܛܝܬܐ ܫܡ̣ܠܝ. ܐܝܟܢܐ (24) ܕܗܘ̣ ܒܗ ܠܚܲܘܒܬܐ ܕܝܠܢ (25) ܢܦ̣ܪܘܥ. ܘܡܢ ܚܒ̇ܠܐ ܥܬܝܩܐ (26) ܠܢ ܚܲܪܪ. ܘܐܟ ܪܝܫܝܟܗ̈ܢܐ (58v column 2) (1) ܗܘ̣ ܠܗ ܚܠܦܝܢ ܢܩܲܪܘ̣. ܘܐܟ (2) ܐܠܗܐ ܢܩܲܒܠ
(2) ܘܬܠܐ ܩܠܗ ܗܘ (3) ܕܟܕ ܠܟܠܗ̇ ܡܕܒܪܢܘܬܐ ܕܚܠܦܝܢ (4) ܫ̇ܡ̣ܠܝ܆ ܘܒܝܕ ܬܕܡܪ̈ܬܐ (5) ܠܡܬܝܬܗ ܕܒܒܣܪ ܫܪܪ: (6) ܒܠܠܝܐ ܕܦܨܚܐ ܗܘ̇ ܕܒܗ (7) ܡܫܬܠܡ̣ ܗܘܐ. ܟܕ ܐܪ̈ܙܐ (8) ܛܘܦܣ̈ܢܝܐ ܐܫܬܡ̇ܠܝ̣ܘ: (9) ܘܡܲܝܬܝܘܬ ܐܪ̈ܙܐ ܛܠܢܝ̣ܬܐ (10) ܐܫܬܡܠܝ̣ܬ܇ ܗ̣ܘ ܓܝܪ ܐܝܬܘܗܝ (11) ܗܘܐ ܣܟܐ ܘܫܘܡ̣ܠܝܐ ܕܦܘܩ̈ܕܢܐ (12) ܢܡ̈ܘܣܝܐ. ܟܕ ܫܩ̣ܠ ܠܚܡܐ (13) ܒܐܝ̈ܕܝܐ ܩܕܝ̈ܫܬܐ ܕܝܠܗ: ܘܐܟ (14) ܪܝܫܝܟܗ̈ܢܐ ܘܫܠܝܚܐ ܕܬܘܕܝܬܐ (15) ܕܝܠܢ: ܟܕ ܚܠܦܝܢ ܩܲܒܠ ܛܝܒܘ̄ (16) ܡܒ̇ܪܟ ܡܩ̇ܕܫ ܩ̇ܨܐ (17) ܘܝ̇ܗܒ ܗܘܐ ܠܬܠܡܝ̈ܕܐ ܕܝܠܗ (18) ܘܫ̈ܠܝܚܐ ܩܕܝ̈ܫܐ. ܟܕ ܐܡ̇ܪ. ܣܒ̣ܘ. (19) ܐܟܘ̣ܠܘ ܡܢܗ ܟܠܟܘܢ. ܗܢܐ ܕܝܠܝ (20) ܐܝܬܐܘܗܝ ܦܓܪܐ. ܗܘ̇ ܕܚܠܦܟܘܢ. (21) ܡܬܩܨܐ. ܡܬ̣ܝܗܒ ܠܫܘܒܩܢܐ (22) ܘܠ̈ܚܝܐ ܕܐܟ ܗܟܢܐ ܘܠܟܣܐ. (23) ܟܕ ܡܢ ܚܡܪܐ ܒܡܝ̈ܐ ܡܲܙܓ܆ (24) ܡܒ̇ܪܟ ܡܩ̇ܕܫ ܡܦ̇ܠܓ (25) ܗܘܐ ܠܬܠ̈ܡܝܕܐ ܕܝܠܗ ܘܫܠ̈ܚܐ (26) ܩܕܝܫ̈ܐ ܟܕ ܐܡ̇ܪ. ܣܒ̣ܘ ܐܫ̣ܬܘ.
(12) ܟܗܢܐ ܟܕ ܒܗܘܢܐ (13) ܗܟܝܠ. ܡܲܝܬܝܢܢ ܠܦܘܩܕܢܟ (14) ܦܪܘܩܝܐ܆ ܘܠܟܠܗܘܢ ܗܠܝܢ (15) ܕܚܠܦܝܢ ܘܡܛܠܬܢ ܗܘ̈ܝ. (16) ܥܗ̇ܕܝܢܢ. ܠܡܬܒܣܪܢܘܬܟ (17) ܕܡܢ ܒܬܘ̄. ܠܒ̇ܛܢܐ ܘܝܠ̣ܕܐ (18) ܙܒܢܝܐ. ܠܡܿܓܼܣܐ ܕܒܐܘܪܝܐ: (19) ܕܡܫܘܕܥ ܫܪܝܐ ܕܠܐ ܡܠܝܠܘ̣ܬܐ (20) ܕܝܠܢ. ܠܓܙܘܪܬܐ ܬܡܢܝܬ݀ ܝܘ̈ܡܐ: (21) ܠܡ̇ܚܬܬܟ ܕܠ̈ܡܝܐ܇ ܐܘ̇ܟܝܬ (22) ܥܡܕܟ. ܕܒܗ ܐܬܕܠܝ̣ܢܢ ܡܢ (23) ܛܘܒ̇ܥܐ ܕܒܓ̈ܠܐ ܕܚܛܝܬܐ: (24) ܠܨܠܝܒܘܬܟ ܦܪܘܩܝܬܐ ܘܠܕܩ̇ܪܐ (25) ܕܕܦܢܟ: ܗ̇ܝ ܕܠܐܪܙܐ ܗܢܐ ܠܢ (59r column 2) (1) ܐܒܥ̣ܬ݀ ܠܩܒܘܪܬܐ ܘܠܩܝܡܬܐ (2) ܬܠܝܬܝܬ݀ ܝܘܡ̈ܐ. ܠܡ̇ܣܩܬܟ (3) ܕܠܫܡܝ̣ܐ. ܘܠܡܬܝܬܟ ܬܘܒ (4) ܕܬܪ̈ܬܝܢ. ܕܚܝܠܬܐ ܘܡܫ̇ܒܚܬܐ. (5) ܐܡܬܝ ܕܕܐܢ̇ ܐܢܬ ܠܚܝ̈ܐ ܘܠܡܝ̈ܬܐ (6) ܘܠܟܠܢܫ ܐܟ ܥܒܕ̈ܐ ܕܝܠܗ (7) ܦ̇ܪܥ ܐܢܬ. ܡܦܝܣܝܢܢ ܠܟ (8) ܪܚܡ̇ܢܫܐ. ܠܐ ܬܥܘ̣ܠ ܠܕܝ̣ܢܐ. (9) ܥܡܢ: ܘܠܐ ܠܥܘܗܕܢܐ ܬܲܝܬܐ (10) ܠܫܘܪ̈ܥܬܐ ܕܟܝ̇ܢܢ ܡܚܝ̣ܠܐ: (11) ܕܒܗܝ̈ܢ ܗܘ̇ ܒܥܠܕܒܒܐܐܟ (12) ܕܒܠܩܛܐ ܐܪܡܝ̣ ܠܢ. ܠܐ (13) ܬܘܒ ܢܗܘ̣ܐ ܠܗ ܠܢܟܝ̣ܠܐ (14) ܨܲܝܕܐ܇ ܗܘ̇ ܕܟܕ ܣ̇ܥܐ ܨ̇ܠܐ (15) ܕܢܨܘ̣ܕ ܠܢ: ܘܒܡܢ̇ܬܐ ܕܠܗ (16) ܢܣܝ̣ܡ ܠܢ: ܘܫܘ̈ܬܦܐ (17) ܕܬܫܢܝܩܐ. ܠܐ ܡ̇ܝܘܬܐ ܥܡܗ (18) ܢܚܲܘܐ ܠܢ. ܠܝܬ ܕܡܙܕܕܩ (19) ܩܕܡܝܟ: ܘܠܐ ܕܡܫ̇ܬܒܗܪ. (20) ܕܠܒܐ ܕܟ̣ܐ ܩ̣ܢܐ: ܒܕܓܘܢ (21) ܪ̈ܚܡܝܟ ܢܲܕܪܟܘܢܢ ܡܬܚ̣ܢܢ (22) ܒܛܝܒܘܬܟ. ܐܝܟܢܐ ܕܚܠܦ (23) ܗܠܝܢ ܟܕ ܬܘ̇ܝܐ ܥܕܬܟ (24) ܘܡܪܥܝܬܟ ܡܬܟܫܦܐ (25) ܥܡܐ ܪܚ̣ܡ ܟܗܢܐ ܐܦܚܢܢ
(59v column 1) (1) ܩܪܝܬܐ ܕܪܘܚܐ ܩܕ̄ ܪܚܡ ܥܠܝܢ (2) ܐܠܗܐ ܐܒܐ ܐܚ̣ܝܕ ܟܠ. ܘܫܕܪ (3) ܠܢ ܪܘܚܐ ܩܕ̄ ܘܡܲܥܒܕ ܚܝ̈ܐ. (4) ܗܘ̇ ܡܫ̇ܡܠܝ ܒܟܠ. ܗܘ̇ (5) ܕܫܘܸܐ ܠܟ ܒܐܘܣܝܐ ܘܠܝܚܝܕܝܐ (6) ܒܪܟ. ܗܘ̇ ܕܡܦ̇ܠܓ ܠܟܠܢܫ (7) ܫܘ̈ܟܢܐ. ܘܡܦ̇ܪܫ ܘܝܗ̇ܒ (8) ܠܟܠܚܕ ܐܟ ܕܨܒ̇ܐ. ܗܘ̇ ܕܠܟܠ (9) ܩܲܪܝܒ ܘܠܐ ܡܬܬ̣ܚܡ ܒܕܡ̣ܟ. (10) ܐܚ̇ܘܕܐ ܕܚܝ̈ܐ ܕܗܠܝܢ ܕܚܲܐܝܢ: (11) ܘܡܫ̇ܡܠܝܢܐ ܕܩܕܝ̈ܫܐ. (12) ܠܗܢܐ ܫܕܪ ܠܢ ܡܪܝܐ. (13) ܘܒܐܝ̈ܕܝܢ ܚܛܝ̈ܬܐ ܒܐܪ̈ܙܐ ܗ̇ܠܝܢ (14) ܕܩܕܡܢ ܢܓܫܘ̣ܦ. ܠܘ (15) ܡܫ̇ܡܫܢܐܝܬ ܐܠܐ ܡ̇ܪܢܐܝܬ: (16) ܠܘ ܛܘܦܣܢܐܝܬ ܐܠܐ (17) ܡܫ̇ܡܠܝܢܐܝܬ ܟܗܢܐ ܥܢܝ̣ܢܝ (18) ܥܡܐ ܩ̄ܘܪ ܩ̄ܘܪ ܩ̄ܘܪ ܟܗܢܐ (19) ܘܠܠܚܡܐ ܡܲܢ ܗܢܐ ܢܥܒܕ: (20) ܦܓܪܐ ܕܝܚܝܕܝܐ ܒܪܐ ܕܝܠܟ. (21) ܦܓܪܐ ܡܪܡܢܢܐ ܕܫܘܒܩܢܐ (22) ܕܚܛܗ̈ܐ ܦܓܪܐ ܡܫܟ̇ܢܢܐ (23) ܕܠܐ ܡܬܚܒ̇ܠܢܘ̣ܬܐ ܕܥܬ̣ܝܕܐ (24) ܠܥܠܡ ܥܠܡܝܢ (59v column 2) (1) ܘܟܣܐ ܗܢܐ ܢܥܒܕ ܠܢ. (2) ܠܫܘܒܩܢܐ ܕܚܛܗ̈ܐ ܟܣܐ (3) ܠܫܘܬܦܘܬܐ ܕܣܝ̣ܡܬ ܒܢܝ̈ܐ. (4) ܟܣܐ ܠܪܗܒܘܢܐ ܕܝ̇ܪܬܘܬܐ. (5) ܗ̇ܝ ܕܥܬܝܕܐ ܠܥܠܡܝܢ ܐܡܝܢ
(6) ܟܕ ܠܡ̇ܝܬܝܘܬ ܐܪܙܐ (7) ܗܢܐ ܐܫܬܘ̣ܝܢܢ: ܘܒܡܫܬܘܕܥܢ̣ܘܬܐ (8) ܕܫܪܪܐ. ܚܙܝܐ ܕܬܪܥܝ̣ܬܢ (9) ܐܬܢ̇ܗܪ: ܠܪܒܘܬܐ ܕܥܘܕܪ̈ܢܐ (10) ܕܝܠܢ ܠܐ ܛܥ̇ܝܢܢ. ܐܠܐ ܘܟܕ ܗܫܐ (11) ܒܝܕ ܡܲܚܙܝܬܐ ܘܪܡ̣ܙܐ: (12) ܒܡܕܒܪܢܘܬܐ ܕܚܠܦܝܢ (13) ܡܲܨܕܝܢܢ: ܘܗܠܝܢ ܕܝܬܝܪ (14) ܓܡܝܪ̈ܢ ܘܓܠܝ̈ܢ: ܒܝܘܡܐ ܗܘ̇ (15) ܪܒܐ ܕܡܬܓܠܝܢܘܬܐ ܡܗܝܡܢܘܬܐ (16) ܕܢܓܕ̈ܫܢ. ܗܘ̇ ܡܕܡ ܕܐܝܬ ܠܢ (17) ܘܡܨܝܢܢ: ܬܘܕܝܬܐ ܕܒܟܠܡܕܡ: (18) ܘܥܠ ܟܠܡܕܡ ܠܟ ܟܕ ܡܩ̇ܪܒܝܢܢ: (19) ܒܥ̇ܝܢܢ ܡܢܟ ܕܗܢܐ ܦܓܪܐ ܕܝܠܟ. (20) ܗܘ̇ ܕܡܛܠܬܢ ܐܢܬ ܠܐ ܦܓܪܢܐ (21) ܐܬܒܣ̣ܪܬ: ܘܗܢܐ ܕܡܐ ܗܘ̇ (22) ܕܚܠܦܝܢ ܒܨܠܝܒܐ ܡܝܩܪܐ (23) ܠܦܘܪܩܢܢ ܐܫܦ̣ܥܬ. ܢܗܘܐ (60r column 1) (1) ܠܟܠܢ ܐܝܠܝܢ ܕܡܫܬܘܬܦܝܢ (2) ܡܢܗ. ܠܚܝ̈ܐ ܕܠܥܠܡ (3) ܠܝܪܬܘܬܐ ܕܢܦܫܐ. ܠܫܦܝܪܘܬ (4) ܚܘܠܡܢܐ ܕܦܓܪܐ. ܠܫܘܒܩܢܐ (5) ܕܚܛܗ̈ܐ. ܠܫܘܬܦܘܬܐ ܕܣܝ̣ܡܬ݀ (6) ܒܢܝ̈ܐ. ܠܡܬܢ̇ܗܪܢܘܬܐ ܕܒܪܚܐ (7) ܩܕܝܫܐ. ܠܦܐܪܪܝܣܝܐ ܕܠܘܬܟ (8) ܕܠܐ ܒܗܬܬܐ. ܟܕܠܐ ܠܕܝܢ̣ܐ ܘܠܐ (9) ܠܚܘ̣ܝܒܐ ܢܗܘ̣ܐ ܠܟܠܗܘܢ (10) ܢܣܘ̈ܒܘ̣ܗܝ܆ ܠܐ ܗܫܐ ܘܠܐ ܒܝܘܡܐ (11) ܕܥܬܝܕ. ܬܘܒ ܕܝܢ ܡܩ̇ܪܒܝܢܢ ܠܟ. (12) ܒܥܘܬܐ ܒܥܕܢܐ ܗܢܐ ܕܕܒܚ̣ܬܐ (13) ܗܕܐ ܩܕܝܫܬܐ ܐܫܬܡܠܝܬ݀: (14) ܘܦܐܪܪܝܣܝܐ ܠܢ ܐܩܢܝܬ݀: (15) ܚܠܦ ܥܕܬܐ ܕܝܠܟ ܩܐܬܘܠܝܩܝ. (16) ܗܝ̇ ܕܡܢ ܣܘ̈ܦܝܗ ܕܐܪܥܐ (17) ܘܥܕܡܐ ܠܣܘܦ̈ܝܗ. ܡܦܝܣܝܢܢ (18) ܠܟ. ܕܬܬܢܲܛܪ ܠܐ ܡܙܕܥܙܢܝܬܐ (19) ܘܠܐ ܡܬܚܲܒܠܢܝܬܐ. ܐܝܟܢܐ (20) ܕܡܘܟ̈ܠܝܗ̇ ܕܫܝܘܠ ܠܐ (21) ܢܚܣ̣ܢܘܢܗ̇. ܒܝܕ ܕܥܠܟ. (22) ܟܐܦܐ ܪܘܚܢܝܬܐ ܡܫܬܐܣܐ (23) ܘܒܲܢܝܐ. ܬܫܒܲܚ ܠܟ ܒܪܘܙܐ (60r column 2) (1) ܗܫܐ ܘܒܟܠܙܒܢ ܓܗܢܬܐ ܚܠܦ (2) ܐܦܝܣܩܘ̈ܦܐ ܐܪܬܘܕܟ̈ܣܘ: (3) ܕܒܟܠ ܕܘܟ ܗܠܝܢ ܕܬܪܝܨܐܝܬ (4) ܦܣ̇ܩܝܢ ܡܠܬܐ ܕܫܪܪܐ. (5) ܘܚܠܦ ܡܟܬܪܢܘܬܐ ܕܝܠܗܘܢ (6) ܛܒܬܐ. ܝܕܝܥܐܝܬ ܕܝܢ ܚܠܦ (7) ܡܢܚ̈ܝܢܐ ܕܝܠܟ. ܦܠܢ ܘܦܠܢ (8) ܦܐܛܪܝܪܟܘ ܕܝܠܢ ܘܦܠܢ ܡܝܛܪܦܘܠܝܛܘ (9) ܥܡ ܫܪܟܐ ܐܦܝܣܩܘ̈ܦܐ ܬܪ̈ܨܝ (10) ܫܘܒܚܐ. ܘܚܠܦ ܗܠܝܢ ܕܪܕܝܦܢ܆ (11) ܚܠܦ ܡܗܝ̈ܡܢܐ ܕܒܟܠܕܘܟ (12) ܩܫܝ̈ܫܐ ܘܡܫܡ̈ܫܢܐ. ܐܦܘܕܝ̈ܩܢܘ܆ (13) ܘܟܠ ܬܐܓܡܐ ܕܒܡܘ̣ܠܝܐ (14) ܥܕܬܢܝܐ ܡܛܟܣ. ܐܝܟܢܐ (15) ܕܐܢܬ ܡܪܝܐ ܘܝܨ̇ܘܦܐ ܕܟܠ. (16) ܟܕ ܠܟܠܚܕ ܒܩ̇ܪܝܬܐ ܗܝ̇ (17) ܕܐܬܩ̣ܪܝ ܢܛ̇ܪ ܐܢܬ: ܘܐܦ (18) ܠܡܣܟܢܘܬܐ ܕܝܠܢ (19) ܚ̈ܛܝܐ: ܐܬܕܟܪ ܡܪܝܐ (20) ܒܪ̈ܚܡܐ ܘܒܚ̈ܢܢܐ. ܘܠܐ (21) ܬܘܒ ܠܢ ܡܛܠ ܠܐ (22) ܢܡܘ̈ܣܝܘܬܐ ܕܝܠܢ ܐܠܐ (23) ܚܲܘܐ ܒܢ ܛܒ̇ܘܬܐ ܕܝܠܟ܇ (60v column 1) (1) ܘܦܪܘܩ ܠܢ ܟܕ ܠܐ ܫܘ̇ܝܢܢ܆ (2) ܒܪ̈ܚܡ̣ܝܟ ܚܲܣܢ. ܐܝܟܢܐ (3) ܕܢܫܒܲܚܟ. ܘܟܕ ܡܢ ܡܚܫ̈ܟܼܬܐ (4) ܫܟܝܼܪ̈ܬܐ ܡܪܚܲܩܝܢܢ ܐܫܼܘܐ (5) ܠܢ. ܕܟܕ ܩܕܝܫܝܢܢ ܒܦܓܪ̈ܝܢ. (6) ܡܕܟܝ̣ܢܢ ܒܪ̈ܘܚܬܢ. ܠܥܘܬܪܐ (7) ܕܬܫܡܫܬܐ ܗܕܐ ܪܘܚܢܝܬܐ. (8) ܢܣܬܲܟܠ. ܘܫܘܝܐܝܬ ܒܟܠܙܒܢ. (9) ܢܓܫ̣ܘܦ ܒܐܪ̈ܙܐ ܗܠܝܢ ܩܕܝܫ̈ܐ. (10) ܘܢܣܓܐܕܝܢ ܒܝܕ ܛܝܒܘܬܟ. (11) ܘܟܢ̣ܫܐ ܕܥܕܬܐ ܗܕܐ ܕܫܲܘܙܒܬ: (12) ܘܩܢܝܬ̣ ܒܝܕ ܕܡܐ ܕܝܠܟ (13) ܝܩܝܪܐ. ܐܝܟܢܐ ܕܟܕ ܐܟ ܚܕ (14) ܓܘܫܡܐ ܕܒܫܪ̈ܝܬܐ ܡܥ̣ܪܙܠ. (15) ܠܟ ܪܝܫܐ ܠܐ ܡܣܬܝܟ̣ܢܐ (16) ܢܬܠܲܚܡ ܒܛܝܒܘܬܟ. ܘܠܐ ܐܢܫ (17) ܡܢܢ ܢܐܒܕ. ܐܠܐ ܟܠܢ ܐܝܠܝܢ (18) ܕܒܐܝ̈ܕܝܐ ܕܝܠܟ ܐܫܬܘܙܒܢܢ܆ (19) ܪ̈ܥܘܬܐ ܘܡܬܪ̈ܥܝܢ̣ܐ. (20) ܕܕܠܐ ܟܘܬܡܐ ܩܕܡܝܟ (21) ܢܩ̣ܘܡ ܘܬܠܐ ܩܠܗ ܒܥܝܢܢ (22) ܡܢܟ ܪܚ̇ܡ ܒܢܝܢܫ̈ܐ. (23) ܩܡܦܝ̣ܣܝܢܢ ܠܪ̈ܚܡ̣ܝܟ (60v column 2) (1) ܡܪܝܐ.. ܐܝܟܢܐ ܕܠܗ̇ܢܘܢ ܕܛܥ̇ܝܢ (2) ܬ̇ܦ̣ܢܐ. ܠܕܝ̇ܬܒܝܢ ܒܚܫܘܟܐ (3) ܕܠܐ ܝܕܥܬܐ. ܠܢܘܗܪܐ ܕܘܒܕ (4) ܕܡܫܬܲܘܕܥܢܘܬܟ ܩܪܝ̣ (5) ܘܩܲܪܒ. ܠܕܢܦ̇ܠܝܢ ܬܪܘܨ: (6) ܠܕܦܠܓ̣ܝܢ ܐ̇ܠܘܸܬ. ܠܕܩ̇ܝܡܝܢ (7) ܫܪܪ. ܠܕܟܪܝܗܝܢ ܐܣܐ: (8) ܠܙܥܘܪ̈ܝ ܢܦܫܐ ܒܲܝܐܐ: (9) ܠܕܛܝ̇ܦܝܢ ܒܝܲܡܐ ܡܲܠܚ̣: (10) ܠܕܡܬܪܕܦܝܢ ܡܢ ܪ̈ܘܚܐ ܒܝܫ̈ܬܐ (11) ܚܪܪ: ܟܕ ܗ̇ܘܐ ܐܢܬ ܒܛܝܒܘܬܟ. (12) ܠܗܢܘܢ ܕܒܐܢ̈ܢܩܐܣ ܡܫܘܙܒܢܐ. (13) ܠܗ̇ܢܘܢ ܕܒܪ̈ܕܘܦܝܐ ܩܝ̇ܘܡܐ. (14) ܠܗ̇ܢܘܢ ܕܒܐܣܘܪ̈ܐ ܡܚܪܪܢܐ. (15) ܠܗ̇ܢܘܢ ܕܒܥ̣ܒܕܘܬܐ ܡܪܝܪܬܐ (16) ܡܦ̇ܨܝܢܐ. ܡܛܠ ܕܠܟܠ ܩܪܝܒ (17) ܐܢܬ ܡܪܝܐ ܘܕܟܠܢܫ ܝ̇ܨܦ (18) ܐܢܬ ܛܒܐ܆ ܒܝܕ ܕܟܠܗܝܢ (19) ܕܐܝܬܝ̈ܗܘܢ. ܠܘܬ ܗܝ̇ ܕܢܗܘ̈ܝܢ (20) ܐܝܬܝܗܝ̈ܢ. ܘܢܐܚ̈ܝܢ ܡܢܟ (21) ܐܬܬܝܬܚ̈ܢ: ܕܟܠ ܒܛܝܠ ܠܟ. (22) ܘܥܠ ܟܠ ܪܚܲܡ. ܘܠ̈ܚܝܐ (23) ܕܟܠܢ ܒܝܕܥܬܟ ܣܦ̇ܩܬ݀ ܠܟܠ. (61r column 1) (1) ܕܒܪܘ ܗܲܕܐ. ܠܦܓܪ̈ܐ ܡ̇ܢ. (2) ܘܢܦܫ̈ܬܐ ܕܟܠܢ ܥܒ̈ܕܝܟ.. (3) ܒܫܦܝܪܘܬ ܩܘܝ̇ܡܐ ܘܡܫܪܬܚܘܬܐ (4) ܕܡܠܬܐ ܙܲܝܢ ܘܚܲܣܢ. ܗܒ̣ܠܢ (5) ܕܝܢ ܡܪܝܐ: ܘܫܦܝܪܘܬ ܡܘܙ̇ܓܐ (6) ܫܦܥܘܬܐ ܕܐܐܪ̈ܐܣ. ܡ̇ܫܦܥܘܬܐ ܡܫܲܝܢܬܐ. (7) ܕܙܒܢ̈ܐ ܘܥܕ̈ܢܐ. ܡܲܘܥܝ̈ܬܐ (8) ܕܝܢ ܕܒܐܪܥܐ. ܘܦܐܪ̈ܐ ܕܟܠ (9) ܓܢܣ. ܗܠܝܢ ܕܒܪܡܙܐ ܕܝܠܟ: (10) ܗܘ̇ ܚ̇ܒܫ ܠܟܠ ܫܟ̣ܢܬ܆ (11) ܠܐ ܡܛܠ ܚ̈ܛܗܝܢ ܬܚܲܒܠ. ܐܠܐ (12) ܘܟܕ ܡܛܠ ܒܝ̈ܫܐ ܡܲܢ ܘܡܣ̈ܟܢܐ: (13) ܘܐܟܣ̈ܢܝܐ ܡܒ̇ܪܟ ܐܢܬ. ܠܟܠܝ̣ܠܐ (14) ܕܟܠܗ̇ ܫܲܢܬܐ ܙܲܗܐ ܘܗܲܕܪ. (15) ܐܝܟܢܐ ܕܥܠ ܟܠ ܘܡܛܠ ܟܠ. (16) ܢܫܒܚ ܘܢܪܡܪܡ ܠܫܡܟ (17) ܣܓܝܕܐ ܘܛܘܒܬܢܐ ܥܡ ܕܝܚܝܕܝܐ (18) ܒܪܐ ܕܝܠܟ ܓܗܢܬܐ ܐܬܕܟܪ (19) ܡܪܝܐ ܠܡ̈ܠܟܐ ܘܠܪ̈ܘܪܒܢܐ: (20) ܘܐܗܦܟ ܐܢܘܢ ܠܕܚܠܬܐ ܕܝܠܟ. (21) ܘܠܗܝܡ̄ ܚܠܝ̣ܡܬܐ ܘܬܪܝܨܬ ܫܘܒܚܐ. (22) ܘܗܒ ܠܗܘܢ ܕܠܗ̇ܢܘܢ ܕܬܚܝܬ (23) ܐܝܕܝ̈ܗܘܢ ܒܟܐܢܘܬܐ ܢܕܒ̣ܪܘܢ. (61r column 2) (1) ܘܠܕܝܢܐ ܕܠܐ ܡܲܐܣܲܒ ܒܐܦ̈ܐ. (2) ܢܛ̣ܪܘܢ. ܫܲܥܒܕ ܠܗܘܢ ܟܠ (3) ܒܥܠܕܒܒ̈ܐ ܘܡܩܪ̈ܒܢܐ. ܐܝܟܢܐ (4) ܕܚܢܢ ܚܝ̣̈ܐ ܢܝܚܝ̈ܐ ܘܫܠ̈ܝܐ (5) ܢܕܝܪ. ܘܠܟܠܗ ܥܡܐ ܕܝܠܟ (6) ܕܒܟܠ ܐܬܪ. ܡܣ̇ܬܪܢܐ ܗܘ̣ܝ (7) ܡܪܝܐ ܗܫܐ ܘܒܟܠܙܒܢ (8) ܘܠܥܠܡܝܢ ܘܬܠܐ ܩܠܗ (9) ܘܫܲܘܙܒ ܠܟܠܢ ܡܢ ܟܠ (10) ܟܦܢܐ. ܘܡܘܬܢܐ. ܘܙܘܥܐ: (11) ܘܝܩܕܢܐ: ܘܛܘܒܥܐ ܘܪܕܘܦܝܐ: (12) ܘܡܢ ܚܪ̈ܝܢܐ ܘܩܪ̈ܒܐ ܘܪ̈ܘܒܼܐ (13) ܘܫܓܘ̈ܫܝܐ. ܘܐܩܝܡ ܒܪܢܫܐ (14) ܕܥܡܡ̈ܐ ܠܥܕܬܐ ܕܝܠܟ ܩܕܝܫܬܐ. (15) ܘܠܟܠܢܫ ܫܲܥܒܕ ܠܫܡܐ (16) ܕܝܠܟ. ܗܘ̇ ܕܚܝ̣ܠܐ ܘܩܕܝܫܐ. (17) ܟܕ ܝܗ̇ܒ ܐܢܬ ܠܢ ܝܕܥܬܐ. (18) ܕܢܕܚ̣ܠ ܠܟ. ܘܕܡܢ (19) ܦܪܨܘܦܐ ܕܝܠܟ ܢܟܘ̣ܙ. (20) ܘܠܟܠܗܘܢ ܣܥܪ̈ܝ ܫܦܝܪ̈ܬܐ (21) ܘܡܝܬܝ̈ܝ ܦܐܪ̈ܐ ܠܥܕܬܐ (22) ܕܝܠܟ ܩܕܝܫܬܐ. ܘܠܗ̇ܢܘܢ ܕܥ̇ܒܕܝܢ (61v column 1) (1) ܙܕܩ̈ܬܐ ܠܡܣ̈ܟܢܐ: ܠܗ̇ܢܘܢ (2) ܕܚܲܐܝܝܢ ܘܠܗ̇ܢܘܢ ܕܩܲܕܡܘ (3) ܕܡܟ̤ܘܐܬܕܟܪ ܡܪܝܐ. ܐܝܟܢܐ (4) ܕܢܫܒܚܘܢܟ ܘܠܝܚܝܕܝܐ ܒܪܟ (5) ܘܠܪܘܚܟ ܩܕܝܫܐ ܓܗܢܬܐ ܘܦܪܘܥ (6) ܐܢܘܢ ܚܕܘܬܐ ܕܦܪܨܘܦܟ: (7) ܠܟܠܗܘܢ ܗ̇ܢܘܢ ܕܦܲܩܕܘ ܠܢ: (8) ܕܢܬܥܲܗܕ ܐܢܘܢ ܒܨܠܘ̈ܬܐ (9) ܘܒܒܥ̈ܘܬܐ ܘܒܬܟ̈ܫܦܬܐ (10) ܕܝܠܢ ܕܠܘܬܟ ܐܠܗܐ ܕܝܠܢ. (11) ܒܥܕܢܐ ܗܢܐ. ܐܬܕܟܪ ܡܪܝܐ. (12) ܘܠܟܠܚܕ ܫܲܟܢ ܫܐܠ̈ܬܐ (13) ܗ̇ܠܝܢ ܕܠܘܬ ܦܘܪܩܢܐ. (14) ܘܠܗܠܝܢ ܕܩ̣ܪܒܘ ܩܘܪ̈ܒܢܐ (15) ܗܠܝܢ. ܘܚܠܦ ܗܠܝܢ (16) ܕܨ̇ܒܝܢ ܘܠܐ ܡܫܟ̣ܚܝܢ. ܘܚܠܦ (17) ܗ̇ܢܘܢ ܕܟܠܚܕ ܒܬܪ ܥܝܬܗ (18) ܐܝܬ ܠܗ. ܘܠܗ̇ܢܘܢ ܕܗܫܐ (19) ܡܫܡܫܢܐ ܡܸܬܥܗܸܕ ܘܬܠܐ (20) ܩܠܗ ܩܲܒܠ ܡܪܝܐ (21) ܩܘܪ̈ܒܢܐ ܕܥܒܕ̈ܐ ܕܝܠܟ. (22) ܠܪܝ̣ܚܐ ܒܣܝ̣ܡܐ. ܘܫܕܪ (23) ܠܗܘܢ ܛܝܒܘܬܐ ܕܫܘ̈ܟܢܐ: (24) ܕܫܦܝܪܘܬ ܡܘܗ̈ܒܬܐ (61v column 2) (1) ܕܝܠܟ. ܟܕ ܡܲܥܬܪ ܐܢܬ ܠܗܘܢ܆ (2) ܒܥܒܕ̈ܐ ܛܒ̈ܐ ܘܒܲܐܡ̣ܢ̈ܐ (3) ܕܙܕܝܩܘܬܐ: ܘܡܚ̇ܣ̣ܢ ܐܢܬ. (4) ܒܢܛܘܪܘܬܐ ܘܬܘܕܝܬܐ ܕܗܝܡܢܘܬܐ (5) ܬܪܝܨܬ݀ ܫܘܒܚܐ. ܐܝܟܢܐ ܕܢܫ̣ܟܚܘܢ (6) ܪ̈ܚܡ̣ܐ ܘܥܘܕܪܢܐ ܡܛܝܒܐ. (7) ܒܝܘܡܐ ܕܕܝܢܐ: ܒܝܕ ܚܢܢܐ (8) ܕܛܝܒܘܬܐ ܕܝܠܟ. ܡܛܠ (9) ܕܐܠܗܐ ܥ̇ܬܝܪ ܒܡܘܗ̈ܒܬܐ (10) ܐܝܬܝܟ. ܘܫܦܝ̣ܥ ܒܫܘ̈ܟܢܐ: (11) ܘܝܗ̇ܘܒܐ ܕܛܒ̈ܬܐ ܘܠܟ ܦܐ̤ܐ (12) ܫܘܒܚܐ ܘܐܝܩܪܐ. ܐܒܐ ܘܡܪܐ ܘܪܘܚܐ (13) ܩܕܝܫܐ ܗܫܐ ܓܗܢܬܐ ܗܘܝ ܡܪܝܐ (14) ܡܬܟܬܫܢܐ ܐܡܝ̣ܢܐ ܚܠܦܝܗܘܢ. (15) ܘܡܣ̇ܬܪܢܐ ܛܒ̇ܐ ܪܚ̇ܡܢܫܐ. (16) ܘܣܬܘ̣ܪ ܠܚܝܠܬܢܘܬܐ ܕܗ̇ܢܘܢ. (17) ܕܩܝ̇ܡܝܢ ܠܘܩܒܠ ܐܘܚܕܢܐ (18) ܕܝܠܟ. ܟܕ ܡܦ̇ܪܢܣ ܐܢܬ ܠܟܠܢ: (19) ܦܘ̣ܠܵܓ ܡܘܗ̈ܒܬܐ ܕܫܦܝܪܘܬ (20) ܩܘ̇ܝܡܐ ܘܫܝܢܐ ܕܝܠܟ. ܘܛܝܒܘܬܐ (21) ܕܫܦܝ̣ܥܘܬ ܚܲܝܣܩܬܢܘܬܐ (22) ܕܝܠܟ. ܘܗ̇ܠܝܢ ܟܠܗܝܢ: (23) ܒܪ̈ܚܡܝܟ ܕܠܐ ܡܬܐܟܠܝ̣ܢ: (62r column 1) (1) ܫܲܟܢ. ܘܐܦ ܐܝܠܝܢ ܕܪܡܙܐ (2) ܕܝܕܥܬܟ ܡܫܬܘܕܥܐ ܕܥܵܕܝ̈ܢ (3) ܠܢ ܘܬܠܐ ܩܠܗ ܠܘ ܡܛܠ (4) ܕܣܢܝܩܐ ܥܠ ܬܫܒܘܚܬܐ ܗܝ̇ (5) ܕܡܢܢ. ܓܘܕܐ ܕܩܕܝ̈ܫܐ ܕܝܠܟ: (6) ܫܠ̈ܝܚܐ ܘܢܒ̈ܝܐ ܘܣܗ̈ܕܐ ܘܫ̇ܪܟܐ (7) ܕܒܘܟܪ̈ܐ ܕܟܬܝܒܝܢ ܒܟܬܒܐ (8) ܕܚܝ̈ܐ ܕܝܠܟ: ܡܬܥܗܕܝܢܢ (9) ܥܠ ܕܒܚܬܐ ܗܕܐ. ܐܠܐ ܡܛܠ (10) ܥܘܕܪ̈ܢܐ ܕܝܠܢ ܕܡܢ ܨܠ̈ܘܬܗܘܢ: (11) ܐܝܟܢܐ ܕܟܕ ܩܕܡ ܬܪܡܘܣ (12) ܕܪܒܘܬܟ ܩܝ̇ܡܝܢ: ܟܕ ܡܣܩ̇ܝܢ (13) ܠܦܘܪܥܢܘܬܐ ܕܬܚܠ̈ܘܦܐ (14) ܕܝܬܝܪ ܡܫܲܡܠܝܢ ܒܦܘ̈ܠܓܐ (15) ܕܟܠ̈ܝܠܐ. ܣܬܪܐ ܕܝܠܗܘܢ (16) ܐܟܚܕܐ ܗ̇ܘܐ ܠܢ: ܢܫܬܘܸܐ (17) ܕܢܫ̇ܡܫܟ ܠܐ ܡܬܩܛܪܓܐܢܝܬ. (18) ܘܢܩܘ̣ܡ ܩܕܡ ܡܕܒܚܟ ܩܕܝܫܐ. (19) ܘܬܟܫ̈ܦܬܐ ܕܗܠܝܢ ܡܩܲܒܠ (20) ܐܢܬ ܚܠܦ ܫܝܛܝܘܬܐ ܕܝܠܢ: (21) ܘܚܠܦ ܟܠܗ ܥܡܐ ܕܝܠܟ. (22) ܪܚܡܢܫܐ ܡܪܝܐ. ܠܐ ܬܲܗܦܟ (23) ܐܦ̈ܝܟ ܡܢܢ܇ ܕܚ̣ܛܝܢܢ ܩܕܡ (62r column 2) (1) ܬܫܒܘܚܬܐ ܕܝܠܟ. ܘܠܐ ܬܣܸܛܐ (2) ܒܪܘܓܙܐ ܡܢ ܥܒ̈ܕܐ ܕܝܠܟ܆ (3) ܡܗ̣ܘܐ ܐܟ ܕܡܢ ܒܪܝܫܝܬ. ܐܠܐ (4) ܓܒܝ̣ ܬܘܒ ܐܦ ܗܫܐ ܠܝܣܪܐܝܠ܇ (5) ܘܐܢܗ̣ܪ ܦܪܨܘܦܐ ܕܚܢܢܐ ܕܝܠܟ (6) ܥܠܝܢ. ܘܥܠ ܟܠܗ̇ ܝܪܬܘܬܐ ܕܝܠܟ. (7) ܡܛܠ ܕܐܠܗܐ ܕܦܘܪܩܢܐ ܕܝܠܢ (8) ܐܝܬܝܟ ܘܦܐܸܐ ܠܟ ܫܘܒܚܐ ܘܐܝܩܪܐ (9) ܥܡ ܝܚܝܕܝܐ ܓܗܢܬܐ ܠܡܕܒܪ̈ܢܐ (10) ܚܟܝ̈ܡܐ. ܘܡܟܗ̈ܢܢܐ ܕܐܪ̈ܙܐ (11) ܐܠ̈ܗܝܐ. ܗܠܝܢ ܕܡܲܠܠܘ (12) ܒܥܕܬܐ ܕܝܠܟ ܩܕܝܫܬܐ. ܬܫܒܘܚܬܐ (13) ܕܪܒܘܬ ܦܐܝܘܬܐ ܕܡܠܟܘܬܟ: (14) ܘܥܠ ܫܬܐܣܬܐ ܕܗܝܡܢܘܬܐ: (15) ܒܢܘ̣ ܠܝܕܥܬܐ ܕܟܠܗ̇ ܫܦܝܪܘܬ (16) ܕܚܠܬܐ. ܘܕܡܲܠܦܢܘܬܐ ܚܠܝ̣ܡܬܐ (17) ܘܬܠܐ ܩܠܗ ܩܲܒܠ ܡܪܝܐ (18) ܬܘܒ ܘܐܦ ܗܫܐ ܘܠ̈ܨܠܘܬܐ (19) ܚܦ̈ܝܛܬܐ ܕܪ̈ܝܫܝܟܗ̈ܢܝܟ܇ (20) ܕܚܠܦ ܥܡܐ ܕܝܠܟ܇ (21) ܘܟܕ ܡܢ ܡܠܦܢܘܬܐ ܠܐ (22) ܡܪܝ̣ܦܬܐ ܡ̇ܠܐ ܐܢܬ (62v column 1) (1) ܠܥܢܐ ܕܝܠܟ܆ ܠܐ ܡܬ̇ܬܚܕܢܝܬܐ (2) ܐܩܝܡܸܗ̇: ܠܘܬ ܟܡ̈ܐ̣ܢܐ: (3) ܘܡܨܝܕ̈ܬܐ ܐܪ̈ܛܝ̇ܩܬܐ. ܘܠܐ (4) ܬܬܚܲܝܠ ܥܠܝܗ̇ ܛܥ̇ܝܘܬܐ (5) ܣܓܝܐ̣ܬ݀ ܦܘ̣ܪ̈ܣܐ ܕܕܘ̈ܓܡܲܐܛܘ (6) ܗܠܝܢ ܡܣ̈ܠܝܐ. ܡܛܠ ܕܐܠܗܐ (7) ܕܨ̇ܒܐ ܒܪ̈ܚܡܐ ܐܝܬܝܟ: ܘܠܟ ܦܐܸܐ (8) ܫܘܒܚܐ ܓܗܢܬܐ ܐܬܕܟܪ ܡܪܝܐ (9) ܠܩܫ̈ܝܫܐ. ܠܡܫ̈ܡܫܢܐ ܠܐܦܘ̈ܕܝܩܢܐ (10) ܠܩܪ̈ܘܝܐ. ܠܡܙܡܪ̈ܢܐ ܠܡܘ̈ܡܝܢܐ (11) ܠܡܦܫ̈ܩܢܐ. ܠܡܚ̈ܡܣܢܢܐ: (12) ܠܥܢܘ̈ܝܐ. ܠܐܪ̈ܡܠܬܐ ܠܝܬܡ̈ܐ. (13) ܠ̈ܥܠܡܝܐ ܗ̇ܢܘܢ ܕܒܫܘܬܦܘܬܐ (14) ܟܢܝ̣ܟܬܐ ܡܛܟ̣ܣܝܢ. ܘܠܟܠܗܘܢ (15) ܐܝܠܝܢ ܕܒܡܫܝܚܐ ܩܲܕܡܘ (16) ܫܟܒ̣ܘ ܘܬܠܐ ܩܠܗ ܠܘܬܟ (17) ܟܠܒܣܪܢܐܬ̣ܐ ܪܚܡ̇ܢܫܐ (18) ܡܪܝܐ.. ܗܘ̇ ܕܡܚܲܕܬ ܐܢܬ (19) ܠܦܪܨ̇ܘܦܗ̇ ܕܐܪܥܐ. (20) ܕܡܢܗ̇ ܘܗܝ̇ ܕܢܗܘ̣ܐ ܐܝܬܘܗܝ (21) ܡ̣ܛܬ݀ . ܐܢܬ ܗܟܝܠ ܗܘ̇ ܕܝ̇ܕܥ (22) ܐܢܬ ܥܒ̇ܕܐ ܕܐܝ̈ܕܝܟ. ܟܕ (23) ܡܬܥܗܸܕ ܐܢܬ ܕܥܦܪܐ (62v column 2) (1) ܐܝܬܝܢ: ܘܟܝ̇ܢܐ ܕܠܥ̣ܠ ܠܫܘܪ̈ܥܬܐ: (2) ܠܐ ܬܥܘ̣ܠ ܠܕܝܢܐ ܥܡܢ. ܘܠܐ (3) ܠܗ̇ܘ ܕܛܥ̣ܐ ܥܡ ܗܘ̇ ܕܐܛܥܝ̣ (4) ܐܟܚܕܐ ܬܚܲܝܒ. ܠܝܬ ܓܝܪ (5) ܐܢܫ ܡܢ ܗܠܝܢ ܕܥܠ ܐܪܥܐ. (6) ܕܡܫܬܒܗܪ ܕܢܛܪ ܠܒܐ (7) ܕܝܠܗ ܠܐ ܡܛܘܫܐ: ܘܕܛܦ̣ (8) ܡܫ̇ܡܠܝܐܝܬ ܠܥܠ ܡܢ (9) ܛܘܒ̇ܥ̣ܐ ܕܚܛܝ̣ܬܐ: ܐܠܐ ܐܢ ܒܠܚ̣ܘܕܘܗܝ: (10) ܡܪܢ ܘܐܠܗܢ ܝܫܘܥܡܫܝܚܐ: (11) ܝܚܝܕܝܐ ܒܪܐ ܕܝܠܟ. ܕܒܐܝ̈ܕܘܗܝ (12) ܥܡܐ ܐܢܝ̣ܚ ܟܗܢܐ ܐܢܝ̣ܚ ܐܪܦ̣ܐ: (13) ܫܒܘ̣ܩ ܐܠܗܐ ܣܟ̈ܠܘܬܢ: (14) ܕܒܨܒܝܢܐ ܘܕܠܐ ܒܨܒܝܢܐ. ܒܝܕܥܬܐ: (15) ܘܕܠܐ ܒܝܕܥܬܐ. ܕܒܡܲܡܠܐ: (16) ܕܒܥܒ̈ܕܐ. ܕܒܡܚܫ̈ܒܬܐ. (17) ܕܟܣ̣̈ܝܢ. ܕܓܠܝ̈ܢ ܠܕܩܕ̈ܝ̣ܡܢ (18) ܝܕ̈ܥ̣ܢ. ܠܕܛܥ̈ܝܢ. ܗܠܝܢ (19) ܕܝ̇ܕܥ ܫܡܐ ܕܝܠܟ ܩܕܝܫܐ. (20) ܠܢ ܕܝܢ ܕܥܕܟܝܠ ܒܥܠܡܐ (21) ܗܢܐ ܐܝ̇ܬܝܢ: ܘܠܐ ܕܝܢ ܠܪܗ̣ܛܐ (22) ܫ̇ܡܠ̣ܝܢܢ ܕܐܣܛܕܝܘܢ ܕܬܢܢ. (23) ܐܟ ܢܓܝܪ ܪܘܚܐ ܡܪܝܐ.. ܟܕ (63r column 1) (1) ܒܛܠܢܐ ܕܟܢ̈ܦܐ ܕܝܠܟ ܡܣܲܬܪ (2) ܐܢܬ ܠܢ: ܡܢ ܟܠ ܡܥ̇ܒܕܢܘܬܐ (3) ܕܚܲܝܠܐ ܣ̇ܩܘܒ̣ܠܝܐ: ܟܠܫܘܠܡܐ (4) ܛܒ̇ܐ ܘܟܪܝܣܛܝܢܝܐ ܡ̇ܫܘܐ (5) ܐܢܬ: ܕܫܘܒܩܢܐ ܕܗܠܝܢ ܕܡܣ̈ܟܠܢ (6) ܠܢ. ܐܢܬ ܠܗ. ܠܘܬ ܠܡ̣ܐܢܐ (7) ܡܫ̇ܝܢܐ ܕܢܝܚ̇ܬܐ ܕܝܠܟ ܕܢܡ̇ܢܥ (8) ܐܫܘܐ. ܐܝܟܢܐ ܕܐܦ ܒܗܕܐ (9) ܟܗܢܐ ܫܠܡܐ ܥܡܐ ܐܝܟܢܐ ܟܗܢܐ (10) ܢܗܘܘܢ ܡܫܡ ܟܪܘܙܘܬܐ ܟܗܢܐ ܩ̇ܨܐ (11) ܘܪܫ̇ܡ
(11) ܨܠܘܬܐ ܕܐܒܘܢ ܩܕܝܫܐ ܕܩܕܝ̈ܫܐ: (12) ܗܘ̇ ܕܒܩܕܝ̈ܫܐ ܡܬܬܢܝ̣ܚ. (13) ܘܡܫ̇ܡܠܐ ܕܓ̇ܡܪ ܠܩܕܝܫ̈ܐ: (14) ܗܘ̇ ܕܩ̣ܪܝܬ ܠܟܠܢ ܒܩܪܝܬܐ (15) ܩܕܝܫܬܐ ܠܘܬ ܢܘܗܪܐ ܬܡ̣ܝܗܐ (16) ܕܝܕܥܬܐ ܕܝܠܟ. ܗ̇ܘ ܕܛܝܒܘܬܐ (17) ܕܣܝ̣ܡܬ݀ ܒܢܝ̈ܐ ܠܘ ܡܢ (18) ܥܒ̈ܕܐ ܕܝܠܢ: ܐܠܐ ܒܝܕ ܗܝܡܢܘܬܐ (19) ܐܬܬܓ̣ܪܬ ܠܢ: ܐܫܘܐ ܠܢ (20) ܕܒܠܒܐ ܕܟܝܐ ܘܒܬܐܪܬܐ (21) ܦܐܪܪܝܣܝܝܬܐ. ܘܒܣܦ̈ܘܬܐ (22) ܕܠܐ ܢ̇ܦܠ̈ܢ܆ ܢܩ̣ܪܸܟ ܐܒܐ ܐܒܘܢ. (23) ܘܠܣܪܝܩܘܬ ܦܲܩܩܘܬ (63r column 2) (1) ܡܠܬܐ ܚܢܦܝܬܐ ܘܝܘܕܝܬܐ (2) ܟܕ ܫ̇ܕܝܢܢ܆ ܒܩܠܐ ܡ̇ܟ̣ܝܟܐ: (3) ܘܕܦܸܐܐ ܠܟܪ̈ܝܣܛܝܢܐ: ܢܫ̣ܟܚ (4) ܕܢܣ̇ܩ ܠܟ ܬܟܫܦܬܐ (5) ܕܨܠܘܬܐ: ܐܟ ܣܝ̇ܘܡܘܬ (6) ܢܡܘܣܐ ܕܝܚܝܕܝܐ ܒܪܟ. (7) ܘܒܩܕܝܫܘܬܐ ܕܢܦܫܐ ܡܢ ܦܓܪܐ: (8) ܥܡ ܫܦܝ̣ܪܘܬ ܨܒܝܢܐ. (9) ܕܦܲܐܝܐ ܠ̈ܒܢܝܐ: ܘܦܐܪܪܝܣܝܐ (10) ܘܚܘܒܐ. ܠܟ ܠܐ ܒ̣ܪܝܐ ܘܠܐ (11) ܝܠܝ̣ܕܐ. ܘܕܠܐ ܛܘ̣ܠܫܐ ܢܡܲܪܚ (12) ܕܢܩ̣ܪܟ ܐܒܐ ܫܡܝܢܐ ܘܢܨܠܐ (13) ܘܢܐܡ̣ܪ ܟܗܢܐ ܐܒܘܢ ܥܡܐ (14) ܢܬܩܕܫ ܟܗܢܐ ܐܝܢ ܐܒܐ ܪܚ̇ܡ (15) ܒܢܝ̈ܐ. ܠܐ ܬܐܥܸܠ ܠܢ ܠܢܣܝܘܢܐ (16) ܕܢܦܫܐ ܘܕܦܓܪܐ: ܘܠܐ (17) ܬܫܬܠܛ ܥܠܝܢ ܠܐ ܢܡ̇ܘܣܝܘܬܐ: (18) ܐܠܐ ܦܲܨܐ ܠܢ ܡܢ ܥܒ̈ܕܐ (19) ܒܝ̈ܫܐ. ܘܡܢ ܡ̈ܚܫܒܬܐ (20) ܠܐ ܦ̈ܐܝܬܐ: ܘܠܡܢܣܝܢܐ (21) ܡܢܢ ܪܕܘܦ̣. ܟ̣ܐܝ ܕܝܢ (22) ܐܦ ܒܙܘ̈ܥܐ ܕܡܢܢ (23) ܘܒܢ: ܒܡܫܝܚܐ ܕܝܠܟ (63v column 1) (1) ܕܥܡܗ ܡܒܪܟܐ ܐܝܬܝܟ ܥܡ (2) ܪܘܚܐ ܕܝܠܟ ܟܗܢܐ ܫܠܡܐ (3) ܡܫ̄ܡ ܪܝܫܝܢ ܢܪܟܢ
(3) ܟܗܢܐ ܥܡ (4) ܨܘܪ̈ܐ ܕܦܓܪ̈ܐ ܐܦ ܗܘ̈ܢܐ ܕܝܠܢ. (5) ܡܲܪܟܢܝܢܢ: ܟܕ ܠܡ̇ܪܘܬܐ ܕܝܠܟ: (6) ܥܒܕܘܬܢ ܡܚ̇ܘܝܢܢ. ܗ̇ܝ (7) ܕܦ̇ܩܚܐ ܠܟܠܚܕ ܒܥ̇ܝܢܢ. (8) ܐܢܬ ܗܟܝܠ ܛܒܐ ܘܪܚܡܢܫܐ (9) ܡܪܝܐ.. ܡܢ ܚܫ̈ܐ ܕܡܲܠܙܝܢ (10) ܚ̇ܪܪ ܠܢ: ܘܠܟܠ ܩܘ̈ܡܐ (11) ܪܚ̈ܡܝ ܚܛܝ̣ܬܐ: ܦ̈ܠܓܘܬܐ: (12) ܩܪ̈ܒܐ: ܬܪ̈ܥܝ̣ܬܐ ܕܡ̈ܠܐ (13) ܐܪ̈ܛܝܩܝܬܐ܇ ܡܢ ܟܠܗ (14) ܕܘܒܪܐ ܕܝܠܢ ܠܚܝ. (15) ܘܒܡܣ̇ܝܒܪܢܘܬܐ ܕܨܒܝܢܐ (16) ܕܝܠܟ ܒܲܝܐܐ. ܗܒܠܢ ܕܝܢ (17) ܐܦ ܗܫܐ ܡܪܝܐ. ܚܝܠܐ (18) ܕܚܟܡܬܐ ܘܐܝ̇ܠܐ ܕܣܘܟܠܐ: (19) ܐܝܟܢܐ ܕܟܕ ܠܥܠ ܒܗܘ̈ܢܝܢ (20) ܡܬܬܣܝܡܝܢܢ܆ ܢܩ̇ܒܠ (21) ܫܘܟܢܐ ܠܫܘܒܩܢܐ ܕܚ̈ܛܗܐ (22) ܕܝܠܢ. ܠܫܘܒܚܐ ܕܫܡܐ (23) ܕܝܠܟ. ܘܕܝܚܝܕܝܐ ܒܪܐ ܕܝܠܟ (63v column 2) (1) ܟܗܢܐ ܫܠܡܐ ܥܡܐ ܘܠܪܘܚܐ ܟܗܢܐ (2) ܬܗܘܐ ܛܝܒܘܬܐ ܡܫ̄ܡ ܒܕܚܠܬܐ ܟܗܢܐ (3) ܡܫܬܘܬܦ ܘܡܫܘܬܦ
(3) ܟܗܢܐ (4) ܡܘܕܝܢܢ ܠܟ ܡܪܝܐ: ܕܐܫܘܝ̣ܬ (5) ܠܢ ܠܡܫܬܘܬܦܘ ܒܡܐܟܘ̣ܠܬܐ (6) ܗܕܐ ܩܕܝܫܬܐ: ܠܩܕܝܫܘܬܟ. (7) ܗܒܠܢ ܕܝܢ ܡܪܝܐ ܐܡܝܢܐܝܬ: (8) ܠܡ̣ܐܟܠ ܡܐܟܘܠܬܐ. ܗ̇ܝ (9) ܕܡܟܬܪܐ ܒܚܝ̈ܐ ܕܠܥܠܡ. (10) ܐܝܟܢܐ ܕܟܕ ܟܠܢ ܘܒܟܠܙܒܢ: (11) ܢܣܸܒ ܒܬܐܪܬܐ ܕܟܝ̣ܬܐ. (12) ܒܫܦܝܘ̣ܬܐ ܕܠܒܐ ܘܒܗܝܡܢܘܬܐ (13) ܕܠܐ ܡܲܐܣܒ ܒܐܦ̈ܐ. ܠܫܪܝܐ (14) ܕܫܘܪ̈ܥܬܐ. ܠܫܘܒܩܢܐ (15) ܕܡܬܥ̇ܒܪ̈ܢܘܬܐ܆ ܠܕܘܟܝ̣ܐ (16) ܕܠܐ ܢܡܘ̈ܣܘܝܬܐ. ܠܙܘܕ̈ܐ (17) ܕܚܝ̈ܐ ܕܠܥܠܡ. ܒܡܫܝܚܐ (18) ܝܫܘܥ ܡܪܢ. ܕܒܐܝܕ̈ܘܗܝ ܥܡܗ (19) ܟܗܢܐ ܫܠܡܐ ܡܫ̄ܡ ܡܢ ܒܬܪ
(19) ܟܗܢܐ (20) ܠܟ ܡܪܝܐ ܐܓܥܠܢܢ ܠܚܝ̈ܥܢ: ܛܪ (21) ܠܢ ܒܟܠܕܘܟ ܘܒܟܠ ܙܒܢ: (22) ܘܠܬܘ̇ܬܐ ܕܗܘ̇ܝܐ ܒܢ: ܒܝܕ ܨܠܘܬܐ (23) ܘܚܝ̈ܐ ܬܪ̈ܝ̣ܨܐ. ܠܐ ܡܬܚ̈ܠ̣ܨܢܐ: ܘܠܐ (64r column 1) (1) ܡܬܢܟ̈ܝܢ̣ܐ ܫ̇ܟܢ ܠܢ. ܐܝܟܢܐ (2) ܕܒܟܠܙܒܢܐ ܘܒܟܠ ܕܘܟܐ (3) ܠܘܬܟ ܚ̇ܝܪܝܢܢ: ܘܗܠܝܢ ܕܠܟ (4) ܫ̇ܦܪ̈ܢ. ܘܠܟ ܪ̈ܚܝ̣ܡܢ ܣ̇ܥܪܝܢܢ܆ (5) ܠܐ ܢܒ̣ܗܬ ܒܝܘܡܐ ܕܕܝܢ̣ܟ: (6) ܟܕ ܡ̈ܠܐܟܐ ܩܝ̇ܡܝܢ: ܘܝܚܝܕܝܐ (7) ܒܪܐ ܕܝܠܟ ܕܐܢ̇. ܕܥ̇ܡܗ ܠܟ (8) ܦܐܐ ܫܘܒܚܐ ܘܐܝܩܪܐ ܥܡ ܪܘܚܐ ܩܕܝܫܐ (9) ܫܠܡ ܩܘܪܒܐ ܕܐܬܐܢܐܣܝܘܣ
